Adhyaya 12

Couplet 1

ଏମନ୍ତେ କାଳସଂଖ୍ୟା ଯେତେବର୍ଣ୍ଣିଲି ତୋହର ଅଗ୍ରତେ

Couplet 2

ଏବେ ବିଦୁର କହୁଁ ତୋତେସେ ବ୍ରହ୍ମା-ସର୍ଜନା ଯେମନ୍ତେ

Couplet 3

ବେଦ ବିଚାରେ କଲା ସୃଷ୍ଟିଯେଣୁ ଅମୋଘ ତାର ଦୃଷ୍ଟି

Couplet 4

ଅନ୍ଧତାମିସ୍ର ମହାମୋହତାମିସ୍ର ପୁଣି ତମ ମୋହ

Couplet 5

ଅବିଦ୍ୟା ପଞ୍ଚପର୍ବ ସୃଷ୍ଟିଆଗେ କଳ୍ପିଲା ପରମେଷ୍ଟି

Couplet 6

ପାପ-ବହୁଳ-ସୃଷ୍ଟି ସେହିତା ଦେଖି ବ୍ରହ୍ମା ବିଚାରଇ

Couplet 7

ଏ ସୃଷ୍ଟି ନୋହିଲା ଉଚିତଦୃଢ଼େ ଗୋବିନ୍ଦେ ଦେଲା ଚିତ୍ତ

Couplet 8

ଗୋବିନ୍ଦପାଦ ଧ୍ୟାନ ବଳେସଂଯୁକ୍ତ-ଭକତି ନିଶ୍ଚଳେ

Couplet 9

ବିଷ୍ଣୁର ଅଂଶେ ଚାରିଭ୍ରାତବ୍ରହ୍ମାର ମନମଧ୍ୟୁ ଜାତ

Couplet 10

ସନକ ସନନ୍ଦ ଏ ବେନିକୁମାର ସନାତନ ଘେନି

Couplet 11

ସ୍ୱଭାବେ ଉର୍ଦ୍ଧ୍ୱରେତା ହୋନ୍ତିବିଷ୍ଣୁହୁଁ ଆନ ନ ଜାଣନ୍ତି

Couplet 12

ତାହାଙ୍କୁ ଚାହିଁ ବେଦବରସ୍ୱଭାବେ କହଇ ମଧୁର

Couplet 13

ତୁମ୍ଭେ ଚତୁରପୁତ୍ରେ ମୋରବେଦପ୍ରମାଣେ ସୃଷ୍ଟି କର

Couplet 14

ଏ ସୃଷ୍ଟି ହୋଇବ ତୁମ୍ଭରଯାଅ ଯା ମୋର ବୋଲ କର

Couplet 15

ଏମନ୍ତେ ପିତା ବାକ୍ୟ ଶୁଣିପୁତ୍ରେ କହନ୍ତି ମନେ ଗୁଣି

Couplet 16

ଆମ୍ଭର ତେଣେ କାର୍ଯ୍ୟ ନାହିଁଏମନ୍ତ ଆଜ୍ଞା ଦିଅ ତୁହି

Couplet 17

ଗୋବିନ୍ଦ-ଚରଣାରବିନ୍ଦେଭକ୍ତି କରିବୁ ମୋକ୍ଷ-ସଧେ

Couplet 18

ଏମନ୍ତେ ଶୁଣି ତାଙ୍କ ବାଣୀକ୍ରୋଧେ କମ୍ପିଲା କୁଶପାଣି

Couplet 19

ପୁଣି ବୁଦ୍ଧିରେ ଚିତ୍ତ ଧରିଧ୍ୟାନେ ସୁମରି ନରହରି

Couplet 20

କୋପେ ଭ୍ରୂକୁଟୀ ତା କୁଟୀଳବଦନ ଦିଶିଲା ପିଙ୍ଗଳ

Couplet 21

ଭ୍ରୂକୁଟୀ ମଧ୍ୟୁ ପୁତ୍ର ଜାତଦିଶଇ ସୁନୀଳ-ଲୋହିତ

Couplet 22

ଦେବଙ୍କ ପୂର୍ବେ ଜାତ ସେହିକାନ୍ଦଇ ବ୍ରହ୍ମା ମୁଖ ଚାହିଁ

Couplet 23

ବୋଲଇ ଶୁଣ ବେଦବରମୋହର ନାମ ଆଗେ କର

Couplet 24

ନିର୍ଭୟ ସ୍ଥାନେ ସ୍ଥାପ ମୋତେଯେମନ୍ତେ ରହିବି ନିଶ୍ଚିନ୍ତେ

Couplet 25

ଶୁଣି ସାନନ୍ଦ ପ୍ରଜାପତିଚିନ୍ତିଲା ଯେବା ନାମ ସ୍ଥିତି

Couplet 26

ହେ ପୁତ୍ର ରୋଦନ ନ କରକରିବି ବଚନ ତୋହର

Couplet 27

ରୋଦନ କଲୁ ଆଗେ ଯେଣୁତୋ’ ନାମ ରୁଦ୍ର ହେଉ ତେଣୁ

Couplet 28

ଏମନ୍ତ କହି ତାର ଆଗେସ୍ଥାନ କଳ୍ପିଲା ଯଥାଭାଗେ

Couplet 29

ମନ ଇନ୍ଦ୍ରିୟ ପ୍ରାଣ ବ୍ୟୋମବାୟୁ ଅନଳ ଜଳସ୍ଥାନ

Couplet 30

ମହୀ ମିହିର ଚନ୍ଦ୍ର ତପଏମନ୍ତେ ଏକାଦଶ ରୂପ

Couplet 31

ଯେ ସ୍ଥାନେ ଯେ ନାମ ତୋହରହୋଇବ ଶୁଣ ହେ କୁମର

Couplet 32

ମନ ଉପରେ ମନ୍ୟୁ ନାମଇନ୍ଦ୍ରିୟ ପଦେ ମନୁ ଜାଣ

Couplet 33

ପ୍ରାଣରେ ବସେ ମହୀନସଆକାଶେ ମହାନ ପ୍ରକାଶ

Couplet 34

ପବନେ ଶିବରୂପ ବସେଅନଳେ ଋତଧ୍ୱଜ ମିଶେ

Couplet 35

ଉର୍ଦ୍ଧ୍ୱରେତସ ଜଳ ଯୋଗେଭବ ବସିବ ଭୂମିଭାଗେ

Couplet 36

ରବିର ସ୍ଥାନେ କଳାଭାବଚନ୍ଦ୍ରେ ବସିବ ବାମଦେବ

Couplet 37

ତପେ ବସିବ ଧୃତବ୍ରତଏମନ୍ତେ ଏକାଦଶ ମତ

Couplet 38

ତୁମ୍ଭର ପତ୍ନୀ ନାମ ଯେତେଶୁଣ କହିବା ତୋ ଅଗ୍ରତେ

Couplet 39

ଧୀ ବୃତ୍ତି ଉଶନା ଯେ ଉମାଅପରେ ଶୁଣ ଯେତେ ବାମା

Couplet 40

ନିୟତ୍ସର୍ପୀ ଇଳା ଅମ୍ବିକାଇରାବତୀ ଯେ ସୁଧା ଦୀକ୍ଷା

Couplet 41

ଏ କନ୍ୟା ରୁଦ୍ରାଣୀ ବୋଲାନ୍ତିଏହାଙ୍କ ତୁମ୍ଭେ ହୁଅ ପତି

Couplet 42

ଏ ଯେତେ ନାମ ଆଦି ସ୍ଥାନସ୍ତିରୀ ସହିତେ ତୁହି ଘେନ

Couplet 43

ଏହି ପ୍ରମାଣେ ସୃଷ୍ଟି କରହୁଅ ତୁ ପ୍ରଜାପତି-ବର

Couplet 44

ଏମନ୍ତେ ଗୁରୁ ଆଜ୍ଞା ପାଇନୀଳ ଲୋହିତ ତୋଷ ହୋଇ

Couplet 45

ସତ୍ତ୍ବ ଆକୃତି ଆତ୍ମସମନିର୍ମାଣ କଲା ପ୍ରଜାଗଣ

Couplet 46

ସେ ବ୍ରହ୍ମା ରୁଦ୍ର ସୃଷ୍ଟି ଚାହିଁସଂଶୟ ମନେ ବିଚାରଇ

Couplet 47

ଏ ସୃଷ୍ଟି ମହା ଭୟଙ୍କରଦେଖି କମ୍ପିଲା ଚିତ୍ତ ମୋର

Couplet 48

ବୋଲନ୍ତି ରୁଦ୍ର ମୁଖ ଚାହିଁଭୋ ପୁତ୍ର ଏଣେ କାର୍ଯ୍ୟନାହିଁ

Couplet 49

ଏ ସୃଷ୍ଟି ଦଶଦିଗ ତୁଲେମୋହର ମନେ ତାପ କଲେ

Couplet 50

ଏବେ ତୁ ତପ ସାଧ୍ୟକରସର୍ବଜୀବଙ୍କ ସୁଖଘର

Couplet 51

ତପର ବଳେ ଏ ଜଗତେପ୍ରଜା ତୁ କର ପୂର୍ବମତେ

Couplet 52

ତପେ ତୁ ବିଷ୍ଣୁଙ୍କୁ ପାଇବୁଯେ ଭାବେ ସର୍ବକାଳେ ଥିବୁ

Couplet 53

ଏମନ୍ତ ବ୍ରହ୍ମା-ଆଜ୍ଞା ପାଇନୀଳଲୋହିତ ତୋଷ ହୋଇ

Couplet 54

ବ୍ରହ୍ମାର ଚରଣେ ନମିଲାତପ ସାଧନେ ବନେ ଗଲା

Couplet 55

ରୁଦ୍ରଙ୍କୁ ତପେ ଆଜ୍ଞା ଦେଇସେ ବ୍ରହ୍ମା ମନେ ବିଚାରଇ

Couplet 56

ଏ ତ ଅସଂଖ୍ୟ ରୁଦ୍ରଗଣନୁହଁନ୍ତି ସୃଷ୍ଟିର କାରଣ

Couplet 57

ତାହାଙ୍କୁ ଶିବଲୋକେ ଥୋଇପୁଣି ସଂଶୟେ ବିଚାରଇ

Couplet 58

ଏବେ କି କରିବି ଉପାୟନ ପୁଣ କୋପେ ଦେବରାୟ

Couplet 59

ଏମନ୍ତେ ବିଷ୍ଣୁପାଦ ଚିନ୍ତିଧ୍ୟାନେ ବସିଲା ପ୍ରଜାପତି

Couplet 60

ତାର ଶରୀରୁ ଦଶସୁତତକ୍ଷଣେ ହୋଇଲେ ସମ୍ଭୂତ

Couplet 61

ଲୋକବର୍ଦ୍ଧନ ହେତୁ ଅର୍ଥେନମିଲେ ବ୍ରହ୍ମା-ପାଦଗତେ

Couplet 62

ମରୀଚି ଅତ୍ରି ଅଙ୍ଗିରସପୌଲସ୍ତ୍ୟ ପୁଲହ ପ୍ରକାଶ

Couplet 63

କ୍ରତୁ ବଶିଷ୍ଠ ଭୃଗୁ ଦକ୍ଷଦଶମେ ନାରଦ ପ୍ରତ୍ୟକ୍ଷ

Couplet 64

ଶୁଣ ବିଦୁର କହୁଁ ଭଲେଯେ ଅଙ୍ଗୁ ଯେବା ଉପୁଜିଲେ

Couplet 65

ନାରଦ ଉପୁଜିଲେ କୋଳୁଦକ୍ଷ ଦକ୍ଷିଣାଙ୍ଗୁଷ୍ଠ ମୂଳୁ

Couplet 66

ପ୍ରାଣୁ ବଶିଷ୍ଠମୁନି ଜାତଭୃଗୁ ଯେ ତ୍ୱକରୁ ସମ୍ଭୂତ

Couplet 67

କ୍ରତୁ ଉପୁଜେ ଭୁଜମୂଳୁପୁଲହ ନାଭିର ମଣ୍ତଳୁ

Couplet 68

ପୌଲସ୍ତ୍ୟ କର୍ଣ୍ଣମୂଳୁ ଜାତଅଙ୍ଗିରା ବଦନୁ ସମ୍ଭୂତ

Couplet 69

ଅତ୍ରି ଉପୁଜେ ଚକ୍ଷୁଯୁଗେମରୀଚି ମନର ସଂଯୋଗେ

Couplet 70

ଦକ୍ଷିଣସ୍ତନୁ ଧର୍ମ ଜାତଯେ ଧର୍ମ ଧରଇ ଜଗତ

Couplet 71

ଯେ ସ୍ଥାନେ ସ୍ୱୟଂ ନାରାୟଣଅଛନ୍ତି ସଦା ବିଦ୍ୟମାନ

Couplet 72

ଅଧର୍ମ ପୃଷ୍ଠଦେଶୁ ହୋଇମୃତ୍ୟୁ ଯହିଁରୁ ସଞ୍ଚରଇ

Couplet 73

କାମ ତା ହୃଦରୁ ସମ୍ଭୂତଭୂରୁ ମଣ୍ତଳୁ କ୍ରୋଧ ଜାତ

Couplet 74

ଲୋଭ ହୋଇଲା ଓଷ୍ଠଦେଶେବଚନ ବଦନୁ ପ୍ରକାଶେ

Couplet 75

ସପତସିନ୍ଧୁ ମେଢ୍ର ଦେଶୁମୃତ୍ୟୁ ଦେବତା ଗୁହ୍ୟଦେଶୁ

Couplet 76

କର୍ଦ୍ଦମ ଛାୟାରୁ ସମ୍ଭୂତିଯାହାର ପତ୍ନୀ ଦେବହୂତି

Couplet 77

ଏମନ୍ତେ ଅଶେଷ ଜଗତବ୍ରହ୍ମାର ମନ-ଦେହୁ ଜାତ

Couplet 78

ଯେ କନ୍ୟା ବଚନୁ ଜନ୍ମିଲାବ୍ରହ୍ମାର ମନ ସେ ମୋହିଲା

Couplet 79

ସକାମେ ବ୍ରହ୍ମା ତାର ହସ୍ତଧଇଲେ ରତିରଙ୍ଗ ଅର୍ଥ

Couplet 80

ଅଧର୍ମ ଦେଖି ବ୍ରହ୍ମା ଚିତ୍ତେପୁତ୍ରେ ମିଳିଲେ ତା ଅଗ୍ରତେ

Couplet 81

ମରୀଚି ଆଦି ଯେତେ ଭାଇବୋଲନ୍ତି ପିତା ମୁଖ ଚାହିଁ

Couplet 82

ଭୋ ତାତ ସ୍ଥିରକର ଚିତ୍ତଏ ତ ତୁମ୍ଭର ବିପରୀତ

Couplet 83

ଯେ କର୍ମ ପୂର୍ବାପରେ ନାହିଁଏବେ ସେ ସମ୍ଭବିବ କାହିଁ

Couplet 84

କାହିଁ ଦୁହିତା ରମେ ପିତାଏଣୁ ଆମ୍ଭର ମନେ ଚିନ୍ତା

Couplet 85

ପୂର୍ବେ ତେଜସ୍ୱୀ ଯେତେ ଥିଲେସତ୍ୟେ ସେ ଧର୍ମ ଆଚରିଲେ

Couplet 86

ସେ ନ କରନ୍ତି ଏଡ଼େ କର୍ମସ୍ୱଭାବେ ନୁହଁଇ ଏ ଧର୍ମ

Couplet 87

ଯେ ଧର୍ମ ଲୋକକ୍ଷେମ କରେଆନନ୍ଦେ ଆତ୍ମାକୁ ଉଦ୍ଧାରେ

Couplet 88

ଏଣୁ ସେ ବିଷ୍ଣୁସମ ନରଆମ୍ଭର ତାଙ୍କୁ ନମସ୍କାର

Couplet 89

ତୁ ଦେବ ଆତ୍ମାକୁ ସୁମରଅଧର୍ମୁ ମନ ସ୍ଥିରକର

Couplet 90

ଭୋ ତାତ ଧର୍ମେ କର ଚିତ୍ତଅଧର୍ମେ ନ ବୁଡୁ ଜଗତ

Couplet 91

ତୁ ଏବେ ପାପ ଆଚରିଲେସଂସାରେ ଥିବ କେବା ଭଲେ

Couplet 92

ଅନ୍ୟେ ତୋ କର୍ମ ଅନୁସାରେକୁଶଳୀ ହୋଇବେ ସଂସାରେ

Couplet 93

ଏମନ୍ତେ ଶିରେ କର ଦେଇପାଦେ ନମିଲେ ସର୍ବଭାଇ

Couplet 94

ଏମନ୍ତ ବ୍ରହ୍ମାଙ୍କୁ ଜଣାଇପୁଣି ବୋଲନ୍ତି ବିଷ୍ଣୁ ଚାହିଁ

Couplet 95

ହେ ବିଷ୍ଣୁ ଜଗତ-ଈଶ୍ୱରଆମ୍ଭର ତୋତେ ନମସ୍କାର

Couplet 96

ତୁ ଦେବ ଧର୍ମ ରକ୍ଷା କରଅଧର୍ମେ ନ ବୁଡୁ ପିଅର

Couplet 97

ଏମନ୍ତେ ପୁତ୍ରଙ୍କୁ ଅନାଇବ୍ରହ୍ମା ରହିଲେ ଲଜ୍ଜାପାଇ

Couplet 98

ତକ୍ଷଣେ ଛାଡ଼ି ତାର ହସ୍ତବିଷ୍ଣୁ ସୁମରେ ଚଉମାଥ

Couplet 99

ଅତି ଲଜ୍ଜିତ ଯେଣୁ ହେଲେଲୀଳାରେ ତନୁ ତ୍ୟାଗ କଲେ

Couplet 100

ସେ ବ୍ରହ୍ମା ଯେଣୁ ଲଜ୍ଜା କଲାତା ତନୁ ଅଷ୍ଟଦିଗେ ଗଲା

Couplet 101

ସେ ଘୋର-ଅନ୍ଧକାର ରେଖାନାମ ବହିଲା କୁଜ୍ଝଟିକା

Couplet 102

ଅଧର୍ମେ ଅନ୍ଧକାର ହୋଇସୂର୍ଯ୍ୟ ସମ୍ମୁଖେ ପ୍ରକାଶଇ

Couplet 103

ପୁଣି ଚଳଇ ଅଷ୍ଟଦିଶେସଞ୍ଚରେ ସମ୍ଭବି ଆକାଶେ

Couplet 104

ମେଘର ପ୍ରାୟେ ତାର ଦେହୀଶୁଣ ବିଦୁର ଏବେ କହି

Couplet 105

ଚିନ୍ତା ଆକୁଳେ ପ୍ରଜାପତିସୃଷ୍ଟି-ବିଷୟେ କଲା ମତି

Couplet 106

ଧ୍ୟାନ କରନ୍ତେ ମନେ ଖେଦମୁଖୁ ଜନ୍ମିଲେ ଚାରିବେଦ

Couplet 107

ଶବଦବ୍ରହ୍ମ ପରିମାଣେଧର୍ମ ଅଧର୍ମ ଯେ ବଖାଣେ

Couplet 108

ମନେ ବିଚାରେ ପଦ୍ମଯୋନିମୁଁ ଏବେ ବେଦତତ୍ତ୍ବ ଘେନି

Couplet 109

କରିବି ବିଷୟ-ଗୋଚରଯେମନ୍ତେ ପୂର୍ବେ ଏ ସଂସାର

Couplet 110

ବେଦବିଚାରେ ନାନାମତେକର୍ମ ବିସ୍ତାରି ଏ ଜଗତେ

Couplet 111

ଏ ଚାରିହୋତ୍ର କର୍ମତନ୍ତ୍ରଯେ ଉପବେଦ ନ୍ୟାୟଶାସ୍ତ୍ର

Couplet 112

ଏ ଭାବେ ଚାରିପାଦ-ଧର୍ମଆଶ୍ରମ ବୃତ୍ତି ଯଥାକ୍ରମ

Couplet 113

ଯେ ଯୁଗେ ପ୍ରସରିବ ଯେତେବ୍ରହ୍ମା ବିଚାରେ ଅନ୍ତର୍ଗତେ

Couplet 114

ମୈତ୍ରେୟ ମୁନି ପାଦେ ପଡ଼ିବିଦୁର ବୋଲେ କର ଯୋଡ଼ି

Couplet 115

ଭୋ ମୁନି କହିବା ପ୍ରସନ୍ନେସନ୍ଦେହ ଅଛି ମୋର ମନେ

Couplet 116

ସେ ବିଶ୍ୱ ସର୍ଜନ-ଈଶ୍ୱରଅଶେଷ ଶକ୍ତି ଶ୍ରୁତିଧର

Couplet 117

ଯେ ମୁଖେ ଯେ ବେଦ ସର୍ଜିଲେଯହୁଁ ଯେ ଧର୍ମ ପ୍ରକାଶିଲେ

Couplet 118

ସେ କଥା କହ ମୁନି ମୋତେସଂଶୟ ନ ରହୁ ମୋ ଚିତ୍ତେ

Couplet 119

ବିଦୁର-ବାକ୍ୟ ଶୁଣି କର୍ଣ୍ଣେମୈତ୍ରେୟ କହନ୍ତି ପ୍ରସନ୍ନେ

Couplet 120

ଶୁଣ ହୋ ବିଧାତାର ଲୀଳାଯେ ମୁଖୁ ଯେ ବେଦ ସର୍ଜିଲା

Couplet 121

ଋଗ୍ ବେଦ ପୂର୍ବମୁଖୁ କଲାଦକ୍ଷିଣେ ଯଜୁଃ ପ୍ରକାଶିଲା

Couplet 122

ସାମ ପଶ୍ଚିମମୁଖୁ ଜାତଅଥର୍ବ ଉତ୍ତରୁ ସମ୍ଭୂତ

Couplet 123

ବେଦାଦିଶାସ୍ତ୍ର ସ୍ମୃତି ସ୍ତୋତ୍ରଯଜ୍ଞାଦିକୃତ ଅଗ୍ନିହୋତ୍ର

Couplet 124

ଦେବଙ୍କ ମନ୍ତ୍ର ସ୍ତୁତି ଯେତେପୂର୍ବାଦି ଯଥାକ୍ରମ ମତେ

Couplet 125

ଆୟୁର୍ବେଦ ଯେ ଧନୁର୍ବେଦଗାନ୍ଧର୍ବବେଦ ଶିଳ୍ପବେଦ

Couplet 126

ଏ ଆଦି ଉପବେଦ ଯେତେପୂର୍ବାଦିମୁଖୁ କ୍ରମାଗତେ

Couplet 127

ପଞ୍ଚମ ବେଦ ଇତିହାସସକଳ ବଦନୁ ପ୍ରକାଶ

Couplet 128

ଷୋଡ଼ଶୀ ଛନ୍ଦ ପୂର୍ବମୁଖେପୁରିଷୀ ଅଗ୍ନିଷ୍ଫୁତ ଦକ୍ଷେ

Couplet 129

ଆପ୍ତ ଉର୍ଯ୍ୟାମ ଅତିରାତ୍ରଗୋସବ ବାଜପେୟ ଜାତ

Couplet 130

ଧର୍ମାଚରଣ ଚାରିବେଦେବ୍ରହ୍ମା କଳ୍ପିଲା ଜ୍ଞାନଭେଦେ

Couplet 131

ଯେ ବିଦ୍ୟା ଦାନ ତପ ସତ୍ୟଏ ଧର୍ମ ଚତୁଷ୍ପାଦ ମତ

Couplet 132

ଚତୁରାଶ୍ରମ ବୃତ୍ତିଭାବେଯେ ଧର୍ମେ ଯେବା ନିସ୍ତରିବେ

Couplet 133

ସାବିତ୍ରୀ ପ୍ରାଜାପତ୍ୟ ବ୍ରାହ୍ମବୃହତ ଆଦି ଚାରିକର୍ମ

Couplet 134

କୃଷି ଯାଜନ ଯେ ଶାଳୀନଶୀଳୋଞ୍ଛବୃତ୍ତି ଆଦି ଧର୍ମ

Couplet 135

ବୈଖାନ ବାଳଖିଲ୍ୟା ଦୀକ୍ଷାଉଡୁମ୍ବର ଫେନପା ଶିକ୍ଷା

Couplet 136

ସନ୍ନ୍ୟାସେ କୁଟୀଚକ୍ର ଆଦିଆଶ୍ରମ ଧର୍ମ ଯେଣେ ସାଧି

Couplet 137

ଅପର ଆନ୍ୱିକ୍ଷିକୀ ତ୍ରୟୀବାର୍ତ୍ତା ଦଣ୍ତନୀତି ଯେ ହୋଇ

Couplet 138

ବ୍ୟାହୃତି ସୃଷ୍ଟି ଏହିମତେପ୍ରଣବ ଜନ୍ମ ହୃଦଗତେ

Couplet 139

ଗାୟତ୍ରୀ ଆଦି ସପ୍ତଛନ୍ଦମନ୍ତ୍ରଦେବତା ଅନୁବନ୍ଧ

Couplet 140

ଉଷ୍ଣକଛନ୍ଦ ଲୋମୁ ଜାତଗାୟତ୍ରୀ ଚର୍ମୁ ଉଦଭୁତ

Couplet 141

ମାଂସୁ ଉପୁଜେ ତ୍ରିଷ୍ଟୁପ୍ ଛନ୍ଦସ୍ନାୟୁରୁ ଅନୁଷ୍ଠୁପ ଛନ୍ଦ

Couplet 142

ଜଗତି ଅସ୍ଥିଦେଶୁ ହୁଏମଜ୍ଜାରେ ପଙ୍କ୍ତି ଛନ୍ଦ ରହେ

Couplet 143

ବୃହତୀଛନ୍ଦ ଦଶପ୍ରାଣଜୀବ ତାହାର ସ୍ପର୍ଶ ବର୍ଣ୍ଣ

Couplet 144

ସ୍ୱର ବ୍ରହ୍ମା-ଶରୀରୁ ଜାତଉଷ୍ମାଣ ଇନ୍ଦ୍ରିୟ ସମ୍ଭୂତ

Couplet 145

ଅନ୍ତ୍ୟସ୍ଥବର୍ଣ୍ଣ ବଳେ ବସେଯେ ବଳେ ଶରୀର ପ୍ରକାଶେ

Couplet 146

ବ୍ରହ୍ମ-ବିହାର ସପ୍ତସ୍ୱରସୁଚିତ୍ତେ ଶୁଣ ହେ ବିଦୁର

Couplet 147

ଶବଦବ୍ରହ୍ମ ତା ଶରୀରସ୍ୱଭାବେ ବ୍ୟକ୍ତାବ୍ୟକ୍ତ ପର

Couplet 148

ଏଣୁ ସଂସାର ବ୍ରହ୍ମମୟେଯେ ବ୍ରହ୍ମ ନାନା-ଶକ୍ତିବହେ

Couplet 149

ଏମନ୍ତେ ଶବ୍ଦବ୍ରହ୍ମ କରିଅପର ସୃଷ୍ଟି ମନେ ସ୍ମରି

Couplet 150

ଯେ ଋଷି ସୃଷ୍ଟି ପୂର୍ବେ କଲାତାଙ୍କ ବିସ୍ତାର ନ ଦେଖିଲା

Couplet 151

ସ୍ୱଭାବେ ତେଜୋବନ୍ତ ହୋନ୍ତିପ୍ରଜା ସୃଜନ ନ କରନ୍ତି

Couplet 152

ଏମନ୍ତ ବିଚାରି ବିଧାତାମନେ ପାଇଲା ଗୁରୁଚିନ୍ତା

Couplet 153

ଦେଖ ମୋହର କର୍ମ ମନ୍ଦମୁଁ ଯେ ସୃଜିଲି ଋଷିବୃନ୍ଦ

Couplet 154

କେହି ନୋହିଲେ ସୃଷ୍ଟିଯୋଗ୍ୟେସର୍ବେ ପଶିଲେ ତପଯୋଗେ

Couplet 155

ଏଥିରେ ଦୈବ ପ୍ରତିକୂଳଏଣୁ ମୋ ମାନସ ଆକୁଳ

Couplet 156

ଏମନ୍ତେ ମନେ କରି ଚିନ୍ତାମଉନେ ବସିଲା ବିଧାତା

Couplet 157

ତକ୍ଷଣେ ବ୍ରହ୍ମା ନିଜ ପିଣ୍ତତାପେ ହୋଇଲା ବେନିଖଣ୍ତ

Couplet 158

ସେ ବେନିଖଣ୍ତ ବ୍ରହ୍ମା ଦେହେନାରୀ ପୁରୁଷ ବେନି ହୁଏ

Couplet 159

ପୁରୁଷଖଣ୍ତ ତାହା ତନୁସେ ହେଲା ସ୍ୱୟମ୍ଭୁବ ମନୁ

Couplet 160

ସଂସାରେ ରାଜା ସେ ବୋଲାଇଶୁଣ ବିଦୁର ଏବେ କହି

Couplet 161

ଅପରଖଣ୍ତ ନାରୀ ଜନ୍ମହୋଇଲା ଶତରୂପା ନାମ

Couplet 162

ମନୁର ପତ୍ନୀ ସେ ହୋଇଲାମୈଥୁନେ ସୃଷ୍ଟି ଉପୁଜିଲା

Couplet 163

ପଞ୍ଚସନ୍ତତି ତାର ତହୁଁହୋଇଲେ ଶୁଣ ନାମ କହୁ

Couplet 164

ଉତ୍ତାନପାଦ ପ୍ରିୟବ୍ରତଆଗେ ହୋଇଲେ ବେନିସୁତ

Couplet 165

ଅପରେ ଜାତ ବେନି କନ୍ୟାଜଗନ୍ମୋହିନୀ ଅନୁପମା

Couplet 166

ଆକୂତି ଦେବହୂତି ବେନିପ୍ରସୂତି ନାମେ କନ୍ୟା ତିନି

Couplet 167

ସେ ମନୁ କନ୍ୟାଦାନ କଲାଆକୂତି ଋଚିବିପ୍ରେ ଦେଲା

Couplet 168

ମଧ୍ୟମା ଦେବହୂତି ନାମବିବାହ କଲେ ତା କର୍ଦ୍ଦମ

Couplet 169

ତୃତୀୟା ନାମ ଯେ ପ୍ରସୂତିତାହାକୁ ଦକ୍ଷ ପ୍ରଜାପତି

Couplet 170

ତାହାଙ୍କ ଗର୍ଭୁ ନାନାମତେସନ୍ତତି ପୂରିଲେ ଜଗତେ

Couplet 171

ଏମନ୍ତ ଭାଗବତ ବାଣୀମୈତ୍ରେୟ ବିଦୁରେ ବଖାଣି

Couplet 172

ଶୁଣ ସୁଜନେ ଶୁଦ୍ଧଚିତ୍ତେତୃତୀୟସ୍କନ୍ଧ ଭାଗବତେ

Couplet 173

ମୈତ୍ରେୟ ବିଦୁର ସମ୍ବାଦଶୁଣନ୍ତେ ନ ଲାଗେ ପ୍ରମାଦ

Couplet 174

ଏଣେ ହରିଙ୍କି କରି ଲୟେବ୍ରାହ୍ମଣ ଜଗନ୍ନାଥ କହେ