Adhyaya 25

Couplet 1

ମୁନି ଅନ୍ତରେ ଦେବହୂତିସ୍ୱଭାବେ ସୁଗୁଣ ସୁମତି

Couplet 2

ତକ୍ଷଣେ ପୁତ୍ରପାଶେ ଯାଇକହଇ ଶିରେ କର ଦେଇ

Couplet 3

ତୁ ଅଜ ନିର୍ଗୁଣ ନିର୍ଲକ୍ଷ୍ୟତୋ ଭକ୍ତଜନେ ତୁ ପ୍ରତ୍ୟକ୍ଷ

Couplet 4

ଆଦିପୁରୁଷ ତୁ ଈଶ୍ୱରଯେ ଅନ୍ଧତମ ପ୍ରାଣୀଙ୍କର

Couplet 5

ଜୀବର ପରିତ୍ରାଣ ଅର୍ଥେତୋ ଅବତାର ଏ ଜଗତେ

Couplet 6

ସ୍ତିରୀ ସ୍ୱଭାବ ମୁହିଁ ମନ୍ଦନ ଜାଣେ ଆତ୍ମା ଭଲମନ୍ଦ

Couplet 7

କି ରୂପେ ସଂସାର ତୁଟଇଜୀବନ-ବନ୍ଧନ ଫିଟଇ

Couplet 8

ମୁଁ ଯେ ଅଜ୍ଞାନ ମୂଢମତିସ୍ୱଭାବେ ଅଟଇ ଯୁବତୀ

Couplet 9

ତୁ ମୋତେ ଜ୍ଞାନଚକ୍ଷୁ ଦେଇଉଦ୍ଧର ଦୁର୍ଗତି ଖଣ୍ତାଇ

Couplet 10

ତୁ ନାଥ ମୋତେ ଦୟାକରଏ ଘୋରସଂସାରୁ ଉଦ୍ଧର

Couplet 11

ମାତୃଭାବେ କର ଦୟାଯେମନ୍ତେ ତୁଟେ ତୋର ମାୟା

Couplet 12

ମାତା ବଚନେ ହୃଷୀକେଶଅଳପ ହୋଇ ହସହସ

Couplet 13

ଅଶେଷ ଜୀବ ଦେହବାସୀକହନ୍ତି ପ୍ରଭୁ ବ୍ରହ୍ମରାଶି

Couplet 14

ଶୁଣ ଜନନୀ କହୁଁ ତୋତେଯେ ପ୍ରଶ୍ନ କଲୁ ତୁହି ମୋତେ

Couplet 15

ଯାହାର ଚିତ୍ତେ ଭକ୍ତିଯୋଗଭଜଇ ମୋ ଚରଣଯୁଗ

Couplet 16

ତେବେ ବିଷୟେ ବଇରାଗ୍ୟଉପୁଜେ ପୂର୍ବେ ଥିଲେ ଭାଗ୍ୟ

Couplet 17

ଏ ଆତ୍ମନିଷ୍ଠା ଯୋଗ ଜାଣପୁରୁଷ ମୋକ୍ଷର କାରଣ

Couplet 18

ଭୋ ମାତ ତୁମ୍ଭେ ଏବେ ଶୁଣନିର୍ଗୁଣଭକ୍ତିର କାରଣ

Couplet 19

ପୂର୍ବେ ମୁଁ ଋଷିଙ୍କର ମଧ୍ୟେଯେ ଯୋଗ କହିଲଇଁ ସାଧ୍ୟେ

Couplet 20

ଯେତେଣ ଏ ମାୟା ଘୋରବନେନିସ୍ତାର ଭକ୍ତି-କରଷଣେ

Couplet 21

ଶୁଣ ଜନନୀ ସେ ଲକ୍ଷଣକହିବା ଯେ ଭକ୍ତି ନିର୍ଗୁଣ

Couplet 22

ଚିତ୍ତ ସଂଯମ ବ୍ୟତିରେକେଯୋଗର ସିଦ୍ଧି ନୋହେ ଲୋକେ

Couplet 23

ବନ୍ଧ-ମୋକ୍ଷର ହେତୁ ଚିତ୍ତଏ ଆତ୍ମଜ୍ଞାନୀଙ୍କ ସମ୍ମତ

Couplet 24

ଜୀବର ଜନ୍ମ-ବନ୍ଧ-ପାଶଯେ ଭାବେ ହୋଇବ ଉଶ୍ୱାସ

Couplet 25

ବିଷୟାରତ ଚିତ୍ତ ଯେବେଜୀବର ବଦ୍ଧଭାବ ତେବେ

Couplet 26

ଈଶ୍ୱରେ ଦେଲେ ସେହି ଚିତ୍ତବନ୍ଧନୁ ହୁଅଇ ମୁକତ

Couplet 27

ମୁହିଁ ମୋହର ଭାବୁଁ ଜାତକାମାଦି ତେଜେ ଯେବେ ଚିତ୍ତ

Couplet 28

ନିର୍ମଳ ହୁଅଇଟି ଜାଣମଣଇ ସୁଖ ଦୁଃଖ ସମ

Couplet 29

ଏ ରୂପେ ଚିତ୍ତଶୁଦ୍ଧ ଯେବେଜୀବ ଈଶ୍ୱର ଏକ ଭାବେ

Couplet 30

ଦେଖାଇ ପ୍ରକୃତିରୁ ଭିନ୍ନସ୍ୱୟଂପ୍ରକାଶ ପରିପୂର୍ଣ୍ଣ

Couplet 31

ପ୍ରକୃତି ବଳ ହୋଏ ହତଜ୍ଞାନ ବୈରାଗ୍ୟ ଭକ୍ତି ଜାତ

Couplet 32

ଅଖିଳ ଆତ୍ମା ପାଦଯୁଗେଭଜିଲେ ଦୃଢ଼େ ଭକ୍ତିଯୋଗେ

Couplet 33

ଏଣୁ ସେ ଲଭେ ବ୍ରହ୍ମଜ୍ଞାନଏଥହୁଁ ପଥ ନାହିଁ ଆନ

Couplet 34

ଏ ଭବ-ଜଳଧି-ତରଙ୍ଗହରଇ ସାଧୁଙ୍କର ସଙ୍ଗ

Couplet 35

ଭଜଇ କୈବଲ୍ୟ କାରଣେମନ ନ ଭ୍ରମେ ଭବବଣେ

Couplet 36

ଶୁଣ ଜନନୀ ସାଧୁଗୁଣଯେ ଅବା ସାଧୁଙ୍କ ଲକ୍ଷଣ

Couplet 37

ପ୍ରାଣୀବିଷୟେ ଆତ୍ମାବତକରଇ ତ୍ୟାଗ ଦୟା ଚିତ୍ତ

Couplet 38

ଜଗତ ନିର୍ବଇର ଦେଖେନିଶ୍ଚଳେ ରହେ ଆତ୍ମାସୁଖେ

Couplet 39

ନିରତେ ଗୋବିନ୍ଦ ଚରଣେସ୍ତୁତି କୀର୍ତ୍ତନ ଅନୁକ୍ଷଣେ

Couplet 40

ଦାରା ସ୍ୱଜନ ସୁତ ଧନଗୃହ ଉପେକ୍ଷି ଚଳେ ବନ

Couplet 41

ସକଳ କର୍ମ ତେଜି ଦୃଢେମୋ ଭାବେ ମଜ୍ଜେ ଅତି ଗାଢେ

Couplet 42

ମୋ ରୂପ ଗୁଣ କର୍ମ ଯେତେଶ୍ରବଣ କୀର୍ତ୍ତନ ନିରତେ

Couplet 43

ଏମନ୍ତ ଭାବ ନିତ୍ୟେ କରିଏ ମାୟାଭବୁ ଯାନ୍ତି ତରି

Couplet 44

ଏ ରୂପେ ସାଧୁଙ୍କ ଚରିତସମସ୍ତ ସଙ୍ଗ ବିବର୍ଜିତ

Couplet 45

ଏମନ୍ତ ଭକ୍ତଜନ ସଙ୍ଗକରି ତୁ ତର ଏ ତରଙ୍ଗ

Couplet 46

ଭକତଜନ ସଙ୍ଗ ଯେବେକରଇ ଭ୍ରମ ଖଣ୍ତେ ତେବେ

Couplet 47

ମୋର ଚରିତ ଗୁଣଗାଥାଏକ ଆନରେ କରେ ଚିନ୍ତା

Couplet 48

ଶୁଣି ଶୁଣାଇ ଅଶ୍ରୁଧାରେଆନନ୍ଦେ ପୁଲକ ଶରୀରେ

Couplet 49

ନିରତେ ଶ୍ରଦ୍ଧାଭକ୍ତି ବଢେଭବ-ବନ୍ଧନ-ପାଶ ଛିଡେ

Couplet 50

ଅଶେଷ ଜନ୍ମ ଭାଗ୍ୟୋଦୟେଭକତଜନେ ଶ୍ରଦ୍ଧା ବହେ

Couplet 51

ତହୁଁ ଉପୁଜେ ରତି ଭକ୍ତିମୋହର ଲୀଳା କର୍ମ ଚିନ୍ତି

Couplet 52

ବୈରାଗ୍ୟ ହୁଅଇ ପ୍ରକାଶପ୍ରକୃତି ଗୁଣ ଯାଇ ନାଶ

Couplet 53

ଜ୍ଞାନ ବୈରାଗ୍ୟ ଭକ୍ତିବଳେସକଳ ସମର୍ପେ ମୋଠାରେ

Couplet 54

ତେବେ ଏ ଦେହେ ମୋତେ ପାଇଶୁଣ ଜନନୀ ମନ ଦେଇ

Couplet 55

ମୋ ନାମ ନାବ କରି ଭାବେବସି ତରିବୁ ଭକ୍ତିଭାବେ

Couplet 56

ଭକତ ସଙ୍ଗେ ନାବେ ବସିଏ ସିନ୍ଧୁ ତରଣେ ସାହସୀ

Couplet 57

ଯେଣୁ ଭକତପ୍ରିୟ ହରିତା ଭାବେ ଭବସିନ୍ଧୁ ତରି

Couplet 58

ଏମନ୍ତେ ପୁତ୍ର ବାକ୍ୟ ଶୁଣିଆନନ୍ଦେ କର୍ଦ୍ଦମ ଘରଣୀ

Couplet 59

ଆନନ୍ଦରସେ ହରଷିତତକ୍ଷଣେ ହୋଇ କୃତକୃତ୍ୟ

Couplet 60

ଆକୁଳେ ପୁତ୍ର ପାଦେ ପଡିପୁଣି ପଚାରେ କରଯୋଡି

Couplet 61

କି ରୂପେ ଭକ୍ତିଯୋଗ ଜାଣିଭକତି କିରୂପେ ପ୍ରମାଣି

Couplet 62

ଯେ ଭକ୍ତିବଳେ ଅନାୟାସେଜୀବ ନିର୍ବାଣପଦେ ପଶେ

Couplet 63

ଯେ ଯୋଗ ମୁଖ୍ୟ ପ୍ରୟୋଜନଶୁଣିଲି ତୁମ୍ଭର ବଚନ

Couplet 64

ସେ ଯୋଗ କେମନ୍ତ ଅଟଇକେମନ୍ତ ସାଧନ ତା ହୋଇ

Couplet 65

ମୁଁ ସ୍ତିରୀ ଅଟେ ମନ୍ଦବୁଦ୍ଧିଦୁର୍ବୋଧ୍ୟ ଯୋଗ ଦୟାନିଧି

Couplet 66

ଏଣୁ ମୋ ଚିତ୍ତରେ ସଂଶୟକହ ହେ ପ୍ରଭୁ ଦୟାମୟ

Couplet 67

ଏମନ୍ତ ମାତାବାକ୍ୟ ଶୁଣିକପିଳ ବେଶେ ଚକ୍ରପାଣି

Couplet 68

କହନ୍ତି ଜନନୀର ଆଗେପରମ-ଜ୍ଞାନ ସଂ।ଖ୍ୟଯୋଗେ

Couplet 69

ଶୁଣ ଜନନୀ ବାକ୍ୟ ସାରଆଗମ ନିଗମ ପ୍ରକାର

Couplet 70

ଯେବା ଇନ୍ଦ୍ରିୟ ଦେବଗଣଯାର ଯେ ସ୍ୱାଭାବିକ କର୍ମ

Couplet 71

ଯେ ଧର୍ମ କର୍ମ ଅଛି ବେଦେତାହା ଇନ୍ଦ୍ରିୟ ଯେବେ ସାଧେ

Couplet 72

ଯେ ବର୍ଣ୍ଣେ ଯେବା ଧର୍ମ କର୍ମଇନ୍ଦ୍ରିୟ କରେ ସେହି କର୍ମ

Couplet 73

ସେ ସର୍ବକର୍ମ ଯେବେ ମୋତେଦେଇ ଭଜଇ ଏକଚିତ୍ତେ

Couplet 74

ଆପଣେ ଅକିଞ୍ଚନ ରୂପେଭ୍ରମଇ ମାୟାମୟ କଳ୍ପେ

Couplet 75

ଭକତ ମଧ୍ୟେ ଏ ପ୍ରଧାନଲଭଇ କଇବଲ୍ୟ-ସ୍ଥାନ

Couplet 76

ଜୀବ-ବାସନା-ବନ୍ଧ ହରେନ ବୁଡେ ସଂସାର-ସାଗରେ

Couplet 77

ବ୍ୟାଧି ଯେସନେ ସ୍ଥାନେସ୍ଥାନେହରଇ ଅଉଷଧ ପାନେ

Couplet 78

ଏ ଭାବେ ଯେ କରେ ବିଚାରକୈବଲ୍ୟ କିବା ବସ୍ତୁ ତାର

Couplet 79

ନିତ୍ୟେ ଭକତଜନ ମଧ୍ୟେହରିଚରିତ ନାନାଛନ୍ଦେ

Couplet 80

ନିରତେ କରେ ଅନୁପାନଆନନ୍ଦ-ଅଶ୍ରୁ-ଜଳେ ସ୍ଥାନ

Couplet 81

ତାର ସମାନ ଆନ ଜନେନ ଦେଖି ଏ ତିନିଭୁବନେ

Couplet 82

ଏମନ୍ତେ ବଞ୍ଚେ ଦୁଃଖ ସୁଖେସେ ମୋର ନିଜରୂପ ଦେଖେ

Couplet 83

ସୁନ୍ଦର ପ୍ରସନ୍ନ ବଦନବିକଚ କମଳ ଲୋଚନ

Couplet 84

ସର୍ବ ସୁନ୍ଦର ମନୋହରମୋ ଶ୍ୟାମସୁନ୍ଦର ଶରୀର

Couplet 85

ମୋର ଅମୃତମୟ ବାଣୀତନୁ ରୋମାଞ୍ଚ କରେ ଶୁଣି

Couplet 86

ଏ ରୂପ ଛାଡି ତାର ମନକୈବଲ୍ୟେ କିବା ପ୍ରୟୋଜନ

Couplet 87

ଏ ରୂପ ଦେଖି ଚିତ୍ତ ହରେକୈବଲ୍ୟ ଲଭେ ଅଭ୍ୟନ୍ତରେ

Couplet 88

ଅଷ୍ଟ ଐଶ୍ୱର୍ଯ୍ୟ ଯାହା ଚିନ୍ତିଅନନ୍ତ ଅନନ୍ତ ବିଭୂତି

Couplet 89

ସେ ସର୍ବେ ଖଟନ୍ତି ତା ପାୟେମୋ ଭକ୍ତଜନେ ଦୂର ନୋହେ

Couplet 90

ଏଣୁ ଭକତ ରଖେ ହରିକାଳ ନ ପାରେ ଗ୍ରାସ କରି

Couplet 91

ମୁଁ ତାର ପ୍ରିୟ ଆତ୍ମା ସୁତସଖା ସୁହୃଦ ଗୁରୁବତ

Couplet 92

ତାହାର ଗୁରୁଦେବ ମୁହିଁଯେ ମୋତେ ଏ ଭାବେ ଭାବଇ

Couplet 93

ତାହାର ଈଷ୍ଟ ବନ୍ଧୁ ମୁହିଁଯେ ମୋତେ ସର୍ବ ସମର୍ପଇ

Couplet 94

ନାହିଁ ତା ଇହ ପର ଲୋକନମାନେ ଆତ୍ମା ଦୁଃଖ ସୁଖ

Couplet 95

ଏକାନ୍ତ ଭକ୍ତିବଳେ ମୋତେମନ ବଚନେ ନିତ୍ୟେ ଚିନ୍ତେ

Couplet 96

ସର୍ବ ସମର୍ପି ଅବିରତେପଶଇ ମୋର ପାଦଗତେ

Couplet 97

ମୁଁ ଈଶ ପୁରୁଷପ୍ରଧାନମୋ ବିନୁ ବନ୍ଧୁ ନାହିଁ ଆନ

Couplet 98

ଦେଖ ମୋହର ମାୟାଗତେଯନ୍ତ୍ରିତ ଅଛନ୍ତି ସମସ୍ତେ

Couplet 99

ମୋ ଆଜ୍ଞା କରୁଥାନ୍ତି ନିତ୍ୟେନିତ୍ୟେ ଯନ୍ତ୍ରିତ ଭୟଚିତ୍ତେ

Couplet 100

ଦେଖ ପବନ ମୋର ଡରେବହଇ ବାହ୍ୟ ଅଭ୍ୟନ୍ତରେ

Couplet 101

ମୋ ଭୟେ ଉଦେ ଦିନକରମୋ ଡରେ ବର୍ଷେ ସୁନାସୀର

Couplet 102

ମୋ ଭୟେ ଯମ ଦଣ୍ତ ଧରେମୃତ୍ୟୁ ସକଳ ପ୍ରାଣ ହରେ

Couplet 103

ମୋ ଡରେ ଯେବା ଯାହା ଭକ୍ଷେଅଗ୍ନି ଦହଇ ଅପ୍ରତ୍ୟକ୍ଷେ

Couplet 104

ଶଶାଙ୍କ ଦିଶଇ ଆକାଶେପ୍ରାଣୀଙ୍କ ମନ ସେ ଆଶ୍ୱାସେ

Couplet 105

ଏମନ୍ତେ ମହାଯୋଗୀଜନେଯନ୍ତ୍ରିତ ମୋହର ବଚନେ

Couplet 106

ସେବନ୍ତି ମୋହର ଚରଣେସଂସାର ପାର ଇଚ୍ଛି ମନେ

Couplet 107

କରନ୍ତି ପ୍ରାଣୀହିତ ନିତ୍ୟେଅନ୍ୟୋନ୍ୟାଭାବେ ଏ ଜଗତେ

Couplet 108

ଏବେ ତୁ ଭକ୍ତିଯୋଗ ଶୁଣଯେତେ ଜୀବର ପରିତ୍ରାଣ

Couplet 109

ଯେ ଭାବେ ଏ ସଂସାର ତୁଟେସୁଦୃଢ କର୍ମଗ୍ରନ୍ଥି ଫିଟେ

Couplet 110

ତ‌ତ୍ତ୍ବ-ତପନ-ତମ ନାଶେନିର୍ମଳଜ୍ଞାନ ହିଁ ପ୍ରକାଶେ

Couplet 111

ଏଣୁ ଏ ତତ୍ତ୍ବଜ୍ଞାନ କହିଶୁଣ ଜନନୀ ମନଦେଇ

Couplet 112

ଏମନ୍ତ ତତ୍ତ୍ବଜ୍ଞାନ ଜାଣିଯେ ଭାବେ ଭଜେ ଚକ୍ରପାଣି

Couplet 113

ଯେ ଦୟାସାଗର ମୁରାରିମାତା ବିଷୟେ ଦୟାକରି

Couplet 114

ଯେତେ କହିଲେ ଉପଦେଶସୁଜନ ଜନେ ଏଣେ ରସ

Couplet 115

ତା ପାଦେ ମନ କରି ସ୍ଥିରମୋକ୍ଷେ ଉଦୟ ଲଭେ ନର

Couplet 116

ତୃତୀୟସ୍କନ୍ଧେ ଭାଗବତେଜୀବର ପରିତ୍ରାଣ ଅର୍ଥେ

Couplet 117

ହରିଚରିତ ସୁଧାରସକହଇ ଜଗନ୍ନାଥ ଦାସ