Adhyaya 6

Couplet 1

ମୋର ସଂଶୟ ହୃଦଗତେଭୋ ମୁନି ଫେଡ଼ ଦୟାଚିତ୍ତେ

Couplet 2

ଯେ ଇଚ୍ଛାବିହାରୀ ପୁରୁଷସକଳକର୍ମର ଯେ ଈଶ

Couplet 3

ଏ ରୂପେ କିବା କାର୍ଯ୍ୟ ତାରସଂଶୟ ଫେଡ ମୁନିବର

Couplet 4

ଅଷ୍ଟ ଐଶ୍ୱର୍ଯ୍ୟଦାତା ହୋଇକଷ୍ଟେ କ୍ଲେଶିତ କାହିଁପାଇଁ

Couplet 5

ଯେ ପ୍ରଶ୍ନ କଲ ହେ ରାଜନକହଇ ଶୁଣ ସାବଧାନ

Couplet 6

ଐଶ୍ୱର୍ଯ୍ୟପଦ ଆଦି ଯେତେନିତ୍ୟେ କଦର୍ଥନ୍ତି ସମସ୍ତେ

Couplet 7

ଏ ମନ ଚଞ୍ଚଳ ସ୍ୱଭାବକେବେ ହେଁ ବିଶ୍ୱାସ ନ ଯିବ

Couplet 8

ଯାହାର ମୂଳ କାମ ଲୋଭଶୋକ ମୋହ ଯେ କ୍ରୋଧ ଗର୍ବ

Couplet 9

ଏ ସର୍ବ ଯାର ମୂଳ ହୋଇପ୍ରାଣୀଙ୍କି ବନ୍ଧନ କରଇ

Couplet 10

କେ ଏହା ସାଧୁ କରି ମଣେମୂଢ଼ ପାମର ଜନ ବିନେ

Couplet 11

ଏବେ ହୋ ଶୁଣ ମହୀପାଳସେ ଯେ ଋଷଭ-ଅବତାର

Couplet 12

ଅଖିଳ-ଲୋକପାଳ-ବରବଦନ୍ତି ଚରଣେ ଯାହାର

Couplet 13

ସେ ଦେବ ନାନା ବିଲକ୍ଷଣଜଡ଼ର ପ୍ରାୟ ଆଚରଣ

Couplet 14

ଭ୍ରମନ୍ତି ନାନା ଦେଶ-ଗ୍ରାମେଯୋଗ ଶିଖାଇ ଯୋଗଧର୍ମେ

Couplet 15

ଏମନ୍ତେ ଗଲା କେତେଦିନଶୁଣ ରାଜନ ଏକମନ

Couplet 16

ଋଷଭ ମନେ ବିଚାରିଲେଏ ଦେହ ଛାଡିବୁ ବୋଇଲେ

Couplet 17

ଆତ୍ମାରେ ଆତ୍ମାକୁ ବୁଡାଇଇନ୍ଦ୍ରିୟବୃତ୍ତେ ମନ ନାହିଁ

Couplet 18

ଏମନ୍ତ ମୁକ୍ତଲିଙ୍ଗରୂପହୋଇଲେ ଈଶ୍ୱର-ସ୍ୱରୂପ

Couplet 19

ମୃତ୍ପିଣ୍ତ ପ୍ରାୟେ ଦେହ ମଣିସ୍ୱଚ୍ଛନ୍ଦେ ବିହରିଲେ ଜ୍ଞାନୀ

Couplet 20

ଦକ୍ଷିଣେ କର୍ଣ୍ଣାଟଦେଶରେମିଳିଲେ କୁଟକଗିରିରେ

Couplet 21

ତହିଁର ଉପବନେ ସେହିବୁଲନ୍ତି ମୁକ୍ତଦେଶ ହୋଇ

Couplet 22

ଏମନ୍ତେ ପବନ ବେଗରେଅଗ୍ନି ଜଳିଲା ଅତିଖରେ

Couplet 23

ବନସ୍ତ-ବୃକ୍ଷ-ଜୀବମାନଶୀଘ୍ର ସେ କରଇ ଦହନ

Couplet 24

ସେ ଜଡ଼ରୂପ ଯୋଗେଶ୍ୱରପଶିଲେ ଅଗ୍ନିର ଭିତର

Couplet 25

ଅନଳତେଜ ଅତିଖରଦହିଲା ତାହାଙ୍କ ଶରୀର

Couplet 26

ପାଷଣ୍ତପଣ ଯହୁଁ ହୋଇକୁପଥମାନଙ୍କୁ ସେ ଲଇ

Couplet 27

କଳିଯୁଗରେ ନରନାଥଏ ଯେ ଋଷଭଦେବ-ପଥ

Couplet 28

ନ ବୁଝ ପାଷାଣ୍ତ ବହୁତବାହ୍ୟ-ଆଚାରେ ଅବଧୂତ

Couplet 29

ଶୌଚ-ପବିତ୍ର ଦୂରକରିଦେବତାନିନ୍ଦାକୁ ଆଚରି

Couplet 30

କଳିର ଆଚର ଯେସନତହିଁରେ ହୋଇ ମତିଭ୍ରମ

Couplet 31

ଦେବ-ବ୍ରାହ୍ମଣ-ଯଜ୍ଞମାନନିନ୍ଦା କରିବେ ଅନୁକ୍ଷଣ

Couplet 32

ସୁକର୍ମପଥକୁ ଛାଡିବେକୁମାର୍ଗମାନ ଆଚରିବେ

Couplet 33

ଶୁଣ କହିବା ନୃପବରଏ ଯେ ଋଷଭ-ଅବତାର

Couplet 34

ରଜଗୁଣର ଜାତ ଯେତେତାହାଙ୍କ କଇବଲ୍ୟ ଅର୍ଥେ

Couplet 35

ତାହାଙ୍କ ଗୁଣ ଏ ସଂସାରେଗାୟନ କରୁଛନ୍ତି ନରେ

Couplet 36

ସପତସିନ୍ଧୁ ମଧ୍ୟେ ଥାଇଦ୍ୱୀପ ବରଷ ଯେତେ ହୋଇ

Couplet 37

ଭାରତବର୍ଷ ତହିଁ ଧନ୍ୟଯହିଁରେ ଜନ୍ମି ପ୍ରାଣୀମାନ

Couplet 38

ଅଖିଳଜନର ଠାକୁରତାହାଙ୍କ ଜନ୍ମ-ଅବତାର

Couplet 39

ଗାୟନ କରନ୍ତି ହରଷେଯେଣେ ଅଜ୍ଞାନ-ପାପ ନାଶେ

Couplet 40

ଧନ୍ୟ ଏ ପ୍ରିୟବ୍ରତ ବଂଶଯହିଁ ଜନ୍ମିଲେ ବିଷ୍ଣୁଅଂଶ

Couplet 41

ଧନ୍ୟ ସେ ରାଜାମଧ୍ୟେ ଶ୍ରେଷ୍ଠଭକତ ମଧ୍ୟରେ ଗରିଷ୍ଠ

Couplet 42

ଏହାର ତୁଲ୍ୟ କେ ଅପରଯେ ବଂଶେ ଦେବ-ଯୋଗେଶ୍ୱର

Couplet 43

ବେଦ ବ୍ରାହ୍ମଣ ଗୋରୁ ଆଦିଦେବତା ନର ଯେ ପ୍ରସିଦ୍ଧି

Couplet 44

ଏ ସର୍ବ ଗୁରୁ ଭଗବାନଋଷଭ ପରମ-କାରଣ

Couplet 45

ତାହାଙ୍କ ଅଦଭୁତ-କର୍ମବିଶୁଦ୍ଧ ଯେତେ ଆଚରଣ

Couplet 46

ପ୍ରାଣୀମାନଙ୍କ ପାପହରପରମ-ମଙ୍ଗଳ-ମନ୍ଦିର

Couplet 47

ଶ୍ରଦ୍ଧାରେ ଶୁଣନ୍ତି ଯେ ନରହରଷେ କରନ୍ତି ବିଚାର

Couplet 48

ଚଞ୍ଚଳଚିତ୍ତ ସ୍ଥିର କରିଯେ ଅବା ବଦନେ ଉଚ୍ଚାରି

Couplet 49

ତା ମତି କୃଷ୍ଣର ପୟରେରହଇ ଅତି ଦୃଢ଼ତରେ

Couplet 50

ପରମ-କୃପାମୟ ତହିଁନିଶ୍ଚଳ-ଭକତି ଲଭଇ

Couplet 51

ଯେ ଭକ୍ତିପ୍ରସାଦରୁ ନରସଂସାରବନ୍ଧୁ ହୋନ୍ତି ପାର

Couplet 52

ବିଷୟଜଳେ ବୁଡୁଥାଇଭକ୍ତିଭେଳାରେ ସେ ତରଇ

Couplet 53

ସେ ସର୍ବପୁରୁଷାର୍ଥ ପାଇଯାର ପ୍ରସାଦୁ ମୋକ୍ଷ ହୋଇ

Couplet 54

ଶୁଣ କହିବା ନୃପବରଯେ ଯଦୁବଂଶର ଠାକୁର

Couplet 55

ତାହାର ଭୃତ୍ୟ ତୁ ରାଜନସେ ଯେ ଅନାଦି-ଭଗବାନ

Couplet 56

ନାନାଦି ଅବତାର ବହିସଂସାରୁ ପ୍ରାଣୀଙ୍କି ତାରଇ

Couplet 57

ଭକ୍ତିରେ ତାଙ୍କୁ ଯେ ଭଜଇସେ ପ୍ରଭୁ ତାରେ ମୋକ୍ଷ ଦେଇ

Couplet 58

ଯେ ନିତ୍ୟ-ଆନନ୍ଦ-ଶରୀରତାହାର ତୃଷ୍ଣା ଆଦି ଦୂର

Couplet 59

ପରମ-କଲ୍ୟାଣ-କାରଣଲୋକରେ ଦୟା ପରାୟଣ

Couplet 60

ସେ ଯେ ରକ୍ଷଭ-ଯୋଗେଶ୍ୱରତାହାଙ୍କୁ ମୋର ନମସ୍କାର

Couplet 61

କହଇ ଦାସ ଜଗନ୍ନାଥଭାଷାପ୍ରବନ୍ଧେ ଭାଗବତ

Couplet 62

ସେ ପ୍ରଭୁ ଋଷଭ-ଚରଣେମୋ ମନ ରହୁ ଅନୁକ୍ଷଣେ