Skandha 3
Adhyaya 23
Couplet 1
ଏମନ୍ତେ କନ୍ୟା ବିଭା ଦେଇମନୁ ଯେ ଗଲେ ରଥ ବାହି
Couplet 2
ଏବେ ହୋ ଶୁଣ କୁରୁନାଥକର୍ଦ୍ଦମମୁନୀଙ୍କ ଚରିତ
Couplet 3
ସେ ନଦୀତୀରେ ପୁଣ୍ୟ ବନେଦୃଢେ ରହିଲେ ତପସ୍ଥାନେ
Couplet 4
ତାହାଙ୍କ ପତ୍ନୀ ଦେବହୂତିସୁନ୍ଦର ସୁଗୁଣ ସୁମତି
Couplet 5
ସ୍ୱାମୀର ମନ ଜାଣି ଚିତ୍ତେସେବା କରଇ ଅନୁବ୍ରତେ
Couplet 6
ଇଙ୍ଗିତ ମାତ୍ରେ ଆଜ୍ଞା ବହେଭବାନୀ ଭବସେବା ପ୍ରାୟେ
Couplet 7
ବିଶ୍ୱାସ ଆତ୍ମ-ଶୌଚ ଧର୍ମେଧୀର ଗୌରବ ସମ ଦମେ
Couplet 8
ଶୁଶୂଷା ସହୃଦୟ ପ୍ରେମେମଧୁରବାକ୍ୟେ ସୁସଂଭ୍ରମେ
Couplet 9
ବର୍ଜିତ କାମ ମଦ ହିଂସାଦମ୍ଭ ଗର୍ବିତ ମିଥ୍ୟାଭାଷା
Couplet 10
ଉଦ୍ୟମ ନିରଳସ ମତିସ୍ୱାମୀ ସନ୍ତୋଷେ ମନ ସ୍ଥିତି
Couplet 11
ମନୁ ତନୟା ଦେବହୂତିଦେବ ସମାନେ ମଣେ ପତି
Couplet 12
ପତିର ଆଶୀର୍ବାଦ ଲାଭକରିବା ପାଇଁ ତାର ଲୋଭ
Couplet 13
ତେଣୁ ପତିର ସେବା ନିତ୍ୟେକରଇ ଭକ୍ତିଭାବେ ଚିତ୍ତେ
Couplet 14
ଏମନ୍ତେ ଦେବହୂତି ଚାହିଁମୁନି ସାନନ୍ଦେ ସ୍ନେହ ବହି
Couplet 15
ପତି ଦେବତାର ଆଶିଷେନିରତେ ସେବେ ସ୍ୱାମୀ ପାଶେ
Couplet 16
ତାହାର ପତିବ୍ରତା ଧର୍ମଦେଖି ବିଚାରଇ କର୍ଦ୍ଦମ
Couplet 17
ଏ ପତବ୍ରତାଙ୍କର ସାରସୁଶୀଳ ସୁଗୁଣ ଗମ୍ଭୀର
Couplet 18
ଏମନ୍ତ ଗୁଣ ମନେ ଗୁଣିସପ୍ରେମେ ଗଦଗଦ ବାଣୀ
Couplet 19
ନିଜ କାମିନୀ ସୁଖ ଚାହିଁକର୍ଦ୍ଦମ କହେ ପ୍ରେମ ବହି
Couplet 20
ଶୁଣ ସୁନ୍ଦରି ମୋ ବଚନମୋର ବିଷୟେ ତୋର ମନ
Couplet 21
ଦେଖି ସନ୍ତୋଷ ମୋର ଚିତ୍ତତୁ ଅନୁବ୍ରତେ ମୋର ଭକ୍ତ
Couplet 22
ପ୍ରାଣୀମାନଙ୍କ ନିଜ ଦେହସୁହୃଦ ପ୍ରିୟ ଅତି ସ୍ନେହ
Couplet 23
ସେ ଦେହେ ତୋର ଯତ୍ନ ନାହିଁମୋହରି ଅର୍ଥେ ମନ ଦେଇ
Couplet 24
ସ୍ୱଧର୍ମ ରତ ପ୍ରାଣୀଙ୍କରତପ ସମାଧି ବିଦ୍ୟାସାର
Couplet 25
ସୁଦୃଢ କର୍ମ ଆତ୍ମଧ୍ୟାନଜୀବଙ୍କ ହିତ ତତ୍ତ୍ବଜ୍ଞାନ
Couplet 26
ଏ ସର୍ବ ଗୋବିନ୍ଦ ପ୍ରସାଦେମୁଁ ଯେ ସାଧିଲି ନିରାପଦେ
Couplet 27
ତୋତେ ମୁଁ ଦିବ୍ୟଚକ୍ଷୁ ଦାନକଲି ତୁ ଦେଖ ବିଦ୍ୟମାନ
Couplet 28
ଏ ସର୍ବ ତୋହର ସୁସାଧ୍ୟତୁ ଏବେ ଭଜ ବିଷ୍ଣୁପାଦ
Couplet 29
ଗୋବିନ୍ଦୁ ଯେବା ଭୋଗ ପାଇସେ ଭୋଗେ ଭୟ ଶୋକ ନାହିଁ
Couplet 30
ଅନ୍ୟ ଅନେକ ଅଛି ଭୋଗକିନ୍ତୁ ସେ ତୋର ନୋହେ ଯୋଗ୍ୟ
Couplet 31
ତୁ ସିଦ୍ଧ ହେଲୁ ନିଜ କର୍ମେଆପଣା ପତିବ୍ରତା ଧର୍ମେ
Couplet 32
ଏଣୁ ତୁ ଦିବ୍ୟଭୋଗ କରଯାହା ଦୁଷ୍ପ୍ରାପ୍ୟ ମାନବର
Couplet 33
ଏ ବିନେ ଅନ୍ୟ ଭୋଗ ଯେହିକି କାର୍ଯ୍ୟ ତୁଚ୍ଛ ସେ ଅଟଇ
Couplet 34
ଅଧିକ ଗୁଣ କିବା କହିସର୍ବ ସମ୍ପଦ ଯେଣେ ପାଇ
Couplet 35
ସେ ହରି-ଚରଣପଙ୍କଜନିର୍ମଳଚିତ୍ତେ ଏବେ ଭଜ
Couplet 36
ଏମନ୍ତ କର୍ଦ୍ଦମ ବଚନେସେ ଦେବହୂତି ତୋଷମନେ
Couplet 37
ଭର୍ତ୍ତା ବଦନ ଚାହିଁ କହେଗଭୀର ବାକ୍ୟ ସୁଧାମୟେ
Couplet 38
ଭୋ ନାଥ ତୁମ୍ଭର ପ୍ରସାଦେତୁମ୍ଭ ଚରଣେ ଅପ୍ରମାଦେ
Couplet 39
ନିରତେ ହେଉ ମୋର ସେବାପ୍ରସନ୍ନେ ମୋତେ ଆଜ୍ଞା ଦେବା
Couplet 40
ତୁମ୍ଭେ ମୋହାର ତୁଲେ ଏବେଗୃହସ୍ଥ ଧର୍ମେ ପ୍ରିୟଭାବେ
Couplet 41
ଅତୁଲ୍ୟ ଧର୍ମ ଭୋଗ କରଯେ ଧର୍ମ କାମଧେନୁ ସାର
Couplet 42
ଏମନ୍ତେ ପତ୍ନୀର ବଚନକର୍ଦ୍ଦମ ଶୁଣି ତୋଷମନ
Couplet 43
ପ୍ରିୟା କଳ୍ପିତ ମନ ଜାଣିଚିତ୍ତେ ବିଚାରି ବିପ୍ରମଣି
Couplet 44
ବିଶ୍ୱକର୍ମାଙ୍କୁ ମନେ ସ୍ମରିବିମାନ ତପବଳେ କରି
Couplet 45
ଯହିଁ କଳ୍ପିତ ବସ୍ତୁଯୁତଅଶେଷ ରତ୍ନେ ସେ ନିର୍ମିତ
Couplet 46
ମଣି ନିର୍ମିତ ସ୍ତମ୍ଭକୂଳେସକଳ ଋତୁ ପୁଷ୍ପ ଫଳେ
Couplet 47
ଦେବଙ୍କ ଦିବ୍ୟଭୋଗ ଯହିଁସର୍ବଦାକାଳ ସୁଖମୟୀ
Couplet 48
ବିଚିତ୍ର ଚିତ୍ର ହେମମୟେଚିତ୍ର ପତାକା ଧ୍ୱଜ ଶୋହେ
Couplet 49
ସୁଗନ୍ଧ ପୁଷ୍ପ ମାଳେମାଳେଯେ ରଥେ ଲମ୍ବଇ ଗହଳେ
Couplet 50
ଗଭୀର ଭୃଙ୍ଗନାଦ ଶୋହେପାଟବସନ ମନ ମୋହେ
Couplet 51
ଉପରେ ନୀଳ ରତ୍ନମଣିବିରାଜେ ରବିତେଜ ଜିଣି
Couplet 52
ସେ ରଥେ ସୁବର୍ଣ୍ଣ ପଲଙ୍କେକୋମଳ ଶଯ୍ୟା ଶୋହେ ରଙ୍ଗେ
Couplet 53
ବିଶ୍ୱକର୍ମାର ଶିଳ୍ପୀପଣଯେ ରଥ କରିଛି ଘଟଣ
Couplet 54
ମହାମର୍କତ ସ୍ତମ୍ଭ ଯହିଁବିଦ୍ରୁମ-ବେଦୀ ବିରାଜଇ
Couplet 55
ଯେଦ୍ୱାରେ ବିଦ୍ରୁମ ଦେହଳୀହୀରା କବାଟ ଯହିଁ କିଳି
Couplet 56
ଶିଖରମାନ ସ୍ୱର୍ଣ୍ଣକୁମ୍ଭେବିରାଜେ ଇନ୍ଦ୍ରନୀଳ-ସ୍ତମ୍ଭେ
Couplet 57
ଜଳନ୍ତି ପଦ୍ମରାଗ-ଦୀପେବିଚିତ୍ରଚିତ୍ରେ ଚନ୍ଦ୍ରାତପେ
Couplet 58
ହେମତୋରଣେ ହାର ଲମ୍ବେପାଟ-ଦୋଳିକା ରତ୍ନସ୍ତମ୍ଭେ
Couplet 59
ଶ୍ୱେତ ହଂସକ ପାରାବତରାବ କହନ୍ତି ଉନମତ୍ତ
Couplet 60
ବିମାନଶିଖେ ଜଳାରନ୍ଧ୍ରେଧୂମ ନିର୍ଗତ ଧୂପ ଗନ୍ଧେ
Couplet 61
ବିହାର ଶଯ୍ୟା ଆଦି ସ୍ଥାନସୁବର୍ଣ୍ଣ ନିର୍ମିତ ପ୍ରାଙ୍ଗଣ
Couplet 62
ନାନା ବିଶ୍ରାମ ସ୍ଥାନ ଶୋହେଦେଖି ଦେବଙ୍କ ମନ ମୋହେ
Couplet 63
ଏମନ୍ତ ଦିବ୍ୟପୁର ଚାହିଁସନ୍ତୋଷ ଲଭେ ନେତ୍ରଦୁଇ
Couplet 64
ଆପଣା ଦେହ ହୀନ କାନ୍ତିତୋଷ ନୋହିଲା ଦେବହୂତି
Couplet 65
କର୍ଦ୍ଦମମୁନି ପତ୍ନୀ ଚାହିଁଅମୃତ ବଚନ ବୋଲଇ
Couplet 66
ସେ ସର୍ବ ପ୍ରାଣୀ ଚିତ୍ତ ଜାଣେତପ ସମାଧି ବିଦ୍ୟା ଗୁଣେ
Couplet 67
ସୁନ୍ଦରୀ ଶୁଣ ମୋ ବଚନଏ ତୀର୍ଥେ ତୋଷେ କର ସ୍ନାନ
Couplet 68
ବିମାନେ ସୁଖେ ବିଜେ କରଚିତ୍ତେ ଗୋବିନ୍ଦ ନାମ ସ୍ମର
Couplet 69
ଶୁକ୍ଳ ନିର୍ମିତ ତୀର୍ଥ ଏହିପ୍ରାଣୀଙ୍କି ସୁଖ ଫଳ ଦେଇ
Couplet 70
ଏମନ୍ତ ସ୍ୱାମୀର ବଚନେସେ ଦେବହୂତି ତୋଷମନେ
Couplet 71
ମଳିନ ବସ୍ତ୍ର ପରିଧାନହୃଦେ ଆଚ୍ଛାଦି ତୁଙ୍ଗ ସ୍ତନ
Couplet 72
ଶିରେ ଶୋଭିତ ଜଟାବେଣୀସୁଗନ୍ଧ ଅଙ୍ଗେ ଲେପେ ଆଣି
Couplet 73
ପଶିଲା ସରସ୍ୱତୀ ନୀରେଯେ ନୀର ସର୍ବପାପ ହରେ
Couplet 74
ଜଳେ ପ୍ରବେଶ କରି ପୁଣିଆଶ୍ଚର୍ଯ୍ୟେ ଦେଖିଲା ତରୁଣୀ
Couplet 75
ତକ୍ଷଣେ ସରୋବର ଜଳେସହସ୍ରେ କନ୍ୟା ଏକମେଳେ
Couplet 76
ଉଠିଲେ ଦିବ୍ୟରୂପ ଧରିଜୟ ଶବଦ ମୁଖେ କରି
Couplet 77
ରୂପେ କି ଦେବା ପଟାନ୍ତରମୋହନ୍ତି ବ୍ରହ୍ମା ସୁର ନର
Couplet 78
କିଶୋର ବୟସୀ ଆନନ୍ଦେବାସନ୍ତି ନୀଳୋତ୍ପଳ ଗନ୍ଧେ
Couplet 79
କନ୍ୟାଏ ଦେଖି ଜଳମଧ୍ୟେସେ ଦେବହୂତିଙ୍କୁ ଆନନ୍ଦେ
Couplet 80
କପୋଳେ ଦେଇ ବେନିକରସ୍ୱଭାବେ କହନ୍ତି ମଧୁର
Couplet 81
ଆମ୍ଭେ ତୋହର ଦାସୀ ପଣେସେବିବୁ ତୋହର ଚରଣେ
Couplet 82
ଏ ଯେ ତୋହର ଦିବ୍ୟକାୟକିବା କରିବୁ ଆଜ୍ଞା ଦିଅ
Couplet 83
ଏମନ୍ତ କହି କନ୍ୟାଗଣେସେ ଦେବହୂତିର ଚରଣେ
Couplet 84
ତକ୍ଷଣେ ନମସ୍କାର କରିସର୍ବେ ହୋଇଲେ ପରିଚାରୀ
Couplet 85
ସୁଗନ୍ଧ ତାର ଅଙ୍ଗେ ବୋଳିଆନନ୍ଦେ ଦେଲେ ହୁଳହୁଳୀ
Couplet 86
ସ୍ନାନ କରାଇ ପୁଣ୍ୟନୀରେମଣ୍ତିଲେ ନାନା ଉପହାରେ
Couplet 87
ନୂତନ ବସ୍ତ୍ରଯୁଗ ଦେଲେବିବିଧ ଅଳଙ୍କାର ତୁଲେ
Couplet 88
ଅମୂଲ୍ୟ ମାଳ ରତ୍ନପନ୍ତିଚନ୍ଦ୍ରକିରଣେ ଝଟକନ୍ତି
Couplet 89
ଅନ୍ନ ବ୍ୟଞ୍ଜନ ଷଡ଼ରସେଭୋଜନ କରାଇ ହରଷେ
Couplet 90
ସୁବାସ ଜଳେ ଆଚମନକରାଇ ସୁମୁଖ ବାସନ
Couplet 91
ଉତ୍ତମ ଶଯ୍ୟାରେ ବସାଇଦର୍ପଣ ସମର୍ପିଲେ ନେଇ
Couplet 92
ମୁକୁରେ ଚାହିଁ ମୁଖଶୋଭାଶିରେ ଖଞ୍ଜିଲେ ପୁଷ୍ପଗଭା
Couplet 93
କର୍ପୂର କୁଙ୍କୁମ ସୁଗନ୍ଧେଅଙ୍ଗେ ଲେପିଲେ ସେ ଆନନ୍ଦେ
Couplet 94
ଦୂର୍ବା ଅକ୍ଷତ ଗନ୍ଧ ଆଣିଆଶିଷ କନ୍ୟାଗଣେ ଭଣି
Couplet 95
ଏମନ୍ତେ ସର୍ବ ପରିବାରୀସୁଲଗ୍ନେ ଶୁଦ୍ଧସ୍ନାନ କରି
Couplet 96
ଗଳେ ଆରୋପି ରତ୍ନହାରଚରଣେ ବାଜେଣି ନୂପୁର
Couplet 97
କଟୀ ଶୋଭିତ କାଞ୍ଚୀ ଦାମହୃଦେ କାଞ୍ଚଲା ଅନୁପମ
Couplet 98
ଅମୂଲ୍ୟ ହାର ହୃଦେ ଶୋହେରୂପେ କାମିନୀ ମନ ମୋହେ
Couplet 99
ଦେଖିଲେ ଭ୍ରୂଦ୍ୱୟ ସୁନ୍ଦରଶୋଭନ ଦଶନ ନିକର
Couplet 100
ନୟନେ ପଦ୍ମ ପରାଜିତସୁନ୍ଦର ଅପାଙ୍ଗ ସଂଯୁତ
Couplet 101
ସୁନୀଳ ଅଳକା କପୋଳେଶୋଭିତ ବଦନ ମଣ୍ତଳେ
Couplet 102
ଦର୍ପଣେ ନିଜ ଶୋଭା ଦେଖିସ୍ୱାମୀ ସ୍ମରିଲା ଶଶିମୁଖୀ
Couplet 103
ରୂପ ମୋହନ ପ୍ରିୟ ଭାବେବାକ୍ୟ କହନ୍ତି ପିକ ରବେ
Couplet 104
ତକ୍ଷଣେ କନ୍ୟାଗଣ ତୁଲେପ୍ରଜାପତିର ପାଶେ ମିଳେ
Couplet 105
ସ୍ୱାମୀର ଯୋଗଗତି ଦେଖିସଂଶୟ ଚିତ୍ତେ ଅଧୋମୁଖୀ
Couplet 106
ସମସ୍ତ ହେଲା କି ପ୍ରକାରେଭାବି ବିସ୍ମୟ ତା ମନରେ
Couplet 107
ସଂଶୟ ଦେଖି ତାର ମନେମୁନି ଜାଣିଲେ ଯୋଗଧ୍ୟାନେ
Couplet 108
ଅପୂର୍ବ ଶୋଭା ଦେଖି ତାରପ୍ରେମ ଜନ୍ମିଲା କର୍ଦ୍ଦମର
Couplet 109
ଆବୃତ ତୁଙ୍ଗ ବେନିସ୍ତନଦେଖି ସନ୍ତୋଷ ମୁନି ମନ
Couplet 110
ତକ୍ଷଣେ ଧରି କନ୍ୟା ହସ୍ତମୁନି ଆରୋହୀ ଦିବ୍ୟରଥ
Couplet 111
ସହସ୍ରେ ନାରୀଗଣ ମଧ୍ୟେଉର୍ଦ୍ଧ୍ୱେ ଗମନ ବିଷ୍ଣୁପଦେ
Couplet 112
ସ୍ୱର୍ଗେ ଦେଖନ୍ତି ସୁରଦେବାକି ଅବା ପଟାନ୍ତର ଦେବା
Couplet 113
ଯେସନେ ତାରାଗଣ ମଧ୍ୟେଚନ୍ଦ୍ର ବିରାଜେ ବିଷ୍ଣୁପଦେ
Couplet 114
ଦେଖନ୍ତି ଅଷ୍ଟଦିଗପାଳେବିମାନ ଅତି ଅନ୍ତରାଳେ
Couplet 115
ଇନ୍ଦ୍ରାଦି ଅଷ୍ଟଲୋକସ୍ଥାନେମେରୁ ପର୍ବତ ଘୋରବନେ
Couplet 116
ସିଦ୍ଧ କିନ୍ନର କ୍ରୀଡ଼ା ଦେଶେଗିରି ଗହ୍ୱର ଅଧିବାସେ
Couplet 117
ଏମନ୍ତେ ନାନା କ୍ରୀଡ଼ା ସ୍ଥାନେବିମାନେ ମୁନି ତୋଷମନେ
Couplet 118
କୁବେର ପ୍ରାୟ ଅଷ୍ଟଦିଗେଗମି ଭ୍ରମନ୍ତି ଅତିବେଗେ
Couplet 119
ଦେବ ଉଦ୍ୟାନ ବନ ଯେତେମାନସସରର ସମେତେ
Couplet 120
ଏମନ୍ତେ ସନ୍ତୋଷେ ବିହରିକାମିନୀ ସଙ୍ଗେ ସଙ୍ଗ କରି
Couplet 121
ରତ୍ନ ବିମାନ କାମଗତିଯେ ଭାବେ ଯେବା ପ୍ରଚରନ୍ତି
Couplet 122
ପବନ ଯେହ୍ନେ ସର୍ବଦେଶେକାମଗ ବିମାନ ପ୍ରକାଶେ
Couplet 123
ବିଷ୍ଣୁ ସନ୍ତୋଷ ପ୍ରାଣୀଙ୍କରକିବା ସମ୍ପଦ ଅଗୋଚର
Couplet 124
ଏମନ୍ତେ ଦଶଦିଗ ଭ୍ରମିପଥିକ ପ୍ରାୟେ ପଥ ଶ୍ରମି
Couplet 125
ପୁଣି ମିଳିଲେ ନିଜଘରେଗୃହସ୍ଥ ଧର୍ମର ବେଭାରେ
Couplet 126
ସେ ମୁନି ତପେ ଅନର୍ଗଳାଆତ୍ମାକୁ ନବରୂପ କଲା
Couplet 127
ପତ୍ନୀ ସଂଯୋଗେ ହୋଇ କାମୀଅନେକ ସମ୍ବତ୍ସର ରମି
Couplet 128
କେବେହେଁ କାମ ନ ପୂରିଲାମୁହୂର୍ତ୍ତେ ପ୍ରାୟ ଦିନ ଗଲା
Couplet 129
ଏମନ୍ତେ ଯୋଗର ପ୍ରଭାବେରମିଲେ ଦମ୍ପତି ସ୍ୱଭାବେ
Couplet 130
ଶତେବରଷ ଦେବ ମତେସୁଚିତ୍ତେ ରମିଲେ ନିଶ୍ଚିନ୍ତେ
Couplet 131
ଏମନ୍ତେ ପ୍ରଜାପତି ରେତେସେ ଦେବହୂତି ଗର୍ଭଗତେ
Couplet 132
ନବକୁମାରୀ ଉପୁଜିଲେଶୁଭ ମଙ୍ଗଳ ଲଗ୍ନବେଳେ
Couplet 133
ସର୍ବେ ସୁରୂପା ରୂପ ମଧ୍ୟେଶୋଣିତ ଉତ୍ପଳ ସୁଗନ୍ଧେ
Couplet 134
ଏମନ୍ତେ ନବକନ୍ୟା ଚାହିଁସେ ଦେବହୂତି ବିଚାରଇ
Couplet 135
ଏ କି ଅଦ୍ଭୁତ କର୍ମ ମୋରଦଇବ ବଳେ ବଳିଆର
Couplet 136
ଏମନ୍ତ ସମୟେ ସେ ମୁନିସନ୍ନ୍ୟାସାଶ୍ରମ ମନେ ଗୁଣୀ
Couplet 137
ଗମନେ ହୋଇଲେ ପ୍ରବୃତ୍ତତା ଦେଖି ଦେବହୂତି ଚିତ୍ତ
Couplet 138
ଅତୀବ ବ୍ୟାକୁଳିତ ହେଲାବାହ୍ୟେ ବିସ୍ମୟ ପ୍ରକାଶିଲା
Couplet 139
ବିକଳେ ପତି ପାଶେ ଯାଇରହିଲା ଅଧୋମୁଖୀ ହୋଇ
Couplet 140
ଅଶ୍ରୁ ପୂରିତ ସେ ଲୋଚନେବୋଲଇ ବିନୟ ବଚନେ
Couplet 141
ଭୋନାଥ ତୁମ୍ଭର ପ୍ରସାଦେସକଳ ସୁଖ ମୁଁ ଆନନ୍ଦେ
Couplet 142
ଭୁଞ୍ଜଇ ତବ ପାଦ ଧ୍ୟାୟିମୋହର ଚିତ୍ତେ ଚିନ୍ତା ନାହିଁ
Couplet 143
ଏବେ ମୋ ଗର୍ଭେ କନ୍ୟା ଦେଖିହୋଇଲି ମନଦୁଃଖେ ଦୁଃଖୀ
Couplet 144
ଯାହା ପ୍ରତିଜ୍ଞା ତୋର ଥିଲାତାହାତ ସମ୍ପୂର୍ଣ୍ଣ ହୋଇଲା
Couplet 145
ତୋ ପାଦେ ପଶିଲି ଶରଣମୋତେ ଅଭୟ ଦିଅ ପୁଣ
Couplet 146
ସେବଇଁ ଚରଣେ ତୁମ୍ଭରମୋହର ମନଦୁଃଖ ହର
Couplet 147
ପୁତ୍ର ନୋହିଲା ମୋର ଗର୍ଭେଏଣୁ ମୋ ମନ ଦୁଃଖେ ଭାବେ
Couplet 148
ଯେବା ହୋଇଲେ ନବନାରୀଏ ଅନୁରୂପେ ବର ବରି
Couplet 149
ବିବାହ ଦିଅ ତୁମ୍ଭେ ସୁଖେମୋ ଦୀନଭାବ ଯାଉ ସୁଖେ
Couplet 150
ତୁମ୍ଭେ ଯେ ବନେ ତପ କଲେମୋ ମନ ନ ରହିବ ଭଲେ
Couplet 151
ଏଣୁ ମୋ ମନଦୁଃଖ ଭାବେପୁତ୍ର ସମ୍ପାଦ ମୋର ଗର୍ଭେ
Couplet 152
ମୁଁ ଏତେ କାଳ ତୁମ୍ଭ ତୁଲେବଞ୍ଚିଲି ନାନା ଭୋଗ ଭୋଳେ
Couplet 153
ଇନ୍ଦ୍ରିୟ ଭୋଗର ଲାଳସେବଞ୍ଚିଲି ନାନା ଭୋଗ ରସେ
Couplet 154
ତୁମ୍ଭର ଅଙ୍ଗ ସଙ୍ଗ ମେଳେଏ ଜନ୍ମ ଗଲା ମୋର ଭୋଳେ
Couplet 155
ଏ କର୍ମଭୂମି ମଧ୍ୟେ ମୁହିଁଉତ୍ତମ-କୁଳେ ଜନ୍ମ ହୋଇ
Couplet 156
ଆତ୍ମାର ଗତି ନ ଜାଣଇଁଏ ଦୁଃଖ ସୁଖ ମୁଁ ମଣଇଁ
Couplet 157
ତୁମ୍ଭ ସଙ୍ଗତେ ସଙ୍ଗ କରିହରି-ଭଜନ ମୁଁ ପାଶୋରି
Couplet 158
ହେ କାନ୍ତ ମୋତେ ଦୟା କରଏ ଭବସାଗରୁ ଉଦ୍ଧର
Couplet 159
ଭୟ ନିବାର ମୋର ଚିତ୍ତେଏ ମାୟା ତରିବି ଯେମନ୍ତେ
Couplet 160
ବିଷୟା-ରସେ ଯାର ସଙ୍ଗଆବୋରେ ସଂସାର-ତରଙ୍ଗ
Couplet 161
ତାର ନିସ୍ତାର ଆର କାହିଁକର୍ମ-ବନ୍ଧନେ ସେ ପଡ଼ଇ
Couplet 162
ବୁଡ଼ଇ ସଂସାର-ସାଗରେସମ୍ଭବେ ଅଶେଷ ଉଦରେ
Couplet 163
ଏ ଭାବ ଜାଣି ଯାର ମନବିଷ୍ଣୁ-ଭଜନେ ସାବଧାନ
Couplet 164
ସେ ଜୀବ ଆତ୍ମକୁ ଉଦ୍ଧରେନ ବୁଡେ ସଂସାର-ସାଗରେ
Couplet 165
ଯେ ଇହଜନ୍ମ କର୍ମ-ଧର୍ମେହରି ନ ଭଜେ ମାୟା ଭ୍ରମେ
Couplet 166
ଯେ ତୀର୍ଥପଦ ନ ସେବଇଜୀବନ ଥାଉଁ ସେ ମରଇ
Couplet 167
ମୁଁ ଏ ଇନ୍ଦ୍ରିୟ ଭୋଗ ବଳେବଞ୍ଚିଲି ବିଷ୍ଣୁମାୟା ଭୋଳେ
Couplet 168
ମୁଁ ତୁମ୍ଭ ପାଦେ ସେବା କରିମୋକ୍ଷେ ନୋହିଲି ଅଧିକାରୀ
Couplet 169
ଏବେ ଉପାୟ କହ ମୋତେଏ ମାୟା ତରିବି ଯେମନ୍ତେ
Couplet 170
ଏମନ୍ତେ କର୍ଦ୍ଦମ ସମ୍ମୁଖେସେ ଦେବହୂତି ମନଦୁଃଖେ
Couplet 171
ଯେତେ କହିଲା ମନ-ତ୍ରାସସୁଜନ ଜନେ ଏଥେଁ ରସ
Couplet 172
ତୃତୀୟସ୍କନ୍ଧେ ଭାଗବତକହିଲା ଦାସ ଜଗନ୍ନାଥ