Adhyaya 13

Couplet 1

ଏ ପଥ ଅତ୍ୟନ୍ତ-ଦୁର୍ଗମପ୍ରବୃତ୍ତିମାର୍ଗ ଯାର ନାମ

Couplet 2

ମାୟାରେ ତହିଁ ପ୍ରବେଶିଣଯେ ଭବ ଗହନ-ଅରଣ୍ୟ

Couplet 3

ସ‌ତ୍ତ୍ୱ-ରଜ-ତମର ମତେପୃଥକଭାବେ କର୍ମ ଚିନ୍ତେ

Couplet 4

ସଂସାର-ଅରଣ୍ୟେ ଭ୍ରମଇଁସୁଖର ଲେଶ ତାର ନାହିଁ

Couplet 5

ଯେମନ୍ତେ ବଣିଜାରମାନେଅର୍ଥଅର୍ଜନ ଲୋଭମନେ

Couplet 6

ଏ ଯେ ସଂସାର ମହାଘୋରଅରଣ୍ୟ ଅତି ଭୟଙ୍କର

Couplet 7

ଏଥି ନିବେଶେ ମୂଢ ମନନାନାଯାତନାର ଯେ ସ୍ଥାନ

Couplet 8

ଯେ ବନେ ଷଡ଼ଇନ୍ଦ୍ରି-ଚୋରନାନାଭୋଗରେ ତତପର

Couplet 9

ଦେଖ ସଂସାରେ କୁନାୟକବୁଦ୍ଧି-ସାରଥି ଅବିବେକ

Couplet 10

ଶୃଗାଳତୁଲ୍ୟ ଦାରାପୁତ୍ରସେ ବନେ ଅଛନ୍ତି ନିରତ

Couplet 11

ଯେ ଯାହା ମତେ ଆକର୍ଷନ୍ତିମେଷକୁ ଯେହ୍ନେ ବୃକପନ୍ତି

Couplet 12

ସେ ବନେ ଲତା ତୃଣ ଗୁଳ୍ମଗହ୍ୱରପ୍ରାୟ କାମ୍ୟକର୍ମ

Couplet 13

ଦୁର୍ଜନ-ମଶକାଦି ତେଣେପୀଡ଼ନ୍ତି କଠୋର-ଦଂଶନେ

Couplet 14

ଗନ୍ଧର୍ବପୁରପ୍ରାୟ ଦେହେମଣେ ଅସତ୍ୟ ସତ୍ୟପ୍ରାୟେ

Couplet 15

ନିବାସ ପଶୁ ଯେ ଦ୍ରବିଣତହିଁରେ ହୋଇ ହୃଷ୍ଟମନ

Couplet 16

କରଇ ତହିଁ ଆତ୍ମବୁଦ୍ଧିଏମନ୍ତ ବନେ ସେ ଦୁର୍ବୁଦ୍ଧି

Couplet 17

ବାତ-ଭ୍ରମିତ ରେଣୁ ଲାଗିଚକ୍ଷୁ ହୁଅଇ ଦୁଃଖଭାଗୀ

Couplet 18

ବିବିଧ-ଘୋରସ୍ୱନ ଲାଗିକର୍ଣ୍ଣ ହୁଅଇ ଦୁଃଖଭାଗୀ

Couplet 19

ଉଲ୍ଲ୍ଲୁକଆଦି ଘୋରବାଣୀଆତ୍ମା ଦୁଃଖିତ ତାହା ଶୁଣି

Couplet 20

କ୍ଷୁଧାପୀଡିତ ଯେବେ ହୋଇନିଷ୍ଫଳ-ବୃକ୍ଷକୁ ଧାମଇଁ

Couplet 21

କେବେ ବା ମୃଗତୃଷ୍ଣା ଦେଖିତୃଷାରେ ଧାମଇଁ ନିରେଖି

Couplet 22

ନିରାଶ ହୋଇଣ ତହିଁରେଧାମଇଁ ଶୁଷ୍କନଦୀତୀରେ

Couplet 23

ଅନ୍ୟୋନ୍ୟଭାବକୁ ସେ ବହିନିର୍ଦ୍ଧନ-ପ୍ରାଣୀଙ୍କି ମାଗଇ

Couplet 24

ଦାରା ତନୟ ଅଗ୍ନି ପ୍ରାୟେତହିଁ କ୍ରୀଡ଼ଇ ମାୟାମୋହେ

Couplet 25

କେବେହେଁ ଶାନ୍ତି ନ ଭଜଇପୁଣି ଉଦ୍‌ବେଗ-ମନ ହୋଇ

Couplet 26

ବିବିଧ-ଶୋକ-ଦୁଃଖ ପାଇପରମକ୍ଲେଶକୁ ଲଭଇ

Couplet 27

ଗନ୍ଧର୍ବପୁରେ ପ୍ରବେଶିଣପ୍ରମୋଦଲଭେ ଏକକ୍ଷଣ

Couplet 28

କଣ୍ଟକ-ଦୁର୍ଗମ-ପାଷାଣେନିରତେ ଭ୍ରମେ ଅକାରଣେ

Couplet 29

ବିମନ ହୋଇ ଦୁଃଖପାଇକ୍ଷଣକେ ପୁଣି ପାଶୋରଇ

Couplet 30

ଅନ୍ତର-ବାହାରେ ଯନ୍ତ୍ରିତପ୍ରାଣୀ ହୁଅଇ ଅବିରତ

Couplet 31

କୁଟୁମ୍ବ ପାଇଁ ନାନାପାପବିପକ୍ଷପକ୍ଷେ ବହେ କୋପ

Couplet 32

ଦୁଷ୍ଟଜନ୍ତୁରେ ପୀଡ଼ା ପାଇବିପିନେ ନିରତେ ଭ୍ରମଇଁ

Couplet 33

ଅନ୍ଧ ଯେସନେ ଅନ୍ଧକୂପେପଡ଼ଇ କର୍ମର ବିପାକେ

Couplet 34

ସେ ଭବବନେ କଦାଚିତପରଯୋଷିତେ ହୋଇରତ

Couplet 35

ତା ସ୍ୱାମୀ ଦେଖିଲେ ଦଣ୍ତଇତହିଁରେ ବ୍ୟଥିତ ହୁଅଇ

Couplet 36

କାହିଁ ବା ଶୀତ ବର୍ଷା ବାତଗ୍ରୀଷମେ ହୁଅଇ ପୀଡିତ

Couplet 37

ଧନବିହୁନେ ଗୃହ ନାହିଁଶଯ୍ୟା ଆସନ ଅବା କାହିଁ

Couplet 38

ଲୋଡ଼ଇ ପୁଣି ପରଧନତେଣେ ହୁଅଇ ହୀନିମାନ

Couplet 39

ଦୁଃଖେ ଅର୍ଜିତ ଯେତେ ଧନକେହି ବା ହରାଇ ବିପନ୍ନ

Couplet 40

ତାହାଙ୍କୁ ତେଜି ଅନ୍ୟେ ଯାନ୍ତିପୁଣି ଲେଉଟି ନ ଆସନ୍ତି

Couplet 41

ଏ ମୋର ଭୂମି ମୋର ଗୃହପଣ୍ତିତେ କରନ୍ତି କଳହ

Couplet 42

ଯେ ସର୍ବ ଶ୍ରୀକୃଷ୍ଣେ ଅର୍ପଇତା ଗତି ପାଇବେ ସେ କାହିଁ

Couplet 43

ବାଳଭାଷିତେ ମୋହ ହୋଇଯୋଷିତ-ଭୁଜଲତା କେହି

Couplet 44

ଆଶ୍ରୟ କରି କାଳଡରେପାଷଣ୍ତ ସଙ୍ଗତେ ବିହରେ

Couplet 45

ତହିଁ ବଞ୍ଚିତ ହୋଇ ପୁଣହଂସର ତୁଲ୍ୟ ବିପ୍ରଗଣ

Couplet 46

ସଙ୍ଗେ ବିହରେ କିଛିକାଳତାଙ୍କ ଆଚାର କୁଳଶୀଳ

Couplet 47

ଦେଖି ନ ମଣେ ତାକୁ ଈଷ୍ଟମର୍କଟ ସଙ୍ଗେ ହୁଏ ଭ୍ରଷ୍ଟ

Couplet 48

କେବେ ବା ପ୍ରମାଦ ବଶରେପଡଇ ଗିରି କନ୍ଦରରେ

Couplet 49

ପୁଣି ଭ୍ରମଇଁ ଛାଡି କରିନିର୍ଭୟ-ପଥକୁ ଆବୋରି

Couplet 50

ତହିଁ ଅତି-କଷ୍ଟରୁ ନରବାହୁଡି ଭ୍ରମଇଁ ଅପାର

Couplet 51

ପୁଣି ଆତ୍ମାର ତ‌ତ୍ତ୍ୱବାଣୀକ୍ଷଣକେ ପାଶୋରଇ ପ୍ରାଣୀ

Couplet 52

ମାୟା-ରଚିତ ଏ ସଂସାରନିସ୍ତାର ନୋହେ ମୂଢନର

Couplet 53

ନାନାକୁକର୍ମରେ ଭ୍ରମନ୍ତିଆତ୍ମା-କାରଣ ନ ଜାଣନ୍ତି

Couplet 54

ହେ ରହୂଗଣ ଏ ସଂସାରଦୁର୍ଗମପଥ ଯେ ଏହାର

Couplet 55

ସେ ଜୀବଆତ୍ମା ଏଣୁ ତୁଲ୍ୟଜାଣଇ ପ୍ରାଣୀ-ମନ୍ଦଭଲ

Couplet 56

ସୁଜିତଆତ୍ମା ହୋଇ ତହିଁହରିସେବାରେ ମନଦେଇ

Couplet 57

ଜ୍ଞାନଖଡଗ ଧରି କରନିଶ୍ଚିନ୍ତେ ଏଥୁ ହୁଅ ପାର

Couplet 58

ସାଧୁମାନଙ୍କ ଜନ୍ମସାରସଂସାରେ କିବା ଜନ୍ମ ଆର

Couplet 59

ଯେ ଜନ ହୃଷୀକେଶ-ଗୁଣବଦନେ କରେ ଉଚ୍ଚାରଣ

Couplet 60

ଶ୍ରବଣେ ଶୁଣି ଯଶଗାଇସୁସାଧୁ ସଙ୍ଗତେ ବସଇ

Couplet 61

ଭୋ ସ୍ୱାମୀ ତୁମ୍ଭ ପାଦରେଣୁମୋ ଦେହେ ଲାଗିଲାକ ଯେଣୁ

Couplet 62

ସର୍ବଦୁରିତ କ୍ଷୟଗଲାମନ ମୋ ନିର୍ମଳ ହୋଇଲା

Couplet 63

ଅବିଦ୍ୟାକର୍ମ ଯେ ମୋହରଭୋ ସ୍ୱାମୀ ସମାଗମେ ତୋର

Couplet 64

ଅବିବେକାଦି ଯେ ପ୍ରମାଦେହତ ହୋଇଲେ ତୋ ପ୍ରସାଦେ

Couplet 65

ନମଇଁ ମହତ-ଈଶ୍ୱରନମସ୍ତେ ଶିଶୁରୂପଧର

Couplet 66

ତୁ ନାଥ ଯୁବାରୂପଧରତୋତେ ମୋହର ନମସ୍କାର

Couplet 67

ଅବଧୂତରୁପକୁ ଧରିପୃଥିବୀ ପର୍ଯ୍ୟଟନ କରି

Couplet 68

ଏମନ୍ତ ରୂପ ଯେ ତୁମ୍ଭରତୋ ପାଦେ ମୋର ନମସ୍କାର

Couplet 69

ଏ ରୂପ ଧରି ଯେ ବ୍ରାହ୍ମଣପୃଥିବୀ କରେ ପର୍ଯ୍ୟଟନ

Couplet 70

ପ୍ରଜାଙ୍କ କୁଶଳ ନିମନ୍ତେଭାବେ ଭ୍ରମଣ ଏ ଜଗତେ

Couplet 71

ଏମନ୍ତେ ରହୂଗଣ ବାଣୀସାନନ୍ଦେ ଶୁଣି ବିପ୍ରମଣି

Couplet 72

ପରମ-କରୁଣାକୁ ବହିରହୂଗଣକୁ ତ‌ତ୍ତ୍ୱ କହି

Couplet 73

ହରଷ ହୋଇ ରହୂଗଣବନ୍ଦିଲେ ତାହାଙ୍କ ଚରଣ

Couplet 74

ରାଜାର ପୂଜାକୁ ଘେନିଲେଧରଣୀ-ଭ୍ରମଣେ ଗମିଲେ

Couplet 75

ସେ ନରପତି ରହୂଗଣପରମତ‌ତ୍ତ୍ୱକୁ ପାଇଣ

Couplet 76

ଆତ୍ମା ଅବିଦ୍ୟା ଧ୍ୟାନ ଯେତେଦେହ ଅହଙ୍କାର ସହିତେ

Couplet 77

ତକ୍ଷଣେ ଛାଡ଼ିଲା ସକଳଶୁଣ ପରୀକ୍ଷ ମହୀପାଳ

Couplet 78

ଆଶ୍ରିତ-ଭାଗବତଜନଏଡ଼େ ପ୍ରଭାବ ହେ ରାଜନ

Couplet 79

ଯେତେ ପ୍ରକାରେ ଏ ସଂସାରବର୍ଣ୍ଣିଲେ ବ୍ରାହ୍ମଣ-କୁମର

Couplet 80

ଯେ ଭାଗବତ-ଶ୍ରେଷ୍ଠନରଜାଣିବ ତହିଁର ବିଚାର

Couplet 81

ଏହାଙ୍କ ବାକ୍ୟ ଅନୁସରିଯେ ପ୍ରାଣି ହେତୁରେ ନ ଧରି

Couplet 82

ତାଙ୍କର କି ଗତି ଅପାରଏ ଯେ ଦୁରଧିଗମ୍ୟ ମୋର

Couplet 83

ତାହାର ସଂଘଟନ ଯେତେବୁଝାଇ କହ ମୋ ଅଗ୍ରତେ

Couplet 84

ତୁ ଅନୁଗ୍ରହ କରି କହମୋହର ଫେଡିବା ସନ୍ଦେହ

Couplet 85

ସେ ବିପ୍ର ରହୂଗଣ ବାଣୀକର୍ଣ୍ଣେ ଶୁଣନ୍ତି ଯେତେ ପ୍ରାଣୀ

Couplet 86

ସକଳ ପାପୁ ସେ ତରନ୍ତିଅନ୍ତେ କୈବଲ୍ୟକୁ ଲଭନ୍ତି

Couplet 87

କହଇ ବିପ୍ର ଜଗନ୍ନାଥପଞ୍ଚମସ୍କନ୍ଧେ ଭାଗବତ