Adhyaya 1

Couplet 1

ପରମ-ପୁରୁଷ ଗୋବିନ୍ଦଅରୁଣ-ଚରଣାରବିନ୍ଦ

Couplet 2

ତହୁଁ ଗଳଇ ମକରନ୍ଦେତାହା ଯେ ପିବନ୍ତି ଆନନ୍ଦେ

Couplet 3

ଶ୍ରଦ୍ଧାଯୁକ୍ତରେ ଚିନ୍ତାକରିହେଳେ ତରନ୍ତି ଭବବାରି

Couplet 4

ପରମଭକ୍ତି ସେ ଲଭଇକରୁଣା କରନ୍ତି ଗୋସାଇଁ

Couplet 5

ତାହାଙ୍କ ଚରଣେ ବନ୍ଦଇପଞ୍ଚମସ୍କନ୍ଧେ ଗୀତ ଗାଇ

Couplet 6

କହଇ ବିପ୍ର ଜଗନ୍ନାଥଭାଷା ପ୍ରବନ୍ଧେ ଭାଗବତ

Couplet 7

ଶୁକ ପରୀକ୍ଷିତ ସମ୍ବାଦଶୁଣିଲେ ତୁଟେ ଭବବନ୍ଧ

Couplet 8

ଭୋ ମୁନି ରାଜା ପ୍ରିୟବ୍ରତସେ ଆତ୍ମାରାମ ଭାଗବତ

Couplet 9

ଗୃହେ ରମିଲା ତାର ମନପ୍ରାରବ୍‌ଧ-କର୍ମରେ ବନ୍ଧନ

Couplet 10

ନିଶ୍ଚୟେ ମୁକ୍ତସଙ୍ଗ ଯାରଏମନ୍ତ ପ୍ରାଣୀମାନଙ୍କର

Couplet 11

କିମ୍ପା ଏ ଗୃହେ ମନ ରହେଭୋ ମୁନି ଫେଡିବା ସନ୍ଦେହେ

Couplet 12

ନିଶ୍ଚେ ମହତଲୋକଙ୍କରଉତ୍ତମ ଶ୍ଳୋକ କଥାସାର

Couplet 13

ନିବୃତ୍ତଚିତ୍ତ ସେ ହୁଅନ୍ତିସେ କିମ୍ପା ବ୍ୟର୍ଥ ଆଚରନ୍ତି

Couplet 14

ଏ ମୋତେ ସଂଶୟ ବହୁତଯେ ପ୍ରାଣୀ ଗୃହେ ମୋହଚିତ୍ତ

Couplet 15

ତା ମତି କୃଷ୍ଣ-ବିଷୟରେହୋଇଲା କେମନ୍ତ ପ୍ରକାରେ

Couplet 16

ଏମନ୍ତ ରାଜା ମୁଖୁଁ ଶୁଣିମୁନି କହନ୍ତି ପରିମାଣି

Couplet 17

ଯାହା ତୁ କରିଲୁ ପ୍ରଶନଧନ୍ୟ ରାଜନ ତୋ ବଚନ

Couplet 18

ଉତ୍ତମଶ୍ଳୋକ ଯେ ଗୋବିନ୍ଦତାହାଙ୍କ ଚରଣାରବିନ୍ଦ

Couplet 19

ତହୁଁ ଅମୀୟରସ ବହେସେ ରସ ଯେବା ପ୍ରାଣୀ ପିଏ

Couplet 20

ଭକତ ସାଧୁ ସେହୁ ଜନପରମହଂସ ଦିବ୍ୟଜ୍ଞାନ

Couplet 21

ତାହାର କୃଷ୍ଣକଥା ବିନେକେବେହେଁ ମନ ନୋହେ ଆନେ

Couplet 22

ଅନ୍ୟ ଯେ ଗୁଣକଥାମାନଇଚ୍ଛା ନ କରନ୍ତି ସେ ଜନ

Couplet 23

ତେଣୁ ସେ ନୃପ ପ୍ରିୟବ୍ରତଗୁଣରେ ହୋଇଲା ପୂଜିତ

Couplet 24

ମୁନି ପରମ-ଭାଗବତନାରଦ ଲୋକରେ ବିଖ୍ୟାତ

Couplet 25

ତାହାଙ୍କ ଚରଣ ସେବାରେସର୍ବକଳୁଷ ଗଲା ଦୂରେ

Couplet 26

ତକ୍ଷଣେ ସ‌ତ୍ତ୍ୱଗୁଣ ହୋଇବ୍ରହ୍ମଯଜ୍ଞରେ ଦୀକ୍ଷା ପାଇ

Couplet 27

ପିତାର ଆଜ୍ଞା ଘେନି ଶିରେଅବନୀ ପାଳନ ବିଚାରେ

Couplet 28

ତେଣେ ନ ଇଚ୍ଛେ ନୃପବରଉତ୍ତମ ସ‌ତ୍ତ୍ୱଗୁଣ ତାର

Couplet 29

ଅଖିଳଲୋକଙ୍କ ଜୀବନଅନାଦିନାଥ ନାରାୟଣ

Couplet 30

ତାହାଙ୍କ ଚରଣାରବିନ୍ଦେଚିତ୍ତ ନିବେଶି ଅପ୍ରମୋଦେ

Couplet 31

ପ୍ରବୃତ୍ତ ସଂସାର ବେଭାରତହୁଁ ମନକୁ କରି ଦୂର

Couplet 32

ନିଶ୍ଚୟ ଜାଣି ପରାଭବଇଚ୍ଛଇ ନାହିଁ ରାଜ୍ୟ ଲାଭ

Couplet 33

ଏଥି ଉତ୍ତାରେ ଭଗବାନଦେବଙ୍କ ଯେ ଆଦି କାରଣ

Couplet 34

ରାଜାର ଗୁଣମାନ ଘେନିଜନ କୁଶଳେ ଆତ୍ମଯୋନି

Couplet 35

ନିଗମ ନିଜ ଗୁଣେ ଥାଇଭୁବନୁ ଅଇଲେ ଗୋସାଇଁ

Couplet 36

ଗଗନ ମଧ୍ୟେ ଚନ୍ଦ୍ର ଯେହ୍ନେବିରାଜି ଶୋହେ ତାରାଗଣେ

Couplet 37

ନିର୍ମଳ ପୂଜା ଉପହାରେପୂଜିଲେ ତାଙ୍କୁ ଦେବବରେ

Couplet 38

ପଥରେ ଯୂଥ ଯୂଥ ହୋଇସିଦ୍ଧ ଗନ୍ଧର୍ବେ ଗୀତ ଗାଇ

Couplet 39

ଚାରଣ ମୁନିଙ୍କ ସହିତେଗାୟନ କଲେ ଯେଝାମତେ

Couplet 40

ଗନ୍ଧମାର୍ଦ୍ଦନ ଗିରି ତଳେଶୋଭା କରାଇ ବିଜେ କଲେ

Couplet 41

ହଂସଯାନରେ ଆଗମନହିରଣ୍ୟଗର୍ଭ ଯାର ନାମ

Couplet 42

ସେଠାରେ ଥାଇଣ ନାରଦବନ୍ଦିଲେ ପିତା ପଦ୍ମପାଦ

Couplet 43

ମନୁ ସହିତେ ନୃପବରଆନନ୍ଦେ ଯୋଡି ବେନିକର

Couplet 44

ପିତାମହକଙ୍କୁ ସେ ନମିଲାଚରଣେ ଶିର ନିବେଶିଲା

Couplet 45

ପ୍ରିୟବ୍ରତର ପୂଜା ଘେନିକୋମଳବାକ୍ୟେ ପଦ୍ମଯୋନି

Couplet 46

ସଦୟେ ଚାହିଁ ବେଦବରରାଜାଙ୍କୁ ବୋଲନ୍ତି ଉତ୍ତର

Couplet 47

ହେ ପ୍ରିୟବ୍ରତ କହୁଁ ତୋତେକ୍ରୋଧ ନ କର ତୋର ଚିତ୍ତେ

Couplet 48

ଆମ୍ବେ ନାରଦ ଆଦି ଯେତେଯା ଆଜ୍ଞା ବହୁ ଅନାୟତ୍ତେ

Couplet 49

ତପସ୍ୟା ବିଦ୍ୟା ଯୋଗ କରିପଣ୍ତିତପଣକୁ ଆଚରି

Couplet 50

ଧର୍ମେ ବା ଅର୍ଥେ କେହୁ ଏଡିଈଶ୍ୱର ଇଚ୍ଛାକୁ ନ ପାରି

Couplet 51

ଜନ୍ମ ମରଣ କର୍ମେ ପାଇଜୀବ ଶରୀରକୁ ବହଇ

Couplet 52

ଶୋକ-ମୋହକୁ ନିତ୍ୟେ ପାଇସୁଖ ଦୁଃଖକୁ ସେ ଭୁଞ୍ଜଇ

Couplet 53

ଦଉଡି ନାସାରନ୍ଧ୍ରେ ଦେଇପଶୁକୁ ଯେସନେ ବୁହାଇ

Couplet 54

ଈଶ୍ୱର ବାକ୍ୟ ଗୁଣ ବଳେଜୀବ ଭ୍ରମଇ ଏ ଶୟଳେ

Couplet 55

ଦ୍ୱିପଦ ଚତୁଷ୍ପଦ ଯେତେସର୍ବେ ବନ୍ଧନ ସେହିମତେ

Couplet 56

ଦୁଃଖସୁଖ କର୍ମ ଗୁଣରେଏମାନ ଘେନି ସଙ୍ଗତରେ

Couplet 57

ଈଶ୍ୱର ସୃଷ୍ଟିର କରତାସକଳେ ତାହାଙ୍କୁ ସେବନ୍ତା

Couplet 58

ସେହି ଈଶ୍ୱରବଶେ ଦେହୀଅନ୍ଧର ପ୍ରାୟ ଭ୍ରମୁଥାଇ

Couplet 59

ଦେଖୁ ଦେଖୁଣ ଭ୍ରମୁ ଥାଇଏକଥା ମୂଢ଼ ନ ଜାଣଇ

Couplet 60

ବିମୁକ୍ତ ହେଲେ ହେଁ ପୁରୁଷପ୍ରାରବ୍‌ଧ ଭୁଞ୍ଜଇ ଅବଶ୍ୟ

Couplet 61

ନିଦ୍ରାକୁ ପାଇ ଯେହ୍ନେ ନରେସ୍ୱପ୍ନ ଦେହରେ ଭୋଗ କରେ

Couplet 62

ପ୍ରମତ୍ତ-ପ୍ରାଣୀମାନଙ୍କରକେବେହେଁ ଭ୍ରମ ନୋହେ ଦୂର

Couplet 63

ଲୋଭାଦିମାନଙ୍କରେ ଯୁତଯେଣୁ ହୁଅଇ ଅବିରତ

Couplet 64

ଯେ ବୁଧ ଜିଣେ ଇନ୍ଦ୍ରିମାନତାହାର ଗୃହ କର୍ମମାନ

Couplet 65

ବନ୍ଧନ ନ କରେ ତାହାରେନିର୍ଭୟେ ଭ୍ରମେ ସେ ଗୃହରେ

Couplet 66

ଲୋଭାଦି ଜିଣନ୍ତି ଯେ ଜନଗୃହେ ନ ରମେ ତାର ମନ

Couplet 67

ଦୁର୍ଗ ମଧ୍ୟରେ ଥାଇ ଯେହ୍ନେଜିଣି ପ୍ରରଳ ଶତ୍ରୁଗଣେ

Couplet 68

ଗୃହ ମଧ୍ୟରେ ଦେଇ ମନଲୋଭାଦି ନାଶିବ ତେସନ

Couplet 69

ଇନ୍ଦ୍ରିୟ ଜିଣନ୍ତେ ସେ ନରଆନନ୍ଦେ ଭ୍ରମିବ ସଂସାର

Couplet 70

ତୁ ପଦ୍ମନାଭ-ପଦାଶ୍ରିତସର୍ବସଙ୍ଗରୁ ହୋଇ ମୁକ୍ତ

Couplet 71

କରି ସଂସାର-ସୁଖ ଲାଭଅନ୍ତେ ପରମଗତି ଲାଭ

Couplet 72

ଏମନ୍ତ ତ୍ରିଭୁବନେ ପୁରିଭଗବାନଙ୍କ ଆଜ୍ଞାକାରୀ

Couplet 73

ବିନୟେ ବ୍ରହ୍ମା ଉପଦେଶେସ୍ୱୀକାର କଲା ସେ ବିଶ୍ୱାସେ

Couplet 74

ନାରଦ ରାଜା ପ୍ରିୟବ୍ରତେପୂଜିତ ହୋଇ ଯଥୋଚିତେ

Couplet 75

ନିଶ୍ଚଳଆତ୍ମା ନିଜସ୍ଥାନେଗମିଲେ ଚତୁରଆନନେ

Couplet 76

ଶୁଣ ରାଜନ ପରୀକ୍ଷିତତଦନ୍ତେ ରାଜା ପ୍ରିୟବ୍ରତ

Couplet 77

ବ୍ରହ୍ମାଙ୍କ ଜ୍ଞାନବାକ୍ୟ ଶୁଣିଆପଣେ ଅକିଞ୍ଚନ ମାନି

Couplet 78

ମନରେ ଭାଳନ୍ତି ରାଜନପାଳିବି ବ୍ରହ୍ମାଙ୍କ ବଚନ

Couplet 79

ନାରଦ ବାକ୍ୟେ ମନ ଦେଇମନୁ ଆତ୍ମଜେ ମହୀ ଦେଇ

Couplet 80

ବିଷମ-ବିଷୟାକୁ ତେଜିରହେ ସା‌ତ୍ତ୍ୱିକଭାବେ ମଜ୍ଜି

Couplet 81

ଏଥୁ ଅନ୍ତରେ ପୃଥିବୀରେନିଯୁକ୍ତ ହୋଇଲା କୁମରେ

Couplet 82

ଅଖିଳ-ଜଗତ-ବନ୍ଦନନିବେଶି କୃଷ୍ଣପାଦେ ମନ

Couplet 83

ଆଦିପୁରୁଷ ପାଦେ ଧ୍ୟାୟିମନ ନିବେଶି ନିତ୍ୟେ ତହିଁ

Couplet 84

ପୃଥିବୀ ପରିପାଳନରେଚିତ୍ତ ସେ ଦେଲା ନିରନ୍ତରେ

Couplet 85

ଯେ ବିଶ୍ୱକର୍ମା ପ୍ରଜାପତିତାର ଦୁହିତା ବର୍ହିଷ୍କୃତୀ

Couplet 86

ସେ କନ୍ୟା ବରି ନରନାଥବିଭା ହୋଇଲା ଯଥୋଚିତ

Couplet 87

ଦଶ ଆତ୍ମଜ ତାର ତହିଁଜନ୍ମିଲେ ଗୁଣ-ତେଜ ବହି

Couplet 88

ଏକ ଦୁହିତା ରୂପବତୀନାମ ଯାହାର ଉର୍ଜସ୍ୱତୀ

Couplet 89

ଆଗ୍ନୀଧ୍ର ଇଧ୍ୱଜିହ୍ୱ ଦୁଇତୃତୀୟ ଯଜ୍ଞବାହୁ ହୋଇ

Couplet 90

ସବପନ ଘୃତପୁଷ୍ଠ ଆରହିରଣ୍ୟରେତା ମହାବୀର

Couplet 91

ବୀତିହୋତ୍ର ଯେ ମେଧାତିଥିକବି ଏ ଦଶନାମ ଖ୍ୟାତି

Couplet 92

ଏ ଦଶନାମ ପୁତ୍ରଙ୍କରଏଥିର ମଧ୍ୟେ ତିନି ସାର

Couplet 93

ମହାବୀର କବି ସବନଉର୍ଦ୍ଧ୍ୱରେତା ଏ ତନିଜଣ

Couplet 94

ପରମହଂସ ଦୀକ୍ଷା ଧରିସକଳ ଚେଷ୍ଟା ପରିହରି

Couplet 95

ସର୍ବଜୀବରେ କୃପାମୟଶ୍ରୀବାସୁଦେବେ କରି ଲୟ

Couplet 96

ଭୟେ ଆରତ-ପ୍ରାଣୀଙ୍କରଶରଣ-ରକ୍ଷଣ-ଶ୍ରୀଧର

Couplet 97

ସେ ପଦ୍ମପାଦ ଆଶ୍ରୟରୁନିରତେ ନାମ କୀର୍ତ୍ତନରୁ

Couplet 98

ପରମଭକ୍ତି ପ୍ରଭାବରେଦୟା ବହିଲେ ପ୍ରାଣୀଠାରେ

Couplet 99

ଭାବେ ନିର୍ମଳଚିତ୍ତ ହୋଇହରି ସର୍ବଭୂତେ ଦେଖଇ

Couplet 100

ସେ ମହାପ୍ରଭୁ ନାରାୟଣେନିତ୍ୟେ ଭଜିଲେ ଦାସପଣେ

Couplet 101

ପ୍ରିୟବ୍ରତଙ୍କ ଅନ୍ୟନାରୀଥିଲା ସେ ଅତୀବ ସୁନ୍ଦରୀ

Couplet 102

ଦ୍ୱିତୀୟ ପତ୍ନୀ ଗର୍ଭେ ତାରହୋଇଲେ ତିନି ଯେ କୁମର

Couplet 103

ଉତ୍ତମ ତାମସ ରୈବତମନୁରେ ହୋଇଲେ ବିଖ୍ୟାତ

Couplet 104

ଏମନ୍ତ ପୁତ୍ରମାନ ଘେନିସେ ରାଜା ଚିରକାଳ ପୁଣି

Couplet 105

ସୁବାହୁ ବଳବୀର୍ଯ୍ୟ ଧରିପୃଥିବୀ ନିଷ୍କଣ୍ଟକ କରି

Couplet 106

ସେ ରାଜା ପୁରୁଷାର୍ଥ କରିଧରମପଥକୁ ଆଚରି

Couplet 107

ସେ ରାଜା ପତ୍ନୀ ବିଷୟରେପ୍ରତି ଦିବସ ସ୍ନେହଭରେ

Couplet 108

ସେ ପତ୍ନୀ ନବ-ଯଉବନେମନ୍ଦହାସ ଅବଲୋକନେ

Couplet 109

ବିହାର ତାର ସଙ୍ଗେ କରିତା ବଶ ନୋହି ଦଣ୍ତଧାରୀ

Couplet 110

ବିବିଧ-କ୍ରୀଡା ନାନାରଙ୍ଗେଦିନ ହରଇ ତାର ସଙ୍ଗେ

Couplet 111

ଏମନ୍ତେ ରାଜା ପ୍ରିୟବ୍ରତରାଜ୍ୟ ପାଳନେ ହେଲା ରତ

Couplet 112

ପ୍ରଜାଙ୍କୁ ପାଳନ୍ତି ହରଷେଏକାଦଶ-ଅର୍ବୁଦ-ବର୍ଷେ

Couplet 113

ତାହାଙ୍କ ବେନିଭୂଜ ତେଜେବିପକ୍ଷପକ୍ଷ ତାଙ୍କୁ ଭଜେ

Couplet 114

ଏମନ୍ତ ନିର୍ଭୟ-ମନରେଆନନ୍ଦେ ସଂସାରେ ବିହରେ

Couplet 115

ମେରୁକୁ ସୂର୍ଯ୍ୟ ଯେବେ ଯାଏତେଜରେ ପ୍ରକାଶ ସେ ହୋଏ

Couplet 116

ତେଜେ ସୂର୍ଯ୍ୟତେଜ ଗଞ୍ଜଇତପସ୍ୟାବଳେ ବିରାଜଇ

Couplet 117

ଆରୋହି ଜ୍ୟୋତିର୍ମୟ-ରଥେପ୍ରକାଶ କରାଇବା ଅର୍ଥେ

Couplet 118

ରଜନୀ ଦିବସେ ଭ୍ରମଇଁଦ୍ୱିତୀୟସୂର୍ଯ୍ୟ ପ୍ରାୟ ହୋଇ

Couplet 119

ତପସ୍ୟାବଳୁ ପ୍ରିୟବ୍ରତସାଧିଳା ଅବ୍ୟକ୍ତ ଏ ବ୍ରତ

Couplet 120

ଏମନ୍ତ ଜାଣି ବେଦପତିଆସି ମିଳିଲେ ତାର କତି

Couplet 121

ସସ୍ନେହେ କହେ ବେଦବରଏ ନୋହେ ତୁମ୍ଭ ଅଧିକାର

Couplet 122

ସେ ରାଜା ରଥର ଚକ୍ରରହୋଇଲା ଯେତେକ ବିସ୍ତାର

Couplet 123

ତେଣୁ ସପତସିନ୍ଧୁ ହେଲାପୃଥିବୀ ସାତଭାଗ କଲା

Couplet 124

ଶାକ ଶାଳ୍ମଳୀ ଜମ୍ବୁ ପ୍ଳକ୍ଷକୁଶ ପୁଷ୍କର ଆଉ କ୍ରୌଞ୍ଚ

Couplet 125

ଏପରି ସପ୍ତଦ୍ୱୀପ ହେଲାସେ ରାଜା ଆନନ୍ଦେ ବୁଡିଲା

Couplet 126

ଆନନ୍ଦମନେ ଦଣ୍ତଧାରୀଏହା ସେ କର୍ମରେ ବିଚାରି

Couplet 127

ଏମନ୍ତେ ରାଜା ପ୍ରିୟବ୍ରତସଂସାରକାର୍ଯ୍ୟେ ହେଲ ବ୍ରତ

Couplet 128

ପୁତ୍ରଙ୍କୁ ଅଧିପତି କଲେରାଜ୍ୟ ବିଭାଗ କରିଦେଲେ

Couplet 129

ଦୁହିତା ଊର୍ଜସ୍ୱତୀ ନାମତାହାକୁ ଶୁକ୍ରେ କଲା ଦାନ

Couplet 130

ତାହାର କନ୍ୟା ଅନୁପମହୋଇଲା ଦେବଯାନୀ ନାମ

Couplet 131

ଏଥୁ ଅନ୍ତରେ ରାଜା ଚିତ୍ତେବୈରାଗ୍ୟ ଉପୁଜେ ନିରତେ

Couplet 132

ମନେ ବିଚାରି ନୃପନାଥସ୍ୱନିନ୍ଦା କଲାକ ବହୁତ

Couplet 133

ସ୍ତ୍ରୀସଙ୍ଗେ ଆସକ୍ତ ହୋଇଲିବଡ଼ ଅସାଧୁପଣ କଲି

Couplet 134

ଏଣୁ ଇନ୍ଦ୍ରିୟେ ବଣ ହୋଇଅବିଦ୍ୟା-ବିଷୟରେ ଥାଇ

Couplet 135

ଏଣୁ ଏ ଧିକ ମୋ ଜୀବନବିସ୍ମୟେ ଭାଳନ୍ତେ ରାଜନ

Couplet 136

ଈଷ୍ଟ ଦେବତା-ପ୍ରସାଦରେବୈରାଗ୍ୟ ଜାତ ତା ମନରେ

Couplet 137

ବିଷୟ-ଚେଷ୍ଟା ପାଶୋରିଲାଇନ୍ଦ୍ରିୟମାନ ନିରୋଧିଲା

Couplet 138

ରାଜସମ୍ପଦ ନ ଇଚ୍ଛିଲାପୁତ୍ରଙ୍କୁ ଭାଗ କରି ଦେଲା

Couplet 139

ସ୍ୱପତ୍ନୀ ତେଜି ମୃତପ୍ରାୟେମୁକ୍ତି ଇଚ୍ଛିଲା ନୃପରାୟେ

Couplet 140

ମହାନୁଭାବ ଭଗବାନନାରଦ ବ୍ରହ୍ମାର ନନ୍ଦନ

Couplet 141

ତାହାଙ୍କ ପଥ ଆଶ୍ରେ କଲାନିଶ୍ଚୟେ ନିବୃତ୍ତ ହୋଇଲା

Couplet 142

ଯେଉଁ ରାଜାର ଏତେ କୃତ୍ୟଗାୟନ କରନ୍ତି ଜଗତ

Couplet 143

ପ୍ରିୟବ୍ରତର କଲାକର୍ମଏହା କେ କରିବାକୁ କ୍ଷମ

Couplet 144

ତାହାର ରଥଚକ୍ର-ମାର୍ଗେସପ୍ତସମୁଦ୍ର ପୃଥ୍ୱୀଭାଗେ

Couplet 145

ଭାଗ-ବିଭାଗ ମହୀ କରିଦ୍ୱୀପ-ଉପଦ୍ୱୀପ ବିସ୍ତାରି

Couplet 146

ଯେବା କଲା ମନୁକୁମରପୃଥିବୀ-ସ୍ୱର୍ଗେ ଅଗୋଚର

Couplet 147

ସେ ପ୍ରିୟବ୍ରତର ମହିମାତ୍ରୈଲୋକ୍ୟେ ନାହିଁନା ଉପମା

Couplet 148

ପ୍ରିୟ ଅଖିଳ ଜନଙ୍କରମହାମହିମା ଅଗୋଚର

Couplet 149

ପ୍ରିୟବ୍ରତ ରାଜା ଚରିତକହଇ ଦାସ ଜଗନ୍ନାଥ