Adhyaya 12

Couplet 1

ଶୁଣ ବିଦୁର କୃଷ୍ଣ କଥାଯେଣେ ଖଣ୍ତିବ ଭବବ୍ୟାଥା

Couplet 2

ଉତ୍ତାନପାଦ ଧ୍ରୁବ ଦେଖିସଫଳ କଲା ଚର୍ମ ଆଖି

Couplet 3

ଧ୍ରବକୁ ରାଜଯୋଗ୍ୟ ଚାହିଁବାନ୍ଧବ ସୁହୃଦ ବସାଇ

Couplet 4

ସର୍ବ ସମ୍ମତେ ମହାତେଜ୍ୟରାଜ୍ୟେ ପୁତ୍ରକୁ କଲା ରାଜା

Couplet 5

ସ୍ୱଭାବେ ବିଷ୍ଣୁ-ତେଜ-ବଳଭାବେ ନମନ୍ତି ଦିଗପାଳ

Couplet 6

ଏ ମହୀତଳେ ଯେତେ ରାଜାଧ୍ରୁବ-ଚରଣେ କଲେ ପୂଜା

Couplet 7

ଯେ ଶିଶୁମାର ପ୍ରଜାପତିତା କନ୍ୟା ଭ୍ରମି ଗୁଣବତୀ

Couplet 8

ତାହାର ରୂପ-ଗୁଣରାଶିକେତେ ବା କହିବା ବିଶେଷି

Couplet 9

ରୂପେ କମଳା ନୋହେ ସରିବିବାହେ ଧ୍ରୁବ ତାକୁ ଚରି

Couplet 10

ଅଶେଷ ଅଳଙ୍କାର ଶୋଭାବିରାଜେ ଅଙ୍ଗ ଜ୍ୟୋତି ଆଭା

Couplet 11

ସେ କନ୍ୟା ଗର୍ଭେ ପୁତ୍ର ଦୁଇକଳ୍ପ ବତ୍ସର ବେନି ଭାଇ

Couplet 12

ଦ୍ୱିତୀୟା ଭାର୍ଯ୍ୟା ଇଳା ନାମରୂପେ ଗଞ୍ଜଇ କୋଟିକାମ

Couplet 13

ସ୍ୱଭାବେ ସମୀରଣ ସୁତାସୁଗୁଣା ସୁନ୍ଦରୀ ବିନୀତା

Couplet 14

ତାର ଉଦରେ ଧ୍ରୁବ-ବୀର୍ଯ୍ୟେପୁତ୍ରେକ ହେଲା ମହାତେଜେ

Couplet 15

ଉତ୍କଳ ନାମେ ସେ କୁମରସ୍ୱଭାବେ ମହା-ଯୋଗେଶ୍ୱର

Couplet 16

ପୁଣି ଜନ୍ମିଲା କନ୍ୟା ଏକତା ରୂପ ଗୁଣ ଅତିରେକ

Couplet 17

ଧ୍ରୁବର କନିଷ୍ଠ ଉତ୍ତମରୂପେ ଭୁବନେ ନାହିଁ ସମ

Couplet 18

ସ୍ୱଭାବେ ବୟସ କିଶୋରବିଭା ନ କଲେ ବୀରବର

Couplet 19

ସେ ଏକଦିନେ ଅଶ୍ୱେ ବସିମୃଗୟା ଅର୍ଥେ ବନେ ପଶି

Couplet 20

ବହୁତ ଦୂର ସେ ଗମିଲାମନ ଆନନ୍ଦେ ନୃପବଳା

Couplet 21

ମିଳିଲା କୁବେର ଭୁବନେତାହାକୁ ଦେଖି ଗୃହ୍ୟଗଣେ

Couplet 22

ବଳେ ରୁନ୍ଧିଳେ ଯୁଦ୍ଧ କରିଅଶ୍ୱ ଘେନିଲେ ତାକୁ ମାରି

Couplet 23

ତା ଶୁଣି ତାହାର ଜନନୀବିକଳେ ପୁତ୍ର-କଷ୍ଟ ଘେନି

Couplet 24

ବନ-ଅନଳେ ଦେହ ଦେଲାପୁତ୍ର-ବିୟୋଗ-ଦୁଃଖେ ମଲା

Couplet 25

ସେ କଥା ଶୁଣି ଧ୍ରୁବ ଶୋକେକମ୍ପିଲା ମାତ୍ରା-ଭ୍ରାତା ଦୁଃଖୋ

Couplet 26

ସେ ଧ୍ରୁବ ଅତି କ୍ରୋଧ ବହିଅଶ୍ୱ ସାରଥି ବେଗେ ରାଇ

Couplet 27

ଜଇତ୍ର ନାମେ ରଥେ ବସିସ୍ୱଭାବେ ଶୋହେ ରୂପ ରାଶି

Couplet 28

ଶୋକ-ଅନଳେ କୋପଭରେକଠୋର-ଧନୁ ଧରି କରେ

Couplet 29

କୁବେର-କାନନେ ମିଳିଲାଉଦ୍ଦଣ୍ତେ ଶଙ୍ଖନାଦ କଲା

Couplet 30

ଯେ ବନେ ରୁଦ୍ର-ଅନୁଚରେବସନ୍ତି ନଦୀ ବନ ଘୋରେ

Couplet 31

ହିମପର୍ବତ ଦ୍ରୋଣି ମଧ୍ୟେଗୃହ୍ୟକେ ବସନ୍ତି ଆନନ୍ଦେ

Couplet 32

ସେ ବନେ ବଳେ ପଶି ଧ୍ରୁବଉଦ୍ଦଣ୍ତେ କଲା ଶଙ୍ଖରବ

Couplet 33

ଶବଦେ ପୂରିଲା ଆକାଶବନ-ପର୍ବତ-ଦଶଦିଶ

Couplet 34

ଯକ୍ଷ-କମିନୀଗଣ ବେଗେଭୟେ ଚାହିଁଲେ ଉର୍ଦ୍ଧ୍ୱଦିଗେ

Couplet 35

ସେ ନାଦ ଶୁଣି ଦଶଦିଶେଗୃହ୍ୟକଗଣ ମହାରୋଷେ

Couplet 36

ଧାଇଁଲେ ନାନା-ଶସ୍ତ୍ର ଧରିଚଳନ୍ତେ କମ୍ପେ ବସୁନ୍ଧରୀ

Couplet 37

ଗୃହ୍ୟକଗଣେ ଧ୍ରୁବେ ଚାହିଁନିଜ କୋଦଣ୍ତେ ଗୁଣ ଦେଇ

Couplet 38

ଆକର୍ଣ୍ଣ ଯାଏ ଟାଣି ଗୁଣବିନ୍ଧିଳେ ତିନି ତିନି ବାଣ

Couplet 39

ଧ୍ରୁବର ତୀକ୍ଷ୍ଣ-ବାଣ ବଳେପଡିଲେ ଗୃହ୍ୟକ ସକଳେ

Couplet 40

ଗୃହ୍ୟକଗଣ ଦେଖି ତ୍ରାସେରଣେ ଭାଜିଳେ ଦଶଦିଶେ

Couplet 41

ଅଦ୍ଭୁତ କର୍ମ ଦେଖି ତାରବିଷ୍ଣୁର ତେଜେ ବଳୀୟାର

Couplet 42

କରନ୍ତି ଧନ୍ୟ-ଧନ୍ୟ ବାଣୀଅନନ୍ଦେ ଦେବଲୋକେ ଶୁଣି

Couplet 43

ସେ ବାଣ ସହି ଗୃହ୍ୟଗଣେପୁଣି ମିଳିଲେ ଘୋରରଣେ

Couplet 44

ମନେ ଅନେକ ରୋଷ ଭରିକରେଣ ନାନା-ଶସ୍ତ୍ର ଧରି

Couplet 45

ପାଦ-ମରନ୍ତେ ଅହି ଯେହ୍ନେଧ୍ରୁବକୁ ବେଢ଼ି କୋପମନେ

Couplet 46

ଧ୍ରୁବର ରଥ ବେଗେ ରୁଦ୍ଧିଦ୍ୱିଗୁଣେ ତୀକ୍ଷ୍ଣ ବାଣ ବିନ୍ଧି

Couplet 47

ପରିଘ ଖଡଗ ଆୟୁଧପ୍ରାସ ତୋମର ଶରଯୁଦ୍ଧ

Couplet 48

ଶକ୍ତିଭୂଷଣ୍ତି ରୁଷ୍ଟି ବାଣବେଗେ ବିନ୍ଧିଲେ ଗରୁଟାଣ

Couplet 49

କୋପେ ବିନ୍ଧିଲେ ଅତି ରୁଷ୍ଟେରଥୀ-ସାରଥି ଅଶ୍ୱପୃଷ୍ଠେ

Couplet 50

ଅୟୁତ-ତ୍ରୟୋଦଶ ମିଳିଶବଦେ ବ୍ରହ୍ମାଣ୍ତ ଉଛୁଳି

Couplet 51

ବେଢିଲେ ଅତି-ଅନାୟତ୍ତଛନ୍ନେ ନଦିଶେ ଧ୍ରୁବରଥ

Couplet 52

ଗଗନେ ମିଳି ଦେବଲୋକେକହନ୍ତି ଏକକୁ ଆରକେ

Couplet 53

ଶୁଭଇ ହାହାକାର ବାଣୀଦେବେ ବୋଲନ୍ତି ତାହା ଶୁଣି

Couplet 54

ଦେଖ ଏ ମନୁବଂଶ-ସୁତପ୍ରଚଣ୍ତ ଯେସନେ ଆଦିତ୍ୟ

Couplet 55

ଗୃହ୍ୟକ-ସମୂହେ ବୁଡିଲାଧ୍ରୁବ ନିଶ୍ଚୟେ ନାଶ ଗଲା

Couplet 56

ଗର୍ଜନ୍ତି ଯାତୁଧାନ ଗଣେଧ୍ରୁବ ଯେ ଶୁଣି ତା ଶ୍ରବଣେ

Couplet 57

ସାରଥି ଚାହିଁ ପୁଣ୍ୟଦେହାବୋଇଲା ଉର୍ଦ୍ଧ୍ୱେ ରଥ ବାହା

Couplet 58

ଶୁଣି ସାରଥି ଅତି ବେଗେରଥ ବାହିଲା ଶୂନ୍ୟମାର୍ଗେ

Couplet 59

ନୀହାର ଭେଦି ସୂର୍ଯ୍ୟ ଯେହ୍ନେତେମନ୍ତେ ଦିଶଇ ଗଗନେ

Couplet 60

ଦେଖି ତାହାର ତେଜ ବଳଆନନ୍ଦ ହୋଇଲେ ସକଳ

Couplet 61

ଗଗନେ ରହି ମନୁସୁତବାଣ ବରଷେ ଅପ୍ରମିତ

Couplet 62

ଗୃହ୍ୟକ ବାଣବୃଷ୍ଟି ନାଶେନୀହାର ଯେହ୍ନେ ଚଣ୍ତତ୍ରାସେ

Couplet 63

ପବନ ଯୋଗେ ମେଘମାଳେଯେହ୍ନେ ଉଡନ୍ତି ଅନ୍ତରାଳେ

Couplet 64

ଗୃହ୍ୟକ-ଶସ୍ତ୍ର ନାଶ କରିପୁଣି ବିନ୍ଧଇ ରୋଷଭରି

Couplet 65

ଧ୍ରୁବ-ନାରାଚ ତୀକ୍ଷ୍ଣ-ମୁନେଗୃହ୍ୟକ ପଡିଲେ ସଗଣେ

Couplet 66

ଗୃହ୍ୟକ ଦେହେ ବାଣ ପଡିଶୁଭେ ବି ମେଘ-ଘଡିଘଡି

Couplet 67

ସର୍ବେ ପଡିଲେ ଭୂମିଗତେପର୍ବତ ଯେହ୍ନେ ବଜ୍ରାଘାତେ

Couplet 68

ଶିରେ ଭେଦିଲା ଭଲ୍ଲଶସ୍ତ୍ରବାଣେ ରୁନ୍ଧିତ ନିଜ ଗାତ୍ର

Couplet 69

ଶିରେ ପଡିଲା ଛିଡି ତଳେବିରାଜେ କିରୀଟ କୁଣ୍ତଳେ

Couplet 70

ହୃଦେ ଲମ୍ବିତ ହେମହାରବିରାଜେ ଉଷ୍ଣୀଷ କେୟୂର

Couplet 71

ଶସ୍ତ୍ର-ସମୂହେ ଶଯ୍ୟା କରିବୀରେ ଶୋଇଲେ ପ୍ରାଣହାରି

Couplet 72

ପଡିଲେ ଚଉଦିଗ ମାଡିକେହୁ ପଳାଏ ରଣ ଛାଡି

Couplet 73

ଯେବା ଉବୁରି ଗଲେ ରଣେଭୟେ ଲୁଚିଲେ ଘୋରବନେ

Couplet 74

ସିଂହର ତ୍ରାସେ ଯେହ୍ନେ ମୃଗେଭୟେ ଭାଜିଲେ ଦଶ ଦିଗେ

Couplet 75

ଧ୍ରୁବ ଯେ ଦଶଦିଗେ ଚାହିଁଦେଖଇ ରଣେ କେହି ନାହିଁ

Couplet 76

ବୋଲେ ସାରଥି ମୁଖ ଚାହିଁଏ ପୁରେ ପଶ ରଥ ବାହି

Couplet 77

ଦହନ କରିବି ଅନଳେଯେବା ଅଛନ୍ତି ଗୃହ୍ୟକୁଳେ

Couplet 78

ସର୍ବ ମାରିବି ଭ୍ରାତା-ଛଳେତୁ ଏବେ ରଥ ବାହା ବଳେ

Couplet 79

ଏମନ୍ତ ଧ୍ରୁବ ବାକ୍ୟ ଶୁଣିସାରଥି ମନେମନେ ଗୁଣି

Couplet 80

ଗୃହ୍ୟକ ମାୟାର ପ୍ରମାଣେଏମନ୍ତ ଘୋରନାଦ ଶୁଣେ

Couplet 81

ପ୍ରଳୟ କାଳେ ସିନ୍ଧୁ ଯେହ୍ନେଲହରୀ ଉଛୁଳେ ଗଗନେ

Couplet 82

ପୁଣି ଦେଖଇ ଚାରିଦିଗେଧୂଳି ଉଡଇ ଶୂନ୍ୟମାର୍ଗେ

Couplet 83

ତକ୍ଷଣେ ଘୋର ନାଦ କରିମେଘ ସମୂହ ଶୂନ୍ୟେ ପୂରି

Couplet 84

ବିଜୁଳି ସ୍ଫୃରେ ଦଶଦିଶେବଜ୍ର ଶବଦ ସଙ୍ଗେ ମିଶେ

Couplet 85

ଉଲୁକା ପଡେ କୋଟି କୋଟିରୁଧିର ସଙ୍ଗେ ପୂଜ ବୃଷ୍ଟି

Couplet 86

ମୂତ୍ର ପୁରୀଷ ରେତ ତୂଲେଦୁର୍ଗନ୍ଧେ ଧରଣୀ ପୂରିଳେ

Couplet 87

କବନ୍ଧେ ପଡିଲେ ଆକାଶୁଦିଗେ ପୂରିଲା ଘୋରପାଂଶୁ

Couplet 88

ନିର୍ଘାତେ ଗଗନୁ ପଡନ୍ତିଗଦା ପରିଘ ପନ୍ତିପନ୍ତି

Couplet 89

ମୂଷଳ ସଙ୍ଗେ ବଜ୍ର ପଡିଘୋର ଶବଦ ଘଡଘଡି

Couplet 90

ସର୍ପେ ଧାମନ୍ତି ଫୁ ଫୁ କରିଅନଳ ପ୍ରାୟେ ଚକ୍ଷୁଧାରୀ

Couplet 91

ଗଜେ ଧାମନ୍ତି ଶୁଣ୍ଢ ତୋଳିସିଂହ ଶାର୍ଦ୍ଦୂଳ ସଙ୍ଗେ ମିଳି

Couplet 92

ତକ୍ଷଣେ ସିନ୍ଧୁ ଉଛୁଳିଲାଲହରୀ ଗଗନେ ଲାଗିଲା

Couplet 93

ଭୂମି ପୂରିଲା ମହାଜଳେପ୍ରଚଣ୍ତ-ପବନ ଉଲ୍ଲୋଳେ

Couplet 94

କଳ୍ପାନ୍ତେ ଘୋରନାଦ ଯେହ୍ନେଶବଦ ପୂରିଲା ଗଗନେ

Couplet 95

ଏମନ୍ତେ ନାନା ମାୟା କରିଗୃହ୍ୟକେ ସମର ଆବୋରି

Couplet 96

ମିଳିଲେ ନାନା ଶସ୍ତ୍ର ଘେନିଶବଦେ କମ୍ପାଇ ମେଦିନୀ

Couplet 97

ଧ୍ରୁବ ଉପରେ ମାୟା କରିଗୃହ୍ୟକେ ସନ୍ଧିଲେ ଆବୋରି

Couplet 98

ଗୃହ୍ୟକ-ମାୟା ଦେଖି ବେଗେମୁନି ମିଳିଲେ ଧ୍ରୁବ ଆଗେ

Couplet 99

କଲ୍ୟା-ବାଞ୍ଛା ମନେ ବହିବୋଲନ୍ତି ଧ୍ରୁବ ମୁଖ ଚାହିଁ

Couplet 100

ଶୁଣ ହେ ଉତ୍ତାନ-କୁମରତୋତେ ପ୍ରସନ୍ନ ଚକ୍ରଧର

Couplet 101

ଯେ ହରି ଭବ-ଭୟ ନାଶେଆମ୍ଭେ ତା ଦେଖୁ ତୋର ପାଶେ

Couplet 102

ଯା ନାମ ସ୍ମରି ଅନ୍ତକାଳେପ୍ରାଣୀ ତରନ୍ତି ଅବହେଳେ

Couplet 103

ସେ ହରି ନାମ ତୁ ସୁମରଗୃହ୍ୟକ ମାୟାକୁ ସଂହର

Couplet 104

ଏମନ୍ତେ ମୁନିଙ୍କର ବୋଲେରଥ ତୋଳିଲା ଅନ୍ତରାଳେ

Couplet 105

ଶୁଣ ସୁଜନେ ହରି କଥାହରି ନ ସହେ ଭୃତ୍ୟବ୍ୟଥା

Couplet 106

କହଇ ଦାସ ଜଗନ୍ନାଥସୁଜନେ ହରି ପଦେ ଚିନ୍ତ