Adhyaya 6

Couplet 1

ଏମନ୍ତେ ଶୁଣ ହେ ବିଦୁରରୁଦ୍ର ଚରିତ ରସସାର

Couplet 2

ରୁଦ୍ରଗଣଙ୍କ ଶସ୍ତ୍ରଘାତେଭୟେ ଭାଜିଲେ ଦେବେ ଯେତେ

Couplet 3

ଶୂଳ ପଟ୍ଟିଶ କୁନ୍ତ ଶରନିସ୍ତିଂଶ ଗଦା ମୁଦଗର

Couplet 4

ଏ ଶସ୍ତ୍ର ବାଜି ସର୍ବ ଅଙ୍ଗେଭୟେ ଭାଜିଲେ ଦଶଦିଗେ

Couplet 5

ଋତ୍ୱିଜ ସଭାସଦଗଣପଳାଇଗଲେ ଘେନି ପ୍ରାଣ

Couplet 6

ଭୟେ ସକଳେ ଏକମେଳେମିଳିଲେ ଗଗନ-ମଣ୍ତଳେ

Couplet 7

ଛନ୍ନ ବ୍ୟାକୁଳ ମନ ଦୁଃଖେବେଗେ ମିଳିଲେ ବ୍ରହ୍ମଲୋକେ

Couplet 8

ବ୍ରହ୍ମା ଚରଣତଳେ ପଡିଦେବେ କହିଲେ କରଯୋଡି

Couplet 9

ଅନର୍ଥ ହେବ ବୋଲି ଜାଣିଯଜ୍ଞେ ନ ଗଲେ କୁଶପାଣି

Couplet 10

ସେ ଦେବେ ଯାହା ନିବେଦିଲେତା ବ୍ରହ୍ମା-ବିଷ୍ଣୁ ଜାଣିଥିଲେ

Couplet 11

ତେଣୁ ସେ ଦକ୍ଷଯଜ୍ଞ କାଳେଏ ବେନି ଗମନ ନ କଲେ

Couplet 12

ଏବେ ଦେବଙ୍କ ମୁଖୁଁ ଶୁଣିସେ ବ୍ରହ୍ମା କହେ ମଞ୍ଜୁବାଣୀ

Couplet 13

ଯଜ୍ଞ ବିନାଶି କୋପଭରେରୁଦ୍ର ଯେ ଗଲେ ନିଜପୁରେ

Couplet 14

ସ୍ୱଭାବେ ତେଜେ ଅପ୍ରମିତଅନ୍ତେ ଜଗତ କରେ ଗ୍ରସ୍ତ

Couplet 15

ତାହାଙ୍କ ତେଜ ବଳ ତଥ୍ୟକେ ତାହା ବର୍ଣ୍ଣନେ ସମର୍ଥ

Couplet 16

ତାହାରେ ଅପରାଧ କରିକେ ଅବା ଥିବ ଦେହ ଧରି

Couplet 17

ଏବେ ସକଳ ଦେବେ ଶୁଣକେ ଜାଣେ ଈଶ୍ୱର ପ୍ରମାଣ

Couplet 18

ଚାଲ ସକଳ ସୁରଦେବାଏବେ ହୋ କଇଳାସ ଯିବା

Couplet 19

ରୁଦ୍ର ଚରଣେ ନମସ୍କାରସ୍ତୋତ୍ରେ ସନ୍ତୋଷ ଦେବହର

Couplet 20

ଈଶ୍ୱର ଚରଣ-କମଳେଶରଣ ପଶ ଏକମେଳେ

Couplet 21

ସେ ଯେ ସକଳ-ଭୂତପତିସର୍ବସମ୍ପଦ ସେ ଦିଅନ୍ତି

Couplet 22

ତାହାଙ୍କ ନାମ ଆଶୁତୋଷଅବଶ୍ୟ ହୋଇବେ ସନ୍ତୋଷ

Couplet 23

ମୋହର ବୋଲ ଏବେ କରଅନ୍ୟଥା ନାହିଁଟି ନିସ୍ତାର

Couplet 24

ଯେ ଅନ୍ତଃକାଳେ ଅଣ୍ତକୋଷନିମିଷ ମାତ୍ରେ କରେ ଗ୍ରାସ

Couplet 25

ତାର ଚରଣ ନ ସେବିଲେକେବା ସଂସାରେ ଥିବ ଭଲେ

Couplet 26

ଦକ୍ଷର ଅପରାଧ ଯୋଗେବିଶେଷେ ପତ୍ନୀର ବିଯୋଗେ

Couplet 27

ସ୍ୱଭାବେ ତମଗୁଣ ଯୋଗେକେବା ମିଳିବ ତାର ଆଗେ

Couplet 28

ଯାର ମହିମା ବିଚାରଣେମୋ ଆଦି ସର୍ବଦେବଗଣେ

Couplet 29

ଏ ଯଜ୍ଞ ଆଦି ଯେତେ ମୁନିସଙ୍ଗତେ ବେଦତ‌ତ୍ତ୍ୱ ଘେନି

Couplet 30

କେ ଜାଣି ପାରିବ ପ୍ରମାଣସେ ଆତ୍ମତନ୍ତ୍ର ଭଗବାନ

Couplet 31

ଏବେ ସକଳେ ଚାଲ ଯିବାସେ ରୁଦ୍ର ଚରଣେ ନମିବା

Couplet 32

ସ୍ତୁତି କରିବା ନାନାମତେଯେମନ୍ତେ ଦୟା ବହେ ଚିତ୍ତେ

Couplet 33

ଏମନ୍ତ କହି ପଦ୍ମଯୋନିସଙ୍ଗେ ସକଳ ଦେବ ଘେନି

Couplet 34

ଅଗ୍ରେ ଚଳିଲେ ବ୍ରହ୍ମା ପୁଣଯକ୍ଷ କିନ୍ନର ଋଷିଗଣ

Couplet 35

ସିଦ୍ଧ ଚାରଣ ପିତୃତୁଲେସର୍ବେ ଚଳିଲେ ବ୍ରହ୍ମାବୋଲେ

Couplet 36

ଈଶ୍ୱର ଦରଶନ ଆଶେମିଳିଲେ କଇଳାସ ଦେଶେ

Couplet 37

ଯେ ବନେ ବସେ ସଦାଶିବତାର ମହିମା କେ ବିର୍ଣ୍ଣିବ

Couplet 38

ଜନ୍ମ ଔଷଧି ତପ ମନ୍ତ୍ରେଯୋଗେ ସଂସିଦ୍ଧ ଯୋଗୀଯୂଥେ

Couplet 39

ଯକ୍ଷ କିନ୍ନର ବିଦ୍ୟାଧରୀଗନ୍ଧର୍ବ ମୁନି ଅପସରୀ

Couplet 40

ସର୍ବେ ବସନ୍ତି ସିଦ୍ଧବନେଅଶେଷ ଯୋଗୀ ଯୋଗଧ୍ୟାନେ

Couplet 41

ଅଶେଷ ମଣି-ରତ୍ନରେଖେଶୃଙ୍ଗ ବିରାଜେ ଗିରି ଶିଖେ

Couplet 42

ଦେହେ ବିରାଜେ ନାନାଧାତୁଅତି ଆନନ୍ଦ ରୂପ ହେତୁ

Couplet 43

ବିରାଜେ ନାନା ଗୁଳ୍ମ ଲତାକେ ତା ବର୍ଣ୍ଣନେ ସାମରଥା

Couplet 44

ଆନନ୍ଦେ ମନୋହର ସ୍ଥାନେକ୍ରୀଡନ୍ତି ନାନା ପଶୁଗଣେ

Couplet 45

ଅନେକ କନ୍ଦର ଗମ୍ଭୀରାବହନ୍ତି ପ୍ରସ୍ରବଣ ଧାରା

Couplet 46

ରମଣ ତୁଲେ ନାରୀଗଣେରମନ୍ତି ସିଦ୍ଧସ୍ତିରୀମାନେ

Couplet 47

ମୟୂର କେକାନାଦ ବାଣୀଯେ ବନେ ମନୋହର ଶୁଣି

Couplet 48

କୋମଳକଣ୍ଠେ ପକ୍ଷୀଗଣେନାଦ କରନ୍ତି ଘୋରବନେ

Couplet 49

ବସନ୍ତି କଳ୍ପଦ୍ରୁମ ପନ୍ତିକି ଅବା ପକ୍ଷୀଙ୍କି ଡାକନ୍ତି

Couplet 50

ମତ୍ତ-ମାତଙ୍ଗ ଛଳେ ଚଳେଗର୍ଜଇ କ୍ଷୁଦ୍ର-ନଦୀଜଳେ

Couplet 51

ମନ୍ଦାର ପାରିଜାତ ଦ୍ରୁମସରଳ କୋବିଦାର ବନ

Couplet 52

ତମାଳ ଶାଳ ତାଳବନଆବର ଅସନ ଅର୍ଜୁନ

Couplet 53

ଚୂତ କଦମ୍ବ ନାଗେଶ୍ୱରପୁନ୍ନାଗ ଚମ୍ପା କରବୀର

Couplet 54

ପାଟଳୀ ଅଶୋକ ଅନେକବକୁଳ କୁନ୍ଦ କୁରୁବକ

Couplet 55

ସୁନାରୀ ଶତପତ୍ର ଜାତୀମଲ୍ଳିକା ମାଧବୀ ଯେ ଯୂଥୀ

Couplet 56

ପନସ ଉଦୁମ୍ବର ପ୍ଲକ୍ଷବଟ ଅଶ୍ୱତ୍‌ଥ ହିଙ୍ଗୁବୃକ୍ଷ

Couplet 57

ଖର୍ଜୁର ଜମ୍ବୁ ଯେ କ୍ରମୁକଆମ୍ର ପିଆଳ ଆମ୍ରାତକ

Couplet 58

ଭୂର୍ଜ ଔଷଧି ଯେ ମଧୁକଇଙ୍ଗୁଦ ବେଣୁ ଯେ କୀଚକ

Couplet 59

ବୃକ୍ଷେ ଅଛନ୍ତି ନାନାବର୍ଣ୍ଣେଶୋଭନ କଇଳାସ ବନେ

Couplet 60

କୁମୁଦ ଉତ୍ପଳ କହ୍ନାରଶତପତ୍ରରେ ଶୋହେ ନୀର

Couplet 61

ଆନନ୍ଦମନେ ପକ୍ଷୀକୁଳଗଭୀରନାଦେ କୁତୂହଳ

Couplet 62

ମୃଗ ବାନର କୋଳଯୂଥସିଂହ ଶାୂର୍ଦ୍ଦୂଳ ଗଜଯୂଥ

Couplet 63

ବୟ ବ୍ୟାଘ୍ର ଋକ୍ଷଦଳରୁରୁ ମହିଷ ଶଶାକୁଳ

Couplet 64

ଅରଣ୍ୟେ ମୃଗନାଭି ଆଦିକେ କହୁ ସେ ବନ ପ୍ରସିଦ୍ଧି

Couplet 65

ସୁନ୍ଦର ଶୋହେ ରମ୍ଭାବନଦେଖନ୍ତେ ମୋହେ ପ୍ରାଣୀମନ

Couplet 66

ବହଇ ତହିଁ ନଦୀ ନନ୍ଦାସତୀ ସ୍ନାନରେ ପୁଣ୍ୟଗନ୍ଧା

Couplet 67

ଏମନ୍ତ ବିଶ୍ୱନାଥ-ବନେଦେଖି ସାନନ୍ଦ ଦେବଗଣେ

Couplet 68

ମନେ ବିସ୍ମୟ ପାଇ ବେଗେଦେବେ ଚାହାଁନ୍ତି ଦଶଦିଗେ

Couplet 69

ତାର ଉପର ପୁରେ ଯାଇଅଳକାପୁରୀକୁ ଅନାଇ

Couplet 70

ସୁଗନ୍ଧ ନାମେ ବନ ଯହିଁହେମପଙ୍କଜ ବିରାଜଇ

Couplet 71

ନନ୍ଦା-ଅଳକନନ୍ଦା ନଦୀବହନ୍ତି ବାମଦକ୍ଷ ଭେଦି

Couplet 72

ବିଷ୍ଣୁ-ଚରଣ-ରଜ ଲାଗିସେ ନଦୀ ଅତି ସଉଭାଗୀ

Couplet 73

ଯେ ନଦୀଜଳେ ସୁରନାରୀରମନ୍ତି ନାନା-କ୍ରୀଡା କରି

Couplet 74

କୁଚ-କୁଙ୍କମ ଜଳେ ମିଶେସ୍ୱଭାବେ ସୁମଞ୍ଜୁଳ ଦିଶେ

Couplet 75

କରିଣୀ ତୁଲେ ହସ୍ତୀବଳନିତ୍ୟେ ପିବନ୍ତି ଯାର ଜଳ

Couplet 76

ଯେବେ ପିପାସା ତା ନଥାଇତଥାପି ତା ପାନ କରଇ

Couplet 77

ଆନନ୍ଦେ ପଦ୍ମବନେ ପଶିକ୍ରୀଡା ଆନନ୍ଦେ ମନତୋଷି

Couplet 78

ସେ ନଦୀକୂଳେ ଉପଗତରତ୍ନବିମାନ ଯୂଥଯୂଥ

Couplet 79

ପୁଣ୍ୟଜନଙ୍କ ପରିମଳମିଶି ସୁଗନ୍ଧ ଗଙ୍ଗାଜଳ

Couplet 80

ତଡିତ ଯେହ୍ନେ ନୀଳମେଘେଶୋଭା ଦିଶନ୍ତି ଦଶଦିଗେ

Couplet 81

ଏମନ୍ତ କୁବେର ନଗରୀସୁଗନ୍ଧବନ ଆଦି କରି

Couplet 82

ଯହିଁରେ କଳ୍ପବୃକ୍ଷ ପ୍ରାୟେଫଳ ପଲ୍ଲବ ପୁଷ୍ପ୍ ଶୋହେ

Couplet 83

କୋମଳ କଣ୍ଠ-ନାଦ ପକ୍ଷୀଭୃଙ୍ଗ ଶବଦ ଯହିଁ ଲକ୍ଷି

Couplet 84

ଜଳରେ କଳହଂସଗଣେକ୍ରୀଡା କରନ୍ତି ପଦ୍ମବନେ

Couplet 85

ହରିଚନ୍ଦନ-ବାୟୁ ସଙ୍ଗେମତ୍ତମାତଙ୍ଗଗଣ ରଙ୍ଗେ

Couplet 86

ବୈଡୁର୍ଯ୍ୟ ବାପୀ କୂପସ୍ଥାନେନିବିଡ-ପ୍ରବନ୍ଧ-ସୋପାନେ

Couplet 87

ସ୍ୱଭାବେ ଉତ୍ପଳ-ମାଳିନୀବିରାଜେ ଗନ୍ଧଗୁଣ ଘେନି

Couplet 88

ସେବନେ ଦେଖେ ବଟବୃକ୍ଷଯହିଁ କିନ୍ନର ଗଣ ରକ୍ଷ

Couplet 89

ଶତେଯୋଜନ ଉଚ୍ଚ ଶୋହେସୁନ୍ଦର ରୂପେ ଜନ ମୋହେ

Couplet 90

ସେ ବୃକ୍ଷଛାୟା ଦେହେ ଲାଗିପ୍ରାଣୀ ହୁଅନ୍ତି ସଉଭାଗୀ

Couplet 91

ଏମନ୍ତେ ସର୍ବ ଦେବଗଣେମିଳିଲେ ମହାରୁଦ୍ର-ସ୍ଥାନେ

Couplet 92

ଦେଖିଲେ ବଟବୃକ୍ଷ ମୂଳେନିବିଡ-ଆସନ ନିଶ୍ଚଳେ

Couplet 93

କୋପ ରହିତ ଯମ ପ୍ରାୟବିଭୂତି ବିଲେପନ କାୟ

Couplet 94

ସନକ ଆଦି ସପ୍ତମୁନିସଙ୍ଗେ ଅନେକ ଶିଷ୍ୟଘେନି

Couplet 95

ଯକ୍ଷ-ଗୁହ୍ୟକଙ୍କ ନାୟକଯେ ଭକ୍ତିଯୋଗେ ଉପାସକ

Couplet 96

ବିଦ୍ୟା ତପସ୍ୟା ଯୋଗ ଆଦିସକଳେ ଖଟନ୍ତି ସବିଧି

Couplet 97

ବିଶ୍ୱ-ସୁହୃଦ ଯା ମହିମାସର୍ବମଙ୍ଗଳ ଏକସୀମା

Couplet 98

ତପସ୍ୟା ଅଭ୍ୟାସିତ ଅଙ୍ଗଯାର ଶରୀର ସିଦ୍ଧ ଲିଙ୍ଗ

Couplet 99

ଜଟା ଅଜିନ ଭସ୍ମ ଦଣ୍ତଶିରେ ରଞ୍ଜିତ ଇନ୍ଦୁଖଣ୍ତ

Couplet 100

ସନ୍ଧ୍ୟା ସମୟେ ମେଘପ୍ରଭାତେମନ୍ତ ତାଙ୍କ ଅଙ୍ଗ ଶୋଭା

Couplet 101

କୁଶ ଆସନ ମଧ୍ୟେ ବସିପରମବ୍ରହ୍ମ ପରକାଶି

Couplet 102

ନାରଦ ମୁଖ ଚାହିଁ ଧୀରେବଚନ କହନ୍ତି ମଧୁରେ

Couplet 103

ଦକ୍ଷିଣ-ଜାନୁର ଉପରେବାମ-ଚରଣ ସ୍ଥାପି ଧୀରେ

Couplet 104

ବାମ-ଜାନୁରେ ବାମକରଦକ୍ଷ-କରରେ ଅକ୍ଷମାଳ

Couplet 105

ଚାହାଁନ୍ତି ବେନି ବାହୁ-ମୂଳେଅରୁଣବର୍ଣ୍ଣ ବେନିଡୋଳେ

Couplet 106

ସ୍ୱଭାବେ ତର୍କ-ମୁଦ୍ରାଧାରୀଯେ ରୂପେ ସଂସାର ସଂହାରି

Couplet 107

ନିଶ୍ଚଳ ସମାଧି ଧାରଣେଦେଖିଲେ ସର୍ବ-ଦେବଗଣେ

Couplet 108

ସକଳ-ଋଷି ସଙ୍ଗମେଳେଇନ୍ଦ୍ରାଦି ଦଶଦିଗପାଳେ

Couplet 109

ବ୍ରହ୍ମା ସହିଣେ ସର୍ବଜନଚାହିଁଲେ ରୁଦ୍ରଙ୍କ ବଦନ

Couplet 110

ଜୟ-ଶରଦ କରି ତୁଣ୍ତେରୁଦ୍ର ଚରଣେ ନମି ମୁଣ୍ତେ

Couplet 111

ଯେ ହର ମନୁଙ୍କର ମନୁଭକ୍ତଜନଙ୍କ କାମଧେନୁ

Couplet 112

ଜାଣିଲେ ସେ ନୀଳଲୋହିତବ୍ରହ୍ମା ଯେ ଚରଣେ ପତିତ

Couplet 113

ସେ ସୁର-ଅସୁର-ନାୟକଚରଣେ ନତ ସର୍ବଲୋକ

Couplet 114

ତା ଦେଖି ବ୍ୟଗ୍ର ହୋଇ ହରନମିଲେ ବ୍ରହ୍ମାର ପୟର

Couplet 115

ଯେ ରୂପେ କଶ୍ୟପ ଚରଣବନ୍ଦନ କଲେ ସେ ବାମନ

Couplet 116

ନାରଦ ଆଦି ସିଦ୍ଧଗଣବନ୍ଦିଲେ ବ୍ରହ୍ମାର ଚରଣ

Couplet 117

ସ୍ୱଭାବେ ମନ୍ଦ-ମନ୍ଦ ହସିଅମୃତ ବାକ୍ୟେ ମନତୋଷିବ

Couplet 118

ବ୍ରହ୍ମା କହନ୍ତି କରଯୋଡିଚରଣେ ପୁନଃପୁନଃ ପଡି

Couplet 119

ତୁ ନାଥ ଜଗତ-ଈଶ୍ୱରସଂସାର ତୋର ଖେଡଘର

Couplet 120

ତୁ ଏ ଜଗତ ବୀଜଯୋନିସୃଷ୍ଟି ସଂହାରୁ ମାୟାଘେନି

Couplet 121

ତୁ ନାଥ ଜଗତ-ଈଶ୍ୱରନିର୍ଲେପ ବ୍ରହ୍ମ ନିରାକାର

Couplet 122

ତୁ ଶିବ-ଶକ୍ତି-ରୂପ ଧରୁସଂସାରେ ଖେଡଘର କରୁ

Couplet 123

ସୃଜି ପାଳିଣ କରୁ ଅନ୍ତଏ ବିଶ୍ୱ ଉର୍ଣ୍ଣନାଭବତ

Couplet 124

କ୍ରୀଡା ବିହାରେ ମାୟା କରିତୁ କ୍ରୀଡୁ ମାୟାରୂପ ଧରି

Couplet 125

କାହୁଁ ଜାଣିବେ ଦକ୍ଷ ତୋତେଯେଣୁ ଭ୍ରମଇ ଏ ଜଗତେ

Couplet 126

ଧର୍ମାର୍ଥ କାମ ଯହୁଁ ଝରେଯେ ଯଜ୍ଞଧେନୁ ରୂପ ଧରେ

Couplet 127

ତୁ ତାହା ସର୍ଜଛୁ ଜଗତେସଂସାର ଭ୍ରମଣ ନିମନ୍ତେ

Couplet 128

ସେ ମାୟା ସଂସାର ବନ୍ଧନେଯନ୍ତ୍ରିତ ହୋଇ ମହାଜନେ

Couplet 129

କଳ୍ପନ୍ତି ନାନା କର୍ମ ବିଧିତୁ ସେ ସକଳ ଫଳ ସିଦ୍ଧି

Couplet 130

ମଙ୍ଗଳକ୍ରିୟାକର୍ମ-ଫଳତୁ ସେ ଅନାଦି ଆଦିମୂଳ

Couplet 131

ସକଳଜନ ପରିତ୍ରାଣେଭ୍ରମଣ କରୁ ଅନୁକ୍ଷଣେ

Couplet 132

ଅମଙ୍ଗଳକୁ ତମ ହେଉଧର୍ମ ତୁ ସଦାକାଳେ ବହୁ

Couplet 133

ସ୍ୱର୍ଗାଦି ଫଳଦାତା ତୁହିତୋ ବିନୁ ଅନ୍ୟ କେହି ନାହିଁ

Couplet 134

ତୁ ନାଥ ସର୍ବଫଳ ଦେଉତୋର ମହିମା କେବା କହୁ

Couplet 135

ଯେବା ଅଶୁଭ-କର୍ମ କରେନରକେ ପଡେ ସେହୁ ଘୋରେ

Couplet 136

ଅସାଧୁଜନେ ତୁମ୍ଭ ରୋଷସାଧୁରେ ନୁହଇ ପ୍ରକାଶ

Couplet 137

ଯେ ସାଧୁଜନେ କର୍ମ କରିଭାବ ପ୍ରଭାବେ ମୋଦ ଭରି

Couplet 138

ସେ ଫଳ ତୋତେ ସମର୍ପନ୍ତିମାୟାପଟଳୁ ତରି ଯାନ୍ତି

Couplet 139

ଯେ ଲୋଭବଶେ ତାହା ଚିନ୍ତିପଶୁଙ୍କ ପ୍ରାୟ ସେ ଭୁଞ୍ଜନ୍ତି

Couplet 140

ସେ କାହିଁ ସମ୍ପାଦିବେ ତୋତେଏଣୁ ଭ୍ରମନ୍ତି ଏ ଜଗତେ

Couplet 141

ଯେ ଭେଦଦର୍ଶୀ ଦୁଷ୍ଟାଶୟକେବଳ କର୍ମରତ ପ୍ରାୟ

Couplet 142

ପରର ଉଦୟେ ସର୍ବଥାଯାହାର ହୃଦୟରେ ବ୍ୟଥାା

Couplet 143

ସର୍ବଦା ବୋଲି ଦୁଷ୍ଟକଥାଦିଅଇ ପର ମର୍ମବ୍ୟଥା

Couplet 144

ଯେ ପଦ୍ମନାଭର ମାୟାରେମୋହିତ ଭେଦ ଜ୍ଞାନୀ ନରେ

Couplet 145

ତାହାଙ୍କ ପ୍ରତି ସାଧୁଜନାକରନ୍ତି ଦୟା ପ୍ରକାଶନ

Couplet 146

ଯେବା ସ୍ୱଧର୍ମ ଅନୁଗତତାହାରେ ଦୟାତ ଉଚିତ

Couplet 147

ତୁହିତ ଯଜ୍ଞ ଫଳଦାତାସକଳ ଯଜ୍ଞଭାଗ-ଭୋକ୍ତା

Couplet 148

କୁତ୍ସିତ ଯଜ୍ଞକାରୀମାନନ କଲେ ଯଜ୍ଞଭାଗ ଦାନ

Couplet 149

ତେଣୁ ଦକ୍ଷର ଯଜ୍ଞହତହୋଇଣ ଅଛି ଅସମାପ୍ତ

Couplet 150

ତୋତେ ନ ଜାଣି ପ୍ରଜାପତିଦୁର୍ଗତି ଲଭିଲା ଦୁର୍ମତି

Couplet 151

ଆମ୍ଭ ଭକତି ହୃଦେ ଧରଏହାକୁ ଅନୁଗ୍ରହ କର

Couplet 152

ଏ ପୁଣି ଯଜ୍ଞଶାଳେ ମଲାସଂସାରେ ଯଶ ତୋ ରହିଲା

Couplet 153

ଏବେ ମୋହାର ବୋଲକରଏହାର ଯଜ୍ଞ ତୁ ଉଦ୍ଧର

Couplet 154

ଏ ଯଜ୍ଞେ ତୋ ଭାଗ ନ ଦେଲେଏଣୁ ଏ ଜୀବ ଥାଉଁ ମଲେ

Couplet 155

ଏହାକୁ ଏ ଦଣ୍ତ ଉଚିତଯେଣୁ ନିନ୍ଦିଲେ ବିଶ୍ୱନାଥ

Couplet 156

ଏବେ ତୁ ଏହାଙ୍କୁ ଜୀଆଅଭଗକୁ ଚକ୍ଷୁଦାନ ଦିଅ

Couplet 157

ଭୃଗୁର ଦାଢ଼ି ଏବେ ରୋପପୂଷାର ଦନ୍ତ ପାଟି ସ୍ଥାପ

Couplet 158

ତୋ ସୈନ୍ୟ ଶସ୍ତ୍ର ବରଷଣେଭୟେ ଭାଜିଲେ ଦେବଗଣେ

Couplet 159

ତୋ ତ୍ରାସେ ଛିନ୍ନଛିନ୍ନ ହୋଇଭୁବନେ ନ ପାରିଲେ ରହି

Couplet 160

ଋତ୍ୱିଜଗଣ ସେହି ମତତାହାଙ୍କୁ ରଖ ବିଶ୍ୱନାଥ

Couplet 161

ଯଜ୍ଞେ ତୋ ରୁଦ୍ରଭାଗ ଶେଷେସାଧିବା ମନ୍ତ୍ର ଉପଦେଶେ

Couplet 162

ହେ ରୁଦ୍ର ନିଜ ଭାଗ ପାଇଯଜ୍ଞ ସମ୍ପୂର୍ଣ୍ଣ କର ତୁହି

Couplet 163

ଏମନ୍ତ କହି ପଦ୍ମଯୋନିନମିଳେ ଦେବଗଣ ଘେନି

Couplet 164

ସେ ରୁଦ୍ର ଚରଣପଙ୍କଜେବ୍ରାହ୍ମଣ ଜଗନ୍ନାଥ ଭଜେ