Skandha 3
Adhyaya 13
Couplet 1
ଏମନ୍ତେ ମୈତ୍ରେୟ ବଚନଶୁଣି ବିଦୁର ତୋଷମନ
Couplet 2
କୃଷ୍ଣଚରିତେ ଭାବ ଭରିପୁଣି ପୁଚ୍ଛଇ ପାଦଧରି
Couplet 3
ସେ ସ୍ୱାୟମ୍ଭୁବ ବ୍ରହ୍ମାସୁତସଂସାର-ପ୍ରିୟ ପ୍ରିୟବ୍ରତ
Couplet 4
ପ୍ରତ୍ୟକ୍ଷେ ବ୍ରହ୍ମାର ଶରୀରସେ ସ୍ୱାୟମ୍ଭୁବ ନୃପବର
Couplet 5
ଯେ ଶତରୂପା ପତ୍ନୀ ତାରସ୍ୱଭାବେ ବ୍ରହ୍ମାର ଶରୀର
Couplet 6
ନିର୍ମିତ ନରନାରୀ ରୂପେବିଷ୍ଣୁ ଆଦେଶେ ମହାକଳ୍ପେ
Couplet 7
ମୈଥୁନଭାବେ ସେ ରହିଲେକେମନ୍ତେ ସୃଷ୍ଟି ଭିଆଇଲେ
Couplet 8
ସେ ରାଜଋଷିର ଚରିତକହି ସନ୍ତୋଷ କର ଚିତ୍ତ
Couplet 9
ଏ କୃଷ୍ଣକଥା ପୁଣ୍ୟଯଶଶ୍ରବଣେ ଚିତ୍ତ କଲା ଆଶ
Couplet 10
ଏମନ୍ତେ ବିଦୁରର ବାଣୀମୈତ୍ରେୟ ବୋଲେ ତାହା ଶୁଣି
Couplet 11
ଶୁଣ ବିଦୁର ଏକଚିତ୍ତେତୁ ଯାହା ପଚାରିଲୁ ମୋତେ
Couplet 12
ବ୍ରହ୍ମାର ଶରୀରୁ ସମ୍ଭବପତ୍ନୀର ତୁଲେ ସ୍ୱାୟମ୍ଭୁବ
Couplet 13
କରଅଞ୍ଜଳି ଶିରେ ଦେଇବୋଲଇ ବ୍ରହ୍ମାମୁଖ ଚାହିଁ
Couplet 14
ତୁ ସର୍ବଜନ୍ତୁଙ୍କର ପିତାଜନ୍ମସମ୍ପଦ ବୃତ୍ତିଦାତା
Couplet 15
ଆମ୍ଭେ ତୋହର ଭୃତ୍ୟପଣେଯେମନ୍ତେ ଖଟୁ ତୋ ଚରଣେ
Couplet 16
ସେ ଆଜ୍ଞା ଦିଅ ବେଦବରତୋର ଚରଣେ ନମସ୍କାର
Couplet 17
ଯେ କର୍ମ ସାଧି ଅତିରେକେସୁ ଯଶ ଇହ ପରଲୋକେ
Couplet 18
ଲଭନ୍ତି ପ୍ରାଣୀ ଆତ୍ମସୁଖେସେ ଆଜ୍ଞା କର ତାତ ମୁଖେ
Couplet 19
ଏମନ୍ତେ ପୁତ୍ରର ବଚନେବ୍ରହ୍ମା କହିଲେ ତୋଷମନେ
Couplet 20
ଶୁଣ କୁମର ସାଧୁଧୀରତୁ ଏ ସଂସାରେ ନୃପବର
Couplet 21
ନିର୍ମଳ ହୃଦେ ତୁ ପଚାରୁଯେହ୍ନେ ସମ୍ବାଦ ଶିଷ୍ୟ ଗୁରୁ
Couplet 22
ତୋଠାରେ ହୋଇଲି ପ୍ରସନ୍ନତୋହର ହେଉ ଯେ କଲ୍ୟାଣ
Couplet 23
ପିତାର ଆଜ୍ଞା ଶିରେ ଧରିସାଦରେ ସର୍ବ ଦୂର କରି
Couplet 24
ଏହାର ସଙ୍ଗେ ତୁହି ରମସନ୍ତତି କର ଆତ୍ମସମ
Couplet 25
ପୃଥିବୀ ପାଳନ ତୁ କରଯଜ୍ଞେ ସନ୍ତୋଷ ଚକ୍ରଧର
Couplet 26
ପ୍ରଜା ପାଳନେ କର ଆଶାତେଣେ ମୋ ହୋଇ ଶୁଶ୍ରୂଷା
Couplet 27
ଯେ ଯଜ୍ଞରୂପ ଜନାର୍ଦ୍ଦନତୋ ପ୍ରତି ହୋଇବେ ପ୍ରସନ୍ନ
Couplet 28
ସେ ଯଜ୍ଞ ଅନ୍ତେ ଜନାର୍ଦ୍ଦନଯାହାକୁ ନୁହଁନ୍ତି ପ୍ରସନ୍ନ
Couplet 29
ବିଫଳ ଶ୍ରମ ହିଁ ତାହାରଯେଣୁ ଆତ୍ମାରେ ଅନାଦର
Couplet 30
ଏମନ୍ତେ ପିତାର ବଚନେଶୁଣି ସ୍ୱାୟମ୍ଭୁବ ତୋଷମନେ
Couplet 31
ଆନନ୍ଦେ ଶିରେ କର ଦେଇବୋଲଇ ବ୍ରହ୍ମାମୁଖ ଚାହିଁ
Couplet 32
ଭୋ ନାଥ ତୋହର ଆଦେଶେସୃଷ୍ଟି ମୁଁ କରିବି ବିଶ୍ୱାସେ
Couplet 33
ମୁଁ ସୃଷ୍ଟି ସରଜିବି କାହିଁଏ ଜଳେ ଧରଣୀ ତ ନାହିଁ
Couplet 34
ତାର ଉଦ୍ଧାରେ ଯତ୍ନ କରଯେମନ୍ତେ ସୃଷ୍ଟିର ସଂଚାର
Couplet 35
ଏମନ୍ତେ ପୁତ୍ରର ବଚନେବ୍ରହ୍ମା ବିଚାରେ ନିଜମନେ
Couplet 36
ମାୟା ପ୍ରଳୟ ଜଳରାଶିପବନ ସଙ୍ଗେ ମୁଁ ଯେ ଗ୍ରାସି
Couplet 37
ପୃଥିବୀ ନିବେଶିଲି ଜଳେପ୍ରଜା କଳ୍ପିଲି ଯୋଗବଳେ
Couplet 38
ଦେବ ଅସୁର ପିତୃ ନରପଶୁ ପତଙ୍ଗ ମହୀଧର
Couplet 39
ବୃକ୍ଷ ଔଷଧି ଉଚ୍ଚ-ନୀଚେଧରଣୀ ସ୍ଥାପିଲି ଯେ ସଞ୍ଚେ
Couplet 40
ଏବେ ତ ଜଳେ ନାହିଁ ମହୀଏମନ୍ତ ବ୍ରହ୍ମା ବିଚାରଇ
Couplet 41
ଜଳେ ନ ଦେଖି ବସୁନ୍ଧରୀବିଧାତା ମନେ ଧ୍ୟାନକରି
Couplet 42
ମହୀ ବୁଡ଼ିଲା ମହାଜଳେକେମନ୍ତେ ଉଦ୍ଧରିବି ବଳେ
Couplet 43
ଯାର ଆଦେଶେ ଅବତରିମୁଁ ଏ ସଂସାରେ ଅଧିକାରୀ
Couplet 44
ସେ ହରି ଯେବେ ଦୟାକରେଧରଣୀ ଆପଣେ ଉଦ୍ଧରେ
Couplet 45
ନୋହିଲେ ମୋର ଶକ୍ୟ କାହିଁଏମନ୍ତେ ବିଷ୍ଣୁପାଦ ଧ୍ୟାୟି
Couplet 46
ବ୍ରହ୍ମା ରହିଲେ ସ୍ତମ୍ଭୀଭୂତେଶୁଣ ବିଦୁର ଏକଚିତ୍ତେ
Couplet 47
ତକ୍ଷଣେ ପ୍ରଭୁ ନରହରିବାଳ ଶୂକର ରୂପଧରି
Couplet 48
ଅଙ୍ଗୁଷ୍ଠ ପ୍ରମାଣ ଶରୀରେଜନ୍ମିଲେ ବ୍ରହ୍ମା ନାସାଦ୍ୱାରେ
Couplet 49
ପୁଣି କ୍ଷଣକେ ଗଜପ୍ରାୟେଅଦ୍ଭୁତେ ବଢ଼େ ତାରକାୟେ
Couplet 50
ମରୀଚି ଆଦି ମୁନି ଯେତେସନତକୁମାର ସହିତେ
Couplet 51
ଅଦ୍ଭୁତ ବରାହ ଶରୀରକ୍ଷଣକ୍ଷଣକେ ଅଗୋଚର
Couplet 52
ଋଷିଙ୍କି ଚାହିଁ ବେଦବରକହନ୍ତି ଦେଖି ତା ଶରୀର
Couplet 53
ଅଙ୍ଗୁଷ୍ଠ ମାତ୍ରେ ଜାତ ହୋଇପର୍ବତ ସମାନେ ବଢ଼ଇ
Couplet 54
ଶୁଣ ସକଳ ମୁନିଜନେଏ ରୂପେ ଖେଦ ମୋରମନେ
Couplet 55
ଏମନ୍ତେ ପୁତ୍ରଗଣ ଘେନିବିଚାର କରେ ପଦ୍ମଯୋନି
Couplet 56
ଏ ବା ଅନାଦି-ଭଗବାନଏ ରୂପେ ବୋଧେ ମୋର ମନ
Couplet 57
ଏମନ୍ତ ଜାଣି ବାସୁଦେବଗର୍ଜିଲେ ଗଜେନ୍ଦ୍ର ସ୍ୱଭାବ
Couplet 58
ବ୍ରହ୍ମାଦି ଋଷିଙ୍କ ସମେତେହରଷ କଲେ ସର୍ବେ ଚିତ୍ତେ
Couplet 59
ଦିଗ ପୂରିଲା ଗରଜନ୍ତେଅଦ୍ଭୁତ ଶବଦ ସହିତେ
Couplet 60
ସେ ମାୟାମୟ ରୂପ ହରିଛଳେ ଶୂକର ରୂପ ଧରି
Couplet 61
ଦେଖି ଚକିତ ମୁନିଜନେଆନନ୍ଦେ ବିଚାରନ୍ତି ମନେ
Couplet 62
ଜନ ସତ୍ୟ ତପ ନିବାସୀମିଳି ସକଳ ବ୍ରହ୍ମଋଷି
Couplet 63
ସ୍ତୁତି କରନ୍ତି ମନତୋଷେଧରଣୀ ଉଦ୍ଧରିବା ଆଶେ
Couplet 64
ଯାହାର ଗୁଣ ଅନୁବାଦେକ୍ଷମ ନୁହଁନ୍ତି ଚାରିବେଦେ
Couplet 65
ଯା ରୂପ ମନଜ୍ଞାନେ ଚିନ୍ତିଅଶେଷ ଶାସ୍ତ୍ରେ ନ ଜାଣନ୍ତି
Couplet 66
ମୁନିଙ୍କ ସ୍ତୁତିବାକ୍ୟ ଶୁଣିତକ୍ଷଣେ ପ୍ରଭୁ ଚକ୍ରପାଣି
Couplet 67
ଦେବଙ୍କ ହିତଅର୍ଥେ ହରିପୁଣି ଶୂକର ନାଦକରି
Couplet 68
ଗଜେନ୍ଦ୍ର ଲୀଳା କରି ହେଳେବିଷ୍ଣୁ ପଶିଲେ ମହାଜଳେ
Couplet 69
ଖୁର-ଲାଙ୍ଗୁଡ଼ ମୁଖେ ତାଡ଼ିଶବଦ ଶୁଭେ ଘଡ଼ଘଡ଼ି
Couplet 70
ଜଳ ପ୍ରବେଶ ପୂର୍ବେ ହରିପୁଚ୍ଛ ଉତ୍ କ୍ଷେପ ଉର୍ଦ୍ଧ୍ୱେ କରି
Couplet 71
ଲମ୍ଫରେ ଆକାଶେ ଉଠିଲେକଠୋର ଶଟା କମ୍ପାଇଲେ
Couplet 72
ବରାହ ଦେହ ଜଳକଣେଶୂନ୍ୟେ ତିନ୍ତିଲେ ଦେବଗଣେ
Couplet 73
ଲାଙ୍ଗୁଡ଼-ବୃଷ୍ଟି-ଜଳଲାଗିଦିଗେ ହୋଇଲେ ସଉଭାଗୀ
Couplet 74
ସୁତୀକ୍ଷ୍ଣ ଖୁର କ୍ଷିପ୍ତଜଳେସମୁଦ୍ର ଉଛୁଳେ କଲ୍ଲୋଳେ
Couplet 75
ପର୍ବତ ପ୍ରାୟେ ଦେହକାନ୍ତିଜ୍ୟୋତି ସମୂହେ ଝଟକନ୍ତି
Couplet 76
ମହୀ ଖୋଜନ୍ତି ଘ୍ରାଣବାସେଧରଣୀ ଉଦ୍ଧରିବା ଆଶେ
Couplet 77
କରାଳ ଦନ୍ତ ଓଷ୍ଠ ପାଟିଉର୍ଦ୍ଧ୍ୱେ ମୁନିଙ୍କି ଦେଇ ଦୃଷ୍ଟି
Couplet 78
ଅଙ୍ଗ ନିର୍ଘାତ ବଜ୍ର ପ୍ରାୟେଦେଖି ଜଳଧି କଲା ଭୟେ
Couplet 79
ତରଙ୍ଗ-କର ଉଚ୍ଚେ କରିଡାକଇ ରଖ ଦଇତାରି
Couplet 80
ହେ ଯଜ୍ଞେଶ୍ୱର ତ୍ରାହିକରମୁଁ ତୁମ୍ଭ ଚରଣେ କିଙ୍କର
Couplet 81
ସମୁଦ୍ର ମୁଖରାବ ଗୋଳେହରି ପଶିଲେ ରସାତଳେ
Couplet 82
ଜଳେ ନିମଗ୍ନା ବସୁନ୍ଧରୀତକ୍ଷଣେ ଦନ୍ତାଗ୍ରେ ଉଦ୍ଧରି
Couplet 83
ଜଳୁ ଆସନ୍ତେ ଊଦ୍ଧ୍ୱର୍ମୁଖେଅସୁର ମିଳିଲା ସମ୍ମୁଖେ
Couplet 84
ଆଦିଅସୁର ଯେ ପ୍ରତ୍ୟକ୍ଷନାମ ତାହାର ହିରଣାକ୍ଷ
Couplet 85
ଗଦା ବୁଲାଇ ଅତିବେଗେମିଳିଲା ଯଜ୍ଞନାଥ ଆଗେ
Couplet 86
ମତ୍ତମାତଙ୍ଗ ଯେହ୍ନେ ମହୀକର୍କଶ ଦନ୍ତେ ବିଦାରଇ
Couplet 87
ଲୀଳାଏ ଅସୁର ସଂହାରିଗଜକୁ ଯେସନେ କେଶରୀ
Couplet 88
ତା ଦେହ ଦଶନେ ବିଦାରିଧରଣୀ ଘେନି ବିଜେକରି
Couplet 89
ତମାଳ ନୀଳବର୍ଣ୍ଣ ଦେହୀଶୁଭ୍ର ତୀକ୍ଷ୍ ଣ ଦନ୍ତ ଦୁୁୁଇ
Couplet 90
ଦଶନଅଗ୍ରେ ମହୀ ରହେଚନ୍ଦ୍ରେ କଳଙ୍କ ଯେହ୍ନେ ଶୋହେ
Couplet 91
ଏମନ୍ତ ରୂପ ଦେଖି ବେଗେବ୍ରହ୍ମା ମିଳିଲେ ବିଷ୍ଣୁ ଆଗେ
Couplet 92
ସଙ୍ଗତେ ମୁନିଗଣ ଘେନିସ୍ତୁତି କରଇ ପଦ୍ମଯୋନି
Couplet 93
ହେ ଯଜ୍ଞରୂପୀ ଜନାର୍ଦ୍ଦନତୋର ବିହାର ତ୍ରିଭୁବନ
Couplet 94
ଜୟ ତୁ ଜୟ ଭଗବାନତୁ ବେଦମୟ ବିଦ୍ୟମାନ
Couplet 95
ଯଜ୍ଞମୂରତି ନିଜ ପିଣ୍ତେଯେ ଯଜ୍ଞଧର୍ମ କର୍ମକାଣ୍ତେ
Couplet 96
ତୋର ଶରୀର ରୋମକୂପେସମୁଦ୍ର ଲୁଚିଲା ସ୍ୱରୂପେ
Couplet 97
ନମୋ ଗୋବିନ୍ଦ ମହୀଧରଅଶେଷ-ମହିମା-ସାଗର
Couplet 98
ହେ କାଳରୂପୀ ତୋ ଚରଣେନିର୍ଭୟେ ପଶିଲୁ ଶରଣେ
Couplet 99
ଯଜ୍ଞାଦି ଆତ୍ମା ତୋ ଶରୀରଦୁଷ୍କୃତଜନେ ଅଗୋଚର
Couplet 100
ତୋ ଦେହ ଚର୍ମେ ବେଦ ବସେଅନଳ ରୋମକୂପ ଦେଶେ
Couplet 101
ଘୃତ ଆହୁତି ନେତ୍ରଯୁଗେଚତୁରହୋତ୍ର ପାଦଭାଗେ
Couplet 102
ଏ ଯଜ୍ଞ ଶ୍ରୁଚ ତୋର ତୁଣ୍ତେଶ୍ରୁବ ନିର୍ମିତ ନାସାଖଣ୍ତେ
Couplet 103
ଇଡ଼ା ଉଦର ଅନୁବନ୍ଧେଚମସ ରହେ କର୍ଣ୍ଣରନ୍ଧ୍ରେ
Couplet 104
ପ୍ରାଶିତ୍ର ବସେ ତୋର ଆସ୍ୟେଗ୍ରହେ ବସନ୍ତି ତୋର ଗ୍ରାସେ
Couplet 105
ଚର୍ବଣେ ଅଗ୍ନିହୋତ୍ର ରହେଦୀକ୍ଷା ତୋ ଅନୁଜନ୍ମ ବହେ
Couplet 106
ଯେ ଉପଷଦ ତିନିଈଷ୍ଟେସେ ତୋର ଗ୍ରୀବାଦେଶ ଅଟେ
Couplet 107
ଦନ୍ତେ ପ୍ରାୟଣୀ ଉଦୟିନୀଜିହ୍ୱାରେ ପ୍ରବର୍ଗ୍ୟକୁ ଘେନି
Couplet 108
ଶିରେ ହୋମରହିତ ଅଗ୍ନିଆବର ଉପାସନା ବହ୍ନି
Couplet 109
ପ୍ରାଣେ ବସନ୍ତି ଚିତିଗଣସୋମ ତୋ ରେତ ଆଚରଣ
Couplet 110
ସବନ ତୋହର ଅବସ୍ଥାସପ୍ତଧାତୁଏ ତୋର ସଂସ୍ଥା
Couplet 111
ତୋ ଦେହସନ୍ଧି ସର୍ବ ସତ୍ରତୁ ସର୍ବଯଜ୍ଞ କ୍ରତୁ ମାତ୍ର
Couplet 112
ମନ୍ତ୍ରଦେବତା ରୂପ ତୁହିତୁ ଦ୍ରବ୍ୟ କ୍ରତୁ କ୍ରିୟା ହୋଇ
Couplet 113
ବୈରାଗ୍ୟ ଭକ୍ତି ଆତ୍ମଜୟେକରାଉ ଜ୍ଞାନର ଉଦୟେ
Couplet 114
ତୁ ବିଦ୍ୟାଗୁରୁ ଜ୍ଞାନଦାତାସକଳ ଜୀବ ପିତାମାତା
Couplet 115
ଅଖିଳ ମୂର୍ତ୍ତି ଭଗବାନତୋର ଚରଣେ ନମୋନମ
Couplet 116
ତୋ ଦନ୍ତଅଗ୍ରେ ବସୁନ୍ଧରୀବିରାଜେ ନିଜ ରୂପ ଧରି
Couplet 117
କି ଅବା ଦେବା ପଟାନ୍ତରଜଳେ ଯେସନେ କରୀବର
Couplet 118
ପଦ୍ମବନରୁ ସେ ନିର୍ଗତଦନ୍ତାଗ୍ରେ ପଦ୍ମିନୀ ଶୋଭିତ
Couplet 119
ଏ ଯେ ଶୂକର ତୋର ଦେହଅଶେଷ ଯଜ୍ଞ ବେଦମୟ
Couplet 120
ଦନ୍ତେ ଧରଣୀ କରେ ଶୋଭାକିବା ଉପମା ଆମ୍ଭେ ଦେବା
Couplet 121
ପର୍ବତଶୃେଙ୍ଗ ଜଳଧରଯେମନ୍ତେ ଦିଶଇ ସୁନ୍ଦର
Couplet 122
ତେମନ୍ତେ ଶୋଭିତ ଧରଣୀତୋ ଦନ୍ତଅଗ୍ରେ ଚକ୍ରପାଣି
Couplet 123
ଏବେ ଧରଣୀ ସ୍ଥାପ ଜଳେଭୋ ନାଥ ତୋର ମାୟାବଳେ
Couplet 124
ଏ ଭୂମି ଜୀବଲୋକ-ମାତାତୁ ନାଥ ଜୀବଲୋକ-ପିତା
Couplet 125
ତୋ ବିନୁ କେବା ଅନ୍ୟ ବଳେମହୀ ଉଦ୍ଧରେ ମହାଜଳେ
Couplet 126
ଏଣୁ ବିସ୍ମୟ ଆମ୍ଭ ନାହିଁଅତି ବିସ୍ମୟ ବିଶ୍ୱେ ଯେହି
Couplet 127
ତାହାକୁ ତୁହି ମାୟାବଳେସର୍ଜନା କଲୁ ଏ ଶୟଳେ
Couplet 128
ଏ ଯେ ଈଶ୍ୱର ତୋର ଦେହୀସକଳ ବେଦମୟ ଏହି
Couplet 129
ଜଳେ ପଶନ୍ତେ ତୋ ଶରୀରଜଳଧି ଦିଶେ ଭୟଙ୍କର
Couplet 130
ତୋ ରୋମଅଗ୍ରେ ଜଳରାଶିଉଛୁଳି ଶୂନ୍ୟମାର୍ଗେ ଆସି
Couplet 131
ସେ ଜଳବିନ୍ଦୁ ସ୍ପର୍ଶ ମାତ୍ରସକଳେ ହୋଇଲୁ ପବିତ୍ର
Couplet 132
ଜନ ତପ ସତ୍ୟ ଭୁବନେଆମ୍ଭେ ଯେ ରହୁ ତୋଷମନେ
Couplet 133
ତୋ ରୋମଜଳେ କରି ସ୍ନାନଆନନ୍ଦେ ତୋଷ କଲୁ ମନ
Couplet 134
ପବିତ୍ର କଲୁ ପିଣ୍ତ ପ୍ରାଣତୋର ଶରଣ ନାରାୟଣ
Couplet 135
ତୋ କର୍ମ-ପାର ଜାଣିବାରେଯେ ଜନ ମନେ ବାଞ୍ଛାକରେ
Couplet 136
ତାହାକୁ ବୋଲି ମନ୍ଦମତିଯେଣୁ ଅସାଧ୍ୟ ତୋର ଗତି
Couplet 137
ତୋ ଯୋଗମାୟା ଗୁଣ ବଳେଆମ୍ଭେ ମୋହିତ ଏ ଶୟଳେ
Couplet 138
ଏଣୁ ବିଶ୍ୱକୁ ସୁଖ ଦେଇଆମ୍ଭଙ୍କୁ ନାଥ କର ତ୍ରାହି
Couplet 139
ବ୍ରହ୍ମାଦି ମୁନିଙ୍କ ବଚନେବରାହ ରୂପୀ ତୋଷମନେ
Couplet 140
ଜଳେ ବସାଇ ବସୁନ୍ଧରୀଅଦୃଶ୍ୟ ହୋଇଲେ ମୁରାରି
Couplet 141
ସେ ହରି ଅଭୟ ଚରଣେବିଦୁର ପଶ ତୁ ଶରଣେ
Couplet 142
ଏ ମନୋହର କୃଷ୍ଣକଥାଯେ ଅବା ହୋନ୍ତି ଶ୍ରୋତା ବକ୍ତା
Couplet 143
ତାର ହୃଦୟେ ଭଗବାନତକ୍ଷଣେ ହୁଅନ୍ତି ପ୍ରସନ୍ନ
Couplet 144
ସେ ହରି ଅଦ୍ଭୁତ ଚରିତଶୁଣି ବିଦୁର ତୋଷଚିତ୍ତ
Couplet 145
ଶୁଣ ସୁଜନେ ତୋଷଚିତ୍ତେସଂସାରୁ ତରିବ ଯେମନ୍ତେ
Couplet 146
ଯାର ପ୍ରସନ୍ନେ ମାୟାଘୋରନଳିନୀଦଳେ ଯେହ୍ନେ ନୀର
Couplet 147
ନ ଲାଗେ ନିରତେ ସିଞ୍ଚନ୍ତେବିଷ୍ଣୁ-ପ୍ରସଙ୍ଗ ଅନୁମତେ
Couplet 148
କର୍ଣ୍ଣେ ପଶନ୍ତେ ହରିବାଣୀସୁଧା-ସମୁଦ୍ର ପରିମାଣି
Couplet 149
ଆନନ୍ଦେ କର ସୁଧାପାନଯେଣେ ହୋଇବ ତତ୍ତ୍ବଜ୍ଞାନ
Couplet 150
ତୃତୀୟସ୍କନ୍ଧେ ଭାଗବତଅଦ୍ଭୁତ ବରାହ ଚରିତ
Couplet 151
ଏଣେ ନିବେଶି ବୁଦ୍ଧି-ଚିତ୍ତକହଇ ଦାସ ଜଗନ୍ନାଥ