Adhyaya 24

Couplet 1

ଏମନ୍ତ ପତ୍ନୀର ବଚନେକର୍ଦ୍ଦମ ଅତି ସାବଧାନେ

Couplet 2

ଗୋବିନ୍ଦପାଦେ ମନଦେଇକହିଲେ ପତ୍ନୀ ମୁଖ ଚାହିଁ

Couplet 3

ଶୁକ୍ଳ ବଚନ ସ୍ମରି ମନେକହନ୍ତି ଅମୃତ ବଚନେ

Couplet 4

ହେ ପ୍ରିୟ ଶୁଣ ମୋ ଉତ୍ତରମନରେ ଖେଦ ତୁ ନ କର

Couplet 5

ଏହି ନିକଟେ ତୋ ଉଦରେଗୋବିନ୍ଦ ନର କଳେବରେ

Couplet 6

ଜାତ ହୋଇବେ ତୋର ଭାବେତୋ ବ୍ରତ ତପର ପ୍ରସ୍ତାବେ

Couplet 7

ତୁ ବ୍ରତ ଦାନ ଧ୍ୟାନ କରିବିଷ୍ଣୁଚରଣ ହୃଦେ ଧରି

Couplet 8

ଏ ମାୟାମୟ ସୁଖ ତେଜତପେ ଗୋବିନ୍ଦପାଦେ ଭଜ

Couplet 9

ସେ ଶୁକ୍ଳବର୍ଣ୍ଣ ତୋର ଭାବେମୋହର ତପ ଫଳ ଲାଭେ

Couplet 10

ସଂଶୟ ଗ୍ରନ୍ଥି ତୋର ଚିତ୍ତେସେ ଦୃଢ଼ବନ୍ଧ କର୍ମଗତେ

Couplet 11

ସେ ହରି ଜ୍ଞାନ ଉପଦେଶେସର୍ବ ଛେଦିରେ ଅବଶେଷେ

Couplet 12

ସେ ପ୍ରଜାପତିର ସନ୍ଦେଶବିଶ୍ୱାସ ଗୌରବ ପ୍ରକାଶ

Couplet 13

କରି ଭଜିଲେ ଶ୍ରଦ୍ଧାଭାବେଜଗତଗୁରୁ ହରିପାଦେ

Couplet 14

ଏମନ୍ତେ ବହୁକାଳ ଗଲାହରିର ଅନୁଗ୍ରହ ହେଲା

Couplet 15

ଏ ବେନିଭାବ ହୃଦେ ଧରିଅଶେଷ-ମଙ୍ଗଳ-ମୁରାରି

Couplet 16

ପ୍ରବେଶ ପ୍ରଜାପତି ଅଙ୍ଗେପତି କାମିନୀ ଅଙ୍ଗ ସଙ୍ଗେ

Couplet 17

ଗର୍ଭ ସଂଯୋଗେ ଦେହଧରିଜନ୍ମ ହୋଇଲେ ନରହରି

Couplet 18

ସଂସାର ନିସ୍ତାରଣ ସାଧେଅନଳ ଯେହ୍ନେ ଦାରୁମଧ୍ୟେ

Couplet 19

ଆକାଶେ ଶୁଭେ ନାନାବାଦ୍ୟଶୁଭ ମଙ୍ଗଳ ବେଦନାଦ

Couplet 20

ଗନ୍ଧର୍ବ ଗାନ ସୁଲଳିତନାଚନ୍ତି ଅପସରା ଯୂଥ

Couplet 21

ଦେବେ କରନ୍ତି ପୁଷ୍ପବୃଷ୍ଟିମହୀମଙ୍ଗଳ ଶୁଭସୃଷ୍ଟି

Couplet 22

ପ୍ରସନ୍ନ ଦଶଦିଗ ଦିଶେଜଳଧି ଉଲ୍ଲୋଳ ପ୍ରକାଶେ

Couplet 23

ସକଳ ପ୍ରାଣୀଙ୍କର ମନସ୍ୱଭାବେ ହୁଏ ସୁପ୍ରସନ୍ନ

Couplet 24

କର୍ଦ୍ଦମ ଆଶ୍ରମ-ମଣ୍ତଳବେଷ୍ଟିତ ସରସ୍ୱତୀ ଜଳ

Couplet 25

ମରୀଚି ଆଦି ସପ୍ତଋଷିବ୍ରହ୍ମାର ତୁଲେ ସର୍ବେ ଆସି

Couplet 26

ପରମବ୍ରହ୍ମ ସର୍ବବ୍ୟାପୀସାତ୍ତ୍ବିକ ଅଂଶେ ସର୍ବରୂପୀ

Couplet 27

ସେ ତତ୍ତ୍ବ ସାଂଖ୍ୟାଜ୍ଞାନ ଅର୍ଥେବିରାଜ ରୂପ ଏ ଜଗତେ

Couplet 28

ବିଶୁଦ୍ଧ ଚିତ୍ତ ନରହରିକର୍ଦ୍ଦମ ଭକ୍ତି ହୃଦେ ଧରି

Couplet 29

ପ୍ରବେଶ କର୍ଦ୍ଦମ ମନ୍ଦିରେଅଶେଷଜନ ଉପକାରେ

Couplet 30

କର୍ଦ୍ଦମ ମୁଖ ଚାହିଁ ଭଣିଆନନ୍ଦମନେ କୁଶପାଣି

Couplet 31

ତୁ ଯେ ମୋହର ଆଜ୍ଞା ଶିରେଘେନି ଏ ସଂସାର-ସାଗରେ

Couplet 32

ତପ ସାଧିଲୁ ଘୋରଦୁଃଖେରମିଲୁ ଗୃହମେଧି ସୁଖେ

Couplet 33

ପୁତ୍ରର ଧର୍ମଟି ଏମନ୍ତଯାହା ବୋଲନ୍ତି ମାତା ତାତ

Couplet 34

ଆଦରେ ସର୍ବଦା କରଇତେବେ ସେ ବିଷ୍ଣୁଙ୍କୁ ତୋଷଇ

Couplet 35

ତାହାର ଇହପରଲୋକେସକଳ କାଳ ଯାଏ ସୁଖେ

Couplet 36

ଏ ନବକୁମାରୀ ତୋହରପରମ ସୁଗୁଣ ସୁନ୍ଦର

Couplet 37

ଏ ସୃଷ୍ଟି ସର୍ଜନ କାରଣତୁ ଏବେ ମୋର ବୋଲ ଶୁଣ

Couplet 38

ମରୀଚି ଆଦି ମୁନି ଯେତେତାହାଙ୍କୁ ବରି ଶୁଦ୍ଧ ଚିତ୍ତେ

Couplet 39

ଯଥା ଉଚିତେ କରି ଶୋଭାନିଗମମାର୍ଗେ ଦିଅ ବିଭା

Couplet 40

ତୋହର ଯଶ ସର୍ବକାଳେଅଶେଷ ଭୁବନ ମଣ୍ତଳେ

Couplet 41

ଏବେ ତୋହର ଘରେ ହରିଅଂଶେ ଜନ୍ମିଲେ ଦେହ ଧରି

Couplet 42

ଜୀବର ନିସ୍ତାରଣ ଅର୍ଥେକପିଳ ରୂପେ ଏ ଜଗତେ

Couplet 43

ଏ ବାକ୍ୟ କର୍ଦ୍ଦମ‌କୁ କହିସେ ଦେବହୂତି ମୁଖ ଚାହିଁ

Couplet 44

କହନ୍ତି ପ୍ରଭୁ ବେଦବରଧନ୍ୟ ଜୀବନ ମାତ ତୋର

Couplet 45

ହେ ଦେବହୂତି ଶୁଣ ତୁହିତୋ ପୁତ୍ର ସାମାନ୍ୟ ନୁହଇ

Couplet 46

ଏ ହରି ତୋହର ନନ୍ଦନଛେଦିବ ହୃଦୟ-ବନ୍ଧନ

Couplet 47

ଜ୍ଞାନ-ବିଜ୍ଞାନ ଯୋଗେ କର୍ମନାଶିବ ଧରି ଯତିଧର୍ମ

Couplet 48

ଶିରେ ଅରୁଣ ଜଟାଭାରସ୍ୱରୂପେ ଜଗତ ସୁନ୍ଦର

Couplet 49

ନେତ୍ର ଚରଣେ ପଦ୍ମଚିହ୍ନସୁନ୍ଦର ଜଗତ ମୋହନ

Couplet 50

ଜ୍ଞାନେ ବିଜ୍ଞାନେ ଏହି ଦେବକର୍ମମୂଳକୁ ଉପାଡ଼ିବ

Couplet 51

ପରମଜ୍ଞାନ ତୋତେ କହିଇଚ୍ଛାଏ ଭ୍ରମିବ ଏ ମହୀ

Couplet 52

ଏ ସିନ୍ଧଗଣଙ୍କ ଈଶ୍ୱରସୁସାଂଖ୍ୟଯୋଗୀଙ୍କର ସାର

Couplet 53

ତୋ ଯଶ କୀର୍ତ୍ତିର ବର୍ଦ୍ଧନହୋଇବ କପିଳ ୟା ନାମ

Couplet 54

କର୍ଦ୍ଦମ ଦେବହୂତି ବେନିଆଶ୍ୱାସ କରି ପଦ୍ମଯୋନି

Couplet 55

ନାରଦ ଆଦି ପୁତ୍ର ମେଳେଅନେକ ମୁନିଙ୍କ ଗହଳେ

Couplet 56

ସେ ହଂସମୟ ଦିବ୍ୟଯାନେତକ୍ଷଣେ ଗଲେ ନିଜ ସ୍ଥାନେ

Couplet 57

ବ୍ରହ୍ମା ଅନ୍ତରେ ସେ କର୍ଦ୍ଦମହରଷ ଚିତ୍ତେ ସୁସଂଭ୍ରମ

Couplet 58

ବ୍ରହ୍ମାର ଆଜ୍ଞା ଘେନି ଶିରେଋଷିଙ୍କି ଆଣି ନିଜ ପୁରେ

Couplet 59

ମଙ୍ଗଳ ଦୂର୍ବାସୂତ୍ର ରକ୍ଷେବର ବରିଲେ ଏକେ ଏକେ

Couplet 60

ମରୀଚି ମୁନି ହସ୍ତ ଧରିକଳା କନ୍ୟାକୁ ବର ବରି

Couplet 61

ଆନନ୍ଦ ମନେ କରି ବିଭାକିଅବା ପଟାନ୍ତର ଦେବା

Couplet 62

ତ୍ରିଦଶେ ଦେଖନ୍ତି ଆକାଶେହରଗଉରୀ ପ୍ରାୟ ଦିଶେ

Couplet 63

ଦ୍ୱିତୀୟ କନ୍ୟା ଅନସୂୟାଅତ୍ରି ମୁନିଙ୍କି ଦେଲା ତାହା

Couplet 64

ଶ୍ରଦ୍ଧାକୁ ଅଙ୍ଗିରସ ମୁନିବରିଲା କରେ ଅର୍ଘ୍ୟ ଘେନି

Couplet 65

ପୁଲସ୍ତ୍ୟେ ହବି ଦେଲା ଦାନପୁଲହେ ଗତି ବିଦ୍ୟମାନ

Couplet 66

କ୍ରତୁଙ୍କୁ ଦେଲା କ୍ରିୟା ସତୀଭୃଭୁଙ୍କୁ ସମର୍ପିଲା ଖ୍ୟାତି

Couplet 67

ବଶିଷ୍ଠେ ବରି ଅରୁନ୍ଧତୀଅଥର୍ବେ ସମର୍ପିଲା ଶାନ୍ତି

Couplet 68

ଏମନ୍ତେ ନବ-ବିପ୍ରବରେକନ୍ୟା ବିବାହେ ନିଜ ପୁରେ

Couplet 69

ଧନେ ସନ୍ତୋଷୀ ତାଙ୍କ ମନଗଲେ ସେ ଯେ ଯାହା ଭୁବନ

Couplet 70

ମୁନିଙ୍କି କରି ଅନୁଯାନସଂଭ୍ରମ କର୍ଦ୍ଦମ‌ର ମନ

Couplet 71

ଗୃହେ ଯେ ପୁତ୍ର ଉପୁଜିଲାକପିଳ ନାମେ ବିଷ୍ଣୁକଳା

Couplet 72

ବେଗେ ମିଳିଲା ପୁତ୍ର ପାଶେସ୍ୱଭାବେ ଜନକ ବିଶ୍ୱାସେ

Couplet 73

ବିଷ୍ଣୁର ଜନ୍ମ ପତ୍ନୀ ଗର୍ଭେସୁମରେ ଶୁକ୍ଳ-ବାକ୍ୟ ଭାବେ

Couplet 74

ଏକାନ୍ତେ ପୁତ୍ର ପାଶେ ଯାଇବୋଲେ କପାଳେ କରଦେଇ

Couplet 75

ଦେଖ ମୋହର ଦୁଷ୍ଟପଣନ ସେବି ତୁମ୍ଭର ଚରଣ

Couplet 76

ଏ ଗୃହ-ଅନ୍ଧକୂପ ପଥେପଡ଼ିଲି ଅମଙ୍ଗଳ ଯନ୍ତ୍ରେ

Couplet 77

ଅନେକ ଜନ୍ମେ ଯୋଗସାଧ୍ୟେଯୋଗସମ୍ପାଦି ଅନୁବାଦେ

Couplet 78

ଯେ ପ୍ରାଣୀ ଗୃହବନ୍ଧ ତେଜେବନସ୍ତେ ତୋ ଚରଣେ ଭଜେ

Couplet 79

ପର୍ଣ୍ଣକୁଟୀର ମଧ୍ୟେ ଥାଇବଞ୍ଚନ୍ତି ତୋ ଚରଣ ଧ୍ୟାୟି

Couplet 80

ତୋ ପାଦ ଦେଖିବାର ଆଶେସାଧନ୍ତି ଅନେକ ବରଷେ

Couplet 81

ଏମନ୍ତ ପ୍ରଭୁ ତୁମ୍ଭେ ହରିମୋର ଭୁବନେ ଅବତରି

Couplet 82

ତୋର ଭକତ ରକ୍ଷାଅର୍ଥେତୋ ଅବତାର ଏ ଜଗତେ

Couplet 83

ନିଜ ବଚନ ସତ୍ୟ କରିତୁ ମୋର ଗୃହେ ଅବତରି

Couplet 84

ସ୍ୱଭାବେ ସର୍ବଭୂତେ ଥାଉଭକତଜନେ ବଶ ହେଉ

Couplet 85

ଭକତହିତେ ନାନାଯୋନିଉପୁଜୁ ନିଜତେଜ ଘେନି

Couplet 86

ପଣ୍ତିତଜନେ ତୋ ବିଶ୍ୱାସେତୋ ପାଦପଦ୍ମଗନ୍ଧାବାସେ

Couplet 87

ସଂସାର ତେଜି ସେ ଭଜନ୍ତିଅନ୍ତେ ତୋ ଶରୀରେ ପଶନ୍ତି

Couplet 88

ତୁ ପୂର୍ଣ୍ଣବ୍ରହ୍ମ ନରହରିପ୍ରକାଶୁ ଜ୍ୟୋତିରୂପ ଧରି

Couplet 89

ଐଶ୍ୱର୍ଯ୍ୟ ବୀର୍ଯ୍ୟ ଯଶ ଜ୍ଞାନତୁ ଶ୍ରୀ ବୈରାଗ୍ୟ ପରିପୂର୍ଣ୍ଣ

Couplet 90

ତେଣୁ ଶରଣାଗତ ମୁହିଁମୋ ଦୋଷ କ୍ଷମ ଭାବଗ୍ରାହୀ

Couplet 91

ତୁ ନାଥ ପରମ-ପୁରୁଷପ୍ରକୃତି ମଧ୍ୟେ ତୋ ପ୍ରକାଶ

Couplet 92

ମହତଆଦି ରୂପ ତୋରଭୂତଙ୍କ ସୂକ୍ଷ୍ମ ଅହଙ୍କାର

Couplet 93

ତ୍ରିଗୁଣମୟୀ କାଳରୂପୀତୁ କବି ସର୍ବଭୂତେ ବ୍ୟାପି

Couplet 94

ତୋ ରୂପ ଆତ୍ମାଜ୍ଞାନ ଅର୍ଥେକପିଳରୂପେ ଏ ଜଗତେ

Couplet 95

ଶରଣାଗତ ତୋ ଚରଣେମୋ ମନେ ରହ ଅନୁକ୍ଷଣେ

Couplet 96

ତୁ ପ୍ରଜାପତିଙ୍କର ନାଥତୁ ଯେ ହୋଇଲୁ ମୋର ସୁତ

Couplet 97

ତୁ ଅବତୀର୍ଣ୍ଣ ହେଲା ମାତ୍ରେମୋ ଋଣତ୍ରୟ ନାହିଁ ଗାତ୍ରେ

Couplet 98

ପୂର୍ଣ୍ଣ ହୋଇଲା ମନୋରଥସନ୍ନ୍ୟାସାମାର୍ଗେ ଏବେ ଚିତ୍ତ

Couplet 99

ତେଣୁ ମାଗଇ ଆତ୍ମା ଅର୍ଥେତୋ ପାଦଧ୍ୟାନ ହୃଦଗତେ

Couplet 100

ଧରିଣ ବୁଲିବି ଜଗତେଏମନ୍ତ ଆଜ୍ଞା ଦିଅ ମୋତେ

Couplet 101

ଏମନ୍ତ କର୍ଦ୍ଦମ ବଚନଶୁଣି କହନ୍ତି ଭଗବାନ

Couplet 102

ତୋହର ତପ ତେଜ ବଳେମୋ ଅବତାର ଏ ଶୟଳେ

Couplet 103

ନିଜ ବଚନ ସତ୍ୟ କରିତୋ ପତ୍ନୀ-ଗର୍ଭେ ଅବତରି

Couplet 104

କେ ଲଭିପାରେ ମୋର ଭାବମୋ ରୂପ ଯୋଗୀଙ୍କି ଦୁର୍ଲ୍ଲଭ

Couplet 105

ମୁଁ ଏବେ ସଂସାରର ଅର୍ଥେଜ୍ଞାନପ୍ରକାଶି ଏ ଜଗତେ

Couplet 106

ଏ ସିଦ୍ଧଦେହେ ଥିବି ମୁହିଁଯାବତ ସୂର୍ଯ୍ୟ ଚନ୍ଦ୍ର ମହୀ

Couplet 107

ଯେ ତତ୍ତ୍ବଜ୍ଞାନ ପୂର୍ବେ ଥିଲାକାଳର ବଳେ ନାଶ ଗଲା

Couplet 108

ସେ ତତ୍ତ୍ବ ପ୍ରକାଶିବା ଅର୍ଥେମୋ ଅବତାର ଏ ଜଗତେ

Couplet 109

ତୋହର ସାଧୁକ୍ରିୟା ଯେତେସବୁ ସମର୍ପି ଦିଅ ମୋତେ

Couplet 110

ମୋର ଚରଣେ ଭାବେ ବଢିଚଳ ତୁ ଗୃହବନ୍ଧ ଏଡ଼ି

Couplet 111

ସୁହୃଢେ ମୋ ପଦ ଭଜିବୁଦୁର୍ଜୟ-ମରଣୁ ତରିବୁ

Couplet 112

ଅନ୍ତେ ପଶିବୁ ମୋ ଚରଣେବେଗେ ଯା ତପ ସାଧ ବନେ

Couplet 113

ମୁଁ ଆତ୍ମାନନ୍ଦଜ୍ୟୋତି ପଦେପ୍ରକାଶ ସର୍ବଭୂତହୃଦେ

Couplet 114

ଆତ୍ମାର ମଧ୍ୟେ ଆତ୍ମା ଦେଖମୃତ୍ୟୁ ସକାଶୁ ଆତ୍ମା ରଖ

Couplet 115

ଅଧ୍ୟାତ୍ମ-ବିଦ୍ୟା ସାଧ୍ୟ କରଏ ମାୟା-ବନ୍ଧନୁ ନିସ୍ତର

Couplet 116

ଯେ ବିଦ୍ୟାବଳେ ଦେବହୂତିହେବ ପରମାନନ୍ଦ ପ୍ରାପ୍ତି

Couplet 117

ଏମନ୍ତ ହରି ଆଜ୍ଞା ପାଇଅଭୟପଦେ ମନ ଦେଇ

Couplet 118

ବିଷ୍ଣୁଙ୍କ ପ୍ରଦକ୍ଷିଣ କଲାମଉନବ୍ରତେ ବନ ଗଲା

Couplet 119

ଅହିଂସାବ୍ରତ ଆଚରଣକେବଳ ଆତ୍ମାରେ ଶରଣ

Couplet 120

ନିଃସଙ୍ଗ ଗୃହ ନିରପେକ୍ଷଅନଳ ଛାଡ଼ି ସେ ପ୍ରତ୍ୟକ୍ଷ

Couplet 121

ନିର୍ଗୁଣବ୍ରହ୍ମେ ମନ ଦେଇସତ ଅସତ ପର ସେହି

Couplet 122

ଏକାନ୍ତଭକ୍ତିରସେ ରସିଜିଣିଲା କାଳଦଣ୍ତଫାସି

Couplet 123

ଭ୍ରମଇ ବନ ଘନ ଗିରିଦେଖଇ ସର୍ବଭୂତେ ହରି

Couplet 124

ଇନ୍ଦ୍ରିୟଗଣଙ୍କୁ ନିରୋଧିଯେସନେ ନିଶ୍ଚଳ ଜଳଧି

Couplet 125

ସର୍ବଜ୍ଞେ ସର୍ବ ଆତ୍ମାଭାବେଯେ ଭଗବାନ ବାସୁଦେବେ

Couplet 126

ଯେ ଭାବେ ରହି ଧୀରପଣେନିର୍ବାଣମୁକ୍ତିର ଭିଆଣେ

Couplet 127

ଦେଖଇ ସର୍ବଭୂତେ ହରିଆତ୍ମା ସ୍ୱରୂପେ ଅଛି ପୂରି

Couplet 128

ହରିର ଦେହେ ଏ ଜଗତଦେଖେ ଅଭେଦେ ଦୃଷ୍ଟିଗତ

Couplet 129

ଅନ୍ତେ ଲଭିଲା ହରିଭାବଯେ ହରି ଦେବଙ୍କୁ ଦୁର୍ଲଭ

Couplet 130

ଏମନ୍ତ ବିଦୁରର ଆଗେମୈତ୍ରେୟ କହେ ପ୍ରିୟଭାବେ

Couplet 131

ନିର୍ମଳ-ଭାଗବତବାଣୀଭାଷାପ୍ରବନ୍ଧେ ପରିମାଣି

Couplet 132

ତୃତୀୟସ୍କନ୍ଧେ କୃଷ୍ଣରସକହିଲା ଜଗନ୍ନାଥ ଦାସ