Adhyaya 23

Couplet 1

ଶୁଣି ବିଦୁର କୃତକୃତନମେ ମୈତ୍ରେୟ ପାଦଗତ

Couplet 2

ଭୋମୁନି କରିବା ନିସ୍ତାରକହ ସଂଶୟ ଯାଉ ଦୂର

Couplet 3

ପୃଥୁ କି କଲେ ଏ ଅନ୍ତରେବୈକୁଣ୍ଠ ଗଲେ କି ପ୍ରକାରେ

Couplet 4

ବିଦୁର ତହୁଁ ଏହା ଶୁଣିକହେ ମୈତ୍ରେୟ ମନେ ଗୁରି

Couplet 5

ଶୁଣ ବିଦୁର ଶୁଦ୍ଧଚିତ୍ତେରାଜାର କିଛିକାଳ ଅନ୍ତେ

Couplet 6

ବୃଦ୍ଧ ଶରୀର ଗ୍ରାସେ କାଳଦେଖି ବିଷାଦ ମହୀପାଳ

Couplet 7

ମୁଁ ଯେ ଦ୍ୱିତୀୟ ପ୍ରଜାପତିଯେଣୁ ମୁଁ କଳି ସର୍ବସ୍ଥିତି

Couplet 8

ଅନ୍ନାଦି ଉତ୍ପତ୍ତି ମୁଁ କଲିନଗର ପୁର ବସାଇଲି

Couplet 9

ସ୍ଥାବର ଢଙ୍ଗମାଦି ଯେତେଅନ୍ନ ମୁଁ ଦେଲି ଯେଝାମତେ

Couplet 10

ସାଧୁଙ୍କ ଧର୍ମ ରକ୍ଷା କଲିଈଶ୍ୱର ବଚନ ପାଳିଲି

Couplet 11

ଏ ଧର୍ମ-ରକ୍ଷା ଅର୍ଥେ ମୁହିଁଜନ୍ମ ଲଭିଲି କର୍ମଭୂଇଁ

Couplet 12

ଏବେ ଶରୀର ବୃଦ୍ଧ ହେଲାକାମାଦି କର୍ମହିଁ ସରିଲା

Couplet 13

ଏବେ କି ଅର୍ଥେ ଥିବି ମୁହିଁବନେ ପଶିବି କୃଷ୍ଣ ଧ୍ୟାୟି

Couplet 14

ଏବେ ଶମନ ନିଜ ସ୍ଥିତିକରିବ ବିଚାରେ ନୃପତି

Couplet 15

ଦୁହିତା ପ୍ରତୁଲ୍ୟେ ଧରଣୀପୁତ୍ରେ ନିବେଶି ନୃପମଣି

Couplet 16

ପୁତ୍ରକୁ ଦେଇ ସିଂହାସନଦଣ୍ତ ଛତ୍ରାଦି ନୃପ ଚିହ୍ନ

Couplet 17

ସକଳ ସମପି କୁମରେଗମନ କଲେ ବନ ଘୋରେ

Couplet 18

ପୃଥିବୀ ପୃଥୁ ତ୍ୟାଗଭରେଶୋକେ ରହିଲା ପୁତ୍ରଠାରେ

Couplet 19

ସଙ୍ଗତେ ଘେନି ଅର୍ଚ୍ଚି ନାରୀରୋଦନ୍ତି ପ୍ରଜା ନଗ୍ର ପୂରୀ

Couplet 20

ସ୍ୱଇଚ୍ଛା ମନେ ଦୁଃଖ-ଶ୍ରମେତପ ଆରାଧି ଯୋଗଧର୍ମେ

Couplet 21

କଠୋର ଉଗ୍ରତପେ ରାୟେଯେମନ୍ତେ ପୂର୍ବେ ରାଜ୍ୟ ଜୟେ

Couplet 22

ଯେ ବାନପ୍ରସ୍ଥର ବିଧାନନିୟମ କଲେ ସେ ରାଜନ

Couplet 23

ଫଳାଦି ଶାକ କଦମୂଳଭୋଜନ କଲେ ମହୀପାଳ

Couplet 24

ଏମନ୍ତେ କେତେ କାଳାନ୍ତରେତାହା ତେଜିଲେ ନୃପବରେ

Couplet 25

ନୀରସ-ପତ୍ର ଭୋଗ କରିତୁଷ୍ଟେ ଆନନ୍ଦେ ପ୍ରାଣ ଧରି

Couplet 26

ତାହା ଭକ୍ଷିଣ କିଛିଦିନତପ ସାଧିଲେ ତୋଷମନ

Couplet 27

ସେ ପତ୍ରାଶନ ତେଜି ରାୟେଜଳ ଆହାରେ ସୁଖମୟେ

Couplet 28

ଏମନ୍ତେ କିଛି କାଳାନ୍ତରେଜଳ ତେଜିଲେ ନୃପବରେ

Couplet 29

ନିର୍ଜଳ ତପସ୍ୟା କଠୋରକେବଳ ପବନ ଆହାର

Couplet 30

ପୁଣି ନିଦାଘକାଳେ ନୃପତପସ୍ୟା କଲେ ପଞ୍ଚ ତାପ

Couplet 31

ଅଗ୍ନି ଜାଳି ଦିଗ ସକଳେନିର୍ବିଘ୍ନେ ରାଜନ ବସିଲେ

Couplet 32

ସୂର୍ଯ୍ୟ-ମଣ୍ତଳେ ଦୃଷ୍ଟି ଧରିପରମ ବ୍ରହ୍ମେଧ୍ୟାନ କରି

Couplet 33

କୃଷ୍ଣ-ଚରଣ-ପଦ୍ମ ଆଶେତପ ସାଧିଲେ ବହୁକ୍ଳେଶେ

Couplet 34

ବରଷା କାଳେ ମହୀପତିଦୁଃସହ-ଜଳଧାରେ ତିନ୍ତି

Couplet 35

ଶିଶିର କାଳେ ତପ କରେବୁଡି ଆକଣ୍ଠ ଶୀତନୀରେ

Couplet 36

ଶୟନେ ଭୂମି ଶଯ୍ୟା କରିଏ ଘୋର-ତପସ୍ୟା ଆଚରି

Couplet 37

ଜିତ-ବଚନ ଉର୍ଦ୍ଧ୍ୱରେତଚିତ୍ତ ସମୀର ଶାନ୍ତ ଦାନ୍ତ

Couplet 38

କୃଷ୍ଣ-ଚରଣ ସେବା ପାଇଁକଠିନ-ତପେ ନୃପସାଇଁ

Couplet 39

ଲୋକ-ଶିକ୍ଷାରେ ତପ କଲେବିଷୟ-କର୍ମ ବିନାଶିଲେ

Couplet 40

ନିରତେ ପ୍ରାଣାୟାମ କରିଇନ୍ଦ୍ରିୟ ବିଷୟ ସଂହରି

Couplet 41

ଛାଡିଲେ ଅଶେଷ ବନ୍ଧନଯେ କିଛି ବାସନାଦି ମାନ

Couplet 42

ନିଶ୍ଚଳ ଚିତ୍ତେ ନୃପବରଯୋଗସାଧନେ ନିଷ୍ଠାପର

Couplet 43

ଯେ ଜ୍ଞନ ବ୍ରହ୍ମାଙ୍କ କୁମରକହି ଯେ ଥିଲେ ଯୋଗସାର

Couplet 44

ସେ ଯୋଗେ ଗୋବିନ୍ଦଚରଣନିତ୍ୟେ ଆରାଧି ନୃପରାଣ

Couplet 45

ଶ୍ରଦ୍ଧା ଭକତି ଦୃଢ଼ଚିତ୍ତେଭକ୍ତି ଜନ୍ମିଲା ହୃଦଗତେ

Couplet 46

ଆନନ୍ଦେ ପ୍ରେମାଙ୍ଗ-ଭକତିଶ୍ରୀକୃଷ୍ଣେ କଲେ ମହୀପତି

Couplet 47

ସେ ହରି ଭଜନ ପ୍ରବଳହୋଇଳା ମନ ସୁନିଶ୍ଚଳ

Couplet 48

ନିର୍ମଳ-ମନ ପ୍ରକାଶିଲାବୈରାଗ୍ୟ ଜ୍ଞନ ଉପୁଜିଲା

Couplet 49

ସେ ଜ୍ଞନ-ତୀକ୍ଷ୍ମ-ଶସ୍ତ୍ରେ ରାୟେଛେଦିଲେ ହୃଦୟ-ସଂଶୟେ

Couplet 50

ଯେ କର୍ମ-ଗ୍ରନ୍ଥି ଜୀବକୋଷଜ୍ଞାନ ଖଡଗେ କଲେ ନାଶ

Couplet 51

ଦେହରେ ଆତ୍ମବୁଦ୍ଧି ଯେହିତକ୍ଷଣେ ଦୂରେ ଗଲା ସେହି

Couplet 52

ଏଣୁ ପାଇଲେ ଆତ୍ମଗତିନିରହଙ୍କାର ହେଲା ମତି

Couplet 53

ଏ ସର୍ବ ଯେ ଜ୍ଞାନେ ବିନାଶତା ପରିହରି ନୃପଈଶ

Couplet 54

ଯାବତ ହରିଙ୍କ ଭଜନନୋହିଛି ତାବତ ସାଧନ

Couplet 55

ଯେବେ ଶ୍ରୀକୃଷ୍ଣ ଭାବେ ରତିଶୁଦ୍ଧ ହୋଇବ ତେବେ ମତି

Couplet 56

ଭଜନ-ରସେ ମତ୍ତ ହୋଏନ ପଡେ ଶୋକ ମାୟାମୋହେ

Couplet 57

ଏ ରୂପେ କଲେ ସେ ରାଜନଆତ୍ମାରେ ଆତ୍ମାକୁ ଯୋଜନ

Couplet 58

ସେ ଯୋଗୀ ଯୋଗାସନ ବଳେବ୍ରହ୍ମସ୍ୱରୂପୀ ସେ ହୋଇଲେ

Couplet 59

କାଳେ ଛାଡିଲେ କଳେବରଏ ଅନୁକ୍ରମେ ହେ ବିଦୁର

Couplet 60

ସୁସ୍ଥିରେ ବସି ଯୋଗାସନେଦେହେ ସମୀର ସମାଧାନେ

Couplet 61

ବାମ-ଚରଣ ମୂଳାଧାରେନିରୋଧି ଚାପିଲେ ନର୍ଭରେ

Couplet 62

ସେ ମୂଳାଧାରରୁ ପବନଉଦ୍ଧ୍ୱର୍କୁ ଟେକିଲେ ରାଜନ

Couplet 63

ନାଭିରୁ ହୃଦୟ-କମଳେପବନ ରଖିଲେ ସଧୀରେ

Couplet 64

ତହୁଁ ଷୋଡ଼ଶଦଳେ ନେଲେତହୁଁ କଣ୍ଠରେ ତହୁଁ ଶିରେ

Couplet 65

ଏ ରୂପେ ପ୍ରାଣାଦି ପବନଭେଦିଣ ଏ ଷଡଚକ୍ରେଣ

Couplet 66

ସେ ବ୍ରହ୍ମରନ୍ଧ୍ରେ ଯୋଗବଳେଏ ସର୍ବ କରି ଏକ ଠୁଳେ

Couplet 67

ମନ ପବନ ଦୃଢେ ଧରିଭିତରେ ରହିଲେ ପାଶୋରି

Couplet 68

ସେ ବନେ ପୃଥୁ ନୃପନାଥହେଦ ଧାରଣେ ପଞ୍ଚଭୂତ

Couplet 69

ଯେଝାନୁକ୍ରମେ ଯୋଗବଳେସମଷ୍ଟିଭୂତେ ଲୟ କଲେ

Couplet 70

ପବନ ନ୍ୟାସି ସମୀରଣେଯେ କିଛି ଦେହାଦି ଧାରଣେ

Couplet 71

କ୍ଷିତିକି ଆପ ମଧ୍ୟେ ନ୍ୟାସିସେ ଜଳ ଅନଳେ ନିବେଶି

Couplet 72

ତେଜକୁ ପବନେ ସଂହରିଶବଦ ତମୋଗୁଣେ ଧରି

Couplet 73

ଇନ୍ଦ୍ରିୟ ଗଣେ ଯୁକ୍ତ ମନତାହା ଆକାଶେ କରି ଲୀନ

Couplet 74

ଆକାଶ ଶବଦେ ସଂହରିଶବଦ ତମୋଗୁଣେ ଧରି

Couplet 75

ଏ ଯେ ତାମସ ଅହଙ୍କାରକାର୍ଯ୍ୟ ଯେ ମହାଭୂତ ତାର

Couplet 76

ଯେ ରୂପେ ଲୟ କଲେ ନୃପଶୁଣ ବିଦୁର ତା ସ୍ୱରୂପ

Couplet 77

ପୃଥିବୀ ଗନ୍ଧେ ଲୟ କରିଆପକୁ ରସ ମଧ୍ୟେ ଧରି

Couplet 78

ତେଜକୁ ରୂପ ମଧ୍ୟେ ଥୋଇପବନ ସ୍ପରଶେ ଲଗାଇ

Couplet 79

ଶବଦେ ଆକାଶ ସଂହରିଏ ସର୍ବ ତମଗୁଣେ ଭରି

Couplet 80

ଯେ ତମ ସା‌ତ୍ତ୍ୱିକ ରାଜସଏକତ୍ୱେ କଲେ ତା ପ୍ରକାଶ

Couplet 81

ଇନ୍ଦ୍ରି ସହିତେ ବୁଦ୍ଧି ମନଯେଝାନୁକ୍ରମେ କଲେ ଲୀନ

Couplet 82

ଶବଦ ଆଦି ଇନ୍ଦ୍ରିଗଣେଲୀନ ହୋଇଲେ ଯେଝାସ୍ଥାନେ

Couplet 83

ଏହାଙ୍କ ଅଧିଷ୍ଠାତା ଦେବେଲୟେ ପାଇଲେ ଯେଝାଭାବେ

Couplet 84

ଏକତ୍ୱେ ଅହଙ୍କାର ନେଇସେ ମହତ୍ତ‌ତ୍ତ୍ୱରେ ମିଶାଇ

Couplet 85

ଏ ସର୍ବ-ତ‌ତ୍ତ୍ୱ ଗୁଣେ ନ୍ୟାସିମହତ୍ତ‌ତ୍ତ୍ୱରେ ପରକାଶି

Couplet 86

ସେ ମହତ୍ତ‌ତ୍ତ୍ୱ ମାୟା ମୟେପ୍ରକୃତି ସଙ୍ଗେ ହେଲେ ଲୟେ

Couplet 87

ଜ୍ଞାନ ବୈରାଗ୍ୟ ଯୋଗବଳେଏ ଜୀବ ବ୍ରହ୍ମେ ଯାଇ ମିଳେ

Couplet 88

ଏମନ୍ତେ ପୃଥୁ ମହୀପାଳଦେହ ତେଜିଲେ ପାଇ କାଳ

Couplet 89

ସେ ଅର୍ଚ୍ଚି ପତିବ୍ରତା ନାରୀସ୍ୱଧର୍ମେ ସ୍ୱାମୀ-ପାଦ ଧରି

Couplet 90

ଦେହ ଶୁଖାଇ ତପେ ଥିଲେସ୍ୱାମୀର ମରଣ ଦେଖିଲେ

Couplet 91

ତକ୍ଷଣେ ହୋଇ ହତଜ୍ଞାନଆକୁଳେ କରନ୍ତି ରୋଦନ

Couplet 92

ଭୋନାଥ ମୋର ପ୍ରାଣନାହାମୋତେ ଦେଖାଅ କିମ୍ପା ଏହା

Couplet 93

କପଟେ ମୁଦ୍ରିତ ଲୋଚନଶ୍ୱାସ ବହଇ ଅତି କ୍ଷୀଣ

Couplet 94

ତୁ କାଳ ବିହନ୍ତା ଈଶ୍ୱରଏ ତୋର ମାୟା ଖେଡଘର

Couplet 95

ସ୍ଥିତି ଉତ୍ପତ୍ତି କରୁ ନାଶତୁ ମାତ୍ର ରହୁ ଅବଶେଷ

Couplet 96

ତୁ ସର୍ବକାରଣ ମୁରାରିକାର୍ଯ୍ୟ କାରଣେ ଦେହ ଧରି

Couplet 97

ତୁ କାଳ ରୂପୀ ଭଗବାନଅନ୍ତେ ସକଳ କରୁ ଲୀନ

Couplet 98

ଭୋ ଯୋଗେଶ୍ୱର ତୋ ମହିମାନ ଜାଣି ପାରେ ହରବ୍ରହ୍ମା

Couplet 99

ଯା ନାମେ ମୃତ୍ୟୁଭୟ ନାଶେମୃତ୍ୟୁ ଅମୃତ୍ୟୁ ପରକାଶେ

Couplet 100

ଏବେ କପଟେ ମୃତ୍ୟୁ ଭୟେମୋତେ ଦେଖାଅ ମାୟାମୋହ

Couplet 101

ଏ ମାୟାମୋହ ଦ୍ୱନ୍ଦ୍ୱ-ପାଶପ୍ରତେଜି ତୁମ୍ଭ ପ୍ରତିଆଶ

Couplet 102

ଏବେ ଉପେକ୍ଷି ବନ ଘୋରେତେଜିଣ ଗଲ ନିଜପୁରେ

Couplet 103

ମୁଁ ଯେ ନିରତେ ଅପରାଧୀତୋ ପାଦେ ନ ସେବି ଦୁର୍ବୁଦ୍ଧି

Couplet 104

ସେ ଅପରାଧ ଦୋଷେ ମୋତେଏବେ ତେଜିଲ ଦୁଃଖ ଚିତ୍ତେ

Couplet 105

ତୁମେ ଯେ ମୋର ମନ ଦୁଃଖେବହ ସୁଦୟା-ଭାବ ସୁଖେ

Couplet 106

ଭୋ ସଖି ନ ତେଜିବି ତୋତେଯାବତ ପ୍ରାଣ ଦେହଗତେ

Couplet 107

ସେ ଆଜ୍ଞା ଅଭାଗ୍ୟେ ମୋହରଏବେ ଫଳିଲା ଯୋଗେଶ୍ୱର

Couplet 108

ଏ ରୂପେ ବିଳପେ ସୁନ୍ଦରୀଶୋକସାଗରେ ତନୁଘାରି

Couplet 109

ସେ ଅର୍ଚ୍ଚିଦେବୀ ଜ୍ଞାନବତୀତକ୍ଷଣେ ଧୀର କରି ମତି

Couplet 110

ପର୍ବତ-ପ୍ରାନ୍ତେ ଚିତା କଲେସ୍ୱାମୀଙ୍କି ତହିଁ ନିବେଶିଲେ

Couplet 111

ମୁଖାଗ୍ନି କରି ବିଧିମତେସ୍ନାନ ଉଦକ କ୍ରିୟା ଯେତେ

Couplet 112

ସୂର୍ଯ୍ୟଙ୍କୁ କରି ଅର୍ଘ୍ୟଦାନଯେ କର୍ମ ଯେ ବିଧି ବିଧାନ

Couplet 113

ଦେବଙ୍କୁ କରି ନମସ୍କାରସଂପୁଟେ ଯୋଡି ବେନିକର

Couplet 114

ଏ ସର୍ବ ସାରିଣ ସୁନ୍ଦରୀଅଗ୍ନିକୁ ପ୍ରଦକ୍ଷିଣ କରି

Couplet 115

ପ୍ରବେଶ ଅଗ୍ନି ମଧ୍ୟେ ଯାଇଦେବେ ଦେଖନ୍ତି ଶୂନ୍ୟେ ଥାଇ

Couplet 116

ସିଦ୍ଧ ଚାରଣ ବିଦ୍ୟାଧରଇନ୍ଦ୍ରାଦି ଯେତେ ଅନୁଚର

Couplet 117

ଯେ ଯାହା ମତେ କରି ସ୍ତୁତିଆନନ୍ଦେ ପୁଷ୍ପ ବରଷନ୍ତି

Couplet 118

ଦୁନ୍ଦୁଭି ବାଦ୍ୟ-ନାଦ କରିରଙ୍ଗେ ନାଚନ୍ତି ଅପସରୀ

Couplet 119

ମଙ୍ଗଳାଳାପେ ଶୁଦ୍ଧ-କାଳେସେ ପତିପତ୍ନୀ ଏକମେଳେ

Couplet 120

ଆକାଶେ ଯାନ୍ତି ଦେବଯାନେଯେହ୍ନେ ତଡିତ ନବଘନେ

Couplet 121

ଦେବେ ଆନନ୍ଦେ ସ୍ତୁତି ଭଣିଶିରେ ନିବେଶି ବେନିପାଣି

Couplet 122

ପ୍ରଶଂସି ଦେବୀ ଜଣେ ଜଣେଆନନ୍ଦେ ଅଶ୍ରୁଳ ଲୋଚନେ

Couplet 123

ଧନ୍ୟ ସାଧବୀ ପତିବ୍ରତାସ୍ୱାମୀ-ସେବାରେ ଅନୁରତା

Couplet 124

ତେଜିଣ ଅଚଳ-ବିଭୂତିସ୍ୱାମୀର ସଙ୍ଗତେ ଚଳନ୍ତି

Couplet 125

ଯେଣୁ ଏ ପୂର୍ବେ ତପ କଲେତେଣୁ ଦେବଙ୍କ ଉର୍ଦ୍ଧ୍ୱେ ଗଲେ

Couplet 126

ଯେସନେ ଲକ୍ଷ୍ମୀନାରାୟଣଏ ବେନି ଦିଶନ୍ତି ତେସନ

Couplet 127

ଲକ୍ଷ୍ମୀ ସଦୃଶ ଏ ଯୁବତୀଲଭିଲେ ଏକାଙ୍ଗ ଭକତି

Couplet 128

ଯେଣୁ ସୁକର୍ମ କରିଛନ୍ତିତେଣୁ ଲଭିଲେ ନିଜପତି

Couplet 129

ଧନ୍ୟ ସେ ମର୍ତ୍ତ୍ୟ କର୍ମଭୂମିଅଳ୍ପ-ଆୟୁଷ ପ୍ରାଣୀ ଜନ୍ମି

Couplet 130

ସ୍ୱଧର୍ମ-କର୍ମ ଆଦରନ୍ତିସକଳ ଆପଦୁ ତରନ୍ତି

Couplet 131

ନିଷ୍ପାପ ଅଟେ ଯେଉଁ ନରସ୍ୱର୍ଗାପବର୍ଗ ନୋହେ ଦୂର

Couplet 132

ଏଣୁ ନିଷ୍କାମ ଯାର ମତିସେ ଲଭେ ଏକାନ୍ତ ଭକତି

Couplet 133

ସ୍ୱର୍ଗାଦି ଭୋଗ କିବା ତାରଯହିଁ ବସନ୍ତି ଭକ୍ତ ନର

Couplet 134

କୃଷ୍ଣ-ଚରିତ ନିତ୍ୟେ ଭାବିରୋମ ପୁଲକେ ଅଶ୍ରୁ ଦ୍ରବି

Couplet 135

ନିର୍ମଳ ହୋଏ ବୁଦ୍ଧି ମତିଅଜ୍ଞାନ ମୋହ ବିନାଶନ୍ତି

Couplet 136

ଏ ଭାବ ନ ଘେନେ ଯା ଚିତ୍ତସେ ଦୁଃଖସାଗରେ ପୀଡିତ

Couplet 137

ସେ ଆତ୍ମାବୋଧେ ଭାଗୀହୋଇଯେ ନିତ୍ୟେ ବିଷୟେ ମଜ୍ଜଇ

Couplet 138

ଏମନ୍ତେ ଶୁଣ ହେ ବିଦୁରସେ ଦେବ କାମିନୀ ବିଚାର

Couplet 139

ସେ ଅର୍ଚ୍ଚିଦେବୀଙ୍କି ସ୍ତୁବନ୍ତିପ୍ରବେଶ ପତିଲୋକେ ସତୀ

Couplet 140

ସେ ପୃଥୁ ଭକତ-ଉତ୍ତମଯାହାଙ୍କ ଚରିତ ଉଦ୍ଦାମ

Couplet 141

ବର୍ଣ୍ଣିଲୁ ତାହାଙ୍କ ଚରିତଶ୍ରବଣେ ହୁଅ ଶୁଦ୍ଧଚିତ୍ତ

Couplet 142

ସେ ପୃଥୁ ପୁଣ୍ୟ-ଉପାଖ୍ୟାନଶ୍ରଦ୍ଧାରେ ପଢନ୍ତି ଯେ ଜନ

Couplet 143

ସେ ପୃଥୁ ପଦକୁ ଲଭନ୍ତିଜନ୍ମ ମରଣୁ ନିସ୍ତରନ୍ତି

Couplet 144

ଏ ଚାରିବର୍ଣ୍ଣ ମଧ୍ୟଗତେପଢନ୍ତି ଶୁଣନ୍ତି ଯେ ନିତ୍ୟେ

Couplet 145

ତା ସର୍ବକାମ ସିଦ୍ଧି ହୋଏ ସିଦ୍ଧିସକଳ-ବର୍ଣ୍ଣେ ସେ ପ୍ରସିଦ୍ଧି

Couplet 146

ଯେ ବିପ୍ରଜନ ଏହା ପଢେବ୍ରହ୍ମପଦକୁ ଲଭେ ଦୃଢ଼େ

Couplet 147

କ୍ଷତ୍ରିୟ କଲେ ଅଧ୍ୟୟନରାଜତ୍ୱ ପଣେ ସେ ନିପୁଣ

Couplet 148

ଗାୟନ କଲେ ବୈଶ୍ୟଜନକୃଷ୍ୟାଦି କାଣିଜ୍ୟେ ନିପୁଣ

Couplet 149

ସେ ଜ୍ଞାନୀଜନେ ଶ୍ରେଷ୍ଠ ହୋଇଧର୍ମାଥୀଜୀବନେ ଜୀଅଇ

Couplet 150

ଶ୍ରବଣେ ଶୂଦ୍ର ହୋଏ ସୁଖୀଭକତ ମଧ୍ୟେ ତାକୁ ଲେଖି

Couplet 151

ତ୍ରିକାଳ ଶ୍ରବଣ କୀର୍ତ୍ତନେଯେ ନରନାରୀ ଶୁଦ୍ଧମନେ

Couplet 152

ସକଳ-କାମାର୍ଥ ଲଭନ୍ତିଭୋଗାନ୍ତେ ଦୈକୁଣ୍ଠେ ବସନ୍ତି

Couplet 153

ନିର୍ଦ୍ଧନ-ଅପୁତ୍ରିକ-ଜନଲଭେ ଅପତ୍ୟ ବହୁ-ଧନ

Couplet 154

ଅକୀର୍ତ୍ତମନ୍ତ ଯେବା ଜନଶ୍ରବଣେ ଲଭେ କୀର୍ତ୍ତିମାନ

Couplet 155

ସେ ଣ୍ୟେ ପୃଥୁର ଚରିତଶ୍ରବଣେ ମୂର୍ଖ ସୁପଣ୍ତିତ

Couplet 156

ଯେ ପ୍ରତିଦିନେ ଅଧ୍ୟୟନ୍ତିଅଶୁଭ କର୍ମ ବିନାଶନ୍ତି

Couplet 157

ଯଶ ଆୟୁଷ ଧନ ଆରଶ୍ରବଣେ ବଢ଼େ ନିରନ୍ତର

Couplet 158

ଅପରେ ଧର୍ମ ଅର୍ଥ ଚାରିଲଭନ୍ତି ତ୍ରିତାପ ନିବାରି

Couplet 159

ଯେବେ କ୍ଷତ୍ରିୟ ରିପୁ ଭୟେଶ୍ରବଣେ ଚତୁର୍ଦ୍ଦିଗ ଜୟେ

Couplet 160

ଏ ସର୍ବ କର୍ମଫଳ ପାଇଯେ ଅବା ନିରତେ ଶୁଣଇ

Couplet 161

ଏ ପୁଣ୍ୟ ପୃଥୁର ଚରିତସଦ୍ୟ ବିଶୁଦ୍ଧ ହୋଏ ଚିତ୍ତ

Couplet 162

ପଠନ କରେ ଯେବା ପ୍ରାଣୀସୁସାଧୁ ମଧ୍ୟେ ତାକୁ ଗଣି

Couplet 163

ଯେ ମୁଖେ କରନ୍ତି ଗାୟନବିଶୁଦ୍ଧ ହୋଏ ବୁଦ୍ଧି ମନ

Couplet 164

ତାର ଅଶେଷ ପୁଣ୍ୟମୟେବିପ୍ର କଲ୍ୟାଣେ ତାର ହୋଏ

Couplet 165

ବ୍ରାହ୍ମଣ-ମୁଖୁ ଯେବେ ଶୁଣିଅନ୍ୟତ୍ରୁ ଚତୁର୍ଗୁଣ ଜାଣି

Couplet 166

ବିପ୍ର-ପୂଜନେ ହରି ତୋଷତାଙ୍କୁ ନ ଲାଗେ ଗୁଣ-ଦୋଷ

Couplet 167

ଶୁଣ ବିଦୁର ସାବଧାନେସେ ପୃଥୁ ଚରିତ ଆଖ୍ୟାନେ

Couplet 168

ଅମୃତ ରସମୟ ଗୀତଶ୍ରବଣେ ନିସ୍ତରେ ପତିତ

Couplet 169

ପାର୍ଥବୀ ଗତି ହୋଏ ତାରସ୍ୱର୍ଗାପବର୍ଗ ନୋହ ଦୂର

Couplet 170

ଏ ମୋହ-ସଂସାର ତାରଣେଅନ୍ୟଥା ନାହିଁ ଉଦ୍ଧାରଣେ

Couplet 171

ଚତୁର୍ଥ ସ୍କନ୍ଧେ ଭାଗବତତ୍ରିବିଂଶ-ଅଧ୍ୟାର ଚରିତ

Couplet 172

ମୈତ୍ରେୟ-ବିଦୁର ସମ୍ବାଦଶ୍ରବଣେ ଖଣ୍ତଇ ଆପଦ

Couplet 173

ଶୁଣନ୍ତେ ତୁଟେ ଭବବ୍ୟାଧିଶ୍ରବଣେ ପାପ-ବନ୍ଧ ଛେଦି

Couplet 174

ହରି-ଚରଣ ଆଶ୍ରେ କରସକଳ-ପାପ ହେବ ଦୂର

Couplet 175

ସୁଜନେ ଏହି ରସେ ରସଭଣଇ ଜଗନ୍ନାଥ ଦାସ