Adhyaya 9

Couplet 1

ଭୋ ନାଥ ତୋ’ର ଗତି ମୁହିଁଜାଣିଲି ତୋ’ର ଭାବ ବହି

Couplet 2

ଏ ଜୀବ ତୋ’ର ମାୟାବର୍ତ୍ତୀକାହୁଁ ଜାଣିବେ ତୋ’ର ଗତି

Couplet 3

ଦୃଶ୍ୟ ଅଦୃଶ୍ୟ ତୋ’ର ଭାବଏ ଘେନି ତୋତେ କେ ଜାଣିବ

Couplet 4

ମାୟାର ପରେ ତୋ’ର ବାସନିତ୍ୟ ନିରଞ୍ଜନ ପ୍ରକାଶ

Couplet 5

ସଦନୁଗ୍ରହେ ବନମାଳୀତୁ ନାଥ ମାୟା ସଙ୍ଗେ ମିଳି

Couplet 6

ତୋ’ର ଏ ରୂପ ନାରାୟଣଶତ-ଅବତାର କାରଣ

Couplet 7

ତୋ’ ନାଭିକମଳୁ ମୁଁ ଜାତସ୍ୱଭାବେ ଅବିକାର-ତତ୍ତ୍ବ

Couplet 8

ତୋ’ ରୂପ ଦେଖିଲି ଲୋଚନେଏ ଲାଭୁଁ ଲାଭ ନାହିଁ ଅନ୍ୟେ

Couplet 9

ଆନନ୍ଦରୂପ ତୋ’ ଶରୀରଅବିଦ୍ଧତେଜ ରୂପ ତୋ’ର

Couplet 10

ତୁ ବିଶ୍ୱସୃଷ୍ଟି-ମୂଳ ଏକତୋ’ ତହୁଁ ପ୍ରକାଶ ଅନେକ

Couplet 11

ଭୂତ ଇନ୍ଦ୍ରିୟ ଆତ୍ମା ତୁହିତୋ’ ପାଦେ ଆଶ୍ରେ କଲି ମୁହିଁ

Couplet 12

ତୁ ସେ ସଂସାର ଆଦିମୂଳତୋ’ ରୂପ ଭୁବନମଙ୍ଗଳ

Couplet 13

ଧାରଣା ଧ୍ୟାନେ ମନ ଦେଇପ୍ରାଣୀ ତରନ୍ତି ଯାହା ଧ୍ୟାୟି

Couplet 14

ତୋ ଅନୁଭାବେ ଭବ-ତମହରଇ ପୁରୁଷଉତ୍ତମ

Couplet 15

ଶ୍ରୀବାସୁଦେବ ନମୋସ୍ତୁତେମନବଚନ ଜ୍ଞାନମତେ

Couplet 16

ଯେ ତୋତେ ଅନାଦର କରେନରକମାର୍ଗେ ସେ ସଞ୍ଚରେ

Couplet 17

ଅନିତ୍ୟ ସଙ୍ଗେ ତା’ର ବାସତୋ’ ଭାବେ ହୋନ୍ତି ସେ ନିରାଶ

Couplet 18

ତୋ’ ପାଦପଦ୍ମ-ଗନ୍ଧ ଯା’ରଆଘ୍ରାଣ କରେ ନାସାଦ୍ୱାର

Couplet 19

ଶ୍ରୁତିଯୁଗଳେ ନାମ ଶୁଣେଯେ ଅବା ଜିହ୍ୱାଗ୍ରତେ ଗୁଣେ

Couplet 20

ପରମଭକ୍ତି ଯୋଗବଳେଯେ ନମେ ତୋ’ ପାଦକମଳେ

Couplet 21

ତା ହୃଦପଦ୍ମ ମଧ୍ୟେ ଥାଉକେବେହେଁ କେଣିକି ନ ଯାଉ

Couplet 22

ଏ ଭବଭୟ-ଧନ-ମୋହସୁହୃଦ-ଶୋକ-ବନ୍ଧୁସ୍ନେହ

Couplet 23

ସନ୍ତତି ଜାୟା ଜାତିକୁଳଏ ସର୍ବ ଆପଦର ମୂଳ

Couplet 24

ଯାବତ ତୋ’ ପାଦକମଳେଯେ ପ୍ରାଣୀ ନ ରହେ ନିଶ୍ଚଳେ

Couplet 25

ସେ କାହିଁ ଏ ଭୟ ତରିବଯେବେ ନ ଜାଣେ ତୋ’ର ଭାବ

Couplet 26

ଏ ଭବଭୟ ତେବେ ନାଶେତୋ’ ସଙ୍ଗୀସଙ୍ଗେ ଯେବେ ମିଶେ

Couplet 27

ତା’ ଛାଡ଼ି ଇନ୍ଦ୍ରିୟ-ଲାଳସେକ୍ଷଣିକ ସୁଖଲେଶ ଆଶେ

Couplet 28

ଯତ୍ନ କରନ୍ତି ଅବିରତେତୋ’ ମାୟା ତରିବେ କେମନ୍ତେ

Couplet 29

କ୍ଷୁଧା ପିପାସା ମାର୍ଗେ ଭ୍ରମିଆଶା ବନ୍ଧନେ ପଥଶ୍ରମି

Couplet 30

ଶୀତ ନିଦାଘ ବାତ ବୃଷ୍ଟିଏଣେ ଭ୍ରମନ୍ତି ପ୍ରାଣୀ ଫୁଟି

Couplet 31

ଦୁର୍ଜୟ-କାମାନଳ ଦହେକେବେହେଁ ତୋ’ପାଦେ ନ ରହେ

Couplet 32

ଏ ଦୁଃଖ ଦେଖି ମୋର ମନଭୟେ କମ୍ପଇ ଭଗବାନ

Couplet 33

ଯାବତ ଏ ମାୟା ଗହନେମନ କଳ୍ପଇ ଭିନ୍ନେଭିନ୍ନେ

Couplet 34

ଇନ୍ଦ୍ରିୟ ଅର୍ଥେ ଚିତ୍ତ ଜଡେ଼ଘୋର ସଙ୍କଟ ଦୁଃଖେ ପଡେ଼

Couplet 35

ତାବତ ସଂସାର ନ ତୁଟେସଞ୍ଚରି ପୁଣି ପୁଣି ଫୁଟେ

Couplet 36

ଏ ବେନିଲୋକ ସୁଖ ଅର୍ଥେପୁଣି ଭ୍ରମନ୍ତି ସୃଷ୍ଟି ପଥେ

Couplet 37

ଦୁଃଖ-ସମୁଦ୍ରେ ପୁଣି ଭାସେଯତ୍ନ ନ କରେ ସୁଖଲେଶେ

Couplet 38

ଭୂତ ଭବିଷ୍ୟେ ଆଶା କରିସର୍ବବିଷୟ ଚିତ୍ତେ ଭରି

Couplet 39

ରାତ୍ରେ ନିଦ୍ରିତ ହୋଇ ଯେବେସ୍ୱପ୍ନେ କଳ୍ପିତ ନାନାଭାବେ

Couplet 40

ତେଣୁ ପ୍ରାଣୀଙ୍କ ସୁଖଲେଶନ ଥାଇ କ୍ଳେଶ ମାତ୍ରଶେଷ

Couplet 41

ଭ୍ରମଇଁ ମୁନିଙ୍କର ମନତୋ’ ମାୟାବଳେ ଭଗବାନ

Couplet 42

ଏଣୁ ତୋ’ ପାଦେ ଯେ ବିମୁଖଇହ ସଂସାରେ ଲଭେ ଦୁଃଖ

Couplet 43

ଶ୍ରବଣ ତୋ’ ନାମ ଯାହାରତୁ ପୁଣି ତାହାର ଗୋଚର

Couplet 44

ତୋ’ ଭକ୍ତିଭାବେ ଯେ ଭାବିତତା’ ହୃଦପଦ୍ମେ ତୁ ଉଦିତ

Couplet 45

ସକଳ ଜୀବେ ତୋ’ ବିହାରତୁ ପୁଣି ତୋତେ ଅଗୋଚର

Couplet 46

ଯେ ଯେତେଭାବେ ତୋତେ ଭାବେତୋ’ ଅନୁଗ୍ରହେ ସୁଖଲଭେ

Couplet 47

ନାନା ପ୍ରକାରେ ଉପଚାରେତୋ’ ଆରାଧନା ଯେବା କରେ

Couplet 48

ତୁ ପୁଣି ତେଣେ ବଶ ନୋହୁସକଳ ହୃଦୟରେ ଥାଉ

Couplet 49

ନିଷ୍କାମ ଯୋଗେ ତୁ ସୁଲଭସକାମ-ଭକ୍ତିରେ ଦୁର୍ଲଭ

Couplet 50

ଯେ ସର୍ବଭୂତେ ଦୟା ଚିନ୍ତିତା’ ସମ ତ୍ରିଦଶେ ନୁହଁନ୍ତି

Couplet 51

ଯେ ତୋତେ ଶୁଦ୍ଧଭାବେ ଚିନ୍ତିନିଶ୍ଚିନ୍ତେ ତୋ’ ପାଦେ ପଶନ୍ତି

Couplet 52

ତୁ ପୁଣି ସର୍ବଜନ୍ତୁ ଦେହେପ୍ରକାଶୁ ଆଦିତ୍ୟର ପ୍ରାୟେ

Couplet 53

ଏକୁ ଅନେକ ତୋ’ ପ୍ରକାଶପ୍ରସନ୍ନ ଯେସନେ ଆକାଶ

Couplet 54

ସର୍ବ ସୁହୃଦ ଅନ୍ତରାତ୍ମାକେ ଲକ୍ଷିପାରେ ତୋ’ ମହିମା

Couplet 55

ପ୍ରାଣୀଙ୍କ ମନ-କର୍ମବଳେଦଣ୍ତେହେଁ ନ ରହେ ନିଶ୍ଚଳେ

Couplet 56

ଆରାଧି ନାନା ତପ ବ୍ରତେସୁକୃତ-ଫଳ ଦେଇ ତୋତେ

Couplet 57

ବେଗେ ହୁଅନ୍ତି ଭବୁ ପାରନୋହିଲେ ଭ୍ରମନ୍ତି ସଂସାର

Couplet 58

ତୋ’ର ସ୍ୱରୂପ ନିତ୍ୟେ ଚିନ୍ତିଘୋର ସଂସାରୁ ତରିଯା’ନ୍ତି

Couplet 59

ବିଶ୍ୱ ଉତ୍ପତ୍ତି-ସ୍ଥିତି-ନାଶତୋ’ ମାୟା-ଲୀଳାରୁ ପ୍ରକାଶ

Couplet 60

ଏମନ୍ତ ମହିମା ତୋହରଭୋ ଦେବ ତୋତେ ନମସ୍କାର

Couplet 61

ତୋ’ ଅବତାର ଗୁଣ କର୍ମସେ ଅନୁରୂପେ ଯେବା ନାମ

Couplet 62

ମରଣେ ଗୁଣନ୍ତି ଯେ ମୁଖେବେଗେ ତରନ୍ତି ମହାସୁଖେ

Couplet 63

ଅନେକ ଜନ୍ମ ଜରା ଭ୍ରାନ୍ତିନିର୍ଭୟେ ବେଗେ ସେ ତରନ୍ତି

Couplet 64

ଅମୃତ ଲଭି ଅପ୍ରମାଦେସୁଖେ ଲଭନ୍ତି ମୋକ୍ଷପଦେ

Couplet 65

ଏମନ୍ତ ପ୍ରଭୁ ପାଦତଳେଶରଣ ପଶିଲି ନିଶ୍ଚଳେ

Couplet 66

ତୁ ନାଥ ପରମମଙ୍ଗଳଉଦ୍ଭବ-ସ୍ଥିତି-ଅନ୍ତଃମୂଳ

Couplet 67

ଭୁବନଦ୍ରୁମ ତୋ’ ମହିମାକେ ଜାଣିପାରେ ଅନ୍ତଃସୀମା

Couplet 68

ମୁଁ ଆଦିଭବ ବିଷ୍ଣୁ ତିନିତାଳ ସ୍ୱରୂପେ ଯହିଁ ମାନି

Couplet 69

ମରୀଚି ମନୁ ଆଦି ଯେତେଏ ସର୍ବଶାଖା ଅପ୍ରମିତେ

Couplet 70

ଏମନ୍ତ ବୃକ୍ଷରୂପ ତୋ’ରତୋ’ ପାଦେ ମୋ’ର ନମସ୍କାର

Couplet 71

ଏ ଜୀବଲୋକ ଅବିରତବିକାର-ମାର୍ଗେ ସୁଜଡ଼ିତ

Couplet 72

ଭାବଇ ଅକୁଶଳ କର୍ମନିତ୍ୟେ କଳ୍ପଇ ନିଜଭ୍ରମ

Couplet 73

ପ୍ରମତ୍ତ ନାନା ଫଳ ଲାଭେତୋହର ଭଜନ ପ୍ରସ୍ତାବେ

Couplet 74

ତା’ର ଜୀବନ ଆଶା ତୁହିକ୍ଷଣକେ ଛେଦୁ ଭାବଗ୍ରାହୀ

Couplet 75

ଏମନ୍ତ ପ୍ରଭୁ ପାଦଗତେମୋ’ ନମସ୍କାର ଅବିରତେ

Couplet 76

ଭୋ ନାଥ ଜୀବନ ମୋହରବେନିପରାର୍ଦ୍ଧ ଅଧିକାର

Couplet 77

ସକଳ ଲୋକ ନମସ୍କୃତସପ୍ତମଣ୍ତଳ ପରେସ୍ଥିତ

Couplet 78

ଅନେକ ତପେ ଅଧିକାରୀତୋ’ କାଳରୂପେ ତେବେ ଡରି

Couplet 79

ତୁ ଅଧିଯଜ୍ଞ ଦାମୋଦରତୋ’ ପାଦେ ମୋର ନମସ୍କାର

Couplet 80

ପଶୁ ମନୁଷ୍ୟ ଦେବଦେହେସମ୍ଭବି ତୁ ଲୋକ ସଂଗ୍ରହେ

Couplet 81

ଇଚ୍ଛାୟେ କରୁ ନାନାକର୍ମନମସ୍ତେ ପୁରୁଷଉତ୍ତମ

Couplet 82

ଯେ ନିଦ୍ରାଗତି ପଞ୍ଚବୃତ୍ତିତୁରୀୟ ସ୍ୱପ୍ନ ଯେ ସୁଷୁପ୍ତି

Couplet 83

ଅବିଦ୍ୟା-ନିଦ୍ରାର କାରଣତୁ ନୋହୁ ତାହାର ଅଧୀନ

Couplet 84

ତଥାପି ନିଦ୍ରାଗଲା ପରିଲୋକ ସଂସାର ପେଟେ ଭରି

Couplet 85

ଜୀବଙ୍କୁ ଦେବାକୁ ବିଶ୍ରାମପ୍ରଳୟ ଜଳେ ତୋ’ ଶୟନ

Couplet 86

ତ୍ରିଲୋକ-ଉପକାର ସଧେମୋ’ ଜନ୍ମ ତୋ’ର ନାଭିପଦ୍ମେ

Couplet 87

ଏ ଯୋଗମାୟା ଅବସାନନମସ୍ତେ ନଳିନ ନୟନ

Couplet 88

ଜୟତୁ ପ୍ରଭୁ ଭଗବାନଅଶେଷ ଜନ୍ତୁଙ୍କ ଜୀବନ

Couplet 89

ତୋ’ର ଆଦେଶ ଶିରେ ଧରିମୁଁ ଏ ସଂସାରେ ଅଧିକାରୀ

Couplet 90

ଯେ ଜ୍ଞାନ-ଅଇଶ୍ୱର୍ଯ୍ୟ ବଳୁତୁହି ସଂସାର ସୃଜି ପାଳୁ

Couplet 91

ଯେ ଜ୍ଞାନ ଦିଅ ଅନୁଗ୍ରହେସୃଷ୍ଟି କରିବି ପୂର୍ବ ପ୍ରାୟେ

Couplet 92

ଭୋ ନାଥ ପରମପୁରୁଷଏ ଆତ୍ମାଶକ୍ତି ତୋ’ ବିଶ୍ୱାସ

Couplet 93

ଗୁଣ-ଗୃହୀତ ଅବତାରେଯେ ଅବା କରୁ ତୁ ସଂସାରେ

Couplet 94

ସେ ଗୁଣ ଘେନି ସୃଷ୍ଟିଅର୍ଥେଯେ ଅବା ହୋଇବ ଯେମନ୍ତେ

Couplet 95

ସର୍ଜିବି ଆତ୍ମା ଯୋଗବଳେମୋ’ ଚିତ୍ତ ଯେମନ୍ତେ ନିଶ୍ଚଳେ

Couplet 96

ତୋ’ର ଚରଣେ ଦୃଢ଼ ହୋଏଭୋ ନାଥ କର ଏ ଉପାୟେ

Couplet 97

ଦୁର୍ଗମ ଏ ପ୍ରଳୟ ଜଳେମୁଁ ଜାତ ତୋ’ ନାଭିକମଳେ

Couplet 98

ବିଜ୍ଞାନ ଶକ୍ତି ଯେଣୁ ବହୁତେଣୁ ଅନନ୍ତ ତୁ ବୋଲାଉ

Couplet 99

ସଂଭ୍ରମେ ପଦ୍ମନାଳେ ମୁହିଁଭ୍ରମନ୍ତେ ତୋ’ର ମାୟାବହି

Couplet 100

ଦେଖିଲି ତୋ’ ପରମରୂପଯେ ରୂପ ନିଗମ-ସଙ୍କଳ୍ପ

Couplet 101

ସର୍ଜୁ ବିଚିତ୍ର ବିଶ୍ୱରୂପମୋ’ ବ୍ରହ୍ମତେଜ ନୋହୁ ଲୋପ

Couplet 102

ଅଶେଷ କରୁଣାସାଗରଭୋ ନାଥ ମହିମା ତୋହର

Couplet 103

ରଙ୍ଗ ଅଧରେ ମନ୍ଦହାସଦେଖାଇ ମୋର ମନ ତୋଷ

Couplet 104

ଏ ବିଶ୍ୱସଂସାର କୁଶଳେମୁଁ ଯେଣୁ ଅଛି ମହାଜଳେ

Couplet 105

ସୃଷ୍ଟି କଳ୍ପନା ଚିନ୍ତା ଅର୍ଥେମୁହିଁ ଭାଳଇ ଅବିରତେ

Couplet 106

ତୁ ନାଥ ମଧୁର-ବଚନେଚିନ୍ତା ନିବାର ମୋର ମନେ

Couplet 107

ଏମନ୍ତେ ସଂଭ୍ରମ-ବଚନେତପ ସମାଧି ଯୋଗଧ୍ୟାନେ

Couplet 108

ନିର୍ମଳ ଦିବ୍ୟ-ଅନୁଭବେନିଗମ ବଚନ ପ୍ରସ୍ତାବେ

Couplet 109

ନାନା ପ୍ରକାରେ କରି ସ୍ତୁତିମନ-ବଚନେ ଯେତେ ଶକ୍ତି

Couplet 110

ଅନ୍ତେ ଗୋବିନ୍ଦ-ଭାବ ଘେନିସେ ପଦ୍ମ ମଧ୍ୟେ ହେଲା ତୁନି

Couplet 111

ଏମନ୍ତେ ବ୍ରହ୍ମା ମନ ଜାଣିଦୟାସାଗର ଚକ୍ରପାଣି

Couplet 112

ବିଷାଦ ଚିତ୍ତେ ସେ ଭାଳଇପ୍ରଳୟ ଜଳ ମଧ୍ୟେ ଥାଇ

Couplet 113

ଲୋକ ସଂସ୍ଥାନ ଚିନ୍ତାକରିଭାଳଇ ଖେଦ ମନେ ଧରି

Couplet 114

ସେ ଚିତ୍ତ ଜାଣି ଭଗବାନକୋମଳ ଗଭୀର ବଚନ

Couplet 115

ବ୍ରହ୍ମାର ମନ ଖେଦ ହରିକହନ୍ତି ପ୍ରଭୁ ଦଇତାରି

Couplet 116

ହେ ବେଦଗର୍ଭ ସୃଷ୍ଟିମୁଖବେଗେ ତୁ ଛାଡ଼ ମନଦୁଃଖ

Couplet 117

ତୁ ଯେ କଳ୍ପିତେ ମାଗୁ ଯାହାଆଗେ ମୁଁ କରିଅଛି ତାହା

Couplet 118

ତୁ ଏବେ ତପେ କର ଆଶାମୋ’ ବିଦ୍ୟାବଳ ତୋ’ ଭରସା

Couplet 119

ଏ ତପ-ଯୋଗବିଦ୍ୟା ବଳେସୃଷ୍ଟି ତୁ କର ମହାଜଳେ

Couplet 120

ଆତ୍ମା ନିଯୋଗେ ଭକ୍ତି କରଯେ ରୂପେ ହୋଇବ ସଂସାର

Couplet 121

ସର୍ବ ଦେଖିବୁ ମୋର ଦେହେମୋତେ ଦେଖିବୁ ସର୍ବମୟେ

Couplet 122

ମୁଁ ବସେ ସର୍ବପ୍ରାଣୀ ମନେଇନ୍ଧନ ମଧ୍ୟେ ଅଗ୍ନି ଯେହ୍ନେ

Couplet 123

ମୋତେ ଯେ ଦେଖେ ବେଦବରତା’ର ସଂଶୟ ଯାଇ ଦୂର

Couplet 124

ଭୂତ-ଇନ୍ଦ୍ରିୟ-ଗୁଣ ମେଳେଅନ୍ତଃକରଣ ସୁନିଶ୍ଚଳେ

Couplet 125

ଯେବେ ଦେଖଇ ଦେହେ ମୋତେସ୍ୱରାଜ୍ୟେ ରହଇ ନିଶ୍ଚିନ୍ତେ

Couplet 126

କର୍ମ ବିଭାଗେ ନାନାମତେଏ ସୃଷ୍ଟି ସର୍ଜିବୁ ଯେମନ୍ତେ

Couplet 127

ମୋ’ ଅନୁଗ୍ରହେ ତୋ’ର ମନକେବେହେଁ ନୋହିବଟି ଛନ୍ନ

Couplet 128

ତୁ ଯେବେ ମୋ’ର ଦେହେ ମନଦେଇ ସର୍ଜିବୁ ପ୍ରଜାଜନ

Couplet 129

ଏ ରଜଗୁଣେ ଯେତେ ଭାବକେବେହେଁ ତୋତେ ନ ଲାଗିବ

Couplet 130

ପ୍ରାଣୀଙ୍କ ଦୁର୍ଲ୍ଲଭ ଯୁଗତେତୁ ଯେ ଜାଣିଲୁ ଏବେ ମୋତେ

Couplet 131

ଭୂତ-ଇନ୍ଦ୍ରିୟଗଣ ଗ୍ରସ୍ତେକେ ହେଜି ସମ୍ପାଦିବ ମୋତେ

Couplet 132

ତୁ ଯେ ସଂଶୟ ଚିତ୍ତେ ବହିକମଳନାଳ ମଧ୍ୟେ ଯାଇ

Couplet 133

ତାହାର ମୂଳ ଇଚ୍ଛା କଲୁଅନେକ କାଳ ତୁ ଭ୍ରମିଲୁ

Couplet 134

ଦୟା ବସିଲା ମୋର ଚିତ୍ତେବାହାରେ ଦେଖାଇଲି ତୋତେ

Couplet 135

ତୁ ଯେତେ କଲୁ ମୋତେ ସ୍ତୁତିକହଇ ଶୁଣ ବେଦପତି

Couplet 136

ଯେ ତପନିଷ୍ଠା ତୋ’ର ଦେହେଲଭିଲୁ ମୋ’ର ଅନୁଗ୍ରହେ

Couplet 137

ସୁପ୍ରୀତ ହୋଇଲି ମୁଁ ତୋତେକଲ୍ୟାଣ ଲଭ ତୁ ଜଗତେ

Couplet 138

ଲୋକମଙ୍ଗଳ ଅର୍ଥେ ତୋ’ରମହିମା ବର୍ଣ୍ଣିଲୁ ମୋହର

Couplet 139

ଏ ସ୍ତୋତ୍ରେ ମୋତେ ଯେ ଭଜିବସଂସାର ଭୟରୁ ତରିବ

Couplet 140

ମୁଁ ବରଦାତା ଭଗବାନତାହାକୁ ହୁଅଇ ପ୍ରସନ୍ନ

Couplet 141

ସମାଧି ତପ ଯଜ୍ଞମତେଜ୍ଞାନ ବୈରାଗ୍ୟ ଉପଗତେ

Couplet 142

ମୋରେ ନିଶ୍ଚଳ ପ୍ରୀତିଭାବଏ ସର୍ବ କର୍ମଫଳ ଲାଭ

Couplet 143

ମୁଁ ଆତ୍ମା ଜଗତ ଜୀବରସଂଶୟଚିତ୍ତେ ଅଗୋଚର

Couplet 144

ଏଣୁ ଯେ ମୋ’ ବିଷୟ ଭଜେସ୍ୱଭାବେ ସର୍ବମାୟା ତେଜେ

Couplet 145

ଆତ୍ମାରେ ଆତ୍ମମାୟା ତରେନ ବୁଡେ଼ ସଂସାର-ସାଗରେ

Couplet 146

ମାୟାରେ ଆତ୍ମାବୁଦ୍ଧି ଧରପୂର୍ବର ପ୍ରାୟେ ସୃଷ୍ଟି କର

Couplet 147

ସକଳ ବେଦଭାବେ କରିମୋହର ଭାବ ହୃଦେ ଧରି

Couplet 148

ଯେ ପ୍ରାଣୀ ମୋ’ର ଦେହେ ଥିଲେପ୍ରଳୟ ଜଳେ ନାଶ କାଳେ

Couplet 149

ତାହାଙ୍କୁ କର୍ମର ଆୟତ୍ତେପୁଣି ପ୍ରକାଶ ଏ ଜଗତେ

Couplet 150

ଏମନ୍ତ ବ୍ରହ୍ମା ଆଗେ କହିଅନ୍ତର ହେଲେ ଭାବଗ୍ରାହୀ

Couplet 151

ସେ ହରିଚରଣ-ପଙ୍କଜେବ୍ରାହ୍ମଣ ଜଗନ୍ନାଥ ଭଜେ