Adhyaya 11

Couplet 1

କହନ୍ତି ଶୁକ-ବ୍ରହ୍ମବେତ୍ତାଇନ୍ଦ୍ର-ବୃତ୍ରର ଯୁଦ୍ଧକଥା

Couplet 2

ସ୍ୱାମୀର ଧର୍ମକଥା ଭୃତ୍ୟେଆରତେ ନ ଘେନିଲେ ଚିତ୍ତେ

Couplet 3

ଶୁଣି ସମସ୍ତେ ପଳାଇଲେସଭୟେ ସଂଗ୍ରାମ ଛାଡିଲେ

Couplet 4

କାଳଅନଳ-ତେଜେ ଯେହ୍ନେଅସୁରଙ୍କର ସୈନ୍ୟମାନେ

Couplet 5

କାଳ-ପ୍ରତିକୂଳରୁ କରିଅନାଥ ପ୍ରାୟେ ସେ ଆଚରି

Couplet 6

ଗରୁଡ ପନ୍ନଗକୁ ଧରିତେସନେ ଦେବେ ଦୈତ୍ୟ ମାରି

Couplet 7

ସକଳେ ଇତସ୍ତତଃ ହୋଇପଳାନ୍ତି ପ୍ରାଣଭୟ ପାଇ

Couplet 8

ଏମନ୍ତ ଦେଖି ସୈନ୍ୟଗଣଅସୁର କୋପ ଗରୁଟାଣ

Couplet 9

ଦେବଙ୍କୁ ଆବୋରି ଆପଣେଭର୍ତ୍ସନା କରଇ ବହନେ

Couplet 10

ପଳାଉଛନ୍ତି ଯେ ଅସୁରତାଙ୍କୁ ପଛରୁ କିମ୍ପା ମାର

Couplet 11

ଭୟେ ପଳାନ୍ତି ଯେଉଁଜନତାଙ୍କ ବଧ କି ଭଲ ମଣ

Couplet 12

ଏମନ୍ତ ବଳବନ୍ତଙ୍କରସ୍ୱର୍ଗ-ପ୍ରାପତି ଯେ ଦୁସ୍ତର

Couplet 13

ଏତେ ବୋଲିଣ ତାଙ୍କୁ କହିଦେବଗଣଙ୍କୁ କ୍ରୋଧ ବହି

Couplet 14

ଆତ୍ମ-ଶରୀର ପ୍ରକାଶିଲାଦେବଙ୍କୁ ଭୟ ଦେଖାଇଲା

Couplet 15

ଅସୁର କଲା ଘୋରନାଦବ୍ରହ୍ମାଣ୍ଡେ ପୂରିଲା ଶବଦ

Couplet 16

ଲୋକେ ହୋଇଲେ ହତଜ୍ଞାନଦେବେ ଶୁଣିଲେ ତାର ସ୍ୱନ

Couplet 17

ସେ ନାଦ ଶୁଣି ଦେବଗଣେମୂର୍ଚ୍ଛିତ ହୋଇ ହତଜ୍ଞାନେ

Couplet 18

ବିକଳେ ପଡିଲେ ଭୂମିରେବଜ୍ର ପଡିଲା ଯେହ୍ନେ ଶିରେ

Couplet 19

ଚକ୍ଷୁ ବୁଜିଣ ଦେବଗଣେପଡି ଅଛନ୍ତି ଘୋରରଣେ

Couplet 20

ଦ୍ୱର୍ମଦ ରଣରଙ୍ଗେ ବୀରପାଦେ ମର୍ଦ୍ଦିଲା ବୃତ୍ରାସୁର

Couplet 21

ଅବନୀ କମ୍ପେ ପାଦଭରେଶୂଳ ଘେନିଣ ନିଜ କରେ

Couplet 22

ଭ୍ରମଇ ସଂଗ୍ରାମ-ଭୂମିରେଯେସନେ ମତ୍ତ-କରିବରେ

Couplet 23

ତାହାକୁ ଦେଖି ବଜ୍ରଧରକୋପେ କମ୍ପଇ ଥରହର

Couplet 24

ମହାଗଦାରେ ଦେବବରବୃତ୍ରକୁ କଲେ ସେ ପ୍ରହାର

Couplet 25

ଦୁଃସହ-ଗଦା ଆସିବାରେବୃତ୍ର ଧଇଲା ବାମକରେ

Couplet 26

ଇନ୍ଦ୍ରର ଗଦା ଘେନି କରସେହି ଗଦାରେ ବୃତ୍ରାସୁର

Couplet 27

ଐରାବତର କୁତ୍ସସ୍ଥଳେଦାନବ ପ୍ରହାରିଲା ବଳେ

Couplet 28

ତାହାର ଏ କର୍ମ ଦେଖିଣସକଳେ କଲେ ଧନ୍ୟ ଧନ୍ୟ

Couplet 29

ବୃତ୍ର ଗଦାରେ ଐରାବତବଜ୍ରରେ ଯେହ୍ନେ ଗିରିହତ

Couplet 30

ରଣେ ସେ ବିମୁଖ ହୋଇଲାଇନ୍ଦ୍ରକୁ ଘେନି ବାହୁଡିଲା

Couplet 31

ଅତ୍ୟନ୍ତ ହୋଇଣ ଆରତବାହୁଡିଗଲା ଧନୁସାତ

Couplet 32

ଚକିତେ ହୋଇ ଛନ୍ନଚିତ୍ତଏମନ୍ତେ ଦେବ ପୁରହୂତ

Couplet 33

ବୃତ୍ର ଅସୁର ପୁନର୍ବାରଇନ୍ଦ୍ରକୁ ନ କଲା ପ୍ରହାର

Couplet 34

ଇନ୍ଦ୍ର ଅମୃତସ୍ରାବୀ କରଦେଇଣ ହସ୍ତୀ କୁମ୍ଭସ୍ଥଳ

Couplet 35

ଆଶ୍ୱାସ କରି ଦେବବରରହିଲେ ବୃତ୍ରର ଆଗର

Couplet 36

ସଂଗ୍ରାମ କରିବାରେ ଆଶେଇନ୍ଦ୍ରକୁ ଦେଖି ନିଜ ପାଶେ

Couplet 37

ଭ୍ରାତାର ହନ୍ତା ବଜ୍ରାୟୁଧଦେଖି ଅସୁର କଲା କ୍ରୋଧ

Couplet 38

ସ୍ମରଣ କଲା ଭ୍ରାତୃନାଶଶୋକ-ମୋହେ ହୋଇ ବିରସ

Couplet 39

ବୋଲଇ ଇନ୍ଦ୍ର ମୋ ବଚନଶୁଣ ତୁ ହୋଇ ସାବଧାନ

Couplet 40

ଭାଗ୍ୟବଶରୁ ତୁ ମୋହରସଂଗ୍ରାମେ ମିଳିଲୁ ଛାମୁର

Couplet 41

ମୋହର ଭ୍ରାତୃନାଶକାରୀଆଜ ନାଶିବି ତୋର ଶିରୀ

Couplet 42

ମୋହର ଶୂଳେ ହୃଦ ତୋରନିଶ୍ଚୟେ କରିବି ବିଦାର

Couplet 43

ଯେଉଁ କାରଣେ ମୋ ଅଗ୍ରଜଅପାପୀ ଆତ୍ମଜ୍ଞାନୀ ଦ୍ୱିଜ

Couplet 44

ଖଡ଼ଗେ କରି ତୋର ଶିରଛେଦିଲୁ ତୁହି ଦୁରାଚାର

Couplet 45

ପଶୁର ପ୍ରାୟେକ ମାଇଲୁସ୍ୱର୍ଗଭୋଗକୁ ବାଞ୍ଛା କଲୁ

Couplet 46

ଲଜ୍ଜା ସମ୍ପଦ ଦୟା କୀର୍ତ୍ତିସବୁ ଛାଡିଲୁ ମୂଢ଼ମତି

Couplet 47

ମୋର ତ୍ରିଶୂଳେ ତୋ ଶରୀରନାଶ ହୋଇବ ଦୁରାଚାର

Couplet 48

ଅଗ୍ନି ନ କରିବ ଦହନଖାଇବେ ଗୃଧ୍ର କୃମି ଶ୍ୱାନ

Couplet 49

ଯେତେ ତୋ ସଙ୍ଗେ ଦୁଷ୍ଟଜନେଶସ୍ତ୍ର ଧରିଣଛନ୍ତି ରଣେ

Couplet 50

ଯେ ମୋତେ ପ୍ରହାରକୁ କଲେତାହାଙ୍କୁ ଛାଡ଼ିବି କି ଭଲେ

Couplet 51

ତ୍ରିଶୂଳ କରିଣ ପ୍ରହାରକନ୍ଧ ଛେଦିବି ଏହାଙ୍କର

Couplet 52

ଏଥୁଉତ୍ତାରେ ପାଇ ଜ୍ଞାନଇନ୍ଦ୍ରକୁ ବୋଲଇ ବଚନ

Couplet 53

ଭୋ ଇନ୍ଦ୍ର ଦେବଙ୍କ ଠାକୁରକୁଳିଶେ ମୋର ଶିର ହର

Couplet 54

ଆତ୍ମାକୁ ବଳି ମୁହିଁ ଦେବିଶ୍ରୀକୃଷ୍ଣ-ଚରଣ ଭଜିବି

Couplet 55

ଭୋ ଦେବ ଦେବଙ୍କ ଈଶ୍ୱରବଜ୍ର କିମ୍ପାଇଁ ନ ପ୍ରହାର

Couplet 56

ଅଗ୍ରେ ଯେ ଅଛି ଉଭା ହୋଇସଂଶୟ କର କାହିଁପାଇଁ

Couplet 57

ଗଦା ପ୍ରାୟେ ବଜ୍ର ନ ମଣବଜ୍ର ମୋ ମରଣ କାରଣ

Couplet 58

ଆପଣା ତେଜେ ବଜ୍ରଧରଦେବଙ୍କ ଅଇରି ସଂହାର

Couplet 59

ବିଷ୍ଣୁ-ଯନ୍ତ୍ରିତ ଦେବବରବିଜୟ ହୋଇବ ତୁମ୍ଭର

Couplet 60

ସଙ୍କରଷଣ ଯଥୋଚିତେଯାହା ସେ କହିଛନ୍ତି ମୋତେ

Couplet 61

ଶ୍ରୀକୃଷ୍ଣ-ପାଦପଙ୍କଜରେମନ ମୁଁ ନିବେଶିବି ସ୍ଥିରେ

Couplet 62

ତୁମ୍ଭର ବଜ୍ରରେ ମୋହରହୋଇବ ମୋହପାଶ ଦୂର

Couplet 63

ଯେ ଗତି ଯୋଗୀ ଯୋଗେପାଇସେ ଗତି ପାଇବଇଁ ମୁହିଁ

Couplet 64

ତିନିଭୁବନ ପ୍ରାଣୀଙ୍କରବହୁତ ସମ୍ପଦ ଯାହାର

Couplet 65

ଉଦ୍‌‌ବେଗ ଆଧି ଗର୍ବ ଆରକଳତ୍ର ସ୍ନେହ ଯେ ଅପାର

Couplet 66

ତ୍ରିବର୍ଗ ଦୁଃଖ ଭକ୍ତଙ୍କରନାଶନ୍ତି ପ୍ରଭୁ ଚକ୍ରଧର

Couplet 67

ଦୁର୍ଲ୍ଲଭ ଯେ ପ୍ରଭୁ ପ୍ରସାଦତେଣୁ ଲଭନ୍ତି ଅପ୍ରମାଦ

Couplet 68

ଭୋ ପ୍ରଭୁ ତୁମ୍ଭ ପଦ୍ମପାଦେଭୃତ୍ୟର ଭୃତ୍ୟ ମୁଁ ଆନନ୍ଦେ

Couplet 69

ହୋଇବି ଏ ମୋହର ମନସେବା କରିବି ଅନୁକ୍ଷଣ

Couplet 70

କୀର୍ତ୍ତନ-କର୍ମ ଯେ ତୁମ୍ଭରକରୁ ମୋ ବଚନ ଶରୀର

Couplet 71

ସ୍ୱର୍ଗଲୋକରେ ଇନ୍ଦ୍ର ପଦବ୍ରହ୍ମଲୋକେ ବ୍ରହ୍ମସମ୍ପଦ

Couplet 72

ପାତାଳଭୋଗ ଯୋଗ ଯେହିସପତଦ୍ୱୀପେ ରାଜାହୋଇ

Couplet 73

ଏଣେ ମୋହର ନାହିଁ ଇଚ୍ଛାତୋ ପାଦସେବାରେ ମୋ ବାଞ୍ଛା

Couplet 74

ଯୋଗସିଦ୍ଧି ଅବା ମୋକ୍ଷରେକାର୍ଯ୍ୟ ମୋ ନାହିଁ ଏହାଙ୍କରେ

Couplet 75

ଏକାନ୍ତଭକ୍ତି ତୁମ୍ଭ ପାଦବାଞ୍ଛା କରଇ ଚକ୍ରାୟୁଧ

Couplet 76

ଅଜାତପକ୍ଷ-ଖଗ ଯେହ୍ନେମାତା ଲୋଡ଼ଇ ଅନୁକ୍ଷଣେ

Couplet 77

କ୍ଷୁଧାର୍ତ୍ତ ହୋଇଣ ବାଛୁରୀମାତାସ୍ତନକୁ ଇଚ୍ଛା କରି

Couplet 78

ପ୍ରବାସୀ-ପତି-ପ୍ରିୟା ଯେହ୍ନେଲୋଡ଼ଇ ମୋ ମନ ତେସନେ

Couplet 79

ଭୋ ପ୍ରଭୁ କମଳଲୋଚନତୋ ପାଦେ ରହୁ ମୋର ମନ

Couplet 80

ଆପଣା କର୍ମବନ୍ଧେ ଜଡିସଂସାରଚକ୍ରେ ଅଛି ପଡି

Couplet 81

ଏମନ୍ତ ପାପୀ ମୁହିଁ ଯହୁଁଉତ୍ତମଲୋକ ସଙ୍ଗ ହେଉ

Couplet 82

ଯେ ଗୃହବନ୍ଧ-ପାଶ ମୋରଭୋ ନାଥ ଛେଦ ଦାମୋଦର

Couplet 83

ଦାରା-ତନୟ-ଗୃହେ ମୋରଭୋ ନାଥ ମନ ମୋ ନକର

Couplet 84

ଅସୁରବାଣୀ ସୁଧାମୟଶୁଣି ସକଳ ପାପକ୍ଷୟ

Couplet 85

ଭୁବନମଙ୍ଗଳ ଏ ବାଣୀଶୁଣି ସଂସାରୁ ତର ପ୍ରାଣୀ

Couplet 86

ବୋଲଇ ଦାସ ଜଗନ୍ନାଥଇନ୍ଦ୍ର-ବୃତ୍ରାସୁର ଚରିତ