Adhyaya 18

Couplet 1

ଭଦ୍ରାଶ୍ୱ ବରଷ ବିଧାନରାଜନ ଶୁଣ ସାବଧାନ

Couplet 2

ଭଦ୍ରଶ୍ରବା ନାମ ତାଙ୍କରସାକ୍ଷାତେ ଧର୍ମର କୁମର

Couplet 3

ତାହାର କୁଳେ ହୋଇ ଜାତଯେତେକ ପୁରୁଷ ବିଦିତ

Couplet 4

ଅଖିଳ-ବ୍ରହ୍ମାଣ୍ତ-କାରଣଅନନ୍ତ ପ୍ରଭୁ ନାରାୟଣ

Couplet 5

ତାହାଙ୍କ ସନ୍ତୋଷ କାରଣେପରମ ସମାଧି ବିଧାନେ

Couplet 6

ପ୍ରଭୁ ଯେ ଧର୍ମରୂତ ବହିଅଛନ୍ତି ପ୍ରାଣୀହିତ ପାଇଁ

Couplet 7

ତାହାଙ୍କ ସେବାରେ ନିରତେଅଛନ୍ତି ଯେ ଯାହାରମତେ

Couplet 8

ପରମ ପ୍ରିୟଭାବ ଧରିଏହି ସ୍ତବରେ ସ୍ତୁତି କରି

Couplet 9

ନମଇଁ ଧର୍ମ-ଅବତାରଆତ୍ମା-ଶୋଧନ ପ୍ରାଣୀଙ୍କର

Couplet 10

ତୁମ୍ଭର ଲୀଳା ଚମତ୍କାରବୁଦ୍ଧି-ଜ୍ଞାନର ଅଗୋଚର

Couplet 11

ଶରୀରମାତ୍ରେ ଯେ ଅଛଇତଥାପି ପ୍ରାଣୀ ନ ଜାଣଇ

Couplet 12

ଯାର ମାୟାରେ ମୋହି ହୋଇମୃତ୍ୟୁକୁ ଦେଖି ନ ଦେଖଇ

Couplet 13

ଜୀବ ଯେ ମୃତ୍ୟୁର ଅଧୀନନ ଭାବେ ଏହା କଦାଚନ

Couplet 14

ଦେଖଇ ଜୀବ ଅନୁକ୍ଷଣେମରନ୍ତି ଆତ୍ମୀୟସ୍ୱଜନେ

Couplet 15

ତାହାଙ୍କ ଦେହ ଅବିରତେଭସ୍ମ ହେଉଛି ନିତ୍ୟେନିତ୍ୟେ

Couplet 16

ଆପଣେ ମଣି ଚିରଞ୍ଜୀବପାପଆଚରେ ମୂଢ଼ଜୀବ

Couplet 17

ମିଥ୍ୟାସଂସାର ମୂର୍ଖଜନେସତ୍ୟ କରନ୍ତି ଅନୁକ୍ଷଣେ

Couplet 18

ଜ୍ଞାନୀମାନେ ଏ ସଂସାରରକହନ୍ତି ବିଶ୍ୱକୁ ନଶ୍ୱର

Couplet 19

ତଥାପି ଯାହାର ମାୟାରେପଣ୍ତିତେ ଭ୍ରମନ୍ତି ସଂସାରେ

Couplet 20

ଆତ୍ମତ‌ତ୍ତ୍ୱଜ୍ଞ ଯୋଗୀମାନସମାଧି ଯୋଗରେ ପ୍ରମାଣ

Couplet 21

ସର୍ବଦା ପ୍ରତ୍ୟକ୍ଷ କରନ୍ତିତେବେହେଁ ମାୟାରେ ବୁଡ଼ନ୍ତି

Couplet 22

ସେ ଅଜ ବ୍ରହ୍ମାଣ୍ତଠାକୁରତାହାଙ୍କୁ କରୁ ନମସ୍କାର

Couplet 23

ସକଳ-ଆବରଣ ହୋଇଯାହାର ଆବରଣ ନାହିଁ

Couplet 24

ଏ କଥା ଉଚିତ ତୋହରକାର୍ଯ୍ୟ କାରଣ ତୁ ଠାକୁର

Couplet 25

ନାନା ଶରୀରବନ୍ତ ହୋଇସର୍ବ ଭୋଗକୁ ଭୁଞ୍ଜୁ ତୁହି

Couplet 26

ତୁ ନାଥ ସକଳ ଈଶ୍ୱରତୋତେ ଆମ୍ଭର ନମସ୍କାର

Couplet 27

ଜ୍ଞାନ-ବିଜ୍ଞାନ-ଯୁକ୍ତି ବଳେତୁମ୍ଭର ଚରଣ ନ ମିଳେ

Couplet 28

ବେଦେ ତୁ ବିଶ୍ୱର ବିଧାତାସୃଷ୍ଟି ସ୍ଥିତି ପ୍ରଳୟକର୍ତ୍ତା

Couplet 29

ଯେବେ ପ୍ରଚଣ୍ତ ଦୈତ୍ୟଗଣବେଦକୁ କଲେ ଅପମାନ

Couplet 30

ପ୍ରଳୟ-ଅବସାନେ ତୁହିହୟଗ୍ରୀବମୂର୍ତ୍ତିକି ବହି

Couplet 31

ରସାତଳରୁ ଉଦ୍ଧରିଲୁବ୍ରହ୍ମା ମାଗନ୍ତେ ତାକୁ ଦେଲୁ

Couplet 32

ତୁ ସତ୍ୟସଙ୍କଳ୍ପଠାକୁରନମଇଁ ତୁମ୍ଭର ପୟର

Couplet 33

ଏମନ୍ତେ ନାନା ସ୍ତୁତିମତେସେବନ୍ତି ତାଙ୍କ ପାଦଗତେ

Couplet 34

ନୃସିଂହ ନାମେ ଯେ ଠାକୁରଅଛନ୍ତି ହରିବରଷର

Couplet 35

ତାହାଙ୍କ ରୂପର କାରଣପଛେ କହିବା ହେ ରାଜନ

Couplet 36

ପରମଭାଗବତଜନମହାପୁରୁଷ ହେ ରାଜନ

Couplet 37

ଦୈତ୍ୟଦାନବ-କୁଳମଣିସୁଶୀଳ ସାଧୁ ସତ୍ୟବାଣୀ

Couplet 38

ପ୍ରହ୍ଲାଦ ନାମ ସେ ବହଇପ୍ରଭୁଙ୍କ ଅତି ପ୍ରିୟ ସେହି

Couplet 39

ଇନ୍ଦ୍ରିୟଗୁଣ ସେ ନିବାରିଚଞ୍ଚଳମନ ସ୍ଥିର କରି

Couplet 40

ସେ ସ୍ଥଳଲୋକଙ୍କ ସହିତେପ୍ରଭୁଙ୍କୁ ଚିନ୍ତେ ଅବିରତେ

Couplet 41

ଏହି ସ୍ତବରେ ସ୍ତୁତି କରିସେବଇ ପ୍ରଭୁ ନରହରି

Couplet 42

ତୁ ପ୍ରଭୁ ଜଗତ କାରଣନୃସିଂହ ରୂପୀ ଭଗବାନ

Couplet 43

ତୁ ଯେ ଜଗତଜୀବ ହରିତୁ ଅଛୁ ସର୍ବଘଟେ ପୂରି

Couplet 44

ତେଜଙ୍କ ତେଜରୂପେ ତୁହିଅଛୁ ଯେ ପ୍ରକଟିତ ହୋଇ

Couplet 45

ହେ ବଜ୍ରଦଂଷ୍ଟ୍ର ବଜ୍ରନଖତୁମ୍ଭ ଚରଣେ ମୋତେ ରଖ

Couplet 46

କର୍ମ ବାସନା ଦଗ୍‌ଧ କରଅଜ୍ଞାନତମ ବେଗେ ହର

Couplet 47

ଭୋ ନାଥ ଜୀବର ଜୀବନବିଶ୍ୱକୁ କର ତୁ କଲ୍ୟାଣ

Couplet 48

ନମସ୍ତେ ପ୍ରଭୁ ଦଇତ୍ୟାରିଯାହାର ତେଜେ ଦିଗ ପୂରି

Couplet 49

ନଖଙ୍କ ତେଜ ପରକାଶରବିକିରଣ କରେ ନାଶ

Couplet 50

କରାଳଦଂଷ୍ଟ୍ର ସେ ବଦନଅଗ୍ନିର ପ୍ରାୟ ସେ ଲୋଚନ

Couplet 51

ଯାହାର ନାମେ ଦୁଷ୍ଟ ଡରେନମଇଁ ତାହାର ପୟରେ

Couplet 52

ଭୋନାଥ ତୋହର ପ୍ରସାଦେପ୍ରାଣୀ ତରନ୍ତି ଅପ୍ରମାଦେ

Couplet 53

ତୋହର ଅଭୟ-ଚରଣେମନ ମୋ ରହୁ ଅନୁକ୍ଷଣେ

Couplet 54

ଦାରା ତନୟ ଗୃହେ ମୋରଏ ମନ ନୋହୁ ଭୋ ଈଶ୍ୱର

Couplet 55

ତୁମ୍ଭର ଭକ୍ତଜନସଙ୍ଗେସୁଖେ ବଞ୍ଚିବି ନାନାରଙ୍ଗେ

Couplet 56

ଆତ୍ମାର ପ୍ରିୟ ଯେ ଅପରେନାହିଁ ଏ ଅଖିଳ-ସଂସାରେ

Couplet 57

ସକଳ ଆତ୍ମାର ଠାକୁରଏଣୁ ତୁ ପ୍ରିୟ ପ୍ରାଣୀଙ୍କର

Couplet 58

ଯେ ଜନ ଚରଣେ ତୋହରସର୍ବସ୍ୱ ଦେଇ ରହେ ସ୍ଥିର

Couplet 59

ତାହାଙ୍କ ଅନ୍ତରର ମଳଭୋଦେବ କରୁ ତୁ ନିର୍ମଳ

Couplet 60

ତୋହର ନାମ ସୁମରଣଅଶେଷ ପାପର ଖଣ୍ତନ

Couplet 61

ଏମନ୍ତ ଯାହାର ପ୍ରଭାବତାହାଙ୍କୁ କେବା ନ ସେବିବ

Couplet 62

ତୋହର ତହିଁ ଭକ୍ତି ଯାରପୂଜ୍ୟ ସେ ଦେବମାନଙ୍କର

Couplet 63

ସକଳ ଗୁଣ ତାଙ୍କଠାରେଆଶ୍ରୟ କରନ୍ତି ନିର୍ଭରେ

Couplet 64

ତୋର ଅଭକ୍ତ ଯେଉଁ ଜନସଂସାରେ ବନ୍ଧନ କାରଣ

Couplet 65

ଯେହ୍ନେ ସକଳ ମୀନଗଣଜଳରେ କରନ୍ତି ଭ୍ରମଣ

Couplet 66

ତେସନେ ଯେତେ ଦେହୀଗଣତୋ ମଧ୍ୟେ କରେ ବିଚରଣ

Couplet 67

ଏହା ଜାଣିଣ ଯେହୁ ନରଭଜଇ ନୃସିଂହ ପୟର

Couplet 68

ଅଶେଷ ଭୟରୁ ତରଇକର୍ମବନ୍ଧନ ତାର କାହିଁ

Couplet 69

ଶୁଣ ରାଜନ ମନତୋଷେକେତୁମାଳ ନାମେ ବରଷେ

Couplet 70

ଅଖିଳ-ବ୍ରହ୍ମାଣ୍ତ-କାରଣକାମଦେବରୂପ ଧରିଣ

Couplet 71

ଲକ୍ଷ୍ମୀର ସନ୍ତୋଷ କାରଣେବିହାର କରନ୍ତି ଆପଣେ

Couplet 72

ସେ ସ୍ଥଳଲୋକ ପୁଣ୍ୟଫଳେନାନା-ବିହାର ସୁଖଭୋଳେ

Couplet 73

ଅତି ଲଳିତ ଗତି ତାରବିଳାସ ନାନା ମନୋହର

Couplet 74

ରୁଚିର ହାସ ଲୀଳାମାନକଟାକ୍ଷେ ଯେ ଅବଲୋକନ

Couplet 75

ବିକଚ-ବଦନାରବିନ୍ଦନିନ୍ଦଇ ପୂର୍ଣ୍ଣମୀର ଚାନ୍ଦ

Couplet 76

ଲଳିତ ହାସ ସୁଖଭୋଳେଲକ୍ଷ୍ମୀ ସଙ୍ଗତେ କୁତୂହଳେ

Couplet 77

କ୍ରୀଡା କରନ୍ତି ସୁଖମନେଇନ୍ଦ୍ରିୟଭୋଗ ଅନୁମାନେ

Couplet 78

ପ୍ରଜାପତି-ଦୁହିତା ସଙ୍ଗେତହିଁରେ ଲକ୍ଷ୍ମୀଦେବୀ ରଙ୍ଗେ

Couplet 79

ପରମ-ସମାଧି-ଯୋଗରେସ୍ତୁତି କରନ୍ତି ବିଷ୍ଣୁଠାରେ

Couplet 80

ନମସ୍ତେ ପ୍ରଭୁ ହୃଷୀକେଶସକଳ ଗୁଣେ ତୁ ପ୍ରକାଶ

Couplet 81

ଷୋଡଶ-କଳାବନ୍ତ ତୁହିବେଦ ତୋହର ନିଜ ଦେହୀ

Couplet 82

ସକଳଆତ୍ମା ତୁ ଈଶ୍ୱରଅମୃତମୟ ତୋ ଶରୀର

Couplet 83

ତୁମ୍ଭେ ପରମ-ମନୋହରତୁ ନାଥ ଶୁଭଙ୍କ ଈଶ୍ୱର

Couplet 84

ଅତି ସୁଶୀଳ ଶାନ୍ତ ତୁହିତୋ ତହୁଁ ଆନ କେହି ନାହିଁ

Couplet 85

ଭୋ ନାଥ ତୋ ପାଦକମଳସେବି ଲଭନ୍ତି ପୁଣ୍ୟଫଳ

Couplet 86

ତୋହର ଭକ୍ତ ଯେ ହୁଅଇତାଙ୍କୁ ସଙ୍କଟୁ ତାରୁ ତୁହି

Couplet 87

ତୋ ପାଦ-ସରୋରୁହ ଦୁଇନିରତେ ଯେମନ୍ତେ ସେବଇ

Couplet 88

ଏମନ୍ତ ଆଜ୍ଞା ମୋତେ କରଭୋ ନାଥ କରୁଣାସାଗର

Couplet 89

ଯେ ତୋତେ ମନେ ଆରାଧଇତାହାର ମନୋରଥ ତୁହି

Couplet 90

ତୋହର ପରସନ୍ନୁ ତାରସକଳ ହୁଅଇ ସୁଫଳ

Couplet 91

ତେଣୁ ତୁ ତ୍ରୈଲୋକ୍ୟଈଶ୍ୱରଦ୍ୱିତୀୟ ନାହିଁ ପଟାନ୍ତର

Couplet 92

ଭୋ ନାଥ ତୁମ୍ଭେ ନାନାଦେହସାଧୁଙ୍କ ନିସ୍ତାରଣେ ବହ

Couplet 93

ତୁମ୍ଭର ଚେଷ୍ଟା ଏ ସଂସାରେବ୍ରହ୍ମାଦି କେବା ଜାଣିପାରେ

Couplet 94

ରମ୍ୟକବରଷ ଚରିତଶୁଣ ରାଜନ ପରୀକ୍ଷିତ

Couplet 95

ପ୍ରଭୁର ମତ୍ସ୍ୟ-ଅବତାରଦେବମାନବେ ଅଗୋଚର

Couplet 96

ଅତି ସୁନ୍ଦର ରୂପରାଶିମନୁର ବଂଶ ତହିଁ ବସି

Couplet 97

ସେ ରୂପ ଆରାଧନା ପାଇଁଏମନ୍ତ ସ୍ତୁତି ଯେ କରଇ

Couplet 98

ନମସ୍ତେ ପରମ ଈଶ୍ୱରଯାହାର ଯଶ ଅଗୋଚର

Couplet 99

ବିସ୍ତାର-ମତ୍ସ୍ୟ ତୋ ଶରୀରତୁ ପ୍ରଭୁ ସର୍ବପ୍ରାଣୀଙ୍କର

Couplet 100

ଥାଉ ଯେ ଅନ୍ତର-ବାହାରେତୋ ମାୟା କେବା ଜାଣିପାରେ

Couplet 101

ତୋହର ମାୟା-ମୀନ-ଦେହୀଦେବମାନବେ ଦେଖା ନାହିଁ

Couplet 102

ସଂସାର-ସାଗରେ ତୋ ଜନ୍ମମାୟାତରଙ୍ଗ ଯହିଁ ଭ୍ରମ

Couplet 103

ପରମ ମହାବଳୀ ହେଉସଂସାରେ ନାନା ଦେହ ବହୁ

Couplet 104

ତୁ ସର୍ବ ଜଗତଠାକୁରତୋ ପାଦେ ମୋର ନମସ୍କାର

Couplet 105

ହିରଣ୍ମୟବରଷ ବାଣୀରାଜନ ଶୁଣ ପରିମାଣି

Couplet 106

ଅଖିଳ-ବ୍ରହ୍ମାଣ୍ତ-ଠାକୁରଧରିଣ କୂର୍ମର ଶରୀର

Couplet 107

ଅର୍ଯ୍ୟାମା ତୁଲେ ପିତୃଗଣେଯେତେ ଅଛନ୍ତି ସେହିସ୍ଥାନେ

Couplet 108

ତାହାଙ୍କୁ ଘେନି ପିତୃପତିପ୍ରଭୁଙ୍କୁ ଆନନ୍ଦେ ସେବନ୍ତି

Couplet 109

ଏମନ୍ତେ ନାନା ସ୍ତୁତିମତେସେବନ୍ତି ପ୍ରଭୁ-ପାଦଗତେ

Couplet 110

ନମଇଁ ସର୍ବ -ସ‌ତ୍ତ୍ୱଗୁଣଲକ୍ଷି ନୋହଇ ଯାର ସ୍ଥାନ

Couplet 111

ନମସ୍ତେ ପ୍ରଭୁ କୂର୍ମଦେହୀତୋ ପଦେ ରଖ ହେ ଗୋସାଇଁ

Couplet 112

ତୋର ଅଶେଷ ନାମ ଗୁଣନମଇଁ ପ୍ରଭୁ ଭଗବାନ

Couplet 113

ନିଜ ମାୟାରେ ଦେହଧରିଅଶେଷ ଦେହକୁ ଆବୋରି

Couplet 114

ନାନା-ଜନ୍ମ ଏ ପ୍ରସିଦ୍ଧିତୋ ପଦ୍ମପାଦେ ମୋର ବୁଦ୍ଧି

Couplet 115

ଭୋ ଦେବ ତୁହି ଜରାୟୁଜତୁହି ତ ଅଣ୍ତଜ ସ୍ୱେଦଜ

Couplet 116

ତୁହିତ ପ୍ରଭୁ ଭଗବାନଉଦ୍ଭିଦ ସ୍ଥାବର ଜଙ୍ଗମ

Couplet 117

ଦେବତା ଋଷି ପିତୃଭୂତଇନ୍ଦ୍ରିୟ ଆଦି ଯେ ସମସ୍ତ

Couplet 118

ଆକାଶ ଗ୍ରହ ମହୀସ୍ଥଳଗିରି କାନନ ନାନାଜଳ

Couplet 119

ଦିଗ ବରଷ ଯେ ସାଗରଏ ସର୍ବ ନାମଟି ତୋହର

Couplet 120

ବ୍ରହ୍ମାଣ୍ତେ ଯେତେକ ଅଛନ୍ତିକବିଏ ଯେତେ ବିଚାରନ୍ତି

Couplet 121

ସେ ସର୍ବରୂପ ତୁ ଠାକୁରନମଇଁ ତୋହର ପୟର

Couplet 122

ଉତ୍ତରକୁରୁବରଷରବରାହ ରୂପୀ ମହୀଧର

Couplet 123

କୂର୍ମର ଅନ୍ତେ ତହିଁ ମହୀଆନନ୍ଦେ ସ୍ତୁତି ସେ କରଇ

Couplet 124

ନମଇଁ ଅନାଦି ଅବ୍ୟୟସକଳ ଯଜ୍ଞ ତୋର ଦେହ

Couplet 125

ତ୍ରିଯୁଗ ନାନାରୂପଧରନମଇଁ ତୋହର ପୟର

Couplet 126

ନିବୃତ୍ତତୃଷ୍ଣ ଜ୍ଞାନୀଜନମାୟାଟି ଯା ନାମେ ଖଣ୍ତନ

Couplet 127

ସୃଷ୍ଟି ଉଦୟ ସ୍ଥିତି ଲୟତ୍ରିଗୁଣ ଘେନି ବହେ ଦେହ

Couplet 128

ସେ ତୋର ମାୟାରେ ଭ୍ରମନ୍ତିତୋ ମାୟା କେହି ନ ଜାଣନ୍ତି

Couplet 129

ସର୍ବ କର୍ମର ତୁ ଈଶ୍ୱରଭୋ ନାଥ ତୋତେ ନମସ୍କାର

Couplet 130

ସଂଗ୍ରାମେ ନାଶୁ ଦୁଷ୍ଟଗଣମାୟା-ଶୂକର ରୂପେ ଜନ୍ମ

Couplet 131

ଅଗ୍ର ଦନ୍ତରେ ମୋର ପ୍ରାଣଉଦ୍ଧାର କଲୁ ନାରାୟଣ

Couplet 132

ତୁମ୍ଭର ପାଦପଦ୍ମ-ଦୁଇଆନନ୍ଦେ ମୁହିଁ ଯେ ନମଇଁ

Couplet 133

ବରାହ-ଧରଣୀର ବାଣୀଶୁଣି ସଂସାରୁ ତର ପ୍ରାଣୀ

Couplet 134

ସୁଜନଜନଙ୍କ ପୟରେମୋ ମନ ରହୁ ନିରନ୍ତରେ

Couplet 135

କହଇ ବିପ୍ର ଜଗନ୍ନାଥଶ୍ରୀକୃଷ୍ଣ-ଚରିତ-ଅମୃତ