Adhyaya 3

Couplet 1

ଆଗ୍ନୀଧ୍ରସୁତଙ୍କ ମଧ୍ୟରେନାଭିଙ୍କ ପୁତ୍ର ନୋହିବାରେ

Couplet 2

ବା‚ଞ୍ଛା କରି ପୁତ୍ରକାମରେତା ପତ୍ନୀ ମେରୁଦେବୀଠାରେ

Couplet 3

ଭଗବାନ - ଯଜ୍ଞପୁରୁଷେସେ ରାଜା ଭଜିଲା ବିଶ୍ୱାସେ

Couplet 4

ନାଭି ଯେ ଶୁଦ୍ଧଭାବ ଧରିମନ୍ତ୍ରେ ଆହୁତି ହବି-ବଳି

Couplet 5

ତାହାର ଶ୍ରଦ୍ଧାଭାବୁଁ କରିଯଜ୍ଞେ ପ୍ରସନ୍ନ ନରହରି

Couplet 6

ଭଗବାନ-ଭକ୍ତବତ୍ସ›ଳସେ ସର୍ବଆତ୍ମାର କୁଶଳ

Couplet 7

ରାଜାର ସନ୍ତୋଷ ନିମନ୍ତେସ୍ୱଚ୍ଛନ୍ଦେ ଅତି ହୃଷ୍ଟଚିତ୍ତେ

Couplet 8

ମନ-ନୟନାନନ୍ଦ-ବେଶଅଗ୍ନିରେ ହୋଇଲେ ପ୍ରକାଶ

Couplet 9

ଭୁଜଯୁଗଳ ବେନିକରିପୀତବସନ ଛନ୍ତି ଧରି

Couplet 10

ଶଙ୍ଖ-କମଳ ବାମେ ଧରିଦକ୍ଷିଣକରେ ଗଦା ଅରୀ

Couplet 11

ତେଜେ ବିରାଜମାନ ହୋଇକୌସ୍ତୁଭମଣି କଣ୍ଠେ ଶୋହି

Couplet 12

ଅମୂଲ୍ୟରତ୍ନ-ମୁକ୍ତହାରବିରାଜମାନ ହୃଦୟର

Couplet 13

ବିବିଧମଣିମାନଙ୍କରେନିର୍ମିତ ମୁକଟ ଶିରରେ

Couplet 14

କୁଣ୍ତଳ-କଙ୍କଣ-ସୁନ୍ଦରକଟୁମେଖଳା ରତ୍ନସାର

Couplet 15

ହାର କେୟୂର ଯେ ନୂପୁରଏ ଆଦି ଭୂଷଣ ଶରୀର

Couplet 16

ସେ ଯଜ୍ଞ ବରଣକର୍ତ୍ତାରଉ›ତ୍ସୁକ ହୃଦୟେ ଅପାର

Couplet 17

ନିର୍ଦ୍ଧନ-ଗୃହପତି ଧନେପ୍ରାପତ କୋଟିନିଧି ଯେହ୍ନେ

Couplet 18

ତେମନ୍ତ ହୋଇ ଦ୍ୱିଜଗଣଯଜ୍ଞରେ ଥିଲେ ଯେତେ ଜନ

Couplet 19

ପରମ-ହରଷକୁ ପାଇନମିଲେ ଶିରେ କର ଦେଇ

Couplet 20

ଭୋନାଥ ପରମକାରଣତୁମ୍ଭର ଆମ୍ଭେ ଭୃତ୍ୟଗଣ

Couplet 21

ସର୍ବପୂରିତ ତୁ ଠାକୁରସେବା ତୁ ଘେନ ହେ ଆମ୍ଭର

Couplet 22

ତୋହର ଚରଣାରବିନ୍ଦେନମିଲୁ ପରମ ଆନନ୍ଦେ

Couplet 23

ତୋର ଭିଆଣ ଏ ଜଗତପ୍ରକୃତି-ପୁରୁଷ ବିଦିତ

Couplet 24

ତ୍ରିଗୁଣେ ଜୀବ ବନ୍ଦୀ ହୋଇତୋର ମାୟାରେ ଭ୍ରମୁଥାଇ

Couplet 25

ଯେତେ ସୃଷ୍ଟିର କର୍ତ୍ତାମାନସେ ସର୍ବେ ତୋହର ଅଧୀନ

Couplet 26

ଭୋନାଥ ତୋହର ମହିମାସଂଖ୍ୟାରେ କେ କରିବ ସୀମା

Couplet 27

ତୋର ଆକୃତି-ରୂପ -ନାମଧ୍ୟାନେ କରନ୍ତି ନିରୂପଣ

Couplet 28

ସାକ୍ଷାତେ ନୁହଁଇ ଗୋଚରଭୋ ପ୍ରଭୁ ରୂପଗୁଣ ତୋର

Couplet 29

ତୋହର ନାମ ଉଚ୍ଚାରଣସକଳ-ପାପ-ବିଧ୍ୱଂସନ

Couplet 30

ଅଖିଳ-ବ୍ରହ୍ମାଣ୍ତ-ଠାକୁରତୁ ନାଥ କରୁଣାସାଗର

Couplet 31

ତୋହର ଯେତେ ଭକ୍ତଜନେଆନନ୍ଦେ ପ୍ରସନ୍ନ ବଦନେ

Couplet 32

ସଲିଳ-ଦୂର୍ବା-ତୁଳସୀରେପୂଜନ୍ତି ତୋହର ପୟରେ

Couplet 33

ତେଣୁ ତୁ ପରମପୁରୁଷପ୍ରସନ୍ନ ହେଉ ହୃଷୀକେଶ

Couplet 34

ଏ ଯଜ୍ଞ ହୋଇଲା ସଫଳଯେଣୁ ପ୍ରସନ୍ନ ଆଦିମୂଳ

Couplet 35

ସୁଫଳ କି ଅବା ଅପରେହୋଇବ ଏଥୁ ଅଧିକରେ

Couplet 36

ବାଳକବୁଦ୍ଧି ସେ ଯେସନେତେମନ୍ତ ପ୍ରାୟ ଆମ୍ଭେମାନେ

Couplet 37

ପୂର୍ଣ୍ଣ ଯେ ପରମ-ପୁରୁଷେଯଜ୍ଞ ଯେ କରୁ ତୋ ବିଶ୍ୱାସେ

Couplet 38

ପରମ-ଦୟାର ସାଗରରାଜାଙ୍କୁ ପ୍ରଭୁ କୃପା କର

Couplet 39

ଏମନ୍ତ ସ୍ତୁତି ଶ୍ରବଣରେଜଗତ ପ୍ରଭୁ ସେ ଅଗ୍ନିରେ

Couplet 40

ରାଜାର ଚକ୍ଷୁର ଗୋଚରହୋଇଲେ ଅତି ମନୋହର

Couplet 41

ଯେ ଅବଶେଷ ପାପ ଥିଲାତକ୍ଷଣେ ସର୍ବ ଦୂର ଗଲା

Couplet 42

ପୁଣି ବୋଲନ୍ତି ଦ୍ୱିଜଗଣଭୋନାଥ ସାବଧାନେ ଶୁଣ

Couplet 43

ଜ୍ଞାନ ଅନଳେ ପାପ ଦହିତୋ ପାଦପଦ୍ମଯୁଗ ଧ୍ୟାୟି

Couplet 44

ଯେ ଆତ୍ମାରାମ-ମୁନିଗଣସେବନ୍ତି ତୋହର ଚରଣ

Couplet 45

ଏ ତୋର ଗୁଣକର୍ମମାନକରନ୍ତି ଅବିରତେ ଧ୍ୟାନ

Couplet 46

ତୁ ନାଥ ଅଖିଳଠାକୁରପରମମଙ୍ଗଳର ଘର

Couplet 47

ଆମ୍ଭେ ସ୍ୱଭାବେ ହୀନଜନକରିବୁଁ ତୋହର ସ୍ମରଣ

Couplet 48

ସକଳ-କଳୁଷ-ନାଶନନିର୍ମଳ ତୋଗୁଣ ଗାୟନ

Couplet 49

ଆମ୍ଭର ମରଣଦଶାରେତୋ ନାମ ଥିବ ବଚନରେ

Couplet 50

ଏମନ୍ତ ଆଜ୍ଞା ପ୍ରଭୁ କରଅଖିଳବହ୍ମାଣ୍ତଠାକୁର

Couplet 51

ଏବେ ତୁ ଶୁଣ ଭାବଗ୍ରାହୀଏ ରାଜା ପୁତ୍ରକାମୀ ହୋଇ

Couplet 52

ତୋର ପ୍ରସାଦୁ ଏ କୁମରମାଗଇ ସଦୃଶରେ ତୋର

Couplet 53

ସ୍ୱର୍ଗ ଭୋଗ ଯେ ମୋକ୍ଷପଦସକଳ ଦେଉ ତୁ ଗୋବିନ୍ଦ

Couplet 54

ଏ ପୁତ୍ର ମାଗଇ ଯେମନ୍ତେତୁଷ ମାଗିବା ଧନବନ୍ତେ

Couplet 55

ଏଥୁ ଅନ୍ତରେ ସେ ରାଜନନିଶ୍ଚଳ ଚିତ୍ତେ କରି ଧ୍ୟାନ

Couplet 56

ଈଶ୍ୱର-ଶ୍ରୀମୁଖକୁ ଚାହିଁଗଦ୍‌ଗଦେ ବଚନ ବୋଲଇ

Couplet 57

ଭୋ ନାଥ ପରମମଙ୍ଗଳପ୍ରସନ୍ନ ହୁଅ ଆଦିମୂଳ

Couplet 58

ଏ ତୋର ଚରଣାରବିନ୍ଦଆଶ୍ରୟ ନ କରି ଗୋବିନ୍ଦ

Couplet 59

ଏ ଭବସାଗରେ ଯେ ଜନମାୟାର ହୁଅନ୍ତି ଅଧୀନ

Couplet 60

ସେ ମୂଢ଼ପ୍ରାଣୀମାନଙ୍କରଭୋ ନାଥ ଏମନ୍ତ ବେଭାର

Couplet 61

ତୋର ଚରଣେ ନ ଭଜନ୍ତିଅଜ୍ଞାନେ ସଂସାରେ ପଡନ୍ତି

Couplet 62

ସକଳକର୍ତ୍ତା ତୁ ଈଶ୍ୱରତୋର ଭିଆଣ ଏ ସଂସାର

Couplet 63

ଏମନ୍ତେ ନାଭି-ସ୍ତୁତି ଶୁଣିଦେବାଧିଦେବଶିରୋମଣି

Couplet 64

ଅଖିଳ-ବୃନ୍ଦାରକଗଣସେବନ୍ତି ଯାହାର ଚରଣ

Couplet 65

ସଦୟ ଚିତ୍ତେ ଭଗବାନକହନ୍ତି କୋମଳ ବଚନ

Couplet 66

ହେ ସର୍ବ ମୁନିଜନ ଯେତେସ୍ତୁତିରେ ବଶ କଲ ମୋତେ

Couplet 67

ମୋର ସଦୃଶ ଏହା ସୁତମାଗିଲ ଏ ବଡ଼ ଅଦ୍‌ଭୁତ

Couplet 68

ମୋହର ରୂପତ ଅପାରକି ରୂପେ ହୋଇବି କୁମର

Couplet 69

ତପସ୍ୟା-ବ୍ରହ୍ମବାକ୍ୟମାନବିଅର୍ଥ ହୋଇବ କେସନ

Couplet 70

ବ୍ରହ୍ମାର କୁଳ ଏ ହୁଅଇମୋହର ପାଳିବା ଯୋଗାଇ

Couplet 71

ଏବେ ମୁଁ ପୁତ୍ରରୂପ ହୋଇଅଂଶରେ ଅବତରିବଇଁ

Couplet 72

ରାଜା ସହିତେ ମୁନିଗଣଶୁଣିଲେ ଏମନ୍ତ ବଚନ

Couplet 73

ଏତେକ କହି ନାରାୟଣଅଗ୍ନିରେ ହେଲେ ଅନ୍ତର୍ଦ୍ଧାନ

Couplet 74

ଏମନ୍ତେ ମୁନି ଯଜ୍ଞ କରିପ୍ରସନ୍ନ କରାଇଲେ ହରି

Couplet 75

ରାଜାର ପ୍ରିୟଭାବ ବହିସେ ପ୍ରଭୁ ମେରୁଦେବୀ ତହିଁ

Couplet 76

ସଂସାରେ ଧର୍ମ ବିସ୍ତାରିଣଅବତରିଲେ ନାରାୟଣ

Couplet 77

ବୋଲଇ ଦାସ ଜଗନ୍ନାଥରାଜା-ଯଜ୍ଞସ୍ତୁତି-ଚରିତ