Adhyaya 4

Couplet 1

ଏଥୁଅନ୍ତରେ ଶୁଣ ରାୟେନାଭିରେ ହୋଇଲା ତନୟେ

Couplet 2

ଯେତେ ଲକ୍ଷଣ କୃଷ୍ଣଠାରେସକଳ ଅଛି ସେ କୁମରେ

Couplet 3

ଶାନ୍ତି-ବୈରାଗ୍ୟ ଗୁଣ ଯେତେଐଶ୍ୱର୍ଯ୍ୟ ଆଦି ଏ ସମସ୍ତେ

Couplet 4

ଅତି ସୋହାଗେ ବହୁଧନେପାଳିତ ହୋଇ ପ୍ରତିଦିନେ

Couplet 5

ଶୁକଳପକ୍ଷେ ବନ୍ଦ୍ର ଯେହ୍ନେବଢ଼ଇ ପୁତ୍ର ଦିନୁଦିନେ

Couplet 6

ଅମାତ୍ୟଆଦି ପ୍ରଜା ଯେତେଦେବତା-ବ୍ରାହ୍ମଣ ସହିତେ

Couplet 7

ଅବନୀତଳେ ଯେତେ ଜନସାନନ୍ଦ ହେଲା ତାଙ୍କ ମନ

Couplet 8

ତାହାର ବାଳରୂପ-ଗୁଣଅତି ଅଦ୍‌ଭୁତ ଯେ ଲକ୍ଷଣ

Couplet 9

ଦେଖି ତାହାର ଚିହ୍ନ ବର୍ଣ୍ଣପିତା ଋଷଭ ଦେଲେ ନାମ

Couplet 10

ଯେବେ ତାହାଙ୍କ ସଙ୍ଗତରେବିବାଦ କଲେ ପୁରନ୍ଦରେ

Couplet 11

ସେ ଭଗବାନ ଯୋଗେଶ୍ୱରଋଷଭ ନାମଟି ଯାହାର

Couplet 12

ଆପଣା ଯୋଗମାୟା ବଳେଇନ୍ଦ୍ରଙ୍କୁ ନିଗ୍ରହ ଯେ କଲେ

Couplet 13

ନାଭି ସେ କର୍ମମାନ ଦେଖିଲୋତକେ ପୂର୍ଣ୍ଣ କଲା ଆଖି

Couplet 14

ଆନନ୍ଦେ ଗଦଗଦ ହୋଇହେ ପୁତ୍ର ହେ ତାତ ବୋଲଇ

Couplet 15

ସେ ଭଗବାନ ଯୋଗେଶ୍ୱରପୁରାଣ-ପୁରୁଷ-ଠାକୁର

Couplet 16

ମାୟାରେ ଅଂଶରୂପ ହୋଇଲୀଳାରେ ଶରୀର ବହଇ

Couplet 17

ତାହାଙ୍କୁ ପୁତ୍ରଭାବେ କରିବଦନେ ବଚନ ଉଚ୍ଚାରି

Couplet 18

ସ୍ନେହଭାବରେ ସେ ଭଜିଲାପରମବ୍ରହ୍ମକୁ ପାଇଲା

Couplet 19

ଏଥୁଅନ୍ତରେ ନୃପମଣିପୁତ୍ରର ବୁଦ୍ଧି-ବଳ ଜାଣି

Couplet 20

ଆତ୍ମୀୟ-ବ୍ରାହ୍ମଣଙ୍କୁ ରାଇରାଜତ୍ୱପଣ ପୁତ୍ରେ ଦେଇ

Couplet 21

ଯେ ମେରୁଦେବୀ ପତ୍ନୀ ତାରସଙ୍ଗତେ ଘେନି ନୃପବର

Couplet 22

ବଦରିକାଶ୍ରମେ ରହିଲାପରମତପ ଆଚରିଲା

Couplet 23

ସମାଧିଯୋଗରେ ରାଜନଚିନ୍ତଇ ପ୍ରଭୁ ଭଗବାନ

Couplet 24

କେତେହେଁ ଦିନ ତପ କଲାଅନ୍ତେ ସେ ମୁକତି ଲଭିଲା

Couplet 25

ଯା ଯଶ ଏ ବେନିଶ୍ଳୋକରେଗାୟନ କରନ୍ତି ସଂସାରେ

Couplet 26

ଏମନ୍ତ ସଂସାରେ କେ ହେବନାଭିର କର୍ମକୁ କରିବ

Couplet 27

ଯାହାର ଶୁଦ୍ଧଭାବୁଁ କରିପୁତ୍ର ହୋଇଲେ ନରହରି

Couplet 28

ସେ ରାଜା ବିପ୍ରଭକ୍ତ ହୋଇଯଜ୍ଞେ ପୂଜିଲେ ଭାବଗ୍ରାହୀ

Couplet 29

ଅଗ୍ନିରେ ପ୍ରଭୁ ଚକ୍ରଧରଦେଖିଲେ ନୟନ-ଗାଚର

Couplet 30

ଏଥୁଅନ୍ତରେ ନୃପ ଶୁଣସେ ଯେ ଋଷଭଗବାନ

Couplet 31

ଗୁରୁକୁଳରେ ବାସ କଲେଲୋକରେ ଧର୍ମ ଦେଖାଇଲେ

Couplet 32

ସମସ୍ତ ବିଦ୍ୟା ପୂର୍ଣ୍ଣ କରିଗୁରୁଙ୍କ ଆଜ୍ଞା ଶିରେ ଧରି

Couplet 33

ଗୃହସ୍ଥଧର୍ମ ଆଚରଣକରନ୍ତେ ସଂସାର-ପାଳନ

Couplet 34

ଗୁରୁ ସନ୍ତୋଷେ ଦେଲେ ବରହୋଇବ ଶତେକ କୁମର

Couplet 35

ଏମନ୍ତେ ଗଲା କେତେଦିନଋଷଭ ସେ ମହାରାଜନ

Couplet 36

ବେଦଉକତ ଧର୍ମମତେବିଭା ହୋଇଲେ ଯଥୋଚିତେ

Couplet 37

ପୂର୍ବେ ଇନ୍ଦ୍ରର ହୋଇ ଦତ୍ତଯେ କନ୍ୟା ଜୟନ୍ତୀ ବିଦିତ

Couplet 38

ତହିଁ ବିବିଧ ଭୋଗକରିଆନନ୍ଦେ ସ୍ୱଚ୍ଛନ୍ଦେ ବିହରି

Couplet 39

ଯଥାକାଳରେ ତାହାଙ୍କରହୋଇଲେ ଶତେକ କୁମର

Couplet 40

ଏହାଙ୍କ ମଧ୍ୟେ ମହାବୀରଜ୍ୟେଷ୍ଠ ଯେ ଭରତ କୁମର

Couplet 41

ଏ ଭୂମି ଯାହାର ନାମରେଭାରତ ବୋଲାଇ ସଂସାରେ

Couplet 42

ଏ ଜ୍ୟେଷ୍ଠ ଭରତ ଅନ୍ତରେହୋଇଲେ ଋଷଭ କୁମରେ

Couplet 43

ଯେ ଇଳାବର୍ତ୍ତ କୁଶାବର୍ତ୍ତଇନ୍ଦ୍ରସ୍ପୁକ ଯେ ବ୍ରହ୍ମାବର୍ତ୍ତ

Couplet 44

ମଳୟ କେତୁ ଯେ ନନ୍ଦନବିଦର୍ଭ ଆର ଭଦ୍ରସେନ

Couplet 45

କୀକଟ ଆଦି ନବପୁତ୍ରପଛେ କହିବା ତା ଚରିତ

Couplet 46

ଏହାଙ୍କ ଯେ ନବ ଅନୁଜଶୁଣ କହିବା ମହାରାଜ

Couplet 47

ସେ କବି ହରି ଅନ୍ତରୀକ୍ଷଏ ତିନି ଦାନଧ୍ୟାନେ ଦକ୍ଷ

Couplet 48

ପ୍ରବୁଦ୍ଧ ଯେ ପିପ୍‌ପଳାୟନଷଷ୍ଠରେ ଆବିର୍ହୋତ୍ର ନାମ

Couplet 49

ଦୁର୍ମିଳ ଚମସ ଏ ଦୁଇକରଭାଜନ ନବଭାଇ

Couplet 50

ଏ ନବ ଶ୍ରେଷ୍ଠଭାଗବତପବିତ୍ର କଲେ ଏ ଜଗତ

Couplet 51

ପରେ ବସୁଦେବ ନାରଦବେନିଜନଙ୍କ ଯେ ସମ୍ବାଦ

Couplet 52

ସେଠାରେ ବର୍ଣ୍ଣିବୁ ସମସ୍ତଶୁଣ ରାଜନ ପରୀକ୍ଷିତ

Couplet 53

ଏକାଶୀପୁତ୍ରଙ୍କ ଚରିତଶୁଣ କହିବା ଏକଚିତ୍ତ

Couplet 54

ଶ୍ରୋତ୍ରିୟ ସୁଶୀଳ ମହାନ୍ତପିତା ଆଜ୍ଞାରେ ଅନୁଗତ

Couplet 55

ଯଜ୍ଞାଦି କର୍ମରେ ନିପୁଣହୋଇଲେ ବିଶୁଦ୍ଧ-ବ୍ରାହ୍ମଣ

Couplet 56

ଏଥୁ ଉତ୍ତାରେ ସେ ଈଶ୍ୱରଋଷଭନାମେ ଯୋଗେଶ୍ୱର

Couplet 57

ସେ ନିତ୍ୟ ଅବ୍ୟୟ ଅନନ୍ତପରମାନନ୍ଦ ସେ ଅଚ୍ୟୁତ

Couplet 58

ମାୟାରେ ନରଦେହ ଧରିଅନେକକାଳ ସେ ବିହରି

Couplet 59

ଧର୍ମ ଆଚର-ଶିକ୍ଷାମାନଦିଅନ୍ତି ପ୍ରଜା ପୁତ୍ରେ ଦାନ

Couplet 60

ପରମ ଦୟାଳୁ ସେ ପୁଣସର୍ବଭୂତରେ ମିତ୍ରପଣ

Couplet 61

ପ୍ରତିପାଳନ୍ତି ପ୍ରଜାଜନପୁତ୍ରକୁ ପିତାହିଁ ଯେସନ

Couplet 62

ବେଦପ୍ରମାଣେ ମୁନିଗଣଯେ ପଥ କରନ୍ତି ଦର୍ଶନ

Couplet 63

ସେହିପ୍ରକାରେ ନୃପବରପାଳନ କରନ୍ତି ସଂସାର

Couplet 64

ଉତ୍ତମସ୍ଥଳେ ଶୁଦ୍ଧକାଳେନାନାସମ୍ଭାରେ ସେ ନିଶ୍ଚଳେ

Couplet 65

ମନ୍ତ୍ର ସମ୍ପାଦି ଅନୁକ୍ରମେସଙ୍କଳ୍ପ କରି ଶୁଦ୍ଧମନେ

Couplet 66

ଏମନ୍ତ କଲେ ଯଜ୍ଞ ଶତେବେଦ-ବିହିତ-ଯଥୋଚିତେ

Couplet 67

ଋଷଭ ପରିପାଳେ ମହୀଏମନ୍ତ କେ ଅବା ଅଛଇ

Couplet 68

ଦରିଦ୍ର ଖଳ ହିଂସ୍ର ବାଦୀଅବିଦ୍ୟାବନ୍ତ ଯେ ପ୍ରସିଦ୍ଧି

Couplet 69

ଦ୍ରବ୍ୟେ ଯେ ଯାଚନା କରଇଏମନ୍ତ ଜନ କେହି ନାହିଁ

Couplet 70

ଶ୍ରୀକୃଷ୍ଣଭକ୍ତି ବିନୁ ଆରଆନ ନ ବାଞ୍ଛ‚ନ୍ତି ସେ ନର

Couplet 71

ଏବେ ହୋ ଶୁଣ ସାବଧାନେଋଷଭ ବୁଲୁଁ ଏକଦିନେ

Couplet 72

ବ୍ରହ୍ମଋଷି-ସଭାରେ ଯାଇତନୟମାନେ ଛନ୍ତି ଯହିଁ

Couplet 73

କୋମଳ-ମଧୁର ବଚନେଶିକ୍ଷା କରାନ୍ତି ଯେ ରାଜନେ

Couplet 74

କହନ୍ତି ହିତବାକ୍ୟମାନଶୁଣନ୍ତି ଯେତେ ସଭାଜନ

Couplet 75

ବୋଲଇ ଜଗନ୍ନାଥ ଦାସଋଷଭ ନାରାୟଣ ଅଂଶ

Couplet 76

ତାଙ୍କ ଚରିତ ଯେ ଶୁଣନ୍ତିସେ ପ୍ରାଣୀ ସଂସାରୁ ତରନ୍ତି