Adhyaya 12

Couplet 1

ନମଇଁ ପ୍ରଭୁ ବିପ୍ରବରପ୍ରାଣୀଙ୍କ ହିତେ ତୋ ଶରୀର

Couplet 2

ସ୍ୱଇଚ୍ଛା-ବିହାର ତୋହରନମସ୍ତେ ଦୟାର ସାଗର

Couplet 3

ବେଶରେ ତୁହି ଅବଧୂତମାୟାରୂପରେ ତୁ ଯେସ୍ଥିତ

Couplet 4

ଗୁପତଭାବେ ଭ୍ରମୁ ତୁହିତୋହର ମାୟା କେ ଜାଣଇ

Couplet 5

ବିଅର୍ଥେ ପ୍ରାଣୀ ଆତଯାତତୁ ଯେ ମାୟାର ପରେସ୍ଥିତ

Couplet 6

ବ୍ୟାଧିରେ ପୀଡିତ ଯେ ଜନତାହାର ଔଷଧି ଯେସନ

Couplet 7

ନିଦାଘ-ଆତପେ ପୀଡିତତାହାକୁ ଯେହ୍ନେ ଜଳଶୀତ

Couplet 8

ସଂସାର-ଦୁଃଖ-ଦାବାନଳତହିଁ ମୁଁ ହୋଇଲି ଆକୁଳ

Couplet 9

ପୀୟୂଷରସ ତୁମ୍ଭ ବାଣୀପିଇ ତରିଲି ଦ୍ୱିଜମଣି

Couplet 10

ସଂଶୟ ମନରୁ ମୋହରତୁମ୍ଭେ ଛେଦିବ ବିପ୍ରବର

Couplet 11

ଅଜ୍ଞାନ-ଜଡ଼ଭାବ ଥିଲେତାହା ଛେଦିବ ତୁମ୍ଭେ ଭଲେ

Couplet 12

ଅଧ୍ୟାତ୍ମଯୋଗ ତୋ ବଚନଶୁଣି ସନ୍ତୋଷ ମୋର ମନ

Couplet 13

ତ‌ତ୍ତ୍ୱଜ୍ଞାନରେ ପ୍ରାଣୀଙ୍କରମନ ନୋହଇ ଦୃଢ଼ତର

Couplet 14

ଯେତେ ଏ କ୍ରିୟାଫଳମାନକହିଲ ଈଶ୍ୱର-ଅଧୀନ

Couplet 15

ପରମତ‌ତ୍ତ୍ୱ ଏ ବେଭାରପୃଥୁଳବୁଦ୍ଧି ମାନଙ୍କର

Couplet 16

ଏ ଯେ ସଂଶୟ ମନେ ମୋରଭୋ ବିପ୍ର ଛେଦନ ତୁ କର

Couplet 17

ପାର୍ଥିବ-ବିକାର ଯେହୁଟିଭାରକୁ ବହଇ ସେହିଟି

Couplet 18

ଶ୍ରମ ଯେ ହୋଇବ କାହାରଏହାକୁ ବୁଝ ନୃପବର

Couplet 19

ଶରୀରେ ଅଛି ଯେ ଚରଣତହିଁ ଉପରେ ଗୁଳ୍‌ଫ ଜାଣ

Couplet 20

ଜାନୁ ଊରୁ ଯେ ମଧ୍ୟଦେଶବକ୍ଷସ୍ଥଳ ଯେ ସ୍କନ୍ଧଦେଶ

Couplet 21

ସ୍କନ୍ଧରେ ବିମାନ ଅଛଇକେ ତାର ଭାରକୁ ବହଇ

Couplet 22

ତହିଁରେ ଅବୟବ ବହିସୌବୀର ରାଜା ବସିଛଇଁ

Couplet 23

ସେ ଅଟେ ପାର୍ଥିବ-ବିକାରଏହା ତୁ ନୃପ ହେତୁକର

Couplet 24

ଏହି ବିକାରେ ଅଭିମାନତୋହର ହୋଇଛି ରାଜନ

Couplet 25

ଏ ଯେ ସଂସାରେ ପ୍ରାଣୀମାନେନୃପସେବକ ନାମ ଭିନ୍ନେ

Couplet 26

କେହୁ କାହାକୁ ନମସ୍କାରକରଇ ଆଚାର ବେଭାର

Couplet 27

ଏ ଜୀବମାନେ ବସି ତହିଁନାନା-କୁକଥାମାନ କହି

Couplet 28

ମୁଁ ନୃପ ବୋଲି ଅହଙ୍କାରଏ ମୂଢ଼ଲୋକଙ୍କ ବେଭାର

Couplet 29

ପ୍ରାଣୀଙ୍କି ଦଣ୍ତ ଦେଉ ତୁହିଏମନ୍ତେ ନାନାକଥା କହି

Couplet 30

ପ୍ରମତ୍ତଭାବକୁ ଧଇଲୁଏଣୁ ତୁ ମୋତେ ନ ଚିହ୍ନିଲୁ

Couplet 31

ଦେଖ ଏ ଅଖିଳସଂସାରଜନ୍ମଇଁ ଯହୁଁ ଚରାଚର

Couplet 32

ଯା ତହୁଁ ନାନା ଯାହାପରେବଡ଼ଟି ନାହିଁ ଏ ସଂସାରେ

Couplet 33

ପରମ ଅଣୁ ସୂକ୍ଷ୍ମ ସ୍ଥୂଳଏ ଆଦି ଯେତେକ ସକଳ

Couplet 34

ତା ବିନୁ ଅନ୍ୟ କେହି ନାହିଁଅଜ୍ଞାନମତି ନ ଜାଣଇ

Couplet 35

ବୃହତ କ୍ଷୁଦ୍ର ଆଦି ଯେତେନିର୍ଜୀବ ସଜୀବ ସହିତେ

Couplet 36

ଦ୍ରବ୍ୟ ସ୍ୱଭାବ କାଳ କର୍ମପୃଥକଭାବ ଯେହୁ ନାମ

Couplet 37

ଜ୍ଞାନ ବିଶୁଦ୍ଧ ସେ ଅଟଇପରମଆତ୍ମା-ରୂପ ବହି

Couplet 38

ଏକ ଅନେକ ସର୍ବ ସେହିପ୍ରଭୁଙ୍କ ବିନୁ ଆନ ନାହିଁ

Couplet 39

ସର୍ବଜ୍ଞପୁରୁଷ ଅଚ୍ୟୁତତାହାର ଲୀଳା ଏ ଜଗତ

Couplet 40

ସେ ପ୍ରଭୁ ଅଖିଳକାରଣମୁନିଏ କରନ୍ତି ଗାୟନ

Couplet 41

ହେ ରହୂଗଣ ସାବଧାନେଶୁଣ ତୁ ମୋହର ବଚନେ

Couplet 42

ବିବିଧ-ତପ ଯଜ୍ଞକର୍ମକି ଅବା ବେଦଅଧ୍ୟୟନ

Couplet 43

ଏ ଆଦି ଯେତେ ହେ ରାଜନସକଳ-ଶ୍ରେଷ୍ଠ ଭକ୍ତଜନ

Couplet 44

ଯା ପାଦରଜେ ପାପମାନନିଃଶେଷେ ହୁଅନ୍ତି ଖଣ୍ତନ

Couplet 45

ଉତ୍ତମଶ୍ଳୋକ କଥାସାରଯେ ପ୍ରାଣୀ କରନ୍ତି ଉଚ୍ଚାର

Couplet 46

ଗ୍ରାମ୍ୟକଥାରେ ତାର ମତିକେବେହେଁ ନୁହଁଇ ସଙ୍ଗତି

Couplet 47

ଯେବେ ନିଶ୍ଚଳଭାବେ ମନପ୍ରଭୁରେ କରଇ ଅର୍ପଣ

Couplet 48

ତାହାଙ୍କୁ ପ୍ରଭୁ ଭାବଗ୍ରାହୀସ‌ତ୍ତ୍ୱପ୍ରଧାନ-ମତି ଦେଇ

Couplet 49

ଏବେ ତୁ ଶୁଣ ନୃପମଣିଆମ୍ଭର ପୂର୍ବଜନ୍ମ-ବାଣୀ

Couplet 50

ଭରତ ନାମେ ରାଜା ମୁହିଁବ୍ରହ୍ମାର ବଂଶେ ଜାତ ହୋଇ

Couplet 51

ସର୍ବସମ୍ପଦ ଦୂର କଲିନିଶ୍ଚଳେ ପ୍ରଭୁଙ୍କୁ ଭଜିଲି

Couplet 52

ପୂର୍ବଅର୍ଜିତ କର୍ମଫଳମୃଗବାଳକେ ମତିଭୋଳ

Couplet 53

ଯେଣୁ ଅସାଧୁସଙ୍ଗ କଲିମୃଗଶରୀର ମୁଁ ପାଇଲି

Couplet 54

ପୂର୍ବଜନ୍ମର ପୁଣ୍ୟ ଥିଲାପ୍ରଭୁଙ୍କ କରୁଣା ହୋଇଲା

Couplet 55

ତେଣୁ ପୂର୍ବର କଥାମାନମୋହର ହୋଇଲା ସ୍ମରଣ

Couplet 56

ଏବେ ହୋ ଶୁଣ ନୃପବରଲଭିଲି ବ୍ରାହ୍ମଣ-ଶରୀର

Couplet 57

ଏଣୁ ସଙ୍ଗକୁ ମୁହିଁ ଡ଼ରିଏ ଜଡ଼ରୂପକୁ ଆବୋରି

Couplet 58

ଭ୍ରମଇଁ ଏ ଘୋର-ସଂସାରେକର୍ମବନ୍ଧନ ଖଣ୍ତିବାରେ

Couplet 59

ଏକାକୀ ନିବୃତ୍ତ-ବେଭାରେମନ ନିବେଶି କୃଷ୍ଣଠାରେ

Couplet 60

ଶୁଣ ରାଜନ ଏକମନେଏଣୁ ସଂସାରେ ପ୍ରାଣୀମାନେ

Couplet 61

ଅସତ-ସଙ୍ଗୁ ମୋକ୍ଷ ନୋହେନାନାଯୋନିରେ ଦେହ ବହେ

Couplet 62

ସାଧୁସଙ୍ଗତେ ସଙ୍ଗ ଯାରପବିତ୍ର ହୁଏ ତା ଶରୀର

Couplet 63

ନିଶ୍ଚଳମତି ସେ ହୁଅଇସଂସାରସାଗରୁ ତରଇ

Couplet 64

ସାଧୁସଙ୍ଗତି ପ୍ରଭାବରେପ୍ରଭୁର କୃପା ହୋଇ ତାରେ

Couplet 65

ସେ ଯେ ଅନାଦି ଚକ୍ରଧରଜଗତବନ୍ଧୁ ଦାମୋଦର

Couplet 66

ସେ ପ୍ରଭୁ ପଦ୍ମପାଦତଳେମୋ ମନ ରହିବ ନିଶ୍ଚଳେ

Couplet 67

ଜଡ଼ଭରତ-ତ‌ତ୍ତ୍ୱବାଣୀଶୁଣି ସଂସାରୁ ତର ପ୍ରାଣୀ

Couplet 68

ବୋଲଇ ବିପ୍ର ଜଗନ୍ନାଥପଞ୍ଚମସ୍କନ୍ଧେ ଭାଗବତ