Adhyaya 17

Couplet 1

ନିର୍ମଳ ଦେଖି ବେଣ ଅଙ୍ଗପୁଣି ମନ୍ଥିଲେ ବାହୁଯୁଗ

Couplet 2

ନାରୀ ପୁରୁଷ ଏକ ମେଳେଜନ୍ମିଲେ ବେଦ-ମନ୍ତ୍ରବଳେ

Couplet 3

ସ୍ତିରୀ ପୁରୁଷ ଦେହ ଦେଖିବିଷ୍ଣୁର କଳା ଉପଲକ୍ଷି

Couplet 4

ଆନନ୍ଦମନେ ମୁନିଗଣେଭାବେ କହନ୍ତି ଜଣେ ଜଣେ

Couplet 5

ଦେଖ ଏ ପୁରୁଷ କାମିନୀଅଶେଷ-ଭୁବନ ପାବନୀ

Couplet 6

ଦେଖ ଏ ମିଥୁନ-ଲକ୍ଷଣପ୍ରତ୍ୟେକ୍ଷେ ଲକ୍ଷ୍ମୀନାରାୟଣ

Couplet 7

ବେଣର ବଂଶ ଏ ରଖିବଆନନ୍ଦେ ଭୁବନ ପାଳିବ

Couplet 8

ଏହାକୁ ରାଜ୍ୟେ ରାଜା କରିଏ କନ୍ୟା ରାଣୀ ରୂପେ ବରି

Couplet 9

ପ୍ରଥିତ ଯଶକୀର୍ତ୍ତି ଯେଣୁଏହାର ପୃଥୁ ନାମ ତେଣୁ

Couplet 10

ଏ ଯେ ସୁନ୍ଦରୀ ଶୁଭ୍ରଦନ୍ତୀମୁକ୍ତାର ପ୍ରାୟ ଦନ୍ତନ୍ନି

Couplet 11

ସକଳ ଗୁଣେ ଏ ଭୂଷିତବିରାଜେ ଯେସନେ ଆଦିତ୍ୟ

Couplet 12

ରୂପେ ଅର୍ଚ୍ଚିଲା ପୃଥୁ ଯେଣୁଏହାର ଅର୍ଚ୍ଚି ନାମ ତେଣୁ

Couplet 13

ଏ ରାଜା ବିଷ୍ଣୁ ଅଂଶେ ଜାତସୁଗୁଣେ ଲୋକେ ଏ ବିଖ୍ୟାତ

Couplet 14

ଏ ବାମା ଜାତ ଲକ୍ଷ୍ମୀ ରୂପେସର୍ବଦା ବିଷ୍ଣୁର ସମୀପେ

Couplet 15

ଏତେ ବିଚାରି ଶୁଦ୍ଧମନେସ୍ତୁତି କରନ୍ତି ବିପ୍ରଜନେ

Couplet 16

ଗନ୍ଧର୍ମେ ଗୀତନାଦ କଲେଦେବେ କୁସୁମ ବରଷିଲେ

Couplet 17

ଆନନ୍ଦେ ବୀଣା ବାଦ୍ୟ କରିନୃତ୍ୟ କରନ୍ତି ଅପସରୀ

Couplet 18

ଶଙ୍ଖ ମହୁରୀ ତୂରୀ ନାଦେଦେବେ ଦୁନ୍ଦୁଭି ବିଷ୍ଣୁପଦେ

Couplet 19

ଦେବତା ଋଷି ପିତୃଜନେମିଳିଲେ ହରଷିତ ମନେ

Couplet 20

ଶଙ୍କର ପଦ୍ମଯୋନି ତୁଲେଦେବ ସମୂହେ ବିଜେ କଲେ

Couplet 21

ଦେଖିଲେ ବେଣସୁତ ହସ୍ତବିଷ୍ଣୁର ଚକ୍ର ଚିହ୍ନ ଯୁକ୍ତ

Couplet 22

ଚରଣେ ପଙ୍କଜ ଲାଞ୍ଛନସକଳେ କଲେ ଅନୁମାନ

Couplet 23

ବିଷ୍ଣୁର ଅଂଶ ନିଶ୍ଚେ ଜାଣିବେଗେ ଆଣିଲେ ତୀର୍ଥପାଣି

Couplet 24

ଅଭିଷେକର ବସ୍ତୁ ଯେତେପ୍ରଜାଏ ଆଣି ଯେଝା ମତେ

Couplet 25

ସମୁଦ୍ର ପର୍ବତ ସରିତସର୍ପ ବିହଙ୍ଗ ମୃଗଯୂଥ

Couplet 26

ଧରଣୀ ଆଦି ପଞ୍ଚଭୂତେଯାହାର ଯେ ଅବା ଉଚିତେ

Couplet 27

ସକଳେ ଆଣି ଉପାୟନବନ୍ଦିଲେ ନୃପତି ଚରଣ

Couplet 28

ସକଳେ ନାନାଦ୍ରବ୍ୟ ଆଣିମୁନି ଆନନ୍ଦେ ବେଦ ଭଣି

Couplet 29

ପୃଥୁକୁ ଅଭିଷେକ କଲେମଙ୍ଗଳନାଦେ ଅର୍ଚ୍ଚି ତୁଲେ

Couplet 30

ପୃଥୁକୁ କଲେ ମହାରାଜାଶୁଭେ ବିରାଜେ ମହାତେଜା

Couplet 31

କୁବେର ଦେଖି ତୋଷମନେଦେଲା ସେ ସୁବର୍ଣ୍ଣ ଆସନେ

Couplet 32

ବରୁଣ ଦେଲା ଛତ୍ର ଆଣିପ୍ରକାଶେ ଦିବ୍ୟରତ୍ନ ମଣି

Couplet 33

ସେ ଛତ୍ର ନାମ ଜଳସ୍ରବାସ୍ୱଭାବେ ଦିଶେ ଶଶିପ୍ରଭା

Couplet 34

ଚାମର ସମୀରଣ ଦେଲାଧର୍ମ ଦେବତା କୀର୍ତ୍ତିମାଳା

Couplet 35

ଇନ୍ଦ୍ର ମୁକୁଟ ଦେଲା ଶିରେଶମନ ଦଣ୍ତ ଦେଲା କରେ

Couplet 36

ବ୍ରହ୍ମକବଚ ବ୍ରହ୍ମା ଦେଲେଭାରତୀ ହାର ଲମ୍ବାଇଲେ

Couplet 37

ଗୋବିନ୍ଦ ଚକ୍ର ଦେଲେ କରେକମଳା ବସେ ତାର ଉରେ

Couplet 38

ସୁବର୍ଣ୍ଣ ଦଶଚନ୍ଦ୍ର ଯୁତେରୁଦ୍ର ଖଡଗ ଦେଲେ ହସ୍ତେ

Couplet 39

ଅମ୍ବିକା ଦେଲେ ଚର୍ମାମ୍ବରଅଙ୍କିତ ଶତେ ନିଶାକର

Couplet 40

ଅମୃତମୟ-ଅଶ୍ୱ ଆଣିବିମାନ ଅର୍ଥେ ନିଶାମଣି

Couplet 41

ପୃଥୁ ସମୀପେ ଆଣି ଦେଲେସଙ୍ଗେ ତା ବିଶ୍ୱକର୍ମା ଥିଲା

Couplet 42

ବିମାନ ନାନାରତ୍ନେ ସାଜିତହିଁ ଯୋଚିଲା ସେହି ବାଜି

Couplet 43

ଅନଳ ଆଣି ଦେଲାଧନୁରଶ୍ମି-ନାରାଚ ଦେଲା ଭାନୁ

Couplet 44

ବେନି-ପାଦୁକା ଯୋଗମୟୀଚରଣ ତଳେ ଦେଲା ମହୀ

Couplet 45

ଆକାଶ ସଦା ପୁଷ୍ପାଞ୍ଜଳିପ୍ରଦାନେ ଅତି କୁତୂହଳୀ

Couplet 46

ନୃତ୍ୟ ସଙ୍ଗୀତ ବାଦ୍ୟ ଯେତେଯେ ଅନ୍ତର୍ଦ୍ଧାନ ବିଦ୍ୟା ଯୁତେ

Couplet 47

ଖେଚରେ ଆନନ୍ଦିତ ହୋଇଦେଲେ ପୃଥୁକୁ ପାଶେ ଯାଇ

Couplet 48

ମିଳି ସକଳ-ମୁନିଗଣେଆଶିଷ ଦେଲେ ଜଣେ ଜଣେ

Couplet 49

ସମୁଦ୍ର ଶଙ୍ଖ ଦେଲା କରେଯେ ନାଦେ ଦଶଦିଗ ପୂରେ

Couplet 50

ସମୁଦ୍ର ଗିରି ନଦୀ ଯେତେବାଟ ଛାଡିଲେ ତାର ରଥେ

Couplet 51

ସୂତ ମାଗଧ ବନ୍ଦୀ ମେଳେପୃଥୁର ସମୀପେ ମିଳିଲେ

Couplet 52

ସ୍ତୁତି ଉଦ୍ୟମ ତାଙ୍କ ଜାଣିମେଘ-ଗମ୍ଭୀର ମୃଦୁବାଣୀ

Couplet 53

ଆନନ୍ଦେ ନିକଟେ ବସାଇପୃଥୁ କହନ୍ତି ଭାବ ବହି

Couplet 54

ଆହେ ମାଗଧ ସୂତେ ଶୁଣଯେତେ ଭବିଷ୍ୟ ସ୍ତୁତିଗୁଣ

Couplet 55

ଲୋକଙ୍କ ମଧ୍ୟେ ମୋର ଗୁଣଅବ୍ୟକ୍ତ ରୂପେ ଅଛିପୁଣ

Couplet 56

ମୋର କର୍ତ୍ତବ୍ୟ କର୍ମ ଯେତେତୁମ୍ଭେ କହିବ ଭବିଷ୍ୟତେ

Couplet 57

ମିଥ୍ୟା-ବଚନେ କାର୍ଯ୍ୟ ନାହିଁମଧୁର ଭାଷୀ ତୁମ୍ଭେ ହୋଇ

Couplet 58

ଏବେ ବିଷ୍ଣୁଙ୍କୁ ସ୍ତୁତି କରଯାହା ଅଟଇ ମୋକ୍ଷ ଦ୍ୱାର

Couplet 59

ଏମନ୍ତ ପୃଥୁର ବଚନଶୁରି ସନ୍ତୋଷ ପ୍ରଜାଜନ

Couplet 60

କହଇ ବିପ୍ର ଜଗନ୍ନାଥଭାଷା ପ୍ରବନ୍ଧେ ଭାଗବତ

Couplet 61

ଚତୁର୍ଥ ସ୍କନ୍ଧେ ବିଷ୍ଣୁବାଣୀଶୁରି ସଂସାରୁ ତର ପ୍ରାଣୀ