Adhyaya 27

Couplet 1

ବିଷ୍ଣୁ କହନ୍ତି ତୋଷମନେମନୁ ତନୟା ସନ୍ନିଧାନେ

Couplet 2

ଶୁଣି ଜନନୀ ଏକମନଯେ ହରି ଅଜ-ନିରଞ୍ଜନ

Couplet 3

ନିର୍ଗୁଣ ନିର୍ବିକାରମୟେବସଇ ଆତ୍ମାରୂପେ ଦେହେ

Couplet 4

ପ୍ରକୃତିଗୁଣେ ନୋହେ ସଙ୍ଗଜଳ ଯେସନେ ଅର୍କବିମ୍ବ

Couplet 5

ସେ ଦେହଧର୍ମେ ବଦ୍ଧ ହୋଇଆତ୍ମାଙ୍କୁ ଅହଙ୍କାର ବହି

Couplet 6

ଆତ୍ମାର ଦୁଃଖ ସୁଖ ମଣେକର୍ମକରତା ମୁଁ ପ୍ରମାଣେ

Couplet 7

ଆତ୍ମାର ବନ୍ଧ କର୍ମ ପାକେନିତ୍ୟେ ଭ୍ରମଇ ଦୁଃଖ ସୁଖେ

Couplet 8

ଦେହକୁ କରେ ଅଭିମାନଏଣୁ ହରଇ ନିଜ ଜ୍ଞାନ

Couplet 9

ନିରତେ ଅହଙ୍କାର ଘେନିଏମନ୍ତେ ଭ୍ରମେ ନାନା ଯୋନି

Couplet 10

ଯେସନେ ଜଳେ ପ୍ରାଣୀ ପଶେପୁଣି ଉଠନ୍ତେ ଶିର ଦିଶେ

Couplet 11

ଜନ୍ମ ମରଣ ଏହି ମତଅର୍ଜିଲା କର୍ମର ଆୟତ୍ତ

Couplet 12

ଆତ୍ମାର କର୍ମଫଳ ଘେନିଜୀବ ଭ୍ରମଇ ନାନା ଯୋନି

Couplet 13

ଅଜ୍ଞାନେ ଏ ଘୋର ସଂସାରେଜୀବ ଭ୍ରମଇ ଅହଂକାରେ

Couplet 14

ଦୁଃଖ ଲଭଇ ବାରେବାରେଆତ୍ମାର ଗତି ନବିଚାରେ

Couplet 15

ସ୍ୱପ୍ନେ ଅନର୍ଥ ଯେତେ ଦେଖିନାନା ପ୍ରପେଞ୍ଚେ ଉପଲକ୍ଷି

Couplet 16

ଦେଖନ୍ତେ ମଣେ ତା ପ୍ରତ୍ୟକ୍ଷଯେହ୍ନେ ଜାଗରେ ହୋଏ ମିଛ

Couplet 17

ଏ ରୂପେ ଜୀବର ସଞ୍ଚାରଏମନ୍ତ ମାୟା ଏ ସଂସାର

Couplet 18

ଏ ଜୀବ ମୋହିତ ଅଜ୍ଞାନେଏ ରୂପେ ପଡ଼ଇ ବନ୍ଧନେ

Couplet 19

ଏଣୁ ସଂଯମଚିତ୍ତ କରିବିଷୟ-ବିଷରୁ ଉଦ୍ଧରି

Couplet 20

ଭକ୍ତି-ବିରକ୍ତି ଯୋଗବଳେମନକୁ ବଶ କରି ହେଳେ

Couplet 21

ନିୟମେ ମାପି ସୁନିଶ୍ଚଳେଛାଡ଼ି ଇନ୍ଦ୍ରିୟ ସଙ୍ଗ ମେଳେ

Couplet 22

ବିଷ୍ଣୁ-ବିଷୟେ ମନ ଧରିସାଧିବ ଶରୀର ପାଶୋରି

Couplet 23

ଯତ୍ନେ ସାଧିବ ଯୋଗ ତପସତ୍ୟ-ଶଉଚ-ଶ୍ରଦ୍ଧା କଳ୍ପ

Couplet 24

ମୋହର ଗୁଣ କର୍ମ ଯଶଶ୍ରବଣ କୀର୍ତ୍ତନେ ହରଷ

Couplet 25

ସକଳଜୀବେ ନିଜ ପ୍ରାୟେସମେ ଦେଖିବ ବିଷ୍ଣୁମୟେ

Couplet 26

ପ୍ରାଣୀଙ୍କ ହିତେ ଥିବ ନିତ୍ୟେଚଞ୍ଚଳ-ଇନ୍ଦ୍ରିୟ ସଂଯତେ

Couplet 27

ଈଶ୍ୱରେ ସ୍ଥାପି କର୍ମଫଳସ୍ୱଧର୍ମ ସାଧିବ ନିଶ୍ଚଳ

Couplet 28

ପ୍ରଥମ-ଆଶ୍ରମର ମତେସ୍ୱଧର୍ମ ମୌନ ସତ୍ୟଯୁତେ

Couplet 29

କରି ଛାଡ଼ିବ ଗୃହ ସ୍ନେହଯେ ଅହଙ୍କାର ମାୟାମୋହ

Couplet 30

ଆହାରେ ଭଲ ମନ୍ଦ ନାହିଁଯେବା ମିଳିବ ଯାହା ଯହିଁ

Couplet 31

ଅଳ୍ପ ଭୋଜନେ ମତ ତୋଷିଏକାନ୍ତ ଜ୍ଞାନେ ନିତ୍ୟେ ବସି

Couplet 32

କରୁଣ ଶାନ୍ତ ଶିଷ୍ଟ ଗୁଣସକଳ ଭୂତେ ମିତ୍ରପଣ

Couplet 33

ସୁହୃଦ ସୁତ ଗୃହ ନାରୀଏ ଦେହେ ମମତା ନକରି

Couplet 34

ପ୍ରକୃତି ପୁରୁଷ ବିଚାରଜ୍ଞାନର ତ‌ତ୍ତ୍ବ ଅବଧାର

Couplet 35

ତେଣେ ନିବୃତ୍ତ ବୁଦ୍ଧିଭାବଜାଗ୍ରତ ସ୍ୱପ୍ନ ଆଦିଭାବ

Couplet 36

ସମସ୍ତ ହୁଅଇ ନିବୃତ୍ତବିଷୟ-ଚିନ୍ତା ଦୂରୀଭୂତ

Couplet 37

ଅନ୍ୟ ଦର୍ଶନ ତାର ନାହିଁଆତ୍ମାରେ ଆତ୍ମାକୁ ଦେଖଇ

Couplet 38

ଚକ୍ଷୁର ଅର୍କେ ଅର୍କ ପ୍ରାୟେଦେଖଇ ସର୍ବ ବ୍ରହ୍ମମୟେ

Couplet 39

ସେ ବ୍ରହ୍ମ ନିତ୍ୟ ଲିଙ୍ଗମୁକ୍ତଆଭାସେ ଅହଙ୍କାରେସ୍ଥିତ

Couplet 40

ଏଣୁ ଯେ ଅହଙ୍କାରୀ ଜୀବକି ରୂପେ ବ୍ରହ୍ମଙ୍କୁ ଦେଖିବ

Couplet 41

ଭୋ ମାତ ସଂଶୟ ନକରପ୍ରମାଣ କହିବା ତାହାର

Couplet 42

ଯେସନେ ରବିବିମ୍ବ ଜଳେଆଭାସୁ ପୁଣି ଲକ୍ଷି ସ୍ଥଳେ

Couplet 43

ପୁଣି ସେ ଜଳବିମ୍ବ-ବଳେଆକାଶ-ରବି ଦେଖି ଡୋଳେ

Couplet 44

ତେସନେ ଦେହେନ୍ଦ୍ରିୟ ମନେଏ ଜୀବ ଥାଇଣ ପ୍ରଚ୍ଛନ୍ନେ

Couplet 45

ଏ ଯେ ତ୍ରିଗୁଣ ଅହଙ୍କାରଆଭାସ ଯହିଁରେ ବ୍ରହ୍ମର

Couplet 46

ତହୁଁ ବ୍ରହ୍ମଙ୍କୁ ଉପଲକ୍ଷିପୁଣି ପତ୍ୟେକ୍ଷେ ତାକୁ ଦେଖି

Couplet 47

ଆତ୍ମା ଅଟଇ ଶୁଦ୍ଧଜ୍ଞାନଅନୁଭବରେ ତା ପ୍ରମାଣ

Couplet 48

ସୁଷୁପ୍ତି ଅବସ୍ଥାରେ ଯେବେଭୂତାଦି ରହେ ଲୀନ ଭାବେ

Couplet 49

ନିଦ୍ରାରେ ଅହଙ୍କାର ଶୂନ୍ୟଆତ୍ମା ସ୍ୱରୂପେ ବର୍ତ୍ତମାନ

Couplet 50

ଦ୍ରଷ୍ଟାସ୍ୱରୂପେ ଥାଇ ଦେହେନିଜକୁ ମଣେ ନଷ୍ଟ ପ୍ରାୟେ

Couplet 51

ଉପାଧି ନାଶ ହେବା ଜାଣିଆପଣା ନାଶ ପରିମାଣି

Couplet 52

ଧନବିନାଶେ ଲୋକ ଯେହ୍ନେଆପଣ ନାଶ ପ୍ରାୟ ମଣେ

Couplet 53

ସୁଷୁପ୍ତି ଅବସ୍ଥାରେ ପୁଣବିଷୟ ମାତ୍ର ନୁହେଁ ଜ୍ଞାନ

Couplet 54

ଏ ରୂପେ ସଂଶୟ ନକରଭୋ ମାତ ମନରେ ବିଚାର

Couplet 55

ସୁଷୁପ୍ତି ଭଙ୍ଗରେ ପୁରୁଷଏ ରୂପ କରଇ ପ୍ରକାଶ

Couplet 56

ମୁଁ ଆଜି ସୁଖେ ନିଦ୍ରା ଗଲିକିଛି ମାତ୍ର ହିଁ ନଜାଣିଲି

Couplet 57

ଯେଣୁ ଏ ରୂପେ ମନେ ଥାଇଆତ୍ମ ନଥିଲେ ଜ୍ଞାନ କାହିଁ

Couplet 58

ପ୍ରକାଶେ ଯେ କାର୍ଯ୍ୟକାରଣସେ ଦ୍ରଷ୍ଟାରୂପେ ବର୍ତ୍ତମାନ

Couplet 59

ହେ ପ୍ରଭୁ ପୁରୁଷ ପ୍ରକୃତିକେହି କାହାକୁ ନଛାଡ଼ନ୍ତି

Couplet 60

ଅନ୍ୟୋନ୍ୟ ଆଶ୍ରୟ ସେ ନିତ୍ୟକେବେହେଁ ନୁହଁନ୍ତି ସେ ଚ୍ୟୁତ

Couplet 61

ଯେମନ୍ତେ ଭୂମି ଗନ୍ଧ ଦୁଇକେହି କାହାକୁ ନଛାଡ଼ଇ

Couplet 62

ଅଥବା ଦେଖ ଜଳ ରସଏକ ଅଭାବେ ଏକ ନାଶ

Couplet 63

ସେ ରୂପେ ପ୍ରକୃତି ପୁରୁଷେବିୟୋଗ କି ରୂପେ ପ୍ରକାଶେ

Couplet 64

ଅକର୍ତ୍ତା ପୁରୁଷ ବିଚାରତ୍ରିଗୁଣେ ପ୍ରକୃତି ସଞ୍ଚାର

Couplet 65

ଏ କର୍ମବନ୍ଧ ଯେଣୁ ତାରକେମନ୍ତେ ମୋକ୍ଷ ଏହାଙ୍କର

Couplet 66

କେହି ବିବେକ ଜ୍ଞାନ ତତ୍ତ୍ବେସଂସାର ଯେବେ ବା ନିବର୍ତ୍ତେ

Couplet 67

ହେତୁ ତାହାର ଯେଣୁ ଥାଇକି ରୂପେ ମୋକ୍ଷ ବା ଘଟଇ

Couplet 68

ଏମନ୍ତ ଦେଖଇ ବହୁତତୁ ମୋତେ କହ ଯଥା ତତ୍ତ୍ବ

Couplet 69

ଶୁଣ ଜନନି ଦେଇ ଚିତ୍ତଯେବା ଜୀବର ବନ୍ଧ-ମୁକ୍ତ

Couplet 70

ନିଷ୍କାମେ ସ୍ୱଧର୍ମରେ ଥାଇମନ ନିର୍ମଳେ ମୋତେ ଧ୍ୟାଇ

Couplet 71

ମୋହର ଦୃଢ଼ଭକ୍ତି ଯୋଗସେ ତତ୍ତ୍ବଜ୍ଞାନ ସୁବୈରାଗ୍ୟ

Couplet 72

ଶ୍ରୀକୃଷ୍ଣ ଶ୍ରବଣ-କୀର୍ତ୍ତନେଭକ୍ତିରେ ସାଧିବ ଯତନେ

Couplet 73

ତତ୍ତ୍ବ ଦର୍ଶନ ଜ୍ଞାନବଳେଦୃଢ଼ବୈରାଗ୍ୟ ତପବଳେ

Couplet 74

ଆତ୍ମାର ପ୍ରାପ୍ତି ଉପାୟରେଚିତ୍ତ ଏକାଗ୍ର ସମାଧିରେ

Couplet 75

ଏ ସର୍ବ ପ୍ରକାର ସାଧନଖଣ୍ତଇ ଜୀବର ବନ୍ଧନ

Couplet 76

ପ୍ରକୃତି ପରାଭବ ପାଇବିରହଭାବ ସେ ଲଭଇ

Couplet 77

ଯେସନେ ଅରଣୀରୁ ଅଗ୍ନିଜନମି ଦହଇ ଅରଣୀ

Couplet 78

ପ୍ରକୃତି ଭୋଗ ଶେଷ ହେଲେତାହାର ଦୋଷ ଦିଶେ ଭଲେ

Couplet 79

କାଟିଣ ସବୁ ବନ୍ଧ ପାଶଆନନ୍ଦେ ବିହରେ ପୁରୁଷ

Couplet 80

ଯେସନେ ସ୍ୱପନେ ଅନର୍ଥଜାଗିଲେ ହୁଅଇ ଅସତ୍ୟ

Couplet 81

ତେସନେ ସଂସାର ଦିଶଇମୋ ମାୟା ତାକୁ ନଲାଗଇ

Couplet 82

ବହୁତ ଜନ୍ମ ଭାଗ୍ୟବଳେଅଧ୍ୟାତ୍ମଜ୍ଞାନ ହୁଏ କାଳେ

Couplet 83

ଏ ରୂପେ ଆତ୍ମାରାମମୁନିବ୍ରହ୍ମଲୋକକୁ ତୁଚ୍ଛ ମଣି

Couplet 84

ମୋ ଭକ୍ତ ହୋଇ ମୋ ପ୍ରସାଦେଆତ୍ମାକୁ ଜାଣେ ଅପ୍ରମାଦେ

Couplet 85

କୈବଲ୍ୟଧାମ ମୋ ଆଶ୍ରୟଲଭେ ମୁକତି ଆଦି ଶ୍ରେୟ

Couplet 86

ଲିଙ୍ଗ-ଶରୀର ନାଶ ଯାଇଆଉ ଲେଉଟି ନ ଆସଇ

Couplet 87

ଯାହାର ଚିତ୍ତ ଯୋଗୁ ଆନମାୟାରେ ନୁହଇ ବିଭ୍ରମ

Couplet 88

ସେ ଆତ୍ୟନ୍ତିକୀ ଗତି ପାଇଯହିଁରେ ମୃତ୍ୟୁଭୟ ନାହିଁ

Couplet 89

ମୈତ୍ରେୟ ବିଦୁର ଅଗ୍ରତେବହୁ ସାଧନ ଯୋଗମତେ

Couplet 90

କହିଲେ କପିଳଙ୍କ ବାଣୀଶୁଣି ସଂସାରୁ ତର ପ୍ରାଣୀ

Couplet 91

ସଂସାରଜନ ହିତ ଅର୍ଥେତୃତୀୟସ୍କନ୍ଧେ ଭାଗବତେ

Couplet 92

ସୁଜନେ ଚିନ୍ତ ମନେ ଏହାଯେବେ ଖଣ୍ତିବ ଭବମାୟା

Couplet 93

ହରିଚରଣେ ଦେଇ ଚିତ୍ତକହଇ ଦାସ ଜଗନ୍ନାଥ