Adhyaya 16

Couplet 1

ଏ ଭୂମିମଣ୍ତଳ ବିସ୍ତାରତୁମ୍ଭେ କହିଲ ମୁନିବର

Couplet 2

ଯାବତ ସୂର୍ଯ୍ୟର ପ୍ରକାଶନକ୍ଷତ୍ର ଚନ୍ଦ୍ରଙ୍କର ବାସ

Couplet 3

ପ୍ରିୟବ୍ରତ-ରଥଚରଣଯାବତ କରିଛି ଭ୍ରମଣ

Couplet 4

ତହୁଁ ଯେ ଗର୍ତ୍ତ ଉପୁଜିଲାସପତସିନ୍ଧୁ ସେ ହୋଇଲା

Couplet 5

ଏହା କହିଲ ବିପରୀତଅପରେ କି କି ଦ୍ୱୀପ ସାତ

Couplet 6

ଏହାର କେତେ ପରିମାଣଅପରେ ଯେତେକ ଲକ୍ଷଣ

Couplet 7

ଏ ସର୍ବ କହ ମୁନିବରଶୁଣିତେ ଶରଧା ମୋହର

Couplet 8

ଅଖିଳ-ବ୍ରହ୍ମାଣ୍ତ-କାରଣଅନନ୍ତ ଯାର ନାମ-ଗୁଣ

Couplet 9

ଯେ ସ୍ଥୂଳରୂପ ଭଗବାନସେ ଜ୍ୟୋତିର୍ମୟ ସୂକ୍ଷ୍ମ ବ୍ରହ୍ମ

Couplet 10

ପରମ ପରଙ୍କର ପରଯେ ବାସୁଦେବ ଚକ୍ରଧର

Couplet 11

ତାହାଙ୍କ ଚରଣାରବିନ୍ଦେମନ ମୋ ରହୁ ଅପ୍ରମାଦେ

Couplet 12

ଯେଣୁ ତୁମ୍ଭର ଅଗୋଚରନାହିଁ ଏ ବ୍ରହ୍ମାଣ୍ତ ମଧ୍ୟର

Couplet 13

ଏଣୁ ଏ ମୋହର ସନ୍ଦେହଭୋ ମୁନି ବିସ୍ତାରିଣ କହ

Couplet 14

ଶୁଣ ପରୀକ୍ଷ ନୃପବରମାୟାରେ ପ୍ରଭୁଙ୍କ ଶରୀର

Couplet 15

ସଂସାର ଯାହାର ଭିଆଣଅଶେଷପୁର ଯାର ସ୍ଥାନ

Couplet 16

ତାହାଙ୍କ ରୂପ ଗୁଣ ନାମବର୍ଣ୍ଣନେ କେବା ଅଛି କ୍ଷମ

Couplet 17

ନର ଅମର ଯେବେ ହୋଇତେବେ ସେ ବର୍ଣ୍ଣି ନ ପାରଇ

Couplet 18

ତଥାପି କିଛି ଶ୍ରେଷ୍ଠ କରିକହିବା ଶୁଣ ଦଣ୍ତଧାରୀ

Couplet 19

ଭୂଗୋଳଚକ୍ରର ବର୍ଣ୍ଣନରାଜନ ସାବଧାନେ ଶୁଣ

Couplet 20

ଏ ଜମ୍ବୁଦ୍ୱୀପ ନୃପବରବିକଚକମଳ ଆକାର

Couplet 21

ଅତି ଅଦ୍‌ଭୁତ ଏହି ସ୍ଥଳଲକ୍ଷେକ ଯୋଜନ ବିସ୍ତାର

Couplet 22

ଏ ମଧ୍ୟେ ନବ ଯେ ବରଷସହସ୍ରଯୋଜନ ପ୍ରକାଶ

Couplet 23

ମହତ ନବପର୍ବତରେବିଭାଗ ହୋଏ ଯେ ଯାହାରେ

Couplet 24

ଏ ନବବରଷ ମଧ୍ୟରେବର୍ଷ ଈଳାବୃତ ନାମରେ

Couplet 25

ଯାହାର ନାଭିଦେଶ ତହିଁପର୍ବତରାଜ ବିରାଜଇ

Couplet 26

ସୁବର୍ଣ୍ଣମୟ ବିରାଜିତଅତି ସୁନ୍ଦର ଅଦଭୁତ

Couplet 27

ଯାହାର ମସ୍ତକ ପ୍ରମାଣବିତ୍ରଶ ସହସ୍ର-ଯୋଜନ

Couplet 28

ଷୋଳସହସ୍ର ଯେ ଯୋଜନତାହାର ମୂଳ ପରିମାଣ

Couplet 29

ସୁବର୍ଣ୍ଣଶୃଙ୍ଗ ତିନି ତାରମହୀରେ ସ୍ତମ୍ଭର ଆକାର

Couplet 30

ପୂର୍ବ ଭାଗରେ ତିନି ଗିରିନୀଳ ଧବଳ ରୂପ ଧରି

Couplet 31

ଲବଣସିନ୍ଧୁ ନିକଟରେବେନିସହସ୍ର ଯେ ବିସ୍ତାରେ

Couplet 32

ନିଷଧ ହେମକୂଟ ଆଦିଦକ୍ଷିଣେ ଏହାଙ୍କ ପ୍ରସିଦ୍ଧି

Couplet 33

ଏହା ଦକ୍ଷିଣେ ଗିରିବରହିମାଳୟ ନାମ ତାହାର

Couplet 34

ପୂର୍ବହୁଁ ଯଥାକ୍ରମେ ତାରଅୟୁତଯୋଜନ ବିସ୍ତାର

Couplet 35

ପୂର୍ବେ ପଶ୍ଚିମେ ମାଲ୍ୟବାନବିଶାଳ ଯେ ଗନ୍ଧମାର୍ଦ୍ଦନ

Couplet 36

ଦ୍ୱିସସ୍ରଯୋଜନ ବିସ୍ତାରଅଛଇ ଜଗତେ ପ୍ରଚାର

Couplet 37

ଭଦ୍ରାଶ୍ୱ କେତୁମାଳ ଆଦିଏହାଙ୍କ ସୀମା ସେ ପ୍ରସିଦ୍ଧି

Couplet 38

ମନ୍ଦର ଯେ ମେରୁମନ୍ଦରସୁପାର୍ଶ୍ୱ ଆଦି ଗିରିବର

Couplet 39

ସ୍ୱର୍ଣ୍ଣ‌ଗିରିଚତୁର୍ଭାଗରେଅଛନ୍ତି ବେଷ୍ଟିତ ଆକାରେ

Couplet 40

ବୃକ୍ଷ ନ୍ୟାଗ୍ରୋଧ ଆମ୍ରସାରଜମ୍ବୁ କଦମ୍ବ ଏ ଚତ୍ୱାର

Couplet 41

ପର୍ବତପ୍ରାୟେ ଉଚ୍ଚଶିରଯୋଜନସହସ୍ର ବିସ୍ତାର

Couplet 42

ଚତ୍ୱାର-ସିନ୍ଧୁ ତା ନିକଟେବିରାଜେ ନାନା ଶୁଭ୍ରତଟେ

Couplet 43

ମଧୁକ୍ଷୀର ଯେ ଈକ୍ଷୁ ଜଳଯହିଁ ସକଳ ଦେବମେଳ

Couplet 44

ଯେ ଯାହା ମତେ କରି ଧ୍ୟାନପ୍ରଭୁଙ୍କୁ କରନ୍ତି ଭଜନ

Couplet 45

ସେ ଜଳ ଅତି ଚମତ୍କାରସେବନେ ତୁଷ୍ଟ ଯୋଗୀବର

Couplet 46

ଭଦ୍ର ଚୈତ୍ରରଥ ନନ୍ଦନବୈଭ୍ରାଜ ଚାରି ଉପବନ

Couplet 47

ଯହିଁ ଅମରବୃନ୍ଦମାନକ୍ରୀଡା କରନ୍ତି ଅନୁକ୍ଷଣ

Couplet 48

କାମିନୀ ସଙ୍ଗତେ ଘେନିଣଯହିଁ ଅନଙ୍ଗ ମୂର୍ତ୍ତିମାନ

Couplet 49

ଏକାଦଶଶତଯୋଜନମନ୍ଦର-ଗିରିକ୍ରୋଟ ଜାଣ

Couplet 50

ଅତ୍ୟନ୍ତ-ତୁଙ୍ଗ ବୃକ୍ଷବରସୁରଙ୍ଗ-ଦଳ ଫଳ ତାର

Couplet 51

ସୁଗନ୍ଧ ଅମୃତ ସୁସ୍ୱାଦରସ ଗଳଇ ବିଶାରଦ

Couplet 52

ସେଠାରୁ ଅରୁଣୋଦା ସାରମନ୍ଦରୁ ହୋଇଛି ବାହାର

Couplet 53

ମେରୁମନ୍ଦରୁ ଜମ୍ବୁଫଳପାଚି ପଡଇ ମହୀତଳ

Couplet 54

ହସ୍ତୀପ୍ରମାଣେ ଫଳ ତାରରସ ଗଳଇ ଯେ ଅପାର

Couplet 55

ତହିଁରୁ ଜମ୍ବୁନଦ ଜାତଶୁଣ ସୁମନେ ପରୀକ୍ଷିତ

Couplet 56

ତାହାର ଜଳ-ସଂଯୋଗରେସୁବର୍ଣ୍ଣ ହୋଇଛି କ୍ଷିତିରେ

Couplet 57

ମହା କଦମ୍ବ-ତରୁବରତହିଁର ମଧ୍ୟରେ କ୍ରୋଟର

Couplet 58

ପରମଧାରା ରୂପ ହୋଇତହୁଁ ଯେ ମଧୁ ପ୍ରସରଇ

Couplet 59

ଈଲାବୃତକୁ ବେଢି କରିସୁଗନ୍ଧ ଆମୋଦ ପ୍ରସରି

Couplet 60

ତାର ସ୍ପରଶୁ ଯେ ପବନସୁଗନ୍ଧ ଶତେକଯୋଜନ

Couplet 61

କୁମୁଦଗିରି-ତଟଦେଶେବିଶାଳବଟ ଯେ ପ୍ରକାଶେ

Couplet 62

ତାହାର କନ୍ଦରୁ ବାହାରସୁସ୍ୱାଦୁ ପୟୋରାଶି ସାର

Couplet 63

ଈଳାବୃତର ଯେ ଉତ୍ତରେପ୍ରଜାଏ ସୁସ୍ଥ ଯାର ନୀରେ

Couplet 64

ଯାବତ ଜୀବ ସୁଖୀ ହୋଇଅଛନ୍ତି ଯାର ଜଳ ପିଇ

Couplet 65

କୁରଙ୍ଗ କୁଶୁମ୍ଭ କୁରରବୈକଙ୍କ ତ୍ରିକୁଟ ଶିଶିର

Couplet 66

ବୈଦୁର୍ଯ୍ୟ ନିଷଦ ରୂଚକକପିଳ ଶିନୀବାସ ଶଙ୍ଖ

Couplet 67

ଋଷଭ ଯାରୁଧି ପତଙ୍ଗକାଳଞ୍ଜର ଯେ ହଂସ ନାଗ

Couplet 68

ନୀରଦ ଆଦି ଯେ ବିଦିତଏମନ୍ତ ବିଂଶ ଯେ ପର୍ବତ

Couplet 69

ମେରୁକର୍ଣ୍ଣିକା ଚାରିପାଶେବିରାଜେ କେଶର-ସଦୃଶେ

Couplet 70

ଜଠର ଦେବକୁଟ ଦୁଇମେରୁର ପୂର୍ବଭାଗେ ରହି

Couplet 71

ବେନିସହସ୍ର ଉଚ୍ଚତାରଅଠରଯୋଜନ ବିସ୍ତାର

Couplet 72

ପବନ ପାରିପାତ୍ର ଦୁଇତାହାର ପଶ୍ଚିମେ ଶୋଭଇ

Couplet 73

କୈଳାସ କରବୀର ଦୁଇଦକ୍ଷିଣପାଶେ ବିରାଜଇ

Couplet 74

ଉତ୍ତରେ ତ୍ରିଶୃଙ୍ଗ ମକରଅଛନ୍ତି ବେନିଗିରିବର

Couplet 75

ଏ ଅଷ୍ଟଗିରି ମଧ୍ୟଦେଶେସୁବର୍ଣ୍ଣ‌ଗିରି ଯେ ପ୍ରକାଶେ

Couplet 76

ସୁବର୍ଣ୍ଣ‌ଗିରି ଅଗ୍ରଦେଶେବ୍ରହ୍ମାର ସଦନ ପ୍ରକାଶେ

Couplet 77

ଅୟୁତଯୋଜନ ସେ ହୋଇନାନାକୁସୁମେ ସୁବାସଇ

Couplet 78

ହେମକଳସ ତୁଙ୍ଗ ସାରକି ଅବା ଦେବା ପଟାନ୍ତର

Couplet 79

ଚାରିଦିଗରେ ଯେ ତାହାରଇନ୍ଦ୍ରାଦିଲୋକପାଳଙ୍କର

Couplet 80

ଯଥାକ୍ରମରେ ଯେଝାମତେନିର୍ମିତ ପୁର ଯଥୋଚିତେ

Couplet 81

ଆନନ୍ଦ ହୋଇ ଯତୋଚିତେବିହାର କରନ୍ତି ସମସ୍ତେ

Couplet 82

ଅଷ୍ଟଦିଗପାଳଙ୍କ ପୁରସୁସଞ୍ଚ ଅତି ମନୋହର

Couplet 83

ପଞ୍ଚମସ୍କନ୍ଧେ ଏହୁ ବାଣୀଶୁଣି ସଂସାରୁ ତର ପ୍ରାଣୀ

Couplet 84

ପ୍ରଭୁ-ପଦାରବିନ୍ଦତଳେମୋମନ ରହୁ ସୁନିଶ୍ଚଳେ

Couplet 85

କହଇ ଦାସ ଜଗନ୍ନାଥକୃଷ୍ଣଚରିତ ଭାଗବତ