Adhyaya 11

Couplet 1

ହେ ନୃପ ଶୁଣ ସାବଧାନେତୁ ଯେ କହିଲୁ ଅନୁମାନେ

Couplet 2

ମୂର୍ଖ-ପଣ୍ତିତ ଦୁଇମତଏ କଥା ଅଟଇ ଉଚିତ

Couplet 3

ତଥାପି ପଣ୍ତିତ ତୁ ନୋହୁପଣ୍ତିତପ୍ରାୟେ କଥା କହୁ

Couplet 4

କେ କାହା ସ୍ୱାମୀ କେବା ଭତ୍ୟଏମନ୍ତ ଜାଣ ନରନାଥ

Couplet 5

ଅଜ୍ଞାନବଶୁ ଦେଖୁ ଭିନ୍ନତ‌ତ୍ତ୍ୱବିଚାରେ ସର୍ବସମ

Couplet 6

ଅପରେ ଶୁଣ ହେ ରାଜନଗୃହ କର୍ମରେ ଯେଉଁଜନ

Couplet 7

ସୁକର୍ମବିଦ୍ୟାକୁ ଆଚରେତ‌ତ୍ତ୍ୱଜ୍ଞାନକୁ ମନେ ଧରେ

Couplet 8

ପଣ୍ତିତ ବୋଲିବା ତାହାରେସେ ଶୁଦ୍ଧ ଏ ଘୋର-ସଂସାରେ

Couplet 9

ସେ ସାଧୁ ବୋଲାଇ ସଂସାରେପ୍ରାଣୀଙ୍କି ଯେବା ଦୟାକରେ

Couplet 10

ଦଣ୍ତିବା ଶକ୍ତି ଯାର ଥାଇସେ ଯେବେ କ୍ଷମା ଆଚରଇ

Couplet 11

ସାଧୁଙ୍କ ଶ୍ରେଷ୍ଠ ସେହୁ ନରସୁଖଦୁଃଖରୁ ସେ ବାହାର

Couplet 12

ଅପରେ ଶୁଣ ନୃପବରଯାବତ ପ୍ରାଣୀମାନଙ୍କର

Couplet 13

ସ‌ତ୍ତ୍ୱ ରଜ ତମ ଗୁଣରେମନ ରହଇ ଦୃଢତରେ

Couplet 14

ଯେ ଗୁଣ ଯାହାର ହୁଅଇସେ ଗୁଣେ ପ୍ରାଣୀ ପ୍ରକାଶଇ

Couplet 15

କୁଶଳ ମନ୍ଦଭାବେ ଦୁଇମଧ୍ୟମ ଭାବକୁ ବହଇ

Couplet 16

ଧରଇ ଗୁଣ ଅନୁସାରେରୂପ ଗୁଣ ନାମ ବେଭାରେ

Couplet 17

ଯେ ଦୁଃଖସୁଖ ଆଦି କରିଲଭଇ କର୍ମକୁ ଆବୋରି

Couplet 18

ଦେଖ ଏ ଅନିତ୍ୟ-ଶରୀରମାୟା-ଚରିତ ଆତ୍ମାସାର

Couplet 19

ତାହାର ଗୁଣ ଅନୁସାରେପ୍ରାଣୀ ଯେ କର୍ମମାନ କରେ

Couplet 20

କ୍ଷେତ୍ରଜ୍ଞାଭାବକୁ ସେ ବହିସକଳ-ସାକ୍ଷୀ ହୋଇ ରହି

Couplet 21

ତେଣୁ କହନ୍ତି ବେଦସାରଗୁଣନିର୍ଗୁଣ ଏ ବିଚାର

Couplet 22

ସଗୁଣେ ପ୍ରାଣୀମାନଙ୍କରନାନାବ୍ୟସନର ଆଚାର

Couplet 23

ନିର୍ଗୁଣଭାବକୁ ଯେ ଧରେସେ ପ୍ରାଣୀ ଭବସିନ୍ଧୁ ତରେ

Couplet 24

ଘୃତ-ପ୍ରଦୀପ ପ୍ରାୟେ ହୋଇସଗୁଣେ ସଂସାରେ ଭ୍ରମଇଁ

Couplet 25

ଦ୍ରବ୍ୟ ସ୍ୱଭାବ କାଳ କର୍ମଆଶ୍ରୟ ଅଙ୍ଗ ହେ ରାଜନ

Couplet 26

ମାୟାରବଳେ ଏ ସଂସାରେପ୍ରାଣୀମାନଙ୍କ ମନ ହରେ

Couplet 27

କ୍ଷେତ୍ରଜ୍ଞଭାବକୁ ଆଚରିଶରୀର ରହିଛି ଆବୋରି

Couplet 28

ପ୍ରତ୍ୟକ୍ଷଭାବେ କେବେ ଥାଇକେବେ ବା ପ୍ରାଣୀ ନ ଜାଣଇ

Couplet 29

ଶୁଦ୍ଧ-ଅଶୁଦ୍ଧ ଏ ଶରୀରେଦେଖଇ ଭୁଞ୍ଜଇ ବିକାରେ

Couplet 30

ଅପରେ ଶୁଣ ହେ ରାଜନକ୍ଷେତ୍ରଜ୍ଞ ପୁରୁଷ-ପୁରାଣ

Couplet 31

ପରମଆତ୍ମା ଜ୍ୟୋତିର୍ମୟଅନାବୃତ ସେ ସର୍ବଦେହ

Couplet 32

ସେ ନାରାୟଣ ଭଗବାନବାସୁଦେବ ଆଦିକାରଣ

Couplet 33

ଯାର ସ୍ମରଣେ ପାପମାନବିଶେଷେ ହୁଅନ୍ତି ଖଣ୍ତନ

Couplet 34

ସ୍ୱକୀୟ-ମାୟାରେ ଜଗତକ୍ରୀଡା କରି ଅବିରଚ

Couplet 35

ସ୍ଥାବରଜଙ୍ଗମାଦିଠାରେପବନ ଯେସନେ ସଞ୍ଚରେ

Couplet 36

ତେମନ୍ତ ହୋଇ ସର୍ବଠାରେକ୍ଷେତ୍ରଜ୍ଞରୂପେ ସେ ବିହରେ

Couplet 37

ଯାବତକାଳ ପ୍ରାଣୀମନମାୟାକୁ ନ କରେ ଖଣ୍ତନ

Couplet 38

ଷଡ଼ଅଇରି ନ ଜିଣଇବିମୁକ୍ତସଙ୍ଗ ସେ ନୁହଇ

Couplet 39

ପ୍ରଭୁଙ୍କୁ ଏ ରୂପେ ନ ଜାଣେତାବତ ଭ୍ରମେ ଅକାରଣେ

Couplet 40

ସଂସାର-ତାପେ ଗ୍ରସ୍ତମନସେ ଯେ ଅନାଦି ନାରାୟଣ

Couplet 41

ଯାବତ ତାଙ୍କୁ ନ ଚିହ୍ନଇଶୋକ-ମୋହରେ ଭ୍ରମୁଥାଇ

Couplet 42

ତୁ ଏବେ ଶୁଣ ନୃପବରସେ ଯେ ବ୍ରହ୍ମାଣ୍ତର ଠାକୁର

Couplet 43

ଅଖିଳପ୍ରାଣୀଙ୍କର ଗୁରୁଯାର ମହିମା ମହାମେରୁ

Couplet 44

ତାହାର ଚରଣାରବିନ୍ଦେମନ ନିବଶେି ଅପ୍ରମାଦେ

Couplet 45

ମାୟା-କପଟ ଏ ସଂସାରତୁ ଏହା ଶୀଘ୍ର ପରିହର

Couplet 46

ପଞ୍ଚମସ୍କନ୍ଧେ ବିପ୍ରବାଣୀଶୁଣି ସଂସାରୁ ତର ପ୍ରାଣୀ

Couplet 47

ସେ ପ୍ରଭୁ ପାଦକମଳରେମନ ମୋ ରହୁ ନିରନ୍ତରେ

Couplet 48

କହଇ ବିପ୍ର ଜଗନ୍ନାଥହରିଚରିତ ଭାଗବତ