Adhyaya 10

Couplet 1

ମୈତ୍ରେୟ ପାଦେ ଦେଇ ଶିରଆନନ୍ଦେ ପଚାରେ ବିଦୁର

Couplet 2

ଭୋ ମୁନି କହ ଶୁଦ୍ଧମନେବିଷ୍ଣୁ ଯେ ଗଲେ ଅନ୍ତର୍ଦ୍ଧାନେ

Couplet 3

ସେ ବେଦପତି ଜ୍ଞାନମତେପ୍ରଜା ସର୍ଜିଲା ସେ କେମନ୍ତେ

Couplet 4

ତା’ର କି ଦେହେ ପ୍ରଜା ଥିଲାକେତେ ପ୍ରକାରେ ଭିଆଇଲା

Couplet 5

ମନ କଳ୍ପିତ ଦେହଗତେକହ ସଂଶୟ ଯାଉ ଚିତ୍ତେ

Couplet 6

ବିଦୁର ବାକ୍ୟ କର୍ଣ୍ଣେ ଶୁଣିଯେ ପୂର୍ବପ୍ରଶ୍ନ ମନେ ଗୁଣି

Couplet 7

ବିଦୁର ପ୍ରୀତିଭାବ ଘେନିକହନ୍ତି ମଇତ୍ରେୟ ମୁନି

Couplet 8

ଶୁଣ ବିଦୁର ଏକଚିତ୍ତେଜଗତ ସର୍ଜିଲା ଯେମନ୍ତେ

Couplet 9

ଗୋବିନ୍ଦ ବାକ୍ୟେ ବେଦପତିତପ ସାଧନେ କଲା ମତି

Couplet 10

ଶତେବରଷ ବେଦମତେତପ ସାଧିଲା ଦୃଢ଼ଚିତ୍ତେ

Couplet 11

ଆତ୍ମାରେ ଆତ୍ମା ଲୀନ କରିଗୋବିନ୍ଦ-ବଚନ ସୁମରି

Couplet 12

ଦେଖଇ ନୟନ ନିଶ୍ଚଳେଉର୍ମ୍ମି-ସଙ୍କୁଳ ମହାଜଳେ

Couplet 13

ପବନ ଯୋଗେ ଅତି ଖରସ୍ୱଭାବେ ଦିଶେ ଭୟଙ୍କର

Couplet 14

ପଦ୍ମ ସହିତେ ଳଜ କମ୍ପେଉର୍ମ୍ମି-ସଙ୍କୁଳ ଅତିରେକେ

Couplet 15

କାଳର ବଳେ କମ୍ପମାନଦେଖି ଉଷତ ବ୍ରହ୍ମା ମନ

Couplet 16

ତକ୍ଷଣେ ତପ-ବିଦ୍ୟାବଳେସୁସ୍ଥିର ବିଜ୍ଞାନ ନିଶ୍ଚଳେ

Couplet 17

ବାୟୁ ସହିତେ ଜଳରାଶିସେ ବ୍ରହ୍ମା ଯୋଗବଳେ ଗ୍ରାସି

Couplet 18

ପ୍ରଳୟ ଜଳ ଯହୁଁ ଗଲାନିଶ୍ଚଳେ ପଦ୍ମ ବିକାଶିଲା

Couplet 19

ସେ ପଦ୍ମେ ବସି ବେଦବରମନରେ କରଇ ବିଚାର

Couplet 20

ପୂର୍ବେ କମଳ-ଗର୍ଭଗତେଜନ୍ତୁଏ ପଶିଛନ୍ତି ଯେତେ

Couplet 21

ତାହାଙ୍କୁ କରିବି ପ୍ରକାଶସେ ଯେଣୁ ସ୍ୱକର୍ମେ ପ୍ରବେଶ

Couplet 22

ଏକୁ ଅନେକ ରୂପ ଚିନ୍ତେସ୍ୱକର୍ମ ବଳେ ନାନା ମତେ

Couplet 23

ଦ୍ୱିସପ୍ତଲୋକ ସ୍ଥାନ ଯେହିତିନି ଭୁବନ କଲେ ତହିଁ

Couplet 24

ଯହିଁରେ ଯେବା ନିଜ କର୍ମସର୍ଜିଲେ ପ୍ରଜା ଭିନ୍ନ ଭିନ୍ନ

Couplet 25

ଯେ ଯାହା ମତେ ଧର୍ମ ଚିନ୍ତିନିଶ୍ଚଳଯୋଗେ ପ୍ରଜାପତି

Couplet 26

ଭୋ ମୁନି ହରିର ମହିମାଅଦ୍ଭୁତ କର୍ମ ଗୁଣସୀମା

Couplet 27

ସୃଷ୍ଟି ପାଳନ ସଂହାରଣକାଳ ସ୍ୱରୂପ ନାରାୟଣ

Couplet 28

ଖେଳଇ ନିଜ ମାୟାବଳେକେ ତା ଦେଖିବ ଚର୍ମଡୋଳେ

Couplet 29

ତା’ର ଲକ୍ଷଣ କହ ମୋତେଅଣୁ ବା ପରମାଣୁ ଯେତେ

Couplet 30

ସ୍ୱଭାବେ ନିର୍ଗୁଣ ଅଚ୍ୟୁତନିର୍ଲେପ ନିର୍ବିକଳ୍ପେସ୍ଥିତ

Couplet 31

ତା’ର ଶରୀରୁ ଆତ୍ମା ଜାତଲୀଳାରେ ସୃଜଇ ଜଗତ

Couplet 32

ଏ ବିଶ୍ୱ ବ୍ରହ୍ମମୟ-ରୂପୀନିଜ ମାୟାର ବଳେ ବ୍ୟାପି

Couplet 33

କାଳ ପ୍ରଭାବେ ପରିଚ୍ଛିନ୍ନଯେ କାଳ ସ୍ୱୟଂ ଭଗବାନ

Couplet 34

ଯେମନ୍ତ ସୃଷ୍ଟି ଥିଲା ପୂର୍ବେତେମନ୍ତ ପୁଣି ହେବ ଏବେ

Couplet 35

ପ୍ରକୃତି ବିକୃତି ବିକାରେଯେ ସର୍ଗ ନବ ପରକାରେ

Couplet 36

ଯେ କାଳ ଦ୍ରବ୍ୟ ଗୁଣମୟଏହାର ତିନିଟି ପ୍ରଳୟ

Couplet 37

ଯେବା ପ୍ରଳୟ ହୁଏ କାଳେତା’ ନିତ୍ୟ ବୋଲନ୍ତି ସକଳେ

Couplet 38

ଯେ ସଙ୍କର୍ଷଣ ମୁଖାଗ୍ନିରେପ୍ରଳୟ ଘଟଇ ସଂସାରେ

Couplet 39

ସେ ଦ୍ରବ୍ୟ ହେତୁ ନୈମିତ୍ତିକସ୍ୱକାର୍ଯ୍ୟ ଗ୍ରାସେ ପ୍ରାକୃତିକ

Couplet 40

ଗୁଣର ବଶେ ତା’ ଉତ୍ପତ୍ତିଏ ରୂପେ ତ୍ରିବିଧ ବୋଲନ୍ତି

Couplet 41

ଯେ କାଳେ ବ୍ରହ୍ମ ଉଦେ ହୋନ୍ତିମହତ ଆଦି ତତ୍ତ୍ବ ଚିନ୍ତି

Couplet 42

ଗୁଣ-ବୈଷମ୍ୟେ ଆତ୍ମା ବସେସ୍ୱଗୁଣ ସ୍ୱଭାବେ ପ୍ରକାଶେ

Couplet 43

ମହତ ତତ୍ତ୍ବ ଆଦ୍ୟ ଚିନ୍ତିପ୍ରଥମ ସର୍ଗ ଉତପତ୍ତି

Couplet 44

ଦ୍ୱିତୀୟ ଅହଙ୍କାରୋଦୟଯେ ଦ୍ରବ୍ୟଜ୍ଞାନ-କ୍ରିୟାଶ୍ରୟ

Couplet 45

ତୃତୀୟ ଭୂତସର୍ଗ ହୋଏଯେ ମାତ୍ରା ଦିବ୍ୟଶକ୍ତି ବହେ

Couplet 46

ଚତୁର୍ଥେ ଇନ୍ଦ୍ରିୟଙ୍କ ଜନ୍ମଯେ ଜ୍ଞାନ-କ୍ରିୟାତ୍ମକ ନାମ

Couplet 47

ଇନ୍ଦ୍ରି ରକ୍ଷକ ଦେବଗଣଆବର ପଞ୍ଚମରେ ମନ

Couplet 48

ଷଷ୍ଠରେ ତାମସ ଯେ ହୋଏଅବିଦ୍ୟା ମହାଶକ୍ତି ବହେ

Couplet 49

ଏ ଷଟ ପ୍ରକୃତି ଗୋଚରବିକୃତି ଶୁଣ ହେ ବିଦୁର

Couplet 50

ଏ ସୃଷ୍ଟି ଜାତ ରଜୋଗୁଣେହରିର ଲୀଳା ଏ ପ୍ରମାଣେ

Couplet 51

ସ୍ଥାବର ସୃଜନ ସପ୍ତମଅନ୍ୟାନ୍ୟ ସୃଷ୍ଟି ମୁଖ୍ୟତମ

Couplet 52

ଏବେ ହୋ ମୁଖ୍ୟସର୍ଗ କହିସ୍ଥାବର ଷଡ଼ବିଧ ହୋଇ

Couplet 53

ବନସ୍ପତି ଲତା ଔଷଧିବୀରୁଧ ଦ୍ରୁମ ବେଣୁ ଆଦି

Couplet 54

ଏହାଙ୍କ ନାମ ଉର୍ଦ୍ଧ୍ୱ-ସ୍ରୋତଅନ୍ତରେ ସ୍ପର୍ଶଜ୍ଞାନ ମାତ୍ର

Couplet 55

ଅଷ୍ଟମସର୍ଗେ ପଶୁଗଣସେ ଅଷ୍ଟବିଂଶ ପରମାଣ

Couplet 56

ଅଜ୍ଞାନ ତମଗୁଣେ ଥା’ନ୍ତିକେବଳ ଘ୍ରାଣେ ସେ ଜାଣନ୍ତି

Couplet 57

ଗୋରୁ ମହିଷ ଛାଗ ତିନିଗବୟ ଶୂକର ହରିଣୀ

Couplet 58

ଏହାଙ୍କ ପାଦେ ବେନିଖୁରମେଷ ଶରଭ ଉଷ୍ଟ୍ରଖର

Couplet 59

ସମ୍ବର ମୃଗ ଆଦି ଯେତେଯେ ଏକଖୁର କହୁଁ ତୋତେ

Couplet 60

ଏବେ କହିବା ବୀର ଶୁଣଯେ ପଞ୍ଚନଖୀ ପଶୁଗଣ

Couplet 61

ଶ୍ୱା ବୃକ ବ୍ୟାଘ୍ର ଯେ ଶୃଗାଳଶଶକ ଭଲ୍ଲୁକ ବିଡାଳ

Couplet 62

ସିଂହ ବାନର କୂର୍ମ ହସ୍ତୀଏ ପଞ୍ଚନଖ ବୋଲି ଥା’ନ୍ତି

Couplet 63

ମକର ଆଦି ଜଳ ଜୀବେଭାବେ କହିବା ଶୁଣ ଏବେ

Couplet 64

ଯେ କଙ୍କ ଶାଗୁଣା ସଞ୍ଚାଣଭାସ ଶଲ୍ଲକ ବରହିଣ

Couplet 65

ହଂସ ସାରସ ଚକ୍ରବାକଉଲ୍ଲୁକ ଆଦି ଚିଲ କାକ

Couplet 66

ଏବେ ନବମସର୍ଗ କହିବିଦୁର ଶୁଣ ମନଦେଇ

Couplet 67

ମନୁଷ୍ୟ ମଧ୍ୟେ ତାକୁ ଗଣିଦୁଃଖକୁ ସୁଖପ୍ରାୟ ମଣି

Couplet 68

ରଜ ଅଧିକ କର୍ମ ପରବିକୃତ ଏ ତିନି ପ୍ରକାର

Couplet 69

ଏବେ ଅପର କହୁଁ ତୋତେଉଭୟ ମଧ୍ୟେ ସୃଷ୍ଟି ଯେତେ

Couplet 70

କୁମାରସର୍ଗ ଯେ ବୋଲାଇଉଭୟ ମତେ ଦେହ ବହି

Couplet 71

ଦେବଙ୍କ ସୃଷ୍ଟି ଅଷ୍ଟବିଧପିତର ଅସୁର ବିବୁଧ

Couplet 72

ଗନ୍ଧର୍ବ ଅପ୍‌ସରା ସିଦ୍ଧଚାରଣ ଯକ୍ଷ ରକ୍ଷ ଭେଦ

Couplet 73

ଭୂତ ପିଶାଚ ପ୍ରେତଗଣକିନ୍ନର ବିଦ୍ୟାଧର ପୁଣ

Couplet 74

ଏ ଅଷ୍ଟବିଧ ଉତପତ୍ତିସ୍ୱଭାବେ ଦେବତା ବୋଲନ୍ତି

Couplet 75

ଏ ଦଶସର୍ଗ ହେ ବିଦୁରକ୍ରମେ ସର୍ଜିଲା ବେଦବର

Couplet 76

ଏବେ କହିବା କୁରୁବୀରଯେ ବଂଶ ମନୁ ମନ୍ୱନ୍ତର

Couplet 77

ଏମନ୍ତେ ରଜଗୁଣେ ମିଶିସୃଷ୍ଟି ଆଗମେ ବ୍ରହ୍ମରାଶି

Couplet 78

ଅମୋଘ-ସଙ୍କଳ୍ପ ସ୍ୱଭାବଆତ୍ମାରେ ଆତ୍ମା ପଦ୍ମନାଭ

Couplet 79

ତ୍ରିଗୁଣେ ନୋହେ ସେ ଗୃହୀତଈଶ୍ୱର ମାୟା ମହୁମତ

Couplet 80

ନଦୀଙ୍କ ଜଳ ଯେହ୍ନେ ଭ୍ରମେଜଳଧି ଯା’ନ୍ତି ଯଥାକ୍ରମେ

Couplet 81

ଏ ଯେତେ ଦେବାସୁର ଆଦିଯେତେ ମୁଁ କହିଲି ସମ୍ପାଦି

Couplet 82

ସେ ନାନାବିଧ ରୂପ ହୋନ୍ତିକ୍ରମେ ତାହାର ଦେହେ ଯା’ନ୍ତି

Couplet 83

ଏମନ୍ତେ ବିଦୁର ସମୀପେମୁନି କହିଲେ ପଦ୍ମକଳ୍ପେ

Couplet 84

ଏ ଭାଗବତ ଜ୍ଞାନରସକହିଲା ଜଗନ୍ନାଥ ଦାସ