Adhyaya 28

Couplet 1

ଶୁଣ ନୃପତିସୁତା ତୁମ୍ଭେଯୋଗଲକ୍ଷଣ କହୁ ଆମ୍ଭେ

Couplet 2

ମନ ପ୍ରସନ୍ନ ଯେଣେ ହୋଇସତ୍ପଥେ ସର୍ବଦା ଗମଇ

Couplet 3

ଏଣୁ ଏ ଗ୍ରାମ୍ୟଧର୍ମ ଛାଡ଼ିନିବୃତ୍ତିମାର୍ଗେ ଚିତ୍ତ ବଢ଼ି

Couplet 4

ନିଶ୍ଚଳ ସ୍ଥାନେ ଅବସ୍ଥାନକରିବ ପବିତ୍ର ଭୋଜନ

Couplet 5

ଅହିଂସା ସତ୍ୟମାର୍ଗେ ଭଜିଅଧିକ ପ୍ରତିଗ୍ରହ ତେଜି

Couplet 6

ଯେ ବ୍ରହ୍ମଚର୍ଯ୍ୟ ଆଚରଣତପ ଶଉଚ ଅଧ୍ୟୟନ

Couplet 7

ପରମ-ପୁରୁଷ ଅର୍ଚ୍ଚନତା ପାଦେ ଦେଇ ବାକ୍ୟମନ

Couplet 8

ନିଶ୍ଚଳେ ଆସନେ ବସିବମଉନ ବ୍ରତ ଆଚରିବ

Couplet 9

ମନକୁ ନିର୍ବିକ୍ଷୟ କରିଇନ୍ଦ୍ରିୟ ସମୂହ ନିବାରି

Couplet 10

ଆହାର ଜିଣି ପ୍ରତ୍ୟାହାରେପ୍ରାଣକୁ ସ୍ଥାପିବ ନିଶ୍ଚଳେ

Couplet 11

ଆତ୍ମାରେ ଆତ୍ମାକୁ ଚିନ୍ତିବବୈକୁଣ୍ଠଲୀଳାକୁ ଭାବିବ

Couplet 12

ବୁଦ୍ଧିର ବଳେ କର୍ମସାଧିନିଶ୍ଚଳ ଯୋଗରେ ସମାଧି

Couplet 13

ଏ ବିନୁ ଅନ୍ୟ ମାର୍ଗ ନାହିଁଶୁଣ ଗୋ ମାତ ମନ ଦେଇ

Couplet 14

ବିଶୁଦ୍ଧ ଦେଶରେ ଆସନକୁଶ କମ୍ବଳ କୃଷ୍ଣାଜିନ

Couplet 15

ସ୍ୱସ୍ତିକ ଆସନେ ବସିବଆନନ୍ଦେ ଯୋଗ ଅଭ୍ୟାସିବ

Couplet 16

ଯେ ପ୍ରାଣମାର୍ଗ ବିଶୋଧକପୂରକ କୁମ୍ଭକ ରେଚକ

Couplet 17

ଏ ମାର୍ଗେ ପ୍ରାଣକୁ ଶୋଧିବନିଶ୍ଚଳ ଚିତ୍ତରେ ଚିନ୍ତିବ

Couplet 18

ଯେମନ୍ତେ ବାୟୁ ଅଗ୍ନି ଲାଗିଲୋହ ଦଗଧେ ମଳତ୍ୟାଗି

Couplet 19

ସେ ରୂପେ ପ୍ରାଣାୟମ କଲେଆତ୍ମା ନିର୍ମଳ ହୁଏ ଭଲେ

Couplet 20

ସମସ୍ତ ଦୋଷ ଏଣେ ହରେଯେବ ପାତକ ପୂର୍ବାପରେ

Couplet 21

ପ୍ରତ୍ୟାହାରର ବଳେ ମନଧ୍ୟାନରେ ଜିଣଇ ତ୍ରିଗୁଣ

Couplet 22

ମନ ନିର୍ମଳ ଯେତେବେଳେଯୋଗକୁ ସାଧିବ ନିଶ୍ଚଳେ

Couplet 23

କଳା କାଷ୍ଠା ବା ଦଣ୍ତ କ୍ଷଣେନାସିକା ଅଗ୍ର ଦରଶନେ

Couplet 24

ଧ୍ୟାନେ ଚିନ୍ତିବ ଭଗବାନଅନାଦି-ପରମ-କାରଣ

Couplet 25

ଶ୍ୟାମସୁନ୍ଦର କଳେବରବଚନ ଅମୃତ ମଧୁର

Couplet 26

ସୁନ୍ଦର ପ୍ରସନ୍ନ ବଦନପଦ୍ମର ପ୍ରାୟେ ଯା ନୟନ

Couplet 27

ପଙ୍କଜ କିଞ୍ଜଳ୍କର ପ୍ରାୟେପୀତବସନ କଟୀ ଶୋହେ

Couplet 28

ଯେ ଶଙ୍ଖଚକ୍ର ଗଦାଧରପଦ୍ମ ବିରାଜେ ଭୁଜେ ତାର

Couplet 29

ଶ୍ରୀବତ୍ସ› ଚିହ୍ନ ବକ୍ଷସ୍ଥଳେକିବା ଉପମା ଦେବା ଭଲେ

Couplet 30

ମୁକୁତା ଚାପସରି ଶୋହେକଣ୍ଠେ କୌସ୍ତୁଭମଣି ମୋହେ

Couplet 31

ଲମ୍ବିତ ତାର ପୃଷ୍ଠଦେଶେପାଟଝୁମ୍ପାଏ ସେ ପ୍ରକାଶେ

Couplet 32

ଅମଳ ବନମାଳା ଗଳେମତ୍ତ ଭ୍ରମର ମଧୁ ଭୋଳେ

Couplet 33

ମଧୁର ଧ୍ୱନି ସେ କରନ୍ତିଆନନ୍ଦେ ଉଡ଼ି ପନ୍ତି ପନ୍ତି

Couplet 34

କିରୀଟ ଅଙ୍ଗଦ ବିରାଜେଅମୂଲ୍ୟ ହାର ହୃଦେ ସାଜେ

Couplet 35

ରତ୍ନ ନୂପୁର ପାଦେ ଶୋହିକିବା ଉପମା ଦେବା ତହିଁ

Couplet 36

କଟିରେ କାଞ୍ଚିଗୁଣ ସାଜେଭକ୍ତଙ୍କ ମନରେ ବିରାଜେ

Couplet 37

ତାହାଙ୍କ କର୍ଣ୍ଣରେ କୁଣ୍ତଳଶୋଭିତ କରେ ଗଣ୍ତସ୍ଥଳ

Couplet 38

ଏମନ୍ତ ରୂପ ଭକ୍ତଜନେହୃଦେ ଚିନ୍ତନ୍ତି ଅନୁକ୍ଷଣେ

Couplet 39

ଆନନ୍ଦେ ଦର୍ଶନ କରନ୍ତିନିର୍ମଳ ନୟନେ ଦେଖନ୍ତି

Couplet 40

କିଶୋର ତରୁଣ ବୟସଅତି ସୁନ୍ଦର ସୁପ୍ରକାଶ

Couplet 41

ସର୍ବଲୋକଙ୍କ ନମସ୍କୃତଅବ୍ୟୟ ସୁଶାନ୍ତ ମହତ

Couplet 42

ଭକ୍ତାନୁଗ୍ରହୀ ସେ ଅଟନ୍ତିଭକ୍ତର କଷ୍ଟ ନ ସହନ୍ତି

Couplet 43

କୀର୍ତ୍ତନ-ଯୋଗ୍ୟ ଯଶ ଯାରତୀର୍ଥ ସମାନ ପାପହର

Couplet 44

ଯାହାରକୀର୍ତ୍ତି ପୁଣ୍ୟଶ୍ଳୋକେଗାୟନ କରୁଥାନ୍ତି ମୁଖେ

Couplet 45

ଏରୂପେ ତା ଅଙ୍ଗ ସମଗ୍ରେମନରେ ଚିନ୍ତିବେ ଏକାଗ୍ରେ

Couplet 46

ଆସନେ ବସି ଏକାନ୍ତରେଗମନ ଶୟନ ଗୁହାରେ

Couplet 47

ଅଙ୍ଗକୁ ଅଙ୍ଗପ୍ରତି ଧ୍ୟାନଚିନ୍ତିବ ବିଷ୍ଣୁର ଚରଣ

Couplet 48

ଧ୍ୱଜ ଅଙ୍କୁଶ ବଜ୍ର ଚିହ୍ନପଦ୍ମ ସହିତେ ଯେ ଲା‚ଞ୍ଛନ

Couplet 49

ତୁଙ୍ଗ ସୁରଙ୍ଗ ପାଦ ଦୁଇନଖ ଚନ୍ଦ୍ରିକା ବିରାଜଇ

Couplet 50

ଖଣ୍ତଇ ହୃଦ ଅନ୍ଧକାରଧ୍ୟାନେ ଭଜିବ ନିରନ୍ତର

Couplet 51

ଯା ପାଦୋଦକ ଗଙ୍ଗାନୀରଶିରରେ ରହିଛନ୍ତି ହର

Couplet 52

ସେ ନୀରେ ବ୍ରହ୍ମାଣ୍ତ ମଧ୍ୟରେସ୍ନାନେ ତରନ୍ତି ସୁରନରେ

Couplet 53

ପାପ-ଶଇଳ ବଜ୍ରପ୍ରାୟେଯା ପାଦ ନାଶଇ ନିର୍ଭୟେ

Couplet 54

ସେ ପାଦପଦ୍ମେ ଧ୍ୟାନ କରିନିତ୍ୟେ ବାନ୍ଧିବ ଚିତ୍ତେ ଧରି

Couplet 55

ସେ ପାଦପଦ୍ମର ମହିମାକେ କହିପାରେ ଗୁଣସୀମା

Couplet 56

ଯେ ପାଦଯୁଗ ମନୋହରଲକ୍ଷ୍ମୀ ସେବଇ ନିରନ୍ତର

Couplet 57

ସୁନ୍ଦର ଜାନୁଲମ୍ବମାନଗରୁଡ଼ସ୍କନ୍ଧରେ ଶୋଭନ

Couplet 58

ଅତସୀ କୁସୁମର ପ୍ରାୟେଅଙ୍ଗ ତାହାର ଶୋଭାପାଏ

Couplet 59

ତଡ଼ିତ ଜିଣି ପୀତମ୍ବରକାଞ୍ଚି ନିତମ୍ବେ ମନୋହର

Couplet 60

ଏ ବିଶ୍ୱ ଯାହାର ଉଦରସପ୍ତସମୁଦ୍ର ଦ୍ୱୀପବର

Couplet 61

ଯା ନାଭିପଦ୍ମୁ ବ୍ରହ୍ମଜାତଅଖିଳ-ବ୍ରହ୍ମାଣ୍ତର ନାଥ

Couplet 62

ଏମନ୍ତ ଭାବେ ଏହା ଚିନ୍ତିଅପରେ ହୃଦୟ ଆକୃତି

Couplet 63

ମର୍କତମଣି ପ୍ରାୟେ ଶୋଭାସ୍ତନଯୁଗଳ ଦିବ୍ୟପ୍ରଭା

Couplet 64

ତା ମଧ୍ୟେ ବିଶଦ ଯେ ହାରଅତ୍ୟନ୍ତ ଶୋଭା ସେ ହୃଦର

Couplet 65

ଲକ୍ଷ୍ମୀ ଭୂଷଣ ବକ୍ଷସ୍ଥଳେକୌସ୍ତୁଭମଣି ଶୋଭେ ଗଳେ

Couplet 66

ଅଖିଳଲୋକ ନମସ୍କୃତରୂପ ଚିନ୍ତିବ ଜଗନ୍ନାଥ

Couplet 67

ମନ୍ଦରଗିରି ଶୃଙ୍ଖ ପ୍ରାୟେତା ଭୁଜଦଣ୍ତ ଶୋଭାପାଏ

Couplet 68

ଯେ ଚକ୍ର ଧରିଛନ୍ତି କରଅତି ଅସହ୍ୟ ତେଜ ତାର

Couplet 69

ତା କରପଦ୍ମେ ଶଙ୍ଖ ପ୍ରଭାରାଜହଂସର ପ୍ରାୟେ ଶୋଭା

Couplet 70

ଦାନବ ରୁଧିରେଣ ଯୁକ୍ତଗଦାଏ ଅଛି ତାର ହସ୍ତ

Couplet 71

ମାଳାରେ ତାକଣ୍ଠ ଶୋଭିତଭ୍ରମର ଗୁଞ୍ଜନେ ଶବ୍ଦିତ

Couplet 72

ତା ମଧ୍ୟ୍ୟେ କୌସ୍ତୁଭ ଖଚିତଯାହା ଅଟଇ ଜୀବତ‌ତ୍ତ୍ବ

Couplet 73

ଭୃତ୍ୟାନୁଗ୍ରହେ ତା ଶ୍ରୀମୁଖସୁସ୍ମିତ ସୁରଙ୍ଗ ସୁରେଖ

Couplet 74

ସୁନ୍ଦର ବଦନାରବିନ୍ଦପରେ ଚିନ୍ତିବେ ଯୋଗୀବୃନ୍ଦ

Couplet 75

ଶ୍ରବଣେ ମକର କୁଣ୍ତଳଚଳନ୍ତେ ଶୋହେ ଗଣ୍ତସ୍ଥଳ

Couplet 76

ତୁଙ୍ଗନାସିକା ଦିବ୍ୟଶୋଭାକୁଟିଳ ଅଳକ ସୁପ୍ରଭା

Couplet 77

ଲୋଚନଯୁଗ ପଦ୍ମପ୍ରାୟେତହିଁରେ ଭୃଙ୍ଗ କିବା ଶୋହେ

Couplet 78

ଏମନ୍ତ ରୂପ ଯେବା ଧ୍ୟାନଆନନ୍ଦେ କରେ ଅନୁକ୍ଷଣ

Couplet 79

ତାହାକୁ ପ୍ରଭୁ କୃପା କରେଏ ଘୋର ତାପତ୍ରୟ ହରେ

Couplet 80

ଏଣୁ ଏ ରୂପ ଗୁଣ ଧ୍ୟାନେନିତ୍ୟେ ଚିନ୍ତିବ ଦୃଢ଼ମନେ

Couplet 81

ଅଖିଳଲୋକ ତାପ ହରେଯେ ମନ୍ଦହାସ ଶ୍ରୀମୁଖରେ

Couplet 82

ମକରଧ୍ୱଜ-ଚାପ ପ୍ରାୟେଭ୍ରୁଜଙ୍ଗଯୁଗ ତାର ଶୋହେ

Couplet 83

କଟାକ୍ଷ ଶରପନ୍ତି ହୋଇମୁନିଜନଙ୍କ ମନ ମୋହି

Couplet 84

ଏଣେ ମୋହିତ ମୁନିଜନେଧ୍ୟାନ କରନ୍ତି ଅନୁକ୍ଷଣେ

Couplet 85

ତା ଉଚ୍ଚହାସ୍ୟ ଧ୍ୟାନ କରଅରୁଣବର୍ଣ୍ଣ ଓଷ୍ଠାଧାର

Couplet 86

କୁନ୍ଦ-କୋରକ ପ୍ରାୟେ ହୋଇତା ଦନ୍ତପଙ୍‌କ୍ତି ବିରାଜଇ

Couplet 87

ପ୍ରେମାନୁବନ୍ଧେ ଏହା ଚିନ୍ତିସେ ଅନ୍ୟ କିଛି ନବାଛନ୍ତି

Couplet 88

ଏ ରୂପ ଧ୍ୟାନଯୋଗ ଭାବେଭକ୍ତ ହୃଦୟ ଯହୁଁ ଦ୍ରବେ

Couplet 89

ଉତ୍କଣ୍ଠା ଅଶ୍ରୁ ପୁନଃ ପୁନଃପୁଲକ ହୋଏ ତନୁଲୋମ

Couplet 90

ଆନନ୍ଦସାଗରେ ବୁଡ଼ଇଆଉ ବା ଧ୍ୟାନ ତାର କାହିଁ

Couplet 91

ଏ ରୂପେ ନିର୍ବିଷୟ ହୋଇନିଷ୍କାମମାର୍ଗେ ଯୋଗଧ୍ୟାୟି

Couplet 92

ପରମାନନ୍ଦ ରୂପ ଚିନ୍ତିବ୍ରହ୍ମ ନିର୍ବାଣ ସେ ଲଭନ୍ତି

Couplet 93

ଜ୍ୟୋତିସ୍ୱରୂପେ ଆତ୍ମା ଏକସର୍ବତ୍ର ଦେଖଇ ପ୍ରତ୍ୟକ୍ଷ

Couplet 94

ଗୁଣ ପ୍ରବାହକୁ ନାଶଇଅଗମ୍ୟ ଦିବ୍ୟସ୍ଥାନ ପାଇ

Couplet 95

ଏ ରୂପେ ଭକ୍ତିଯୋଗ ସାଧିତରଇ ସଂସାର ଜଳଧି

Couplet 96

ନ ଜାଣେ ସୁଖ ଦୁଃଖ ଭାବଜନ୍ମ ମୃତ୍ୟୁର ପରାଭବ

Couplet 97

ମଦିରାପାନେ ଭୋଳ ହୋଇଯେମନ୍ତ ବିବଶ ହୁଅଇ

Couplet 98

ବସନ କଟିତଟେ ଅଛିଅଥବା ଭୂତଳେ ପଡ଼ିଛି

Couplet 99

ଅଜ୍ଞାନେ କିଛି ନ ଜାଣନ୍ତିସେ ରୂପେ ଯୋଗୀ ଦେହବୃତ୍ତି

Couplet 100

ଏ ଦେହ କର୍ମବଶ ହୋଇସର୍ବ ସଂକଳ୍ପ କରୁଥାଇ

Couplet 101

ଯାବତ ଯୋଗସିଦ୍ଧି ନୋହିତାବତ ବିଷୟେ ଭ୍ରମଇ

Couplet 102

ପୁତ୍ର କଳତ୍ର ଗୃହ ଧନସ୍ନେହେ ବନ୍ଧନ ପ୍ରାଣୀ ମନ

Couplet 103

ସ୍ୱପ୍ନର ପ୍ରାୟ ତାହା ମଣିପୁରୁଷ ନ ମଜ୍ଜଇ ପୁଣି

Couplet 104

ଅତି ସ୍ନେହରେ ପୁତ୍ର ବିତ୍ତଆତ୍ମ ସ୍ୱରୂପେ ହିଁ କଳ୍ପିତ

Couplet 105

ସ୍ୱଭାବେ ବିଭିନ୍ନ ଅଟଇସେ ରୂପେ ଦେହେ ଆତ୍ମା ହୋଇ

Couplet 106

ଯେମନ୍ତେ ଅଗ୍ନି ଧୂମ ବଳେକେବେ ହେଁ ନଦିଶେ ନିର୍ମଳେ

Couplet 107

ସେ ରୂପେ ବିଷୟାରେ ପ୍ରାଣୀକେବେ ହେଁ ଆତ୍ମାକୁ ନ ଚିହ୍ନି

Couplet 108

କାଷ୍ଠରୁ ଧୂମ ଅଗ୍ନି ଜାତସେ କାଷ୍ଠ ଦହଇ ଯେମନ୍ତ

Couplet 109

ଅଜ୍ଞାନୁ ଜ୍ଞାନ ଜାତ ହୋଇବିଷୟ-ବାସନା ଦହଇ

Couplet 110

ଭୂତ ଇନ୍ଦ୍ରିୟଗଣ ଯେତେପ୍ରଧାନ-ପୁରୁଷ ସହିତେ

Couplet 111

ଏକୁ ଅନେକ ରୂପ ହୋଇବ୍ରହ୍ମାଣ୍ତେ ଲୀଳା ସେ କରଇ

Couplet 112

ଏମନ୍ତ ଭାବେ ବ୍ରହ୍ମଜ୍ଞାନପ୍ରାଣୀ ଚିନ୍ତନ୍ତି ଅନୁକ୍ଷଣ

Couplet 113

ଏ ସର୍ବଭୂତ ତାର ଦେହିସେ ସର୍ବଭୂତ ମଧ୍ୟେ ଥାଇ

Couplet 114

ଏମନ୍ତ ଭାବେ ସର୍ବଭୂତେଅନନ୍ୟଭାବେ ଦେଖେ ନିତ୍ୟେ

Couplet 115

ସେ ଜ୍ୟୋତିର୍ମୟ ଆତ୍ମଯୋନିଗୁଣ ପ୍ରବାହ ଭେଦ ଘେନି

Couplet 116

ଆଭାସେ ଯତା ଭିନ୍ନେ ଭିନ୍ନେଆଧାର ଭେଦେ ଅଗ୍ନି ଯେହ୍ନେ

Couplet 117

ସତ୍ ଅସତ୍ ଆତ୍ମା ସେହିତା ବିନୁ ଅନ୍ୟ ନାହିଁ କେହି

Couplet 118

ପରମ ଭକ୍ତିଭାବ ଏହିଏ ଭାବେ ଚିନ୍ତ ମନ ଦେଇ

Couplet 119

ତେବେ ଏ ସଂସାରୁ ତରିବଶ୍ରୀକୃଷ୍ଣ-ଚରଣ ଲଭିବ

Couplet 120

ଭୋ ମାତ ସାଧ ଏହି ଯୋଗହେଳେ ତରିବ କର୍ମଭୋଗ

Couplet 121

ଏଣୁ ସଂସାରୁ ତରିଯିବନାହିଁ ଯାତନା ପରାଭବ

Couplet 122

କହଇ ବିପ୍ର ଜଗନ୍ନାଥସୁଜନେ ଚିନ୍ତ ଏହିପଥ