Adhyaya 9

Couplet 1

ଶୁକ କହନ୍ତି ରାଜା ଆଗେତାର ପ୍ରଶନେ ଅନୁରାଗେ

Couplet 2

ଶୁଣ ନୃପତି ପୁଣ୍ୟଦେହାତୁ ମୋତେ ପଚାରିଲୁ ଯାହା

Couplet 3

ବିଷ୍ଣୁର କ୍ରୀଡ଼ା ମାୟାଗୁଣସୃଷ୍ଟି-ପାଳନ-ସଂହାରଣ

Couplet 4

ଆତ୍ମମାୟାରେ ସୃଷ୍ଟିକରେସେ ମାୟା କେବା କଳିପାରେ

Couplet 5

କରଇ ସକଳ ସମ୍ଭବସ୍ୱପ୍ନେ ଯେସନେ ଅନୁଭବ

Couplet 6

ଏହା ଈଶ୍ୱର-ମାୟା ବିନେନ ଘଟେ ତତ୍ତ୍ୱ ଅନୁମାନେ

Couplet 7

ଯେବେ ସେ ମାୟାରେ ମିଶଇଏକୁ ଅନେକ ପ୍ରକାଶଇ

Couplet 8

ସ୍ୱଭାବେ ମାୟା ବହୁରୂପୀରୂପ ପ୍ରକାଶେ ସର୍ବବ୍ୟାପୀ

Couplet 9

ସେ ରୂପେ ଥାଇ ସର୍ବଗୁଣେମୁହିଁ ମୋହର ପ୍ରାୟେ ମଣେ

Couplet 10

ଯେବେ ସେ ଭକ୍ତିଯୋଗ କରେତେବେ ମମତା ପରିହରେ

Couplet 11

ସତ୍ୟ ପ୍ରକାଶେ ଯେବେ ଦେହେନିଶ୍ଚିନ୍ତେ ଆତ୍ମାରୂପେ ରହେ

Couplet 12

କାଳ ମାୟାର ପରେ ରହିପର ଆପଣା ଭେଦ କାହିଁ

Couplet 13

ମାୟାକୁ ରମେ ସତ୍ୟ ପ୍ରାୟେସତ୍ୟ ଅସତ୍ୟେ ଭେଦ ନୋହେ

Couplet 14

ଆତ୍ମାର ତତ୍ତ୍ୱଶୁଦ୍ଧି ଅର୍ଥେକହିଲେ ବ୍ରହ୍ମାର ଅଗ୍ରତେ

Couplet 15

ଯେଣୁ ସେ ଘୋରତପ କରିଅନେକ କଷ୍ଟେ ପ୍ରାଣ ଧରି

Couplet 16

ତପେ ତୋଷିଲା ଭଗବାନତେଣୁ ପାଇଲା ଦରଶନ

Couplet 17

ନିର୍ମଳ ନିଷ୍କପଟ ଚିତ୍ତେଯେଣୁ ଚିନ୍ତିଲା ହୃଦଗତେ

Couplet 18

ଶୁଣ କହିବା ତୋ ଅଗ୍ରତେବ୍ରହ୍ମାଙ୍କୁ ଦିଶିଲା ଯେମନ୍ତେ

Couplet 19

ସେ ଆଦି-ଦେବଗଣ-ଗୁରୁଭକତ-ବାଞ୍ଛା-କଳ୍ପତରୁ

Couplet 20

ନିଜ ଭୁବନେ ସୁଖେ ଥିଲାଖେଳିବା ଅର୍ଥେ ବିଚାରିଲା

Couplet 21

ଆତ୍ମାରେ ଆତ୍ମା ମାୟାଗ୍ରସ୍ତପ୍ରପଞ୍ଚ ନିର୍ମାଣ ଯେମନ୍ତ

Couplet 22

ନାଭିରୁ ପଦ୍ମ କଲା ଜାତତହୁଁ ଜନ୍ମିଲା ଚତୁର୍ମାଥ

Couplet 23

ସେ ପୁଣି ଚିନ୍ତାଭରେ ରହିପର ଅପର ନ ଜାଣଇ

Couplet 24

ସୃଷ୍ଟି ବିଷୟ କି ପ୍ରକାରମନେ ଚିନ୍ତଇ ବେଦବର

Couplet 25

ଚିନ୍ତା ବିକଳେ ଭାବେ ମନେଶବଦ ଶୁଭିଲା ଗଗନେ

Couplet 26

ଜଳେ କମଳମଧ୍ୟେ ଥିଲାବେନି ଅକ୍ଷର ସେ ଶୁଣିଲା

Couplet 27

କ କାର ଆଦି ଯେ ଷୋଡ଼ଶେପଞ୍ଚ ମିଶ୍ରିତ ଏକବିଂଶେ

Couplet 28

ଶବଦେ ତପ ଉଚ୍ଚାରଣନିଷ୍କିଞ୍ଚନଙ୍କ ନିଜଧନ

Couplet 29

ସେ ବାଣୀ ଶୁଣି ବ୍ରହ୍ମା କର୍ଣ୍ଣେନିରୋପି ଚାହିଁଲା ଗଗନେ

Couplet 30

ଶୂନ୍ୟେ କି ସୁଧା ଉଛୁଳିଲାକିବା ଅମୃତ ବରଷିଲା

Couplet 31

ଦିଗ ସହିତେ ଅନାଇଲାକାହିଁ ସେ କିଛି ନ ଦେଖିଲା

Couplet 32

ସେ ପୁଣି ରହି ନିଜସ୍ଥାନେଆତ୍ମାର ହିତ ଚିନ୍ତି ମନେ

Couplet 33

ଜାଣିଲା ଏ ପରମତତ୍ତ୍ୱତପ ସାଧନେ ଦେଲା ଚିତ୍ତ

Couplet 34

ଏ ମୋର ହିତ ବୋଲି ଜାଣିନିଶ୍ଚଳ ମନେ କୁଶପାଣି

Couplet 35

ଅମୋଘ-ଦୃଷ୍ଟି ସେ ବିଧାତାତପେ ବଢ଼ିଲା ତାର ଚିନ୍ତା

Couplet 36

ଦେବବରଷେ ଦଶଶତତପେ ବସିଲା ଦୃଢ଼ ଚିତ୍ତ

Couplet 37

ମନ ପବନ କଲା ବନ୍ଦିଦଶଇନ୍ଦ୍ରିୟଗଣ ରୁନ୍ଧି

Couplet 38

ତପସ୍ୟା କଲା ଅତିରେକଯହୁଁ ପ୍ରକାଶ ସର୍ବଲୋକ

Couplet 39

ତପ ପ୍ରସାଦେ ନରହରିମିଳିଲେ ନିଜରୂପ ଧରି

Couplet 40

ସ୍ୱଲୋକ ସ୍ୱଗଣ ସହିତେଦିଶିଲେ ବ୍ରହ୍ମାର ଅଗ୍ରତେ

Couplet 41

ସେ ରୂପ ନ ଜାଣନ୍ତି କେହିମାୟା-ସଂସାରେ ଦେହ ବହି

Couplet 42

ବିଷ୍ଣୁ ପ୍ରସନ୍ନେ ପ୍ରଜାପତିଛାଡ଼ିଲା ମନୁ ଦୁଃଖ ଭ୍ରାନ୍ତି

Couplet 43

ଶୂନ୍ୟେ ବିଜୟେ ଶଙ୍ଖଧାରୀଅଶେଷ ଦେବେ ସ୍ତୁତି କରି

Couplet 44

ଯାର ଶରୀରେ ରଜ-ତମେପଶି ନ ପାରନ୍ତି ସଂଭ୍ରମେ

Couplet 45

ଯେ ଅବା କାଳର ବିକ୍ରମସେ ବା ହୋଇବ କାହିଁ କ୍ଷମ

Couplet 46

ମାୟା ନ ପାରେ ପଶି ଯହିଁରାଗ-ଲୋଭାଦି ଭେଦ କାହିଁ

Couplet 47

ବିମାନ ମଧ୍ୟେ ନାରାୟଣବେଷ୍ଟିତ ପାରିଷଦଗଣ

Couplet 48

ସର୍ବେ ଦିଶନ୍ତି ବିଷ୍ଣୁତେଜସ୍ୱଭାବେ ଚାରି ଚାରି ଭୁଜ

Couplet 49

ଶ୍ୟାମସୁନ୍ଦର ତନୁ ବର୍ଣ୍ଣଅରୁଣ-ପଙ୍କଜ-ଲୋଚନ

Couplet 50

ପୀତବସନ ପରିଧାନସୁରୁଚି ସୁନ୍ଦର ବଦନ

Couplet 51

ମଣି ପଦକ କଣ୍ଠ ଦେଶେକାମ-ଗଞ୍ଜନ ନିଜ ବେଶେ

Couplet 52

ପ୍ରବାଳ ବଇଦୁର୍ଯ୍ୟ କାନ୍ତିମୃଣାଳ ପ୍ରାୟ ଝଟକନ୍ତି

Couplet 53

କିରୀଟ ଖଞ୍ଜିତ କପୋଳଶ୍ରବଣେ ମକର-କୁଣ୍ତଳ

Couplet 54

ତେଜେ ବିରାଜେ ନଭସ୍ଥଳୀବିମାନ ପରେ ସର୍ବେ ମିଳି

Couplet 55

ଦିବ୍ୟ କାମିନୀଗଣ ସଙ୍ଗେବିଜୁଳି ଯେହ୍ନେ କଳାମେଘେ

Couplet 56

ଅଷ୍ଟବିଭୂତି ସଙ୍ଗ ମେଳେକମଳା ସେବେ ପାଦ ତଳେ

Couplet 57

ଦିବ୍ୟ ଦୋଳିକା ମଧ୍ୟେ ନାରୀପୁଷ୍ପ ବରଷି ସ୍ତୁତି କରି

Couplet 58

ହରିର ପ୍ରିୟ କର୍ମମାନଭ୍ରମରେ କରନ୍ତି ଗାୟନ

Couplet 59

ଏମନ୍ତେ ବିଷ୍ଣୁ ନଭସ୍ଥଳେବ୍ରହ୍ମା ଦେଖିଲେ ନିଜ ଡୋଳେ

Couplet 60

ଯାହାର ନାମ ଶିରୀପତିଭକତଜନଙ୍କର ପତି

Couplet 61

କମଳାପତି ଯଜ୍ଞପତିଜଗତପତି ସର୍ବଗତି

Couplet 62

ସୁନନ୍ଦ-ନନ୍ଦ ଆଦି ଯେତେପୂଜା ଉଚିତ ବଳି ହସ୍ତେ

Couplet 63

ପୂଜନ୍ତି କିଙ୍କର ସ୍ୱଭାବେମିଳି ସଂଭ୍ରମେ ସର୍ବଦେବେ

Couplet 64

ଭୃତ୍ୟଙ୍କୁ ପ୍ରସନ୍ନ-ବଦନଅରୁଣ-ପଙ୍କଜ-ଲୋଚନ

Couplet 65

କିରୀଟ କୁଣ୍ତଳ ବିରାଜେପୀତବସନ କଟିମାଝେ

Couplet 66

ଶ୍ରୀବତ୍ସ› ଚିହ୍ନ ହୃଦେ ଶୋହେରୂପେ ଅଶେଷଜନ ମୋହେ

Couplet 67

ଅମୂଲ୍ୟ-ସିଂହାସନେ ସ୍ଥିତିବେଷ୍ଟିତ ପଞ୍ଚବିଂଶ-ଶକ୍ତି

Couplet 68

ସ୍ୱଭାବେ ଅଇଶ୍ୱର୍ଯ୍ୟମୟଇତରଜନେ ଅନିଶ୍ଚୟ

Couplet 69

ସ୍ୱଧାମେ ସ୍ୱରୂପେ ରମନ୍ତିଏଣୁ ସେ ଈଶ୍ୱର ବୋଲାନ୍ତି

Couplet 70

ଏମନ୍ତ ରୂପ ବ୍ରହ୍ମା ଦେଖିଉଠିଲେ ଆସନ ଉପେକ୍ଷି

Couplet 71

କୃଷ୍ଣ-ଦର୍ଶନ ଆହାଲାଦଅନ୍ତରେ ହୋଇ ଗଦଗଦ

Couplet 72

ଲୋମ ହରଷେ ତନୁ ପୂର୍ଣ୍ଣପ୍ରେମାଶ୍ରୁ ଗଳଇ ଲୋଚନ

Couplet 73

ଶ୍ରୀକୃଷ୍ଣ-ପାଦପଦ୍ମ ଚାହିଁନମିଲା ଶିରେ କର ଦେଇ

Couplet 74

ଆନନ୍ଦସାଗରେ ବୁଡ଼ିଲାଅଧିକେ ଆତ୍ମା ପାଶୋରିଲା

Couplet 75

ଅତି ଆନନ୍ଦେ ପ୍ରେମ ସୁଖେସେ ବ୍ରହ୍ମା ବିଷ୍ଣୁର ସମ୍ମୁଖେ

Couplet 76

ପ୍ରଜା-ସର୍ଜନେ ତାର ମନଜାଣିଲେ ପ୍ରଭୁ ଭଗବାନ

Couplet 77

ବ୍ରହ୍ମା-ବଦନ ହରି ଚାହିଁଈଷିତ-ହାସ୍ୟେ ବାକ୍ୟ କହି

Couplet 78

ଆତ୍ମାର ପ୍ରିୟ ପ୍ରାୟ କରିବ୍ରହ୍ମାର କର କରେ ଧରି

Couplet 79

ହେ ବେଦଗର୍ଭ ସୃଷ୍ଟିଅର୍ଥେତୁମ୍ଭେ ଯେ ତୋଷ କଲ ମୋତେ

Couplet 80

ଅତି ଦୁସ୍ତର ଘୋରତପେତେଣୁ ମୁଁ ତୋହର ସମୀପେ

Couplet 81

ସ୍ୱଭାବେ ଯୋଗୀଙ୍କୁ ଦୁର୍ଲଭତୋତେ ମୁଁ ହୋଇଲି ସୁଲଭ

Couplet 82

ସର୍ବମଙ୍ଗଳ ହେଉ ତୋରଦୃଢ଼ଚିତ୍ତରେ ମାଗ ବର

Couplet 83

ମୋହର ଦରଶନ ଯେବେପ୍ରାଣୀ ଲଭଇ ପୁଣ୍ୟଭାବେ

Couplet 84

ତାହାର ଶ୍ରେୟ ପରିଶ୍ରମଅନ୍ତରେ ହୋଏ ଆତ୍ମାରାମ

Couplet 85

ଗଗନେ ଶୁଣି ମୋ ବଚନତୁ ଯେ ତପରେ କଲୁ ମନ

Couplet 86

କର୍ମ ବିଭ୍ରମ ଦେଖି ତୋତେମୁଁ ଯେ ଡାକିଲି ଶୂନ୍ୟପଥେ

Couplet 87

ବୋଇଲି ଦୃଢ଼େ ତପ କରମୁଁ ତୋତେ ହୋଇବି ଗୋଚର

Couplet 88

ମୋର ହୃଦୟ ତପ ଜାଣତପ ମୋ ଆତ୍ମାଟି ପ୍ରମାଣ

Couplet 89

ତପେ ମୁଁ ସୃଷ୍ଟି କଲି ହେଳେଅନ୍ତେ ସଂହରେ ତପବଳେ

Couplet 90

ତପର ବଳେ ଏ ଜଗତମୁହିଁ ପାଳଇ ଅବିରତ

Couplet 91

ଏମନ୍ତେ ବିଷ୍ଣୁ ମୁଖୁ ଶୁଣିବିଧାତା କହେ ସ୍ତୁତିବାଣୀ

Couplet 92

ହେ ନାରାୟଣ ଭୂତେଶ୍ୱରପ୍ରାଣୀ ହୃଦୟେ ତୁମ୍ଭ ଘର

Couplet 93

ହୃଦୟପଦ୍ମ ମଧ୍ୟେ ଥାଉପ୍ରାଣୀଙ୍କି ଉପଦେଶ ଦେଉ

Couplet 94

ଏଣୁ ମୋହର ମନ ଜାଣିଯେ ଜ୍ଞାନ ଦେଲ ଚକ୍ରପାଣି

Couplet 95

ଅନାଥନାଥ ତୋ ମହିମାକେ ଜାଣିପାରେ ଗୁଣସୀମା

Couplet 96

ମୁଁ ତୋର ଚରଣେ କିଙ୍କରଏମନ୍ତ ଆଜ୍ଞା ମୋତେ କର

Couplet 97

ରୂପ ଅରୂପ ତୋର ଯେତେଏ ସୃଷ୍ଟି କରୁ ତୁ ଯେମନ୍ତେ

Couplet 98

ଯେ ମାୟାଯୋଗେ ସୃଷ୍ଟି କରୁନାନାପ୍ରକାରେ ଶକ୍ତି ଧରୁ

Couplet 99

ଏ ସୃଷ୍ଟି-ସ୍ଥିତି-ସଂହାରଣଯେମନ୍ତେ ହେଉ ତୁ କାରଣ

Couplet 100

ସ୍ୱତନ୍ତ୍ର-ସୂତ୍ରେ ଊର୍ଣ୍ଣନାଭିକ୍ରୀଡ଼ଇ ଯେହ୍ନେ ମନେ ଭାବି

Couplet 101

ତେମନ୍ତ ବୁଦ୍ଧି ଦିଅ ମୋତେଏ ସୃଷ୍ଟି କରଇ ଯେମନ୍ତେ

Couplet 102

ସୃଷ୍ଟି-ସଂକଳ୍ପେ ମୋର ଇଚ୍ଛାତୁ ନାଥ କହ ସୃଷ୍ଟି-ଦୀକ୍ଷା

Couplet 103

ତୁମ୍ଭର ଶିକ୍ଷା ଘେନି ଚିତ୍ତେସୃଷ୍ଟି କରିବି ଅବିରତେ

Couplet 104

ସୃଷ୍ଟି କରଣେ ଭଗବାନକେବେହେଁ ନାହିଁ ମୋର ଜ୍ଞାନ

Couplet 105

ତୋ ଅନୁଗ୍ରହ ଯେବେ ମୋତେତୁ ନାଥ ବସ ମୋର ଚିତ୍ତେ

Couplet 106

ହେ ହରି ସଖାପ୍ରାୟ କରିତୁ ଯେ ମୋହର କର ଧରି

Couplet 107

ସେ ଅହଂକାର ମୋର ମନେନୋହିବ ହେବ ତୋ ଅର୍ଚ୍ଚନେ

Couplet 108

ଯାବତ ପ୍ରଜାସର୍ଗେ ଜନକରିବି ଉତ୍ତମ ମଧ୍ୟମ

Couplet 109

ମୁଁ ଅଜ ସ୍ୱତନ୍ତ୍ର ମୋ ଭାବଏମନ୍ତ ନୋହିବ ମୋ ଗର୍ବ

Couplet 110

ଏମନ୍ତ ବ୍ରହ୍ମାର ବଚନଶୁଣି କହନ୍ତି ଭଗବାନ

Couplet 111

ଶୁଣ ବିଧାତା ମୋ ବଚନଯେଣେ ଲଭିବୁ ସୃଷ୍ଟି-ଜ୍ଞାନ

Couplet 112

ଯେ ଭକ୍ତିଯୋଗ ମୋ ସମ୍ମତଅଟଇ ଅତ୍ୟନ୍ତ ଗୁପତ

Couplet 113

ସୃଷ୍ଟି ସର୍ଜନା ଅଙ୍ଗ ଯେତେହରଷେ କହୁଁ ତୋ ଅଗ୍ରତେ

Couplet 114

ଯେମନ୍ତ ସ୍ୱରୂପ ମୋ ହୋଇସ୍ୱଭାବେ ରୂପ ଗୁଣ ଯେହି

Couplet 115

ଯେ କର୍ମମାନ ମୁହିଁ ବହେସେ ତତ୍ତ୍ୱବିଜ୍ଞାନ ତୋ ଦେହେ

Couplet 116

ପ୍ରସରୁ ମୋର ଅନୁଗ୍ରହେଜଗତ ଯେହ୍ନେ ମୋର ଦେହେ

Couplet 117

ସୃଷ୍ଟିର ଅଗ୍ରେ ମୁହିଁ ଏକମୋ ତହୁଁ ପ୍ରସରେ ଅନେକ

Couplet 118

ସତ ଅସତ ପର ମୁହିଁଯେ ଅବଶେଷ ଶେଷ ରହି

Couplet 119

ଏଣୁ ଏ ଆଦି ମଧ୍ୟ ଅନ୍ତେମୋ ତହୁଁ ଅନ୍ୟ କେ ଜଗତେ

Couplet 120

ଅର୍ଥକୁ ଛାଡ଼ି ଯାର ବଶେପ୍ରତୀତ ହୁଅଇ ଆଭାସେ

Couplet 121

ମାୟା ପ୍ରକାଶେ ସେ ପ୍ରମାଣେଗଗନେ ଯେହ୍ନେ ଜ୍ୟୋତିର୍ଗଣେ

Couplet 122

ଯେମନ୍ତେ ସ୍ଥୂଳ ସୂକ୍ଷ୍ମ ଭୂତେପ୍ରବେଶ ପଞ୍ଚ-ମହାଭୂତେ

Couplet 123

ଛାଡ଼ି ପଶନ୍ତି ପୁଣ ପୁଣମୁଁ ମାୟା ଶରୀରେ ତେସନ

Couplet 124

ଆତ୍ମା ସର୍ବଦା ସର୍ବଠାବେଅନ୍ୱୟ-ବ୍ୟତିରେକ ଭାବେ

Couplet 125

ଏହା ଜାଣନ୍ତି ତତ୍ତ୍ୱଜ୍ଞାନୀମାୟାସଂସାରେ ଅନୁମାନି

Couplet 126

ତୋର ପ୍ରସ୍ତାବେ ପ୍ରଜାପତିକହିଲି ସୃଷ୍ଟି ଯଥାଗତି

Couplet 127

ଯେଝା ବିଚାର ଅନୁମାନେଯେ ସର୍ବକାଳ ବିଦ୍ୟମାନେ

Couplet 128

ଏ ମୋର ତତ୍ତ୍ୱଜ୍ଞାନ ବଳେଧର ତୁ ସମାଧି ନିଶ୍ଚଳେ

Couplet 129

କଳ୍ପ ବିକଳ୍ପେ ତୋର ଚିତ୍କେବେହେଁ ନୋହୁ ବିମୋହିତ

Couplet 130

ଏ ରୂପେ ପ୍ରଭୁ ଭାବଗ୍ରାହୀବ୍ରହ୍ମାକୁ ସୃଷ୍ଟିତତ୍ତ୍ୱ କହି

Couplet 131

ତକ୍ଷଣେ ବ୍ରହ୍ମାର ଅଗ୍ରତେଗୋବିନ୍ଦ ଗଲେ ଶୂନ୍ୟପଥେ

Couplet 132

କୃଷ୍ଣ ନ ଦେଖି ପ୍ରଜାପତିଅନେକମତେ କଲା ସ୍ତୁତି

Couplet 133

କରଅଞ୍ଜଳି ଶିରେ ଦେଇଅନେକଭାବେ ଭାବ ବହି

Couplet 134

ବିଶ୍ୱ ସର୍ଜିଲା ବିଷ୍ଣୁ ତେଜେପୂର୍ବର ପ୍ରାୟ ନାନା ବୀର୍ଯ୍ୟେ

Couplet 135

ସେ ପ୍ରଜାପତି ଧର୍ମପତିଯମ ନିୟମେ ଦେଲା ମତି

Couplet 136

ପ୍ରଜା କଲ୍ୟାଣ ଚିନ୍ତାକରିଆତ୍ମାର ହିତ ମନେ ଧରି

Couplet 137

ବ୍ରହ୍ମାର ସମାଧି ନିଶ୍ଚଳଦେଖି ନାରଦ ମୁନିବର

Couplet 138

ପୁତ୍ରଙ୍କ ମଧ୍ୟେ ପ୍ରିୟତମବିନୟେ ସେବାରେ ସେ ପୁଣ

Couplet 139

ବ୍ରହ୍ମାର ମନ ତୋଷ କଲେବିଷ୍ଣୁର ମାୟା ଜାଣିବାରେ

Couplet 140

ପିତାର ମନ ତୋଷ ଜାଣିବିନୟଭାବେ ମୁନିମଣି

Couplet 141

ପୁଚ୍ଛିଲେ ପିତାର ଅଗ୍ରତେତୁ ଯାହା ପଚାରିଲୁ ମୋତେ

Couplet 142

ନାରଦ ବାକ୍ୟେ ବେଦବରହରି-ମହିମା ଅଗୋଚର

Couplet 143

ଯେତେ କହିଲେ ସୃଷ୍ଟି ଅର୍ଥେମାୟାର ମହିମା ଯେମନ୍ତେ

Couplet 144

ଜାଣିବା ଅର୍ଥେ ମହାମୁନିକହି ବିଧାତା ହେଲେ ତୁନି

Couplet 145

ବ୍ରହ୍ମା-ନାରଦ ପ୍ରଶ୍ନ ଯେତେକହିଲି ତୋହର ଅଗ୍ରତେ

Couplet 146

ରାଜନ ସାବଧାନେ ଶୁଣଏ ଭାଗବତର ପ୍ରମାଣ

Couplet 147

ଦଶଲକ୍ଷଣେ ଏହା ଜାଣିଯେବା କହିଲେ ପରିମାଣି

Couplet 148

ଏ କଥା ସରସ୍ୱତୀତଟେନାରଦ ବ୍ୟାସଙ୍କ ନିକଟେ

Couplet 149

ଏବେ ମୁଁ ତୋହର ଅଗ୍ରତେକହିଲି ପଚାରିଲୁ ଯେତେ

Couplet 150

ଏମନ୍ତେ ପରୀକ୍ଷିତ ମେଳେଶୁକ କହିଲେ ଗଙ୍ଗାକୂଳେ

Couplet 151

ଦଶଲକ୍ଷଣେ ଭାଗବତକହଇ ଦାସ ଜଗନ୍ନାଥ