Adhyaya 17

Couplet 1

ଯେ ଦିଗେ ଅନନ୍ତ ଈଶ୍ୱରସେଠାରୁ ହୋଇଲେ ଅନ୍ତର

Couplet 2

ଚିତ୍ରକେତୁ ଯେ ବିଦ୍ୟାଧରସେ ଦିଗେ କରି ନମସ୍କାର

Couplet 3

ତକ୍ଷଣେ ହରଷ ହୋଇଲାଗଗନମାର୍ଗେ ଚଳିଗଲା

Couplet 4

ଲକ୍ଷେବରଷ ଅବ୍ୟାହତବଳ-ଇନ୍ଦ୍ରିୟେ ହୋଇଯୁତ

Couplet 5

ସିଦ୍ଧ ଚାରଣ ମୁନିଯେତେସ୍ତୁତି କରନ୍ତି ଅବିରତେ

Couplet 6

ମହାଯୋଗୀ ସେ ସିଦ୍ଧେଶ୍ୱରରହେ କୁଳାଚଳ ଦ୍ରୋଣିର

Couplet 7

ଆନନ୍ଦେ ବିଦ୍ୟାଧରୀ ସଙ୍ଗେକ୍ରୀଡା କରଇ ନାନାରଙ୍ଗେ

Couplet 8

ପରମଈଶ୍ୱରର ନାମକରାଇ କରଇ ଗାୟନ

Couplet 9

ସେ ପୁଣି ଅକାରଣେ କରିଐଶ୍ୱର୍ଯ୍ୟବଳେ ଗର୍ବକରି

Couplet 10

ପୂର୍ବର କର୍ମେଣ ତାହାରଦୁର୍ଗାଶାପେ ହେଲା ଅସୁର

Couplet 11

ତାହା କହିବା ଶୁଣ ନୃପଯେମନ୍ତେ ପାଇଲା ସେ ଶାପ

Couplet 12

ଏକ ସମୟେ ସେ ରାଜନଆରୋହୀ ଅମୂଲ୍ୟବିମାନ

Couplet 13

ତେଜେ ଗଞ୍ଜଇ ଦିନକରବିଷ୍ଣୁ ଦେଇଛି ତାକୁ ବର

Couplet 14

ଗିରିଶ ଦେଖିବାର ପାଇଁଗଲା ସେ ସିଦ୍ଧଗଣ ଲଇଁ

Couplet 15

ମୁନିଏ ଅଛନ୍ତି ପାଶରେଦୁର୍ଗାଙ୍କୁ ବସାଇ କୋଳରେ

Couplet 16

ବାହୁରେ କରି ଆଲିଙ୍ଗନବସି ଅଛନ୍ତି ତ୍ରିଲୋଚନ

Couplet 17

ତାହାଙ୍କ ନିକଟରେ ଯାଇଉଚ୍ଚେ ହସିଣ ସେ ବୋଲଇ

Couplet 18

ଧର୍ମବକତା ଲୋକଙ୍କରଜଗତଗୁରୁ ଏ ଶଙ୍କର

Couplet 19

ସଭାର ମଧ୍ୟେ ସ୍ତିରୀସଙ୍ଗେମୈଥୁନଭାବେ ନାନାରଙ୍ଗେ

Couplet 20

ଶିରରେ ବହି ଜଟାଭାରକେ କହୁ ତପ ଏହାଙ୍କର

Couplet 21

ଜଗତସ୍ୱାମୀ ବ୍ରହ୍ମବାଦୀଅଷ୍ଟ ଐଶ୍ୱର୍ଯ୍ୟ ଯାର ସିଦ୍ଧି

Couplet 22

ଅଛନ୍ତି ପତ୍ନୀ ଅଙ୍କେ ଲଇଁନିର୍ଲ୍ଲଜଲୋକ ପ୍ରାୟ ହୋଇ

Couplet 23

ଏକାନ୍ତେ ପ୍ରାକୃତସ୍ୱଭାବେରହନ୍ତି ସ୍ତିରୀବଶ ଭାବେ

Couplet 24

ଏ ଯେ ସ୍ୱଭାବେ ଦେବବରଏହାଙ୍କୁ ବୋଲି ବ୍ରତଧର

Couplet 25

ସଭାରେ ମଧ୍ୟେ ସ୍ତିରୀ ଘେନିଅଛନ୍ତି ଯେହ୍ନେ ନୀଚଯୋନି

Couplet 26

ଏ ରୂପେ ଚିତ୍ରକେତୁଙ୍କରଶୁଣିଣ ଉପହାସ-ଗିର

Couplet 27

ଅଖିଳ ବ୍ରହ୍ମାଣ୍ଡ-ଠାକୁରଜାଣନ୍ତି ସକଳ ଅନ୍ତର

Couplet 28

ଈଶ୍ୱର ତୂଷ୍ଣୀଭୂତ ହୋଇରହିଲେ କିଛିହିଁ ନ କହି

Couplet 29

ଅଗାଧବୁଦ୍ଧି ହେ ରାଜନହସିଣ ହୋଇଲେ ମଉନ

Couplet 30

ଜାଣେ ସେ ଜିତେନ୍ଦ୍ରିୟ ମୁହିଁସମୃଦ୍ଧିଲାଭେ ଗର୍ବ ବହି

Couplet 31

ବଡିମାପଣେ ବାରମ୍ବାରନିନ୍ଦିଲା ଶିବଙ୍କୁ ଅପାର

Couplet 32

ଈଶ୍ୱର ମହିମା ନ ଜାଣିଯେତେ ବୋଇଲା ପରିମାଣି

Couplet 33

ସେଠାରେ ଯେତେ ଦେବେଥିଲେସେ ସର୍ବେ ଶୁଣି ତୁନି ହେଲେ

Couplet 34

ଚିତ୍ରକେତୁର ଏହି ରୀତିସହି ନ ପାରି ଭଗବତୀ

Couplet 35

ପାଞ୍ଚିଲେ ଦୁଷ୍ଟ ପାମରରଗର୍ବ ହୋଇଛି ଗୁରୁତର

Couplet 36

ଯୋଗ୍ୟ ନୁହଁଇ ଏ ପାମରଗନ୍ଧର୍ବରାଜନ ପଦର

Couplet 37

ବ୍ରହ୍ମା ନାରଦ ଭୃଗୁଋଷିସେବନ୍ତି ଯାର ପାଦେ ଆସି

Couplet 38

ତାହାଙ୍କୁ କରେ ଅପମାନଏଣୁ ଏ ଦଣ୍ଡକୁ ଭାଜନ

Couplet 39

ଜିତଇନ୍ଦ୍ରିୟ ଅଭିମାନୀତାହାକୁ ବୋଲନ୍ତି ଭବାନୀ

Couplet 40

ମନରେ ଦଣ୍ଡ ଅବଧାରୀବୋଇଲେ ସମ୍ବୋଧନ କରି

Couplet 41

ଶୁଣିମା ଜଗତ ଗୋସାଇଁଏ ନୂଆ ଦଣ୍ଡଧର ହୋଇ

Couplet 42

ଆମ୍ଭର ପରା ଦୁଷ୍ଟଜନନିର୍ଲ୍ଲଜ ଅଛନ୍ତି ଯେ ପୁଣ

Couplet 43

ତାହାଙ୍କ ଶାସନର ପାଇଁଏଠାକୁ ଏବେ ଆସିଛଇଁ

Couplet 44

ଯେ ପଦ୍ମଯୋନି ଆଦିଛନ୍ତିଏମାନେ ଧର୍ମ ନ ଜାଣନ୍ତି

Couplet 45

ବ୍ରହ୍ମାର ପୁତ୍ର ଛନ୍ତି ଯେତେଭୃଗୁ-ନାରଦର ସହିତେ

Couplet 46

କୁମାର-କପିଳାଦି ଯେହିଧର୍ମକୁ ନ ଜାଣନ୍ତି କେହି

Couplet 47

ମୋର ନିକଟେ ନିତ୍ୟେ ଥାନ୍ତିକେହିତ ନିନ୍ଦା ନ କରନ୍ତି

Couplet 48

ନିତ୍ୟେ ଭଜନ ଏହାଙ୍କରପାଦ-ପଙ୍କଜ ହୃଦେ ଯାର

Couplet 49

ଜଗତଗୁରୁ ଯା ମହିମାସକଳ-ମଙ୍ଗଳର ସୀମା

Couplet 50

ଯେଣୁ ନିନ୍ଦିଲା ଏ ଈଶ୍ୱରଦଣ୍ଡକୁ ଯୋଗ୍ୟ ଏ ପାମର

Couplet 51

ଯୋଗ୍ୟ ନୁହଇ ଏ ପାମରବୈକୁଣ୍ଠ-ପଦ ଆଶ୍ରୟର

Couplet 52

ସ୍ଥିରମତି ଯେ ସାଧୁଜନଯେ ପାଦ କରନ୍ତି ସେବନ

Couplet 53

ଏହି କାରଣେ ଦୁଷ୍ଟମତିଯାଅ ତୁ ଏଥେ ନାହିଁ ସ୍ଥିତି

Couplet 54

ପାପିଷ୍ଠ ଅସୁର ଯୋନିରେଜନ୍ମ ତୁ ଲଭ ତମ ଘୋରେ

Couplet 55

ଶାପକୁ ପାଇଣ ରାଜନବିମାନୁଁ ଓହ୍ଲାଇ ତକ୍ଷଣ

Couplet 56

ନତମସ୍ତକେ ସିଦ୍ଧପତିପ୍ରସନ୍ନ କରାଇଲା ସତୀ

Couplet 57

ଭୋ ମାତ ଶୁଣ ମୋ ବଚନଶାପ ମୁଁ ଘେନିଲି ଶିରେଣ

Couplet 58

ହେ ଦେବି ! ଅସୁର-ଯୋନିରେଜନ୍ମ ଯେ ବିହିଲ ମୋହରେ

Couplet 59

ସେ ମୋର ପୂର୍ବ-ଅରଜନକହିବି ସାବଧାନେ ଶୁଣ

Couplet 60

ସଂସାରେ ଯେତେ ଜନ୍ତୁ ଛନ୍ତିଅଜ୍ଞାନ ମୋହରେ ବଞ୍ଚନ୍ତି

Couplet 61

ଭ୍ରମଣ କରି ଅନୁକ୍ଷଣଭୁଞ୍ଜନ୍ତି ସୁଖଦୁଃଖମାନ

Couplet 62

ଈଶ୍ୱର-ମହିମା ନ ଜାଣିଯେତେ ବୋଇଲି ପରିମାଣି

Couplet 63

ସଭାର ମଧ୍ୟେ ଦୁଷ୍ଟମତିହେବାରୁ ପାଇଲି ଦୁର୍ଗତି

Couplet 64

ଯେ ଆତ୍ମାପର ଅବା କେହିଦୁଃଖସୁଖର କର୍ତ୍ତା ନୋହି

Couplet 65

ଯେ ଅଜ୍ଞପ୍ରାଣୀମାନେଛନ୍ତିଏହାଙ୍କୁ କର୍ତ୍ତା ବୋଲୁଥାନ୍ତି

Couplet 66

ଗୁଣର ପ୍ରବାହଟି ଏହିଶାପ ବା ଅନୁଗ୍ରହ କାହିଁ

Couplet 67

କି ଅବା ସ୍ୱର୍ଗ କି ନରକକି ଅବା ସୁଖ କିବା ଦୁଃଖ

Couplet 68

ଏକଇ ପ୍ରଭୁ ଆଦିମୂଳମାୟାରେ ସୃଜଇ ସକଳ

Couplet 69

ଏହାଙ୍କ ବଦ୍ଧ-ମୋକ୍ଷ ଦୁଇଦୁଃଖସୁଖକୁ ଦେଇଥାଇ

Couplet 70

ଏକଇ ପୁରୁଷ ମୁରାରିନାହିଁ ତାହାର ମିତ୍ର-ଅରି

Couplet 71

ଜ୍ଞାତିବାନ୍ଧବ ନିଜ ପରପ୍ରିୟ-ଅପ୍ରିୟ ନାହିଁ ଯାର

Couplet 72

ସର୍ବଭୂତରେ ସମ ସେହିରାଗ-ଦ୍ୱେଷାଦି ତାର ନାହିଁ

Couplet 73

ତାହାର କ୍ରୀଡାରେ ଜଗତହେଉଅଛନ୍ତି ଆତଯାତ

Couplet 74

ଏହାର ବଦ୍ଧ-ମୋକ୍ଷ-ସୁଖହିତ-ଅହିତ ଅବା ଦୁଃଖ

Couplet 75

ଏହାଙ୍କ ଜନ୍ମ ଅବା ମୃତ୍ୟୁହୁଅଇ ତାର ଶକ୍ତି ହେତୁ

Couplet 76

ହେ ମାତ ହୋଇ ସାବଧାନଶୁଣିମା ମୋହର ବଚନ

Couplet 77

ଶାପରୁ ମୋକ୍ଷ ହେବା ପାଇଁତୁମ୍ଭଙ୍କୁ କିଛି ନ ମାଗଇ

Couplet 78

ସଭାରେ ମୁଁ ମନ୍ଦବଚନେତୁମ୍ଭଙ୍କୁ ବୋଇଲି ଅଜ୍ଞାନେ

Couplet 79

ସାଧୁନିନ୍ଦନ ମୋର ବାଣୀକ୍ଷମା କରିବା ହେ ଭବାନି

Couplet 80

ପ୍ରସନ୍ନ କରି ଶିବ-ସତୀସେ ଚିତ୍ରକେତୁ ନରପତି

Couplet 81

ଆପଣା ବିମାନେ ବସିଲାନିଜ ମନ୍ଦିରେ ବିଜେକଲା

Couplet 82

ଏ ଅନନ୍ତରେ ସେ ଈଶ୍ୱରଦୁର୍ଗାଙ୍କୁ କହନ୍ତି ଏ ଗିର

Couplet 83

ଋଷି ଦଇତ୍ୟ ସିଦ୍ଧଗଣଶୁଣୁଅଛନ୍ତି ସେ ବଚନ

Couplet 84

ଅଦ୍ଭୁତକର୍ମା ଯେ ଈଶ୍ୱରପ୍ରଭାବ ଦେଖ ତା ଭୃତ୍ୟର

Couplet 85

ନିସ୍ପୃହ-ମହାତ୍ମା ସେମାନେସୁଶ୍ରୋଣି ! ଦେଖ ବିଦ୍ୟମାନେ

Couplet 86

ବିଷ୍ଣୁଭକତ ଯେତେ ଜନେଭୟ ତାହାଙ୍କ ନାହିଁ ମନେ

Couplet 87

ସ୍ୱର୍ଗ ବା ମୋକ୍ଷ ବା ନରକସମାନ ଦେଖନ୍ତି ସେ ଲୋକ

Couplet 88

ଦେହୀର ଦେହ-ସଂଯୋଗରୁପରମ-ଈଶ୍ୱର-ଲୀଳାରୁ

Couplet 89

ଜନ୍ମ ବା ମୃତ୍ୟୁ ଅବା ସୁଖଶାପ ବା ଅନୁଗ୍ରହ -ଦୁଃଖ

Couplet 90

ପୁରୁଷ ଅବିବେକ ସେହିଏଭାବେ ଭିନ୍ନ ଯେ ଦେଖଇ

Couplet 91

ଯାହାର ବାସୁଦେବ ପ୍ରୀତିଶୁଦ୍ଧ ତାହାର ଦୃଢ଼ମତି

Couplet 92

ଜ୍ଞାନ ବୈରାଗ୍ୟ ଅଛି ଯାରପୃଥକଭାବ ନାହିଁ ତାର

Couplet 93

ମୁହିଁ ବିରଞ୍ଚି ଯେ କୁମାରନାରଦ ଆଦି ମୁନିବର

Couplet 94

ଇନ୍ଦ୍ରାଦି ଯେତେ ଦେବବରନ ଜାଣୁ ମହିମା ତାହାର

Couplet 95

ତାହାର ପ୍ରିୟ ନାହିଁ କେହିଅପ୍ରିୟଜନ କେହି ନାହିଁ

Couplet 96

ମିତ୍ର ଅଇରି ନାହିଁ ଯାରସମାନ ଦେଖେ ଆତ୍ମପର

Couplet 97

ସକଳ ପ୍ରାଣୀଙ୍କର ପ୍ରିୟଯେଣୁ ସେ ସର୍ବଭୂତମୟ

Couplet 98

ଏ ଚିତ୍ରକେତୁ ମହାଭାଗତାଠାରେ ବିଷ୍ଣୁ ଅନୁରାଗ

Couplet 99

ସର୍ବତ୍ର ସମଦୃଷ୍ଟି ଏହିଅଚ୍ୟୁତ ପ୍ରିୟ ଯେହ୍ନେ ମୁହିଁ

Couplet 100

ମହାତ୍ମାପୁରୁଷ ଯେ ସେହିଏଣୁ ବିସ୍ମୟ ତାର ତହିଁ

Couplet 101

ନକର ସ୍ଥିରକର ମନବିଷ୍ଣୁଭକତ ଏହୁଜନ

Couplet 102

ସମଦରଶୀ ଶାନ୍ତ ସେହିବିସ୍ମୟ ଏଥି ଅଛି କାହିଁ

Couplet 103

ଶିବଙ୍କ ଭାଗବତ ବାଣୀହରଷେ ଶୁଣିଣ ଭବାନୀ

Couplet 104

ହେ ନୃପ ସ୍ଥିରକଲେ ମନବିସ୍ମୟ ଛାଡିଲେ ବହନ

Couplet 105

ସେ ଚିତ୍ରକେତୁ ଏ ପ୍ରକାରେଦେବୀର ଶାପ ଘେନିଶିରେ

Couplet 106

ତାହାର ଏ ସାଧୁ ଲକ୍ଷଣଯେଣୁ କଲା ଶାପ ଗ୍ରହଣ

Couplet 107

ତ୍ୱଷ୍ଟାର ଦକ୍ଷିଣ-ଅଗ୍ନିରେଜନ୍ମିଲା ଦାନବୀ-ଉଦରେ

Couplet 108

ବୃତ୍ର ହୋଇଲା ତାର ନାମଜ୍ଞାନବିଜ୍ଞାନରେ ସମ୍ପନ୍ନ

Couplet 109

ସକଳ ତୁମ୍ଭଙ୍କୁ କହିଲୁଆମ୍ଭଙ୍କୁ ଯେତେ ପ୍ରଶ୍ନ କଲୁ

Couplet 110

ଗୋବିନ୍ଦେ ମତି ବୃତ୍ରାସୁରଜନ୍ମର କାରଣ ତାହାର

Couplet 111

ଏ ଇତିହାସ ପୁଣ୍ୟସାରମହାତ୍ମା ଏ ଚିତ୍ରକେତୁର

Couplet 112

ବିଷ୍ଣୁଭକତ ପ୍ରାଣୀ ଯେହିତାହାଙ୍କ ଗୁଣ ଯେ ଶୁଣଇ

Couplet 113

ସକଳବନ୍ଧୁ ମୁକ୍ତ ହୋଇବୈକୁଣ୍ଠପଦକୁ ଲଭଇ

Couplet 114

ଏ ଇତିହାସ ଯେ ପ୍ରଭାତେଶୁଣାଇ ଶୁଣି ସ୍ଥିରଚିତ୍ତେ

Couplet 115

ହରି ସ୍ମରଣକୁ କରଇପରମଗତିକି ଲଭଇ

Couplet 116

ନିରତେ ଭଜେ କୃଷ୍ଣପାଦହରଇ ବିଷୟା-ବିଷାଦ

Couplet 117

ଭକ୍ତନୁଗ୍ରହ-ଭାବ ଏହିତାରନ୍ତି ପ୍ରଭୁ ଭାବଗ୍ରାହୀ

Couplet 118

ଏ ଗୀତେ ସ୍ଥିରକର ମନଫିଟିବ ମୋହଭ୍ରାନ୍ତିମାନ

Couplet 119

ଗୋବିନ୍ଦ-ପାଦପଦ୍ମେ ଚିତ୍ତନିବେଶି ଷଷ୍ଠସ୍କନ୍ଧ ଗୀତ

Couplet 120

ବୋଲଇ ଦାସ ଜଗନ୍ନାଥଚିତ୍ରକେତୁ-ରାଜା ଚରିତ