Adhyaya 11

Couplet 1

ଶୁଣ ବିଦୁର ତୋଷମନେଧ୍ରୁବ ସମୀପେ ବୃନ୍ଦାବନେ

Couplet 2

ପ୍ରସନ୍ନେ କମଳା-ରମଣବୋଇଲେ ଧ୍ରୁବ ଏବେ ଶୁଣ

Couplet 3

ତୋ ଜନ୍ମ ସ୍ୱାୟମ୍ବୁବ ଘରେଉତ୍ତାନପାଦର ବୀର୍ଯ୍ୟରେ

Couplet 4

ଦେବେ ବାଞ୍ଛନ୍ତି ସ୍ୱର୍ଗେ ଯାହାତୁ ତା ଲଭିଲୁ ପୁଣ୍ୟଦେହା

Couplet 5

ଏବେ ତୁ ନିଜପୁରେ ଚଳଚିତ୍ତେ ଆରାଧି ମୋର ବୋଲ

Couplet 6

ମାତୃ-ସପତ୍ନୀର ବଚନେତପ ତୁ କଲୁ ବୃନ୍ଦାବନେ

Couplet 7

ଅତି-ବାଳକ ଦେହବହିକୁବାକ୍ୟ ନ ପାରିଲୁ ସହି

Couplet 8

ପିତାର ଅଙ୍କେ ଆରୋହନ୍ତେମାତା ଯେ ନିବାରିଲା ତୋତେ

Couplet 9

ସେ ଅପମାନେ ଦୁଃଖମନେଏବେ ବସିବୁ ସ୍ୱର୍ଗସ୍ଥାନେ

Couplet 10

ତୋ ଭାଗ୍ୟ ନ ପାଇବେ କେହିମଞ୍ଚେ ମାନବ ଦେହ ବହି

Couplet 11

ତୋ ତାତ ଯେବେ ଯିବେ ବନେବସିବୁ ନୃପତି ଆସନେ

Couplet 12

ତୋହର ପରମ-ଆୟୁଷଛତିଶ ସହସ୍ର ବରଷ

Couplet 13

ନୀରୋଗ ଦେହେ ଭୋଗ ଭୁଞ୍ଜିସ୍ୱତେଜେ ରିପୁବଳ ଗଞ୍ଜି

Couplet 14

ଉତ୍ତମ ତୋର ସାନ ଭ୍ରାତବନେ ହୋଇବ ପ୍ରାଣେ ହତ

Couplet 15

ମୃଗୟା ଅର୍ଥେ ଘୋରବନେମିଳିବ କୁବର ଭୁବନେ

Couplet 16

ପୁଣ୍ୟଜନଙ୍କ ସଙ୍ଗେ ମିଳିଯୁଦ୍ଧେ ହାରିବ ମହାବଳୀ

Couplet 17

ତହିଁ ହୋଇବ ପ୍ରାଣେ ହତତା ଶୁଣି ତାର ନିଜମାତ

Couplet 18

ସେ ପୁତ୍ର ଶୋକର ବିକଳେବନେ ମରିବ ଦାବାନଳେ

Couplet 19

ତୁ ମୋତେ ଯଜ୍ଞେ କରି ପୂଜାଦେବଙ୍କୁ ଦେଇ ବଳି ଭୋଜା

Couplet 20

ବିପ୍ରଙ୍କୁ କରି ତୋଷମନଗୋରୁ ଦକ୍ଷିଣା ଧନ ଅନ୍ନ

Couplet 21

ବିପ୍ରଙ୍କ କଲ୍ୟାଣର ଫଳେମୋତେ ସ୍ମରିବୁ ଅନ୍ତଃକାଳେ

Couplet 22

ମୋହର ଧ୍ୟାନେ ସ୍ୱର୍ଗପଥେଗମିବୁ ଜନନୀ ସହିତେ

Couplet 23

ସପ୍ତଋଷିଙ୍କ ଉଦ୍ଧ୍ୱର୍ଗତେଜନନୀ ସଙ୍ଗେ ଦିବ୍ୟରଥେ

Couplet 24

ବସିବୁ ଶିଶୁମାରପୁଚ୍ଛେଉତ୍ତରଦିଗେ ତୁ ପ୍ରତ୍ୟକ୍ଷେ

Couplet 25

ଏମନ୍ତ କହି ଭଗବାନବନେ ହୋଇଲେ ଅନ୍ତର୍ଦ୍ଧାନ

Couplet 26

ବିଷ୍ଣୁ ନ ଦେଖି ବୃନ୍ଦାବନେଧ୍ରୁବ ଭାଳଇ ମନ ଛନ୍ନେ

Couplet 27

ଦେଖ ଅଭାଗ୍ୟ କର୍ମ ମୋରତପେ ତୋଷିଲି ଚକ୍ରଧର

Couplet 28

ଜନନୀ-ସପତ୍ନୀର ଛଳେମୋକ୍ଷ ନ ମାଗିବିଷ୍ଣୁ ତୁଲେ

Couplet 29

ଲଭିଲି ଧ୍ରୁବ-ଅଧିକାରଧିକ ଏ ଜୀବନ ମୋହର

Couplet 30

ଏମନ୍ତ ମନେ ବିଚାରିଲାତକ୍ଷଣେ ନିଜପୁରେ ଗଲା

Couplet 31

ମୈତ୍ରେୟ ତହୁଁ ଏହାଶୁଣିବିଦୁର ପଚାରଇ ପୁଣି

Couplet 32

ଯେ ହରି ପରମ-ଦୁର୍ଲଭଲଭି ନ ପାରେ ବ୍ରହ୍ମାଶିବ

Couplet 33

ସେ ହରି ତହୁଁ ବରପାଇଘୋର-ମାୟାରେ ମନ ମୋହି

Couplet 34

ଆତ୍ମାର ଗତି ନ ମାଗିଲାମୋତେ ତ ସନ୍ଦେହ ଲାଗିଲା

Couplet 35

ବିଦୁରତହୁଁ ଏହା ଶୁଣିତୋଷେ ମୈତ୍ରେୟ କହେପୁଣି

Couplet 36

ମାତୃ-ସପତ୍ନୀ ବାକ୍ୟ-ଶରେମର୍ମ ଭେଦିଲା ତା ଶରୀରେ

Couplet 37

ମୁକ୍ତି ନ ଇଚ୍ଛି ବିଷ୍ଣୁ ତୋଷେପଛେ ତାପିଲା ଦୁଃଖତ୍ରାସେ

Couplet 38

ସନକ ଆଦି ସୁନିଜନେଅଷ୍ଟାଙ୍ଗ-ଯୋଗ ଅଭ୍ୟାସନେ

Couplet 39

ନିଶ୍ଚଳ-ଧ୍ୟାନେ ନିତ୍ୟେ ଚିନ୍ତିଯେ ପଦ ଲଭି ନ ପାରନ୍ତି

Couplet 40

ସେ ପଦ ହସ୍ତୁ ପକାଇଲିଦେଖ ଅଜ୍ଞାନପଣ କଲି

Couplet 41

କଳ୍ପ-ପାଦପ-ଛାୟା ତେଜିନିରାଶ ପଥେ ଚକ୍ଷୁ ବୁଜି

Couplet 42

ଧାଇଁଳି ତୃଷିତ-ବଦନଧିକ ଏ ମୋହର ଜୀବନ

Couplet 43

ଏମନ୍ତେ ମନ ଦୁଃଖ କରିଧ୍ରୁବ ମିଳିଲା ନିଜ-ପୁରୀ

Couplet 44

ପଥେ ଧ୍ରୁବକୁ ଦେଖି ଜନେମିଳିଲେ ଧ୍ରୁବ ସନ୍ନିଧାନେ

Couplet 45

କେତେହେଁ ଜନ ବେଗେ ଧାଇଁକହିଲେ ରାଜା ଆଗେ ଯାଇ

Couplet 46

ଭୋ ନାଥ ଶୁଣ ସାବଧାନେଧ୍ରୁବ ମିଳିଲେ ଉପବନେ

Couplet 47

ନିଧି ପ୍ରାପତ ପ୍ରାୟ ମଣିସଂଭ୍ରମ ଚିତ୍ତେ ନୃପମଣି

Couplet 48

ଦକ୍ଷଣେ ଆସନୁ ଉଠିଲାଆନନ୍ଦ-ସାଗରେ ବୁଡିଲା

Couplet 49

କାନ୍ଦଇ କଣ୍ଠ-ଗଦଗଦେତକ୍ଷଣେ ମିଳିଲେ ନାରଦେ

Couplet 50

ସଂଭ୍ରମେ ରାଜା ମୁଖ ଚାହିଁଧ୍ରୁବ-ଆଗମ କଥା କହି

Couplet 51

ଶୁଣି ସାନନ୍ଦେ ନୃପବରନାରଦ-କଣ୍ଠେ ଦେଲା ହାର

Couplet 52

ସୁବର୍ଣ୍ଣ ପରିଚ୍ଛଦ ରଥେବେଗେ ଚଳିଲା ରାଜପଥେ

Couplet 53

ସଙ୍ଗେ ବ୍ରାହ୍ମଣ କୁଳବୁଦ୍ଧେସ୍ୱଜ୍ଞାତି କୁଟୁମ୍ବ ସୁହୃଦେ

Couplet 54

ଅମାତ୍ୟ-ମନ୍ତ୍ରୀକୁଳ ଯେତେଧାଇଁଲେ ବାଦ୍ୟ-ବନାଦ-ଗୀତେ

Couplet 55

ସୁନୀତି ସୁରୁଚି ସହିତେନାନା ଅଳଙ୍କାର ଭୂଷିତେ

Couplet 56

ସୁବର୍ଣ୍ଣ-ଶିବିକା ଆରୋହୀଉତ୍ତମ-ପୁତ୍ରେ ସଙ୍ଗେ ନେଇ

Couplet 57

ଧ୍ରୁବକୁ ଦେଖି ଉପବନେଆନନ୍ଦେ ବିସ୍ମିତ-ଲୋଚନେ

Couplet 58

ରଥୁଁ ଓହ୍ଲାଇ ରାଜା ବେଗେଆନନ୍ଦେ ପୁତ୍ର-ଅନୁରେଗେ

Couplet 59

ପୁତ୍ରକୁ ଆଲିଙ୍ଗନ କଲାଯେଣୁ ଅଶେଷ-ପୁଣ୍ୟ ଥିଲା

Couplet 60

ଯେ ଧ୍ରୁବ ବିଷ୍ଣୁ-ଅଙ୍ଗସଙ୍ଗେଅଶେଷ-ତୀର୍ଥ ଯାର ଅଙ୍ଗେ

Couplet 61

ଆଘ୍ରାଣ କରି ଶିର ଦେଶେହୃଦେ ଲଗାଇ ଅତି ତୋଷେ

Couplet 62

ଶିରେ ସିିଞ୍ଚିଲା ଅଶ୍ରୁବାରିହୃଦୟେ ପୁଣପୁଣ ଧରି

Couplet 63

ପିତା ଚରଣେ ଧ୍ରୁବ ନମିବାଳ ସ୍ୱାଭାବେ ପଥଶ୍ରମୀ

Couplet 64

ସୁରୁଚି ସୁନୀତିର ପାଦେଧ୍ରୁବ ପ୍ରଣମଇଁ ଆନନ୍ଦେ

Couplet 65

ଜନନୀ ପୁତ୍ରମୁଖ ଚାହିଁହରଷ କେ ପାରିବ କହି

Couplet 66

ସୁରୁଚି ଧ୍ରୁବେ ଧରି କୋଳେଚୁମ୍ବନ ଦେଲା ସୁଖଭୋଳେ

Couplet 67

ସୁନୀତି ପୁତ୍ର କୋଳେ ଧରିଅଶ୍ରୁ ଗଳଇ ମୋଦଭରି

Couplet 68

ଜନେ କରନ୍ତି ଭୟ ବାଣୀଧ୍ରୁବକୁ ଘେନି ନୃପମଣି

Couplet 69

ମିଳିଲେ ନିଜପୁରେ ଆସିଧ୍ରୁବ ମହିମା ପରଶଂସି

Couplet 70

ଧ୍ରୁବ ପ୍ରବେଶେ ପୁରଜନେଆନନ୍ଦେ ଯେ ଯାହା ଭୁବେନ

Couplet 71

ଉତ୍ସବ ଅନେକ ପ୍ରକାରେପ୍ରଦୀପ-ପୂର୍ଣ୍ଣ-କୁମ୍ଭ ଦ୍ୱାରେ

Couplet 72

ପ୍ରାଚୀର ଅଟ୍ଟାଳୀ ସମେତଚିତ୍ର ପ୍ରତିମା ରତ୍ନକାନ୍ଥେ

Couplet 73

ତୋରଣା ଲମ୍ବେ ସର୍ବଦ୍ୱାରେଚନ୍ଦନ-ଛେରା ନିରନ୍ତରେ

Couplet 74

ସ୍ୱଭାବେ ପ୍ରିୟବ୍ରତ-ପୁରକି ଅବା ଦେବା ପଟ୍ଟାନ୍ତର

Couplet 75

ସକଳ ପୁର-ନାରୀବୃନ୍ଦେଧ୍ରୁବକୁ ଦେଖିଣ ଆନନ୍ଦେ

Couplet 76

ଗନ୍ଧ-ଚନ୍ଦନ ବାସ-ପାଣିଦୂର୍ବା ଅକ୍ଷତ ପୁଷ୍ପ ଆଣି

Couplet 77

ଅକ୍ଷତ ଦେଇ ଧ୍ରୁବ ମୁଣ୍ତେଜୟ ଶବଦ କଲେ ତୁଣ୍ତେ

Couplet 78

ଏମନ୍ତେ ନାନା-ଉପାୟନଘେନି ସମସ୍ତ ମହାଜନ

Couplet 79

ଏମନ୍ତ ମଙ୍ଗଳ ଉତ୍ସବସକଳ ଜନ ପ୍ରିୟଭାବ

Couplet 80

ଧ୍ରୁବ ପ୍ରବେଶ ନିଜ ପୁରେକାମିନୀ ଗାବନ୍ତି ସୁସ୍ୱରେ

Couplet 81

ପୁରେ ପ୍ରବେଶ ରାଜସୁତଦେଖି ସକଳେ କୃତକୃତ୍ୟ

Couplet 82

ଶଙ୍ଖ ଦୁନ୍ଦୁଭି ଗୀତସ୍ୱରେମଙ୍ଗଳ ନାଦେ ଦିଗ ପୂରେ

Couplet 83

ଯେ ଧ୍ରୁବ ହରି ଅଙ୍ଗ ସଙ୍ଗେଅଶେଷ-ଲକ୍ଷ୍ମୀ ଶୋହେ ଅଙ୍ଗେ

Couplet 84

ଯେ ଧ୍ରୁବ ଚରଣ କମଳେସୁଜନେ ନମ ଧ୍ୟାନବଳେ

Couplet 85

ଯାର ସ୍ମରଣେ ପାପ ନାଶେନିର୍ମଳ ଜ୍ଞାନ ପରକାଶେ

Couplet 86

ଚତୁର୍ଥ ସ୍କନ୍ଧେ ଭାଗବତକହିଲା ଦାସ ଜଗନ୍ନାଥ