Adhyaya 5

Couplet 1

କହେ ମୈତ୍ରେୟ ମୁନିବରସାନନ୍ଦେ ଶୁଣ ହେ ବିଦୁର

Couplet 2

ନାରଦ ବାକ୍ୟ ଅବଧାନେରୁଦ୍ର ଉଠିଲେ କୋପମନେ

Couplet 3

ଦକ୍ଷର ଯଜ୍ଞ ନାଶ ଅର୍ଥେକୋପ ବସିଲା ରୁଦ୍ରଚିତ୍ତେ

Couplet 4

ରୁଦ୍ର ବଦନେ କୋପ ଦେଖିବିବୁଧେ ଗଗନ ଉପେକ୍ଷି

Couplet 5

କମ୍ପିଲେ ରୁଦ୍ର କୋପ ଶୁଣିମହାପ୍ରଳୟ ପ୍ରାୟ ମଣି

Couplet 6

ଦନ୍ତେ କାମୋଡି ଓଷ୍ଠ ପାଟିପ୍ରଚଣ୍ତ କରାଳ ଭ୍ରୂକୁଟୀ

Couplet 7

ଜଟାକଳାପେ ଅଗ୍ନିଜଳେଦେଖି କମ୍ପିଲେ ଦିଗପାଳେ

Couplet 8

ସେ ଏକ ଜଟା ଉପାଡିଣଭୂମିରେ କଲେ ନିକ୍ଷେପଣ

Couplet 9

ସେ ଜଟା ଭୂମିରେ ପଡିଲାତହଁରୁ ପୁରୁଷେ ଜନ୍ମିଲା

Couplet 10

ତାହାର ନାମ ବୀରଭଦ୍ରପ୍ରଳୟକାଳେ ଯେହ୍ନେ ରୁଦ୍ର

Couplet 11

ସହସ୍ରବାହୁ ମେଘବର୍ଣ୍ଣଅନଳ ପ୍ରାୟେକ ନୟନ

Couplet 12

କୋଟିଏ ସୂର୍ଯ୍ୟ ତେଜ ଯେହ୍ନେଦେଖି ପଳାନ୍ତି ସର୍ବଜନେ

Couplet 13

କରାଳ-ଦଂଷ୍ଟ୍ର ଶୋହେ ତୁଣ୍ତେଅଗ୍ନି ଜ୍ୱଳଇ ଶିଖା ଖଣ୍ତେ

Couplet 14

ନାନା ଆୟୁଧ ଶୋହେ କରେମୁଣ୍ତମାଳାଏ ଲମ୍ବେ ଉରେ

Couplet 15

ରୁଦ୍ରଙ୍କୁ ଚାହିଁ କରଯୋଡିବୋଲଇ ଅଧର କାମୋଡି

Couplet 16

କହ ତୁ କି କରିବି ମୁହିଁରୁଦ୍ର ବୋଲନ୍ତି ତାକୁ ଚାହିଁ

Couplet 17

ତୁ ହୁଅ ଗଣଙ୍କ ଈଶ୍ୱରଏବେ ତୁ ମୋର ବୋଲ କର

Couplet 18

ଦକ୍ଷର ପ୍ରାଣ ଯଜ୍ଞ ସଙ୍ଗେବିନାଶ କର ରଣରଙ୍ଗେ

Couplet 19

ତୁ ମୋର ଅଂଶ ଆତ୍ମାରୂପୀସହସ୍ରଭୁଜ ଶୂନ୍ୟେ ବ୍ୟାପି

Couplet 20

ଦକ୍ଷର ଯଜ୍ଞ ନାଶ କରତାହାର ପ୍ରାଣ ବେଗେ ହର

Couplet 21

ଏମନ୍ତ ରୁଦ୍ର ଆଜ୍ଞା ପାଇକୋପେ କମ୍ପଇ ତାର ଦେହୀ

Couplet 22

ଜଳଇ ଅତି କୋପାନଳେନମିଲା ରୁଦ୍ର ପାଦତଳେ

Couplet 23

ସ୍ୱଭାବେ ରୁଦ୍ର-ଆତ୍ମା ସେହିତାର ମହିମା କେ ବା କହି

Couplet 24

ଚଳିଲା ରୁଦ୍ରଗଣ ଘେନିଶବଦେ କମ୍ପାଇ ମେଦିନୀ

Couplet 25

ଗର୍ଜଇ ଭଇରବ ନାଦେବେଗେ ଧାମଇଁ ଦ୍ରୁତପଦେ

Couplet 26

ଶୂଳ ବୁଲାଇ ଦକ୍ଷକରେନୂପୁର ବାଜଇ ପୟରେ

Couplet 27

ଧାମଇଁ ପବନହୁଁ ବେଗେବୀର ଉତ୍ତରଦିଗଭାଗେ

Couplet 28

ସକଳ ପାରିଷଦ ଗଣେନାନା ଆୟୁଧ ତୀକ୍ଷ୍‌‌ଣବାଣେ

Couplet 29

ଅତି ପ୍ରଚଣ୍ତ କୋପଭରିଧାଇଁଲେ ଘୋରନାଦ କରି

Couplet 30

ଶବଦେ ଦଶଦିଗ ପୂରେଧୂଳି ଉଡଇ ପାଦଭରେ

Couplet 31

ବିପ୍ରେ ଯେ ଥିଲେ ଯଜ୍ଞଶାଳେଧୂଳି ଦେଖିଲେ ଅନ୍ତରାଳେ

Couplet 32

ଉତ୍ତରଦିଗେ ରେଣୁ ଦେଖିଉଠିଲେ ଯଜ୍ଞକୁ ଉପେକ୍ଷି

Couplet 33

ଉତ୍ତରଦିଗକୁ ଅନାଇବୋଲନ୍ତି ଏକୁ ଆରେ ଚାହିଁ

Couplet 34

ଦେଖ ଦିବସେ ଘୋରତମଦିଗ ନ ଦିଶେ ବାତଭ୍ରମ

Couplet 35

ଏମନ୍ତେ ଦେବ-ବିପ୍ରନାରୀଦେଖନ୍ତି ହସ୍ତେ ହସ୍ତ ଧୟୂ

Couplet 36

ବୋଲନ୍ତି ଏ କି ତମଘୋରଦିଶଇ ଅତି ଭୟଙ୍କର

Couplet 37

ପ୍ରଚଣ୍ତ ନ ବହେ ପବନତମେ ଆଚ୍ଛାଦିଲା ଗଗନ

Couplet 38

ପ୍ରାଚୀନବର୍ହି ଦଣ୍ତଧାରୀଯେଣୁ ଅଛଇ ପ୍ରାଣ ଧରି

Couplet 39

ତାଙ୍କ ପ୍ରସାଦେ ଦସ୍ୟୁ ନାହିଁଉତ୍ପାତ ହେଲା କିସ ପାଇଁ

Couplet 40

ଗୋରୁ ଚରଣ ଧୂଳି ନୋହେଏ କି ତିମିର କାହୁଁ ହୋଏ

Couplet 41

ଆଜ କି ପ୍ରଳୟ ହୋଇବବାମ କି ହୋଇଲା ଦଇବ

Couplet 42

ପ୍ରସୂତି ଆଦି ବାମା ଯେତେଉଠି ଚାହାନ୍ତି ଦୁଃଖ ଚିତ୍ତେ

Couplet 43

ସେର୍ବ ଦୁଃଖିତମନା ହୋଇପ୍ରଚଣ୍ତ ବାତକୁ ଅନାଇଁ

Couplet 44

ନିଶ୍ଚୟ ସେହି ପାପଫଳସତୀର ଅପମାନ ମୂଳ

Couplet 45

ଏମନ୍ତ ଶୁଣି ବ୍ୟାସସୁତଅଦ୍ଭୁତ ରୁଦ୍ରର ଚରିତ

Couplet 46

ଯେ ରୁଦ୍ର ପ୍ରଳୟ କାଳରେତୀକ୍ଷ୍ଣ ତ୍ରିଶୂଳ ଧରି କରେ

Couplet 47

ନୃତ୍ୟ କରନ୍ତି ଅତି ବେଗେଦେଖି ପଳାନ୍ତି ଦିଗନାଗେ

Couplet 48

ସହସ୍ରଭୁଜ ଉର୍ଦ୍ଧ୍ୱେ କରିନଟର ପ୍ରାୟେ ବେଶ ଧରି

Couplet 49

ଚଣ୍ତାଟ୍ଟ‌ହାସ ଶୋହେ ତୁଣ୍ତେଯେହ୍ନେ ବିଜୁଳି ମେଘଖଣ୍ତେ

Couplet 50

ଅସହ୍ୟ ତେଜ ଯୋଗବଳଦିଶଇ ଭ୍ରୂକୁଟୀ କୁଟିଳ

Couplet 51

କରାଳ ଦଂଷ୍ଟ୍ର ଶୋହେ ତୁଣ୍ତେତେଜେ ନକ୍ଷତ୍ରଗଣ ଖଣ୍ତେ

Couplet 52

ତାରେ ଦୋରେନ୍ଦ୍ରା କରି କେହିବିଧାତା ହେଲେ ରକ୍ଷା ନାହିଁ

Couplet 53

ଦକ୍ଷକୁ ଚାହିଁ ସଭାଜନେବୋଲନ୍ତି ଅତି ଦୁଃଖମନେ

Couplet 54

ଦେଖ ଏହାର କର୍ମଫଳେଆଜ ତ ନଶିଲୁ ସକଳେ

Couplet 55

ଘୋର-ଉତ୍ପାତ ଦୁଃଖମନେଭୟେ ଲୁଚିଲେ ସର୍ବଜନେ

Couplet 56

କେ କହୁ ଜନଙ୍କ ବିକଳତକ୍ଷଣେ ମିଳି ରୁଦ୍ରବଳ

Couplet 57

ନାନା ଆୟୁଧ ଧରି କରେବେଗେ ବେଢିଲେ ଯଜ୍ଞଘରେ

Couplet 58

ପୀତ ପିଙ୍ଗଳ ଦିଶେ ବର୍ଣ୍ଣକେହି ବା ମକର ଆନନ

Couplet 59

ଶବଦେ ଗଗନ ଉଛୁଳେବେଗେ ପଶିଲେ ଯଜ୍ଞଶାଳେ

Couplet 60

କେହୁ ଭାଙ୍ଗନ୍ତି ଯଜ୍ଞବାସକେ ପତ୍ନୀଶାଳା କରେ ନାଶ

Couplet 61

କେ ପାକଶାଳେ ପ୍ରବେଶନ୍ତିକେ ଯଜ୍ଞପାତ୍ରକୁ ଭାଙ୍ଗନ୍ତି

Couplet 62

କେ ଯଜ୍ଞକୁଣ୍ତରେ ମିଳନ୍ତିମୂତ୍ର ପୁରୀଷ ଉତ୍ସର୍ଗନ୍ତି

Couplet 63

କେ ଭୟଙ୍କର ନାଦକଲେଯଜ୍ଞ ମେଖଳା ବେଦୀ ତୁଲେ

Couplet 64

ଭାଙ୍ଗିଲେ ଅତି କୋପଭରେଶୂଳ ବୁଲାଇ ଦକ୍ଷକରେ

Couplet 65

କେ ଧାଏଁ ମୁନିଙ୍କ ଉପରେତର୍ଜନ୍ତି ଅତି କୋପଭରେ

Couplet 66

ସ୍ତିରୀଗଣଙ୍କ ମଧ୍ୟେ ପଶିରାହୁ ଯେସନେ ଗ୍ରାସେ ଶଶୀ

Couplet 67

ଦେବେ ପଳାନ୍ତି ତାହା ଦେଖିଯଜ୍ଞର ଭାଗକୁ ଉପେକ୍ଷି

Couplet 68

ତାହାଙ୍କୁ ରୁଦ୍ରଗଣେ ଦେଖିଧାଇଁଲେ ଦୟାକୁ ଉପେକ୍ଷି

Couplet 69

ଭୃଗୁକୁ ମଣିମାନ ବାନ୍ଧେତା ଦେଖି ପ୍ରଜାପତି କାନ୍ଦେ

Couplet 70

ଦକ୍ଷକୁ ବୀରଭଦ୍ର ଧରିପଶୁର ପ୍ରାୟେ ବନ୍ଦୀ କରି

Couplet 71

ଚଣ୍ତୀଶ ପୂଷଣକୁ ଧରେଭଗକୁ ଧରେ ନନ୍ଦୀଶ୍ୱରେ

Couplet 72

ଯଜ୍ଞେ ଦେବତା ଯେତେ ଥିଲେଋତ୍ୱିଜ ଋଷି ବିପ୍ର ତୁଲେ

Couplet 73

ରୁଦ୍ରଗଣଙ୍କ ତେଜ ଦେଖିଭାଜିଲେ ଯଜ୍ଞକୁ ଉପେକ୍ଷି

Couplet 74

ଭୃଗୁ ଯେ ଯଜ୍ଞେ ହୋମକାରୀଘୃତ କ୍ଷେପନ୍ତି ଶ୍ରୁବ ଧରି

Couplet 75

ତାହାଙ୍କ କେଶ ବାମହସ୍ତେରୋଷେ ସେ ଧଇଲେ ତୁରିତେ

Couplet 76

ତାହାଙ୍କ ଦାଢି ଦକ୍ଷକରେପୁଣି ଉପାଡି କୋପଭରେ

Couplet 77

ସଭାରେ ପଦ୍ମଯୋନିବଳାଯେ ଦାଢି ହଲାଇ ହସିଲା

Couplet 78

ଉପାଡି ଭୃଗୁ ଲମ୍ବଦାଢିଭଗକୁ ରୋଷେ ତଳେ ପାଡି

Couplet 79

ଚକ୍ଷୁ ଉପାଡି ନଖ ଅଗ୍ରେପୂର୍ବର ଶାପ ବଇଭୋଗେ

Couplet 80

ରୁଦ୍ରଙ୍କୁ ଶାପ ଦେବା ବେଳେଯେଉଁ ଚକ୍ଷୁରେ ଠାରିଥିଲେ

Couplet 81

ଦକ୍ଷର ଶିବ-ନିନ୍ଦା କାଳେଅପମାନିତ କୋପାନଳେ

Couplet 82

ଦନ୍ତ ଦେଖାଇ ପୂଷା ହସେସେ କଥା ସ୍ମରି ମହାରୋଷେ

Couplet 83

ମୁଷ୍ଟି ପ୍ରହାରି ବାମକରେଦନ୍ତ ଝାଡିଲେ ରୋଷଭରେ

Couplet 84

କଳିଙ୍ଗ ଦେଶ ରାଜା-ରଦଯେହ୍ନେ ଭାଙ୍ଗିଲେ ବଳଭଦ୍ର

Couplet 85

ଦକ୍ଷର ହୃଦେ କର ତାଡିରୁଦ୍ର ଯେ ଅଧର କାମୋଡି

Couplet 86

ଭୂମିରେ ପାଡିଲେ ଉତ୍ତାନେତୀକ୍ଷ୍ଣ ଖଡଗେ ମୁଣ୍ତ ହାଣେ

Couplet 87

ଅକ୍ଷୟ ତାହାର ଶରୀରଦେଖି ବିସ୍ମିତି ଶୂଳଧର

Couplet 88

ଅବଧ୍ୟ ଦେଖି ତାର ଗତିବିସ୍ମୟେ ଭାଳି ପଶୁପତି

Couplet 89

ତୀକ୍ଷ୍ଣ-ଖଡଗେ ଛେଦି ଶିରସେ ବୀର ହୋଇଲା ବାହାର

Couplet 90

ଶିର ପଡିଲା ଅଗ୍ନିକୁଣ୍ତେରହିଲା ମାତ୍ର ମୃତ୍ୟୁପିଣ୍ତେ

Couplet 91

ପିଶାଚରଣ ଘେନି ସଙ୍ଗେନାଚିଲେ ବୀରଭଦ୍ର ରଙ୍ଗେ

Couplet 92

ଦକ୍ଷ-ସମ୍ପଦ ନାଶ କରିଦକ୍ଷିଣଭୂଜେ ଶୂଳ ଧରି

Couplet 93

ସେ ବୀର ହୋଇଲେ ବାହାରଦେଖି କମ୍ପିଲେ ସୁରନର

Couplet 94

ସେ ରୁଦ୍ର-ଚରଣପଙ୍କଜେବ୍ରାହ୍ମଣ ଜଗନ୍ନାଥ ଭଜେ