Adhyaya 10

Couplet 1

ଏଥୁ ଅନ୍ତରେ ଏକଦିନେଶୁଣ ରାଜନ ସାବଧାନେ

Couplet 2

ସିନ୍ଧୁପତି ଯେ ରହୂଗଣସେ ରାଜା ବିଷ୍ଣୁ ପରାୟଣ

Couplet 3

ତାହାର ଏକ ଶ୍ରେଷ୍ଠଭୃତ୍ୟେରାଜାର ଗମନ ନିମନ୍ତେ

Couplet 4

ବିମାନ ବହିବାର ପାଇଁଏକ ପୁରୁଷେ ସେ ଲୋଡଇ

Couplet 5

ଦଇବଯୋଗ ଦେଖ ତାରସେ ବିଷ୍ଣୁଅଂଶ ବିପ୍ରବର

Couplet 6

ସେଠାରେ ହେଲା ଉପସ୍ଥିତତାକୁ ଦେଖିଲା ନୃପଦୂତ

Couplet 7

ହରଷମନେ ବିଚାରଇଏହାର ତୁଲ୍ୟ କେହି ନାହିଁ

Couplet 8

ଅତିବଳିଷ୍ଠ ଏ ଶରୀରବିମାନ ବହିବ ନିକର

Couplet 9

ଏମନ୍ତେ ଶୀଘ୍ରେ ଘେନିଗଲାବିମାନ ବୁହାରେ ଖଞ୍ଜିଲା

Couplet 10

ତହିଁ ନିଯୁକ୍ତ ନର ସଙ୍ଗେବିମାନ ବହିଲା ସେ ରଙ୍ଗେ

Couplet 11

ସାକ୍ଷାତେ ବିଷ୍ଣୁଭକ୍ତ ସେହିପର ଅଧୀନ ପ୍ରାୟ ହୋଇ

Couplet 12

ସେ ଯେ ପରମ-ଭାଗବତଏ କର୍ମ ତାର ଅନୁଚିତ

Couplet 13

ପୂର୍ବେ ଯେ ପାପକର୍ମ କଲାଅସାଧୁ-ସଙ୍ଗକୁ ଭଜିଲା

Couplet 14

ସେହି ସକାଶୁ ଏହିଗତିଶୁଣ ତୁ ଏକମନେ ଚିନ୍ତି

Couplet 15

ବିମାନ ବହି ନ ଜାଣଇବିଷମସମେ ସେ ଚଳଇ

Couplet 16

କ୍ଷୁଦ୍ର-ଜୀବଙ୍କ ମୃତ୍ୟୁଭୟେପାଦ ନ କ୍ଷେପନ୍ତି ନିର୍ଭୟେ

Couplet 17

ତେଣୁ ବିମାନ ବକ୍ର ହୋଇରାଜା ଦେହରେ କଷ୍ଟ ପାଇ

Couplet 18

ବିମାନ ବୁହା ପୁରୁଷରେନୃପ କହଇ କୋପଭରେ

Couplet 19

ବିଷମସମ ଭାବ ହୋଇବିମାନ ବହ କାହିଁ ପାଇଁ

Couplet 20

ପ୍ରଭୁବଚନ କୋପଭରେଶୁଣି କମ୍ପନ୍ତି ସେ କିଙ୍କରେ

Couplet 21

ଅତ୍ୟନ୍ତ ଭୟଚିତ୍ତ ହୋଇଜଡ଼କୁ ଦେଲେ ସେ ଦେଖାଇ

Couplet 22

ଭୋନାଥ ଆମ୍ଭ ଦୋଷ ନାହିଁଏ ଯେ ପୁରୁଷ ନ ଚଳଇ

Couplet 23

ଏହାର ବକ୍ରଗତି ପାଇଁବିମାନ ବକ୍ରଭାବ ହୋଇ

Couplet 24

ଭୋନାଥ ଶୁଣ ସାବଧାନେପୁଣି ହିଁ ଚଳଇ ବିଷମେ

Couplet 25

ଏହାର ସଙ୍ଗତେ ରାଜନବହି ନ ପାରିବୁ ବିମାନ

Couplet 26

ଏହାର ସଂସର୍ଗ ଦୋଷରେଆମ୍ଭଙ୍କୁ ଦଣ୍ତିବ ବେଭାରେ

Couplet 27

ଏମନ୍ତେ ଭୃତ୍ୟବାକ୍ୟ ଶୁଣିସେ ଯେ ରାଜନ ଶିରୋମଣି

Couplet 28

ଏହାଙ୍କୁ ସଂସର୍ଗ ଦୋଷରେକିମ୍ପା ଦଣ୍ତିବା ଅବିଚାରେ

Couplet 29

ରାଜା ସ୍ୱଭାବେ ସାଧୁ ହୋଇରଜୋଗୁଣରୁ କ୍ରୋଧ ବହି

Couplet 30

ବିଷ୍ଣୁଭକତ ନୃପବରଭରତେ ବୋଲନ୍ତି ଉତ୍ତର

Couplet 31

ପୁଷ୍ଟ ପୃଥୁଳ ତୋ ଶରୀରକଠିନ ପୀନ ଗ୍ରୀବା ତୋର

Couplet 32

ସ୍ଥକିତେ ଚଳୁ କି କାରଣଏ ତୋର ଦେହ ନିଷ୍କାରଣ

Couplet 33

ଏ କ୍ଷୁଦ୍ରେ ତୋର ସଙ୍ଗତରେବିମାନ ବୁହନ୍ତି ତ‌ତ୍ପରେ

Couplet 34

ବ୍ୟର୍ଥ ତୋହର କଳେବରମିଥ୍ୟାରେ ବହୁ ତୁ ଶରୀର

Couplet 35

ଏମନ୍ତେ ଶୁଣ ପରୀକ୍ଷିତସେ ଯେ ବ୍ରାହ୍ମଣ ବିଷ୍ଣୁଭକ୍ତ

Couplet 36

ଏମନ୍ତ ବଚନେ ମଉନସ୍ୱଭାବେ ବହନ୍ତି ବିମାନ

Couplet 37

ପୁଣି ବିମାନ ବକ୍ର ହେଲାସେ ରାଜା ଅତି କୋପ କଲା

Couplet 38

ଆରେ ପାମର ମୂଢ଼ଚିତ୍ତଜୀବନ ଥାଉଁ ତୁହି ମୃତ

Couplet 39

ମୋହର ଅଙ୍ଗେ କଷ୍ଟ ଦେଉପ୍ରମତ୍ତଭାବକୁ ତୁ ବହୁ

Couplet 40

ଯମର ପ୍ରାୟ ମୁଁ ଅଟଇଦୁଷ୍ଟଙ୍କ ଦର୍ପ ବିନାଶଇ

Couplet 41

ତୋହର ମତ୍ତଭାବ ମୁହିଁଆଜହୁଁ ଦୂର କରିବଇଁ

Couplet 42

ଏମନ୍ତେ ଅତି ନିନ୍ଦାମାନଜଡକୁ କଲା ସେ ରାଜନ

Couplet 43

ରଜୋଗୁଣରୁ ତମ ତାରତମୋଗୁଣରୁ ଅହଙ୍କାର

Couplet 44

ସେ ଯେ ବ୍ରାହ୍ମଣର କୁମରସକଳଭୂତେ ଦୟାପର

Couplet 45

ଈଷତହାସ୍ୟ-ବଦନରେବଚନ କହନ୍ତି ରାଜାରେ

Couplet 46

ଭୋ ନୃପ ଶୁଣ ସାବଧାନେତୁମ୍ଭେ ଯା କହିଲ ବଚନେ

Couplet 47

ହେ ବୀର ଭାର ନାମ ଯେହିଭାର ବହଇ ଅବା କେହି

Couplet 48

ଗମନ କରି ନ ପାରଇଅତିହିଁ ସ୍ଥୂଳ ମୋର ଦେହୀ

Couplet 49

ଜୀବନ ମୃତ ଯେ ବୋଇଲସେ କଥା ସତ୍ୟଟି କହିଲ

Couplet 50

ଯେ ସ୍ଥୂଳ କୃଶ ଆଧି ବ୍ୟାଧିକ୍ଷୁଧା ପିପାସା ଭୟ ଆଦି

Couplet 51

ନିଦ୍ରା ବିହାର କ୍ରୋଧ ଯେତେମଦ ଅହଙ୍କାର ସହିତେ

Couplet 52

ଯା ଦେହେ ଅଭିମାନ ଥାଇତାହାର ତହିଁ ଏତେ ଥାଇ

Couplet 53

ମୋର ଦେହରେ ଏତେ ନାହିଁଏଣୁ ଜୀବନମୃତ ମୁହିଁ

Couplet 54

ବିଶେଷ କହିଲି ରାଜନବ୍ରହ୍ମବିଚାରେ ଏ ବଚନ

Couplet 55

କେ ଅବା କାହାରେ ବହଇଏମନ୍ତ ମୁହିଁ ନ ଦେଖଇ

Couplet 56

କେବା ଈଶ୍ୱର କେ କିଙ୍କରଏମନ୍ତ ନ ଦେଖି ଅପର

Couplet 57

ତୁମ୍ଭେ ଆମ୍ଭରେ ଏ ବଚନକେମନ୍ତେ କହିଲ ରାଜନ

Couplet 58

ଆମ୍ଭେ କି କରିବୁ ତୁମ୍ଭରେସ୍ୱଭାବେ ଏ ଜଡ଼-ଶରୀରେ

Couplet 59

ପ୍ରମତ୍ତ-ଜଡ଼ଭାବେ ମୁହିଁବିମାନ କେବେ ବହିନାହିଁ

Couplet 60

ଶୁଣ ପରୀକ୍ଷ ନୃପବରସେ ଯେ ବ୍ରାହ୍ମଣର କୁମର

Couplet 61

ସୁଶୀଳ ସାଧୁ ସମଚିତ୍ତବିଶେଷେ ଶ୍ରୀକୃଷ୍ଣଭକତ

Couplet 62

ରାଜାର ବାକ୍ୟ ଅନୁସାରେଏମନ୍ତ କହି ସେ ମଧୁରେ

Couplet 63

ପ୍ରାରବ୍‌ଧକର୍ମ କ୍ଷୟପାଇଁପୁଣି ବହନ୍ତି ତୁନିହୋଇ

Couplet 64

ଏମନ୍ତେ ଶୁଣ ନୃପବରବିଷୟକର୍ମ କରି ଦୂର

Couplet 65

ତ‌ତ୍ତ୍ୱଜିଜ୍ଞାସା ନିମନ୍ତରେରାଜା ଯେ ଥାଏ ସ୍ନେହଭରେ

Couplet 66

ବିପ୍ର ବଚନେ ତ‌ତ୍ତ୍ୱଜ୍ଞାନବିଷୟ ଭ୍ରମ ତା ଖଣ୍ତନ

Couplet 67

ଅମୃତପ୍ରାୟ ତାଙ୍କ ବାଣୀମନେ ଚିନ୍ତିଲା ନୃପମଣି

Couplet 68

ତକ୍ଷଣେ ଶୀଘ୍ରତର ହୋଇବିମାନୁ ପଡିଲା ଓହ୍ଲାଇ

Couplet 69

ବ୍ରାହ୍ମଣ ପାଦଯୁଗଳରେଶିର ସମର୍ପି ଭୟାତୁରେ

Couplet 70

ବୋଲଇ ବାକ୍ୟ ଗଦଗଦକ୍ଷମା କରିବା ଅପରାଧ

Couplet 71

କେ ତୁମ୍ଭେ କହ ସ୍ୱାମୀ ମୋରେକରୁଣାକର ଏ କିଙ୍କରେ

Couplet 72

ଗୁପତଭାବେ ଭ୍ରମୁଥାଅବ୍ରାହ୍ମଣଭାବ ତୁମ୍ଭ ଦେହ

Couplet 73

କି ଅବା ଅବଧୂତ-ବରକେମନ୍ତେ ମିଳିଲ ଏଠାର

Couplet 74

କାହିଁ ତୁମ୍ଭର ନିଜସ୍ଥାନକେମନ୍ତେ ବହିଲ ବିମାନ

Couplet 75

ଏ ଯେତେ ଅପରାଧ ମୋରକ୍ଷମା ତୁ କର ଦ୍ୱିଜବର

Couplet 76

ଇନ୍ଦ୍ରାଦି ଯେତେ ଦେବାସୁରପବନ ଅଗ୍ନିଦିବାକର

Couplet 77

ଏହାଙ୍କ କ୍ରୋଧକୁ ମୋହରଭୟ ଯେ ନାହିଁ ଦ୍ୱିଜବର

Couplet 78

ବ୍ରାହ୍ମଣଅପମାନେ ମୋରହୃଦ କମ୍ପଇ ଥରହର

Couplet 79

ଏଣୁ ଅପରାଧ ମୋହରକ୍ଷମାକରିବା ବିପ୍ରବର

Couplet 80

ଅଶେଷଜ୍ଞାନର କାରଣତୁ ନାଥ ବିଷ୍ଣୁପରାୟଣ

Couplet 81

ଅଜ୍ଞାନ-ପ୍ରାଣୀମାନଙ୍କରେଦେଖୁ ଏଜଡ଼ ଶରୀରେ

Couplet 82

ତୋହର ଯେତେ ବାକ୍ୟମାନଗ୍ରଥିତ ହୋଇଅଛି ଜ୍ଞାନ

Couplet 83

ସକଳବର୍ଣ୍ଣ‌ଗୁରୁ ତୁହିତୋତେ ମୁଁ ପ୍ରଶନ କରଇ

Couplet 84

ଜ୍ଞାନ-ସ୍ୱରୂପ ତୋ ଶରୀରଭୋନାଥ ମୋତେ କୃପାକର

Couplet 85

ଅଦ୍ଭୁତ-ଜଡ଼ରୂପ ହୋଇପ୍ରାଣୀଙ୍କ ହିତେ ଭ୍ରମୁ ତୁହି

Couplet 86

ଭୋନାଥ ବିପ୍ର-ଯୋଗେଶ୍ୱରମୁଁ ମୂଢ ପତିତ ପାମର

Couplet 87

କେମନ୍ତେ ତୋତେ ଚିହ୍ନିବଇଁସ୍ୱଭାବେ ଗୃହବନ୍ଧେ ଥାଇ

Couplet 88

ଏ ଯେ ମୋହର ଅନୁଚରଅତ୍ୟନ୍ତ ମୂଢ ଦୁରାଚାର

Couplet 89

ଅଜ୍ଞାନହେତୁ ଆଣି ଦେଲେବିଧାତାଘଟଣାର ବଳେ

Couplet 90

ଭାର ବହିଲେ ଶ୍ରମ ହୋଇତୁ କିମ୍ପା ବୋଲୁ ଶ୍ରମ ନାହିଁ

Couplet 91

ସକଳ ବସ୍ତୁ ଏ ଜଗତେମିଥ୍ୟାତୁ ବୋଲୁ ବା କେମନ୍ତେ

Couplet 92

ଘଟାଦି ଯେବେ ମିଥ୍ୟା ହୋଇକେମନ୍ତେ ଜଳ ଆଣି ତହିଁ

Couplet 93

ଆତ୍ମାର ସ୍ଥୂଳ କୁଶଭାବକେମନ୍ତେ ନୁହଁଇ ସମ୍ଭବ

Couplet 94

ଅଗ୍ନିର ତାପ ପାତ୍ରେ ଯାଇସେ ତାପେ ଜଳ ଉଷ୍ଣ ହୋଇ

Couplet 95

ତହୁଁ ତଣ୍ତୁଳ ତାପ ପାଇଅନ୍ନ ରୂପରେ ସିଦ୍ଧ ହୋଇ

Couplet 96

ଇନ୍ଦ୍ରିରୁ ପ୍ରାଣେ ପ୍ରାଣୁ ମନେଜୀବ ତା ଭୁଞ୍ଜଇ ତକ୍ଷଣେ

Couplet 97

ତେସନ ଦେହ ଗ୍ରୀଷ୍ମତାପେସେ ତାପ ଇନ୍ଦ୍ରିଗଣେ ବ୍ୟାପେ

Couplet 98

ଉପାଧି ଧର୍ମ ପୁରୁଷରକେମନ୍ତେ ବୋଲୁ ନୁହେ ତାର

Couplet 99

ତୁ ଯେ ବୋଇଲୁ ଏହା ସତ୍ୟକେ ଅବାପ୍ରଭୁ କେବା ଭୃତ୍ୟ

Couplet 100

ତଥାପି ରାଜାପ୍ରଜାଭାବଅବଶ୍ୟ ସଂସାରେ ରହିବ

Couplet 101

ବିଚାର କରି ଧର୍ମାଧର୍ମକରିବ ଦଣ୍ତ ଯେ ପାଳନ

Couplet 102

କୃଷ୍ଣ ଆଦେଶ ମଣି କଲେପାପ ନଲାଗେ ତାକୁ ଭଲେ

Couplet 103

ମୁଁ ତୋତେ କଲି ଅପମାନଏ ଦୋଷ ମୋହର ନଘେନ

Couplet 104

ତୋହର ମାନଅପମାନତୁଲ୍ୟ ବା ବୋଲିବୁ ଏସନ

Couplet 105

ତଥାପି ମହତ-ଲଂଘନଦୋଷେ ମୁଁ ନାଶ ଯିବି ଜାଣ

Couplet 106

ଏଣୁ ମାଗଇ କ୍ଷମାକରଯେଣୁ ତୁ କାତରବତ୍ସଳ

Couplet 107

ଶୁଣ ପରୀକ୍ଷ ସାବଧାନେସେ ବିପ୍ର ନୃପତି ବଚନେ

Couplet 108

ଜ୍ଞାନ ବୈରାଗ୍ୟ ଆଦି କରିସକଳ ଅଛି ତହିଁ ପୂରି

Couplet 109

ଗୋବିନ୍ଦ-ପାଦପଦ୍ମ-ତଳେମନ ତୁ ରୁହାଅ ନିଶ୍ଚଳେ

Couplet 110

ପଞ୍ଚମସ୍କନ୍ଧେ ହରିବାଣୀଶୁଣି ସଂସାରୁ ତର ପ୍ରାଣୀ

Couplet 111

କୃଷ୍ଣଚରିତ ସୁଧାରସକହଇ ଜଗନ୍ନାଥଦାସ