Adhyaya 8

Couplet 1

ଶୁଣ ରାଜନ ସାବଧାନେମହାନଦୀରେ ଏକଦିନେ

Couplet 2

ସ୍ନାନ-ଆହ୍ନିକକ୍ରିୟା ସାରିଭରତ ଗୋବିନ୍ଦ ସୁମରି

Couplet 3

ତିନିମୁହୂର୍ତ୍ତ ଜଳେ ରହିଏକାନ୍ତେ ବିଷ୍ଣୁଙ୍କୁ ଭଜଇ

Couplet 4

ତକ୍ଷଣେ ଦେଖେ ମହୀପାଳହରିଣୀ ହୋଇ ତୃଷାକୁଳ

Couplet 5

ମିଳିଲା ଜଳାଶୟତୀରେଜଳ ପିଅଇ ସେ ସଧୀରେ

Couplet 6

ଏମନ୍ତ ସମୟେ ରାଜନଶୁଭିଲା ସିଂହର ଗର୍ଜନ

Couplet 7

ଡେଇଁଲା ମୃଗେନ୍ଦ୍ର ଭୟରେପଳାଏ ଅତି ଦୁରାନ୍ତରେ

Couplet 8

ସେ ମୃଗବଧୂ ଯେ ଗର୍ଭିଣୀଜଳ ପିଅନ୍ତେ ଛନ୍ନପୁଣି

Couplet 9

ଜଳପାନରେ ତୃଷା ତାରପୂର୍ଣ୍ଣ ନୋହିଲା ନୃପବର

Couplet 10

ଚାରିଦିଗରେ ସେ ନୟନବୁଲାଇ ଅତି ଛନ୍ନଛନ୍ନ

Couplet 11

ନିକଟେ ସିଂହ ପ୍ରାୟ ମଣିଅତି କାତରେ ସେ ହରିଣୀ

Couplet 12

ଜଳୁ ଉଠିଣ ଧାତିକାରେଡେଇଁଲା ମରଣ କାତରେ

Couplet 13

ସ୍ୱଭାବେ ଗର୍ଭ ହୋଇଥିଲାସେ ଗର୍ଭ ଜଳରେ ପଡିଲା

Couplet 14

ଗର୍ଭ ନିପାତେ ଖେଦମତିପ୍ରାଣ ତେଜିଲା ମୃଗସତୀ

Couplet 15

ନଦୀରେ ଦେଖି ମୃଗବାଳସେ ଯେ ଭରତ-ମହୀପାଳ

Couplet 16

ମାତାର ମୃତ୍ୟୁ ତାର ଦେଖିଦୟାରେ ଅଶ୍ରୁପୂର୍ଣ୍ଣ ଆଖି

Couplet 17

ଚିତ୍ତେ ଆକୁଳ ନୃପବରପ୍ରବେଶ ବାଳକ ପାଶର

Couplet 18

ମୃଗନନ୍ଦନ ଘେନି କରେଆଶ୍ରମେ ମିଳିଲେ ସତ୍ୱରେ

Couplet 19

ସେ ମୃଗନନ୍ଦନର ତହିଁଅତ୍ୟନ୍ତ ସ୍ନେହଭର ହୋଇ

Couplet 20

ନିତ୍ୟେ କୋମଳ-ତୃଣାଙ୍କୁରଲୋଡି ଆଣଇ ନୃପବର

Couplet 21

ଯାହା ସେ କରେ ଅଭିଳାଷତା ଦେଇ କରେ ମନତୋଷ

Couplet 22

ତା ସେବା ନିରତେ କରଇମାୟାରେ ମତିଭ୍ରମ ହୋଇ

Couplet 23

ନିୟମ-ସନ୍ଧ୍ୟା-ତପ ଯେତେବିସ୍ମର ହେଲା ନୃପ ଚିତ୍ତେ

Couplet 24

କେତେ ହେଁ ଦିନ ଅନନ୍ତରପ୍ରଭୁର ସେବା କଲା ଦୂର

Couplet 25

ଜଗତ ପିତାମାତା ହରିତାର ଚରନ ଚିତ୍ତେ ଧରି

Couplet 26

ଦାରା ତନୟ ଆଦି ଯେତେସକଳ ଦୂରକରି ଚିତ୍ତେ

Couplet 27

ଏ ଭାବେ ଥିଲା ସେ ରାଜନଦେଖ ଏହାର ମୂଢ଼ପଣ

Couplet 28

ସକଳ କର୍ମ ଦୂର କଲାମୃଗବାଳକେ ମନ ଦେଲା

Couplet 29

ବିଚାରେ ମାତାପିତା ଭାଇଏହାର ଆନ କେହି ନାହିଁ

Couplet 30

ଆଶ୍ରୟ କରିଅଛି ମୋତେମୁଁ ତାକୁ ତେଜିବି କେମନ୍ତେ

Couplet 31

ଏ ସାଧୁକର୍ମର କାରଣଏମନ୍ତ ଚିନ୍ତିଣ ରାଜନ

Couplet 32

ଆସନ-ଶୟନ-ଗମନେସ୍ନାନ-ଭୋଜନ-ଜନପାନେ

Couplet 33

ମୃଗବାଳକେ ମନ ତାରନିମିଷମାତ୍ର ନୋହେ ଦୂର

Couplet 34

କାଷ୍ଠ-ପଲାଶ ଆଣିବାରେଯେବେ ସେ ଯାଇ ବନସ୍ତରେ

Couplet 35

ମୃଗବାଳକ ଘେନି ସଙ୍ଗେପଥେ ଚଳଇ ନାନାରଙ୍ଗେ

Couplet 36

ବାଳକ ଚଳି ନ ପାରଇଭରତ ମନେ ବିଚାରଇ

Couplet 37

ଅତ୍ୟନ୍ତ ସ୍ନେହବଶ ହୋଇକନ୍ଧେ ତାହାକୁ ସେ ବହଇ

Couplet 38

ହୃଦରେ ଆରୋପି ହରଷେବାହୁରେ ଭିଡେ ସ୍ନେହବଶେ

Couplet 39

ସ୍ନାନ-ଭୋଜନବେଳେ ତାରକ୍ଷଣେ ହେଁ ନ କରେ ଅନ୍ତର

Couplet 40

ଏଥି ଉତ୍ତାରେ କିଛିଦିନେମୃଗଶାବକ ଗଲା ବନେ

Couplet 41

ସେ ଅବସରେ ନୃପବରନ ଦେଖି ମୃଗର କୁମର

Couplet 42

ଅସ୍ଥିରେ ତାହାକୁ ଲୋଡଇପୁଣି ସେ ଯେବେଟି ଦେଖଇ

Couplet 43

ଚଞ୍ଚଳଚିତ୍ତ ସ୍ଥିର କରେଆଶିଷ ବାଞ୍ଛଇ ତାହାରେ

Couplet 44

ହେ ବତ୍ସ ମୋହର କଲ୍ୟାଣଶୁଭ କରନ୍ତୁ ନାରାୟଣ

Couplet 45

ଯେବେ ନିମିଷେ ନ ଦେଖଇଶୋକ-ସାଗରେ ସେ ବୁଡଇ

Couplet 46

କୃପଣ ଦ୍ରବ୍ୟକୁ ଯେସନଚଉର୍ଯ୍ୟ କରି ନେଲେ ଆନ

Couplet 47

ତେମନ୍ତ ପ୍ରାୟେ ମହୀପାଳକ୍ଷଣେ ନ ଦେଖି ମୃଗବାଳ

Couplet 48

ବିହଳେ ହୃଦୟ କାତରଲୋଡଇ ମୃଗର କୁମର

Couplet 49

ଭ୍ରମେ ବୋଲଇ ବାକ୍ୟମାନମଲା କି ମୃଗରନନ୍ଦନ

Couplet 50

କି କର୍ମ କଲି ମୁଁ କିରାତକେଣେ ମୋ ଗଲା ମୃଗସୁତ

Couplet 51

ମୃଗବାଳକ ସୁକଲ୍ୟାଣେଚରୁକି ଥିବ ଉପବନେ

Couplet 52

ପ୍ରଭୁ କି ରଖିଥିବେ ତାରେଦେଖିବି ନୟନଗୋଚରେ

Couplet 53

କି ଅବା ମୃଗବାଳେ ମୋରଭକ୍ଷିଲେ ଶୃଗାଳ କୁକୁର

Couplet 54

ରବିର ଅସ୍ତକାଳ ହୋଇମୋ ମୃଗସୁତ ନ ଦିଶଇ

Couplet 55

ଶୋକେ ଆକୁଳ ମୋର ଦେହୀକେଣେ ହେଁ ମୃଗବାଳ ନାହିଁ

Couplet 56

ସେ ମୃଗରାଜର କୁମରମନୋଜ୍ଞ-ଗମନ ତାହାର

Couplet 57

କ୍ଷଣକେ ଆଶ୍ରମଲୋକରଦୁଃଖ ଖଣ୍ତଇ ନିରନ୍ତର

Couplet 58

ମିଥ୍ୟାରେ ଚକ୍ଷୁବୁଜି ମୁହିଁକ୍ଷଣମାତ୍ରକ ଯେବେ ରହି

Couplet 59

ଚକିତ ପ୍ରାୟେ ସେ ହୁଅଇମୋହର ଅଗ୍ରତେ ଲୋଟଇ

Couplet 60

ଋଷିକୁକମରଙ୍କର ସଙ୍ଗେଖେଳୁ ଯେ ଥାଇ ନାନରଙ୍ଗେ

Couplet 61

କୋମଳତୃଣାଙ୍କୁରମାନବାଳକେ ଦିଅନ୍ତି ବହନ

Couplet 62

ସେ ସର୍ବସୁଖ ଦୂର ହେଲାମୃଗକୁମର କେଣେ ଗଲା

Couplet 63

ସେ ମୋର କୃଷ୍ଣସାରବାଳମୃଦୁ ତାହାର ପାଦତଳ

Couplet 64

କୋମଳ ଖୁରପୁଟପନ୍ତିସେ ମୋର ଦ୍ରବିଣ-ସମ୍ପତ୍ତି

Couplet 65

ମୃଗଶାବକ ଖୋଜିବାରନୃପତି ହୋଇଲା ବାହାର

Couplet 66

ପଥରେ ପଦଚିହ୍ନ ଦେଖିକହଇ ନିରେଖି ନିରେଖି

Couplet 67

ଧନ୍ୟ ପୃଥିବୀ ତୋର ପୁଣ୍ୟଏ ଚିହ୍ନ କଲୁ ତୁ ଧାରଣ

Couplet 68

ବିପ୍ରଙ୍କ ଯଜ୍ଞସ୍ଥାନ ପ୍ରାୟେତୋ ଦେହ ଶୋଭାକୁ ଯେ ପାଏ

Couplet 69

ପୁଣି ଉର୍ଦ୍ଧ୍ୱକୁ ଦୃଷ୍ଟି ଦେଲାଯହୁଁ ସେ ଚନ୍ଦ୍ରକୁ ଦେଖିଲା

Couplet 70

ତହିଁ ଦେଖିଣ ମୃଗଚିହ୍ନଭାବିଲା ନିଜ ମନେ ମନ

Couplet 71

ମୃଗଶାବକ ଦେଖି ଏକଦୟାରେ କି ତାରାନାୟକ

Couplet 72

ସିଂହଭୟରୁ ରକ୍ଷା କଲେଆପଣା ନିକଟେ ରଖିଲେ

Couplet 73

ଅତ୍ୟନ୍ତ ସୁଖକୁ ସେ ଦେଇତା ବିନୁ ମୋର କେହି ନାହିଁ

Couplet 74

ଏ ଯେ ଆଶ୍ରମ-ମୁନିଗଣକରନ୍ତି ନାନା ଶୁଭକର୍ମ

Couplet 75

ହରଷଚିତ୍ତେ ମୁନିଗଣକରନ୍ତି ତାହାରେ କଲ୍ୟାଣ

Couplet 76

ମୃଗେନ୍ଦ୍ର ଭୟରୁ ତାହରମାତା ଯେ ଛାଡିଲା ଶରୀର

Couplet 77

ତେଣୁ ମୁଁ ଳଭିଲି ତାହାରେଏବେ ସେ ଗଲା ବନଘୋରେ

Couplet 78

ଏମନ୍ତେ ଶୁଣ ମହୀପାଳକ୍ଷଣେ ସେ ଦେଖି ମୃଗବାଳ

Couplet 79

ବ୍ୟର୍ଥକର୍ମରେ ସେବା ତାରସୁକର୍ମ ତେଜି ନୃପବର

Couplet 80

ପୂର୍ବତପସ୍ୟା ହତ ତାରଶୁଭକର୍ମକୁ କଲା ଦୂର

Couplet 81

ଅଖିଳ-ବ୍ରହ୍ମାଣ୍ତ-କାରଣଅନାଦିନାଥ-ନାରାୟଣ

Couplet 82

ତାର ଚରଣ ଦୂର କରିମୃଗବାଳକେ ମନ ଧରି

Couplet 83

ମୋକ୍ଷପଦକୁ ପ୍ରତିବନ୍ଧସେ ମୃଗବାଳ ପଶୁମନ୍ଦ

Couplet 84

ତହିଁ ମମତା ରାଜା କଲାଯୋଗଅଭ୍ୟାସ ନ ଜାଣିଲା

Couplet 85

ତାହାକୁ ଥୋଇ ହୃଦାସନେଭୁଲିଲା ଜଗତ କାରଣେ

Couplet 86

ମୃଗର ଲାଳନ-ପାଳନଏଣେ ହରଇ ସେହୁ ଦିନ

Couplet 87

ଏମନ୍ତେ କେତେ ଦିନ ଗଲାଆୟୁଷ ଶେଷ ତା ହୋଇଲା

Couplet 88

ଏମନ୍ତେ ଶୁଣ ହେ ରାଜନକାଳର ହେଲା ସେ ଅଧୀନ

Couplet 89

ସମୀପେ ଦେଖି ମୃଗବାଳଶୋକରେ ହୋଇଲା ବିକଳ

Couplet 90

ପୁତ୍ରର ପ୍ରାୟେ ସ୍ନେହଭରେମନ ଅର୍ପଲା ତାହାଠାରେ

Couplet 91

ଅତ୍ୟନ୍ତ ଶୋକକରି ମନେପ୍ରାଣ ଛାଡିଲା ତତକ୍ଷଣେ

Couplet 92

ମୃଗର ତହିଁ ମନ ଥିଲାତେଣୁ ସେ ମୃଗଜନ୍ମ ହେଲା

Couplet 93

ମୃଗଜନ୍ମଟି ସେ କାରଣୁଶୁଣ ହେ ଅଭିମନ୍ଯୁ -ତନୁ

Couplet 94

ପୂର୍ବଜନ୍ମର କଥା ତାରସ୍ମରଣ କଲା ନୃପବର

Couplet 95

ମୃଗଙ୍କ ସେଙ୍ଗ ବନେ ଥାଇଅରଣ୍ୟେ ବୁଲଇ ସେ ମହୀ

Couplet 96

ବୁଲନ୍ତେ ଏକଦିନକରବୃକ୍ଷର ମୂଳେ ମୁନିବର

Couplet 97

ବ୍ରହ୍ମସାଧନେ ଚିତ୍ତ ଦେଇମନକୁ ବ୍ରହ୍ମରନ୍ଧ୍ରେ ଥୋଇ

Couplet 98

ତା ଦେଖି ରାଜା ବିଚାରଇମୁଁ ଯେ ହୋଇଣ ଥିଲି ଏହି

Couplet 99

ମନରେ ଜାଣି ସେ ରାଜନବିକଳେ ହୋଇ ଛନ୍ନଛନ୍ନ

Couplet 100

ମୃଗଜନ୍ମର ଯେ କାରଣମନେ ଜାଣିଲା ସେ ରାଜନ

Couplet 101

ପ୍ରଭୁର ସେବା ଭ୍ରଷ୍ଟ ହୋଇମନେ ବହୁତ ତାପ ପାଇ

Couplet 102

ଅତ୍ୟନ୍ତ ଶୋକ କରି ମନେବୋଲଇ ଲୋତକନୟନେ

Couplet 103

ଭ୍ରଷ୍ଟ ହୋଇଲି ମୁଁ ପାମରପ୍ରଭୁର ସେବା କଲି ଦୂର

Couplet 104

ସମସ୍ତ ତପକୁ ହୁଡିଣବିବିଧ-ଯଜ୍ଞ-ଶୁଭକର୍ମ

Couplet 105

ନାମଶ୍ରବଣ ଉଚ୍ଚାରଣନିରତେ କରି ଆରାଧନ

Couplet 106

ସକଳ-ଆତ୍ମା ଭଗବାନମନ ଅର୍ପିଲି ଅନୁଦିନ

Couplet 107

ଯେଣୁ ସେ ସକଳ ଛାଡିଲିମୃଗବାଳକେ ମନ ଦେଲି

Couplet 108

ତେଣୁ ଏ ଜୀବନ ମୋହରପାଇଲା ମୃଗର ଶରୀର

Couplet 109

ଏମନ୍ତ ମନରେ ବିଚାରିଚଞ୍ଚଳଚିତ୍ତ ସ୍ଥିର କରି

Couplet 110

ଆପଣା ମାତା ଯେ ହରିଣୀତାହାକୁ ତେଜି ନୃପମଣି

Couplet 111

ପ୍ରଭୁର ଅତି ପ୍ରିୟସ୍ଥାନଯେ ତୀର୍ଥ ଶାଳଗ୍ରାମ ନାମ

Couplet 112

ପରମସାଧୁ ଭକ୍ତଜନେଅଛନ୍ତି ଯହିଁ ମୁନିମାନେ

Couplet 113

ତହିଁକି ଶୀଘ୍ର ଚଳିଯାଇରହିଲା ମୃତ୍ୟୁବାଟ ଚାହିଁ

Couplet 114

କୁସଙ୍ଗ-ସଙ୍ଗକୁ ସେ ଡରିମନେ ଚିନ୍ତଇ ନରହରି

Couplet 115

ନୀରସଦଳ ସେ ଭକ୍ଷଇମୃଗଶରୀର ଯିବା ପାଇଁ

Couplet 116

ମନରେ କରଇ ବିଚାରକେମନ୍ତେ ଯିବ ଏ ଶରୀର

Couplet 117

ଏମନ୍ତେ ଶୁଣ ହେ ରାଜନକେତେହେଁ ଗଲା ତହିଁ ଦିନ

Couplet 118

ସେ ତୀର୍ଥଜଳରେ ତାହାରତେଜିଲା ମୃଗକଳେବର

Couplet 119

ଯେ ପ୍ରଭୁ ବ୍ରହ୍ମାଣ୍ତ କାରଣବ୍ରହ୍ମା ଚିନ୍ତଇ ଯା ଚଉଣ

Couplet 120

ସେ ଚକ୍ରଧର ନାରୟଣପଦପଙ୍କଜ ସୁମରିଣ

Couplet 121

କହଇ ଦାସ ଜଗନ୍ନାଥସାଧୁଙ୍କ ହିତେ ଭାଗବତ

Couplet 122

ପଞ୍ଚମସ୍କନ୍ଧେ କୃଷ୍ଣବାଣୀଶୁଣି ସଂସାରୁ ତରପ୍ରାଣୀ