Adhyaya 26

Couplet 1

ଶୁଣ ବିଦୁର ତତ୍ତ୍ୱ ବାଣୀଏ ଜୀବ ତରେ ଯାହା ଶୁଣି

Couplet 2

କପିଳରୂପେ ପ୍ରିୟଭାବେଜନନୀ ପ୍ରବୋଧ ପ୍ରସ୍ତାବେ

Couplet 3

ଯାହା କହିଲେ ନାରାୟଣନିଶ୍ଚଳଚିତ୍ତେ ଏବେ ଶୁଣ

Couplet 4

ବିଷ୍ଣୁ କହନ୍ତି ତୋଷମନେମନୁତନୟା ସନ୍ନିଧାନେ

Couplet 5

ଶୁଣ ଜନନୀ ମୋ ବଚନଯେ ତତ୍ତ୍ୱଜ୍ଞାନର ଲକ୍ଷଣ

Couplet 6

ଏବେ ତୁ ତତ୍ତ୍ୱଜ୍ଞାନ ଶୁଣଯେଣେ ଜୀବର ପରିତ୍ରାଣ

Couplet 7

ଏ ଜ୍ଞାନ ଜନ୍ମିଲେ ପୁରୁଷକାଟଇ ମୋହଗୁଣପାଶ

Couplet 8

ଯେ ଭାବେ ଏ ସଂସାର ତୁଟେସୁଦୃଢ-ହୃଦଗଣ୍ଠି ଫିଟେ

Couplet 9

ତତ୍ତ୍ୱତପନ ତମ ନାଶେନିର୍ମଳ ଜ୍ଞାନ ହିଁ ପ୍ରକାଶେ

Couplet 10

ଏଣୁ ଏ ତତ୍ତ୍ୱଜ୍ଞାନ କହିଶୁଣ ଜନନୀ ମନ ଦେଇ

Couplet 11

ଯେମନ୍ତ ତତ୍ତ୍ୱଜ୍ଞାନ ଜାଣିଯେ ଭାବେ ଲଭି ଚକ୍ରପାଣି

Couplet 12

ନିଶ୍ଚଳଭାବେ କରି ଧ୍ୟାନଆତ୍ମାକୁ କରନ୍ତି ଦର୍ଶନ

Couplet 13

ଅଶେଷ-ବନ୍ଧନ ଫିଟାଇବିବେକ ଜ୍ଞାନ ପ୍ରକାଶଇ

Couplet 14

ମାୟା ଯନ୍ତ୍ରିତ ଅହଙ୍କାରହୃଦରୁ ତାହା ହୁଏ ଦୂର

Couplet 15

କହିବା ଶୁଣ ମନଦେଇଯେ ମାର୍ଗେ ସଂଶୟ ନ ଥାଇ

Couplet 16

ଯେ ଆତ୍ମା ଅନାଦି-ପୁରୁଷପ୍ରକୃତି ପରେ ଯାର ବାସ

Couplet 17

ସ୍ୱଭାବେ ନିର୍ଗୁଣ ଅଟଇଜ୍ୟୋତି-ସ୍ୱରୂପେ ପ୍ରକାଶଇ

Couplet 18

ବ୍ୟାପିଛି ଏ ବିଶ୍ୱ ସଂସାରେପ୍ରାଣୀଙ୍କ ବାହ୍ୟ-ଅଭ୍ୟନ୍ତରେ

Couplet 19

ଏ ରୂପେ ପ୍ରକୃତି-ପୁରୁଷସୂକ୍ଷ୍ମ ସ୍ୱରୂପରେ ପ୍ରକାଶ

Couplet 20

ସେ ବିଷ୍ଣୁ ସୃଷ୍ଟି ଇଚ୍ଛା କରିଆଦିପ୍ରକୃତି ରୂପ ଧରି

Couplet 21

ତ୍ରିଗୁଣ ଜାତ ସେ କରଇରଜ ସା‌ତ୍ତ୍ୱକ ତମ ଦେହୀ

Couplet 22

ରଜେ ସର୍ଜଇ ପାଳେ ସତ୍ତ୍ବେତମ ସ୍ୱରୂପେ ହରେ ନିତ୍ୟେ

Couplet 23

ଏ ରୂପେ ଲୀଳା ସେ କରଇଦଇବୀ ମାୟା ଗୁଣମୟୀ

Couplet 24

ଜୀବର ନାନାରୂପ କରେଚିତ୍ର ବିଚିତ୍ର ଏ ସଂସାରେ

Couplet 25

ପ୍ରଜା ସର୍ଜଇ ନାନାକଳ୍ପେସ୍ଥାବର ଜଙ୍ଗମାଦି ରୂପେ

Couplet 26

ଅଜ୍ଞାନେ ଆବୃତ୍ତ ତା ଦେହୀସାକ୍ଷୀ ସ୍ୱରୂପେ ସେ ଦେଖଇ

Couplet 27

ଏ ରୂପେ ପୂର୍ବରୁ ଭିଆଣପ୍ରକୃତି କରଇ ନିର୍ମାଣ

Couplet 28

କର୍ମରେ ଗତାଗତ ହୋଇଉଚ୍ଚ-ନୀଚକୁ ସେ ନିଅଇ

Couplet 29

ପ୍ରବୃତ୍ତିମାର୍ଗେ କରି କର୍ମପ୍ରାଣୀ ଲଭନ୍ତି ପଥଶ୍ରମ

Couplet 30

ନିବତ୍ତିମାର୍ଗେ ମୋକ୍ଷ ହୋଇଏ ବେନିମାର୍ଗ ସେ ଭିଆଇ

Couplet 31

ସାକ୍ଷୀ ସ୍ୱରୂପେ ସର୍ବଦେହୀଦେଖଇ ହୃଦପଦ୍ମେ ରହି

Couplet 32

କାର୍ଯ୍ୟ-କାରଣେ କର୍ତ୍ତା ହୋଇପ୍ରକୃତି ଯେତେକ ଅର୍ଜଇ

Couplet 33

ସୁକୃତ-ଦୁଷ୍କୃତାଦି ଯେତେଜୀବ ଭୁଞ୍ଜଇ ତାହା ନିତ୍ୟେ

Couplet 34

ଏମନ୍ତ ଶୁଣି ଦେବହୂତିସଂଶୟେ ପୁଣି ପଚାରନ୍ତି

Couplet 35

କହ ହେ ପୁରୁଷ-ଉତ୍ତମକି ରୂପେ ବିଶ୍ୱ ସ୍ଥୂଳ ସୂକ୍ଷ୍ମ

Couplet 36

କି ରୂପେ ପ୍ରକୃତି ପୁରୁଷଜଗତେ ହୋଇଛି ପ୍ରକାଶ

Couplet 37

ଏମନ୍ତ ଶୁଣି ଭଗବାନକହନ୍ତି ଅମୃତ ବଚନ

Couplet 38

ଯେତେ ଏ ତ୍ରିଗୁଣ-ବନ୍ଧନେସତ ଅସତ ଯେ ଯେମାନେ

Couplet 39

ଆତ୍ମା ଯେ ଜ୍ୟୋତିରୂପେ ଥାଇଅବ୍ୟକ୍ତରୂପେ ପ୍ରକାଶଇ

Couplet 40

ପ୍ରଧାନରୂପରେ ପ୍ରକୃତିସମସ୍ତକର୍ମେ ଅଧିପତି

Couplet 41

ସମସ୍ତରୂପ ସେ ବହଇମହତ ଆଦି ଯେତେ ଦେହୀ

Couplet 42

ଶୁଣ ଜନନୀ ଏକଚିତ୍ତେଚତୁର୍ବିଂଶତି ତତ୍ତ୍ୱ ଯେତେ

Couplet 43

ପଞ୍ଚ ପଞ୍ଚ ଯେ ଚତୁର୍ଦ୍ଦଶପ୍ରତ୍ୟେକେ କରିବା ପ୍ରକାଶ

Couplet 44

ପୃଥିବୀ ଆପ ତେଜ ବାତଆକାଶ ଆଦି ପଞ୍ଚଭୂତ

Couplet 45

ଗନ୍ଧ ରୂପ ଯେ ରସ ଶବ୍ଦସ୍ପର୍ଶାଦି ତନମାତ୍ର ଭେଦ

Couplet 46

ଜିହ୍ୱା ନାସିକା ଚକ୍ଷୁ କର୍ଣ୍ଣଚର୍ମ ପାଣି ପାଦ ବଚନ

Couplet 47

ବୃଷଣ ପାୟୁ ଏ ଦଶମଇନ୍ଦ୍ରିୟ ବୋଲି ଏହା ନାମ

Couplet 48

ମନ ବୁଦ୍ଧି ଯେ ଅହଂ ଚିତ୍ତଚତର୍ବିଂଶତି ଏହୁ ତ

Couplet 49

ପଞ୍ଚବିଂଶତି କାଳ କହିଏ ରୂପେ ସଂଖ୍ୟାକ୍ରମ ହୋଇ

Couplet 50

ପ୍ରକୃତି ଏତେରୂପ ହୋଇକାର୍ଯ୍ୟ-କାରଣେ ପ୍ରବର୍ତ୍ତଇ

Couplet 51

କାଳସ୍ୱରୂପରେ ପୁରୁଷସକଳ କରାଇ ପ୍ରକାଶ

Couplet 52

ଏ ଦେହୀ ମୁଗ୍ଧ ଅହଙ୍କାରେସେ କାଳେ ଡରେ ନିରନ୍ତରେ

Couplet 53

ଏ ଦେହେ କର୍ତ୍ତା ସେ ହୁଅଇସମସ୍ତ ଭୋଗ ସେ କରଇ

Couplet 54

ପ୍ରକୃତି ଯାର ଚେଷ୍ଟା ବଳେସର୍ଜି ନାଶଇ ଭୂମିତଳେ

Couplet 55

କାଳ-ସ୍ୱରୂପୀ ଭଗବାନଆତ୍ମା-ମାୟାରେ କରେ ଲୀନ

Couplet 56

ଏ ପଞ୍ଚବିଂଶରୂପ ହୋଇଅପରେ ଶୁଣ ମନ ଦେଇ

Couplet 57

ପୁଣି ସେ ପରମ-ପୁରୁଷପ୍ରକୃତି ମଧ୍ୟେ ତା ପ୍ରକାଶ

Couplet 58

ସେ ସର୍ବଭୂତେ ପରିପୂର୍ଣ୍ଣଜଳରେ ଚନ୍ଦ୍ରମା ଯେସନ

Couplet 59

ପ୍ରକୃତି ତାର ତହୁଁ ଜାତତା ତହୁଁ ହୋଏ ମହତ୍ତତ୍ତ୍ବ

Couplet 60

ହିରଣ୍ୟମୟ ତାର ଦେହୀବ୍ରହ୍ମାଣ୍ତମଧ୍ୟେ ବିରାଜଇ

Couplet 61

ଏ ବିଶ୍ୱ ଆତ୍ମା ଯେ ଅଟଇସୂକ୍ଷ୍ମ ସ୍ୱରୂପେ ଅଛି ରହି

Couplet 62

ଆତ୍ମାରେ ପ୍ରକାଶ ସେ ହୋଇଏ ଘୋରତିମିର ନାଶଇ

Couplet 63

ଯେ ସ୍ଥାନେ ରାଗ ଦ୍ୱେଷ ନାହିଁପର ଅପର ନ ଜାଣଇ

Couplet 64

ସ‌ତ୍ତ୍ବଗୁଣରେ ପ୍ରକାଶଇନିର୍ମଳ-ଜ୍ୟୋତିର୍ମୟ ଦେହୀ

Couplet 65

ସେ ବିଷ୍ଣୁଭକ୍ତି ଲାଭ ସ୍ଥାନବାସୁଦେବଟି ଯାର ନାମ

Couplet 66

ଅଧ୍ୟାତ୍ମରୂପୀ ସେ ଚୈତନ୍ୟମହତ ବୋଲି ତାର ନାମ

Couplet 67

ପର ଅପରେ ବ୍ୟାପିଛଇଁବିକାରଭାବ ଯାର ନାହିଁ

Couplet 68

ସ୍ୱଚ୍ଛ ସୁଶାନ୍ତ ଭାବ ବହିଅମୃତମୟ ତାର ଦେହୀ

Couplet 69

ମହତ ତହୁଁ ଜାତ ହୋଇଯେ କ୍ରିୟାଶକ୍ତି ରୂପ ବହି

Couplet 70

ସେ ଅହଂକାର ରୂପ ତିନିଜନ୍ମଇ ଶୁଣ ଗୋ ଜନନି

Couplet 71

ସାତ୍ତ୍ବିକ ରାଜସ ତାମସଏ ତିନି ହୁଅନ୍ତି ପ୍ରକାଶ

Couplet 72

ମନ ଇନ୍ଦ୍ରିୟ ପଞ୍ଚଭୂତଏ ତିନିଗୁଣେ ହୋନ୍ତି ଜାତ

Couplet 73

ସହସ୍ର ଶିର ବାହୁ ହୋଇସଙ୍କରଷଣ ଯାକୁ କହି

Couplet 74

ଅନନ୍ତ ବୋଲି ଯାର କାୟଭୂତ ଇନ୍ଦ୍ରିୟ ମନୋମୟ

Couplet 75

କର୍ତ୍ତାରସ୍ବରୂପେ ଦେବେ ଜାତକାରଣେ ଇନ୍ଦ୍ରିୟ ସମ୍ଭୂତ

Couplet 76

କାର୍ଯ୍ୟସ୍ୱରୂପେ ଭୂତଦେହୀତ୍ରିଗୁଣେ ପ୍ରାଣୀ ମୋହ ହୋଇ

Couplet 77

ସାତ୍ତ୍ବିକଅଂଶୁ ମନ ଜାତସଙ୍କଳ୍ପ ବିକଳ୍ପରେସ୍ଥିତ

Couplet 78

ହୃଷୀକମାନଙ୍କ ଈଶ୍ୱରଶ୍ୟାମସୁନ୍ଦର କଳେବର

Couplet 79

ତା ଭକ୍ତି ସାଧି ଯୋଗୀ ସିଦ୍ଧଯାହାର ନାମ ଅନିରୁଦ୍ଧ

Couplet 80

ରଜୋଗୁଣରୁ ବୁଦ୍ଧି ଜାତଦ୍ରବ୍ୟ ବିଜ୍ଞାନ ଇନ୍ଦ୍ରିଯୁତ

Couplet 81

ସଂଶୟ ବିପର୍ଯ୍ୟସ ବେନିନିଶ୍ଚୟ ସ୍ମୃତି ନିଦ୍ରା ତିନି

Couplet 82

ଏ ପାଞ୍ଚବୁଦ୍ଧିର ଲକ୍ଷଣଏବେ ତୁ ଜନନି ଗୋ ଶୁଣ

Couplet 83

ରାଜସ ଅହଙ୍କାରୁ ପୁଣଜାତ ହୁଅନ୍ତି ଇନ୍ଦ୍ରିଗଣ

Couplet 84

କ୍ରିୟା ଜ୍ଞାନରେ ଇନ୍ଦ୍ରିଗଣଯେ ଯାହା ମାର୍ଗେ ପ୍ରବର୍ତ୍ତନ

Couplet 85

ସେ ପ୍ରାଣ କ୍ରିୟାଶକ୍ତି ବଳେଭୋଗ ଭଞ୍ଜଇ କୁତୂହଳେ

Couplet 86

ବୁଦ୍ଧି ବିଜ୍ଞାନ ଶକ୍ତିବଳେଧାରଣା କରେ ସୁନିଶ୍ଚଳେ

Couplet 87

ତାମସ ଗୁଣେ ପଞ୍ଚମାତ୍ରବିଷ୍ଣୁର ଅଂଶେ ସେ ସମ୍ଭୂତ

Couplet 88

ଆକାଶ ଗୁଣୁ ଶ୍ରୋତ୍ର ହୋଇଶବଦ ସଂଗ୍ରହ କରଇ

Couplet 89

ଶବଦ ତନ୍ମାତ୍ର ଗଗନଅର୍ଥ ଆଶ୍ରୟ ଯେବା ସ୍ଥାନ

Couplet 90

ଆତ୍ମା ଲିଙ୍ଗକୁ ପ୍ରକାଶଇସ୍ୱଭାବେ ଅଦୃଶ୍ୟ ଅଟଇ

Couplet 91

ପ୍ରାଣୀଙ୍କ ବାହ୍ୟ ଅଭ୍ୟନ୍ତରପ୍ରାଣ ଇନ୍ଦ୍ରିୟ ଯେ ମନର

Couplet 92

ଆଶ୍ରୟ ହୋଇ ନ ଦିଶଇଆକାଶଗୁଣ ଏହୁ ହୋଇ

Couplet 93

ଆକାଶ ତହୁଁ ସ୍ପର୍ଶ ମାତ୍ରକାଳର ଗତିବଳେ ଜାତ

Couplet 94

ସ୍ପର୍ଶମାତ୍ରାରୁ ବାୟୁ ହୋଇଚର୍ମ ତା ସଂଗ୍ରହ କରଇ

Couplet 95

ମୃଦୁ କଠିନ ତ୍ୱଚ ହୋଇଶୀତ ତପତି ସେ ଜଣାଇ

Couplet 96

ବୃକ୍ଷ-ଶାଖାଦି ତୃଣମାନବାୟୁର ବଳେ ସେ ଚଳନ

Couplet 97

ଇନ୍ଦ୍ରିୟେ ସ୍ପର୍ଶ ଶବ୍ଦ ଗନ୍ଧପ୍ରାଣୀଙ୍କି କରାଏ ଯେ ବୋଧ

Couplet 98

ସକଳଇନ୍ଦ୍ରିମାନଙ୍କରଆତ୍ମା ସ୍ୱରୂପେ ତା ବିହାର

Couplet 99

ପବନ ଦଇବ ପ୍ରେରିତରୂପ ତନମାତ୍ର ସମ୍ଭୂତ

Couplet 100

ତହୁଁ ହୋଇଲା ତେଜ ଜାତସେ ତେଜୁ ଚକ୍ଷୁ ଯେ ସମ୍ଭୂତ

Couplet 101

ଦ୍ରବ୍ୟ ଆକାର ଗୁଣଜ୍ଞାନରୂପର ବୁତ୍ତି ଏ ଲକ୍ଷଣ

Couplet 102

ପ୍ରକାଶ ପାଚନ ଶୋଷଣକ୍ଷୁଧା ତୃଷାର ଉତପନ୍ନ

Couplet 103

ଭୋଜନ ପାନ ପରିପାକଆବର ଶୀତ ନିବାରକ

Couplet 104

ତେଜର ବୃତ୍ତି ଅଟେ ଏତେଶୁଣ ଜନନୀ ଶୁଦ୍ଧ ଚିତ୍ତେ

Couplet 105

ତେଜ ବିକାରେ ରସ ଜାତରସରୁ ଜଳ ଯେ ସମ୍ଭୂତ

Couplet 106

ତହୁଁ ରସନା ଇନ୍ଦ୍ରି ହୋଇଯେ ସର୍ବସ୍ୱାଦକୁ ଘେନଇ

Couplet 107

କଟୁ କଷାୟ ଯେ ଆମ୍ବିଳତିକ୍ତ ଲବଣ ଯେ ମଧୁର

Couplet 108

ଏ ରୂପେ ଭେଦଭାବ କହିଏକଇ ରସ ନାନା ଥାଇ

Couplet 109

ତିନ୍ତା ଏ ମାଟି ପିଣ୍ତୁଳାଏଜୀବନ ରଖେ ତୃପ୍ତି ଦିଏ

Couplet 110

ତାପ ନିବାରେ ମୃଦୁ କରେବହନ୍ତେ ପୁଣ ପୃଣ ଭରେ

Couplet 111

ଜଳର ସାଧାରଣ ଗୁଣଏବେ କହିବା ମାତ ଶୁଣ

Couplet 112

ରସ ବିକାରୁ ଗନ୍ଧ ଜାତପୃଥିବୀ ଗନ୍ଧରୁ ସମ୍ଭୂତ

Couplet 113

ଗନ୍ଧ ଗ୍ରହଣେ ଇନ୍ଦ୍ରି ଘ୍ରାଣତହୁଁ ହୋଇଲା ଉତପନ୍ନ

Couplet 114

ଦୁର୍ଗନ୍ଧ ମିଶ୍ରଗନ୍ଧ ହୋଇସୌରଭ ଶାନ୍ତ ଉଗ୍ର ଯେହି

Couplet 115

ଏକଇ ଗନ୍ଧ ଭେଦ ଭାବଦ୍ରବ୍ୟ ସଂଯୋଗେ ତା ସମ୍ଭବ

Couplet 116

ଭୋ ମାତ ଶୁଣ ଭୂମି ଗୁଣଯେ ଭୂମି ବ୍ରହ୍ମାର ଭାବନ

Couplet 117

ବ୍ରହ୍ମପ୍ରତିମା ନିରୂପଣସର୍ବ ଆଧାର ସର୍ବସ୍ଥାନ

Couplet 118

ସକଳଭୂତ ଭେଦକରେଭୂମି ଲକ୍ଷଣ ଏ ବେଭାରେ

Couplet 119

ଆକାଶ ଗୁଣ ଯେ ବିଶେଷଶବଦରୂପେ ସେ ପ୍ରକାଶ

Couplet 120

ସେ ଯାର ବିଷୟ ଅଟଇତାହାକୁ କର୍ଣ୍ଣ ଇନ୍ଦ୍ରି କହି

Couplet 121

ପବନ ଗୁଣ ଯେ ବିଶେଷସ୍ପରଶ ରୂପେ ସେ ପ୍ରକାଶ

Couplet 122

ସେ ଯାର ବିଷୟ ଅଟଇତାହାକୁ ଚମ ଇନ୍ଦ୍ରି କହି

Couplet 123

ତେଜର ଗୁଣ ରୂପ ହୋଇଚକ୍ଷୁର ବିଷୟଟି ସେହି

Couplet 124

ଜଳର ଗୁଣ ରସ ହୋଇସେ ପୁଣି ଜିହ୍ୱାରେ ବସଇ

Couplet 125

ପୃଥିବୀ ଗୁଣ ଗନ୍ଧ ଜାଣତାହାର ଇନ୍ଦ୍ରି ଅଟେ ଘ୍ରାଣ

Couplet 126

ଏ ଭୂତଗଣ ପରେ ପରେପୂର୍ବର ଗୁଣମାନ ଧରେ

Couplet 127

ଏଣୁ ଭୂମିରେ ଶବ୍ଦ ସ୍ପର୍ଶରୂପ ରସ ଗନ୍ଧ ପ୍ରକାଶ

Couplet 128

ଏ ମାର୍ଗେ ପ୍ରାଣୀଏ ଭ୍ରମନ୍ତିଦଣ୍ତେ ହେଁ ସ୍ଥିର ସେ ନୁହଁନ୍ତି

Couplet 129

ଏ ରୂପେ କାରଣ ଉତ୍ପତ୍ତିଏବେ ଗୋ ଶୁଣ କାର୍ଯ୍ୟୋତ୍ପତ୍ତି

Couplet 130

ଯେ କାଳେ ପ୍ରଳୟ ହୁଅଇଏ ସର୍ବରୂପ ଭଙ୍ଗ ଯାଇ

Couplet 131

ଯାଠାରୁ ହୁଅଇ ଉତ୍ପନ୍ନତାଠାରେ ହୁଅଇ ସେ ଲୀନ

Couplet 132

ସେକାଳେ ପ୍ରଭୁ ଭଗବାନଯୋଗନିଦ୍ରାରେ ଅବଧାନ

Couplet 133

ପୁଣି ଏ ସୃଷ୍ଟି ଆଦି କାଳେସ୍ୱଭାବ କାଳ କର୍ମ ବଳେ

Couplet 134

ସକଳେ ଉତ୍ପତ୍ତି ହୁଅନ୍ତେଈଶ୍ୱର ତହିଁ ପ୍ରବେଶନ୍ତେ

Couplet 135

ଅନ୍ୟୋନ୍ୟେ ଏକତ୍ୱ ହୁଅନ୍ତିତକ୍ଷଣେ ରୂପକୁ ଲଭନ୍ତି

Couplet 136

ଜଳେ ହିରଣ୍ୟକୋଷ ପ୍ରାୟେପଡି ଭାସନ୍ତି ମହାକାୟେ

Couplet 137

କେତେହେଁ କାଳେ ତହୁଁଜାତସହସ୍ର-ଶିର ସେ ଅନନ୍ତ

Couplet 138

ଜଳେ ଶୟନ ସେ ଆନନ୍ଦେବ୍ରହ୍ମା ଜନ୍ମିଲେ ନାଭିପଦ୍ମେ

Couplet 139

ସୃଷ୍ଟିର ଅଧିପତି ସେହିବିଷ୍ଣୁର ଆଦିରୂପ ଯେହି

Couplet 140

ଯେ ଅଂଶୁ ତାର ଯେବା ଜାତବିରାଟରୂପ ଶୁଣ ମାତ

Couplet 141

ବଚନୁ ଅଗ୍ନି ଜାତ ହୋଇନାସାରୁ ପ୍ରାଣ ଉପୁଜଇ

Couplet 142

ଘ୍ରାଣରୁ ବାୟୁ ଉତପନ୍ନଚକ୍ଷୁରୁ ଜନ୍ମିଲା ତପନ

Couplet 143

କର୍ଣ୍ଣରୁ ଦିଗମାନ ହୋଇଇନ୍ଦ୍ରାଦି ଦଶଦେବେ ଯହିଁ

Couplet 144

ଚର୍ମ ଉପରେ ଲୋମମାନଔଷଧିଗଣ ତାକୁ ଜାଣ

Couplet 145

ତା ରେତ ଆପ ଯେ ଅଟଇଗୁହ୍ୟ ତା ମୃତ୍ୟୁଲୋକ କହି

Couplet 146

ଭୁଜେ ତାହାର ଇନ୍ଦ୍ର ବସେତା ସର୍ବଗତି ହୃଷୀକେଶେ

Couplet 147

ନାଭି ଆଶ୍ରିତ ଶିରାକୁଳଏ ସର୍ବନଦୀଙ୍କର ମୂଳ

Couplet 148

ଉଦରେ ସମୁଦ୍ର ଅଛଇକ୍ଷୁଧା ପିପାସା ଅଗ୍ନି ବହି

Couplet 149

ମନ ହୃଦରୁ ଜାତ ହୋଇବିଷୟ ଭେଦ ସେ କରଇ

Couplet 150

ମନର ପରେ ବୁଦ୍ଧିଜାତସେ ବୁଦ୍ଧି ମହତୁଁ ସମ୍ଭୂତ

Couplet 151

ଏତେ ପ୍ରକାରେ ଜାତ ହୋଇବିରାଟ ତେବେ ନ ଉଠଇ

Couplet 152

ଏ ଚତୁର୍ଦ୍ଦଶଲୋକ-ସ୍ଥିତିବିରାଟ ଅଙ୍ଗରେ ରହନ୍ତି

Couplet 153

ଯେ ସ୍ଥାନୁ ଯେବା ଜାତ ହୋଇସେ ଅଙ୍ଗେ ସେହୁ ବିଶ୍ରାମଇ

Couplet 154

କ୍ଷେତ୍ରଜ୍ଞରୂପେ ଆତ୍ମା ଥାଇଯେବେ ସେ ଶରୀରେ ପଶଇ

Couplet 155

ତେବେ ସେ ଚେତନାକୁ ପାଇବିରାଟ ଜଳରୁ ଉଠଇ

Couplet 156

କାର୍ଯ୍ୟ କାରଣେ ଇନ୍ଦ୍ରିଗଣଆତ୍ମାକୁ କରାନ୍ତି ଭ୍ରମଣ

Couplet 157

ଏ ଭାବେ ଜାଣି ମୋର ପାଦଯେବା ଭଜଇ ଅପ୍ରମାଦେ

Couplet 158

ଏ ଭବଜଳକୁ ସେ ତରଇଏ ମାୟା ତାକୁ ନ ଲାଗଇ

Couplet 159

ତୃତୀୟସ୍କନ୍ଧେ ଭାଗବତଅମୃତ ରସମୟ ଗୀତ

Couplet 160

ସୁଜନଜନେ ଏଣେ ରସକହିଲା ଜଗନ୍ନାଥ ଦାସ