Skandha 2
Adhyaya 10
Couplet 1
ମୁନି କହନ୍ତି ରାୟେ ଶୁଣଏ ଭାଗବତର ଲକ୍ଷଣ
Couplet 2
ଦଶପ୍ରକାରେ ଭାବ ଚିନ୍ତିପୁରାଣ-ପୁରୁଷେ ବୋଲାନ୍ତି
Couplet 3
ତାହା କହିବା ଏକେ ଏକେପ୍ରସ୍ତାବେ ତୋହର ସମ୍ମୁଖେ
Couplet 4
ସର୍ଗ ବିସର୍ଗ ଯେବା ସ୍ଥାନପୋଷଣ ଉତି ପରିମାଣ
Couplet 5
ଯେ ମନ୍ୱନ୍ତର ଈଶକଥାନିରୋଧ ମୁକ୍ତିର ବ୍ୟବସ୍ଥା
Couplet 6
ଆଶ୍ରୟ ମିଶି ଦଶଗୁଣଏ ଭାଗବତର ଲକ୍ଷଣ
Couplet 7
ଦଶ ବିଶୁଦ୍ଧ ଅର୍ଥେ ରହେନବ ଲକ୍ଷଣ ଯେବା ହୋଏ
Couplet 8
ବେଦ ବିଚାରି ମହାଜନେତତ୍ତ୍ୱ କହନ୍ତି ଅନୁମାନେ
Couplet 9
ଦଶଇନ୍ଦ୍ରିୟ ପଞ୍ଚମାତ୍ରମହତ ତୁଲେ ପଞ୍ଚଭୂତ
Couplet 10
ତାହାଙ୍କ ଜନ୍ମ ସର୍ଗ କହିବିସର୍ଗ ଶୁଣ ଚିତ୍ତ ଦେଇ
Couplet 11
ବିରାଟ-ପୁରୁଷର ଦେହେବ୍ରହ୍ମା ସର୍ଜନା ଯେତେ ହୋଏ
Couplet 12
ପୌରୁଷ ଚରାଚର ଯେତେବିସର୍ଗ ବୋଲନ୍ତିଟି ଏତେ
Couplet 13
ବିଷ୍ଣୁ ବିଜୟ ସ୍ଥିତି ନାମଭକ୍ତାନୁଗ୍ରହ ଯେ ପୋଷଣ
Couplet 14
ମନ୍ୱନ୍ତର ଯେ ମନୁ ଧର୍ମକର୍ମବାସନା ଉତି ନାମ
Couplet 15
ବିଷ୍ଣୁ ଅବତାର ଚରିତତାର ଭକ୍ତଙ୍କ ଯେ ଭକତ
Couplet 16
କୃଷ୍ଣର କଥା ଅନୁବାଦେଉତ୍ତମ ପୁରୁଷଙ୍କ ମଧ୍ୟେ
Couplet 17
ଈଶାନୁକଥା ଏହା କହିଅପରେ ଶୁଣ ମନ ଦେଇ
Couplet 18
ସଂହରି ଆତ୍ମାର ଶକତିଜଳେ ଶୟନ ଯୋଗପତି
Couplet 19
ନିରୋଧ ବୋଲି ତାର ନାମନିଜ ସ୍ୱଭାବେ ପୂର୍ଣ୍ଣକାମ
Couplet 20
ମୁକ୍ତି ସ୍ୱରୂପେ ବ୍ୟବସ୍ଥିତିଯହିଁ ନ ଘଟେ ପୁନର୍ଗତି
Couplet 21
ଆଭାସ ନିରୋଧ ଏ ଦୁଇଯାଠାରୁ ପ୍ରକାଶ ହୁଅଇ
Couplet 22
ଆଶ୍ରୟ ନାମ ସେ ବୋଲାଇପରମ ବ୍ରହ୍ମ ଯାକୁ କହି
Couplet 23
ସେ ପରମାତ୍ମା ନରହରିଅଂଶେ ଅଶେଷଘଟେ ପୂରି
Couplet 24
ତାର ସକାଶୁ ଜୀବ ଏକତେଣୁ ବୋଲାଇ ଆଧ୍ୟାତ୍ମିକ
Couplet 25
ସେ ଅଧିଦେବତା ବୋଲାଇଅଧିଭୂତଙ୍କ ଆତ୍ମା ସେହି
Couplet 26
ଯେ ବେନି ବିଚ୍ଛେଦ କରଇତାହାକୁ ଅଧିଭୂତ କହି
Couplet 27
ଅଭାବେ ଏକ ଏକତରଯଦି ନ ଲକ୍ଷେ ପରସ୍ପର
Couplet 28
ତେବେ ଏ ନୁହଁଇ ସଂସାରଯେମନ୍ତେ ଚକ୍ଷୁ ଦିନକର
Couplet 29
ତୃତୀୟେ ସାକ୍ଷୀରୂପ ହୋଇଯେ ଦେଖେ ପରଆତ୍ମା ସେହି
Couplet 30
ଅନ୍ୟ ଆଶ୍ରୟ ସେ ହୁଅଇତାର ଆଶ୍ରୟ ଅଟେ ସେହି
Couplet 31
ସର୍ବଆଶ୍ରୟ ତାର ନାମପରମ ପୁରୁଷ ଉତ୍ତମ
Couplet 32
ସେ ଯେଉଁ କାଳେ ଅଣ୍ତଭେଦିବାହାର ହେଲା ଗୁଣନିଧି
Couplet 33
ଆତ୍ମାର ସ୍ଥାନ ଇଚ୍ଛା କରିସ୍ୱଭାବେ ଜଳସୃଷ୍ଟି କରି
Couplet 34
ସେ ଜଳ ମଧ୍ୟେ ମାୟାଧରବଞ୍ଚିଲା ସହସ୍ରବତ୍ସର
Couplet 35
ଜଳର ନାରା ବୋଲି ନାମତେଣୁ ତା ନାମ ନାରାୟଣ
Couplet 36
ଯେ ଦ୍ରବ୍ୟ ଗୁଣ କର୍ମ କାଳସ୍ୱଭାବେ ଜୀବ ଏକମେଳ
Couplet 37
ଯା ଅନୁଗ୍ରହେ ଉପୁଜନ୍ତିଯାର ନିଗ୍ରହେ ଲୀନ ହୋନ୍ତି
Couplet 38
ଯେ ଯୋଗମାୟା ବଳେ ଉଠିଅଂଶେ କଳ୍ପଇ ନାନାସୃଷ୍ଟି
Couplet 39
ସୁବର୍ଣ୍ଣମୟ ତା ଶରୀରସର୍ଜିଲା ତ୍ରିବିଧ ପ୍ରକାର
Couplet 40
ଆଧିଦୈବତ ଆଧ୍ୟାତ୍ମିକଆବର ଆଧିଭଉତିକ
Couplet 41
ଗୁଣ ପୌରୁଷ ବୀର୍ଯ୍ୟବଳେଯଥା ତ୍ରିବିଧି ଭେଦ ହେଲେ
Couplet 42
ଅନ୍ତଃଶରୀର ଆକାଶରୁପରମପୁରୁଷ ଚେଷ୍ଟାରୁ
Couplet 43
ସ୍ୱଭାବେ ଓଜ-ସହ-ବଳଜାତ ହୋଇଲେ ଅନର୍ଗଳ
Couplet 44
ଏ ତିନିଭାବୁ ପ୍ରାଣ ଜାତଦଶପ୍ରାଣଙ୍କ ମୂଳନାଥ
Couplet 45
ତାହାର ବଳେ ପ୍ରାଣ ଚଳେଇନ୍ଦ୍ରିୟ ଚେଷ୍ଟାକୁ ସେ କରେ
Couplet 46
ଜ୍ଞାନ ଅଜ୍ଞାନ ଏହିମତେଅଶେଷଜନ ଅନ୍ତର୍ଗତେ
Couplet 47
ରାଜାକୁ ଯେହ୍ନେ ଆଶ୍ରେ କରିସେବକେ ପଥ ଅନୁସରି
Couplet 48
ମୂଳକମଳୁ ଏହି ମତେସଞ୍ରୁ ବ୍ରହ୍ମରନ୍ଧ୍ରପଥେ
Couplet 49
ପ୍ରାଣର ଆତଯାତ ଶ୍ରମେଉପୁଜେ କ୍ଷୁଧାତୃଷା ସମେ
Couplet 50
କ୍ଷୁଧାତୃଷାର ମାର୍ଗ ସୁଖଅର୍ଥେ ସୃଜିଲା ଅଗ୍ରେ ମୁଖ
Couplet 51
ମୁଖର ମୂଳେ ତାଳୁ ଜାତସଂଯୋଗେ ରସନା ସମ୍ଭୂତ
Couplet 52
ତାର ସଂଯୋଗେ ନାନାରସେବସନ୍ତି ବରୁଣ ବିଶ୍ୱାସେ
Couplet 53
ଶବଦ ଅର୍ଥେ ମୁଖଦ୍ୱାରେଅଗ୍ନିଦେବତା ବାକ୍ୟ ଧରେ
Couplet 54
ସୁଚିରକାଳ ଥାଇ ଜଳେନାସାବିମ୍ବର ବାୟୁବଳେ
Couplet 55
ଆଘ୍ରାଣ ଅର୍ଥେ ଉପୁଜିଲେତକ୍ଷଣେ ଗନ୍ଧବହ ତୁଲେ
Couplet 56
ଆତ୍ମାର ଦେଖି ଅନ୍ଧକାରବ୍ରହ୍ମା ସୃଜିଲା ଚକ୍ଷୁଦ୍ୱାର
Couplet 57
ଜ୍ୟୋତି ସର୍ଜିଲା ତା ରକ୍ଷଣେରୂପ-ଗ୍ରହଣ ଇଚ୍ଛି ମନେ
Couplet 58
ବେଦପୁରୁଷଙ୍କ ବଚନେବିଧାତା ବେଦ ଅନୁମାନେ
Couplet 59
ଶୁଣିବା ଅର୍ଥେ ନାନାସ୍ୱନନିର୍ମଳେ ପ୍ରକାଶିଲା କର୍ଣ୍ଣ
Couplet 60
ଦିଗ-ଦେବତାଙ୍କ ରକ୍ଷଣେପ୍ରକାଶେ ଯେ ବାମେ ଦକ୍ଷିଣେ
Couplet 61
ବସ୍ତୁର କୋମଳ କଠିନଲଘୁ କି ଅବା ଗୁରୁ ଗୁଣ
Couplet 62
ଶୀତଳ ଉଷ୍ମ ଯେଣେ ଜାଣିପବନ ଯୋଗେ ପରିମାଣି
Couplet 63
ସେ ଚର୍ମଇନ୍ଦ୍ରିଗୁଣେ ଭଜିଉପରେ ବହେ ରୋମରାଜି
Couplet 64
ଅଶେଷକର୍ମ କରିବାରେପ୍ରକାଶ ହୃଦୟ ଉପରେ
Couplet 65
ବାମ ଦକ୍ଷିଣ ବେନିକରଯହିଁ ରକ୍ଷକ ସୁନାସୀର
Couplet 66
ଦାନ ଆଦାନ କର୍ମ ଆଦିଅର୍ଥେ ସର୍ଜିଲା ବେଦବାଦୀ
Couplet 67
ସୁଗମଗତି ଚିନ୍ତି ପୁଣବିଧାତା ସର୍ଜିଲା ଚରଣ
Couplet 68
ସେ ବାମ-ଦକ୍ଷିଣ-ପଦରରକ୍ଷକ ହେଲେ ଯଜ୍ଞେଶ୍ୱର
Couplet 69
ସମସ୍ତ ହବ୍ୟ-କବ୍ୟ-ବିଧିଚରଣଯୁଗ ବଳେ ସାଧି
Couplet 70
ବେନିଚରଣ ମୂଳଦେଶେଆନନ୍ଦେ ଶିଶ୍ନ ପରକାଶେ
Couplet 71
ସନ୍ତାନ-ଉତ୍ପତ୍ତି କାରଣେରକ୍ଷକ ପ୍ରଜାପତିଗଣେ
Couplet 72
ଉଭୟ ଆନନ୍ଦର ଦ୍ୱାରଅନଙ୍ଗତୁଲେ ନିଶାକର
Couplet 73
ଉତ୍ସର୍ଗ ଅର୍ଥେ ବେଦବରତପେ ସୃଜିଲା ମଳଦ୍ୱାର
Couplet 74
ମିତ୍ର-ଦେବତାର ବିଷୟଉଭୟ ଉତ୍ସର୍ଗ-ଆଶ୍ରୟ
Couplet 75
ଦେହରୁ ଦେହାନ୍ତର ଗତିଇଚ୍ଛାରୁ ନାଭି ଉତପତ୍ତି
Couplet 76
ନାଭିରେ ପ୍ରାଣ ଯେ ଅପାନବିଯୋଗେ ହୁଅଇ ମରଣ
Couplet 77
ଅନ୍ନ ଭୋଜନ ପାନ ସଧେନାଡ଼ି ସୃଜିଲା କୁକ୍ଷିମଧ୍ୟେ
Couplet 78
ନାଡ଼ୀରେ ନଦୀ ତୃଷା ବସେଅନ୍ତ୍ରେ ସମୁଦ୍ର ରହେ ଗ୍ରାସେ
Couplet 79
ଉଭୟ ନିମିତ୍ତ ଏ ଦୁଇଯେ ତୁଷ୍ଟି ପୁଷ୍ଟି ନାମ ବହି
Couplet 80
ଆତ୍ମମାୟାକୁ ଚିନ୍ତା କରିସତ୍ତ୍ବେ ହୃଦୟ ରୂପ ଧରି
Couplet 81
କାମ ସଙ୍କଳ୍ପ ଚନ୍ଦ୍ର ମନହୃଦୟ ଏହାଙ୍କର ସ୍ଥାନ
Couplet 82
ହୃଦୟ ଆବୋରିବା ଆଶେଅସ୍ଥି ସର୍ଜିଲା ପୃଷ୍ଠଦେଶେ
Couplet 83
ଅସ୍ଥି ଭିତରେ ମଜ୍ଜା କଲାଉପରେ ମେଦ ଭିଆଇଲା
Couplet 84
ତାର ଉପରେ ମାଂସ ଧରିରୁଧିର ଆବରଣ କରି
Couplet 85
ତାର ଉପରେ ଚର୍ମ-ରୋମମଜ୍ଜାର ମଧ୍ୟେ ରହେ ବ୍ୟୋମ
Couplet 86
ଏମନ୍ତ କରି ସପ୍ତଧାତୁପ୍ରାଣୀଜୀବନ ମୂଳହେତୁ
Couplet 87
ବାସ୍ତରି ସହସ୍ତ ଯେ ନାଡ଼ୀହୃଦକମଳ ମଧ୍ୟେ ବେଢ଼ି
Couplet 88
ପ୍ରାଣ ରହଇ ତାଙ୍କ ମଧ୍ୟେଅନ୍ତରେ ରସ-ମୂଳ ଭେଦେ
Couplet 89
ତ୍ରିଗୁଣାତ୍ମକ ଇନ୍ଦ୍ରିଗଣଭୂତାଦି ପ୍ରଭବ ଯେ ଗୁଣ
Couplet 90
କଳ୍ପିତ ଅହଙ୍କାରେ ପୁଣସର୍ବବିକାର ଆତ୍ମା ମନ
Couplet 91
ବୁଦ୍ଧି ବିଜ୍ଞାନ ସ୍ୱରୂପିଣୀଯେଣେ ସଂସାରମାୟା ଜିଣି
Couplet 92
ଅବନୀ ଉଦକ ଅନଳପବନ ଆକାଶ ମଣ୍ତଳ
Couplet 93
ଏ ପଞ୍ଚଭୂତ କଳେବରବିଷ୍ଣୁର ଭଜନ-ମନ୍ଦିର
Couplet 94
ଏମନ୍ତେ କହିଲି ମୁଁ ତୋତେବିଷ୍ଣୁର ସ୍ଥୂଳରୂପ ଯେତେ
Couplet 95
ଏ ଜୀବ ବ୍ରହ୍ମାଣ୍ତ-ଧାରଣେବେଷ୍ଟିତ ଅଷ୍ଟ-ଆବରଣେ
Couplet 96
ପୃଥିବୀ ଆଦି ପଞ୍ଚଭୂତମନ ଅହଙ୍କାର ମହତ
Couplet 97
ଏ ଅଷ୍ଟଗୁଣେ ଆବରଣଏମନ୍ତେ ବ୍ରହ୍ମାଣ୍ତ-ଘଟଣ
Couplet 98
ଏ ସ୍ଥୂଳରୂପ ଯେ ତାହାରଏହା ଉପରେ ସୂକ୍ଷ୍ମତର
Couplet 99
ସେ ନିର୍ବିକାର ନିରଞ୍ଜନଅନାଦି-ମଧ୍ୟମ-ନିଧନ
Couplet 100
ସେ ଶୂନ୍ୟମଧ୍ୟେ ନିରାକାରମନ-ବଚନ-ଅଗୋଚର
Couplet 101
ଏ ସ୍ଥୂଳ-ସୂକ୍ଷ୍ମ ରୂପ ଧରିଖେଳଇ ଆତ୍ମମାୟା କରି
Couplet 102
ପଣ୍ତିତେ ନ ମାନନ୍ତି ଏହାସୃଷ୍ଟି-ସଂକଳ୍ପ ବିଷ୍ଣୁମାୟା
Couplet 103
ବାଚ୍ୟ-ବାଚକ ରୂପ ଧରିସେ ବ୍ରହ୍ମରୂପୀ ଅବତରି
Couplet 104
ସେ ରୂପ ନାମ କ୍ରିୟା ଧାତୁଅକର୍ମା ହୋଇ କର୍ମହେତୁ
Couplet 105
ସର୍ବସଙ୍କଳ୍ପ କ୍ରିୟା ଅର୍ଥେଶୁଣ କହିବା ଆର ଯେତେ
Couplet 106
ଆତ୍ମାକୁ ଭିନ୍ନଭିନ୍ନ କରିସେ ପ୍ରଜାପତି ରୂପ ଧରି
Couplet 107
ମନୁଙ୍କୁ ସର୍ଜିଲା ସେ ହେଳେଋଷି ଦେବତା ପିତୃମେଳେ
Couplet 108
ସିଦ୍ଧ ଚାରଣ ବିଦ୍ୟାଧରଗନ୍ଧର୍ବ ଗୁହ୍ୟକ ଅସୁର
Couplet 109
କିନ୍ନର ଅପସରା ଗଣନାଗ କିଂପୁରୁଷ ଯେ ପୁଣ
Couplet 110
ଯକ୍ଷ ଉରଗ ମାତୃଗଣପିଶାଚ ଭୂତ ପ୍ରେତମାନ
Couplet 111
କୁଷ୍ମାଣ୍ତଗଣ ବିନାୟକଉନ୍ମାଦ ବେତାଳ ଯେତେକ
Couplet 112
ଯେ ଯାତୁଧାନ ସରୀସୃପଗ୍ରହ ମୃଗାଦି ଖଗ ରୂପ
Couplet 113
ବୃକ୍ଷ ପର୍ବତ ପଶୁଗଣଏ ରୂପେ କଲେକ ସର୍ଜନ
Couplet 114
ଦ୍ୱିବିଧ ଚତୁର୍ବିଧ ଗଣେଜଳେ ବା ସ୍ଥଳେ ବା ଗଗନେ
Couplet 115
ମିଶ୍ର କୁଶଳ ଅକୁଶଳତିନି ପ୍ରକାରେ କର୍ମଫଳ
Couplet 116
ଏତେ ପ୍ରକାରେ କର୍ମଗତିଆତ୍ମାର ବଳେ ସେ ସର୍ଜନ୍ତି
Couplet 117
ଗୁଣ ପ୍ରଭେଦେ ତିନିଲୋକଦେବ ଅସୁର ନରଲୋକ
Couplet 118
ସତ୍ତ୍ବଗୁଣରୁ ଦେବ ହୋଇମନୁଷ୍ୟ ରଜଗୁଣ ବହି
Couplet 119
ତମଗୁଣରୁ ଅଧୋଗତିପାପିଷ୍ଠେ ଯହିଁ ବିଶ୍ରାମନ୍ତି
Couplet 120
ସେ ତିନିଲୋକେ ତିନିଗତିଭାବେ ସୃଜିଲା ପ୍ରଜାପତି
Couplet 121
ସେ ଗୁଣ ଚିତ୍ରପ୍ରାୟ ହୋଇସ୍ୱଭାବେ ଭିନ୍ନଭିନ୍ନ ଦେହୀ
Couplet 122
ଏକ ଆରକେ ନ ଗଣିଲେନିଶ୍ଚଳେ ରହି ନ ପାରିଲେ
Couplet 123
ତା ଦେଖି ପ୍ରଭୁ ନରହରିତକ୍ଷଣେ ଧର୍ମରୂପ ଧରି
Couplet 124
ବିଶ୍ୱକୁ ପାଳିବାର ଅର୍ଥେଦେବ ମନୁଷ୍ୟ ପଶୁ ଯେତେ
Couplet 125
ଏ ତିନିରୂପେ ଭଗବାନରକ୍ଷା-ପୋଷଣେ କରି ସ୍ଥାନ
Couplet 126
ସୁଖ ସମ୍ପଦ ଭୋଗ ଦେଇଯେ ବିଧି ସଂସାରେ ବଢ଼ାଇ
Couplet 127
ସୃଷ୍ଟିର ଭୋଗଅନ୍ତେ ହରିକାଳାଗ୍ନି-ରୁଦ୍ରରୂପ ଧରି
Couplet 128
ଆତ୍ମାର କ୍ରୀଡ଼ା ନାଶ କରେବାଳକ ଯେସନେ ବେଭାରେ
Couplet 129
ସର୍ବ ହରଇ ଅବସାନେଜୀମୂତ ଯେସନ ପବନେ
Couplet 130
ଏ ଭାବେ ହରିଗୁଣ ଯେତେଦେବେ ଚିନ୍ତିବେ କାହିଁ ଚିତ୍ତେ
Couplet 131
କେବଳ ଭାବେ ତାଙ୍କୁ ଜାଣିଶ୍ରୁତିବଚନେ ତା ପ୍ରମାଣି
Couplet 132
ସୃଷ୍ଟିର ଜନ୍ମ ଆଦିକାଳେଯେ କର୍ମସାଧେ ଯୋଗବଳେ
Couplet 133
ସ୍ୱଭାବେ କର୍ମ ଯାର ନାହିଁମାୟାରେ ବିଶ୍ୱ ପ୍ରକାଶଇ
Couplet 134
ଏ ବ୍ରହ୍ମକଳ୍ପିତ ସଂସାରବିକଳ୍ପ ନାମଟି ଏହାର
Couplet 135
ଏ ନିତ୍ୟ ସାଧାରଣ ବିଧିଯେ ପୂର୍ବକଳ୍ପରୁ ପ୍ରସିଦ୍ଧି
Couplet 136
ପ୍ରାକୃତ ବୈକୃତ ସଂସାରମହତ-ସ୍ଥାନର ସଞ୍ଚାର
Couplet 137
ସଂକ୍ଷେପେ କହିଲଇଁ ତୋତେତୁ ଯାହା ପଚାରିଲୁ ମୋତେ
Couplet 138
ଯେ କଳ୍ପ-ଲକ୍ଷଣ ଯେ ନାମଯେ ବା କାଳର ପରିମାଣ
Couplet 139
ଭାବେ କହିବି କଳ୍ପଗୁଣରାଜନ ସାବଧାନେ ଶୁଣ
Couplet 140
ଶୌନକ ଆଦି ମୁନିଗଣସୂତଙ୍କୁ ପଚାରନ୍ତି ପୁଣ
Couplet 141
ହେ ସୂତ ତୁମ୍ଭେ ଆମ୍ଭଆଗେଯାହା କହିଲ ଆତ୍ମମାର୍ଗେ
Couplet 142
ଦୁର୍ଯ୍ୟୋଧନର ଦୁଷ୍ଟବାଣୀବିଦୁର ସଭାମଧ୍ୟେ ଶୁଣି
Couplet 143
କୁଟୁମ୍ବ ଆଶା ଦୂରକରିତୀର୍ଥସେବନ ମନେ ଧରି
Couplet 144
ପୃଥିବୀ କଲା ପର୍ଯ୍ୟଟନବୁଲି ପର୍ବତ ଘୋରବନ
Couplet 145
କୈବଲ୍ୟ ଲାଭେ ଇଚ୍ଛାକଲାଅନେକ ତୀର୍ଥ ସେ ଭ୍ରମିଲା
Couplet 146
ମୈତ୍ରେୟ ମୁନି ସଙ୍ଗେ ତାରକାହିଁ ହୋଇଲା ଏକସ୍ୱର
Couplet 147
ବ୍ରହ୍ମସମ୍ବାଦ ବେନିଜନେକରି ବଞ୍ଚିଲେ କେଉଁସ୍ଥାନେ
Couplet 148
ବିଦୁର ପଚାରିଲେ ଯେତେମୈତ୍ରେୟ ବୋଧିଲେ ଯେମନ୍ତେ
Couplet 149
ସେ ବନ୍ଧୁତ୍ୟାଗୀ କି ନିମନ୍ତେପୁଣି ମିଳିଲେ ଇନ୍ଦ୍ରପ୍ରସ୍ଥେ
Couplet 150
ହେ ସୂତ କହ ସର୍ବକଥାଯେଣେ ଛାଡ଼ିବ ଭବବ୍ୟଥା
Couplet 151
ପଦ୍ମକଳ୍ପର କଥା କହଯେଣେ ନ ଲାଗେ ଭବମୋହ
Couplet 152
ଶୌନକ ପ୍ରଶ୍ନ ସୂତ ଶୁଣିକହନ୍ତି ଶୁଣ ମହାମୁନି
Couplet 153
ଯେ ପ୍ରଶ୍ନ କଲ ତୁମ୍ଭେ ମୋତେଏ ପ୍ରଶ୍ନ ଶୁକଙ୍କ ଅଗ୍ରତେ
Couplet 154
ପୁଚ୍ଛିଲେ ରାଜା ପରୀକ୍ଷିତମୈତ୍ରେୟ-ବିଦୁର ଚରିତ
Couplet 155
ପରୀକ୍ଷ-ବାକ୍ୟ ଚିତ୍ତେ ଘେନିଯାହା କହିଲେ ଶୁକମୁନି
Couplet 156
ସେ ପ୍ରଶ୍ନ ଅନୁସାରେ ଯେତେଶୁଣ କହିବା ଭାଗବତେ
Couplet 157
ସୂତ-ଶଉନକ ସମ୍ବାଦଶୁଣନ୍ତେ ନ ଲାଗେ ପ୍ରମାଦ
Couplet 158
ଦ୍ୱିତୀୟସ୍କନ୍ଧେ ଭାଗବତଅମୃତ-ରସମୟ-ଗୀତ
Couplet 159
ସୁଜନଜନଙ୍କର ହିତକହିଲା ଦାସ ଜଗନ୍ନାଥ