Adhyaya 6

Couplet 1

ଶୁଣ ନାରଦ ମହାଋଷିବିରାଜରୂପେ ବ୍ରହ୍ମରାଶି

Couplet 2

ବ୍ରହ୍ମାଣ୍ତ ମଧ୍ୟେ ପ୍ରବେଶିଲାଯେ ଅଙ୍ଗୁ ଯେବା ପ୍ରକାଶିଲା

Couplet 3

ତାହା କହିବା ତୋତେ ଭଲେଇନ୍ଦ୍ରିୟଅର୍ଥେ ଇନ୍ଦ୍ରିତୁଲେ

Couplet 4

ବଚନ ବହ୍ନିମୁଖେ ବସେଯେଣେ ତା ଶବଦ ପ୍ରକାଶେ

Couplet 5

ସପତଛନ୍ଦ ଧାତୁ ଯେତେଦେହରେ ବସେ ତା ବାହ୍ୟାନ୍ତେ

Couplet 6

ରସନା ଷଡ଼ରସେ ରସେଜଳାଧିପତି ଯହିଁ ବସେ

Couplet 7

ସେ ଦେବ-ପିତୃ ନରଙ୍କରଅନ୍ନର ସ୍ଥାନ ସେ ଆବର

Couplet 8

ପ୍ରାଣସହିତ ଦଶପ୍ରାଣସୁଗନ୍ଧ ଦୁର୍ଗନ୍ଧ ଆଘ୍ରାଣ

Couplet 9

ନାସାବିବରେ ଆଶ୍ରେ କଲେଅଶ୍ୱିନୀକୁମାରଙ୍କ ତୁଲେ

Couplet 10

ଚକ୍ଷୁଇନ୍ଦ୍ରିୟ ରୂପ ଅର୍ଥେସୂର୍ଯ୍ୟ ପ୍ରକାଶ ଦୃଷ୍ଟିପଥେ

Couplet 11

ଶବଦଅର୍ଥେ କର୍ଣ୍ଣବେନିଦିଗବସଇ ତୀର୍ଥ ଘେନି

Couplet 12

ସେ ଦେବଦେହେ ଚର୍ମଦେଶେସ୍ପରଶ ପବନ ପ୍ରକାଶେ

Couplet 13

ଯେ ସର୍ବଯଜ୍ଞବସ୍ତୁ ସାରସର୍ବସୌଭାଗ୍ୟର ବେଭାର

Couplet 14

ଚର୍ମ ଉପରେ ରୋମ ଭେଦିସେବୃକ୍ଷ ଯେଣେ ଯଜ୍ଞ ସାଧି

Couplet 15

କେଶ ପ୍ରକାଶ ମୁଣ୍ତେ ଦାଢ଼ିଯେ ପାଦେ କରେ ନଖ ଜଡ଼ି

Couplet 16

ସେ ତିନି ମଧ୍ୟେ ତିନିଦେବାପାଷାଣ ଲୌହ ମେଘପ୍ରଭା

Couplet 17

ବାସବଆଦି ଦିଗପାଳେବସନ୍ତି ତାର ଭୁଜମୂଳେ

Couplet 18

ତାର ବିକ୍ରମେ ଲୋକତିନିଭୂଲୋକ-ଭୁବ-ସ୍ୱର୍ଗ ଘେନି

Couplet 19

ଯେ ସର୍ବ-କୁଶଳ-କାରଣସକଳ-ଭୟ-ନିବାରଣ

Couplet 20

ସେ ହରି ଚରଣକମଳସକଳ-କାମବର-ସ୍ଥଳ

Couplet 21

ଯେ ସର୍ଗ ଶୁକ୍ରଘ ନରସଯା ମେଢ୍ରେ ପ୍ରଜାପତି ବାସ

Couplet 22

ମନ ଇନ୍ଦ୍ରିୟରସେ ରସେଜନନେ ପ୍ରଜାପତି ବସେ

Couplet 23

ସନ୍ତାନ ଅର୍ଥେ ସେ କଳ୍ପିତସମ୍ଭୋଗ କାମେଣ ନିବୃତ୍ତ

Couplet 24

ମଳ ଉତ୍ମର୍ଗ ମଳଦ୍ୱାରେଯମ ବସଇ ଅଧିକାରେ

Couplet 25

ନାଡ଼ୀ ସମୂହେ ନଦୀନଦେଗିରି ସମୂହେ ଅସ୍ଥିଭେଦେ

Couplet 26

ପାୟୁ ନରକ ଯମକ୍ଷେତ୍ରତା ମଳତ୍ୟାଗସ୍ଥାନ ମିତ୍ର

Couplet 27

ହିଂସା ଅଲକ୍ଷ୍ମୀ ମୃତ୍ୟୁ ତହିଁନିୟତ ବସତି କରଇ

Couplet 28

ସେ ଜୀବଦେହେ ପୃଷ୍ଠଦେଶେଅଧର୍ମ ସଙ୍ଗେ ତମ ବସେ

Couplet 29

ସପତସିନ୍ଧୁ ଗର୍ଭେ ରହିଭୋଜନେ ତୁଷ୍ଟି ପୁଷ୍ଟି ବହି

Couplet 30

ଉଦରେ ମୃତ୍ୟୁ ହୃଦଦେଶେସର୍ବବ୍ୟାପକ ମନ ବସେ

Couplet 31

ବିରାଟଆତ୍ମା ଦେହ ମଧ୍ୟେବସଇ ସକଳ ସମ୍ପଦେ

Couplet 32

ଧର୍ମ ସଙ୍ଗତେ ପଦ୍ମଯୋନିତୋ ସଙ୍ଗେ କୁମାରଙ୍କୁ ଘେନି

Couplet 33

ବିଜ୍ଞାନ-ସତ୍ତ୍ୱ ରୁଦ୍ର ସଙ୍ଗେସର୍ବେ ଆଶ୍ରିତ ଆତ୍ମାଅଙ୍ଗେ

Couplet 34

ବ୍ରହ୍ମା ନାରଦ ଭବ ଆଦିମୁନିଏ ଯେତେ ବେଦବାଦୀ

Couplet 35

ସୁର ଅସୁର ନର ନାଗଯେ ସରୀସୃପ ଖଗ ମୃଗ

Couplet 36

ଗନ୍ଧର୍ବ ଅପ୍ସରା ଯକ୍ଷଭୂତ ଉରଗ ପଶୁ ରକ୍ଷ

Couplet 37

ପିତର ସିଦ୍ଧ ବିଦ୍ୟାଧରଚାରଣ ଗୁହ୍ୟକ କିନ୍ନର

Couplet 38

ବୃକ୍ଷ ଔଷଧି ଲତା ଯେତେବିବିଧଜୀବଙ୍କ ସମେତେ

Couplet 39

ଯେ ଜଳ ସ୍ଥଳ ଅନ୍ତରୀକ୍ଷେଗ୍ରହ ଆଦିତ୍ୟ କେତୁଋକ୍ଷେ

Couplet 40

ତାରା ସମୂହ ତେଜେ ଝଳିଜୀମୂତ ପ୍ରକାଶେ ବିଜୁଳି

Couplet 41

ତା ତନୁ ଏ ସର୍ବ କାରଣଭୂତ ଭବିଷ୍ୟ ବର୍ତ୍ତମାନ

Couplet 42

ଏ ରୂପେ ଏ ବିଶ୍ୱ-ସଂସାରପ୍ରକାଶେ ଯାହାର ଶରୀର

Couplet 43

ବିତସ୍ତିମାତ୍ର ମଧ୍ୟେ ରହେଏକ ଅନେକ ଜନ୍ତୁ ଦେହେ

Couplet 44

ଭିତରେ ରହେ ପ୍ରାଣ ତେଜେପ୍ରକାଶେ ଅନ୍ତର ବାହିଯ୍ୟେ

Couplet 45

ଅବ୍ୟୟ ଅମୃତ ଈଶ୍ୱରଜନ୍ମ-ମରଣ ଆରପାର

Couplet 46

ତାହାର ଏମନ୍ତ ମହିମାଏଣୁ ଦୁସ୍ତର ଗୁଣସୀମା

Couplet 47

ପାଦେ ଅଶେଷ ଭୂତ ବସେଅମୃତାଭୟ କ୍ଷେମକୋଷେ

Couplet 48

ତ୍ରିଲୋକ ଉର୍ଦ୍ଧ୍ୱେ ତିନିଲୋକବହେ ଅଭୟ କ୍ଷେମ ସୁଖ

Couplet 49

ଯେ ପ୍ରଜାଶ୍ରମେ ଧର୍ମ ଚିନ୍ତେତ୍ରିଲୋକେ ଭ୍ରମେ ଗତାଗତେ

Couplet 50

ଯେ ଆନ ଆଶ୍ରମେ ରମନ୍ତିତ୍ରୈଲୋକ୍ୟ ବାହ୍ୟେ ତାଙ୍କ ସ୍ଥିତି

Couplet 51

ଜୀବର ଏହି ବେନିଗତିବିଦ୍ୟା ଅବିଦ୍ୟା ଭାବେ ହୋନ୍ତି

Couplet 52

ଯେ ଶ୍ରୁତିମାର୍ଗେଣ ଉତ୍ତରେଦକ୍ଷିଣେ ପୁରୁଷ ସଞ୍ଚରେ

Couplet 53

ଭୋଗାପବର୍ଗର ସାଧନଜୀବର ଏ ବେନି ଅୟନ

Couplet 54

ଯାହାର ଅଂଶ ମାୟାମୟଭୂତ-ଇନ୍ଦ୍ରିୟ-ଗୁଣାଶ୍ରୟ

Couplet 55

ବିରାଟ ରୂପେ ଜାତ ହୁଏକିରଣ ଯେହ୍ନେ ସୂର୍ଯ୍ୟଦେହେ

Couplet 56

ଯାହାର ନାଭିପଦ୍ମୁ ଜାତମୁଁ ବ୍ରହ୍ମା ବ୍ରହ୍ମାଣ୍ତର ନାଥ

Couplet 57

ଯଜ୍ଞସମ୍ଭାର ନ ଜାଣଇଯାବତ ତାର ଦେହେ ଥାଇ

Couplet 58

ତାର ଶରୀରେ ଯଜ୍ଞବିଧିଆଗମ-ନିଗମ ପ୍ରସିଦ୍ଧି

Couplet 59

ପଶୁ ଇନ୍ଧନ କୁଶ ଆଦିଯେମନ୍ତେ ଯେ ଅବା ସମ୍ପାଦି

Couplet 60

ଯଜନ ଦେବ ପିତୃ ତୋଷେଯେ କାଳ ଯେବା ପୁଣ୍ୟଦେଶେ

Couplet 61

ଯେତେ ପାତ୍ରରେ ଯଜ୍ଞ କରିମନ୍ତ୍ର ଔଷଧି ଆଦିକରି

Couplet 62

ସ୍ନେହରସ ଯେ ଲୌହ ଆଦିମୃତ୍ତିକା ଜଳ ଯେ ସମ୍ପାଦି

Couplet 63

ଋକ ଯଜୁଃ ଯେ ସାମ ତିନିଚତୁରହୋତ୍ର କର୍ମ ଘେନି

Couplet 64

ଯେ ନାମଧେୟ ଯେବା ମନ୍ତ୍ରଯେବା ଦକ୍ଷିଣା ଯେବା ବ୍ରତ

Couplet 65

ଦେବତା ଅନୁକ୍ରମ କଳ୍ପଯେ ତନ୍ତ୍ର ଯେ ଅବା ସଙ୍କଳ୍ପ

Couplet 66

ଯେ ଗତି ଯଜ୍ଞ ଯେବା ମତିଯେ ସମର୍ପଣ ପ୍ରାୟଶ୍ଚିତ୍ତି

Couplet 67

ଯଜ୍ଞସମ୍ଭାର ତା ଶରୀରେଲଭିଲି ଜନ ଉପକାରେ

Couplet 68

ତାର ବିଭୂତି ତାର ଅଙ୍ଗେଯଜ୍ଞ ଆରୋଧି ହବିର୍ଭାଗେ

Couplet 69

ପୂଜିଲି ପୁରୁଷ-ପୁରାଣତେଣୁ ମୁଁ ସଂସାର-କାରଣ

Couplet 70

ସକଳ ଯଜ୍ଞଭାଗେ ଚିନ୍ତିମୋ ଅନ୍ତେ ନବପ୍ରଜାପତି

Couplet 71

ଯଜ୍ଞପୁରୁଷ ସ୍ଥାପି କୁଣ୍ତେଯେମନ୍ତ ବିଧି କର୍ମକାଣ୍ତେ

Couplet 72

ପୂଜିଲେ ତାହାର ଚରଣେଯେ ବିଧି ମନ୍ତ୍ର-ଉଚ୍ଚାରଣେ

Couplet 73

ଏହି ପ୍ରକାରେ ସର୍ବଋଷିପିତୃ ଦେବତା ମନୁ ବସି

Couplet 74

ଦାନବ ମାନବ ସହିତେଯଜ୍ଞେ ପୂଜିଲେ ବେଦମନ୍ତ୍ରେ

Couplet 75

ସେ ହରି ଅଙ୍ଗେ ଏ ଜଗତଯଜ୍ଞ ପୂଜନେ ସମାହିତ

Couplet 76

ଯେ ସ୍ୱୟଂ ନିର୍ଗୁଣ ଅନନ୍ତମାୟା ଗୃହୀତ ଗୁଣବନ୍ତ

Couplet 77

ଯଜ୍ଞେ ତାହାଙ୍କୁ ପୂଜା କରିମୁଁ ଏ ସଂସାରେ ଅଧିକାରୀ

Couplet 78

ତାହା ଆଜ୍ଞା ଶିରେ ବହିମୁଁ ଏ ସଂସାର ସରଜଇ

Couplet 79

ପାଳଇ ବିଷ୍ଣୁ ରୂପ ଧରିଶଙ୍କର ରୂପେଣ ସଂହରି

Couplet 80

ସୃଷ୍ଟିପାଳନ ସଂହାରଣଏ ଆଦି ବିକାର ତ୍ରିଗୁଣ

Couplet 81

ସେ ମାୟାଧର ନରହରିଖେଳଇ ସୃଷ୍ଟିଲୀଳା କରି

Couplet 82

ତୁ ଯାହା ପୁଚ୍ଛିଲୁ ପ୍ରସ୍ତାବେସଂକ୍ଷେପି କହିଲି ମୁଁ ଏବେ

Couplet 83

ସତ ଅସତ ରୂପ ଯେତେମାୟା କଳ୍ପିତ ଏ ଜଗତେ

Couplet 84

ଏ ସର୍ବରୂପ ନାରାୟଣଅନାଦି-ପରମ-କାରଣ

Couplet 85

ମୋର ବଚନ ହେ ନାରଦକେବେ ହେଁ ନୁହଇ ଅସଦ

Couplet 86

ମୋହର ମନ ସତ୍ୟେ ସ୍ଥିତିସ୍ୱଭାବେ ନୁହେ ମିଥ୍ୟାଗତି

Couplet 87

ଏ ମୋର ଇନ୍ଦ୍ରିଗଣ କେବେନ ଯାନ୍ତି ଅସତ୍ୟ ଅମାର୍ଗେ

Couplet 88

ଯେଣୁ ମୋ ହୃଦେ ନାରାୟଣଉକ୍ରଣ୍ଠାଭାବେ ସୁମରଣ

Couplet 89

ତପ ସମାଧି ମୋର ସ୍ଥିତିମୁଁ ପ୍ରଜାପତିଙ୍କର ପତି

Couplet 90

ଯୋଗେ ନିପୁଣ ସମାହିତଯେଣୁ ମୁଁ ଆତ୍ମତନ୍ତ୍ରେ ଜାତ

Couplet 91

ତେବେ ହେଁ ନ ଜାଣିଲି ତାକୁଆନ କେ ଅଛି ଜାଣିବାକୁ

Couplet 92

ତାର ଚରଣେ ନମସ୍କାରଯା ଭାବେ ତୁଟଇ ସଂସାର

Couplet 93

ଶୁଭ ମଙ୍ଗଳ ସ୍ୱସ୍ତ୍ୟୟନଆନନ୍ଦମୂଳ ମାୟାଧାମ

Couplet 94

ବ୍ରହ୍ମାଦି ଦେବେ ଅଗୋଚରଅକୁଣ୍ଠ-ମହିମା ଯାହାର

Couplet 95

ଆତ୍ମାରେ ଆତ୍ମମାୟା କରେଲୀଳାରେ ବିହରେ ସଂସାରେ

Couplet 96

ସ୍ୱମାୟା ସେହି ନ ଜାଣଇକେ ଅବା ଅପରେ ଜାଣଇ

Couplet 97

ଦୃଶ୍ୟ ଅଦୃଶ୍ୟ ସର୍ବବ୍ୟାପୀଗଗନ ଯେହ୍ନେ ବିଶ୍ୱରୂପୀ

Couplet 98

ମୁଁ ଯାର ଗତି ନ ଜାଣଇତୁ କାହିଁ ପ୍ରବେଶିବୁ ତହିଁ

Couplet 99

ଭାବ ନ ପାରେ ଯାକୁ ଚିନ୍ତିଦେବେ ଜାଣିବେ କାହିଁ ଗତି

Couplet 100

ତାର ମାୟାରେ ମୋହି ହୋଇତା ରୂପ କେହି ନ ଜାଣଇ

Couplet 101

ଆତ୍ମାର ସମ ଆମ୍ଭେ ଜାଣୁକେ ତାର ରୂପ ପରିମାଣୁ

Couplet 102

ଯା ଅବତାର କର୍ମମାନମୋ ଆଦି କରନ୍ତି ଗାୟନ

Couplet 103

ତତ୍ତ୍ବେ ଜାଣିବୁ ଆମ୍ଭେ କାହିଁଯାହାର ଆଦିଅନ୍ତ ନାହିଁ

Couplet 104

ଯାର ଚରଣେ ଆମ୍ଭେ ନମୁଯା ମାୟାରୂପ ବଳେ ଭ୍ରମୁ

Couplet 105

ସେ ଆଦିପୁରୁଷ ମୁରାରିକଳ୍ପ-କଳ୍ପକେ ସୃଷ୍ଟି କରି

Couplet 106

ଆତ୍ମାରେ ଆତ୍ମାରୂପେ ମିଳେଆତ୍ମାକୁ ଆପେ ହରେ ପାଳେ

Couplet 107

କେବଳ ଶୁଦ୍ଧ-ଜ୍ଞାନମୟେସତ୍ୟସ୍ୱରୂପ ସର୍ବଦେହେ

Couplet 108

ଅନାଦି ଅନନ୍ତ ନିର୍ଗୁଣନିତ୍ୟ ଅବ୍ୟୟ ନାରାୟଣ

Couplet 109

ଶୁଣ ନାରଦ ମନ ଦେଇଯେମନ୍ତେ ତାହାକୁ ଜାଣଇ

Couplet 110

ପ୍ରଶାନ୍ତ-ଆତ୍ମା ମୁନିଗଣେନିର୍ମଳ-ଅନ୍ତରକରଣେ

Couplet 111

ସମାଧି ଯୋଗବଳେ ଚିନ୍ତିଆତ୍ମାରେ ଆତ୍ମାକୁ ଦେଖନ୍ତି

Couplet 112

ଅସତ୍ୟ ତର୍କ ଯେବେ ଥାଇତେବେ ତା ଭାବ ନ ଜାଣଇ

Couplet 113

ପରମ-ପୁରୁଷ ମୁରାରିଆଦ୍ୟାବତାର ତନୁ ଧରି

Couplet 114

କାଳ ସ୍ୱଭାବ ସଙ୍ଗେ ମନଯେ ନିତ୍ୟ ଶୁଦ୍ଧ ଚଇତନ

Couplet 115

ଦ୍ରବ୍ୟ ବିକାର ତିନିଗୁଣଦେବ ସମେତେ ଇନ୍ଦ୍ରିଗଣ

Couplet 116

ବିରାଟ ରୂପେ ମହୀ ମାଝେସ୍ଥାବର ଆଦି ଦେହେ ବିଜେ

Couplet 117

ବ୍ରହ୍ମା ଶଙ୍କର ଯଜ୍ଞପତିଦକ୍ଷାଦି ଯେତେ ପ୍ରଜାପତି

Couplet 118

ତୁ ଆଦି ସନକ ସହିତେସ୍ୱର୍ଗେ ଦେବତା ଛନ୍ତି ଯେତେ

Couplet 119

ଗରୁଡ଼ ଆଦି ଖଗପାଳେଭୂଲୋକ ସପତ-ପାତାଳେ

Couplet 120

ଗନ୍ଧର୍ବ ବିଦ୍ୟାଧରଗଣଯେ ଯକ୍ଷ କିନ୍ନର ଚାରଣ

Couplet 121

ରାକ୍ଷସ ସରୀସୃପ ନାଗେବାସୁକି ଆଦି ମହୋରଗେ

Couplet 122

ଋଷିଙ୍କ ମଧ୍ୟେ ଶ୍ରେଷ୍ଠ ଯେତେଯେ ପିତୃଗଣଙ୍କ ସମେତେ

Couplet 123

ଦୈତ୍ୟ ଦାନବ ସିଦ୍ଧକୁଳପ୍ରେତ ପିଶାଚ ଭୂତବଳ

Couplet 124

କୁଷ୍ମାଣ୍ତ ଜଳଜୀବ ଯେତେକି ଅବା ପଶୁପକ୍ଷୀ ଯେତେ

Couplet 125

ଯେ ଆନେ ଛନ୍ତି ଯହିଁ ଯେତେତେଜ ବିକ୍ରମ ବଳ ଯୁତେ

Couplet 126

କମଳା ଆଦି ଅଷ୍ଟନିଧିଯେ ଗୁଣେ ଯେ ଅବା ପ୍ରସିଦ୍ଧି

Couplet 127

ପ୍ରଧାନ ଗୁଣ ଯେବା ଭୂତେଜଗତ ମଧ୍ୟେ ଛନ୍ତି ଯେତେ

Couplet 128

ଏ ସର୍ବ ପରତତ୍ତ୍ୱ ଯେହିତାହାର ବିଭୂତି ଅଟଇ

Couplet 129

ଏ ସର୍ବସାର ତା ଶରୀରଯେ ବିଷ୍ଣୁଲୀଳା ଅବତାର

Couplet 130

ଏ ଲୀଳାକଥା ଗୀତସ୍ୱରେପଶଇ ଯାର କର୍ଣ୍ଣଦ୍ୱାରେ

Couplet 131

ସର୍ବ-ଦୁରିତ-ତମ ନାଶେଯେବା ବଦନେ ନିତ୍ୟ ଘୋଷେ

Couplet 132

ଶୁଣ ନାରଦ ମନଦେଇଲୀଳାନୁକ୍ରମେ କହିବଇଁ

Couplet 133

ଅମୃତ କୃଷ୍ଣଲୀଳା-ରସଶ୍ରୁତିଯୁଗଳେ କର ଗ୍ରାସ

Couplet 134

ତାହାଙ୍କ ଚରଣେ ବିଶ୍ୱାସକହଇ ଜଗନ୍ନାଥ ଦାସ