Adhyaya 7

Couplet 1

ଏବେ ହୋ ଶୁଣ ପରୀକ୍ଷିତଋଷଭ ଉତ୍ତାରେ ଯେମନ୍ତ

Couplet 2

କହିବା ତହିଁର ଉଦନ୍ତରାଜନ ହୁଅ ଏକଚିତ୍ତ

Couplet 3

ଭରତ ମହାଭାଗବତଋଷଭେ ହୋଇଣ ସମ୍ଭୂତ

Couplet 4

ତାହାଙ୍କ ଆଜ୍ଞା ଶିରେ ଘେନିଆନନ୍ଦେ ପାଳନ୍ତି ମେଦିନୀ

Couplet 5

ବିଶ୍ୱରୂପର କନ୍ୟା ସେହିପଞ୍ଚଜନୀକୁ ବିଭା ହୋଇ

Couplet 6

ପଞ୍ଚକୁମର ଯେ ତାହାରହୋଇଲେ ଅତି ମନୋହର

Couplet 7

ଧୂମ୍ରକେତୁ ଯେ ସୁଦର୍ଶନସୁମତି ରାଷ୍ଟଭୃତ ନାମ

Couplet 8

ଅପରେ ଆବରଣ ନାମହୋଇଲେ ଅତି ଅନୁପମ

Couplet 9

ଏ ଦେଶ ଅଜନାଭ ଥିଲାଭରତୁଁ ଭାରତ ହୋଇଲ

Couplet 10

ଏମନ୍ତେ ଶୁଣ ପରୀକ୍ଷିତବିଷ୍ଣୁଭକତ ସେ ଭରତ

Couplet 11

ଦେବ-ବ୍ରାହ୍ମଣ-ପ୍ରଜାଜନସ୍ୱଚ୍ଛନ୍ଦେ କରଇ ପାଳନ

Couplet 12

ଯେ ଯାହା ଧର୍ମଅନୁସାରଆନ ନ କରନ୍ତି ଆଚାର

Couplet 13

ଯେ ଦର୍ଶ-ପୌର୍ଣ୍ଣମାସ ଆଦିଚାତୁର୍ମାସ୍ୟ ଯଜ୍ଞ ପ୍ରସିଦ୍ଧି

Couplet 14

ଅଗ୍ନିହୋତ୍ର ଯେ ପଶୁ-ସୋମଏ ଆଦି ଯେତେ ଯଜ୍ଞମାନ

Couplet 15

ଶ୍ରଦ୍ଧାରେ ଯାଗଯଜ୍ଞ କରିପୂଜନ୍ତି ଦେବ ନରହରି

Couplet 16

ଯଜ୍ଞେ ସକଳଦେବ ତୋଷିଯେଯାହା ଭାବେ ରାଜଋଷି

Couplet 17

ନାନାଯଜ୍ଞରେ ସେ ରାଜନସନ୍ତୋଷେ ପୂଜେ ଭଗବାନ

Couplet 18

ସର୍ବଦେବତାମୂଳ ସେହିଅଶେଷ-ପ୍ରଭୁ-ଭାବଗ୍ରାହୀ

Couplet 19

ଅଖିଳଦେବଙ୍କ ଈଶ୍ୱରସକଳ-ବ୍ରହ୍ମାଣ୍ତ-ଠାକୁର

Couplet 20

ତାହାଙ୍କ ଚରଣାରବିନ୍ଦେମନ ନିବେଶି ଅପ୍ରମାଦେ

Couplet 21

ସକଳ ଯଜ୍ଞଅବସାନେଦେବେ ସନ୍ତୋଷ ହୋଇ ମନେ

Couplet 22

ପରମକଲ୍ୟାଣ ସେ କରିହରଷେ ଗଲେ ଯେଜା ପୁରୀ

Couplet 23

ସୁକର୍ମ-ପ୍ରସାଦୁ ରାଜାରନିର୍ମଳ ହେଲା କଳେବର

Couplet 24

ସ‌ତ୍ତ୍ୱଗୁଣରେ ନୃପମଣିମନେ ଚିନ୍ତଇ ଚକ୍ରପାଣି

Couplet 25

ଆକାଶପ୍ରାୟ ଯେ ଈଶ୍ୱରଶୁଦ୍ଧ ନିର୍ମଳ ସ‌ତ୍ତ୍ୱସାର

Couplet 26

ପରମବ୍ରହ୍ମ ବାସୁଦେବଅନାଦିପୁରୁଷ ମାଧବ

Couplet 27

ନାନାଲକ୍ଷଣେ ବିରାଜିତଚତୁରଭୁଜେ ସେ ଶୋଭିତ

Couplet 28

ଶ୍ରୀବତ୍ସ କଉସ୍ତୁଭମଣିଗଦା କମଳ ଚକ୍ରପାଣି

Couplet 29

ଶଙ୍ଖ ଶୋହଇ ବାମକରେବନମାଳା ଯେ ଲମ୍ବେ ଉରେ

Couplet 30

ଏ ଆଦି ଯେତେ ଚିହ୍ନ-ବର୍ଣ୍ଣଚିନ୍ତା କରଇ ସେ ରାଜନ

Couplet 31

ଅତିଭକତି ନାରାୟଣେହୋଇଲା ତାର ଦିନୁଦିନେ

Couplet 32

ଏମନ୍ତେ ଗଲା କେତେଦିନଶୁଣ ସୁମନେ ହେ ରାଜନ

Couplet 33

ଲକ୍ଷେବରଷ ସେ ରାଜନଅବନୀ କରିଣ ପାଳନ

Couplet 34

ସକଳକର୍ମ ସାଧ୍ୟ କଲେପୁତ୍ରଙ୍କୁ ରାଇ ଆଜ୍ଞା ଦେଲେ

Couplet 35

ରାଜସମ୍ପଦ ଯଥୋଚିତେବିଭାଗ କରି ଯେଝାମତେ

Couplet 36

ଦେଇ ସେ ଋଷଭକୁମରଆପଣେ ହୋଇଲେ ବାହାର

Couplet 37

ପୁଲହଋଷିଙ୍କ ଆଶ୍ରମତହିଁକି କଲେକ ଗମନ

Couplet 38

ଅଦ୍ୟାପି ହରି -ଭଗବାନଯହିଁ ଅଛନ୍ତି କରି ସ୍ଥାନ

Couplet 39

ତହିଁର ନଦୀ ଶୁଦ୍ଧଜଳସୁଖେ ସେବନ୍ତି ମୁନିକୁଳ

Couplet 40

ତାହର ଗଣ୍ତକୀ ଯେ ନାମସ୍ମରଣେ ପାପ-ବିନାଶନ

Couplet 41

ପୁଲହାଶ୍ରମ ଯେ ଗହନବିବିଧ ଦ୍ରୁମରେ ଶୋଭନ

Couplet 42

ନାନା କୁସୁମେ ପରିମଳନିର୍ମଳ ସୁଶୀତଳ ଜଳ

Couplet 43

ମଳୟପବନ ନିରତେତହିଁ ଭରତ ଶୁଦ୍ଧ ଚିତ୍ତେ

Couplet 44

କୋମଳ ତୁଳସୀରଦଳସୁସ୍ୱାଦୁ ପକ୍ୱ ଫଳମୂଳ

Couplet 45

ଅନ୍ୟ ଯେ ବନ୍ୟ-ଉପହାରନିବେଦି ଗୋବିନ୍ଦ ପୟର

Couplet 46

ଇନ୍ଦ୍ରିୟଗଣକୁ ନିବାରିବିଷୟରସ ଦୂର କରି

Couplet 47

ନିତ୍ୟେ ଗୋବିନ୍ଦ-ଆରାଧନକରଇ ହରଷେ ରାଜନ

Couplet 48

ମହାପୁରୁଷ ସେବା ବିନେଅନ୍ୟ ସେ ନ ଭାବଇ ମନେ

Couplet 49

ଜଗତ-ପ୍ରଭୁ ନାରାୟଣେଶ୍ରଦ୍ଧା ବଢାଇ ଅନୁକ୍ଷଣେ

Couplet 50

କୈବଲ୍ୟଦାତା ନାମ ଧରିହୃଦୟ ଗଦଗଦ କରି

Couplet 51

ରୋମପୁଲକ ଅଶ୍ରୁପାତହରଷ ତନୁ ଅବିରତ

Couplet 52

ଏମନ୍ତ ପ୍ରଭୁ ଯେ ଗୋବିନ୍ଦଅରୁଣ-ଚରଣାରବିନ୍ଦ

Couplet 53

ଆସ୍ୱାଦ କରି ଅବିରତେପରମଭକ୍ତି ଯୋଗମତେ

Couplet 54

ଗଭୀର-ହ୍ରଦ-ହୃଦୟରେଚିତ୍ତ ବୁଡାଇ ନିରନ୍ତରେ

Couplet 55

ନିତ୍ୟେ ଯେ ପ୍ରଭୁ ସେବା ତାରବିସ୍ମର କଲା ନୃପବର

Couplet 56

ଏଥୁ ଅନ୍ତରେ ସେ ରାଜନଅଜିନ କରି ପରିଧାନ

Couplet 57

ଶିରେ କପିଳ-ଜଟାଭାରଶରୀର ଦିଶଇ ସୁନ୍ଦର

Couplet 58

ସୂର୍ଯ୍ୟମଣ୍ତଳେ ସେ ରାଜନବ୍ରହ୍ମରୂପକୁ କରି ଧ୍ୟାନ

Couplet 59

ଏମନ୍ତ ବାକ୍ୟ ଅନୁମାନେବୋଲଇ ହରଷିତ ମନେ

Couplet 60

ହେ ପରଂବହ୍ମ ତୁ ସବିତାନିଖିଳ-କର୍ମଫଳଦାତା

Couplet 61

ଇଚ୍ଛାମାତ୍ରକେ ସୃଷ୍ଟି କରୁସକଳ ଜୀବେ ପ୍ରତିପାଳୁ

Couplet 62

ତୋ ତେଜେ ସର୍ବବୁଦ୍ଧି ସ୍ଫୁରେଶରଣ ଗଲି ତୋ ପୟରେ

Couplet 63

ସେ ପରାପର-ବ୍ରହ୍ମରୂପତାଙ୍କୁ ଚିନ୍ତଇ ନିତ୍ୟେ ନୃପ

Couplet 64

ଭରତ କର୍ମ ଅନୁସରିସୂଜନେ ଚିନ୍ତ ନରହରି

Couplet 65

ସେ ପ୍ରଭୁ ଚରଣାରବିନ୍ଦେମନ ନିବେଶି ଅପ୍ରମାଦେ

Couplet 66

କହଇ ଦାସ ଜଗନ୍ନାଥଶ୍ରୀକୃଷ୍ଣ-ଭଜନ-ଚରିତ