Adhyaya 17

Couplet 1

ଶୁଣ ରାଜନ ପରୀକ୍ଷିତସେ ଯଜ୍ଞପୁରୁଷ ଅଚ୍ୟୁତ

Couplet 2

ମାୟାବାମନ ଅବତାରତାହାଙ୍କ ବାମ ଯେ ପୟର

Couplet 3

ଯାହା କନିଷ୍ଟଅଙ୍ଗୁଳିରେବ୍ରହ୍ମାଣ୍ତ ଭାଜିଲା ନିର୍ଭରେ

Couplet 4

ତହୁଁ ଅଦ୍‌ଭୁତ ଜଳଧାରକି ଅବା ଦେବା ପଟାନ୍ତର

Couplet 5

ଦୁରିତ ନାଶଇ ସ୍ମରଣେପ୍ରାଣୀ ତରନ୍ତି ସ୍ନାନପାନେ

Couplet 6

ତହୁଁ ଗଳିଣ ଅତିଖରେପଡ଼ିଲା ତୁଙ୍ଗ-ପର୍ବତରେ

Couplet 7

ଧରାରେ ଅବତୀର୍ଣ୍ଣ ହୋଇଜୀବଙ୍କ କଲ୍ୟାଣ ସାଧଇ

Couplet 8

ଧ୍ରୁବ ପରମଭାଗବତଜାଣିଲେ ବିଷ୍ଣୁ ପଦାମୃତ

Couplet 9

ଭକ୍ତିଯୋଗରେ ବଶ ହୋଇଆନନ୍ଦେ ରୋମ ପୁଲକାଇ

Couplet 10

ମାର୍ଜନ କରିବା ନିମନ୍ତେଶିରରେ ଘେନିଲେ ତୁରିତେ

Couplet 11

ତେଣୁ ସପତମୁନିଗଣପ୍ରଭାବ ଜାଣି ତତକ୍ଷଣ

Couplet 12

ସକଳଆତ୍ମା-ଭଗବାନେତପ ସମାଧି ଯୋଗଧ୍ୟାନେ

Couplet 13

ମୋକ୍ଷ-କାରଣେ ସେ ଭଜନ୍ତିପ୍ରଭୁର ମହିମା ଗୁଣନ୍ତି

Couplet 14

ସେ ଜଳ ପାଇ ତୁଷ୍ଟ ହୋଇଜଟାରେ ଥୋଇଲେ ସେ ନେଇ

Couplet 15

ସେ ଗଙ୍ଗା ସ୍ୱର୍ଗରୁ ଗମିଲାଚନ୍ଦ୍ରମଣ୍ତଳ ଆଚ୍ଛାଦିଲା

Couplet 16

ତାହାକୁ ଲକ୍ଷ୍ୟ କରି ଗଲାବ୍ରହ୍ମ ସଦନେ ସେ ପଡିଲା

Couplet 17

ତହୁଁ ସେ ଚାରିଧାରା ହୋଇଚତୁର୍ଦ୍ଧାରୂପକୁ ବହଇ

Couplet 18

ଶୁଣ ପରୀକ୍ଷ ନୃପବରଏ ନାମ ଚାରିଟି ତାହାର

Couplet 19

ସୀତା ଅଳକନନ୍ଦା ଦୁଇଚକ୍ଷୁ ଭଦ୍ରା ନାମକୁ ବହି

Couplet 20

ଚାରିଦିଗରେ ଏ ଭ୍ରମନ୍ତିସିନ୍ଧୁରେ ପ୍ରବେଶ ହୁଅନ୍ତି

Couplet 21

ବ୍ରହ୍ମସଦନୁ ସୀତା ଯାଇକେଶରାଚଳେ ସେ ପଡଇ

Couplet 22

ଅଧ-ଅଧରେ ଭ୍ରମିଯାଇଗନ୍ଧମାର୍ଦ୍ଦନେ ସେ ପଡ଼ଇ

Couplet 23

ତାହାର ଶୃଙ୍ଗରେ ବିହରିଭଦ୍ରାଶ୍ୱବର୍ଷ ଶୁଦ୍ଧ କରି

Couplet 24

କ୍ଷାରସିନ୍ଧୁର ପୂର୍ବଭାଗେପ୍ରବେଶ କରିଅଛି ବେଗେ

Couplet 25

ବ୍ରହ୍ମାସଦନୁ ଚକ୍ଷୁ ଯାଇମାଲ୍ୟବନ୍ତଶିଖେ ପଡ଼ଇ

Couplet 26

କେତୁମାଳର ମଧ୍ୟ ଦେଇପଶ୍ଚିମ-ସମୁଦ୍ରେ ମିଶଇ

Couplet 27

ମେରୁଶିଖରୁ ଭଦ୍ରା ଯାଇଉତ୍ତରଦିଗେ ସେ ଭ୍ରମଇଁ

Couplet 28

ଉତ୍ତରକୁରୁ ବେଢି ଖରେସମୁଦ୍ରେ ମିଶଇ ଉତ୍ତରେ

Couplet 29

ଅଳକନନ୍ଦା ନାମ ହୋଇବହୁଗିରିରେ ସେ ଭ୍ରମଇ

Couplet 30

ସୁବର୍ଣ୍ଣ‌ଗିରି ହିମାଳୟତାହାକୁ କରି ସେ ଆଶ୍ରୟ

Couplet 31

ଅତିପ୍ରଖର ବେଗବଶେପଡ଼ଇ ଭାରତ ବରଷେ

Couplet 32

ତହୁଁ ଲବଣ-ସିନ୍ଧୁଜଳେପ୍ରବେଶ ହୁଅଇ ନିଶ୍ଚଳେ

Couplet 33

ଅନ୍ୟ ଯେ ନଦନଦୀ ଯେତେଶତସହସ୍ର ଯେଥାମତେ

Couplet 34

ନାନାଗିରିରୁ ଜାତ ହୋଇସିନ୍ଧୁରେ ପ୍ରବେଶନ୍ତି ଯାଇ

Couplet 35

ଭାରତବରଷ ରାଜନଏ କର୍ମକ୍ଷେତ୍ର ବୋଲି ଜାଣ

Couplet 36

ଅପରେ ଅଷ୍ଟ ଯେ ବରଷସ୍ୱର୍ଗଲୋକଙ୍କର ଏ ବାସ

Couplet 37

ତହିଁ ପୁରୁଷଙ୍କ ଆୟୁଷଦଶ ସହସ୍ର ଯେ ବରର୍ଷ

Couplet 38

ଦେବତା ତୁଲ୍ୟ ପରାକ୍ରମନିତ୍ୟେ ସେ ଦିଶନ୍ତି ନବୀନ

Couplet 39

ପରମ ଆନନ୍ଦେ ସେ ନିତ୍ୟେବିହାର ଯୁବତୀ ସଙ୍ଗତେ

Couplet 40

ସ୍ୱର୍ଗଭୋଗ ଶେଷଭାଗରେଦେବେ ରହନ୍ତି ସେହି ପୁରେ

Couplet 41

ତହିଁରେ ଦେବଶ୍ରେଷ୍ଠମାନେଆନନ୍ଦେ ହରଷିତମନେ

Couplet 42

ସୁରସୁନ୍ଦରୀ ବୃନ୍ଦମେଳେବିହାର କରନ୍ତି ନିଶ୍ଚଳେ

Couplet 43

ଷଡ଼ଋତୁ ଏକସମୟେଯହିଁ ଅଛନ୍ତି ଏକଠାଏ

Couplet 44

ନାନାକୁସୁମ ନାନାଫଳସୁଗନ୍ଧ ସମୀର ଶୀତଳ

Couplet 45

ବିକଚ ନାନା ପୁଷ୍ପତ୍ତରେଲତାଏ ବେଷ୍ଟିତ ଉପରେ

Couplet 46

ସଦନଆକାରେ ଆଚ୍ଛାଦିବୃକ୍ଷ ଲତାରେ ଛନ୍ଦାଛନ୍ଦି

Couplet 47

ଅତି ମଞ୍ଜୁଳ ମନୋରମନିବିଡ଼ ଲତାର ସଦନ

Couplet 48

ପର୍ବତ-ଦ୍ରୋଣି ସୁଶୀତଳେନିର୍ମଳ ନାନା ଶୀତଜଳେ

Couplet 49

ରୁଚିରପଙ୍କଜ ସୁନ୍ଦରସୁସଞ୍ଚ ଦିଶେ ସରୋବର

Couplet 50

ଜଳରେ ରାଜହଂସମାନେକ୍ରୀଡନ୍ତି ହରଷିତ ମନେ

Couplet 51

ଜଳ କୁକ୍‌କୁଯ ଜଳହଂସଚକ୍ର କାରଣ୍ତବ ସାରସ

Couplet 52

ମଧୁରେ ନାନା ଧ୍ୱନି କରିଜଳେ ସେ କ୍ରୀଡନ୍ତି ବିହରି

Couplet 53

ଏମନ୍ତେ ନାନା ସୁଖସ୍ଥଳେସୁରସୁନ୍ଦରୀବୃନ୍ଦ ମେଳେ

Couplet 54

ଅମରବୃନ୍ଦ ତୋଷଚିତ୍ତେସର୍ବେ ରମନ୍ତି ଏକଚିତ୍ତେ

Couplet 55

ତପର ବଳେ ତାହାଙ୍କରକରୁଣା କରନ୍ତି ଶ୍ରୀଧର

Couplet 56

ନବବରଷେ ହେ ରାଜନସେ ଯେ ଅନାଦି ନାରାୟଣ

Couplet 57

ଲୋକର ନିସ୍ତାର କାରଣେଅଛନ୍ତି ପ୍ରଭୁ ଅନୁକ୍ଷଣେ

Couplet 58

ଯେ ପୁଣ୍ୟ ଈଳାବୃତବର୍ଷଭବ ଯେ ଏକଇ ପୁରୁଷ

Couplet 59

ଭବାନୀ-ଶାପ ଯୋଗୁଁ ତହିଁଅନ୍ୟ ପୁରୁଷ ବାସ ନାହିଁ

Couplet 60

ନ ଜାଣି କେହି ତହିଁ ଗଲେତକ୍ଷଣେ ସ୍ତ୍ରୀଭାବରେ ମିଳେ

Couplet 61

ତାହାଙ୍କ ଶାପର କାରଣପଛେ କହିବା ହେ ରାଜନ

Couplet 62

ଭବାନୀ କୋଟିନାରୀ ମେଳେଯାହାଙ୍କ ପଦରେ ଖଟିଲେ

Couplet 63

ସେ ମହାପୁରୁଷଙ୍କ ଶକ୍ତିଘେନନ୍ତି ଚତୁର୍ବିଧମୂର୍ତ୍ତି

Couplet 64

ଚତୁର୍ଥୀ ତାମସୀ ଯେ ଜାଣଯାହାର ନାମ ସଙ୍କର୍ଷଣ

Couplet 65

ତହିଁ ସ୍ତୁବନ୍ତି ଶିବ ଧ୍ୟାନେତାମସୀ-ମୂର୍ତ୍ତି ସଙ୍କର୍ଷଣେ

Couplet 66

ନମସ୍ତେ ପୁରାଣପୁରୁଷଅଶେଷଗୁଣ ଯହିଁ ବାସ

Couplet 67

ଅବ୍ୟକ୍ତ ଅନନ୍ତ କାରଣଭଜଇ ତୋହର ଚରଣ

Couplet 68

ବ୍ରହ୍ମା ଈଶ୍ୱର ପର ତୁହିପ୍ରକୃତି ଥାଇ ତୋର ତହିଁ

Couplet 69

ଭୂତଭାବନ ତୋର ନାମତୋ ନାମେ ଏ ଭବଖଣ୍ତନ

Couplet 70

ଯାହାର ନାମ ଗୁଣ କର୍ମମନ-ବଚନେ ନୋହେ ଗମ୍ୟ

Couplet 71

ତୋ ତମ-ମାୟା-ଗୁଣେ ଛନ୍ଦିସଂସାର କରିଅଛୁ ବନ୍ଦୀ

Couplet 72

ମଧୁ-ଆସବେ ତାମ୍ରବର୍ଣ୍ଣଶୋଭଇ ଯାହାର ଲୋଚନ

Couplet 73

ଦିଶଇ ଅତି ଭୟଙ୍କରନାଗବଧୂଙ୍କ ମନୋହର

Couplet 74

ଯାହାର ସଦୃଶ ଅପରେନାହିଁ ଏ ବ୍ରହ୍ମାଣ୍ତ ଭିତରେ

Couplet 75

ଉତ୍ପତ୍ତି-ପ୍ରଳୟ-ପାଳନଏ ସର୍ବ ଯାହାର ଭିଆଣ

Couplet 76

ଯାହାର ଆଦି-ଅନ୍ତ ନାହିଁଅନନ୍ତ ନାମ ସେ ବୋଲାଇ

Couplet 77

ଯାର ଅସଂଖ୍ୟଶିରେ ମହୀସର୍ଷପପ୍ରାୟେ ବିରାଜଇ

Couplet 78

ଯାହାର ତହୁଁ ଜନ୍ମ ହୋଇଅଜ ଏ ସଂସାର ସର୍ଜଇ

Couplet 79

ବ୍ରହ୍ମାଦି ଆମ୍ଭେ ଯେ ସକଳେସେବିଛୁ ଯାର ପାଦତଳେ

Couplet 80

ରଜ୍ଜୁବନ୍ଧନ ପ୍ରାୟ ହୋଇଯନ୍ତ୍ରିତ ହୋଇଅଛୁ ରହି

Couplet 81

ଅନୁଗ୍ରହରୁଟି ଯାହାରଭିଆଣ କରୁଁ ଏ ସଂସାର

Couplet 82

ତ୍ରିଗୁଣସଙ୍ଗତେ ବନ୍ଧନଯାର ମାୟାରେ ପ୍ରାଣୀ ମନ

Couplet 83

ତ୍ରିଗୁଣବଶେ ମୋହି ହୋଇଜନ୍ମର ତ‌ତ୍ତ୍ୱ ନ ଜାଣଇ

Couplet 84

ତେସନ ମାୟାକୁ ବିସ୍ତାରିଯେ ପ୍ରଭୁ ଜଗତେ ବିହରି

Couplet 85

ତାହାଙ୍କୁ ମୋର ନମସ୍କାରଯେ ପ୍ରଭୁ ଜଗତଠାକୁର

Couplet 86

ସୂଜନେ ଶୁଣ ଏହୁବାଣୀପଞ୍ଚମସ୍କନ୍ଧେ ପରିମାଣି

Couplet 87

ସେ ପ୍ରଭୁ ଚରଣାରବିନ୍ଦେମନ ନିବେଶି ଅପ୍ରମାଦେ

Couplet 88

କହଇ ବିପ୍ର ଜଗନ୍ନାଥସୁଜନେ ଶୁଣ ଏକଚିତ୍ତ

Couplet 89

ମୁହିଁ ପାମର ଦୁରାଚାରଭୋ ନାଥ ମୋତେ କୃପାକର