Adhyaya 2

Couplet 1

ଶୁଣ ରାଜନ ଏ ଅନ୍ତରେପିତାର ଆଜ୍ଞା ଘେନି ଶିରେ

Couplet 2

ଜମ୍ବୁଦ୍ୱୀପରେ ପ୍ରଜାଜନଆଗ୍ନୀଧ୍ର କରଇ ପାଳନ

Couplet 3

ଏମନ୍ତେ କେତେଦିନ ଗଲାଆଗ୍ନୀଧ୍ର ମନେ ବିଚାରିଲା

Couplet 4

ସନ୍ତୋଷ ପିତୃଲୋକଙ୍କରକେମନ୍ତେ ହୋଇବ ମୋହାର

Couplet 5

ଏମନ୍ତ ମନେ ବିଚାରିଲାମନ୍ଦରଗିରିରେ ମିଳିଲା

Couplet 6

ସୁରବନିତା କ୍ରୀଡାସ୍ଥାନେପଶିଲା ଗହନ କାନନେ

Couplet 7

ସଂସାରକରତାଙ୍କୁ ଧ୍ୟାୟିବସିଳା ସ୍ଥିରମନ ହୋଇ

Couplet 8

ତାହା ଜାଣିଲେ ଭଗବାନଯେ ବ୍ରହ୍ମା ସୃଷ୍ଟିର କାରଣ

Couplet 9

ସଭାରେ କରଇ ଗାୟନଯାହାର ପୂର୍ବଚିତ୍ତ ନାମ

Couplet 10

ଅତି ସୁନ୍ଦରୀ ଅପସରୀତାକୁ ପେଷିଲେ ବେଗ କରି

Couplet 11

ଆଗ୍ନୀଧ୍ର ତପୋବନ ଲାଗେମିଳିଲା ଅପସରୀ ବେଗେ

Couplet 12

ଅତିମଞ୍ଜୁଳ ମନୋହରବିବିଧ-ବିଟପୀ-ଅପାର

Couplet 13

ଘନ-ନିବିଡ-ଲତାମାନଅଛନ୍ତି ନାନା-ପକ୍ଷୀଗଣ

Couplet 14

କର୍ଣ୍ଣାଭିରାମ-ଧ୍ୱନିମାନକରନ୍ତି ହରଷିତ ମନ

Couplet 15

ସ୍ୱଚ୍ଛ ନିର୍ମଳ ସ୍ୱାଦୁ ବାରିବିବିଧ-ଜଳାଶୟେ ପୂରି

Couplet 16

କୁକ୍ଳୁଟ-କାରଣ୍ତବ-ହଂସକରନ୍ତି ରୁଚିର-ବିଳାସ

Couplet 17

କାନନେ ନାନା ପୁଷ୍ପସାରପଦ୍ମ-ପୂରିତ-ସରୋବର

Couplet 18

ମନ୍ଦପବନ ବହେ ନିତ୍ୟେତା ଦେଖି କନ୍ୟା ତୋଷଚିତ୍ତେ

Couplet 19

କରଇ ଲଳିତେ ଗାୟନବିନ୍ୟାସେ ପାଦଗତିମାନ

Couplet 20

ଚରଣେ ନୂପୁର ତାହାରଧ୍ୱନି କରଇ ମନୋହର

Couplet 21

ଅତି ମଞ୍ଜୁଳ-ତାନ ଶୁଣିନୃପ କୁମର-ଶିରୋମଣି

Couplet 22

ସମାଧିଯୋଗରୁ ତାହାରନୟନକମଳଯୁଗଳ

Couplet 23

ଈଷିତେ ବିକଶିତ କଲାମନ୍ଦ-ମଧୁରେ ସେ ଚାହିଁଲା

Couplet 24

ନିକଟେ ତାର ମୁଖ ଦେଖିପିଛାଡି ନ ପାରଇ ଆଖି

Couplet 25

ଭ୍ରମର-ମତି ସେ ଯେସନପୁଷ୍ପ ଲୋଡଇ ବନେବନ

Couplet 26

ଦେବମାନବ ଆଦି ଯେତେଉଲ୍ଲାସ ହୁଅନ୍ତି ଜଗତେ

Couplet 27

ବିହାର-ଅବଲୋକନରେସୁସ୍ୱର-ବଚନ-ମଧୁରେ

Couplet 28

ପ୍ରାଣୀର ମନକୁ ସେ ନେଇଅନଙ୍ଗେ ଅସ୍ଥିର କରଇ

Couplet 29

ସେ ଯେତେବେଳେ ବାକ୍ୟ କହିବଦନୁ ସୁଗନ୍ଧ ବାସଇ

Couplet 30

ତେଣେ ଲୁବୁଧ-ଭୃଙ୍ଗଗଣେଭ୍ରମନ୍ତି ତାର ସନ୍ନିଧାନେ

Couplet 31

ତେଣୁ ନ ପାରେ ବେଗେ ଯାଇପବନେ ବସନ ଚଳଇ

Couplet 32

ତା ଦେଖି ନୃପତିନନ୍ଦନହୋଇଲା ଅନଙ୍ଗେ ଅଧୀନ

Couplet 33

ଜଡ ପରାୟେ ସେ ହୋଇଲାକାହୁଁ ତୁ ଅଇଲୁ ବୋଇଲା

Couplet 34

ବନଦେବତା ମାୟାକରିବନେ କି ଖୋଜୁ ବନ ହେରି

Couplet 35

କାମର ଅସ୍ତ୍ରମାନ ଯୋଖିକି ଅର୍ଥେ ବୁଲୁ ତୁ ମୃଗାକ୍ଷି

Couplet 36

ମୃଗାକ୍ଷି କହ ତୁ ବଚନମୃଗକୁ ଲୋଡୁ କି କାରଣ

Couplet 37

ତୋ ବେନି କମଳଲୋଚନନିଶ୍ଚୟ ଅନଙ୍ଗର ବାଣ