Adhyaya 13

Couplet 1

ବୃତ୍ର ହୋଇଲା ଯହୁଁ ହତଶୁଣି ହରଷ ତ୍ରିଜଗତ

Couplet 2

ଯେତେ ଏ ଦିଗପାଳଗଣନିଶ୍ଚିନ୍ତ ହୋଇଲେ ତକ୍ଷଣ

Couplet 3

ଇନ୍ଦ୍ରର ବିନୁ ଯେତେ ଜନହରଷ ହୋଇଲେ ରାଜନ

Couplet 4

ଅମର ଦେବଋଷିଗଣପିତୃ ଦୈବତ ଯେତେ ପୁଣ

Couplet 5

ବ୍ରହ୍ମା ଶଙ୍କର ବଜ୍ରଧରଗଲେ ସେ ଯେ ଯାହା ମନ୍ଦିର

Couplet 6

ଭୋ ମୁନି ହୁଅ ସାବଧାନଏହା ଶୁଣିବାକୁ ମୋ ମନ

Couplet 7

କିମ୍ପା ହରଷ ଦେବଗଣେଇନ୍ଦ୍ର ବିଷାଦ କି କାରଣେ

Couplet 8

କିମ୍ପାଇଁ ତାଙ୍କ ଦୁଃଖମନକହିବ ମୋତେ ତପୋଧନ

Couplet 9

କହିବା ଏଥିର କାରଣନମଇଁ ତୁମ୍ଭର ଚରଣ

Couplet 10

ବୃତ୍ର ବିକ୍ରମ ଦେଖି ଦେବେମହତ ଋଷି ଆଦି ସର୍ବେ

Couplet 11

କହିଲେ ଇନ୍ଦ୍ରଙ୍କୁ ସେ ଯାଇଭୟେ ଉଦ୍ଦେଗ ମନ ହୋଇ

Couplet 12

ଭୋଦେବଦେବଙ୍କ ଈଶ୍ୱରବୃତ୍ର ଅସୁରକୁ ସଂହର

Couplet 13

ବୃତ୍ର ଯେ ବ୍ରାହ୍ମଣକୁମରଇନ୍ଦ୍ର ନ କଲେ ସିଉକାର

Couplet 14

ଯେବେ ମାରିଲି ବିଶ୍ୱରୂପଘେନିଲି ବ୍ରହ୍ମହତ୍ୟା ପାପ

Couplet 15

ଭୂ ଜଳ ସ୍ତିରୀ ଦ୍ରୁମମାନେପାପ ଘେନିଲେ ବିଦ୍ୟମାନେ

Couplet 16

ଏବେ ବୃତ୍ରକୁ ବିନାଶିବିକେମନ୍ତେ ପାପୁଁ ନିସ୍ତରିବି

Couplet 17

ଇନ୍ଦ୍ରବଚନେ ଋଷିଗଣଶୁଣି ସେ କହନ୍ତି ବଚନ

Couplet 18

ଅଶ୍ୱମେଧ-ଯଜ୍ଞକୁ କରିଏ ପାପ ନାଶିବୁ ତୋହରି

Couplet 19

ମହାପୁରୁଷ ଆତ୍ମାପରଅଖିଳ-ଜଗତ-ଈଶ୍ୱର

Couplet 20

ଯେ ଦେବ ପ୍ରଭୁ ନାରାୟଣଯଜ୍ଞରେ କରାଇ ପ୍ରସନ୍ନ

Couplet 21

ବୃତ୍ରର ବଧୁ ଦେବବରଅବହେଳାରେ ହେବୁ ପାର

Couplet 22

ବ୍ରାହ୍ମଣ ଗୁରୁ ପିତାମାତାଯେ ଜନ ଆଚାର୍ଯ୍ୟର ହନ୍ତା

Couplet 23

ଶ୍ୱାନକୁ ଖାଇ ଅବା ଯେହୁଶୁଣ କହିବା ମହାବାହୁ

Couplet 24

ଯେବା ବୃଷଳୀପତି ହୋଇସୁରାପାନ ଯେବା କରଇ

Couplet 25

ଗୋବିନ୍ଦନାମ ଯେହୁ ଧରେଏ ସର୍ବ ପାପୁଁ ସେହୁ ତରେ

Couplet 26

ମହାଯଜ୍ଞକୁ କରି ତୁହିଜପିବୁ ପ୍ରଭୁ ଭାବଗ୍ରାହୀ

Couplet 27

ତାଙ୍କ ପ୍ରସନ୍ନେ ଦେବବରଦୁରିତ କେତେକ ମାତର

Couplet 28

ଶୁଣିଣ ଋଷିଙ୍କ ବଚନଶତ୍ରୁ ମାଇଲେ ମଘବାନ

Couplet 29

ତକ୍ଷଣେ ବ୍ରହ୍ମହତ୍ୟା ଗଲାଇନ୍ଦ୍ରଦେବଙ୍କୁ ଆଶ୍ରେ କଲା

Couplet 30

ତାହାଙ୍କୁ ଦେଖି ଦୁଃଖ ପାଇଦେବେନ୍ଦ୍ର ଗଲାକ ପଳାଇ

Couplet 31

ଚାଣ୍ଡାଳୀ ରୂପକୁ ଧଇଲାଇନ୍ଦ୍ରର ପଛେ ଗୋଡାଇଲା

Couplet 32

ବୃଦ୍ଧାରୂପକୁ ଧରି ସେହିଯକ୍ଷ୍ମାରୋଗରେ ଗ୍ରସ୍ତହୋଇ

Couplet 33

ଶୋଣିତପ୍ରାୟେ ବସ୍ତ୍ର ତାରବିବର୍ଣ୍ଣ କେଶ ମସ୍ତକର

Couplet 34

ରହ ରହ ବୋଲି ଡାକଇଆମିଷଗନ୍ଧ ତାର ଦେହୀ

Couplet 35

ଆକାଶେ ସକଳଦିଗରେଇନ୍ଦ୍ର ପଳାନ୍ତି ଖରତରେ

Couplet 36

ଉତ୍ତରଦିଗକୁ ସେ ଗଲେମାନସରୋବରେ ଲୁଚିଲେ

Couplet 37

ପୁଷ୍କରନାଳେ ଦେବବରଚଞ୍ଚଳମନ କରି ସ୍ଥିର

Couplet 38

ସହସ୍ରସମ୍ଭତ୍ସର ତହିଁବ୍ରହ୍ମଭାବନେ ମନ ଦେଇ

Couplet 39

ବ୍ରହ୍ମବଧରୁ ମୋକ୍ଷ ପାଇଁରହିଲେ ନିରାହାର ହୋଇ

Couplet 40

ତାବତ ନହୁଷରାଜନସ୍ୱର୍ଗରେ କଲେ ଇନ୍ଦ୍ରପଣ

Couplet 41

ବିଦ୍ୟା ତପସ୍ୟା ଯୋଗବଳେସ୍ୱର୍ଗସମ୍ପଦ ଭୋଗକରେ

Couplet 42

ଐଶ୍ୱର୍ଯ୍ୟ ସମ୍ପଦଭୋଗରେନହୁଷ ମଦାନ୍ଧବୁଦ୍ଧିରେ

Couplet 43

ଇନ୍ଦ୍ରପତ୍ନୀଙ୍କ ଇଚ୍ଛା କଲାସ୍ୱର୍ଗଲୋକରୁ ଚ୍ୟୁତ ହେଲା

Couplet 44

ନହୁଷ ସ୍ୱର୍ଗେ ଇନ୍ଦ୍ରହୋଇବାରତା ଇନ୍ଦ୍ରାଣୀକୁ ଦେଇ

Couplet 45

ଇନ୍ଦ୍ର ମୁଁ ସ୍ୱର୍ଗଭୁବନରେତୁ ମୋତେ ଭଜ ଗୋ ବିଧିରେ

Couplet 46

ଇନ୍ଦ୍ରାଣୀ ଗୁରୁଙ୍କୁ କହିଲେପ୍ରତିଉତ୍ତର ଗୁରୁ ଦେଲେ

Couplet 47

ଗୁରୁ ଏମନ୍ତ ବିଚାରିଲେଅତି ଅସମ୍ଭବ ବୋଇଲେ

Couplet 48

ଅନେକ ତପସ୍ୟାର ଫଳେମନୁଷ୍ୟ ହୋଇ ଦେବ ପାଳେ

Couplet 49

ବ୍ରାହ୍ମଣ କୋପ-ଶାପୁଁ କରିହତ ହୋଇବ ଏହା ଶିରୀ

Couplet 50

ନହୁଷେ ଏମନ୍ତ କହିବଋଷିଙ୍କ କନ୍ଧେ ଦୋଳା ଥିବ

Couplet 51

ତୁମ୍ଭେ ଦୋଳାରେ ବସିଥିବଆମ୍ଭର ପୁରକୁ ଆସିବ

Couplet 52

ଦେବେ ଯେ ତୁମ୍ଭଙ୍କୁ ଭଜିବୁସ୍ୱର୍ଗେ ଇନ୍ଦ୍ରବୋଲି ଜାଣିବୁ

Couplet 53

ବ୍ରାହ୍ମଣେ କ୍ରୋଧ ଉପୁଜିବତେବେ ସେ ସ୍ୱର୍ଗୁ ଚ୍ୟୁତ ହେବ

Couplet 54

ଏମନ୍ତ ଗୁରୁଆଜ୍ଞା ଶୁଣିନହୁଷେ କହିଲେ ଇନ୍ଦ୍ରାଣୀ

Couplet 55

ଶୁଣି ହରଷ ନୃପମଣିଉତ୍ତମଋଷିଙ୍କି ସେ ଆଣି

Couplet 56

ଦୋଳା ବୁହାଇ ତାଙ୍କ କନ୍ଧେସତ୍ୱରେ ଗମିଲେ ଆନନ୍ଦେ

Couplet 57

ଚଳଇ ଦୋଳା ମନ୍ଦଗତିତା ଦେଖି କୁପିତ ନୃପତି

Couplet 58

ସର୍ପ ସର୍ପ ବୋଲି ବୋଇଲାପାଦେ ଅଗସ୍ତିଙ୍କି ମାଇଲା

Couplet 59

ଅଗସ୍ତି କ୍ରୋଧଭର ହୋଇନହୁଷକୁ ସେ ଶାପ ଦେଇ

Couplet 60

ତୁ ସର୍ପ ହୁଅ ବେଗ ହୋଇଯେଣୁ ସଙ୍କଟ ଦେଲୁ ତୁହି

Couplet 61

ଏ ହେତୁ ନହୁଷ ସ୍ୱର୍ଗରୁଚ୍ୟୁତ ହୋଇଲା ସେ ଶାପରୁ

Couplet 62

ମହାସର୍ପ ଯେ ସେ ହୋଇଲାମର୍ତ୍ତ୍ୟଲୋକରେ ସେ ପଡିଲା

Couplet 63

ଏବେ ହୋ ଶୁଣ ପରୀକ୍ଷିତଇନ୍ଦ୍ରରାଜାର ଯେ ଚରିତ

Couplet 64

ପରମେଶ୍ୱର ଧ୍ୟାନ କରିବ୍ରହ୍ମହତ୍ୟା ପାପରୁ ତରି

Couplet 65

ସ୍ୱର୍ଗରେ ଇନ୍ଦ୍ର ପୁନର୍ବାରଦେବଙ୍କୁ ଘେନି ସେ ବିହାର

Couplet 66

ଇନ୍ଦ୍ରଙ୍କୁ ଦେବଋଷିମାନେଅଶ୍ୱମେଧଯଜ୍ଞ ବିଧାନେ

Couplet 67

ମହାପୁରୁଷ - ଆରାଧନଦୀକ୍ଷା କରାଇଲେ ରାଜନ

Couplet 68

ଏଅନନ୍ତରେ ଦେବମୟସର୍ବାତ୍ମା-ପୁରୁଷ-ଅବ୍ୟୟ

Couplet 69

ଇନ୍ଦ୍ର ବ୍ରହ୍ମଋଷି ସହିତେଆରାଧି ଅଶ୍ୱମେଧ ମତେ

Couplet 70

ବ୍ରହ୍ମବଧ ପାତକ ଭୟଯଜ୍ଞହେତୁରୁ ହେଲା କ୍ଷୟ

Couplet 71

ରବିକିରଣେ ତମପ୍ରାୟେସକଳପାପ ହେଲା କ୍ଷୟେ

Couplet 72

ଅଶ୍ୱମେଧରେ ବରି ଇନ୍ଦ୍ରମରୀଚିଆଦି ମୁନିବୃନ୍ଦ

Couplet 73

ଆରାଧି ପୁରୁଷପୁରାଣସ୍ୱର୍ଗେ ହୋଇଲେ ସେ ରାଜନ

Couplet 74

ଯେ ଯଜ୍ଞପ୍ରସାଦରୁ କରିନିଷ୍ପାପ ହୋଏ ବଜ୍ରଧାରୀ

Couplet 75

ଅଶେଷପ୍ରାଣୀମାନଙ୍କରପାପକୁ କରଇ ଯେ ଦୂର

Couplet 76

ଏ ମହାଜ୍ଞାନ ସୁଖମୟୀଯେ ଜନ ଶ୍ରଦ୍ଧାରେ ଶୁଣଇ

Couplet 77

ଭକତଜନର ବର୍ଣ୍ଣନଇନ୍ଦ୍ର-ଜୟ-ମୋକ୍ଷ କାରଣ

Couplet 78

ଶ୍ରଦ୍ଧାରେ କରି ଯେ ପଢ଼ଇଯେ ଅବା ଅଜ୍ଞାନେ ଶୁଣଇ

Couplet 79

ଗାୟନ କରି ପ୍ରତିଦିନସର୍ବସିଦ୍ଧି ଲଭେ ସେ ଜନ

Couplet 80

ଶତ୍ରୁକୁ ଜୟ ଧନ ଯଶପାପମୋଚନ ଦୀର୍ଘାୟୁଷ

Couplet 81

ସର୍ବକଲ୍ୟାଣ ତାର ହୋଇଧନ ଧ୍ୟାନ ଯଶ ଲଭଇ

Couplet 82

ହରିକୀର୍ତ୍ତନେ ସର୍ବ ହୋଇକଳିରେ ଆନଗତି ନାହିଁ

Couplet 83

ବୋଲଇ ଜଗନ୍ନାଥ ଦାସଇନ୍ଦ୍ର ଯେ ପାପ କଲା ନାଶ