Skandha 3
Adhyaya 22
Couplet 1
ଏମନ୍ତେ ରାଜା ଗୁଣଗ୍ରାମଆନନ୍ଦେ ବର୍ଣ୍ଣିଲେ କର୍ଦ୍ଦମ
Couplet 2
ଶୁଣିଣ ଆପଣା ସୁଖ୍ୟାତିଲଜ୍ଜିତ ହୋଇଲେ ଭୂପତି
Couplet 3
ବୋଇଲେ ମୁନି ମୁଖ ଚାହିଁଶୁଣ କର୍ଦ୍ଦମ ଦୟାବହି
Couplet 4
ସେ ବେଦମୟ ବ୍ରହ୍ମାଆଗେବେଦ ପ୍ରବୃତ୍ତି ଇଚ୍ଛାଯୋଗେ
Couplet 5
ତପସ୍ୟା ବିଦ୍ୟା ଯୋଗଯୁକ୍ତଲମ୍ପଟ ଭାବ ବିରହିତ
Couplet 6
କରି ସୃଜିଲେ ଲୋକଗୁରୁତୁମ୍ଭମାନଙ୍କୁ ସ୍ୱମୁଖରୁ
Couplet 7
ଏଣୁ ପବିତ୍ର ତୁମ୍ଭ ଦେହୀସୁବିଦ୍ୟାତପ ଛନ୍ଦମୟୀ
Couplet 8
ଯୋଗ ସାଧନେ ଅଲମ୍ପଟତୁମ୍ଭ ସାଧନ ସ୍ୱର୍ଗ-ବାଟ
Couplet 9
ଏ ତୁମ୍ଭ ଧର୍ମରକ୍ଷା ଅର୍ଥେସେ ପିତାମହ ଏ ଜଗତେ
Couplet 10
ସହସ୍ରେ ଭୁଜ ତେଜ ଘେନିସୃଷ୍ଟି ପାଳନେ ପଦ୍ମଯୋନି
Couplet 11
କ୍ଷତ୍ରିୟ ଜାତି ଭିଆଇଲାସେ ତେଜ ସୃଷ୍ଟି ଆବୋରିଲା
Couplet 12
ଏ ବେନି ତେଜେ ବେନି ରହେଧର୍ମ ପାଳନେ ଦେହ ବହେ
Couplet 13
ଏଣୁ ତୁମ୍ଭର ଦରଶନେସଂଶୟ ନରହେ ମୋ ମନେ
Couplet 14
ଯେଣୁ ଅନେକ ଭାଗ୍ୟ ମୋରଦେଖିଲି ତୁମ୍ଭର ଶରୀର
Couplet 15
ତୁମ୍ଭ ଚରଣରଜ-ନୀରପବିତ୍ର କଲା ମୋ ଶରୀର
Couplet 16
ପ୍ରାକୃତଜନ ମାନଙ୍କରଯେ ରୂପ ଅଟେ ଅଗୋଚର
Couplet 17
ତୁମ୍ଭର ଅନୁଗ୍ରହ ପାଇପବିତ୍ର କଲି ନିଜ ଦେହୀ
Couplet 18
ତୁମ୍ଭର ବାକ୍ୟେ କର୍ଣ୍ଣପଥନିଶ୍ଚଳ ହୋଏ କୃତକୃତ୍ୟ
Couplet 19
ମୁଁ ଏ ଦୁହିତା ସ୍ନେହେ ଜଡିଏ ମାୟାମୋହ ବନ୍ଧେ ପଡି
Couplet 20
ଏଣୁ ମୋହର ଦୁଃଖ ମନେକହିବି ଶୁଣ ସାବଧାନେ
Couplet 21
ମୋହର ଜ୍ୟେଷ୍ଠ ବେନିସୁତଉତ୍ତାନପାଦ ପ୍ରିୟବ୍ରତ
Couplet 22
ତାଙ୍କ ଭଗିନୀ ଏ ସୁମୁଖୀଏ ଦେବହୂତି ଚନ୍ଦ୍ରମୁଖୀ
Couplet 23
ଏହାର ଗୁଣ ଶୀଳ ସମେପତି ଇଚ୍ଛଇ ନିଜ ଧର୍ମେ
Couplet 24
ତୁମ୍ଭର ରୂପ ଗୁଣ ଯେତେନାରଦ ଏହାର ଅଗ୍ରତେ
Couplet 25
କହିଲେ ମୋହର ସାକ୍ଷାତେତେଣୁ କଳ୍ପିଲା ଏହା ଚିତ୍ତେ
Couplet 26
ମୁଁ ଏବେ ଶ୍ରଦ୍ଧା ପ୍ରୀତି ଚିତ୍ତେଘେନି ମିଳିଲି ତୋ ଅଗ୍ରତେ
Couplet 27
କନ୍ୟା ଗ୍ରହଣ ତୁମ୍ଭେ କରଶ୍ରଦ୍ଧାରେ ଦେଲି ଉପହାର
Couplet 28
ତୁ ଧର୍ମଜ୍ଞାନୀଙ୍କର ବରଗୃହସ୍ଥଧର୍ମ ଏବେ କର
Couplet 29
ତୋ ଗୃହାଶ୍ରମ କର୍ମମାନସୁନ୍ଦର କରିବ ସାଧନ
Couplet 30
ଏଣେ ତୋ ପ୍ରତିବାଦ ନାହିଁପୁଷ୍କଳଧର୍ମେ ଏହା କହି
Couplet 31
ଉଦ୍ୟତଭୋଗ ଯେବେ ଛାଡିଯେ ଯାନ୍ତି ଭିକ୍ଷୁପଥ ମାଡି
Couplet 32
ଯେ ଯଶମାନ ତାର ଥାଇଅବଜ୍ଞା ବଶେ ନ ରହଇ
Couplet 33
ତୁମ୍ଭର ବ୍ରହ୍ମଚର୍ଯ୍ୟବ୍ରତଅବଧି ହେଲା ସମାପତ
Couplet 34
ବିବାହ କରିବାର ପାଇଁଶୁଣିଲୁ ଇଚ୍ଛା ବଳିଛଇଁ
Couplet 35
ଏବେ ତୁ ଗୃହମେଧି ଧର୍ମକର ସଫଳ ଏ ଉଦ୍ୟମ
Couplet 36
ଏ ଦେବହୂତି କନ୍ୟା ମୋରବେଦ ପ୍ରମାଣେ ବିଭାକର
Couplet 37
ଏମନ୍ତ ମନୁବାକ୍ୟ ଶୁଣିକର୍ଦ୍ଦମ ହୃଦେ ପରିମାଣି
Couplet 38
ବୋଲନ୍ତ ମନୁ ମୁଖ ଚାହିଁଆନନ୍ଦଚିତ୍ତେ ଦେହ ବହି
Couplet 39
ତୁମ୍ଭର ଆଜ୍ଞା ଶିରୋ ଧରିଏ ଦେବହୂତି ବିଭାକରି
Couplet 40
ରମିବି ସଂସାର ଧାରଣେଆତ୍ମାର ଉତ୍ପତ୍ତି କାରଣେ
Couplet 41
ଯେ ମନୁରାଜାର ଦୁହିତଉତ୍ତାନପାଦ ଯାର ଭ୍ରାତ
Couplet 42
ଏ ଗୁଣବତୀ କନ୍ୟାସାରକି ଅବା ଦେବା ପଟାନ୍ତର
Couplet 43
ମୋହର କର୍ମେ ଏ ବିଦିତସୁନ୍ଦର ଗୁଣ ବର୍ଣ୍ଣଯୁକ୍ତ
Couplet 44
ଏଣୁ ଏ ଲଳନା ଲଲାମଏହାର ଗୁଣ ଅନୁପମ
Couplet 45
କେ ତାହା ଛାଡି ଅବା ପାରେଶରୀର ବହି ଏ ସଂସାରେ
Couplet 46
କରିବି ଦାର ପରିଗ୍ରହତୁମ୍ଭେ ମୋହରେ ସ୍ନେହ ବହ
Couplet 47
କିନ୍ତୁ ଏ ନିୟମ ମୋହରଶୁଣ ହେ ଧର୍ମପାଳ ବର
Couplet 48
ଯାବତ ଏହା କୋଳେ ଜାତସୁନ୍ଦର ଗୁଣବନ୍ତ ପୁତ୍ର
Couplet 49
ତାବତ ଗୃହାଶ୍ରମ ରହିତହୁଁ ସନ୍ନ୍ୟାସ କରିବଇଁ
Couplet 50
ତୁମ୍ଭ ବଚନ ମାନ୍ୟ ମୋରଯେ ଭାବେ ଜନ ଉପକାର
Couplet 51
ପିତ୍ରାଦି ଋଣ ଶୋଧ କରିପରେ ସନ୍ନ୍ୟାସ ଅନୁସରି
Couplet 52
ଏମନ୍ତ ବିଷ୍ଣୁ ଅନୁମତିତୁମ୍ଭଙ୍କୁ କହିଲି ସମ୍ପ୍ରତି
Couplet 53
ଏମନ୍ତେ ବିପ୍ର ବାକ୍ୟ ଶୁଣିସନ୍ତୋଷ ଚିତ୍ତେ ରାଜା-ରାଣୀ
Couplet 54
ମୁନିଙ୍କି ବରବେଶ କରିବେଦ-ବିଧାନେ କନ୍ୟା ବରି
Couplet 55
ତାପସ ଶ୍ରେଷ୍ଠ ମୁନିବରେହରଷେ ପ୍ରଫୁଲ୍ଲ ଅନ୍ତରେ
Couplet 56
ବିବାହ ଦେଇ ସେ ଉତ୍ସୁକଅନେକ ଦେଲେ ଯଉତୁକ
Couplet 57
ଅମୂଲ୍ୟ ବସନ ଭୂଷଣଗୃହ ପୁଷ୍କଳ ମହୀ ଧନ
Couplet 58
ଝିଅ ଜୁଆଇଁ ପ୍ରୀତି ଅର୍ଥେସେ ରାଣୀ ଦେଲେ ବହୁମତେ
Couplet 59
ସକଳ ଦେଇ ମୁନିଜନେବୋଧିଲେ ଅମୃତ ବଚନେ
Couplet 60
ଆନନ୍ଦ ଚିତ୍ତେ ଦଣ୍ତଧାରୀମୁନିଙ୍କି ଆଲିଙ୍ଗନ କରି
Couplet 61
କଣ୍ଠ କୁଣ୍ଠିତ ଅଶ୍ରୁ ମୁଖେଦୁହିତା ସ୍ନେହଭଙ୍ଗ ଦୁଃଖେ
Couplet 62
ହେ ମାତ ବୋଲି ଅଶ୍ରୁ ମୁଖଦୁହିତା ଦୁଃଖେ ଅତି ଦଃଖ
Couplet 63
ଦୁହିତା କେଶ ନେତ୍ର ଜଳେଅତି କାତରେ ଆର୍ଦ୍ର କଲେ
Couplet 64
ମୁନିଙ୍କି କନ୍ୟାଦାନ ଦେଇଆନନ୍ଦେ କୃତକୃତ୍ୟ ହୋଇ
Couplet 65
ରଥ ଆରୋହୀ ବେନି ଜନେଗଲେ ସେ ଆପଣା ଭୁବନେ
Couplet 66
ସେ ପୁଣ୍ୟନଦୀ ସରସ୍ୱତୀଅତି ଶୋଭନ ତଟବତୀ
Couplet 67
ସେ ଋଷିକୂଲ୍ୟା ନଦୀ ତଟେଅନେକ ଋଷି ଯା ନିକଟେ
Couplet 68
ପର୍ଣ୍ଣ କୁଟୀର ସେ ଭିଆଇସୁଦୃଢେ କୁଶ କାଶ ଛାଇ
Couplet 69
ସେ ନଦୀତୀରେ ସୁଖେ ରହିବିଷ୍ଣୁ ଭଜନେ ଯଜ୍ଞ ଦାହି
Couplet 70
ତା ତଟେ ମୁନିଙ୍କ ଆଶ୍ରମଦେଖି ତା ଶୋଭା ଅନୁପମ
Couplet 71
ମନୁର ଚିତ୍ତ ତୃପ୍ତ ହେଲାସ୍ୱଗୃହ ମାର୍ଗେ ଚଳିଗଲା
Couplet 72
ସେ ବ୍ରହ୍ମାବର୍ତ୍ତ ପ୍ରଜାଜନେମନୁ ଆସନ୍ତେ ସ୍ୱଭୁବନେ
Couplet 73
ହରଷେ ରାଜାର ଅଗ୍ରତେମିଳିଲେ ବାଦ୍ୟ ସ୍ତୁତି ରୀତେ
Couplet 74
ଯା ନା ବର୍ହିଷୃତି ପୁରୀତହିଁ ବିଜୟେ ଦଣ୍ତଧାରୀ
Couplet 75
ବରାହ ଅଙ୍ଗର କମ୍ପନେରୋମ ପଡ଼ିଲା ଯେଉଁ ସ୍ଥାନେ
Couplet 76
ସେ କୁଶ କାଶ ହୋଇ ଯହିଁନିତ୍ୟେ ହରିର ତେଜ ବହି
Couplet 77
ପୂର୍ବେ ଋଷିଏ ଯେଣେ କରିଅସୁରଙ୍କର ଦର୍ପ ହରି
Couplet 78
ଯେ ଯଜ୍ଞ ବିଷ୍ଣୁ ପାଦତଳେଯଜ୍ଞେ ପୂଜିଲେ ଏକ ମେଳେ
Couplet 79
ସେ ମନୁ ସ୍ଥାନ ତହିଁ ପାଇଯଜ୍ଞପୁରୁଷ ଯଜ୍ଞେ ଦାହି
Couplet 80
ପୁର ନିର୍ମିତ କୁଶ କାଶେସେ ସ୍ଥାନେ ତାପତ୍ରୟ ନାଶେ
Couplet 81
ସେ ଗୃହେ ପତ୍ନୀ ତୁଲେ ରହିସନ୍ତତି ସହ ପ୍ରିୟ ବହି
Couplet 82
କଳ୍ପିତ ସୁଖ ବଇଭୋଗେସେ ପ୍ରଜାଅର୍ଥେ ରତି ରଙ୍ଗେ
Couplet 83
ସୁସ୍ୱର ଗୀତ ନାଦ ଧ୍ୱନିଗନ୍ଧିର୍ବେ ସ୍ତୀରୀବୃନ୍ଦ ଘେନି
Couplet 84
ସଙ୍ଗୀତ ରସ ବୀଣା ନାଦେଲଳିତ ଗୀତ ଅନୁବାଦେ
Couplet 85
ପ୍ରତି ଦିବସ ରାତ୍ରି ଅନ୍ତେକୃଷ୍ଣଚରିତ ହୃଦଗତେ
Couplet 86
କର୍ଣ୍ଣେ ଶୁଣନ୍ତି ଧ୍ୟାନ କରିଚିତ୍ତେ ଗୋବିନ୍ଦ ଭାବ ଭରି
Couplet 87
ନିରତେ କୃଷ୍ଣନାମ ଘୋଷେସେ ବେନିଜନେ ଗୃହବାସେ
Couplet 88
ବିଷ୍ଣୁ ଚରିତ ହୃଦେ ଭରିନାମ ଶ୍ରବଣେ ଆଶା କରି
Couplet 89
ସେ ମନୁ ଯୋଗମାୟା ଭୋଗେଥିଲେ ହେଁ ତାହାଙ୍କୁ ନ ଲାଗେ
Couplet 90
ଜାଗ୍ରତ ସ୍ୱପ୍ନ ଯେ ସୁଷୁପ୍ତିତାହାକୁ କେହି ନ ବାଧନ୍ତି
Couplet 91
ଯେଣୁ ସେ ହରି ପରାୟଣଅଟଇ ମନୁ ନୃପରାଣ
Couplet 92
କୃଷ୍ଣର କତା କର୍ଣ୍ଣେ ଶୁଣେତା ରୂପ ଧ୍ୟାନେ ପରିମାଣେ
Couplet 93
ମୁଖେ ରଟନ୍ତି ନାମ ତାରତା କଥା କହି ନିରନ୍ତର
Couplet 94
ଏମନ୍ତେ ନିଜ ମନ୍ୱନ୍ତରଯେ ଯୁଗଗଣନା ବେଭାର
Couplet 95
ଏକସପ୍ତତି ଚତୁର୍ଯୁଗେହୋଇଲା ମନ୍ୱନ୍ତର ଭୋଗେ
Couplet 96
ଏମନ୍ତେ ହରିଭାବ କରିତୃତୀୟ ତାପୁଁ ଯେ ନିସ୍ତରି
Couplet 97
ସେ ପୁଣି ମୁନିଙ୍କର ବୋଲେବିବିଧ ଜ୍ଞାନ ହିଁ କହିଲେ
Couplet 98
ତ୍ରିବିଧ ବାଧା ଲୋକେ ଅଛିଭକ୍ତଙ୍କୁ ନ ଲାଗଇ କିଛି
Couplet 99
ମନୁର ବାଧା ହିଁ ନ ଥିଲାଯେଣୁ ହରିଙ୍କି ଆଶ୍ରେ କଲା
Couplet 100
ଶୁଣ ବିଦୁର ପୁଣ୍ୟଦେହାକହିଲି ପଚାରିଲୁ ଯାହା
Couplet 101
ସେ ଆଦିରାଜ ମନୁ କଥାଶୁଣନ୍ତେ ତୁଟେ ଭବ ବ୍ୟାଥା
Couplet 102
ଏ ସୃଷ୍ଟି ଆଦିର କାରଣଏବେ ହୋଇ ମନୁବଂଶ ଶୁଣ
Couplet 103
ତୃତୀୟ ସ୍କନ୍ଧେ ଭାବବତକହିଲା ଦାସ ଜଗନ୍ନାଥ