Adhyaya 5

Couplet 1

ଆନନ୍ଦ ଚିତ୍ତେ ସେ ନାରଦପୁଚ୍ଛଇ ବ୍ରହ୍ମାଙ୍କର ପାଦ

Couplet 2

ଭୋ ଦେବଦେବ ନମସ୍ତୁତେଭୂତଭାବନ ତୁ ଜଗତେ

Couplet 3

ସୃଷ୍ଟିର ଅଗ୍ରେ ତୋର ଦେହୀତୋ ଭାବ ନ ଜାଣନ୍ତି କେହି

Couplet 4

ଆତ୍ମାର ତତ୍ତ୍ୱ ତୁମ୍ଭେ ଜାଣଯେ ବେଦ-ପୁରାଣେ ପ୍ରମାଣ

Couplet 5

ଯେ ରୂପ ଯହିଁ ତୋର ବାସଯହୁଁ ଏ ଜଗତ ପ୍ରକାଶ

Couplet 6

ଯାହାର ଆଶ୍ରେ ଏ ବର୍ତ୍ତଇପ୍ରକାଶି ଯହିଁ ଲୀନ ହୋଇ

Couplet 7

ଭୂତ-ଭବିଷ୍ୟ-ବର୍ତ୍ତମାନତୁମ୍ଭ ଗୋଚରେ ଦିବ୍ୟଜ୍ଞାନ

Couplet 8

ହସ୍ତେ ଅଏଁଳାଫଳ ପ୍ରାୟେତୁମ୍ଭ ଗୋଚରେ ଜ୍ଞାନ ରହେ

Couplet 9

ଯେଣୁ ତୁମ୍ଭର ଜ୍ଞାନ ସ୍ଫୁରେଯେବା ତୁମ୍ଭଙ୍କୁ ହୃଦେ ଧରେ

Couplet 10

ଯାହାର ବଶ ତୁ ବୋଲାଇବର୍ତ୍ତୁ ତୁ ଯାର ଆତ୍ମା ବହି

Couplet 11

ଭୂତେ ସଞ୍ଚରି ଭୂତ କରୁଯାହାର ମାୟାରେ ବିହରୁ

Couplet 12

ଏ ଭୂତଗଣଙ୍କୁ ଯେ ପାଳେଅପରାଭବୀ ଆତ୍ମା ତୁଲେ

Couplet 13

ଆତ୍ମାର ଶକ୍ତିବଳେ ଭାବିଅକ୍ଳେଶେ ଯଥା ଉର୍ଣ୍ଣନାଭି

Couplet 14

ଏ ସୃଷ୍ଟିକର୍ମ ଅଗୋଚରକି ନାମ ଗୁଣରୂପ ଆର

Couplet 15

ପର ଅପର ଯେ ମଧ୍ୟମଯେ ଅବା ଅଛି ସ୍ଥୂଳସୂକ୍ଷ୍ମ

Couplet 16

ଜାଣେ ମୁଁ ନାହିଁ ତୋ ବାହାରେଅନ୍ୟ ବା କେ ଅଛି ସଂସାରେ

Couplet 17

ତୁମ୍ଭେ ଯେ ଘୋରତପ କରଆତ୍ମା ସମାଧିବଳେ ଧର

Couplet 18

ତେଣୁ ମୋହିତ ମୋର ମନତୁମ୍ଭ ଉପରେ କେବା ଅନ୍ୟ

Couplet 19

ଏ ମାୟା ସୃଜିଲା କେମନ୍ତେଏଣୁ ସଂଶୟ ମୋର ଚିତ୍ତେ

Couplet 20

ତୁମ୍ଭେ ସର୍ବଜ୍ଞ ସର୍ବେଶ୍ୱରମୋର ସଂଶୟ କର ଦୂର

Couplet 21

ଭକତଭାବେ ପଚାରଇସ୍ୱଭାବେ ପୁତ୍ର ମୁଁ ଅଟଇ

Couplet 22

ଯେମନ୍ତେ ମୋର ଚିତ୍ତେ ସ୍ଫୁରେଏ ବିଶ୍ୱ ସମାଧି-ଗୋଚରେ

Couplet 23

ଏଣୁ ନାରଦବାକ୍ୟ ଶୁଣିହରଷେ କହେ ପଦ୍ମଯୋନି

Couplet 24

ଧନ୍ୟ ନାରଦ ମୁନିବରସାଧୁ ପ୍ରସ୍ତାବ ଏ ତୋହର

Couplet 25

ତୁ ଯେ ପଚାରୁ ଜନହିତେଏ ବ୍ରହ୍ମଭାଗ ଭାଗବତେ

Couplet 26

ବିଷ୍ଣୁ ମହିମା ଦରଶନେପୁଚ୍ଛିଲୁ ବିନୟବଚନେ

Couplet 27

ତୁ ଯାହା ପଚାରିଲୁ ମୋତେମିଥ୍ୟା ନୁହଇ ଏ ଉଚିତେ

Couplet 28

ଯେଣୁ ଈଶ୍ୱର ପ୍ରାୟ କେହାଇଏ ସୃଷ୍ଟି ମୋହର ଅଟଇ

Couplet 29

ପରମେଶ୍ୱର ଜ୍ଞାନ ଯେଣୁନାହିଁ ତୋହର ଭ୍ରାନ୍ତି ତେଣୁ

Couplet 30

ବିଷ୍ଣୁର ଆଜ୍ଞା ଘେନି ମାଥେବ୍ରହ୍ମାଣ୍ତ ସୃଜିଲି ଯେମନ୍ତେ

Couplet 31

ଯେମନ୍ତେ ଅର୍କ-ଅଗ୍ନି-ଶଶୀଗ୍ରହ-ନକ୍ଷତ୍ର-ତାରା-ରାଶି

Couplet 32

ତୋ ଆଦି ସନ୍ଥ ଛନ୍ତି ଯେତେଯେ ବିଷ୍ଣୁମାୟା ବଳଗ୍ରସ୍ତେ

Couplet 33

ବୋଲନ୍ତି ମୋତେ ବିଶ୍ୱଗୁରୁଯାର ମହିମା ମହାମେରୁ

Couplet 34

ତାହା କହିବି ତୋ ସମୀପେବିଷ୍ଣୁର ଆଜ୍ଞାବଳ ଦର୍ପେ

Couplet 35

ଯେ ହରି ଜଗତ-ଈଶ୍ୱରତାହାକୁ ମୋର ନମସ୍କାର

Couplet 36

ଯାହାର ଇଚ୍ଛାମାର୍ଗେ ସ୍ଥିତିଲାଜେ ଶଙ୍କିତ ଭଗବତୀ

Couplet 37

ସେ ମାୟାବଶେ ଏ ଜଗତଅଜ୍ଞାନ ମଦେ ବିମୋହିତ

Couplet 38

ମୁହିଁ ମୋହର ଏ ଶରୀରଦାରା ସମ୍ପଦ ବନ୍ଧୁ ମୋର

Couplet 39

ଅଜ୍ଞାନଜନଙ୍କ ଏ ଭାବସର୍ବସମ୍ପଦ ପଦ୍ମନାଭ

Couplet 40

ଏ ଦ୍ରବ୍ୟ-କାଳ-କର୍ମ-ଜୀବଜୀବର ଯେ ଅବା ସ୍ୱଭାବ

Couplet 41

ଯେତେ ଦେଖଇ ଭିନ୍ନେ ଭିନ୍ନେକୃଷ୍ଣହୁଁ କେବା ଅଛି ଅନ୍ୟେ

Couplet 42

ବେଦବଚନ ଦେବଗଣଏ ସର୍ବଲୋକ ଯଜ୍ଞଦାନ

Couplet 43

ତପସ୍ୟା-ଯୋଗ-ଜ୍ଞାନ-ଗତିସର୍ବସମ୍ପଦ ଦାଶରଥି

Couplet 44

ଯେ ହରି ସର୍ବଦେହେ ଦେହୀସର୍ବ ଦେଖଇ ହୃଦେ ରହି

Couplet 45

ତାର ଶରୀରୁ ମୁହିଁ ଜାତତା ତେଜେ ସର୍ଜଇ ଜଗତ

Couplet 46

ସ୍ୱଭାବେ ନିର୍ଗୁଣ-ମୁରାରିସୃଷ୍ଟି ସଞ୍ଚଇ ଗୁଣ ଧରି

Couplet 47

ନିର୍ଗୁଣ-ପୁରୁଷ-ଈଶ୍ୱରତା ମାୟାବଳେ ଏ ସଂସାର

Couplet 48

ସର୍ଗ-ପାଳନ-ତିରୋଧାନେଗୁଣକୁ ଧରେ ଭିନ୍ନେ ଭିନ୍ନେ

Couplet 49

କାର୍ଯ୍ୟ-କାରଣ-କର୍ତ୍ତା-ଅର୍ଥେଦ୍ରବ୍ୟ-ଜ୍ଞାନ-କ୍ରିୟା ସମେତେ

Couplet 50

ଗୁଣେ ରହନ୍ତି ଆଶ୍ରେ କରିନିର୍ଗୁଣ-ପୁରୁଷ ଆବୋରି

Couplet 51

ଏ ତିନିଗୁଣ ଲିଙ୍ଗଗତେମଧ୍ୟେ ବର୍ତ୍ତଇ ଅଲକ୍ଷିତେ

Couplet 52

ମୋ ଆଦି ସର୍ବଜନଙ୍କରଆତ୍ମାସ୍ୱରୂପ ସେ ଈଶ୍ୱର

Couplet 53

ମାୟା-ଈଶ୍ୱର ମାୟାବଳେସର୍ଜେ ସ୍ୱଭାବ କର୍ମକାଳେ

Couplet 54

ଆପଣା ଇଚ୍ଛାବଳେ କରିବିବିଧ-ଶରୀରକୁ ଧରି

Couplet 55

ସେ କାଳ-ଗୁଣ ବ୍ୟତିକରେସୃଜଇ ପାଳଇ ସଂହରେ

Couplet 56

ତାର ସ୍ୱଭାବ କର୍ମ ଯୋଗେମହତ ଉପୁଜିଲା ଆଗେ

Couplet 57

ମହତ ବିକାରୁ ତକ୍ଷଣେତ୍ରିଗୁଣ-ଲିଙ୍ଗ ଆବରଣେ

Couplet 58

ତମପ୍ରଧାନ ଅତିରେକେସେ ଦ୍ରବ୍ୟଜ୍ଞାନ କ୍ରିୟାତ୍ମକେ

Couplet 59

ସ୍ୱଭାବେ ଶକ୍ତି ମହାଘୋରତମଅଧିକ ଅହଙ୍କାର

Couplet 60

ସେ ଅହଙ୍କାର ନାମ ହୋଇସେ ତିନି ପ୍ରକାର ଭଜଇ

Couplet 61

ଗୁଣ ପ୍ରକାଶ ତିନିତିନିବିକାର-ତମ-ତେଜ ଘେନି

Couplet 62

ଯେ ଶକ୍ତି-ଦ୍ରବ୍ୟ-କ୍ରିୟା-ଜ୍ଞାନଏ ଭାବେ ଭେଦ ଭିନ୍ନ ଭିନ୍ନ

Couplet 63

ସେ ଅହଙ୍କାରେ ଭୂତ ଆଦିତାମସ-ଶକ୍ତି ତହିଁ ଭେଦି

Couplet 64

ଶବଦ-ଗୁଣ-ମାତ୍ରା ସଞ୍ଚେନଭପ୍ରକାଶେ ଅନ୍ତରୀକ୍ଷେ

Couplet 65

ଶବଦ-ଗୁଣ ସେ ପ୍ରଧାନଦୃଶ୍ୟଦର୍ଶକ ଭେଦସ୍ଥାନ

Couplet 66

ଶବଦ-ଗୁଣ ନଭୁ ହୋଇଚତୁର୍ଥମାତ୍ରା ସଙ୍ଗେ ଲଇ

Couplet 67

ନଭବିକାରୁ ବାୟୁ ଜାତସ୍ପରଶ ଶବ୍ଦଗୁଣେସ୍ଥିତ

Couplet 68

ସ୍ପରଶଗୁଣ ତା ପ୍ରବଳଯେ ପ୍ରାଣସହ ଓଜ-ବଳ

Couplet 69

ପବନବିକାରୁ ତକ୍ଷଣେସ୍ୱଭାବକାଳ କର୍ମଗୁଣେ

Couplet 70

ସ୍ପରଶଗୁଣ ତହିଁ ଥାଇତୃତୀୟମାତ୍ରା ଭାବ ବହି

Couplet 71

ଶବଦ-ସ୍ପର୍ଶ-ରୂପ ତାରପ୍ରଚଣ୍ତତେଜ ମହାଘୋର

Couplet 72

ତେଜବିକାରୁ ସେ ଉଦକଯାର ସ୍ୱଭାବ ରସାତ୍ମକ

Couplet 73

ଶବ୍ଦ-ସ୍ପରଶ-ରୂପ ତିନିଏ ତିନିରସ ସଙ୍ଗେ ଘେନି

Couplet 74

ଆପବିକାରୁ ମହୀଜାତସେ ପଞ୍ଚମାତ୍ରା ଗୁଣେ ଯୁତ

Couplet 75

ସତ୍ତ୍ୱ-ବିକାରତହୁଁ ମନଯେ ରୂପେ ପ୍ରକାଶେ ଗଗନ

Couplet 76

ମନର ସଙ୍ଗେ ଦେବବଳଦଶଇନ୍ଦ୍ରିୟ ରକ୍ଷପାଳ

Couplet 77

ଦିଗ-ବାତାର୍କ-ଜଳପତିଅଶ୍ୱିନୀ-ବହ୍ନି-ସୁରପତି

Couplet 78

ଉପେନ୍ଦ୍ର-ମିତ୍ର-ପ୍ରଜାପତିଏ ରୂପେ ଦଶ ଉତପତି

Couplet 79

ତୈଜସବିକାରୁ ତକ୍ଷଣେଜନ୍ମିଲେ ଦଶଇନ୍ଦ୍ରିଗଣେ

Couplet 80

ଯେ ଜ୍ଞାନ କ୍ରିୟା ବୁଦ୍ଧି ପ୍ରାଣତୈଜସଶକ୍ତି ଏ ପ୍ରମାଣ

Couplet 81

ଶ୍ରୁତିଯୁଗଳ ଚର୍ମ ଘ୍ରାଣନୟନ ଜିହ୍ୱା ପଞ୍ଚଜ୍ଞାନ

Couplet 82

ବଚନ ପାଣି ଅଂଘ୍ରିବେନିଉପସ୍ଥ ମୂଳାଧାର ଘେନି

Couplet 83

ଏ କର୍ମ ଇନ୍ଦ୍ରିୟ ପ୍ରକାରଦଶଦେବଙ୍କ ଅଧିକାର

Couplet 84

ଭୂତ ଇନ୍ଦ୍ରିୟ-ଗଣ ମନମହତ ଆଦି ତିନିଗୁଣ

Couplet 85

ଯେଣୁ ନୋହିଲେ ଏକମନଏ ତେଣୁ ନ ପାଇଲେ ସ୍ଥାନ

Couplet 86

ବ୍ରହ୍ମାଣ୍ତ ହେତୁ ଏ ପ୍ରତ୍ୟକ୍ଷେସୂକ୍ଷ୍ମେ ରହିଲେ ଅନ୍ତରୀକ୍ଷେ

Couplet 87

ସ୍ଥାନ ନ ପାଇ ଅନ୍ୟୋଅନ୍ୟେସ୍ଥକିତେ ରହିଲେ ଗଗନେ

Couplet 88

କେତେହେଁ କାଳ ଶୂନ୍ୟେ ରହିଶବଦେ ବିଷ୍ଣୁଆଜ୍ଞା ପାଇ

Couplet 89

ଏ ମହାଭୂତେ ସୂକ୍ଷ୍ମଭୂତେଘଟିତ ଅନ୍ୟୋଅନ୍ୟ ଯୁତେ

Couplet 90

ସୁବର୍ଣ୍ଣ-ଅଣ୍ତ ଉପୁଜିଲାତକ୍ଷଣେ ଉଦକେ ପଡ଼ିଲା

Couplet 91

ଅନେକ ସହସ୍ର ବରଷେସେ ଅଣ୍ତ ମହାଜଳେ ଭାସେ

Couplet 92

ସେ ଅଣ୍ତ ମଧ୍ୟେ ଜୀବ ଜାତକାଳ କର୍ମ ସ୍ୱଭାବେସ୍ଥିତ

Couplet 93

ଜୀବ ସ୍ୱଭାବେ ଅଚେତନଚେତନା ଦେଲେ ଭଗବାନ

Couplet 94

ସେ ସର୍ବଗୁଣ ସର୍ବସିଦ୍ଧିକେତେହେଁ କାଳେ ଅଣ୍ତଭେଦି

Couplet 95

ପୁରୁଷେ ହୋଇଲା ବାହାରଏବେ ହୋ ଶୁଣ ମୁନିବର

Couplet 96

ସହସ୍ର-ଉରୁ-ଅଂଘ୍ରି-ବକ୍ଷସହସ୍ରନୟନ ପ୍ରତ୍ୟକ୍ଷ

Couplet 97

ସହସ୍ରେ ଶିର ସସ୍ରଭୁଜଆନନ ଅପ୍ରମିତ ତେଜ

Couplet 98

ତାହାର ଦେହ ଶୂନ୍ୟେ ଦେଖିଲୋକର ସ୍ଥିତି ଉପଲକ୍ଷି

Couplet 99

ଦ୍ୱିସପ୍ତଲୋକ ତାର ଅଙ୍ଗେକଳ୍ପିତ ଅଧ ଉର୍ଦ୍ଧ୍ୱ ଭାଗେ

Couplet 100

ମୁଖୁ କଳ୍ପିତ ବ୍ରହ୍ମକୁଳକ୍ଷତ୍ରିୟଜାତ ବାହୁମୂଳ

Couplet 101

ଉରୁ ଯୁଗଳୁ ବୈଶ୍ୟଗଣେଶୂଦ୍ର ଉପୁଜିଲା ଚରଣେ

Couplet 102

ଭୂଲୋକ କଟୀଭାଗେସ୍ଥିତନାଭିରୁ ଭୁବଲୋକ ଜାତ

Couplet 103

ହୃଦରେ ସ୍ୱର୍ଗଲୋକ ମିଳେମହତଲୋକ ଉରସ୍ଥଳେ

Couplet 104

ଜନଲୋକ ଯେ ଗ୍ରୀବାତଟେତପ ବସଇ ବେନିଓଷ୍ଠେ

Couplet 105

ମୂର୍ଦ୍ଧନି ମଧ୍ୟେ ସତ୍ୟଲୋକଯେ ବ୍ରହ୍ମ-ସନାତନ-କଳ୍ପ

Couplet 106

ସପ୍ତପାତାଳ ଅଧୋଭାଗେଶୁଣ କହିବା ପ୍ରତିଅଙ୍ଗେ

Couplet 107

ଅତଳ ବସେ କଟୀଦେଶେଉରୁରେ ବିତଳ ପ୍ରକାଶେ

Couplet 108

ସୁତଳ ବସେ ଜାନୁମୂଳଜଂଘର ମୂଳେ ତଳାତଳ

Couplet 109

ଯେ ମହାତଳ ଗୁଳ୍ଫଦେଶେପାଦାଗ୍ରେ ରସାତଳ ବସେ

Couplet 110

ପାତାଳ ପାଦତଳେ ରହେଏଣୁ ଭୁବନ ବିଶ୍ୱଦେହେ

Couplet 111

ଯେ ଭୂଲୋକ ପାଦେ ବସେନାଭିରେ ଭୁବ ଯେ ପ୍ରକାଶେ

Couplet 112

ସ୍ୱଲୋକ କଳ୍ପିତ ମୂର୍ଦ୍ଧନିବିଶ୍ୱଦେହେ ବା ବିଶ୍ୱମାନି

Couplet 113

ନାରଦ ଆଗେ ବେଦବରଯାହା କହିଲେ ବେଦସାର

Couplet 114

ସୁଜନଜନଙ୍କ ଶ୍ରବଣେବ୍ରାହ୍ମଣ ଜଗନ୍ନାଥ ଭଣେ