Skandha 3
Adhyaya 15
Couplet 1
ସେ ପ୍ରଜାପତି ତେଜବୀର୍ଯ୍ୟଦିତି ଉଦରେ ସେ ଆତ୍ମଜ
Couplet 2
ଶତେବରଷ ବେଦମତେଗର୍ଭେ ଧଇଲା ଭୟଚିତ୍ତେ
Couplet 3
ଦେବଦଳନ ତେଜ ଶୁଣିଅନ୍ତରେ ଭାଳଇ ତରୁଣୀ
Couplet 4
ନ ଜାଣି କଲି ଏଡ଼େ କର୍ମକାମେ ହୋଇଲି ମତିଭ୍ରମ
Couplet 5
ଦଇବବଳ ବଳୀୟାରକି କରିପାରେ ସୁରନର
Couplet 6
ଗଭୀର ତେଜ ବଳେ କରିଲୋକେ ଦିଶିଲେ ହତଶିରୀ
Couplet 7
ଏବେ ହୋ ଶୁଣ କୁରୁବୀରସଂସାର ଦିଶେ ଅନ୍ଧକାର
Couplet 8
ଇନ୍ଦ୍ରାଦି ଦିଗପାଳେ ମିଳିସକଳେ ଏକମନେ ଭାଳି
Couplet 9
ବ୍ରହ୍ମାର ନିକଟେ ମିଳିଲେଭୟେ ଅନେକ ସ୍ତୁତି କଲେ
Couplet 10
ଭୋ ଦେବଦେବ ପ୍ରଜାପତିଦିଗେ ଦିଶନ୍ତି ଭୟାକୃତି
Couplet 11
ଏ ଘୋର ଅନ୍ଧକାର ଯେଣୁଆମ୍ଭେ ତ ଭଲେ ନ ପ୍ରମାଣୁ
Couplet 12
କୁଶଳ ନୋହେ ଏ ସଂସାରଅଦ୍ଭୁତ ଘୋର ଅନ୍ଧକାର
Couplet 13
ଏ କଥା ତୁମ୍ଭଙ୍କୁ ଗୋଚରକି ଅଗୋଚର ବା ତୁମ୍ଭର
Couplet 14
ଏ କାଳ ମହିମା କେ ଜାଣେଆଗମ ନିଗମ ପ୍ରମାଣେ
Couplet 15
ହେ ଦେବଦେବ ଜଗନ୍ନାଥଆମ୍ଭେ ସକଳେ ତୋର ଭୃତ୍ୟ
Couplet 16
ତୁ ପରାତ୍ପର ଭାବଗ୍ରାହୀଜଗତ ମାୟାବଳେ ମୋହି
Couplet 17
ଗୃହୀତ ରଜୋଗୁଣେ ଦେହୀତୋ ରୂପ ନ ଜାଣନ୍ତି କେହି
Couplet 18
ଅନନ୍ୟଭାବେ ଆତ୍ମାଲାଭେଯେ ପ୍ରାଣୀ ତୋ ଚରଣ ସେବେ
Couplet 19
ତା'ର ଅଶୁଭ ଲେଶ ନାହିଁସତ ଅସତ ପର ତୁହି
Couplet 20
ନିର୍ଜନେ ବସି ଯୋଗୀଜନେନିଶ୍ଚଳ ଚିତ୍ତେ ଯୋଗଧ୍ୟାନେ
Couplet 21
ମନ ପବନ ହୃଦେ ରୁନ୍ଧିଇନ୍ଦ୍ରିୟ ସମୂହ ନିରୋଧି
Couplet 22
ତୋ'ର ପ୍ରସାଦ ଯେ ଲଭନ୍ତିତାହାଙ୍କ ନାହିଁ ଭୟଭ୍ରାନ୍ତି
Couplet 23
ଯା'ର ବଚନେ ପ୍ରଜାଗଣେଭାବେ ସେବନ୍ତି ଅନୁକ୍ଷଣେ
Couplet 24
ତରନ୍ତି ଭବଭୟ ତ୍ରାସତୁ ନାଥ ଅନାଦି-ପୁରୁଷ
Couplet 25
ଆମ୍ଭର ସୁଖ ଗଲା କ୍ଷୟଭୋ ନାଥ କର ତୁ ଉପାୟ
Couplet 26
ଦେଖ କଶ୍ୟପ ପ୍ରଜାପତିଦିତି ସଂଯୋଗେ କଲା ମତି
Couplet 27
ଦିତିର ଗର୍ଭେ ବୀର୍ଯ୍ୟ ଦେଲାତମେ ଭୁବନ ଆଚ୍ଛାଦିଲା
Couplet 28
ବେଳକୁ ବେଳ ବଢ଼େ ତେଜସମିଧେ ଯେହ୍ନେ ଅଗ୍ନିତେଜ
Couplet 29
ଏମନ୍ତେ ଦେବସ୍ତୁତି ଶୁଣିସଂଭ୍ରମ ଚିତ୍ତେ କୁଶପାଣି
Couplet 30
ଶବଦବ୍ରହ୍ମେ ବେଦବରଦେବଙ୍କୁ କହନ୍ତି ମଧୁର
Couplet 31
ଶୁଣ ସକଳ ଦେବଗଣକହିବା ଏଥିର କାରଣ
Couplet 32
ତୁମ୍ଭର ପୂର୍ବସୃଷ୍ଟି ଲାଭେମୁଁ ଯେ ବସିଲି ଧ୍ୟାନଭାବେ
Couplet 33
ସନକ ଆଦି ଚାରିଭ୍ରାତେଜନ୍ମିଲେ ମୋର ଶୁଦ୍ଧଚିତ୍ତେ
Couplet 34
ଉର୍ଦ୍ଧ୍ୱେ ଜନ୍ମିଲେ ଶୁଦ୍ଧଚେତାତେଣୁ ହୋଇଲେ ଊର୍ଦ୍ଧ୍ୱରେତା
Couplet 35
ଗଗନମାର୍ଗେ ତାଙ୍କ ଗତିସକଳ ଭୁବନେ ଭ୍ରମନ୍ତି
Couplet 36
ବିଗତସ୍ପୃହା ତାଙ୍କ ଶିକ୍ଷାନିତ୍ୟେ ପରମହଂସ ଦୀକ୍ଷା
Couplet 37
ଧୂଳି ଧୂସର ଦିଗମ୍ବରନିତ୍ୟ ନିର୍ବିଷୟ ଗୋଚର
Couplet 38
ସେ ମୁନିଗଣେ ଏକଦିନେମିଳିଲେ ବିଷ୍ଣୁର ଭୁବନେ
Couplet 39
ଯେ ନାମ ବୈକୁଣ୍ଠ ବିଦିତସର୍ବ ଦେବତା ନମସ୍କୃତ
Couplet 40
ଯହିଁ ପୁରୁଷେ ମହାସୁଖେବସନ୍ତି ବିଷ୍ଣୁର ସମ୍ମୁଖେ
Couplet 41
ସର୍ବେ ଦିଶନ୍ତି ବିଷ୍ଣୁରୂପେବିନାଶ ନାହିଁ କାଳକଳ୍ପେ
Couplet 42
ନିମିତ୍ତାନିମିତ୍ତ ଆଚାରେହରିଙ୍କି ଭଜନ୍ତି ବେଭାରେ
Couplet 43
ଆଦି ପୁରୁଷ ଯହିଁ ହରିବସନ୍ତି ଧର୍ମରୂପ ଧରି
Couplet 44
ସର୍ବ ଗୋଚର ଦୃଷ୍ଟିମାତ୍ରେବିଶ୍ୱ ସଂସାରେ ଅବିରତେ
Couplet 45
ନିର୍ମଳ ସତ୍ତ୍ବମୂର୍ତ୍ତି ବହିସୁଖେ ଅଛନ୍ତି ଯହିଁ ରହି
Couplet 46
ଯହିଁ କୈବଲ୍ୟ ନାମେ ବନବିରାଜେ କଳ୍ପଦ୍ରୁମମାନ
Couplet 47
ବାଞ୍ଚିତ ଲତା ବୃକ୍ଷବନଯହିଁ ଅଛନ୍ତି ବିଦ୍ୟମାନ
Couplet 48
ସକଳ ଋତୁ ଯହିଁ ବସେକୈବଲ୍ୟ ମୂର୍ତ୍ତିମନ୍ତ କି ସେ
Couplet 49
ଯହିଁ ବିମାନ ଶତ ଶତେଦିବ୍ୟକାମିନୀ ଯୂଥ ଯୂଥେ
Couplet 50
ବିଷ୍ଣୁ ମହିମା ଗୁଣ ଗାନ୍ତିକୋଟି-ଶଶାଙ୍କ ରୂପକାନ୍ତି
Couplet 51
ବିକାଶ ପୁଷ୍ପ ଜଳାଶୟେମଧୁ ମାଧବୀ ଗନ୍ଧବହେ
Couplet 52
ସେ ଗନ୍ଧ ସର୍ବମନୋହରତାହାକୁ କରି ଅନାଦର
Couplet 53
ବିଷ୍ଣୁର ପାଦେ ମନ ଦେଇଆନନ୍ଦେ ତୁଣ୍ତେ ନାମ ଗାଇ
Couplet 54
କୋକିଳ ପାରାବତ ହଂସଡାହୁକ ତିତ୍ତିର ସାରସ
Couplet 55
ଚକ୍ରବାକ ଯେ ବରହିଣସୁସ୍ୱରନାଦେ ଅନୁକ୍ଷଣ
Couplet 56
ସର୍ବେ ଗାୟନ୍ତି ହରିକଥାଯେ ଭାବେ ଖଣ୍ତେ ଭବବ୍ୟଥା
Couplet 57
ମନ୍ଦାର କୁରୁବକ କୁନ୍ଦଉତ୍ପଳ ଚମ୍ପକ କୁମୁଦ
Couplet 58
ପୁନ୍ନାଗ ନାଗ ପାରିଜାତତୁଳସୀଦଳ ସୁଲଳିତ
Couplet 59
ନାନା କୁସୁମ ପରିମଳସୁଗନ୍ଧ ସମୀର ଶୀତଳ
Couplet 60
ମର୍କତ ବଇଡୁର୍ଯ୍ୟ ହେମସହସ୍ର ସହସ୍ର ବିମାନ
Couplet 61
ପ୍ରଣାମ କରି ହରିପାଦେଭକତେ ବସନ୍ତି ଆନନ୍ଦେ
Couplet 62
ସୁନ୍ଦରୀ ଶତଶତ ଯହିଁବସନ୍ତି ହରିକଥା ଗାଇ
Couplet 63
ପରମଲକ୍ଷ୍ମୀ ଯହିଁ ନିତ୍ୟେନୀଳ ଲୋହିତ ପଦ୍ମ ହସ୍ତେ
Couplet 64
ସ୍ଫଟିକ ପୁରମଧ୍ୟେ ବସେପଦେ ନୂପୁର ଧ୍ୱନି ଘୋଷେ
Couplet 65
ସୁବର୍ଣ୍ଣସ୍ତମ୍ଭ ଗୃହମଧ୍ୟେବିରାଜେ ଭୁବନ ଆନନ୍ଦେ
Couplet 66
ପଦ୍ମ କଳ୍ପିତ ସମ୍ମାର୍ଜନୀମାର୍ଜନା କଲା ପ୍ରାୟେ ମାନି
Couplet 67
ଯହିଁରେ ଲକ୍ଷ୍ମୀ କୁତୂହଳେସକଳ ପରିଚାରୀ ମେଳେ
Couplet 68
ଯଦ୍ୟପି ଧୂଳି ତହିଁ ନାହିଁବିନୟ ଭକ୍ତି ପ୍ରକାଶଇ
Couplet 69
ଗୋବିନ୍ଦ ଅନୁଗ୍ରହ ଆଶେସ୍ୱବନେ ତୁଳସୀର ବାସେ
Couplet 70
ପୂଜନ୍ତି କୃଷ୍ଣର ଚରଣତେଣେ ସନ୍ତୋଷ ଭଗବାନ
Couplet 71
ସେ ବନେ ବାପୀ ପୁଷ୍କରିଣୀତୀରେ ବିଦ୍ରୁମଘାଟ ଶ୍ରେଣୀ
Couplet 72
ସେ ଶୁଦ୍ଧଜଳେ ମୁଖ ଚାହିଁବିଷ୍ଣୁ ଚୁମ୍ବନ ମନେ ବହି
Couplet 73
ସେ ବିଷ୍ଣୁପୁରେ ପାପୀଜନପ୍ରବେଶେ ନୁହନ୍ତି ଭାଜନ
Couplet 74
ଯେ ଅର୍ଥେ କାମେ ରତି କରେଗୋବିନ୍ଦ ଗୁଣ ନ ସୁମରେ
Couplet 75
ଦୁଷ୍କୃତ ମାର୍ଗେ ଯେ ରମନ୍ତିନରକମାର୍ଗେ ଯାର ଗତି
Couplet 76
ସେ କାହିଁ ପଶିବେ ସେ ପୁରେନରକେ ପଡ଼ନ୍ତି ନିର୍ଭରେ
Couplet 77
ସେ ଦେହ ପାଇ ଯେଉଁ ଜନନ କରେ ହରିର ସେବନ
Couplet 78
ଏ ଅତି ଦୁଃଖ ହିଁ ବିଦିତସେ ବିଷ୍ଣୁମାୟା ବିମୋହିତ
Couplet 79
ଯେ ଯୋଗମାର୍ଗେ ଅନୁବାଦେକଠୋର ତପକର୍ମ ସାଧେ
Couplet 80
ମନ-ପବନ ହୃଦେ ଛନ୍ଦିଚଞ୍ଚଳ ଇନ୍ଦ୍ରିୟ ନିରୋଧି
Couplet 81
ଯେବେ ଗୋବିନ୍ଦଭାବ ନାହିଁସେ ପୁରେ ପଶିବେ ସେ କାହିଁ
Couplet 82
ବିଷ୍ଣୁର ମାୟାବଳେ ଜଡ଼ିଜନ୍ମ-ମରଣେ ଥାନ୍ତି ପଡ଼ି
Couplet 83
ମୋ ଆଦି ଦେବେ ଯା ଚରଣେଭଲେ ଖଟନ୍ତି ଅନୁକ୍ଷଣେ
Couplet 84
ନମନ୍ତି ଭୃତ୍ୟପ୍ରାୟ ହୋଇପାଦେ ଖଟନ୍ତି ବଳି ଦେଇ
Couplet 85
ବିଷ୍ଣୁର ଯଶ ଗୁଣଗାଥାନିତ୍ୟେ କରନ୍ତି ମନେ ଚିନ୍ତା
Couplet 86
ଆନନ୍ଦେ ଅଶ୍ରୁବହେ ନେତ୍ରେରୋମହରଷ ସର୍ବଗାତ୍ରେ
Couplet 87
ହରିଭକତି ଭାବେ କରିକାରୁଣ୍ୟ ହିଂସା ପରିହରି
Couplet 88
ସେମାନେ ଯାନ୍ତି ଆମ୍ଭ ଊର୍ଦ୍ଧ୍ୱେସୁଖେ ବସନ୍ତି ବିଷ୍ଣୁପଦେ
Couplet 89
ଏମନ୍ତ ବିଷ୍ଣୁର ଭୁବନେପଶିଲେ ମୋହର ନନ୍ଦନେ
Couplet 90
ଦେଖିଲେ ଅପୂର୍ବ-ଭୁବନଜଗତଗୁରୁର ଯେ ସ୍ଥାନ
Couplet 91
ବିବିଧ ଶ୍ରେଷ୍ଠ ଦେବମାନେବିମାନେ ଦୀପ୍ତ ଏ ଭୁବନେ
Couplet 92
ଯହିଁ ପୁରାଣ ଇତିହାସଆଗମ ନିଗମ ପ୍ରକାଶ
Couplet 93
ତର୍କ ବେଦାନ୍ତ ଯୋଗଶାସ୍ତ୍ରେନ୍ୟାୟ ମୀମାଂସା ଆଦି ଯେତେ
Couplet 94
ସ୍ତୁତି କରନ୍ତି ଅବଧାନେକୃଷ୍ଣଚରିତ ଗୁଣଗାନେ
Couplet 95
ଏମନ୍ତେ ଶାସ୍ତ୍ରେ ମୂର୍ତ୍ତିମନ୍ତେଯହିଁ ସେବନ୍ତି ଅବିରତେ
Couplet 96
ସେ ପୁରେ ପଶି ମନସୁଖେକୃଷ୍ଣ ମହିମା ଗାଇ ମୁଖେ
Couplet 97
ନିରତେ ହରିଗୁଣ ଚିନ୍ତିକୃଷ୍ଣମାୟାରେ ନ ପଡ଼ନ୍ତି
Couplet 98
ଚାରିକୁମରେ ଏକମେଳେଆନନ୍ଦେ ଷଡ଼ଦ୍ୱାରେ ଗଲେ
Couplet 99
ସପତଦ୍ୱାରେ ଯାନ୍ତେ ବଳେଆଗେ ମିଳିଲେ ଦ୍ୱାରପାଳେ
Couplet 100
କିରୀଟ କୁଣ୍ତଳ କେୟୂରଅମୂଲ୍ୟବେଶେ ଶୋଭାକର
Couplet 101
ଉଚ୍ଚ ସୁନ୍ଦର ବକ୍ଷସ୍ଥଳକଣ୍ଠେ ଲମ୍ବଇ ବନମାଳ
Couplet 102
ଦିଶନ୍ତି କୃଷ୍ଣରୂପ ତେଜେସୁବର୍ଣ୍ଣବେତ ଧରି ଭୁଜେ
Couplet 103
ଏମନ୍ତେ ବେନି ଦ୍ୱାରପାଳଦେଖିଣ ମୋହର କୁମର
Couplet 104
ସେ ବ୍ରହ୍ମଋଷି ପ୍ରତିଦ୍ୱାରେଯେମନ୍ତେ ଗଲେ ବିଷ୍ଣୁପୁରେ
Couplet 105
ତେମନ୍ତେ ତାଙ୍କୁ ନ ପଚାରିସପ୍ତମେ ଯାନ୍ତେ ଭାଇଚାରି
Couplet 106
ଦ୍ୱାରେ କବାଟ ହେମମୟେପ୍ରାଣୀ ନୟନ ମନ ମୋହେ
Couplet 107
ସେ ଦ୍ୱାରେ ମିଳି ବେନିଭାଇଦ୍ୱାର ରୁନ୍ଧିଲେ ରୋଷବହି
Couplet 108
ସେ ଚାରିଭାଇ ମୋର ସୁତଦେବଙ୍କ ପୂର୍ବସର୍ଗେ ଜାତ
Couplet 109
ସ୍ୱଭାବେ ବୃଦ୍ଧ ସେ ଅଟନ୍ତିବାଳକ ପ୍ରାୟ ତନୁକାନ୍ତି
Couplet 110
ପଞ୍ଚବରଷ ପୁତ୍ରପ୍ରାୟେଦିଶନ୍ତି ବସ୍ତ୍ର ନାହିଁ ଦେହେ
Couplet 111
ଉଲଗ୍ନ ଦେଖି ତାଙ୍କ ବେଶତାହାଙ୍କୁ କଲେ ଉପହାସ
Couplet 112
ତକ୍ଷଣେ ବେତ୍ର ଧରି କରେନିଷେଧ କଲେ ସପ୍ତଦ୍ୱାରେ
Couplet 113
ଦେବେ ଦେଖନ୍ତି ଶୂନ୍ୟେ ରହିନିରୋଧ କଲେ ବେନିଭାଇ
Couplet 114
ସେ ଚାରିଋଷି ରହି ଦ୍ୱାରେମନେ ବିଚାରି କୋପଭରେ
Couplet 115
ବିଷ୍ଣୁର ଅତି ପ୍ରିୟପଣେପାଦେ ଖଟନ୍ତି ଅନୁକ୍ଷଣେ
Couplet 116
ଦେଖି ନ ପାରି କୃଷ୍ଣରୂପହୃଦେ ବସିଲା ଗରୁତାପ
Couplet 117
ବୋଲନ୍ତି ଅନ୍ୟୋଅନ୍ୟେ ଚାହିଁଏ ଭାବ ଏ ପୁରେ ତ ନାହିଁ
Couplet 118
ଏ ଦ୍ୱାରପାଳ ପଣେ ଥାଇକୁହୁକ ଜନପ୍ରାୟ ହୋଇ
Couplet 119
ଯେ ବଇକୁଣ୍ଠପୁରେ ଥାନ୍ତିତାଙ୍କୁ ନ ଲାଗେ ରିପୁ ଭ୍ରାନ୍ତି
Couplet 120
କାମାଦି ଶତ୍ରୁ ଷଡ଼ଭାଇଏ ପୁରେ ସମ୍ଭବିବେ କାହିଁ
Couplet 121
ସ୍ୱଭାବେ ସର୍ବପ୍ରାଣୀ ହୃଦେହରି ବସନ୍ତି ଆତ୍ମାପଦେ
Couplet 122
ବାହ୍ୟ ଅନ୍ତରେ ବିଶ୍ୱରୂପୀଘଟ ଆକାଶ ପ୍ରାୟ ବ୍ୟାପି
Couplet 123
କରନ୍ତି ଆତ୍ମାର ପ୍ରକାଶପଣ୍ତିତେ ଯହିଁରେ ସନ୍ତୋଷ
Couplet 124
ସମ ବିଷମ ଯହିଁ ନାହିଁଅନ୍ୟାୟ କଲେ ବେନିଭାଇ
Couplet 125
ବିଷ୍ଣୁର ଦ୍ୱାରପାଳ ଭାବେଦୁଷ୍ଟ ହୋଇଲେ ମତ୍ତଗର୍ବେ
Couplet 126
କପଟଧର୍ମୀ ବେନିଭାଇଏ ପୁରେ ଥିବା ନ ଯୋଗାଇ
Couplet 127
ବେଗେ ପଡ଼ନ୍ତୁ ମହୀତଳେଜନ୍ମିବେ ଅସୁରଙ୍କ କୁଳେ
Couplet 128
ତୃତୀୟ ଜନ୍ମ ଭୋଗ ସାରିପୁଣି ଲଭିବେ ବିଷ୍ଣୁପୁରୀ
Couplet 129
ଏମନ୍ତ ଶାପ ତାଙ୍କୁ ଦ୍ୟନ୍ତେଦ୍ୱାରେ ଶୁଣିଲେ ବେନିଭ୍ରାତେ
Couplet 130
ଏ ବ୍ରହ୍ମଦଣ୍ତ ଅନିର୍ବାରକେବେହେଁ ନାହିଁ ପ୍ରତିକାର
Couplet 131
ମୁନି ବଚନେ ଦ୍ୱାରପାଳମନରେ ହୋଇଲେ ବିକଳ
Couplet 132
ଏମନ୍ତେ ଅତିଭୟ ମନେପାଦେ ପଡ଼ିଲେ ବେନିଜନେ
Couplet 133
ଉଠିଣ ଶିରେ କର ଦେଇକହନ୍ତି ମୁନିଙ୍କି ଅନାଇଁ
Couplet 134
ଏ ଦଣ୍ତ ଉଚିତ ଆମ୍ଭରଏଥି ବା କି ଦୋଷ ତୁମ୍ଭର
Couplet 135
ଦେବ ହେଳେନ କର୍ମ କରିଅସୁର ଦେହେ ଅବତରି
Couplet 136
ତହିଁକି ନାହିଁ ଆମ୍ଭ ଡରକେବଳ କୃପା ଏତେ କର
Couplet 137
ଅର୍ଜିଲା କର୍ମର ଆୟତ୍ତେଜନ୍ମ ମରଣ ଏ ଜଗତେ
Couplet 138
ବୋଲନ୍ତି ଶୁଣ ମୁନିବରକରିବ ପାପୀ ପ୍ରତିକାର
Couplet 139
କୃଷ୍ଣର ସ୍ମରଣ ଆମ୍ଭରଯେମନ୍ତେ ନୋହିବ ବିସ୍ମର
Couplet 140
ମୁନି ବୋଲନ୍ତି ଦୟାଚିତ୍ତେସ୍ୱଭାବେ ଥିବ ଦୁଷ୍ଟମତେ
Couplet 141
ତୁମ୍ଭର ଦେହେ ବିଷ୍ଣୁଭାବକଳାଏ ଅଂଶମାତ୍ର ଥିବ
Couplet 142
ଏବେ ହୋ ଶୁଣ ସୁରଗଣତାହା ଜାଣିଲେ ନାରାୟଣ
Couplet 143
ମୁନିହେଳନ କର୍ମ ଶୁଣିପୁରୁ ବାହାର ଚକ୍ରପାଣି
Couplet 144
ଦ୍ୱାରପାଳଙ୍କୁ ଦୟା ବହିଭୃତ୍ୟବତ୍ସଳ ଭାବଗ୍ରାହୀ
Couplet 145
ଲକ୍ଷ୍ମୀର କରେ ଦେଇ କରଗୋବିନ୍ଦ ହୋଇଲେ ବାହାର
Couplet 146
ଗୋବିନ୍ଦ ଚଳନ୍ତି ଚରଣେଯହିଁ ଅଛନ୍ତି ମୁନିଗଣେ
Couplet 147
ପରମହଂସ ଦୀକ୍ଷା ବହିତେଜେ ପ୍ରଚଣ୍ତ ଚାରିଭାଇ
Couplet 148
କୋପେ କମ୍ପନ୍ତି ମହାତାପେଗୋବିନ୍ଦ ମିଳିଲେ ସମୀପେ
Couplet 149
ଯାହାର ଦରଶନ ଅର୍ଥେଯୋଗ ସାଧନ୍ତି ମୁନି-ସନ୍ଥେ
Couplet 150
ଲକ୍ଷ୍ମୀଦେବୀଙ୍କ ପରିବାରୀକରେ ଚାମର ଛନ୍ତି ଧରି
Couplet 151
କେ ଶୁକ୍ଳ ପାଟଛତ୍ର କରେଘେନି ଚଳନ୍ତି ଧୀରେ ଧୀରେ
Couplet 152
ଛତ୍ରେ ମୁକୁତାମାଳ ଶୋହେହିମ ଶୀକର କଣା ବହେ
Couplet 153
ପ୍ରସନ୍ନମୁଖ ଭଗବାନକିବା ସୁନ୍ଦର ଅନୁପମ
Couplet 154
ସ୍ନେହ ଦୟାରେ ସର୍ବଜନମନ ମୋହିଲେ ଭଗବାନ
Couplet 155
ଶ୍ୟାମସୁନ୍ଦର ବକ୍ଷସ୍ଥଳେକମଳା ବସନ୍ତି ନିଶ୍ଚଳେ
Couplet 156
କୌସ୍ତୁଭମଣି କଣ୍ଠେ ଶୋହେଅଶେଷ ଜନମନ ମୋହେ
Couplet 157
ପୀତବସନ କଟୀମାଝେକନକମେଖଳା ବିରାଜେ
Couplet 158
ଉରେ ଲମ୍ବଇ ବନମାଳସୁନ୍ଦର ଅଳକ କପୋଳ
Couplet 159
କେୟୂର କଙ୍କଣ ବିରାଜେରୂପେ କୋଟିଏ କାମଗଞ୍ଜେ
Couplet 160
ଲୀଳାଅମ୍ବୁଜ ଏକକରେଚଳନ୍ତେ ଭ୍ରମଇ ସେ କରେ
Couplet 161
ବିଜୁଳି ପ୍ରାୟେ ଗଣ୍ତସ୍ଥଳେଶୋଭଇ ମକରକୁଣ୍ତଳେ
Couplet 162
ଶିରେ ମୁକୁଟମଣି ଶୋହେଅଧିକେ ଜଗୁଜନ ମୋହେ
Couplet 163
ଚତୁର ବାହୁର ମଧ୍ୟରସୁସଞ୍ଚ ମନୋହର ହାର
Couplet 164
କଣ୍ଠେ ଲମ୍ବଇ ମଣିହାରମଧ୍ୟେ କୌସ୍ତୁଭ ରତ୍ନସାର
Couplet 165
ଏମନ୍ତେ ନାନାରତ୍ନ ପୁଞ୍ଜେତେଜେ କମଳାରୂପ ଗଞ୍ଜେ
Couplet 166
ବ୍ରହ୍ମା-ଶଙ୍କର-ଦେବ ମନମୋହନ ରୂପେ ହୋଏ ଛନ୍ନ
Couplet 167
ସ୍ଥିରଲୋଚନେ ସ୍ତମ୍ଭୀଭୂତେଦେଖି ତୃପତ ନୋହେ ଚିତ୍ତେ
Couplet 168
ଆନନ୍ଦେ ସର୍ବ ମୁନିବରେନମିଲେ କୃଷ୍ଣଙ୍କ ପୟରେ
Couplet 169
ସେ ହରି ଚରଣାବହିନ୍ଦକିଞ୍ଜଳ୍ କ ତୁଳସୀ ଆମୋଦ
Couplet 170
ପବନ ନାସାଦ୍ୱାରେ ପୂରେଚିତ୍ତ ଶରୀର କ୍ଷୋଭ କରେ
Couplet 171
କୃଷ୍ଣ ସୁନ୍ଦର ମୁଖତ୍ରାସଯେହ୍ନେ ସୁନୀଳ ପଦ୍ମକୋଷ
Couplet 172
ବିମ୍ବଅଧରେ କୁନ୍ଦହାସଅଶେଷ ଜନମନ ତୋଷ
Couplet 173
ସେ ରୂପ ଦେଖି ପୁଣି ଚିତ୍ତେଧ୍ୟାନ ନିରୋପି ପାଦଗତେ
Couplet 174
ଅରୁଣ ମଣି ନଖକାନ୍ତିନିଶ୍ଚଳ ଲୋଚନେ ଧରନ୍ତି
Couplet 175
ଯାହାର ଗତି ଯୋଗମାର୍ଗେଧ୍ୟାନେ ଚିନ୍ତନ୍ତି ମୁନିବର୍ଗେ
Couplet 176
ସେ ରୂପ ନୟନଗୋଚରେଦେଖିଲେ ମୋହର କୁମରେ
Couplet 177
ଅଷ୍ଟ ଐଶ୍ୱର୍ଯ୍ୟ ମୁକ୍ତକଳ୍ପଦେଖନ୍ତେ ପ୍ରଭୁ ନିଜରୂପ
Couplet 178
ତକ୍ଷଣେ ଶିରେ କର ଦେଇବୋଲନ୍ତି କୃଷ୍ଣ ମୁଖ ଚାହିଁ
Couplet 179
ଯେ ହରି ପ୍ରାଣୀଙ୍କ ଶରୀରେଅନନ୍ତ ହୃଦୟେ ବିହରେ
Couplet 180
ସାଧୁ ଅସାଧୁ ଯାର ନାହିଁତାର ମହିମା କେବା କହି
Couplet 181
ସେ ହରି ଆମ୍ଭ ଦୃଷ୍ଟି ପଥେପ୍ରତ୍ୟକ୍ଷେ ମିଳିଲେ ଅଗ୍ରତେ
Couplet 182
ଯାହାର ଗୁଣ କର୍ମ ଗାଥାଏକାନ୍ତେ ବସି ଆମ୍ଭ ପିତା
Couplet 183
କହିଲେ ପରମ ଆନନ୍ଦେବ୍ରହ୍ମବିଗ୍ରହ ଅନୁବାଦେ
Couplet 184
ସେ ପଶି ଆମ୍ଭ କର୍ଣ୍ଣଦ୍ବାରେରହିଲା ହୃଦୟ-ବିବରେ
Couplet 185
ତୁ ନାଥ ପରମାର୍ଥ-ତତ୍ତ୍ବଯୋଗେ ସାଧନ୍ତି ମୁନିସନ୍ଥ
Couplet 186
ତୋ ଧ୍ୟାନ ରଚି ସତ୍ତ୍ବଗୁଣେଯେବା ଚିନ୍ତନ୍ତି ଅନୁକ୍ଷଣେ
Couplet 187
ସଂସାର ଅନୁତାପେ ଯନ୍ତ୍ରିସୁହୃଦ ଭକ୍ତିଭାବେ ଚିନ୍ତି
Couplet 188
ହୃଦରେ ସ୍ଥାପି ତୋର ରୂପବେଗେ ଛାଡ଼ନ୍ତି ତିନିତାପ
Couplet 189
ତୋର ପ୍ରସାଦ ଆତ୍ୟନ୍ତିକେମନେ ଚିନ୍ତନ୍ତି ଯେବା ଲୋକେ
Couplet 190
କି ଅବା ଅନ୍ୟ ଇଚ୍ଛାତାରଅଛି ଏ ସଂସାର ଭିତର
Couplet 191
ଭୋ ଦେବ ତୋହର ଚରଣେଯେ ପ୍ରାଣୀ ପଶନ୍ତି ଶରଣେ
Couplet 192
ତୋର କଥାରେ ଯାର ରତିଘୋର ସଂସାରୁ ତରିଯାନ୍ତି
Couplet 193
ଆମ୍ଭେ ତୋ ଭକ୍ତେ ଶାପ ଦେଇଯେ ପାପ ଅର୍ଜିଲୁ ଗୋସାଇଁ
Couplet 194
ସେ ପାପେ ନାନା ଯୋନିଗତେଜନମ ଲଭି ଭୂମିଗତେ
Couplet 195
ତୋ ଯଶ ଶୁଣି କର୍ଣ୍ଣମାର୍ଗେତୋ ନାମ ଗୁଣି ଜିହ୍ୱାଅଗ୍ରେ
Couplet 196
ତୋର ଚରଣେ ହେଉ ରତିଆମ୍ଭର ଜଡ଼ବୁଦ୍ଧି ମତି
Couplet 197
ବଚନ ତୋ ଚରଣେ ରହୁତୁଳସୀ ପ୍ରାୟ ଶୋଭା ପାଉ
Couplet 198
ତୋ ଗୁଣଗଣେ କର୍ଣ୍ଣପଥଶ୍ରବଣେ ପୂରୁ ଜଗନ୍ନାଥ
Couplet 199
ତୁ ରୂପ ଦେଖାଇ ପବିତ୍ରକୃତାର୍ଥ କଲୁ ଆମ୍ଭ ନେତ୍ର
Couplet 200
ଭୋ ନାଥ କମଳାରମଣଅନାଦି ପରମ କାରଣ
Couplet 201
ଅଜିତ ଇନ୍ଦ୍ରିୟ ଜନରତୋ ରୂପ ଅଟେ ଅଗୋଚର
Couplet 202
ଏମନ୍ତେ କହି ମୋର ସୁତେନମିଲେ ବିଷ୍ଣୁ ପାଦଗତେ
Couplet 203
ସେ ହରି ଚରଣ କମଳେସୁଜନେ ଚିନ୍ତ ଧ୍ୟାନବଳେ
Couplet 204
ତୃତୀୟସ୍କନ୍ଧେ ଭାଗବତକହିଲା ଦାସ ଜଗନ୍ନାଥ