Adhyaya 19

Couplet 1

କିଂପୁରୁଷବରଷ ବାଣୀରାଜନ ଶୁଣ ପରିମାଣି

Couplet 2

ସୀତାରମଣ ପ୍ରଭୁ ରାମତାହାଙ୍କ କନିଷ୍ଠ ଲକ୍ଷ୍ମଣ

Couplet 3

ପରମ ପ୍ରଭୁ ଯେ ଈଶ୍ୱରତାହାଙ୍କୁ ହନୁ ମହାବୀର

Couplet 4

ପରମ ଭାଗବତ ସେହିନିଶ୍ଚଳେ ଭକ୍ତିଯୋଗ ଲଇଁ

Couplet 5

ପ୍ରଭୁ ପଦାରବିନ୍ଦ ତଳେସେବଇ ମନର ନିଶ୍ଚଳେ

Couplet 6

ଶ୍ରୀରାମ କଥା ପୁଣ୍ୟତମଗନ୍ଧର୍ବେ କରନ୍ତି ଗାୟନ

Couplet 7

ଆର୍ଷ୍ଟିଷେଣ ସହିତ ତହିଁହନୁ ଶୁଣଇ ତୋଷ ହୋଇ

Couplet 8

ଏମନ୍ତ କରନ୍ତି ଗାୟନସ୍ତୁତି କରନ୍ତି ଏ ବଚନ

Couplet 9

ଉତ୍ତମଶ୍ଳୋକ ତୁ ଠାକୁରନମଇଁ ତୋହର ପୟର

Couplet 10

ସକଳ ଲକ୍ଷଣ ତୋ ତହିଁସକଳ ଶ୍ରେଷ୍ଠ ତୁ ଗୋସାଇଁ

Couplet 11

ସର୍ବ-ବନ୍ଦନ ତୁ ଠାକୁରତୋତେ ମୋହର ନମସ୍କାର

Couplet 12

ନମଇଁ ବ୍ରହ୍ମାଣ୍ତ ଈଶ୍ୱରସକଳ ଦେବଙ୍କର ବର

Couplet 13

ମହାପୁରୁଷ ମହାରାଜନମଇଁ ବ୍ରହ୍ମାଣ୍ତର ବୀଜ

Couplet 14

ସ୍ୱତେଜେ କରି ତିନିଗୁଣବିନାଶ କରୁ ନାରାୟଣ

Couplet 15

ପ୍ରଶାନ୍ତ-ସାଧୁ ତୁ ଠାକୁରଜ୍ଞାନୀଙ୍କି ଜ୍ଞାନେ ତୁ ଗୋଚର

Couplet 16

ତୋହର ନାମ ରୂପ ଯେତେକେହି ନ ଜାଣନ୍ତି ଜଗତେ

Couplet 17

ମାୟାସଂସାରେ ତୋର ଜନ୍ମରାକ୍ଷସ-ସଂହାର-କାରଣ

Couplet 18

ଅନ୍ୟଥା କାହିଁ ଭଗବାନସୀତାହରଣେ କ୍ଷୋଭ ମନ

Couplet 19

ମାନବଶିକ୍ଷାର ନିମନ୍ତେତୋହର ଜନ୍ମ ଏ ଜଗତେ

Couplet 20

ଅଖିଳ-ବ୍ରହ୍ମାଣ୍ତ-ଠାକୁରତୁମ୍ଭେ ବା କି କରି ନ ପାର

Couplet 21

ତେବେ ପତ୍ନୀର ନିମିତ୍ତରେକ୍ଲେଶ ମାନବ-ଅବତାରେ

Couplet 22

ଏ କି ତୋହରେ ସମ୍ଭବଇଭୋ ନାଥ ତୋର ମାୟା ଏହି

Couplet 23

ଜନ୍ମ ମରଣ ଯାର ନାହିଁଅଖିଳପ୍ରଭୁ ଭାବଗ୍ରାହୀ

Couplet 24

ସୁର-ଅସୁର ଆଦି କରିବ୍ରହ୍ମାଣ୍ତେ ଯେତେ ଦେହଧାରୀ

Couplet 25

ଏ ସର୍ବଆତ୍ମା ଯେ ଈଶ୍ୱରକି ଅବା ଅକର୍ତ୍ତବ୍ୟ ତୋର

Couplet 26

ଉତ୍ତରକୋଶଳରେ ଜାତଯେ ପ୍ରଭୁ ନରଦେହବନ୍ତ

Couplet 27

ସେ ରାମ ପାଦତଳେ ମୁହିଁସହସ୍ରେ ପ୍ରଣାମ କରଇ

Couplet 28

ଶୁଣ ରାଜନ ମନତୋଷେଏବେ ଯେ ଭାରତବରଷେ

Couplet 29

ନର ନାରାୟଣ ସେ ହରିକଳ୍ପେ ପର୍ଯ୍ୟନ୍ତ ଦେହଧରି

Couplet 30

ସାଧୁଙ୍କ ପରିତ୍ରାଣ ପାଇଁସଂସାରେ ରୂପବନ୍ତ ହୋଇ

Couplet 31

ଭ୍ରମନ୍ତି ଆତ୍ମାଗୁଣ ମତେନାରଦ ତାକୁ ଯଥୋଚିତେ

Couplet 32

ଭକ୍ତିରେ ସାଧୁଜନ ମେଳେସ୍ତୁତି କରନ୍ତି ଯେ ନିଶ୍ଚଳେ

Couplet 33

ନମସ୍ତେ ସ୍ୱଭାବ-ସୁଶୀଳତୋ ରୂପ ଚରିତ୍ର ନିର୍ମଳ

Couplet 34

ଋଷିଙ୍କ ବର ତୁ ଠାକୁରତୋତେ ମୋହର ନମସ୍କାର

Couplet 35

ନର-ନାରାୟଣ ଶରୀରପରମହଂସ ତୁ ଠାକୁର

Couplet 36

ସକଳ ଆତ୍ମଭୂତ ତୁହିତୋ ପାଦପଦ୍ମେ ପ୍ରଣମଇଁ

Couplet 37

ସକଳ କର୍ତ୍ତା ତୁ ଈଶ୍ୱରନାହିଁ ତୋହର ଅହଙ୍କାର

Couplet 38

ତୁ ଯେ ମାନବ କଳେବରଶରୀରଭୋଗ ନାହିଁ ତୋର

Couplet 39

ସକଳ ଦେଖୁ ତୁ ଠାକୁରଗୁଣରେ ଦୋଷ ନାହିଁ ତୋର

Couplet 40

ସକଳ ଗୁଣେ ତୋ ବିହାରସର୍ବବିଷୟେ ନିର୍ବିକାର

Couplet 41

ତୋହର ତହିଁ ଯାର ମନତାହାର ସଂସାର ଖଣ୍ତନ

Couplet 42

ଦାରା ତନୟ ଧନ ଘରଏଣେ ଅର୍ପିତ ମନ ଯାର

Couplet 43

ସେ ତୋତେ ପାଇବେଟି କାହିଁଶ୍ରମ କେବଳ ତାଙ୍କ ଦେହୀ

Couplet 44

ଏ ମୋର ମୂଢ଼ମତି ତୁହିବିନାଶ କର ଭାବଗ୍ରାହୀ

Couplet 45

ଏ ତୋର ପାଦେ ମୋର ମନନିଶ୍ଚଳେ ରହୁ ଭଗବାନ

Couplet 46

ଏ ଯେ ଭାରତବରଷରପର୍ବତ ଅଛନ୍ତି ଅପାର

Couplet 47

ମଳୟ ଋଷଭ କୂଟକମଙ୍ଗଳ ପ୍ରସ୍ଥ ଯେ ମୈନାକ

Couplet 48

କୋଲ୍ଲ ସହ୍ୟ ଦ୍ରୋଣ ତ୍ରିକୂଟଦେବଗିରି ବିନ୍ଧ୍ୟ ବେଙ୍କଟ

Couplet 49

ବାରିଧାର ଯେ ଋଷ୍ୟମୂକଋକ୍ଷଗିରି ଯେ ଗୋକାମୁଖ

Couplet 50

ପାରିଯାତ୍ର ଯେ ଶକ୍ତିମାନଚିତ୍ରକୂଟ ଯେ ଗୋବର୍ଦ୍ଧନ

Couplet 51

କାମଗିରି କକୁଭ ନୀଳରୈବତକ ଯେ ଇନ୍ଦ୍ରକୀଳ

Couplet 52

ମହେନ୍ଦ୍ର ଶ୍ରୀଶୈଳ ସମେତେଅଛନ୍ତି ଶତ ସସ୍ର ମତେ

Couplet 53

ଆବର ନଦନଦୀ ଆଦିଶତସହସ୍ର ଯେ ପ୍ରସିଦ୍ଧି

Couplet 54

ଚନ୍ଦ୍ରବସା ଯେ ତାମ୍ରପର୍ଣ୍ଣୀଅବଟୋଦା ଯେ ପୟସ୍ୱିନୀ

Couplet 55

କୃତମାଳା କାବେରୀ ପୁଣ୍ୟାଶର୍କରାବର୍ତ୍ତା କୃଷ୍ଣା ବେଣ୍ୟା

Couplet 56

ବୈହାୟସୀ ଯେ ତୁଙ୍ଗଭଦ୍ରାଭୀମରଥୀ ତାପ୍ତି ନିର୍ବିନ୍ଧ୍ୟା

Couplet 57

ଗୋଦାବରୀ ରେବା ସୁରସାପୟୋଷ୍ଣୀ ନର୍ମଦା ଯେ ବିଶ୍ୱା

Couplet 58

ଚର୍ମଣ୍ୱତୀ ଶୋଣ ତ୍ରିସାମାସରଯୂ ଶତଦ୍ରୁ ସୁଷୋମା

Couplet 59

ବ୍ରହ୍ମପୁତ୍ର ଯେ ମନ୍ଦାକିନୀଯମୁନା ବିତସ୍ତା ଅସିକ୍ନୀ

Couplet 60

ମହାନଦୀ ଯେ ବେଦସ୍ମୃତିଋଷିକୁଲ୍ୟା ଯେ ରୋଧସ୍ୱତୀ

Couplet 61

କୌଶିକୀ ସିନ୍ଧୁ ସରସ୍ୱତୀଚନ୍ଦ୍ରଭାଗା ଯେ ଷଷ୍ଠବତୀ

Couplet 62

ଦୃଶଦ୍‌ବତୀ ପୁଣି ଗୋମତୀମରୁତବୃଦ୍ଧା ସପ୍ତବତୀ

Couplet 63

ଏ ପୁଣ୍ୟଜଳ ସ୍ନାନପାନକରି ତରନ୍ତି ପ୍ରଜାଜନ

Couplet 64

ତ‌ତ୍ତ୍ୱଜ୍ଞ-ଯୋଗୀ ଋଷିମାନେକର୍ମ କରନ୍ତି ଏହି ସ୍ଥାନେ

Couplet 65

ଏହି ବରଷେ ହେ ରାଜନକର୍ମରୁ ପ୍ରାଣୀ ହୋନ୍ତି ଜନ୍ମ

Couplet 66

ଶୁକ୍ଳ ଲୋହିତ କୃଷ୍ଣ ବର୍ଣ୍ଣକର୍ମରୁ ଲଭେ ପ୍ରାଣୀ ଜନ୍ମ

Couplet 67

ସା‌ତ୍ତ୍ୱିକ ରାଜସ ତାମସକର୍ମରେ ଦେବତା ମାନସ

Couplet 68

ଯେ ପ୍ରାଣୀ ଦୃଢ କରେ ମନସକଳ-ତୀର୍ଥେ କୃଷ୍ଣନାମ

Couplet 69

ସ୍ୱର୍ଗ ନରକ ଭୂମିଭାଗକର୍ମଅଧୀନେ କରେ ଭୋଗ

Couplet 70

ଯେ ପ୍ରାଣୀ ସର୍ବଭୂତପରକୃଷ୍ଣରେ ମତିଟି ଯାହାର

Couplet 71

ସର୍ବଭୂତରେ ଆତ୍ମା ସେହିଅଖିଳ-ବ୍ରହ୍ମାଣ୍ତ-ଗୋସାଇଁ

Couplet 72

ସେ ବାସୁଦେବ ଚକ୍ରଧରତାହାର ତହିଁ ମତି ଯାର

Couplet 73

ଭକତିଯୋଗ ଦୃଢ଼ତାରେସେ ପ୍ରାଣୀ କର୍ମବନ୍ଧୁ ତରେ

Couplet 74

ମହାପୁରୁଷ ପ୍ରସଙ୍ଗରେହେଳାରେ ଶ୍ରଦ୍ଧାରେ ବା କରେ

Couplet 75

ଦେବେ ତାହାର ଗୁଣ-କର୍ମଆନନ୍ଦେ କରନ୍ତି ଗାୟନ

Couplet 76

ଧନ୍ୟ ଜୀବନ ତାର ସାରମୁକୁନ୍ଦ ପାଦେ ମତି ଯାର

Couplet 77

ଭାରତେ ମାନବ-ଜନ୍ମରେସେ ପ୍ରାଣୀ ଶ୍ରେଷ୍ଠ ସର୍ବଠାରେ

Couplet 78

ଦୁଷ୍କର-ଜପ-ତପମାନତଥିରେ କି ଅବା କାରଣ

Couplet 79

ଯଜନ ଆଦି ଷଟକର୍ମଭକ୍ତି-ବିହୀନେ ନିଷ୍କାରଣ

Couplet 80

ପ୍ରଭୁ-ପଦାରବିନ୍ଦ ସାରସୁମତି ନାହିଁଟି ଯାହାର

Couplet 81

କଳ୍ପ-ଆୟୁଷ ସୁଖମାନଏହୁ ସକଳ ବ୍ୟର୍ଥଶ୍ରମ

Couplet 82

କ୍ଷଣେ ଆୟୁଷ ଭାରତରେମନ ଯାହାର କୃଷ୍ଣଠାରେ

Couplet 83

ସେ ପ୍ରାଣୀ ସର୍ବଶ୍ରେଷ୍ଠ ହୋଇତାହାର ସମ କେହି ନାହିଁ

Couplet 84

ପ୍ରାଣ-ପ୍ରୟାଣ ସମୟରେଯେବେ ମାନସେ କୃଷ୍ଣ-ସ୍ମରେ

Couplet 85

କ୍ଷଣକେ କର୍ମକୁ ଛେଦଇବୈକୁଣ୍ଠପଦକୁ ଲଭଇ

Couplet 86

ବୈକୁଣ୍ଠକଥା ସୁଧାରସଯେ ସ୍ଥଳେ ନ ହୁଏ ପ୍ରକାଶ

Couplet 87

କୃଷ୍ଣଆଶ୍ରିତ ପ୍ରାଣୀମାନଯହିଁ ନାହାନ୍ତି ସାଧୁଜନ

Couplet 88

ସୁଯଜ୍ଞ-ମହୋତ୍ସବ ଆଦିଯେ ସ୍ଥଳେ ନାହିଁ ଭକ୍ତି ସିଦ୍ଧି

Couplet 89

ଇନ୍ଦ୍ରର ପୁର ଯେବେ ହୋଇତହିଁରେ ବାସ ନ ଯୋଗାଇ

Couplet 90

ମାନବ ଜନ୍ମ ହୋଇ ନରଜ୍ଞାନେ ଅଜ୍ଞାନ ଧ୍ୱଂସ ଯାର

Couplet 91

ତଥାପି ପ୍ରଭୁଙ୍କ ଭଜନତେଜଇ ହୋଇ ମତେ ଛନ୍ନ

Couplet 92

ନାନାଯୋନିରେ ଜନ୍ମ ହୋଇକର୍ମବନ୍ଧନେ ସେ ପଡଇ

Couplet 93

ଶ୍ରଦ୍ଧାରେ ଯେତେ ଯେତେ ନରେଘୃତ ଦିଅନ୍ତି ଅଗ୍ନିଠାରେ

Couplet 94

ନାନା-ଦେବତା ରୂପ ହୋଇଯଜ୍ଞ ଭୁଞ୍ଜନ୍ତି ଭାବଗ୍ରାହୀ

Couplet 95

ମାୟାରେ ପୃଥକ ସେ ହୋଇତତ୍ତ୍ୱ ତା ବିନୁ କେହି ନାହିଁ

Couplet 96

ତାଙ୍କୁ ଭଜନ୍ତି ଯେତେ ପ୍ରାଣୀତାହାଙ୍କୁ ମନୁଷ୍ୟରେ ଗଣି

Couplet 97

ଇଚ୍ଛା ନ କଲେ ଫଳ ଦେଇଯେଣୁ ତା ନାମ ଭାବଗ୍ରାହୀ

Couplet 98

ପଦପଲ୍ଲବ ଭଜନରେଯାହାର ମନ ନିରନ୍ତରେ

Couplet 99

ସେ ଭକ୍ତପ୍ରାଣୀମାନଙ୍କରେକରୁଣା କରନ୍ତି ବେଭାରେ

Couplet 100

ଦେବେ ବୋଲନ୍ତି ସ୍ୱର୍ଗେ ଥାଇଭାରତବର୍ଷେ ଜନ୍ମ ହୋଇ

Couplet 101

ଯହିଁ ହରିର ସ୍ମୃତି ଜାତହରି ଚରଣେ ସେବାବନ୍ତ

Couplet 102

ଜମ୍ବୁଦ୍ୱୀପରେ ନୃପବରଯେ ଅଷ୍ଟ ଉପଦ୍ୱୀପ ସାର

Couplet 103

ଅଶ୍ୱ ଖୋଜନ୍ତେ ବସୁନ୍ଧରୀସଗରପୁତ୍ରଙ୍କରେ କରି

Couplet 104

ଗର୍ତ୍ତ ହୋଇଲା ଚାରିଦିଗଏଣୁ ଏ ଅଷ୍ଟଦ୍ୱୀପ ଭାଗ

Couplet 105

ଶୁଣ ହେ ପରୀକ୍ଷ ରାଜନଯେ ଅଷ୍ଟ ଉପଦ୍ୱୀପ ନାମ

Couplet 106

ସୁବର୍ଣ୍ଣପ୍ରସ୍ଥ ନାମେ ଏକଚନ୍ଦ୍ରଶୁକ୍ଳ ନାମ ଆରକ

Couplet 107

ତୃତୀୟ ନାମ ଆବର୍ତ୍ତନଚତୁର୍ଥ ମନ୍ଦରହରିଣ

Couplet 108

ରମଣକ ନାମ ପଞ୍ଚମଷଷ୍ଠର ପାଞ୍ଚଜନ୍ୟ ନାମ

Couplet 109

ସିଂହଳ ଲଙ୍କା ନାମ ହୋଇଆବର ଉପଦ୍ୱୀପ ଦୁଇ

Couplet 110

ବରଷ-ବିଭାଗ ସମେତେଜମ୍ବୁଦ୍ୱୀପର ଯଥୋଚିତେ

Couplet 111

ତୁମ୍ଭ ପ୍ରଶନ ଅନୁସାରେଭୋ ନୃପ କହିଲୁ ତୁମ୍ଭରେ

Couplet 112

ଦ୍ୱୀପ ବରଷ ବନ ଗିରିସକଳକର୍ତ୍ତା ନରହରି

Couplet 113

ସେ ପ୍ରଭୁ ଚରଣାରବିନ୍ଦେମୋ ମନ ରହୁ ଅପ୍ରମାଦେ

Couplet 114

କହଇ ବିପ୍ର ଜଗନ୍ନାଥକୃଷ୍ଣଚରିତ ଭାଗବତ