Skandha 3
Adhyaya 8
Couplet 1
ବିଦୁର ବାକ୍ୟ ଶୁଣି କର୍ଣ୍ଣେମୈତ୍ରେୟ ଆନନ୍ଦିତ ମନେ
Couplet 2
କୃଷ୍ଣ-ଚରଣ-ଯୁଗ ଧ୍ୟାୟିକହନ୍ତି ବିଦୁରକୁ ଚାହିଁ
Couplet 3
ଶୁଣ ବିଦୁର ଶୁଦ୍ଧଚେତାସୁପୁଣ୍ୟ ପରୀକ୍ଷିତ-ଗାଥା
Couplet 4
ତୋହର ଜନ୍ମ ପୁରୁବଂଶେପରମ-ଭାଗବତ-ଅଂଶେ
Couplet 5
ଯାହା ମହିମା ଶୁଣି କର୍ଣ୍ଣେସେବା କରନ୍ତି ସାଧୁଜନେ
Couplet 6
ଯହିଁ ତୁ ଲୋକପାଳ ଯମସାକ୍ଷାତେ ହୋଇଲୁ ଜନମ
Couplet 7
ଭକ୍ତଜନଙ୍କ ଶିରୋମଣିତୋର ସକାଶୁ ଜନ ଶୁଣି
Couplet 8
କହ ସଂସାରେ କୃଷ୍ଣଲୀଳାବିଶ୍ୱମଙ୍ଗଳ କୀର୍ତ୍ତିମାଳା
Couplet 9
ନିରତେ ନବ ନବ ମଣେତୋଷ ନ ଲଭେ ପ୍ରତିକ୍ଷଣେ
Couplet 10
ତାର ମହିମା ତୋ ସମ୍ମୁଖେକହିବି ଭକ୍ତଜନ-ସୁଖେ
Couplet 11
ଦୁଃଖ-ସମୁଦ୍ରେ ସୁଖ ପ୍ରାୟେନିରତେ ମନ ଯାର ଧାଏଁ
Couplet 12
ତାହାଙ୍କ ନିସ୍ତାରଣ ଅର୍ଥେଶୁଣ କହିବା ତୋ ଅଗ୍ରତେ
Couplet 13
ଶ୍ରୀଭାଗବତ ରସସାରଋଷିଙ୍କି ଦେଲେ ଚକ୍ରଧର
Couplet 14
ଶୁଣ ବିଦୁର ସାବଧାନେବ୍ରହ୍ମାର ପୁତ୍ରେ ଏକଦିନେ
Couplet 15
ସନକ ଆଦି ସପ୍ତଭ୍ରାତେମିଳିଲେ ଅନନ୍ତ ଅଗ୍ରତେ
Couplet 16
ରତ୍ନଆସନେ ଭୂମିଗତେବସି ଅଛନ୍ତି ଶୁଦ୍ଧ ଚିତ୍ତେ
Couplet 17
ଆଦି ଅନନ୍ତ ରୂପସାରଅକୁଣ୍ଠ-ମହିମା ଯାହାର
Couplet 18
ତାଙ୍କ ସମୀପେ ସପ୍ତଭ୍ରାତେମିଳିଲେ ଜ୍ଞାନ-ପ୍ରଶ୍ନ ଅର୍ଥେ
Couplet 19
ପରମପଦେ କରି ଇଚ୍ଛାଏକୁ ଅନେକ କଲେ ପୁଚ୍ଛା
Couplet 20
ସ୍ୱଭାବେ ସ୍ଥିର ଯା ଶରୀରଦେବମାନବେ ଅଗୋଚର
Couplet 21
ସର୍ବେ କରନ୍ତି ବହୁ ମାନ୍ୟଧ୍ୟାନେ ତରନ୍ତି ସଙ୍କର୍ଷଣ
Couplet 22
ମୃଣାଳ-କୋଷ ପ୍ରାୟ ଦେହୀଉନ୍ମୀଳ ଚକ୍ଷୁଯୁଗ ବହି
Couplet 23
ବିବୁଧଜନଙ୍କ ଆନନ୍ଦେସୁଖେ ନିଶ୍ଚଳ ଯୋଗାନନ୍ଦେ
Couplet 24
ନିର୍ମଳ ଭୋଗବତୀ ନୀରେଧୌତ କବରୀଭାର ଶିରେ
Couplet 25
ସେ ଜଟାକଳାପେ ଚରଣପଦ୍ମେ ନମନ୍ତି ମୁନିଗଣ
Couplet 26
ଯେ ପାଦେ ନାଗଙ୍କ କାମିନୀବିବିଧ-ଉପାୟନ ଘେନି
Couplet 27
ସେବନ୍ତି ଯେଉଁ ପାଦଗତେଉମ-ବର-ପ୍ରାପ୍ତି ଅର୍ଥେ
Couplet 28
ସୁସ୍ୱର-ରୀତନାଦ-ଧ୍ୱନିସ୍ୱଭାବେ ଅନୁରାଗ ଘେନି
Couplet 29
ଯାହାର କର୍ମ ଦୃଢ଼ଚିତ୍ତେଗାୟନ କରନ୍ତି ନିରତେ
Couplet 30
ଜାଣନ୍ତି ଲୀଳା-ତତ୍ତ୍ବଜ୍ଞାନନିର୍ମଳ ମନେ ନିତ୍ୟେ ଧ୍ୟାନ
Couplet 31
ସେ ଦେବ ସହସ୍ରଶୀରଷକିରୀଟ ମଣିମୟ ତ୍ରାସ
Couplet 32
ଫଣାସହସ୍ରେ ଶୋଭା କରେଆଦିତ୍ୟ ଯେସନେ ଅମ୍ବରେ
Couplet 33
ତାର ଚରଣ-ରଜ ଶିରେସନକ୍ରୁମାର ଧରି କରେ
Couplet 34
ପୁଚ୍ଛିଲେ ସାର-ତତ୍ତ୍ବଜ୍ଞାନଯା ଶୁଣି ନିସ୍ତରିବେ ଜନ
Couplet 35
ନିବୃତ୍ତି-ଧର୍ମେ ଦେଖି ଚିତ୍ତଏହାଙ୍କୁ କହିଲେ ଅନନ୍ତ
Couplet 36
ସେ ପୁଣି ପ୍ରଶ୍ନ ଅନୁରାଗେକହିଲେ ସାଂଖ୍ୟାୟନ ଆଗେ
Couplet 37
ସେ ସାଂଖ୍ୟାୟନ ଯୋଗ ଧ୍ୟାୟେପରମହଂସ-ଦୀକ୍ଷା ବହେ
Couplet 38
ସେ ପୁଣି ଦୟା-ଶୁଦ୍ଧଚିତ୍ତେସଂସାରେ ନିସ୍ତାରଣ ଅର୍ଥେ
Couplet 39
କୃଷ୍ଣ-ମହିମା ପରିମାଣିନିର୍ମଳ-ଭାଗବତ-ବାଣୀ
Couplet 40
କୃଷ୍ଣ-ଭକତି ଅନୁରାଗେକହିଲେ ମୋର ଗୁରୁ ଆଗେ
Couplet 41
ଆବର ବୃହସ୍ପତି ଆଗେଦେବସମୂହ ପ୍ରିୟଭାବେ
Couplet 42
ସେ ପରାଶର ମହାମୁନିପୌଲସ୍ତ୍ୟ ମୁନି ଆଜ୍ଞା ଘେନି
Couplet 43
ଦୟାଳୁ ମୁନି ପରାଶରକହିଲେ ମୋହର ଆଗର
Couplet 44
ବ୍ରହ୍ମ-ଗୁପତ-ବାଣୀ ଏବେଶୁଣ କହିବା ତୋତେ ଭାବେ
Couplet 45
ତୁ ଶ୍ରଦ୍ଧାଯୁତ ଅନୁଗତଶୁଣ କହିବି ଭାଗବତ
Couplet 46
ତୁ ଶୁଦ୍ଧଚିତ୍ତେ ବତ୍ସ ଶୁଣଏ ଆଦି ପରମ-ପୁରାଣ
Couplet 47
ଯେ ବିଶ୍ୱସୃଷ୍ଟି ପୂର୍ବେ ଥିଲାପ୍ରଳୟ-ଜଳେ ନାଶ ଗଲା
Couplet 48
ପରମସୁଖେ ଭଗବାନନିଦ୍ରାରେ ମୁଦ୍ରିତ ନୟନ
Couplet 49
ପ୍ରଳୟ-ଜଳନିଧି ମଧ୍ୟେଅନନ୍ତ-ଶୟନେ ଆନନ୍ଦେ
Couplet 50
ଶୋଇଲେ ଏକରୂପ ହୋଇସଙ୍ଗେ ସଙ୍ଗତି ନାହିଁ କେହି
Couplet 51
ନିଶ୍ଚେଷ୍ଟ-ଆତ୍ମସୁଖେ ରତଭୂତେ ନିବେଶି ପଞ୍ଚଭୂତ
Couplet 52
ଆତ୍ମା ଆଶ୍ରିତ ସୂକ୍ଷ୍ମଭୂତେକାଳାତ୍ମା ଶକ୍ତିର ଆୟତ୍ତେ
Couplet 53
ଚେଷ୍ଟା ରହିତ ଭଗବାନଦାରୁରେ ଯେହ୍ନେ ହୁତାଶନ
Couplet 54
ସେ ରୂପ ବାହ୍ୟବୃତ୍ତି ଶୂନ୍ୟଜଳରେ କଲେ ସେ ଶୟନ
Couplet 55
ବିଷ୍ଣୁ-ରଜନୀ ପ୍ରକାଶିଲାଚାରିସହସ୍ର ଯୁଗ ଗଲା
Couplet 56
ଜଳେ ଶୟନ ଭଗବାନଯେ ଆତ୍ମଶକ୍ତିର ନିଦାନ
Couplet 57
ତାର ଆୟତ୍ତ କାଳବଳେସୃଷ୍ଟିସମୟ ସୁମରିଲେ
Couplet 58
ପୂର୍ବ-ଜୀବଙ୍କୁ ଦେହେ ଚାହିଁସେ ପୁଣି କର୍ମତନ୍ତ୍ର ହୋଇ
Couplet 59
ତାହାଙ୍କ ଅବତାର ଅର୍ଥସୂକ୍ଷ୍ମେ ନିବେଶି ଦୃଷ୍ଟିପଥ
Couplet 60
କ୍ଷୋଭିତ-ସୃଷ୍ଟିର କାରଣେସ୍ୱୟଂ ପ୍ରବେଶି ରଜୋଗୁଣେ
Couplet 61
ସେ କାଳବଳର ବିଶ୍ୱାସେମିଳିଲେ ବିଷ୍ଣୁ-ନାଭିଦେଶେ
Couplet 62
ସେ ନାଭିମଧ୍ୟୁ ପଦ୍ମକୋଷତକ୍ଷଣେ ହୋଇଲା ପ୍ରକାଶ
Couplet 63
ସେ ପଦ୍ମ କାଳକର୍ମ ବଳେରୂପ ବିରାଜେ ମହାଜଳେ
Couplet 64
ଉଦିତ-ରବି ପ୍ରାୟେ ମାନିଜଳେ ପ୍ରକାଶ ଆତ୍ମଯୋନି
Couplet 65
ସେ ଲୋକପଦ୍ମେ ନାରାୟଣସ୍ୱୟଂପ୍ରବେଶ ରଜୋଗୁଣ
Couplet 66
ସକଳଗୁଣେ ସେ ପ୍ରକାଶସହସ୍ରରବି ଜିଣି ତ୍ରାସ
Couplet 67
ସେ ପଦ୍ମକର୍ଣ୍ଣିକାର ମଧ୍ୟେବ୍ରହ୍ମା ପ୍ରକାଶ ବେଦପଦେ
Couplet 68
ବିଧାତା ନାମ ସେ ବୋଲାଇଯାର ଶରୀର କର୍ମମୟୀ
Couplet 69
ସ୍ୱୟମ୍ଭୁ ନାମ ସେ ସ୍ୱଭାବେଉଦୟ ନିଜ କର୍ମଲାଭେ
Couplet 70
ସେ ପଦ୍ମମଧ୍ୟେ ବ୍ରହ୍ମା ରହେବସି ସକଳଦିଗେ ଚାହେଁ
Couplet 71
ନ ଦେଖି ଲୋକଙ୍କ ଉଦ୍ଦେଶ୍ୟତକ୍ଷଣେ ଚାହିଁଲା ଆକାଶ
Couplet 72
ହୋଇଲା ତାର ଚାରିମୁଖକେବେହେଁ ନ ଲଭଇ ସୁଖ
Couplet 73
ପ୍ରଳୟ-ପବନର ବଳେଲହରୀ ଭ୍ରମ ମହାଜଳେ
Couplet 74
ଆତ୍ମାକୁ ନ ଜାଣଇ ଭଲେଯେ ଲୋକତତ୍ତ୍ବ ପଦ୍ମତୁଲେ
Couplet 75
କାହୁଁ ଅଇଲି କେଉଁ ଦେଶନ ଜାଣି ଆତ୍ମାର ବିଶେଷ
Couplet 76
ଏ ପଦ୍ମ କାହୁଁ ଉପୁଜିଲାକିବା ଏ ଜଳମଧ୍ୟେ ଥିଲା
Couplet 77
ସ୍ଥଳ ନ ଥିଲେ ଜଳ କାହିଁଏମନ୍ତ ମନେ ବିଚାରଇ
Couplet 78
କିବା ଏ ପଦ୍ମମୂଳେ ଅଛିଏମନ୍ତ ମନେମନେ ଲକ୍ଷି
Couplet 79
କେବେହେଁ ହେଜି ନ ପାରିଲାଏମନ୍ତେ କେତେକାଳ ଗଲା
Couplet 80
ପୁଣି ଚାହିଁଲା ମନଦୁଃଖେନିଜ ଆସନେ ଅଧୋମୁଖେ
Couplet 81
ତଳେ ଦେଖିଲା ପଦ୍ମନାଳତା ମଧ୍ୟେ ଅନ୍ଧକାର ବିଳ
Couplet 82
ବିଚାରେ ଏହିମାର୍ଗେ ଯିବିକାହୁଁ ଅଇଲି ତା ଦେଖିବି
Couplet 83
ଏମନ୍ତେ ବିଚାରି ସଂଶୟେବିଳେ ପଶିଲା ମହାଭୟେ
Couplet 84
ସେ ବିଳମାର୍ଗେ ନାଭିପଥେପଶିଲା ବିଷ୍ଣୁ-ଗର୍ଭଗତେ
Couplet 85
ଅନେକ କାଳ ଗର୍ଭେ ଭ୍ରମିଫୁଟି ହୋଇଲା ପଥଶ୍ରମୀ
Couplet 86
ଯେ କାଳ ଜନ୍ତୁଙ୍କର ପ୍ରାଣବଳେ ହରଇ ଅନୁକ୍ଷଣ
Couplet 87
ସେ କାଳବଳ-କରଷଣେବାହାର ହୋଇଲା ତକ୍ଷଣେ
Couplet 88
ମନ-କଳ୍ପିତ ନ ପାଇଲାନିଜ ଆସନେ ବିଜେ କଲା
Couplet 89
ସ୍ଥିର-ନିଃଶ୍ୱାସ ଦୃଢେ଼ ଧରିମନ-ପବନ ହୃଦେ ଭରି
Couplet 90
ନିବୃତ୍ତଚିତ୍ତେ ପ୍ରଜାପତିଯୋଗ ଅଭ୍ୟାସେ କଲା ମତି
Couplet 91
ସେ ଶତେବର୍ଷ କାଳଭୋଗେଲଭିଲା ବୋଧ ନିଷ୍ଠାଯୋଗେ
Couplet 92
ତାର ହୃଦୟେ ବିଷ୍ଣୁଭାବେପ୍ରକାଶେ ସୃଷ୍ଟିଅର୍ଥ ଲାଭେ
Couplet 93
ପୂର୍ବେ ଯାହାକୁ ମହାଜଳେଖୋଜି ନ ଦେଖିଲା ନିଶ୍ଚଳେ
Couplet 94
ତାହାକୁ ଆପଣା ହୃଦୟେଦେଖେ ସମାଧିଯୋଗଧ୍ୟାୟେ
Couplet 95
ମୃଣାଣ-ଗୌର ଦେହକାନ୍ତିଅନନ୍ତ-ଶୟନେ ଶ୍ରୀପତି
Couplet 96
ଏକା ଅଛନ୍ତି ନାହିଁ କେହିଦେଖେ ନିଶ୍ଚଳ-ନେତ୍ରେ ଚାହିଁ
Couplet 97
ଫଣାସହସ୍ର ଊର୍ଦ୍ଧ୍ୱ ଜ୍ୟୋତିରତ୍ନସମୂହେ ଝଟକନ୍ତି
Couplet 98
ଯୁଗାନ୍ତ-ଜଳ-ଅନ୍ଧକାରସେ ରତ୍ନଜ୍ୟୋତି କରେ ଦୂର
Couplet 99
ମର୍କତଗିରି ନିନ୍ଦେ ରୂପସନ୍ଧ୍ୟାଭ୍ର ଜିଣି ପୀତାଂଶୁକ
Couplet 100
ସୁବର୍ଣ୍ଣ-ଶୃଙ୍ଗ ତିରସ୍କାରକରେ ମୁକୁଟ ଶିରପର
Couplet 101
ପର୍ବତ ବେଣୁବୃକ୍ଷ ଶୋଭାନିନ୍ଦଇ ଭୁଜପାଦ ପ୍ରଭା
Couplet 102
ରତ୍ନଔଷଧି ଜଳ ପୁଷ୍ପେଗିରିଭୂଷଣ ମାଳ ରୂପେ
Couplet 103
ତାହାକୁ ବଳି ହରିଗଳେରତ୍ନତୁଳସୀ ମୁକ୍ତାଫଳେ
Couplet 104
ମହାପୁରୁଷ ବିଷ୍ଣୁରୂପେସ୍ୱୟଂ ପ୍ରକାଶ ମହାକଳ୍ପେ
Couplet 105
ପ୍ରକାଶ ଅଛଇ ବିସ୍ତାରେତ୍ରିଲୋକ ପ୍ରକାଶ ଶରୀରେ
Couplet 106
ଦିବ୍ୟ ବିଚିତ୍ର ଆଭରଣେପ୍ରକାଶେ ବସ୍ତ୍ର ଆଚ୍ଛାଦନେ
Couplet 107
ସର୍ବସୁନ୍ଦରର ସମୂହେତେଜ ପ୍ରକାଶେ ବିଶ୍ୱଦେହେ
Couplet 108
ମିଳି ସକଳ ମହାଜନେନିଜ ବାଞ୍ଛିତ ଆତ୍ମାଧ୍ୟାନେ
Couplet 109
ଯେ କାମ ଯେ କରନ୍ତି ଧ୍ୟାୟେତାହାଙ୍କୁ କାମଧେନୁ ପ୍ରାୟେ
Couplet 110
ଦୟାସାଗର ଭଗବାନବ୍ରହ୍ମାଙ୍କୁ ଦେଲେ ଦରଶନ
Couplet 111
ଅଙ୍ଗୁଳି ଅଗ୍ରେ ନଖକାନ୍ତିଶଶାଙ୍କପ୍ରାୟ ଝଟକନ୍ତି
Couplet 112
ସ୍ଫୁରିତ ଦିଶେ ହାସ୍ୟମୁଖଦେଖନ୍ତେ ହରେ ପ୍ରାଣୀଦୁଃଖ
Couplet 113
କର୍ଣ୍ଣେ କୁଣ୍ତଳବେନି ଶୋହେଚନ୍ଦ୍ର-ତପନ ସମ ନୋହେ
Couplet 114
ଶୋଣ-ଅରୁଣ ଓଷ୍ଠବେନିବିରାଜେ ଦନ୍ତପନ୍ତି ଘେନି
Couplet 115
ପଦମ୍ବପୁଷ୍ପ ତେଜ ପ୍ରାୟେପୀତବସନ କଟୀ ଶୋହେ
Couplet 116
ରତ୍ନମେଖଳା ତେଜ ଦମ୍ଭେସୁନ୍ଦର ବିରାଜେ ନିତମ୍ବେ
Couplet 117
ଅଷ୍ଟରତନ ବନମାଳଲମ୍ବେ ଶ୍ରୀବତ୍ସ-ବକ୍ଷସ୍ଥଳ
Couplet 118
ହାରକେୟୂର ରତ୍ନମାଳସୁନ୍ଦର ଅଳକା କପୋଳ
Couplet 119
ଭୁଜସହସ୍ର ଜାନୁଯାଏଲମ୍ବେ ଶ୍ରୀବଟ ରୁହ ପ୍ରାୟେ
Couplet 120
ସର୍ବ-ଭୁବନ ତାର ଦେହେବିରାଜେ ପୁଷ୍ପକଣା ପ୍ରାୟେ
Couplet 121
ଅଦୃଶ୍ୟ ମୂଳ ତା ସ୍ୱଭାବକେ ଅବା ଲୋଚନେ ଦେଖିବ
Couplet 122
ମନ୍ଦରଗିରି ଯେହ୍ନେ ଜଳେକ୍ଷୀରୋଦ-ମନ୍ଥନର କାଳେ
Couplet 123
ସହସ୍ରଶୃଙ୍ଗ ପ୍ରାୟ ସାଜେସୁରତ୍ନ କିରୀଟ ବିରାଜେ
Couplet 124
କଣ୍ଠେ କୌସ୍ତୁଭମଣି ଶୋହେରତ୍ନପ୍ରଭାରେ ମନ ମୋହେ
Couplet 125
ସୁକୀର୍ତ୍ତିମୟି ବନମାଳଲମ୍ବେ ସୁନ୍ଦର-ବକ୍ଷସ୍ଥଳ
Couplet 126
ଗନ୍ଧେ ଆବୃତ୍ତ ଭୃଙ୍ଗପନ୍ତିସୂର୍ଯ୍ୟ-ଶଶାଙ୍କ-ଅଗ୍ନିଜ୍ୟୋତି
Couplet 127
ସେ ପୁଣି ଚାହାଁନ୍ତେ ନିରୋଳେଆତ୍ମାକୁ ତା ନାଭି କମଳେ
Couplet 128
ପବନ ଗଗନ ସଲିଳବିଧାତା ଦେଖେ ଦେହେ ତାର
Couplet 129
ରଜୋଗୁଣରେ ଯୁକ୍ତ ହୋଇପ୍ରଜା-ସୃଜନେ ମନଦେଇ
Couplet 130
ଲୋକ-ବିସୃଷ୍ଟି ଦେହେ ଦେଖିବିଧାତା ଆସନ ଉପେକ୍ଷି
Couplet 131
କରଯୁଗଳ ଦେଇ ମୁଣ୍ତେସ୍ତୁତି କରଇ ଚାରିତୁଣ୍ତେ
Couplet 132
ସେ ହରି-ଚରଣେ ବିଶ୍ୱାସନମଇଁ ଜଗନ୍ନାଥ ଦାସ