Skandha 3
Adhyaya 16
Couplet 1
ଏମନ୍ତେ ମୁନିଙ୍କ ବଚନଶୁଣି ସନ୍ତୋଷ ଭଗବାନ
Couplet 2
ମୁନିଙ୍କ ମୁଖ ଚାହିଁ ଭଣିମଞ୍ଜୁ କୋମଳ ଶୁଭବାଣୀ
Couplet 3
ଜୟ ବିଜୟ ବେନିଭ୍ରାତେମୋ ଦ୍ୱାରେ ଥାନ୍ତି ଅବିରତେ
Couplet 4
ମୋ ପାରିଷଦ ବେନିଜନେଦ୍ୱାରେ ଖଟନ୍ତି ମୋ ଭୁବନେ
Couplet 5
କଦର୍ଥ କରି ଯେବେ ମୋତେକୋପ ବସାଇ ତୁମ୍ଭ ଚିତ୍ତେ
Couplet 6
ଯେ ବ୍ରହ୍ମଦଣ୍ତ ଏ ପାଇଲେଅନ୍ୟଥା ନୋହେ କାହା ବୋଲେ
Couplet 7
ଅସାଧୁ କାର୍ଯ୍ୟ ଯେ କରନ୍ତିସେ ଅପରାଧେ ଦଣ୍ତ ପାନ୍ତି
Couplet 8
ମୁହିଁ ସମ୍ମତ କଲି ଚିତ୍ତେଦେବହେଳନ ଅନୁମତେ
Couplet 9
ଯେଣୁ ବ୍ରାହ୍ମଣ ଈଷ୍ଟ ମୋରତେଣୁ ସୁଦୟା ତୁମ୍ଭେ କର
Couplet 10
ତୁମ୍ଭେ ପ୍ରସନ୍ନ ହୁଅ ଚିତ୍ତେଏହାଙ୍କ ଦୋଷ କ୍ଷମ ମୋତେ
Couplet 11
ଅଯଶ ସଂସାରେ ପ୍ରକାଶେବ୍ୟାଧି ଯେସନେ ରୂପନାଶେ
Couplet 12
ଯାହାର ଗୁଣ ଯଶ ସାରଯେହ୍ନେ ନିର୍ମଳ ସୁଧାଧାର
Couplet 13
ଶ୍ରବଣପୁଟେ କରି ପାନସଂସାରୁ ତରେ ସର୍ବଜନ
Couplet 14
ସେ ବଇକୁଣ୍ଠନାଥ ମୁହିଁତୁମ୍ଭର ଭାବ ହୃଦେ ବହି
Couplet 15
ତୁମ୍ଭର କୋପ ଅତିରେକେମିଳିଲି ତୁମ୍ଭର ସମୀପେ
Couplet 16
ତୁମ୍ଭେ ମୋ ଭାବ ଦୂରକରିଅତ୍ୟନ୍ତ କୋପ ହୃଦେଧରି
Couplet 17
ବହିଲ ଦ୍ୱାରପାଳେ ଦଣ୍ତବ୍ରାହ୍ମଣ ତେଜ ପରଚଣ୍ତ
Couplet 18
ଯେଉଁ ବ୍ରାହ୍ମଣ ସେବାକାଳେପବିତ୍ର ରେଣୁ ମୋ ପୟରେ
Couplet 19
ସଦ୍ୟ ପ୍ରସଙ୍ଗେ ମଳହରେସକଳ ପ୍ରାଣୀଙ୍କି ନିସ୍ତାରେ
Couplet 20
ସେ ପାଦ କମଳା ନିରତେପ୍ରେମେ ନ ଛାଡ଼େ କଦାଚିତେ
Couplet 21
ଯାର କଟାକ୍ଷ ଲେଶ ପାଇଁବ୍ରହ୍ମାଦି ଦେବ ତପଧ୍ୟାୟି
Couplet 22
ମୋତେ ବ୍ରାହ୍ମଣେ ବେଦମାର୍ଗେଯଜ୍ଞେ ପୂଜନ୍ତି ହବିର୍ଭାଗେ
Couplet 23
ଦଧି ଓଦନ ଘୃତପ୍ଳୁତେମଧୁ ସଂଯୁକ୍ତ ବେଦମତେ
Couplet 24
ଏଣେ ସନ୍ତୋଷ ମୋର ନାହିଁବ୍ରାହ୍ମଣ ଦେହେ ମୁଁ ବସଇ
Couplet 25
ବ୍ରାହ୍ମଣ ମୁଖେ ଯେବେ ଭକ୍ଷେମୁହିଁ ଭୁଞ୍ଜଇ ତା ପ୍ରତ୍ୟକ୍ଷେ
Couplet 26
ବ୍ରାହ୍ମଣ ପାଦରଜ ବଳେମୁଁ ଏ ସଂସାର ଜନ ମେଳେ
Couplet 27
ମାୟା ବିଭୂତି ଅଇଶ୍ୱର୍ଯ୍ୟେଭୁଞ୍ଜଇ ସର୍ବଦେହ ମାଝେ
Couplet 28
ମୋ ପାଦଜଳ ଅଘ ଦହେଚନ୍ଦ୍ରଶେଖର ଶିରେ ବହେ
Couplet 29
ପବିତ୍ର ହୋନ୍ତି ତିନିଲୋକେଏମନ୍ତ ହେଲେହେଁ ମସ୍ତକେ
Couplet 30
କିରୀଟେ ଯାର ରେଣୁ ବହେବ୍ରାହ୍ମଣ ଦୋଷ କେ ନ ସହେ
Couplet 31
ବିପ୍ର-ଶରୀର ମୋର ତନୁଏଣୁ ଦୁଃସହ ବିପ୍ର-ମନ୍ୟୁ
Couplet 32
ଯେ ଭେଦବୁଦ୍ଧିଟି ବିଚାରିମୋତେ ଚିନ୍ତନ୍ତି ଭିନ୍ନକରି
Couplet 33
ସେ ମୋରେ ଅପରାଧ କରେକେବେହେଁ ସଂସାରୁ ନ ତରେ
Couplet 34
ଯମର ଗୃଧ୍ରରୂପୀ ଦୂତଚଞ୍ଚୁରେ ନାଶେ ଦୃଷ୍ଟିପଥ
Couplet 35
ବ୍ରାହ୍ମଣ ଦେହେ ଦ୍ରୋହ ଚିନ୍ତିଏ ଭବସିଦ୍ଧୁ ନ ତରନ୍ତି
Couplet 36
ବିପ୍ର ଭକତି ତେଜି ନିତ୍ୟେଭ୍ରମନ୍ତି ଘୋର ମାୟା ପଥେ
Couplet 37
ସ୍ୱଭାବ କର୍ମ ଦୂର କରିବିକର୍ମ ମତ ଅନୁସରି
Couplet 38
ପାଷଣ୍ତବାଦ ଅନୁକ୍ଷଣେକରନ୍ତି ବିଦ୍ୟାଗର୍ବ ପଣେ
Couplet 39
ନୁହଁନ୍ତି ମୋହରେ ବିଶ୍ୱାସଏଣୁ ସଂସାରେ ହୋନ୍ତି ନାଶ
Couplet 40
ବ୍ରାହ୍ମଣ କ୍ରୋଧ କଲେ ଚିତ୍ତେଯେ ଶାନ୍ତ କରେ ଯଥୋଚିତେ
Couplet 41
କଟୁ ଭାଷଣ ବ୍ରାହ୍ମଣରଶୁଣି ସନ୍ତୋଷ ଯେଉଁ ନର
Couplet 42
ପୁତ୍ରର ପ୍ରାୟେ କରେ ସ୍ନେହତା ବଶୀଭୂତ ମୋର ଦେହ
Couplet 43
ବିପ୍ର ଭକ୍ତିରେ ମୋ ସନ୍ତୋଷମୁହିଁ ନିଶ୍ଚୟ ତାର ବଶ
Couplet 44
ସେ ବେଗେ ଭବନଦୀ ତରେଏ ଭାବେ ମୋତେ ବଶ କରେ
Couplet 45
ତୁମ୍ଭର ଭାବେ ଯେହୁ ଭାବିଶେଷେ ତରନ୍ତି ଭବନଦୀ
Couplet 46
ତୁମ୍ଭର ମତ ଯେ ଆଚରିମାୟାସମୂହ ପରିହରି
Couplet 47
ବ୍ରହ୍ମନିର୍ବାଣେ ପଶେ ଯାଇଉଦୟ ଅସ୍ତ ତାର ନାହିଁ
Couplet 48
ଏମନ୍ତ କହି ଭଗବାନମୋହିଲେ ସନକାଦି ମନ
Couplet 49
ତୁମ୍ଭର ବ୍ରହ୍ମଶାପ ଫଳେତୃତୀୟ ଜନ୍ମ ରବିତଳେ
Couplet 50
ଦୁଷ୍ଟଆଚାର କର୍ମ କରିଧର୍ମ ଅଧର୍ମ ନ ବିଚାରି
Couplet 51
ଏବେ ଏ ତୁମ୍ଭର ସନ୍ତୋଷେପୁଣି ମିଳିବେ ମୋର ପାଶେ
Couplet 52
ମୁଁ ପୁଣି ତାଙ୍କ ଉପକାରେଶରୀର ବହିବି ସଂସାରେ
Couplet 53
କରିବି ତାହାଙ୍କୁ ନିସ୍ତାରକହିଲେ ପ୍ରଭୁ ଚକ୍ରଧର
Couplet 54
ଏମନ୍ତ କୃଷ୍ଣ ମଞ୍ଜୁବାଣୀସନ୍ତୋଷ ବିପ୍ରବରେ ଶୁଣି
Couplet 55
ବିଷ୍ଣୁର ଭକ୍ତି ହୃଦେ ବହିବୋଲନ୍ତି ଶିରେ କର ଦେଇ
Couplet 56
ଭୋ ଦେବଦେବ ଲକ୍ଷ୍ମୀପତିଆମ୍ଭେ ନ ଜାଣୁ ତୋର ଗତି
Couplet 57
ଆମ୍ଭଙ୍କୁ ଅନୁଗ୍ରହ କରିଯାହା ବୋଇଲୁ ନରହରି
Couplet 58
ବ୍ରହ୍ମଣ୍ୟଦେବ ତୋ ମହିମାତୋ ଗତି ନ ଜାଣନ୍ତି ବ୍ରହ୍ମା
Couplet 59
ତୁ ପୁଣି ଦେବ ବିପ୍ରଙ୍କରଆତ୍ମା ସୁହୃଦ ଶକ୍ତିଧର
Couplet 60
ଧର୍ମ ତୋ ଶରୀରୁ ପ୍ରକାଶେଯେ ଧର୍ମ ସୃଷ୍ଟି ପାପ ନାଶେ
Couplet 61
ତୁ ନାଥ ନିର୍ବିକାର ଧର୍ମତାର ରକ୍ଷଣ ତୋର କର୍ମ
Couplet 62
ଯାହାର ଅନୁଗ୍ରହେ ଜନଧର୍ମ ସଞ୍ଚୟେ ଦ୍ୟନ୍ତି ମନ
Couplet 63
ତୋ ପାଦପଦ୍ମ ସେବାଫଳେମୃତ୍ୟୁ ଜିଣନ୍ତି ଅବହେଳେ
Couplet 64
ତୁ ଅଟୁ ଏମନ୍ତ ପୁରୁଷଆମ୍ଭର ଅନୁଗ୍ରହେ ଆଶ
Couplet 65
ଏ ତୋର ଗତି ବିପରୀତକେ ଅବା ଜାଣିବ କିଞ୍ଚିତ
Couplet 66
ଏମନ୍ତ ମୁନିଙ୍କ ବଚନଶୁଣି ସନ୍ତୋଷ ଭଗବାନ
Couplet 67
ବ୍ରାହ୍ମଣ ଭାବ ଚିତ୍ତେ ବହିକହନ୍ତି ବିପ୍ରଙ୍କୁ ଅନାଇ
Couplet 68
ଜୟ ବିଜୟ ବେନିଭାଇତୁମ୍ଭର ଚିତ୍ତେ କ୍ରୋଧ ଦେଇ
Couplet 69
ଅସୁରଯୋନି ଏ ପାଇବେଦୁଷ୍କୃତ କର୍ମ ଆଚରିବେ
Couplet 70
ପୁଣି ଆସିବେ ମୋର ପୁରେସୁବର୍ଣ୍ଣ ବେତ୍ର ଧରି କରେ
Couplet 71
ଏ ବଇକୁଣ୍ଠ ପୁରେ ବାସଯେବେ ତୁମ୍ଭର ମନ ତୋଷ
Couplet 72
ଏ ଚାରି ମୋହର ନନ୍ଦନେତକ୍ଷଣେ ଆନନ୍ଦ ଲୋଚନେ
Couplet 73
ବିଷ୍ଣୁର ମୁଖ ଦେଖି ତୋଷେବେଗେ ମିଳିଲେ କୃଷ୍ଣପାଶେ
Couplet 74
ସ୍ୱଭାବେ ବିଷ୍ଣୁର ଭୁବନଯହିଁ ନ ଥାନ୍ତି ଦୁଷ୍ଟଜନ
Couplet 75
ବିଷ୍ଣୁଙ୍କୁ କରି ପ୍ରଦକ୍ଷିଣଆଜ୍ଞା ମାଗିଣ ମୁନିଗଣ
Couplet 76
ବିଷ୍ଣୁର ପାଦେ ସେ ନମିଲେଆନନ୍ଦେ ନିଜସ୍ଥାନେ ଗଲେ
Couplet 77
ଦ୍ୱାରପାଳଙ୍କ ମୁଖ ଚାହିଁକହନ୍ତି ପ୍ରଭୁ ଭାବଗ୍ରାହୀ
Couplet 78
ତୁମ୍ଭେ ଯେ ଧରଣୀମଣ୍ତଳେଜନ୍ମିବ ଅସୁରଙ୍କ କୁଳେ
Couplet 79
ତୁମ୍ଭ କୁଶଳ ମୁଁ କରିବିତୃତୀୟ ଜନ୍ମ ଉଦ୍ଧରିବି
Couplet 80
ବ୍ରାହ୍ମଣ ଶାପ ନାଶ ପାଇଁମୁଁ ଅବା ସମର୍ଥ ଅଟଇ
Couplet 81
ହେଲେହେଁ ସମ୍ମତ ମୋହରଭୟ ନ କର ବେନିବୀର
Couplet 82
ଏ କଥା କମଳା ସମୀପେକହିଁ ମୁଁ ଅଛି ପୂର୍ବକଳ୍ପେ
Couplet 83
ମୋର ଏକାନ୍ତେ ଲକ୍ଷ୍ମୀ ଯାନ୍ତେଯେବେ ନିରୋଧ କଲ ପଥେ
Couplet 84
ବ୍ରହ୍ମହେଳନ ଯେ କରନ୍ତିମୋ ହୃଦେ ଶଲ୍ୟ ସମର୍ପନ୍ତି
Couplet 85
ତୁମ୍ଭର ତାରଣ ନିମନ୍ତେମୁଁ ଦେହ ବହିବି ଜଗତେ
Couplet 86
ଭୁବନେ ରହିବ ମୋ ଯଶଶୁଣନ୍ତେ ପାପ ଯିବ ନାଶ
Couplet 87
ମୋ କଥା ଭୁବନ-ପାବନୀଏ ଭୂମିମଧ୍ୟେ ଦେହ ଘେନି
Couplet 88
କରିବେ ଶ୍ରବଣ କୀର୍ତ୍ତନଶୁଣି ତରିବେ ସର୍ବଜନ
Couplet 89
ଏମନ୍ତେ ଦ୍ୱାରପାଳେ କହିନିଜ ଭୁବନେ ଭାବଗ୍ରାହୀ
Couplet 90
ବସିଲେ କମଳାର ମେଳେଆବୃତ ବିମାନ ସଙ୍କୁଳେ
Couplet 91
ସେ ଦ୍ୱାରପାଳ ବେନିଭାଇଭାଳନ୍ତି ଦଶଦିଗ ଚାହିଁ
Couplet 92
ତକ୍ଷଣେ ଅଧର ଶୁଖିଲାଆତ୍ମାରୁ ବିଷ୍ଣୁତେଜ ଗଲା
Couplet 93
ଦୁସ୍ତର ବ୍ରହ୍ମଶାପୁ କରିବେଗେ ହୋଇଲେ ହତଶିରୀ
Couplet 94
ତକ୍ଷଣେ ହତଗର୍ବ ହୋଇଅଧୋବଦନେ ବେନିଭାଇ
Couplet 95
ବିଷ୍ଣୁର ଭୁବନୁ ପଡ଼ନ୍ତେହାହା ଶବଦ ଶୂନ୍ୟ ପଥେ
Couplet 96
ସେ ବେନିବୀର ଏକଭାବେତକ୍ଷଣେ ପଶି ଦିତିଗର୍ଭେ
Couplet 97
କଶ୍ୟପବୀର୍ଯ୍ୟ ଆଶ୍ରେ କରିଏଣୁ ଭୁବନଲୋକେ ଡରି
Couplet 98
ସେ ବେନି ଅସୁରଙ୍କ ତେଜତୁମ୍ଭଙ୍କୁ କରିଛି ନିସ୍ତେଜ
Couplet 99
ସେ ବେନିଭାଇଙ୍କର ଦର୍ପେତିନିଭୁବନ ଦିଶ କମ୍ପେ
Couplet 100
ଏଥକୁ ନାହିଁ ପ୍ରତିକାରତ୍ରାହି କରିବେ ଚକ୍ରଧର
Couplet 101
ଯେ ବିଶ୍ୱସୃଷ୍ଟିର କାରଣଅନାଦି ପ୍ରଭୁ ନାରାୟଣ
Couplet 102
ତା ମାୟା ନ ଜାଣନ୍ତି କେହିସଂସାରମଧ୍ୟେ ଦେହ ବହି
Couplet 103
ଆମ୍ଭେ ସକଳେ ତା ଚରଣେଆଶ୍ରୟ କରୁଁ ଭୃତ୍ୟପଣେ
Couplet 104
ଏ ଘୋରଭୟ ହିଁ ଆମ୍ଭରଖଣ୍ତିବେ ପ୍ରଭୁ ଚକ୍ରଧର
Couplet 105
ଏମନ୍ତେ ଦେବଗଣ ମଧ୍ୟେବିଧାତା କହିଲେ ଆନନ୍ଦେ
Couplet 106
ସେ ହରି ଚରଣ କମଳେସୁଜନେ ଚିନ୍ତ ହେ ନିଶ୍ଚଳେ
Couplet 107
ସେ ହରି ବ୍ରାହ୍ମଣ-ବତ୍ସଳକରୁଣାସିନ୍ଧୁ ଆଦିମୂଳ
Couplet 108
ତାହାଙ୍କ ଚରଣ-ପଙ୍କଜେବ୍ରାହ୍ମଣ ଜଗନ୍ନାଥ ଭଜେ