Adhyaya 12

Couplet 1

ଶୁକ କହନ୍ତି ହରଷିତଇନ୍ଦ୍ର - ବୃତ୍ରାସୁର ଚରିତ

Couplet 2

ଏମନ୍ତେ ସଂଗ୍ରାମେ ଅସୁରଛାଡିବ ବୋଲି କଳେବର

Couplet 3

ଜୟରୁ ଭଲ ମୋ ମରଣମନରେ କଲା ହେ ରାଜନ

Couplet 4

ଶୂଳ ଧରିଣ ବୃତ୍ରାସୁରଧାଇଁଲା ଇନ୍ଦ୍ରର ଉପର

Couplet 5

ଯେମନ୍ତେ କଇଟଭ ବୀରଧାଇଁଲା ବିଷ୍ଣୁଙ୍କ ଉପର

Couplet 6

ଯୁଗାନ୍ତଅଗ୍ନିପ୍ରାୟ ତେଜେସେ ଶୂଳ ଅତ୍ୟନ୍ତ ବିରାଜେ

Couplet 7

ବୃତ୍ର ଅସୁରଚୂଡାମଣିଇନ୍ଦ୍ରଙ୍କୁ ପ୍ରହାରିଲା ଆଣି

Couplet 8

ଘୋରଶବଦ ରୋଷେ କଲାପାପିଷ୍ଠ ମଲୁ ତୁ ବୋଇଲା

Couplet 9

ଆକାଶୁ ଗ୍ରହ-ଉଲ୍କାମାନଖସି ପଡିଲେ ତତକ୍ଷଣ

Couplet 10

ଦୁର୍ଜୟ ଦେଖିଣ ଅସୁରଭୟେ କମ୍ପିଲେ ସୁରନର

Couplet 11

ବଜ୍ର ଧରିଣ ଦେବରାଜଛେଦିଲେ ତାର ଏକଭୁଜ

Couplet 12

ପରିଘ ଘେନି ଆରକରେଧାଇଁଲା ଇନ୍ଦ୍ରର ଉପରେ

Couplet 13

କ୍ରୋଧରେ ପରିଘ ଉଞ୍ଚାଇଇନ୍ଦ୍ରକୁ ପ୍ରହାରିଲା ନେଇ

Couplet 14

ଇନ୍ଦ୍ରହସ୍ତୁ ବଜ୍ର ଖସିଲାଅଧୋଭୂମିରେ ସେ ପଡିଲା

Couplet 15

ଅଦ୍ଭୁତ ଦେଖି ବୃତ୍ରକର୍ମସୁର ଚାରଣ ସିଦ୍ଧଗଣ

Couplet 16

ସକଳେ କଲେ ଧନ୍ୟ ଧନ୍ୟଇନ୍ଦ୍ର ସଙ୍କଟେ ଛନ୍ନ ମନ

Couplet 17

ଯେତେକ ସୈନ୍ୟ ଇନ୍ଦ୍ରଙ୍କରସକଳେ କଲେ ହାହାକାର

Couplet 18

ଲଜ୍ଜାରେ ବୃତ୍ରର ଅଗ୍ରତେବଜ୍ର ନ ନେଲେ ଇନ୍ଦ୍ର ହସ୍ତେ

Couplet 19

ଇନ୍ଦ୍ରଙ୍କୁ ଚାହିଁ ବୃତ୍ରାସୁରବଚନ କହଇ ମଧୁର

Couplet 20

ମନରେ ବିଷାଦ ନ କରବଜ୍ର ଧରିଣ ବେଗେ ମାର

Couplet 21

ଯୁଦ୍ଧ ଇଚ୍ଛଇ ଯେଉଁ ନରଦୁସ୍ତର ଜୟଟି ତାହାର

Couplet 22

ଯେ ଜନ ରଣେ ଭୀତ ହୋଇଜୟର ଲେଶ ତାର ନାହିଁ

Couplet 23

ଉତ୍ପତ୍ତି-ପାଳନ-ସଂହାରଯେ ପ୍ରଭୁ ଏହାଙ୍କ ଈଶ୍ୱର

Couplet 24

ସର୍ବଜ୍ଞ ଆଦି ସନାତନଅଖିଳ-ପୁରୁଷ ପୁରାଣ

Couplet 25

ତା ବିନୁ ଜୟ ବା ଅଜୟକାହାର ବୋଲେ ହୋଇ କହ

Couplet 26

ଯେ ପ୍ରଭୁ ଅଖିଳର ଈଶଅଖିଳଲୋକ ଯାର ବଶ

Couplet 27

କାଳସ୍ୱରୂପ ଯେ ଈଶ୍ୱରମୃତ୍ୟୁ ଅମୃତ୍ୟୁ ରୂପଧର

Couplet 28

ସକଳ ହେତୁ ସେ ଅଟଇତାହାଙ୍କୁ ଅଜ୍ଞ ନ ଜାଣଇ

Couplet 29

କାଷ୍ଠର ପିତୁଳୀ ଯେସନଜଗତ ତାହାର ଭିଆଣ

Couplet 30

ଯେମନ୍ତେ ଯନ୍ତ୍ରମୟ-ମୃଗପ୍ରାଣୀ ତା ବଶେ ମହାଭାଗ

Couplet 31

ପ୍ରକୃତି-ପୁରୁଷ ଯେ ଦୁଇତା ବିନୁ ଜଡପ୍ରାୟେ ହୋଇ

Couplet 32

ସୃଷ୍ଟିକରତା ଅବା କେହିତା ବିନୁ ଯେତେକ ଅଛଇ

Couplet 33

ସକଳ ଆତ୍ମାରୂପ ସେହିଅଜ୍ଞାନୀ ଜାଣିବ ବା କାହିଁ

Couplet 34

ସେହି ପ୍ରାଣୀଙ୍କି ସୃଷ୍ଟିକରିପ୍ରତିପାଳନକୁ ଆଚରି

Couplet 35

ଗ୍ରାସଇ କାଳରୂପ ହୋଇଧର୍ମ-ଅଧର୍ମ ରୂପ ସେହି

Couplet 36

ଆୟୁ ସମ୍ପଦ କୀର୍ତ୍ତି ଯେତେପ୍ରାଣୀର ହୁଅଇ ଯୁଗତେ

Couplet 37

ସେ ଯାକୁ ପ୍ରସନ୍ନ ହୁଅଇଅଷ୍ଟ ଐଶ୍ୱର୍ଯ୍ୟ ତାର ହୋଇ

Couplet 38

ସୁଖ ଦୁଃଖ ମୃତ୍ୟୁ ଜୀବିତଏ ସର୍ବ ଈଶ୍ୱର-ଆୟତ୍ତ

Couplet 39

ଏ ଘେନି ଇନ୍ଦ୍ର ସମ ହୁଅହର୍ଷ-ବିଷାଦକୁ ନ ପାଅ

Couplet 40

ସେ ସତ୍ତ୍ୱ ରଜ ତମ ଜାଣପ୍ରକୃତିଗୁଣ ଏ ପ୍ରମାଣ

Couplet 41

ଆତ୍ମାଟି ସାକ୍ଷୀ ବୋଲି ଜାଣସେ ଯାକୁ ହୁଅଇ ପ୍ରସନ୍ନ

Couplet 42

ସଂସାରେ ବଦ୍ଧ ସେ ନୁହଇସକଳ ପାପୁଁ ସେ ତରଇ

Couplet 43

ରଣରେ ଛିନ୍ନଭୁଜ ହୋଇଭୋ ଇନ୍ଦ୍ର ଦେଖ ମୁଁ ଅଛଇ

Couplet 44

ଜୟ ବା ଅଜୟ କାହାରଜାଣିବ କେ ବିନା ଈଶ୍ୱର

Couplet 45

ଶରସମୂହ ପଶାକାଠିଏ ଚତୁରଙ୍ଗବଳ ଗୋଟି

Couplet 46

ଜୀବନ ହୁଡ଼ ଜୁଆ ରଣେକେ ଜାଣି କେ ହାରେ କେ ଜିଣେ

Couplet 47

ଶୁଣ ପରୀକ୍ଷ ନୃପମଣିବୃତ୍ରର ବାକ୍ୟ ଇନ୍ଦ୍ର ଶୁଣି

Couplet 48

ବୃତ୍ରକୁ ଧନ୍ୟ ଧନ୍ୟ କରିହସି ବୋଇଲେ ବଜ୍ରଧାରୀ

Couplet 49

ଆହେ ଦାନବ ସିଦ୍ଧ ତୁହିତେଣୁ ତୋ ସିଦ୍ଧମତି ହୋଇ

Couplet 50

ସକଳ-ଆତ୍ମାର ଈଶ୍ୱରଭଜିଲୁ ଚରଣ ତାଙ୍କର

Couplet 51

ଜଗମୋହିନୀ-ବିଷ୍ଣୁ ମାୟାଦାନବ ଛେଦିଲୁ ତୁ ତାହା

Couplet 52

ଅଇରିଭାବ କରି ଦୂରକଲୁ ତୁ ସ୍ୱର୍ଲୋକ ଆଚାର

Couplet 53

ଅହୋ ଆଶ୍ଚର୍ଯ୍ୟ ବଡ଼ ମୋରସ୍ୱଭାବେ ରଜଗୁଣ ତୋର

Couplet 54

ଅଖିଳବ୍ରହ୍ମାଣ୍ତର ପତିତା ତହିଁ ତୋର ଦୃଢ଼ମତି

Couplet 55

ପରମବହ୍ମ ହରି ଯେହିତା ତହିଁ ଯାର ଭକ୍ତି ହୋଇ

Couplet 56

ଅମୃତସିନ୍ଧୁରେ ସେ ଜନକ୍ରୀଡା କରିବ ଅନୁକ୍ଷଣ

Couplet 57

କି କାର୍ଯ୍ୟ କୂପଜଳେ ତାରସେ ସ୍ୱର୍ଗଭୋଗଟି ଅସାର

Couplet 58

ଅନ୍ୟୋନ୍ୟେ ଧର୍ମକୁ କହିଲେପୁଣି ହିଁ ଯୁଦ୍ଧ ଆରମ୍ଭିଲେ

Couplet 59

ସମ୍ମୁଖେ ବୀର ଦୁଇଜଣକରି ଲାଗିଲେ ଘୋରରଣ

Couplet 60

ବୃତ୍ର ପରିଘ କରେ ଲଇଇନ୍ଦ୍ରକୁ ପ୍ରହାରିଲା ଧାଇଁ

Couplet 61

ପରିଘ ଘେନି ବାମକରେଶବଦ କଲା ମହାଘୋରେ

Couplet 62

କର ପରିଘ ଏକାବେଳେଇନ୍ଦ୍ର ଛେଦିଲେ ଅବହେଳେ

Couplet 63

ବୃତ୍ରର ଗଲା ଦୁଇକରରକତେ ହୋଏ ଜରଜର

Couplet 64

ପକ୍ଷ ଛିଡ଼ନ୍ତେ ବଜ୍ରାଘାତେଯେସନେ ଦିଶନ୍ତି ପର୍ବତେ

Couplet 65

ଆୟୁଧ ଭୁଜ ଯହୁଁ ଗଲାସେ ବୃତ୍ର ମହାକ୍ରୋଧ କଲା

Couplet 66

ଅଧର ଚାପି କ୍ରୋଧଭରଶରୀର ବିସ୍ତାରେ ଅସୁର

Couplet 67

ଅଧର ହନୁ ତା ଭୂମିରେଉପର ହନୁ ତା ସ୍ୱର୍ଗରେ

Couplet 68

ଆକାଶ ଗଭୀର ମୁଖରେଲିହଇ କଠୋର ଜିହ୍ୱାରେ

Couplet 69

କାଳର ପ୍ରାୟେ ଦନ୍ତମାନଗ୍ରାସିବ ଯେହ୍ନେ ତ୍ରିଭୁବନ

Couplet 70

ଅତ୍ୟନ୍ତ ଶରୀର ବିସ୍ତାରିଧାମଇଁ ଯେହ୍ନେ ମହାଗିରି

Couplet 71

ପାଦେ ଅବନୀ କମ୍ପାଇଲାଇନ୍ଦ୍ରର ନିକଟେ ମିଳିଲା

Couplet 72

ଇନ୍ଦ୍ରକୁ ଗଜେନ୍ଦ୍ର ସହିତଗିଳିଲା ବୃତ୍ର ମହାଦୈତ୍ୟ

Couplet 73

ସ୍ୱଭାବେ ଗିଳିଲା ଅସୁରଗଜକୁ ଯେହ୍ନେ ସର୍ପବର

Couplet 74

ଦେଖି ଇନ୍ଦ୍ରକୁ ଗିଳିବାରବ୍ରହ୍ମାଦି ଯେତେ ସୁରନର

Couplet 75

ସକଳେ କଲେ ହାହାକାରଇନ୍ଦ୍ରକୁ ଗିଳିଲା ଅସୁର

Couplet 76

ଅସୁର-ଉଦରରେ ଥାଇନାଶ ନୋହିଲା ସୁରସାଇଁ

Couplet 77

ମହାପୁରୁଷ ଧ୍ୟାନ କରିଯୋଗମାର୍ଗକୁ ସେ ଆବୋରି

Couplet 78

ପେଟଚିରିଲେ ବଜ୍ରେ ତାରଗର୍ଭରୁ ହୋଇଲେ ବାହାର

Couplet 79

ଆପଣାବଳେ ଦେବବରବଜ୍ରେ ଛେଦିଲେ ତାର ଶିର

Couplet 80

ବଜ୍ରହିଁ ଅତିବେଗେ ଗଲାକନ୍ଧରୁ ମସ୍ତକ କାଟିଲା

Couplet 81

ସମ୍ପୂର୍ଣ୍ଣ ସମ୍ବତ୍ସର କାଳେଶିର ତା ପଡିଲାକ ତଳେ

Couplet 82

ଆକାଶେ ଦୁନ୍ଦୁଭି ତକ୍ଷଣେଶବଦ କଲେ ଦେବଗଣେ

Couplet 83

ସିଦ୍ଧ-ଗନ୍ଧର୍ବ-ଋଷିଗଣେଆନନ୍ଦେ ହରଷିତ ମନେ

Couplet 84

ବୃତ୍ରଶତ୍ରୁକୁ ସ୍ତୁତିକଲେହରଷେ ପୁଷ୍ପ ବରଷିଲେ

Couplet 85

ବୃତ୍ରର ତହୁଁ ଜ୍ୟୋତିରୂପବାହାର ହୋଇଲା ହେ ନୃପ

Couplet 86

ସକଳେ ଦେଖୁଥିଲେ ରହିସାଲୋକ୍ୟ ପାଇଲା ସେ ତହିଁ

Couplet 87

ବୋଲଇ ଦାସ ଜଗନ୍ନାଥଇନ୍ଦ୍ର-ବୃତ୍ର-ଯୁଦ୍ଧ-ବୃତ୍ତାନ୍ତ