Skandha 3
Adhyaya 32
Couplet 1
ଶୁଣ ବିଦୁର ତୋଷମନକପିଳରୂପେ ଭଗବାନ
Couplet 2
କହନ୍ତି ମାତା ମୁଖ ଚାହିଁଶୁଣ ଜନନୀ ମନ ଦେଇ
Couplet 3
ଭୋ ମାତ ଶୁଣ ସାବଧାନେସଂଶୟ ତେଜି ଶୁଦ୍ଧମନେ
Couplet 4
ପ୍ରାଣୀ ଯାତନା ଗତି ଯେତେକହିଲି ତୁମ୍ଭର ଅଗ୍ରତେ
Couplet 5
କାମୀର କର୍ମ ଗତି ଯେତେବିଧି ନିଷେଧ ବେନି ମତେ
Couplet 6
ଯେ ପ୍ରାଣୀ ଗୃହଧର୍ମେ ଥାଇସ୍ୱଧର୍ମ ନିତ୍ୟେ ଆଚରଇ
Couplet 7
ତହିଁ ସୁସିଦ୍ଧ କାମ ଅର୍ଥଏ ଆଶେ ଭ୍ରମୁଥାଇ ବ୍ୟର୍ଥ
Couplet 8
ପୁଣି ସେ ଧର୍ମ ଆଚରଇସେ ଧର୍ମେ କାମ ଅର୍ଥ ପାଇ
Couplet 9
କାମର ମୂଢ଼ମତି ନରକୃଷ୍ଣଭକତି କରେ ଦୂର
Couplet 10
ଅର୍ଥ ସଞ୍ଚଇ ଅବିରତଯଜ୍ଞରେ ଦେଇଥାଇ ଚିତ୍ତ
Couplet 11
କରଇ ଯଜ୍ଞ-ଅନୁଷ୍ଠାନତହିଁ ପୂଜଇ ଦେବମାନ
Couplet 12
ତଦନ୍ତେ ପିତୃ ତୋଷ ଅର୍ଥେପୂଜଇ ଶ୍ରାଦ୍ଧେ ଶୁଦ୍ଧଚିତ୍ତେ
Couplet 13
ଶ୍ରଦ୍ଧାରେ ସେ ଧର୍ମ ଆଚରେପିତୃ-ଦେବତା ପୂଜା କରେ
Couplet 14
ସେ ପ୍ରାଣୀ ଗମେ ଚନ୍ଦ୍ରସ୍ଥାନସେଠାରେ କରେ ସୋମପାନ
Couplet 15
ଭୋଗର ଅନ୍ତ ଯେବେ ହୋଇଲେଉଟି ସେ ସ୍ଥାନୁ ଆସଇ
Couplet 16
ଯେ କାଳେ ଅନନ୍ତ ଶଯ୍ୟାରେବିଜୟେ ହରି ସମୁଦ୍ରରେ
Couplet 17
ସେ ଯୋଗନିଦ୍ରାରେ ଶୟନସକଳ ଚେଷ୍ଟା କରି ଲୀନ
Couplet 18
ଲୟ ହୁଅନ୍ତି ଲୋକ ତିନିଏ ମଧ୍ୟେ ଛନ୍ତି ଯେତେ ପ୍ରାଣୀ
Couplet 19
ସେ ସର୍ବେ ତାଙ୍କ ଦେହେ ଥାନ୍ତିସେହରି ଉଠିଲେ ଆସନ୍ତି
Couplet 20
କାମ୍ୟ-କର୍ମରୁ ଏହି ଗତିକେବେ ନଯାଇ ଗତାଗତି
Couplet 21
ଯେ ପ୍ରାଣୀ ପଣ୍ତିତ ହୁଅନ୍ତିସେ କେବେ ଧର୍ମ ନ ଛାଡ଼ନ୍ତି
Couplet 22
କରନ୍ତି ସ୍ୱଧର୍ମ ଆଚରସଂସର୍ଗ ତେଜି ସର୍ବଠାର
Couplet 23
ସାଧନ୍ତି ନାହିଁ ଅର୍ଥ କାମଦେଖନ୍ତି ସର୍ବ ମାୟାଭ୍ରମ
Couplet 24
କର୍ମାଦି କୃଷ୍ଣେ ସମର୍ପନ୍ତିସେ ବେଦ-ବିଧି ନଛାଡ଼ନ୍ତି
Couplet 25
ହୁଅନ୍ତି ଶାନ୍ତଧର୍ମେ ରତନିଜ ଧର୍ମରେ ଶ୍ରଦ୍ଧାଚିତ୍ତ
Couplet 26
ନିବୃତ୍ତି ଧର୍ମପରାୟଣହୁଅନ୍ତି ଅହଙ୍କାରହୀନ
Couplet 27
ମାୟାରୁ ସ୍ନେହ ଦୂର କରିକୃଷ୍ଣ-ଭଜନେ ପ୍ରିୟଭରି
Couplet 28
ଏ ଧର୍ମ ସତ୍ତ୍ବ-ଗୁଣମୟେବିଶୁଦ୍ଧଚିତ୍ତ ତହୁଁ ହୋଏ
Couplet 29
ଏମନ୍ତ ଯେବା ପ୍ରାଣୀ ମନତାଙ୍କ ପ୍ରୟାଣ ମାତ ଶୁଣ
Couplet 30
ସେ ସୂର୍ଯ୍ୟରଶ୍ମି ଦ୍ୱାରେ ଯାନ୍ତିପରମ-ପୁରୁଷ ଲଭନ୍ତି
Couplet 31
ପର ଅପର ଈଶ ଯେହିଏ ବିଶ୍ୱ ପ୍ରକୃତିଟି ସେହି
Couplet 32
ସେ ବିଶ୍ୱମୁଖ ନାରାୟଣଯେ କରେ ସର୍ଜନ ପାଳନ
Couplet 33
ଏମନ୍ତ ଯେହୁ ଭଗବାନତାଙ୍କୁ ଲଭନ୍ତି ଭକ୍ତଜନ
Couplet 34
ସେ ଇଚ୍ଛେ ମୁକ୍ତି ଲଭିବାକୁଭଜଇ ହିରଣ୍ୟଗର୍ଭକୁ
Couplet 35
ସେ ମୋକ୍ଷ ଗୁଣ ଶୁଣ ମାୟେକହିବା ତୁମ୍ଭଙ୍କୁ ଥୋକାୟେ
Couplet 36
ବେନିପରାର୍ଦ୍ଧ କାଳ ଅନ୍ତେବ୍ରହ୍ମପ୍ରଳୟ ଏ ଜଗତେ
Couplet 37
ତାବତ କାଳ ବ୍ରହ୍ମଲୋକେହିରଣ୍ୟଗର୍ଭର ସାଧକେ
Couplet 38
ସୁଖେଣ ବିହାର କରନ୍ତିବ୍ରହ୍ମାର ସଙ୍ଗେ ଲୟ ଯାନ୍ତି
Couplet 39
ଭୂଆଦି ପଞ୍ଚ ମହାଭୂତଏ ଦଶ ଇନ୍ଦ୍ରିୟ ସହିତ
Couplet 40
ପଞ୍ଚ ବିଷୟ ଅହଙ୍କାରେଏ ସର୍ବ ବ୍ରହ୍ମାଣ୍ତ ଆକାରେ
Couplet 41
ଏମାନ୍ତେ ରହନ୍ତି ପ୍ରଧାନେପରାର୍ଦ୍ଧକାଳ ଅବସାନେ
Couplet 42
ସେସ୍ଥାନେ ଯେତେ ଯୋଗୀଥାନ୍ତିବ୍ରହ୍ମାଙ୍କ ଶରୀରେ ପଶନ୍ତି
Couplet 43
ଆୟୁଷଶେଷେ ପ୍ରଜାପତିପରମଆତ୍ମାରେ ମିଳନ୍ତି
Couplet 44
ଯେଣୁ ତାହାଙ୍କ ଅଭିମାନଦେହରେ ନୋହେ ଅବସାନ
Couplet 45
ଏଣୁ ସାକ୍ଷାତେ ମୁକ୍ତି ନୋହେବ୍ରହ୍ମାସଙ୍ଗତେ ହୋନ୍ତି ଲୟେ
Couplet 46
ଯେମାନେ ହରିର ଭକତହରି ଭଜନ୍ତି ଅବିରତ
Couplet 47
ସେ ସର୍ବ ହରିଙ୍କୁ ଲଭନ୍ତିଦେହାଦିଭାବ ନ ଜାଣନ୍ତି
Couplet 48
ସମ ଦେଖନ୍ତି ସର୍ବଜୀବମିତ୍ର ଅମିତ୍ର ଏକ ଭାବ
Couplet 49
ଏଣୁ ଭୋ ମାତ ହରି ଭଜଭୋଗ-ବାସନା ସର୍ବ ତେଜ
Couplet 50
ଏ ସର୍ବଭୂତଙ୍କ ହୃଦରେହରି ଅଛନ୍ତି ସର୍ବଠାରେ
Couplet 51
ତାହାଙ୍କ ମହିମା ସୁମରିମନକୁ ଯୋଗେ ଦୃଢ଼ କରି
Couplet 52
ତାହାଙ୍କୁ ଭଜିଲେ ତରିବଏ ଦେହ ପୁଣି ନହୋଇବ
Couplet 53
ଯେ ଆଦ୍ୟ ଚରାଚରଙ୍କରଯାହାଙ୍କୁ ବୋଲି ସୁରେଶ୍ୱର
Couplet 54
କୁମାରଆଦି ସିଦ୍ଧ ଯେତେଯୋଗ କରନ୍ତି ଅବିରତେ
Couplet 55
ନିଃସଙ୍ଗ କର୍ମ ହିଁ କରନ୍ତିତଥାପି ଭେଦ ନଛାଡ଼ନ୍ତି
Couplet 56
ଯେଣୁ କରନ୍ତି ଅଭିମାନଏଣୁ ନ ପାନ୍ତି ଶୁଦ୍ଧଜ୍ଞାନ
Couplet 57
ସେମାନେ ପ୍ରଳୟ କାଳରେପଶନ୍ତି ଈଶ୍ୱର ଦେହରେ
Couplet 58
ହୋଇଲେ ସୃଷ୍ଟିର ଜାଗରପୁଣି ଘେନନ୍ତି ଅବତାର
Couplet 59
ଲଭନ୍ତି ନିଜ ନିଜ ସ୍ଥାନଭୋଗ କରନ୍ତି କର୍ମମାନ
Couplet 60
ଯେମାନେ କାମ୍ୟକର୍ମେ ରତକର୍ମ କରନ୍ତି ଅବିରତ
Couplet 61
ନିନ୍ଦିତ କର୍ମ ନ କରନ୍ତିବେଦବିଧିରେ ଆଚରନ୍ତି
Couplet 62
ଇନ୍ଦ୍ରିୟ ନ ଜିଣିଲେ ଯେଣୁସକାମ କର୍ମ କଲେ ତେଣୁ
Couplet 63
ରଜଗୁଣରେ ତାଙ୍କ ମନଆସକ୍ତ ଥାଇ ଅନୁକ୍ଷଣ
Couplet 64
ଗୃହକର୍ମରେ ହୋଇ ରତପିତୃଙ୍କୁ ପୂଜେ ଅବିରତ
Couplet 65
ବିମୁଖ ଶ୍ରୀକୃଷ୍ଣ କଥାରେରହନ୍ତି ଗୃହାଦି ବ୍ୟାପାରେ
Couplet 66
ଛାଡ଼ି ଅମୃତ କୃଷ୍ଣ କଥାନିତ୍ୟେ ଗୁଣନ୍ତି ଗ୍ରାମ୍ୟଗାଥା
Couplet 67
ତାଙ୍କୁ ବିଧାତା ବାମ ହେଲାବିଅର୍ଥେ ତାଙ୍କ ଜନ୍ମଗଲା
Couplet 68
ସକଳ ଅନର୍ଥ ଯେତେକଏକତ୍ୱେ କଲା ଅବିବେକ
Couplet 69
ଯେସନେ ବିଷ୍ଠା ଭୋଜୀମାନେବିଷ୍ଠା ଭକ୍ଷନ୍ତି ହତ ଜ୍ଞାନେ
Couplet 70
ଏ ମୂଢ଼ଲୋକେ ସେହି ରୂପେପଡ଼ି ଯନ୍ତ୍ରିତ ଭବକୂପେ
Couplet 71
ସେ ପୁଣ କର୍ମଭୋଗ ଅନ୍ତେଚଳନ୍ତି ଶୁଣ ଯେଉଁ ପଥେ
Couplet 72
ସୂର୍ଯ୍ୟଙ୍କ ଦକ୍ଷିଣ ମାର୍ଗରେବସନ୍ତି ସେ ପିତୃଲୋକରେ
Couplet 73
ସେ ଭୋଗଅନ୍ତେ ଗୋ ଜନନୀସଂସାରେ ପଡ଼େ ଦେହ ଘେନି
Couplet 74
ପୁତ୍ରାଦି ଗୃହେ ଜାତ ହୋଇପୂର୍ବବାସନା ନଛାଡ଼ଇ
Couplet 75
ଗର୍ଭ-ଆଧାନ ଆଦି କର୍ମଦେହାନ୍ତେ ଶମଶାନଧର୍ମ
Couplet 76
ଏ କର୍ମମାନ କରୁଥାନ୍ତିସଂସାର ଛାଡ଼ି ନପାରନ୍ତି
Couplet 77
ଗମନ୍ତି ଦେବ-ପିତୃସ୍ଥାନତହିଁ କରନ୍ତି ଭୋଗମାନ
Couplet 78
ପୁଣି ଲଭନ୍ତି ନରଦେହଏମନ୍ତେ କାମ୍ୟକର୍ମସ୍ନେହ
Couplet 79
ଏଣୁ ସୁସ୍ଥିରେ ତୁମ୍ଭେ ମାଏମନ ନିବେଶ କୃଷ୍ଣପାୟେ
Couplet 80
ଶ୍ରବଣେ ଶୁଣ ତାଙ୍କ ଗୁଣକୀର୍ତ୍ତନ କର ଅନୁକ୍ଷଣ
Couplet 81
ସ୍ମରଣ ଅର୍ଚ୍ଚନ ବନ୍ଦନଯେ ନବଭକ୍ତିର ବିଧାନ
Couplet 82
ପାଦ ସେବନ ଦାସ୍ୟଭାବସଖ୍ୟାଦି ଆତ୍ମା ନିବେଦିବ
Couplet 83
ଏତେ ପ୍ରକାରେ କୃଷ୍ଣପାଦେଭକତି କର ଅପ୍ରମାଦେ
Couplet 84
କୃଷ୍ଣରେ କଲେ ଭକ୍ତିଯୋଗତହୁଁ ଲଭଇ ବଇରାଗ୍ୟ
Couplet 85
ତେବେ ଲଭିବ ଦିବ୍ୟଜ୍ଞାନପାଇବ ପରଂବ୍ରହ୍ମସ୍ଥାନ
Couplet 86
ଭକ୍ତିରେ ଚିତ୍ତ ଯେତେବେଳେରହଇ କୃଷ୍ଣ ସୁନିଶ୍ଚଳେ
Couplet 87
ତେବେ ସେ ବିଷୟ ଛାଡ଼ଇପ୍ରିୟ ଅପ୍ରିୟ ନ ଜାଣଇ
Couplet 88
ଇନ୍ଦ୍ରିୟ ବୃତ୍ତିଭେଦ ନାହିଁସମ ବିଷମ ଆର କାହିଁ
Couplet 89
ଏମନ୍ତ ଭାବ ଜନ୍ମେ ଯେବେଦେହେ ଆତ୍ମାକୁ ଦେଖେ ତେବେ
Couplet 90
ପରମାନନ୍ଦ ସୁଖ ପାଇଆନନ୍ଦେ ସଂସାର ଭ୍ରମଇ
Couplet 91
ଛାଡ଼ଇ ସର୍ବ ସଙ୍ଗମାନପରମାନନ୍ଦେ ରହେ ମନ
Couplet 92
ସେ ବ୍ରହ୍ମ ପରମପୁମାନରୂପ ବିହୀନ ଦିବ୍ୟଜ୍ଞାନ
Couplet 93
ସେ ପରମାତ୍ମା ପରମେଶତା ନାମ ପରମ-ପୁରୁଷ
Couplet 94
ସେ ଏକ ନାନା ରୂପ ଧରେଭ୍ରମ ଜନ୍ମାଇଛି ସଂସାରେ
Couplet 95
ଯୋଗୀଙ୍କ ଯୋଗସାଧ୍ୟ ଏହିଏକାନ୍ତେ ସଙ୍ଗ ଯେ ଛାଡ଼ଇ
Couplet 96
ପରମପଦ ଲଭେ ତେବେତାବିନୁ ଭ୍ରମୁଥାଇ ଭବେ
Couplet 97
ବ୍ରହ୍ମ ନିର୍ଗୁଣ ନିରାକାରକେବଳ ଜ୍ଞାନରୂପ ତାର
Couplet 98
ଶବ୍ଦାଦି ଧର୍ମ ଯାର ମାଏସେ ଧର୍ମେ ପ୍ରକାଶ ସେ ହୋଏ
Couplet 99
ଆଭାସ ଦିଶଇ ଭ୍ରାନ୍ତିରେଏ ବାହ୍ୟ ଇନ୍ଦ୍ରିୟଙ୍କ ଦ୍ୱାରେ
Couplet 100
ପ୍ରତ୍ୟକ୍ଷେ ଦେଖୁ ଯେତେ କିଛିଏକା ସେ ସବୁ ହୋଇଅଛି
Couplet 101
କହିବା ସେ ହେତୁ ପ୍ରକାରଯେ ରୂପେ ବ୍ରହ୍ମାଣ୍ତ ସଞ୍ଚାର
Couplet 102
ପ୍ରଥମେ ମହତ ହୋଇଲାତହୁଁ ସେ ଅହଙ୍କାର ହେଲା
Couplet 103
ତ୍ରିବିଧ ହୋଏ ଅହଙ୍କାରଏ ପଞ୍ଚଭୂତ ରୂପ ତାର
Couplet 104
ମନ ଇନ୍ଦ୍ରିୟ ଏକାଦଶଏଥୁଁ ବ୍ରହ୍ମାଣ୍ତ ପରକାଶ
Couplet 105
ଜୀବରୂପରେ ସେହି ତହିଁସ୍ୱରୂପ ତାହାରଟି ଏହି
Couplet 106
ଯେବେ କରଇ ଯୋଗାଭ୍ୟାସଶ୍ରଦ୍ଧାରେ ଭଜଇ ବିଶେଷ
Couplet 107
ବୈରାଗ୍ୟେ ସଙ୍ଗ ତ୍ୟାଗ କରେମନ ନିବେଶି କୃଷ୍ଣଠାରେ
Couplet 108
ତେବେ ସେ ପ୍ରପଞ୍ଚ ଲେଛଇପରମଆତ୍ମାଙ୍କୁ ଚିହ୍ନଇ
Couplet 109
ଭୋ ମାତ ସାବଧାନେ ଘେନତୁମ୍ଭଙ୍କୁ କହିଦେଲୁ ଜ୍ଞାନ
Couplet 110
ଏ ଜ୍ଞାନେ ବ୍ରହ୍ମ ଦରଶନଏହା ବୁଝଇ ଯେଉଁଜନ
Couplet 111
ପ୍ରକୃତି ପୁରୁଷଙ୍କ ତତ୍ତ୍ବସେ ପ୍ରାଣୀ ଦେଖଇ ବ୍ୟଜତ
Couplet 112
ଜ୍ଞାନଯୋଗରେ ତାଙ୍କୁ ପାଇଭକ୍ତିଯୋଗରେ ଲଭ୍ୟ ସେହି
Couplet 113
କେବଳ ମାର୍ଗ ମାତ୍ର ଭେଦନବୁଝି ପାଏ ବହୁ ଖେଦ
Couplet 114
ଜ୍ଞାନରେ ନିର୍ଗୁଣ ଭଜଇଭକ୍ତିରେ ସଗୁଣ ଲଭଇ
Couplet 115
ସେ ଆତ୍ମା ଏକ ନାନା ହୋଏଦୃଷ୍ଟାନ୍ତ କହେ ଶୁଣ ମାଏ
Couplet 116
ଦେଖ ଶାକର କ୍ଷୀର ଆଦିଧରନ୍ତି ନାନା ଗୁଣ ବିଧି
Couplet 117
କିନ୍ତୁ ପଦାର୍ଥ ଏକ ମାଏଇନ୍ଦ୍ରିୟଭେଦେ ଭିନ୍ନ ହୋଏ
Couplet 118
ଚକ୍ଷୁରେ ଶୁକ୍ଳବର୍ଣ୍ଣ ଦିଶେରସନେ ମଧୁର ବିଶେଷେ
Couplet 119
ତ୍ୱଚରେ ଶୀତ ଉଷ୍ଣ ଭେଦନାସାରେ ସୁବାସ ଆମୋଦ
Couplet 120
ଭୋ ମାତ ଆତ୍ମା ବ୍ରହ୍ମ ଏକଗୁଣରେ ଦିଶଇ ଅନେକ
Couplet 121
ଯେ ତାକୁ ଯେ ରୂପେ ଭଜଇସେ ତାକୁ ସେ ରୂପେ ଦିଶଇ
Couplet 122
ତାକୁ ଜାଣିବ ଏକ ବୋଲିନବୁଝି କରୁଥାନ୍ତି କଳି
Couplet 123
ଶାସ୍ତ୍ରମାର୍ଗରେ ନାନା କହେସେ ପୁଣି ଏକ ନାନା ନୋହେ
Couplet 124
ଶୁଣ ଜନନୀ ଶାସ୍ତ୍ରଭେଦଯେଣେ ଛାଡ଼ିବ ସର୍ବଖେଦ
Couplet 125
ଯେ କ୍ରିୟାପୂର୍ତ୍ତି ଆଦି କରିଯେ ଯାହା କରନ୍ତି ଆଦରି
Couplet 126
ତହୁଁ ଯେ ହୋଏ ଭୋଗମାନସେ ସବୁ ରୂପ ଭଗବାନ
Couplet 127
ଯାଗକର୍ମରେ ପ୍ରାପ୍ୟ ସେହିଦାନରେ ଅନ୍ୟ ନାହିଁ କେହି
Couplet 128
କେହୁ କରନ୍ତି ତପମାନସେ ସବୁ ତହୁଁ ନୋହେ ଆନ
Couplet 129
ସେହିଟି ବେଦ-ଅଧ୍ୟୟନେମୀମାଂସାଶାସ୍ତ୍ର ତାହା ଭଣେ
Couplet 130
ନିଷିଦ୍ଧ କର୍ମ ତ୍ୟାଗ ଯେହିସେ ଧର୍ମ ଜାଣିଥିବ ସେହି
Couplet 131
ସନ୍ନ୍ୟାସ କାହାର ବା ଧର୍ମଯହିଁ ଛାଡ଼ନ୍ତି କାମ୍ୟକର୍ମ
Couplet 132
ବିବିଧ ଅଙ୍ଗ ଯୋଗ ସେହିଭକ୍ତିଯୋଗରେ ପ୍ରାପ୍ୟ ଏହି
Couplet 133
ଜ୍ଞାନଯୋଗ ହିଁ ତାକୁ କହିସେ ଏକବସ୍ତୁ ସର୍ବମୟୀ
Couplet 134
ସକାମ ନିଷ୍କାମ ଯେ ଧର୍ମସଗୁଣରୂପ ସବୁ ବ୍ରହ୍ମ
Couplet 135
ଆତ୍ମତତ୍ତ୍ବରେ ଗମ୍ୟ ଏହିବୈରାଗ୍ୟ ଧର୍ମେ ତାକୁ ପାଇ
Couplet 136
ଏମନ୍ତେ ନାନା ଶାସ୍ତ୍ରମତେଯେ ପ୍ରାଣୀ ଭଜଇ ଯେମନ୍ତେ
Couplet 137
ସଗୁଣ ନିର୍ଗୁଣଟି ସେହିତା ବିନୁ ଅନ୍ୟ ନାହିଁ କେହି
Couplet 138
ଏ ଭକ୍ତିଯୋଗ ଚାରିମତସ୍ୱରୂପ କରିଲୁଁ ବ୍ୟକତ
Couplet 139
ଯେ କାଳ ଅନ୍ତରେ ଧାବଇସୃଜନ ଆଦି ଯେ କରଇ
Couplet 140
କହିଲୁଁ ସ୍ୱରୂପ ତାହାରଭୋ ମାତ କରତୁ ବିଚାର
Couplet 141
ଗତି ଏ ଜୀବମାନଙ୍କରଅବିଦ୍ୟାକର୍ମରେ ପ୍ରଚୁର
Couplet 142
ଏ ଆତ୍ମା ତହିଁ ପଶିଥାଇଆପଣା ଗତି ନ ବୁଝଇ
Couplet 143
ଏମନ୍ତେ ଜୀବ ଗତାଗତିକହିଲୁ ଛାଡ଼ ମନୁ ଭ୍ରାନ୍ତି
Couplet 144
ଏ ଯୋଗ ନ କରି ପ୍ରକାଶକହିଲେ ଧର୍ମ ହୋଏ ନାଶ
Couplet 145
କେବେହେଁ ଖଳେ ନ କହିବବିନୟ ଯେ ପ୍ରାଣୀ ନୋହିବ
Couplet 146
ନ କହି ଦୁର୍ଜନ ଅଗ୍ରତେଅପରେ ଧର୍ମଧ୍ୱଜୀ ଯେତେ
Couplet 147
ଦାମ୍ଭିକ ଅଗ୍ରତେ ନ କହିପ୍ରଲୋଭୀ ପ୍ରାଣୀ ଅଟେ ଯେହି
Couplet 148
ଯେ ଗୃହଧର୍ମେ ହୋଇ ରତତାରେ ନ କହି କଦାଚିତ
Couplet 149
ନ ସହେ ଯେ ଭକତଜନେନ କହ ଭକ୍ତିହୀନ ଜନେ
Couplet 150
ଏମନ୍ତ ଲୋକେ ନ କହିବଗର୍ବିତ ଭାବ ଯାର ଥିବ
Couplet 151
ମୋ ଭକ୍ତିହୀନେ ନ କହିବମୋ ଭକ୍ତେ ଦ୍ୱେଷ ଯାର ଥିବ
Couplet 152
ଯାହାର ଶ୍ରଦ୍ଧା ଏଥି ଥିବତାହାକୁ ଏ ମାର୍ଗ କହିବ
Couplet 153
ଭକତଜନେ ଏହା କହିଯେ ଭକ୍ତଜନରେ ସେବଇ
Couplet 154
ଯେ ପ୍ରାଣୀ ଏଥେ ସ୍ପୃହା କରେଏ ଧର୍ମ କହିବ ତାହାରେ
Couplet 155
ଯେ ପ୍ରାଣୀ ସର୍ବଭୂତେ ମିତ୍ରତାହାକୁ କହି ଏ ଚରିତ
Couplet 156
ଯେ ପ୍ରାଣୀ ଗୁରୁଙ୍କୁ ସେବଇଏ ଦୀକ୍ଷା ତାରେ ଶିକ୍ଷା ଦେଇ
Couplet 157
ବିଷୟେ ବୈରାଗ୍ୟ ଯାହାରଯେ ପ୍ରାଣୀ ଶାନ୍ତଚିତ୍ତ ଧୀର
Couplet 158
ଯେ ପ୍ରାଣୀ ହୋଏ ନିର୍ମତ୍ସରବିନୀତ ଶୁଚି ନିରନ୍ତର
Couplet 159
ପ୍ରିୟମାନଙ୍କ ଅତିପ୍ରିୟକରଇ ମୋରଠାରେ ସ୍ନେହ
Couplet 160
ଏମନ୍ତ ପ୍ରାଣୀଙ୍କି କହିବଅଧର୍ମଠାରେ ଲୁଚାଇବ
Couplet 161
ଶ୍ରଦ୍ଧାରେ ଯେ ଏହା ଶୁଣନ୍ତିଅଥବା ଆଦରେ ଭଣନ୍ତି
Couplet 162
ମୋହର ପଦବୀ ସେ ପାଏସତ୍ୟ କହିଲୁ ଏହା ମାଏ
Couplet 163
ତୃତୀୟସ୍କନ୍ଧେ ଭାଗବତକପିଳମୁନି ଯୋଗ ଖ୍ୟାତ
Couplet 164
ମାତାଙ୍କୁ ଦେଲେ ଜ୍ଞାନବାଣୀସୁଜନେ ତର ଏହା ଶୁଣି
Couplet 165
କର୍ମବିପାକ ପ୍ରାଣୀଙ୍କରଦ୍ୱାତ୍ରିଂଶ ଅଧ୍ୟାୟ ସଞ୍ଚାର
Couplet 166
ଶ୍ରବଣ କର ସାଧୁଜନେବ୍ରାହ୍ମଣ ଜଗନ୍ନାଥ ଭଣେ