Adhyaya 16

Couplet 1

ଶୁଣ ରାଜନ ପରୀକ୍ଷିତଅଦ୍ଭୂତ ଗୋବିନ୍ଦ ଚରିତ

Couplet 2

ଚିତ୍ରକେତୁ ଶୋକେ ମଜ୍ଜିଣରହିଲା ସ୍ତମ୍ଭୀଭୂତେ ପୁଣ

Couplet 3

ନାରଦ ନାମ ନ ଜାଣିଲେତହିଁକି ଉପାୟ ରଚିଲେ

Couplet 4

ଏବେ ତୁ ଏକମନେ ଶୁଣମଲା ଯେ ନୃପତିନନ୍ଦନ

Couplet 5

ସେ ଶବପାଶେ ମୁନିଯାଇବୋଲନ୍ତି ଜୀବ ଶୁଣ ତୁହି

Couplet 6

ଦେଖ ତୋ ଜ୍ଞାତି - ସହୋଦରପଡିଣ ଅଛନ୍ତି ଭୂମିର

Couplet 7

ହେ ଜୀବ ଦେଖ ତୋର ମାତାଶୋକେ ମୋହିତ ତୋର ପିତା

Couplet 8

ବନ୍ଧୁବାନ୍ଧବ ଯେ ତୋହରଶୋକ-ମୋହରେ ଗୁରୁତର

Couplet 9

ଆପଣା କଳେବରେ ପଶଶେଷ ତୋ ଯେତେକ ଆୟୁଷ

Couplet 10

ସୁହୃଦଗଣେ ବୃତ ହୋଇନାନାଭୋଗକୁ ଭୁଞ୍ଜ ତୁହି

Couplet 11

ନୃପଆସନେ ବିଜେ କରପିତାର ଶୋକ ମୋହ ହର

Couplet 12

କେଉଁ ଜନ୍ମରେ ଏ ମୋହରହୋଇଛନ୍ତି ମାତା ପିଅର

Couplet 13

ଦେବତା ମନୁଷ୍ୟ ପଶୁରେମୁହିଁ ଭ୍ରମଇଁ ମୋ କର୍ମରେ

Couplet 14

ଗୃହସ୍ଥ-ଗୃହଶ୍ୱାନ ଯେହ୍ନେସେ ଯେହ୍ନେ ଭ୍ରମେ ଏଣେତେଣେ

Couplet 15

ଏମନ୍ତ ପ୍ରାୟେ ଭ୍ରମ ମୋରଭ୍ରମଇଁ ଅଶେଷ-ଯୋନିର

Couplet 16

ବାନ୍ଧବ ଜ୍ଞାତି ମିତ୍ର ଅରିଉଦାସୀନ ବା ଦ୍ୱେଷକାରୀ

Couplet 17

ଏ ସର୍ବେ ପରସ୍ପରେ ଥାନ୍ତିକେବେ ବା ହୁଅନ୍ତି ନୁହଁନ୍ତି

Couplet 18

କ୍ରୟବିକ୍ରୟ ବ୍ୟବହାରେଭ୍ରମନ୍ତି ନାନାଲୋକଠାରେ

Couplet 19

ହେମାଦି ପଣ୍ୟଦ୍ରବ୍ୟ ଯେହ୍ନେଯୋନିରେ ଜୀବଟି ତେସନେ

Couplet 20

ସତ୍ୟ ଯେ ସମ୍ବନ୍ଧ ଲୋକରେଅସତ୍ୟ ହୋଇ ସେ ବେଭାରେ

Couplet 21

ସମ୍ବନ୍ଧ ଯାବତ ଯାହାରତାବତ ମମତା ତାହାର

Couplet 22

ଯାବତ ଦେହେ ଅହଙ୍କାରତାବତ ତହିଁ ଅଧିକାର

Couplet 23

ଦେହ ଛାଡିଲେ ଜୀବ ନିତ୍ୟଆଉ ଦେହରେ କାହିଁ ସତ୍ତ୍ୱ

Couplet 24

ଏ ଜୀବ ନିତ୍ୟ ଯେ ଅବ୍ୟୟସୂକ୍ଷ୍ମ-ସ୍ୱରୂପ ସର୍ବାଶ୍ରୟ

Couplet 25

ଆତ୍ମମାୟାଗୁଣରୁ କରିଆତ୍ମାର ସୃଷ୍ଟିକି ଆଚରି

Couplet 26

ଏହାର ଅତିପ୍ରିୟ କେହିଅପ୍ରିୟଜନ କେହି ନାହିଁ

Couplet 27

ଏହାର ନିଜ-ପର ନାହିଁକେବଳ ଗୁଣ-ଦୋଷ ରହି

Couplet 28

ଗୁଣ-ଦୋଷ କ୍ରିୟାର ଫଳଗ୍ରହଣ ନ କରେ ସକଳ

Couplet 29

ଉଦାସୀନର ପ୍ରାୟ ହୋଇପର-ଅପରକୁ ଦେଖଇ

Couplet 30

ଏମନ୍ତ ଏକ ସେ ଈଶ୍ୱରସଂସାର ନିର୍ମିତ ତାହାର

Couplet 31

ଏମନ୍ତ କହିଣ ବଚନଜୀବ ଚଳିଲା ହେ ରାଜନ

Couplet 32

ବିସ୍ମୟେ ତାର ବନ୍ଧୁଗଣଶୋକ ଛାଡିଲେ ତତକ୍ଷଣ

Couplet 33

ତା ତହୁଁ ଜ୍ଞାନକୁ ଶୁଣିଲେସ୍ନେହ-ଶାଙ୍କୋଳିକି ଛେଦିଲେ

Couplet 34

ଏ ଅନନ୍ତରେ ଜ୍ଞାତିଜନବେଦଉଚିତ କର୍ମମାନ

Couplet 35

ଲୋକବିଧିରେ ତାହାକଲେସମସ୍ତ ତାପକୁ ଛାଡିଲେ

Couplet 36

ଯେ ଶୋକ ମୋହ ସ୍ନେହୁଁ ହୋଇତାହା ଛାଡିଲେ ଜ୍ଞାନ ପାଇ

Couplet 37

ଚିତ୍ରକେତୁର ଯେତେ ନାରୀଲାଜ ପାଇ ମନେ ବିଚାରି

Couplet 38

ବାଳକହତ୍ୟାପାପୁଁ କରିହତ ହୋଇଲା ତାଙ୍କ ଶିରୀ

Couplet 39

ବ୍ରାହ୍ମଣେ ପୁଚ୍ଛିଲେ ଉଚିତବାଳକ-ହତ୍ୟା-ହତବ୍ରତ

Couplet 40

ଯମୁନାକୂଳକୁ ସେ ଗଲେବାଳକହତ୍ୟା-ବ୍ରତ କଲେ

Couplet 41

ବ୍ରାହ୍ମଣଆଜ୍ଞା ପରମାଣେକମେ ସେ ବେଦର ବିଧାନେ

Couplet 42

ଏମନ୍ତେ ଶୁଣ ହେ ରାଜନଚିତ୍ରକେତୁ ବିପ୍ର-ବଚନ

Couplet 43

ତକ୍ଷଣେ ଶୁଣି ଜ୍ଞାନପାଇଗୃହକପୁଁ ବାହାର ହୋଇ

Couplet 44

ଶୁଣି ଉଦୟ ହେଲା ଜ୍ଞାନମନସଂଶୟ ତା ଖଣ୍ଡନ

Couplet 45

ସରୋବର-ପଙ୍କରୁ ଯେହ୍ନେଗଜ ବାହାର ବିଦ୍ୟମାନେ

Couplet 46

ତେସନେ ରାଜା ସର୍ବଛାଡିଗୋବିନ୍ଦପାଦେ ଚିତ୍ତ ବଢି

Couplet 47

କାଳିନ୍ଦୀଜଳେ ସ୍ନାନକଲାପୁଣ୍ୟକ୍ରିୟାକୁ ଆଚରିଲା

Couplet 48

ମଉନବ୍ରତେ ମହାରାଜାମୁନିଚରଣେ କଲେ ପୂଜା

Couplet 49

ଏଥୁଅନ୍ତରେ ନୃପବରଭକତି ଦେଖିଣ ରାଜାର

Couplet 50

ନାରଦ ଅନୁଗ୍ରହ କଲେଏ ଜ୍ଞାନ ତାହାଙ୍କୁ କହିଲେ

Couplet 51

ପରମାନନ୍ଦରେ ନିବୃତ୍ତିଧ୍ୟାନେ ଗୋବିନ୍ଦେ କଲା ସ୍ତୁତି

Couplet 52

ନମସ୍ତେ ପ୍ରଭୁ ନାରାୟଣବାସୁଦେବ ସର୍ବକାରଣ

Couplet 53

ପ୍ରଦ୍ୟୁମ୍ନ ଅନିରୁଦ୍ଧ ବେନିନମସ୍ତେ ସଙ୍କର୍ଷଣ ପୁଣି

Couplet 54

ନମସ୍ତେ ଜ୍ଞାନର ଈଶ୍ୱରପରମାନନ୍ଦ-ମୂର୍ତ୍ତି ଯାର

Couplet 55

ନମସ୍ତେ ଶାନ୍ତ ଆତ୍ମାରାମଅବ୍ୟୟରୂପ ପୂର୍ଣ୍ଣକାମ

Couplet 56

ନମସ୍ତେ ବଇକୁଣ୍ଠବାସୀନମସ୍ତେ ପ୍ରଭୁ ବ୍ରହ୍ମରାଶି

Couplet 57

ସ୍ୱରୂପାନନ୍ଦ ଅନୁଭୂତିତେଣୁ ନିରସ୍ତ ଉର୍ମିଶକ୍ତି

Couplet 58

ଭୋ ହୃଷୀକେଶ ହେ ମହତନମସ୍ତେ ମର୍ତ୍ତି ହେ ଅନନ୍ତ

Couplet 59

ମନବଚନ-ଅଗୋଚରମହିମା ନାମ ରୂପ ଯାର

Couplet 60

ଚିନ୍ମୟ ଯାହାର ଶରୀରରଖନ୍ତୁ ସଦସଦପର

Couplet 61

ଚିନ୍ତାମାତ୍ରକେ ଯେଉଁ ନାମଖଣ୍ଡଇ ସର୍ବପାପମାନ

Couplet 62

ଅରୂପରେଖ ଭଗବାନସଚରାଚର ବିଶ୍ୱଧାମ

Couplet 63

ଯାହାର ତହୁଁ ଏ ଜଗତହେଉ ଅଛନ୍ତି ଆତଯାତ

Couplet 64

ମୃତ୍ତିକାଠାରୁ ନାନାପାତ୍ରଯେସନେ ହେଉଅଛି ଜାତ

Couplet 65

ସୃଷ୍ଟି ପ୍ରଳୟ ସ୍ଥିତି ଯହିଁସେ ଯୋଗେଶ୍ୱରେ ମୁଁ ନମଇଁ

Couplet 66

ବୁଦ୍ଧି ଇନ୍ଦ୍ରିୟ ଆଦି ମନଯାହାକୁ ନ ଜାଣଇ ପ୍ରାଣ

Couplet 67

ବାହ୍ୟ-ଅନ୍ତରେ ବ୍ୟାପ୍ତହୋଇଆକାଶପ୍ରାୟ ଯେ ଅଛଇ

Couplet 68

ତାହାଙ୍କୁ ମୋର ନମସ୍କାରଯେ ପ୍ରଭୁ ଜଗତଠାକୁର

Couplet 69

ଅଶେଷ-କ୍ଷେତ୍ରେ ଯା ବିହାରଅଚ୍ୟୁତ ପରମଈଶ୍ୱର

Couplet 70

ଦେହ ଇନ୍ଦ୍ରିୟ ପ୍ରାଣ ମନବୁଦ୍ଧି ଅହଙ୍କାର ଚେତନ

Couplet 71

ଯାର ଆଜ୍ଞାରେ ଏ ନିର୍ମାଣକର୍ମରେ କରନ୍ତି ଭ୍ରମଣ

Couplet 72

ଭଗବାନ ମହାପୁରୁଷଯାହାର ଭାବରେ ପ୍ରକାଶ

Couplet 73

ମହାବିଭୂତିର ଈଶ୍ୱରସକଳ-ଭକ୍ତଜନଙ୍କର

Couplet 74

କରକମଳଦଳେ କରିସେବିତ ଚରଣ ଯାହାରି

Couplet 75

ଏମନ୍ତ ପରମଈଶ୍ୱରତାହାଙ୍କୁ ମୋର ନମସ୍କାର

Couplet 76

ଭକତରାଜାଙ୍କୁ ନାରଦେଏ ବିଦ୍ୟା ଦେଲେ ଅପ୍ରମାଦେ

Couplet 77

ଅଙ୍ଗିରା ସହିତେ ରାଜନଗଲେ ସେ ବ୍ରହ୍ମାର ଭୁବନ

Couplet 78

ଚିତ୍ରକେତୁ ସେ ବିଦ୍ୟାଘେନିଯେମନ୍ତ କହିଥିଲେ ମୁନି

Couplet 79

ଧଇଲା ସପ୍ତରାତ୍ର ସେହିପବିତ୍ର ନିରାହାର ହୋଇ

Couplet 80

ସପତରାତ୍ରେ ଅପ୍ରମାଦେନାରଦବିଦ୍ୟାର ପ୍ରସାଦେ

Couplet 81

ବିଦ୍ୟାଧର-ଅଧିପପଣଲଭିଲେ ଚିତ୍ରକେତୁରାଣ

Couplet 82

ଶୁଣ ରାଜନ ଏକମନେଏ ଅନନ୍ତରେ କେତେଦିନେ

Couplet 83

ବିଦ୍ୟାରୁ କରି ଶୁଦ୍ଧମତିନିଶ୍ଚଳେ ଲଭିଲା ନୃପତି

Couplet 84

ଅନନ୍ତ ଦେବଦେବେଶ୍ୱରଗଲା ନିକଟେ ତାହାଙ୍କର

Couplet 85

ମୃଣାଳପ୍ରାୟ ଶୋଭାବନନୀଳବସନ ପରିଧାନ

Couplet 86

ଶୋଭିତ କିରୀଟ କେୟୁରମେଖଳା କଙ୍କଣ ଆବର

Couplet 87

ପ୍ରସନ୍ନ ରୁଚିର ବଦନଅରୁଣ ରାଜୀବଲୋଚନ

Couplet 88

ବେଢିଅଛନ୍ତି ସିଦ୍ଧେଶ୍ୱରଦେଖିଲା ଯାଇ ନୃପବର

Couplet 89

ତାହାଙ୍କ ଦରଶନ ପାଇସକଳପାପୁଁ ମୁକ୍ତହୋଇ

Couplet 90

ଅନ୍ତଃକରଣ ଶୁଦ୍ଧହେଲାଅଶ୍ରୁରେ ଲୋଚନ ପୂରିଲା

Couplet 91

ଭକ୍ତିରୁ ରୋମାଞ୍ଚ ହୋଇଲାଆଦିପୁରୁଷଙ୍କୁ ନମିଲା

Couplet 92

ସେ ଚିତ୍ରକେତୁ ହୃଷ୍ଟହୋଇନୟନଜଳେ ପାଦ ଧୋଇ

Couplet 93

ପ୍ରେମେ କୁଣ୍ଠିତକଣ୍ଠ ହୋଇସ୍ତୁତି କରିଣ ନ ପାରଇ

Couplet 94

ହରଷେ ପୂର୍ଣ୍ଣଇନ୍ଦ୍ରିଗଣକ୍ରମରେ କରି ନିବାରଣ

Couplet 95

ଜଗତଗୁରୁ ଗୁରୁବରଯାଦବଂଶର ଠାକୁର

Couplet 96

ତାହାଙ୍କ ପାଦେ ଦେଇମନକହଇ ମଧୁରବଚନ

Couplet 97

ତୁହି ଯେ ଅଜିତ ସ୍ୱଭାବେଭକତ ତୋତେ ଜିତେ ଭାବେ

Couplet 98

ସୁସିଦ୍ଧଆତ୍ମା -ଲୋକଙ୍କରଜିତ ତୁ ହେଉ ହେ ଈଶ୍ୱର

Couplet 99

ଯେଣୁ ତୁ ଅତିହିଁ କରୁଣତେଣୁ ତୁ ଭକ୍ତର ଅଧୀନ

Couplet 100

ନିଷ୍କାମେ ଯେଣୁ ଯେ ଭଜନ୍ତିତେଣୁ ତୋହରେ ସେ ଜିଣନ୍ତି

Couplet 101

ଯେ ତୋତେ କରଇ ଭଜନତାର କାମନା କରୁ ପୂର୍ଣ୍ଣ

Couplet 102

ଅତି ଦୟାଳୁ ରୂପଧରଜଗତ ବିଭବ ତୋହର

Couplet 103

ଅନାଦି ତୁହି ତୋର ତହିଁଉଦୟସ୍ଥିତି ଅନ୍ତ ହୋଇ

Couplet 104

ସୃଷ୍ଟିକରତା ଅଛି ଆରବୋଲଇ ଅଜ୍ଞ ଯେଉଁ ନର

Couplet 105

ପରମଅଣୁରୂପ ହେଉମହତତେଜକୁ ତୁ ବହୁ

Couplet 106

ଆଦ୍ୟନ୍ତ ଅନ୍ତରାଳେସ୍ଥିତଆଦ୍ୟନ୍ତ-ମଧ୍ୟ ତୋ ରହିତ

Couplet 107

ହେ ଦେବ ପ୍ରାଣୀମାନଙ୍କରସାକ୍ଷୀରୂପକୁ ତୁମ୍ଭେ ଧର

Couplet 108

କ୍ଷିତି ଆଦି ଯେ ପଞ୍ଚଭୂତଏଥିରେ ହୋଇଣ ନିର୍ମିତ

Couplet 109

ଯେହି ମହତ-ଅଣ୍ତକୋଷତାହାର ତୋର ତହିଁ ବାସ

Couplet 110

ବିଷୟା-ଜଡେ ମୋହିହୋଇଯେ ଜନ ବିଭୂତି ଚିନ୍ତଇ

Couplet 111

ତୋ ପଦ୍ମଚରଣ ନ ଚିନ୍ତେଗ୍ରାମର ପଶୁ ଯେ ଯୁଗତେ

Couplet 112

ଭୋ ପ୍ରଭୁ ତାହାର କଲ୍ୟାଣକେବେହେଁ ନୁହଁଇଟି ପୁଣ

Couplet 113

ଜ୍ଞାନାତ୍ମାମୟ ତୁ ଅଗୁଣସକାମେ ଯେ ତୋର ଚରଣ

Couplet 114

ପୂଜନ୍ତି ଜନ୍ମ ତାଙ୍କ ନାହିଁଭର୍ଜିତ ବୀଜ ପ୍ରାୟେ ହୋଇ

Couplet 115

ତୁମ୍ଭେ ଯେ ଭାଗବତଧର୍ମକହିଲ ପୁରୁଷଉତ୍ତମ

Couplet 116

ଅକିଞ୍ଚନ ଯେ ଆତ୍ମାରାମଏମନ୍ତ ଯେଉଁ ମୁନିଜନ

Couplet 117

ମୋକ୍ଷ ନିମନ୍ତେ ସେହି ଧର୍ମକରନ୍ତି ନିତ୍ୟ ଉପାସନ

Couplet 118

ବିଷମମତିଟି ଯାହାରଏ ଧର୍ମୁ ସେ ଜନ ବାହାର

Couplet 119

ଯେଉଁ ଧର୍ମରେ ତୁହି ମୁହିଁତୋହର ମୋର ଭେଦ ନାହିଁ

Couplet 120

କିବା କୁଶଳ ସେ ଲଭନ୍ତିସ୍ୱଦେହେ ପରେ ଯେ ପୀଡନ୍ତି

Couplet 121

ସ୍ୱଦ୍ରୋହେ ଆତ୍ମପୀଡ଼ା ପୁଣପର ପୀଡ଼ନେ ଅଧରମ

Couplet 122

ବିହିତ ଧର୍ମ ଭାଗବତନ ଛାଡେ କେବେ ପରମାର୍ଥ

Couplet 123

ସ୍ଥାବର ଚରଜୀବଙ୍କରେଅଭିନ୍ନଭାବ ଯେହୁ କରେ

Couplet 124

ସେ ନିତ୍ୟ ପାଦପଦ୍ମେ ତୋରସେବା କରଇ ନିରନ୍ତର

Couplet 125

ପାଷଣ୍ତମତ୍ତ ଯେଉଁନରଏ ପାଦ ଦୁର୍ଲ୍ଲଭ ତାହାର

Couplet 126

ଯେ ପାଦପଲ୍ଲବ ସୁଧାମପରମମଙ୍ଗଳ ତା ନାମ

Couplet 127

ଯେ ନାମ ସୁମରଣ କରିପ୍ରାଣୀ ସଂସାରୁ ଯାନ୍ତିତରି

Couplet 128

ହେ ଦେବଦେବ ନାରାୟଣହେ ପ୍ରଭୁ ଅଖିଳକାରଣ

Couplet 129

ତୋ ରୂପ ଦରଶନେ ମୁହିଁପବିତ୍ର ହୋଇଲି ଗୋସାଇଁ

Couplet 130

ନାରଦ-ବଚନର ଫଳେତୋତେ ଦେଖିଲି ଚର୍ମଡୋଳେ

Couplet 131

ଜଗତଆତ୍ମା ହେ ଅନନ୍ତସକଳ ଜାଣୁ ତୁ ତଦନ୍ତ

Couplet 132

ଏ ଘୋର ସଂସାରରେ ଜନକେ ତୋତେ ଜାଣୁଁ ଭଗବାନ

Couplet 133

ତୁମ୍ଭେ ଆଦିତ୍ୟ ଦେବରାୟେନର ଯେ ଖଦ୍ୟୋତ ପରାୟେ

Couplet 134

ଜଗତ ଉତ୍ପତ୍ତି ପାଳନପ୍ରଳୟ ହେତୁ ନାରାୟଣ

Couplet 135

ପରମହଂସରୂପ ତୁହିନମସ୍ତେ ପ୍ରଭୁ ଭାବଗ୍ରାହୀ

Couplet 136

ଯାର ଶ୍ୱାସକୁ ଅନୁସରିକମ୍ପିତହେ ଏ ବସୁନ୍ଧରୀ

Couplet 137

ପ୍ରାଣୀସମୂହ ଦ୍ରୂମ-ଗିରିଅବନୀ ଅଛି ଯେହୁ ଧରି

Couplet 138

ସହସ୍ରମସ୍ତକ-ଈଶ୍ୱରନମସ୍ତେ ବ୍ରହ୍ମାଣ୍ଡଠାକୁର

Couplet 139

ଏମନ୍ତ ସ୍ତୁତି ତାର ଶୁଣିଅନନ୍ତ ପ୍ରଭୁ ହଳପାଣି

Couplet 140

ଯେ ଚିତ୍ରକେତୁ ବିଦ୍ୟାଧରତାହାଙ୍କୁ ବୋଲନ୍ତି ଉତ୍ତର

Couplet 141

ଶୁଣ ରାଜନ ପୁଣ୍ୟଦେହମୋର ଭକତ ଅନୁଗ୍ରହ

Couplet 142

ନାରଦ ଅଙ୍ଗିରା ତୋହରେକହିଲେ ଯେଉଁ ବିଦ୍ୟାସାରେ

Couplet 143

ତେଣୁ ସିଦ୍ଧହୋଇ ରାଜନପାଇଲୁ ମୋର ଦରଶନ

Couplet 144

ମୁଁ ସର୍ବପ୍ରାଣୀ ଆଦିଶେଷଆତ୍ମାରୂପରେ ମୋର ବାସ

Couplet 145

ପରମବ୍ରହ୍ମ ଯାରେ କହିସେ ମୋର ଶରୀର ଅଟଇ

Couplet 146

ଯେ ଆତ୍ମା ବ୍ୟାପ୍ତ ଲୋକଠାରେଲୋକବ୍ୟାପିତ ଯେ ଆତ୍ମାରେ

Couplet 147

ଉଭୟେ ବ୍ୟାପ୍ତହୋଇ ମୁହିଁସଂସାରେ ଅଛି ଦେହ ବହି

Couplet 148

ଯେସନେ ନିଦ୍ରାପାଇ ନରେବିଶ୍ୱକୁ ଦେଖନ୍ତି ଆତ୍ମାରେ

Couplet 149

ନିଦ୍ରାଉପେକ୍ଷି ପୁଣ ସେହିଏକଦେଶେ ଆତ୍ମା ଦେଖଇ

Couplet 150

ଉଠିଣ ଜ୍ଞାନପାଇ ଯେହ୍ନେସକଳ ମିଥ୍ୟାକରିମାନେ

Couplet 151

ଯେଉଁ ପୁରୁଷ ତା ଦେଖଇତାହାକୁ ଚିନ୍ତ ମନ ଦେଇ

Couplet 152

ଯାହାର ବଳେ ସୁପ୍ତ ହୋଇସୁଖ ବା ସ୍ୱପନ ଜାଣଇ

Couplet 153

ସେ ଆତ୍ମା ନିର୍ଗୁଣ ଯେ ବ୍ରହ୍ମସେହିଟି ମୁହିଁ ବୋଲି ଜାଣ

Couplet 154

ନିଦ୍ରାରେ ଜାଗ୍ରତରେ ପୁଣଉଭୟେ ଯା ତହୁଁ ସ୍ମରଣ

Couplet 155

ଏ ମୋର ଭିନ୍ନଭାବ ଦୁଇମୋ ବିନୁ ଅନ୍ୟ କେହି ନାହିଁ

Couplet 156

ଯେଣୁ ମୋ ଭାବ ପ୍ରାଣୀମାନେଚିନ୍ତନ୍ତି ଭିନ୍ନକରି ମନେ

Couplet 157

ଏଣୁ ଏ ଅଖିଳସଂସାରେଜନ୍ମ-ମୃତ୍ୟୁ ଲଭନ୍ତି ନରେ

Couplet 158

ମନୁଷ୍ୟଜନ୍ମ ଆଶ୍ରେ କରିଜ୍ଞାନ-ବିଜ୍ଞାନେ ଦେହ ଧରି

Couplet 159

ଆତ୍ମାକୁ ନ ଜାଣେ ଯେ ନରକେବେହେଁ ସୁଖ ନାହିଁ ତାର

Couplet 160

ଚେଷ୍ଟା କରଇ କାର୍ଯ୍ୟ ପାଇଁନାନା-ଯାତନା ଲଭେ ତହିଁ

Couplet 161

ସଙ୍କଳ୍ପ ଛାଡି ଯେ ଭଜଇମୋକ୍ଷର ଫଳକୁ ଲଭଇ

Couplet 162

ଦୁଃଖ-ନିବୃତ୍ତି ସୁଖ ପାଇଁଦମ୍ପତିକର୍ମ ଆଚରଇ

Couplet 163

ସୁଖ ଦୁଃଖର ଭୋଗ ତହିଁକେବେ ଲଭଇ ନ ଲଭଇ

Couplet 164

ଏମନ୍ତ ବିଚାର ଯେ ଜାଣିକର୍ମ କରଇ ଯେଉଁ ପ୍ରାଣୀ

Couplet 165

ସୂକ୍ଷ୍ମ ଆତ୍ମଗତି ତାଠାରେବିମୁକ୍ତ ହୋଇ ସେ ସଂସାରେ

Couplet 166

ଜ୍ଞାନସମ୍ପନ୍ନ ହୋଇନରଭକ୍ତିକି ଲଭଇ ମୋହର

Couplet 167

ପ୍ରାଣୀର ପରଧର୍ମ ଏହିସମଦରଶୀ ଯେବେ ହୋଇ

Couplet 168

ଯୋଗ-ନିପୁଣ-ବୁଦ୍ଧି-ଲୋକଜୀବପରମ ଦେଖେ ଏକ

Couplet 169

ଶ୍ରଦ୍ଧାରେ ଯେବେ ତୁ ରାଜନଘେନିବୁ ମୋହର ବଚନ

Couplet 170

ଜ୍ଞାନସମ୍ପନ୍ନ ହୋଇ ତୁହିସିଦ୍ଧ ହୋଇବୁ ବେଗ ହୋଇ

Couplet 171

ତୁ ଏବେ ମୋର ପାଦେ ଭକ୍ତିଲଭିଣ ପାଅ ସିଦ୍ଧଗତି

Couplet 172

ସୁଖଦୁଃଖରେ ମୋର ଭାବକେବେହେଁ ତୋ ମନୁ ନଯିବ

Couplet 173

ଏମନ୍ତ କହି ବାସୁଦେବଯେ ବିଷ୍ଣୁ ଋଷଭମାଧବ

Couplet 174

ଚିତ୍ରକେତୁକୁ ଆଶ୍ୱାସିଣଜଗତଗୁରୁ ଭଗବାନ

Couplet 175

ଦେଖୁ ଯେ ଥିଲା ସେ ରାଜନକୃଷ୍ଣ ହୋଇଲେ ଅନ୍ତର୍ଦ୍ଧାନ

Couplet 176

ବୋଲଇ ଦାସ ଜଗନ୍ନାଥଚିତ୍ରକେତୁ-ରାଜା-ଚରିତ