Adhyaya 18

Couplet 1

ମୈତ୍ରେୟ କୃଷ୍ଣପାଦ ଧ୍ୟାୟିକହେ ବିଦୁର ମୁଖ ଚାହିଁ

Couplet 2

ଶୁଣ ବିଦୁର ସାବଧାନେସୂତ ମାଗଧ ତୋଷମନେ

Couplet 3

ମୁନିଙ୍କ ମତେ ସାଧୁବାଣୀପୃଥୁ-ବଦନ ଚାହିଁ ଭଣି

Couplet 4

ଭୋନାଥ ତୋହର ମହିମାକେ କହିପାରେ ଗୁଣସୀମା

Couplet 5

ତାହା କେ ସମର୍ଥ ବର୍ଣ୍ଣନେଯେଣେ ବ୍ରହ୍ମାଦି ବୁଦ୍ଧିଭ୍ରମେ

Couplet 6

ତୁ ଦେବ ନିଜ ମାୟା ବଳେଶରୀର ବହୁ ଏ ଶୟଳେ

Couplet 7

ବେଣ-ଶରୀରୁ ତୁହି ଜାତଏ କଥା ଜଗତେ ବିଖ୍ୟାତ

Couplet 8

ତଥାପି ତୋର ଗୁଣ ଯେତେଭାବେ କହିବୁ ତୋ ଅଗ୍ରତେ

Couplet 9

ତୁ ଧର୍ମଜ୍ଞାନୀଙ୍କର ସାରଯେ ଧର୍ମ ଲୋକ-ଉପକାର

Couplet 10

ଅଧର୍ମ ନାଶି ଧର୍ମ ପାଳୁତୁ ନାଥ ପରମ ଦୟାଳୁ

Couplet 11

ଶରୀର ବହୁ କାଳେକାଳେସ୍ୱଧର୍ମ ରଖୁ ମହୀତଳେ

Couplet 12

ସକଳଭୂତେ ସମେ ବସୁସବିତା ରୂପେ ତୁ ପ୍ରକାଶୁ

Couplet 13

ହିମ ଗ୍ରୀଷମ ଅଷ୍ଟମାସସବିତା ଯେହ୍ନେ ଜଳରସ

Couplet 14

ସକଳ ସ୍ଥାନୁ ସେ ହରଇବରଷା କାଳେ ବରଷଇ

Couplet 15

ସେ ରୂପେ ତୁ କର-ଗ୍ରହଣକରି ଦୁର୍ଭିକ୍ଷେ ଦେବୁ ଦାନ

Couplet 16

ପୃଥିବୀ ସମ ସର୍ବ ସହୁବିକାର ଅବିକାର ନୋହୁ

Couplet 17

ତୋର ମହିମା ଅଧ-ଉର୍ଦ୍ଧ୍ୱେପ୍ରକାଶ କର ଶୂନ୍ୟମଧ୍ୟେ

Couplet 18

ପ୍ରାଣୀଙ୍କ ମଧ୍ୟେ ତୁ କାରୁଣ୍ୟଆରତ ଦୁଃଖ ନିବାରଣ

Couplet 19

ଇନ୍ଦ୍ର ଯଦ୍ୟପି ନ ବର୍ଷିବଏ ପ୍ରଜା କଷ୍ଟରେ ପଡିବ

Couplet 20

ତୁ ସ୍ୱୟଂ ଇନ୍ଦ୍ର ରୂପ ଧରିପ୍ରଜା ରଖିବୁ ବୁଷ୍ଟି କରି

Couplet 21

ତୋହର ବଚନ-ଅମୃତଶୁଣି ନିସ୍ତରିବେ ଜଗତ

Couplet 22

ତୋର ବଦନ ଚାରୁହାସଦେଖନ୍ତେ ହେବ ଦୁଃଖନାଶ

Couplet 23

ତୋହର କର୍ମ ବ୍ୟକ୍ତ ନୋହେଯାହାର ମାୟା ଜନ ମୋହେ

Couplet 24

ତୋହର ଚେଷ୍ଟା ଅନ୍ତରାଳବରୁଣ ପ୍ରାୟ ତୁ ଗମ୍ଭୀର

Couplet 25

ଅନନ୍ତ ମହିମା ତୋହରଅଶେଷ ଗୁଣର ସାଗର

Couplet 26

ତୁ ଦୁରାସଦ ଦୁର୍ବିଷହନିକଟେ ଥାଇ ଦୂର ପ୍ରାୟ

Couplet 27

ଜନ୍ତୁଙ୍କ ଅନ୍ତର ବାହାରେତୋ ତହୁଁ କେବା ଅଛି ପରେ

Couplet 28

ଅଧ୍ୟକ୍ଷ ହୋଇ ଉଦାସୀନଶରୀରେ ଯେସନେ ପବନ

Couplet 29

ଅଦୋଷଜନ ତୁ ନ ଦଣ୍ତୁପୁତ୍ର ହେଲେହେଁ ଦୋଷୀ ଦଣ୍ତୁ

Couplet 30

ଅପ୍ରତିହତ-ଚକ୍ର ତୋରତେଜେ ଗଞ୍ଜଇ ଦିବାକର

Couplet 31

ତୋହର ଆତ୍ମା ବିଚେଷ୍ଟିତଲୋକରଞ୍ଜନ ଏ ଜଗତ

Couplet 32

ଯେ ରାଜା ପ୍ରଜା ମନ ରଞ୍ଜେରାଜ୍ୟସମ୍ପଦ ସୁଖେ ଭୁଞ୍ଜେ

Couplet 33

ସତ୍ୟସନ୍ଧ ତୁ ଦୃଢବ୍ରତବୃଦ୍ଧ ସେବକ ବିପ୍ରଭକ୍ତ

Couplet 34

ଶରଣ ସର୍ବ ପ୍ରାଣୀଙ୍କରଦୀନ ବତ୍ସଳ ଦୁଃଖ-ହର

Couplet 35

ପର-ରମଣୀ ମାତ ପ୍ରାୟନିଜ-କାମିନୀ ଅର୍ଦ୍ଧକାୟ

Couplet 36

ପ୍ରଜାଙ୍କୁ ପୁତ୍ରପ୍ରାୟ ଚିତ୍ତେବିପ୍ରଙ୍କୁ ସେବା ଯାର ନିତ୍ୟେ

Couplet 37

ପ୍ରାଣୀ ବିଷୟେ ଆତ୍ମା ପ୍ରାୟେଦୟା ବସଇ ଯାର ଦେହେ

Couplet 38

ସୁହୃଦ ଆନନ୍ଦ ବର୍ଦ୍ଧନବିମୁକ୍ତସଙ୍ଗ ସଙ୍ଗେ ଧ୍ୟାନ

Couplet 39

ଅସାଧୁଗଣେ ଦଣ୍ତଧରସ୍ୱଭାବେ ଶରଣ-ସୋଦର

Couplet 40

ନିର୍ଗୁଣ ଭଗବାନ ତୁହିକୂଟସ୍ଥ ଆତ୍ମା କଳା ବହି

Couplet 41

ଯେତେ ଅବିଦ୍ୟା ବିରଚିତନାନା ଭାବରେ ସେ ପ୍ରତୀତ

Couplet 42

ହେଲେହେଁ ତୋହର ଶରୀରେଦିଶଇ ବିଅର୍ଥ ବେଭାରେ

Couplet 43

ତୋ ଅବତାର ଏ ଜଗତେଜଗତ ନିସ୍ତାର ନିମନ୍ତେ

Couplet 44

ତୁ ନୃପନାଥ ଏକରଥୀମହୀମଣ୍ତଳେ ଯେତେ ଛନ୍ତି

Couplet 45

ତାହାଙ୍କ ରକ୍ଷଣ ନିମିତ୍ତେଉଦୟ ଗିରି ପରିଯନ୍ତେ

Couplet 46

ଭ୍ରମିବୁ ରଥେ ଧନୁଧରିଦିଗ-ସମୂହ ବନ ଗିରି

Couplet 47

ଦକ୍ଷିଣାବର୍ତ୍ତେ ସାବଧାନେଶୂନ୍ୟେ ଆଦିତ୍ୟ ରଥ ଯେହ୍ନେ

Couplet 48

ଯେ ଲୋକପାଳ ରାଜାଗଣେବଳେ ହରିବେ ତୋତେ ରଣେ

Couplet 49

ଗାଇବେ ତୋର ଯଶ ଗୁଣଖଟିବେ ତୋହର ଚରଣ

Couplet 50

ଇନ୍ଦ୍ରର ପ୍ରାୟେ ଶରେ ଗିରିଛେଦି ପୃଥିବୀ ସମ କରି

Couplet 51

ମେଦିନୀ-ସ୍ତନୁ ପୟ ଦୁହିଁପ୍ରାଣୀଙ୍କୁ ପ୍ରାଣ-ବୃତ୍ତି ଦେଇ

Couplet 52

ଖିଳ ଅଖିଳ ବସୁନ୍ଧରୀପାଳିବ ଏ ନୃପକେଶରୀ

Couplet 53

ମୃଗେନ୍ଦ୍ର ଯେହ୍ନେ ଲାଞ୍ଜ ତୋଳିବିକ୍ରମି ଚରେ ମହାବଳୀ

Couplet 54

ତେହ୍ନେ ତୁ ଧନୁର ଟଙ୍କାରେବିକ୍ରମି ବସନ୍ତେ ରଥରେ

Couplet 55

ଦେଖି ସକଳ ଶତ୍ରୁଗଣେଭୟେ ପଶିବେ ଘୋରବନେ

Couplet 56

ମୃଗ ଯେସନେ ସିଂହ ଦେଖିପଳାନ୍ତି ବିପିନ ଉପେକ୍ଷି

Couplet 57

କରିବୁ ଅଶ୍ୱମେଧ ଶତତ୍ରିଦିବେ ଯେହ୍ନେ ସୁରନାଥ

Couplet 58

ଶେଷ-ଯଜ୍ଞରେ ଅଶ୍ୱ ତୋରହରିବେ ସ୍ୱୟଂ ପୁରନ୍ଦର

Couplet 59

ତଦନ୍ତେ ଗୃହ ମଧ୍ୟେ ଯାଇସନତ୍‌କୁମାର ଧ୍ୟାନେ ଧ୍ୟାୟି

Couplet 60

ତେଣୁ ତୋ ହେବ ବ୍ରହ୍ମଜ୍ଞାନତୁ ହେବୁ ଅତୀବ ପାବନ

Couplet 61

ସ୍ୱଭୋଗ ଅନ୍ତେ ଗଙ୍ଗାକୂଳେସନତକୁମାରଙ୍କ ମେଳେ

Couplet 62

ଭକତି କରି ବିଷ୍ଣୁପାଦେଅନ୍ତେ ପଶିବୁ ନିଜପଦେ

Couplet 63

ତୋର ଚରିତ ଇହଲୋକେପ୍ରାଣୀଏ ବିସ୍ତାରିବେ ମୁଖେ

Couplet 64

ହେ ପୃଥୁ ପରାକ୍ରମ ତୋରଦେବ-ମାନବେ ଅଗୋଚର

Couplet 65

ତୋର ମହିମା କର୍ଣ୍ଣେ ଶୁଣିତରିବେ ଭବ-ତରଙ୍ଗିଣୀ

Couplet 66

ସୁଜନେ ଶୁଣ ଶୁଦ୍ଧଚିତ୍ତେଭାଷା-ପ୍ରବନ୍ଧେ ଭାଗବତେ

Couplet 67

ଏ ପୃଥୁ ରାଜାର ଚରିତବୋଲଇ ଦାସ ଜଗନ୍ନାଥ