Adhyaya 4

Couplet 1

ଏମନ୍ତ ଶୁକବାକ୍ୟ ଶୁଣିଆତ୍ମାର ତତ୍ତ୍ୱ ମନେ ଗୁଣି

Couplet 2

କୃଷ୍ଣବିଷୟେ ଦୃଢ଼ମନକଳ୍ପିଲା ଉତ୍ତରା-ନନ୍ଦନ

Couplet 3

ଆତ୍ମା-କଳତ୍ର-ସୁତ-ଗୃହେପଶୁ-ଦ୍ରବିଣ-ବନ୍ଧୁସ୍ନେହେ

Couplet 4

ରାଜ୍ୟ-ସମ୍ପଦ ଯେତେ ଆଶହୃଦୁ ଛାଡ଼ିଲା ସ୍ନେହପାଶ

Couplet 5

ତୁମ୍ଭେ ଯା ପଚାରିଲ ମୋତେଏ କଥା ରାଜା ଦୃଢ଼ଚିତ୍ତେ

Couplet 6

କୃଷ୍ଣାନୁଭାବ ଶୁଣିବାରେଶ୍ରଦ୍ଧାବଳିଲା ନିର୍ବିକାରେ

Couplet 7

ଆତ୍ମନିଧନ ମନେ ସ୍ମରିବେଦବଚନ ଦୃଢ଼କରି

Couplet 8

କୃଷ୍ଣବିଷୟେ ଦୃଢ଼ଚିତ୍ତନିଶ୍ଚୟ କରି ପରୀକ୍ଷିତ

Couplet 9

ଆତ୍ମତ୍ୱଭାବ ହେଲେ ଦେହେପୁଣି ପୁଚ୍ଛଇ ଅତି ସ୍ନେହେ

Couplet 10

ହେ ଶୁକ ତୁମ୍ଭର ବଚନକୃଷ୍ଣର ଯେତେ ଗୁଣକର୍ମ

Couplet 11

ଯାହା ଶୁଣନ୍ତେ ପାପହରେପବିତ୍ର ବାହ୍ୟ-ଅଭ୍ୟନ୍ତରେ

Couplet 12

ଶୁଣି ଅଜ୍ଞାନ ମୋର ଗଲାତୁମ୍ଭ ପ୍ରସାଦ ଯେଣୁ ହେଲା

Couplet 13

ସେ କଥା କହ ମୁନି ମୋତେଯେମନ୍ତେ ଧରି ଦୃଢ଼ଚିତ୍ତେ

Couplet 14

ସେ ହରି ଆତ୍ମମାୟାବଳେସୃଷ୍ଟି ସଞ୍ଚଇ ଏ ଶୟଳେ

Couplet 15

ବିଷ୍ଣୁର ସର୍ଜିଲା ସଂସାରଅନ୍ୟଦେବଙ୍କୁ ଅଗୋଚର

Couplet 16

ସେ କଥା ଜାଣିବାର ପାଇଁଭୋ ମୁନି ପୁଣି ମୁଁ ପୁଚ୍ଛଇ

Couplet 17

ସେ ବହୁ ଶକ୍ତିମନ୍ତ ହରିପରମ-ପୁରୁଷ-ମୁରାରି

Couplet 18

ଯେମନ୍ତେ ପାଳି ପୁଣ ପରେଯେ କାଳେ ଯେବା ଶକ୍ତିଧରେ

Couplet 19

ଆତ୍ମାକୁ ଆତ୍ମା କରି ଖେଳାକୁହୁକମତେ ବିଷ୍ଣୁଲୀଳା

Couplet 20

ସୃଜଇ ପାଳଇ ସଂହରେମାୟା-ତ୍ରିଗୁଣରୂପ ଧରେ

Couplet 21

ଯେମନ୍ତେ ବ୍ରହ୍ମା-ବିଷ୍ଣୁ-ହରକ୍ରୀଡ଼ନ କରେ ଦାମୋଦର

Couplet 22

ବିବିଧରୂପ ଏ ଜଗତେଯେମନ୍ତେ କରେ କ୍ରୀଡ଼ାଅର୍ଥେ

Couplet 23

ଅଦ୍ଭୁତକର୍ମ ଏ ତାହାରକେ କରି ପାରିବ ଗୋଚର

Couplet 24

ଏକଇ ପୁରୁଷ ଅନନ୍ତପ୍ରକୃତିମତେ ବହୁମତ

Couplet 25

ଆଦିପୁରୁଷ ରୂପ ଧରିଯେମନ୍ତେ କ୍ରମେ ନରହରି

Couplet 26

କାର୍ଯ୍ୟମାନଙ୍କୁ ଏ ସଂସାରେକଲେ କହିବା ମୁନିବରେ

Couplet 27

ଯେ ଶବ୍ଦ ବ୍ରହ୍ମରେ ବିଚାରବ୍ରହ୍ମାନୁଭବରେ ଗୋଚର

Couplet 28

ଏକ ଅନେକ ରୂପ ଧରେଅଶେଷଜନ୍ମ କର୍ମ କରେ

Couplet 29

ଏଣୁ ଶ୍ରବଣେ ଇଚ୍ଛା ମୋରକହ ହେ ବ୍ୟାସଙ୍କ କୁମର

Couplet 30

ହେ ମହାମୁନି ଭାଗବତଶ୍ରବଣେ ପିଆଅ ଅମୃତ

Couplet 31

ଏମନ୍ତ ପରୀକ୍ଷିତ କଥାପୁରୁଷୋତ୍ତମ-ଗୁଣଗାଥା

Couplet 32

ଶୁଣି ସାନନ୍ଦ ବ୍ୟାସସୁତକୃଷ୍ଣଚରଣେ ଦେଇ ଚିତ୍ତ

Couplet 33

ସେ ପରୀକ୍ଷିତେ ପ୍ରତିବାଣୀକହିବା ଅର୍ଥେ ମୁନିମଣି

Couplet 34

ଧ୍ୟାନେ ସେ ଚିନ୍ତି ନାରାୟଣବୋଇଲେ ପରୀକ୍ଷିତ ଶୁଣ

Couplet 35

ନମସ୍ତେ ପରମ-ପୁରୁଷଅନନ୍ତଘଟେ ଯା ପ୍ରକାଶ

Couplet 36

ଲୀଳାବିହାରେ ସୃଷ୍ଟିକରେପାଳଇ ପୁଣି ସେ ସଂହରେ

Couplet 37

ହେଳେ ଏ ତିନିଶକ୍ତି ଧରେଜନ୍ତୁର ଅନ୍ତରେ ବିହରେ

Couplet 38

ତେଣୁ ତା ମାର୍ଗ ଉପଲକ୍ଷ୍ୟକରିବ କାହାର ବା ଶକ୍ୟ

Couplet 39

ନମସ୍ତେ ଜଗତଜୀବନସାଧୁଙ୍କ ବୃଜିନ-ଦହନ

Couplet 40

ଅସାଧୁ-ଦମନ ବେଭାରଅଖିଳଜନ୍ତୁ ରୂପ ତୋର

Couplet 41

ପରମହଂସଙ୍କ ଆଶ୍ରମେଯେ ବ୍ୟବସ୍ଥିତ ପ୍ରାଣୀମାନେ

Couplet 42

ତାହାଙ୍କ ଆତ୍ମତତ୍ତ୍ବଦାତାନିରତେ ତୋର ପାଦେ ଚିନ୍ତା

Couplet 43

ନମସ୍ତେ ସାତ୍ତ୍ବତବତ୍ସ›ଳକୁଯୋଗୀଗଣେ ଅଗୋଚରେ

Couplet 44

ସମେ ପ୍ରକାଶ ସର୍ବଠାରେଜନ୍ତୁଙ୍କ ବାହ୍ୟ-ଅଭ୍ୟନ୍ତରେ

Couplet 45

ଐଶ୍ୱର୍ଯ୍ୟେ ପରମ-କାରଣଯେ ନିତ୍ୟେ ସ୍ୱଧାମ-ଧାରଣ

Couplet 46

ଯା ନାମ ଶ୍ରବଣ-କୀର୍ତ୍ତନଯା ରୂପ ଦେଖିଣ ନୟନ

Couplet 47

ନମିଲେ ଯାହାର ଚରଣସ୍ମରଣ ପୂଜା ସମର୍ପଣ

Couplet 48

ଜନ୍ତୁଙ୍କ କଳ୍ମଷ ନାଶଇଯେ ସର୍ବମଙ୍ଗଳ ବୋଲାଇ

Couplet 49

ଯେହରି ଶରଣ-ସୋଦରତାହାଙ୍କୁ ମୋର ନମସ୍କାର

Couplet 50

ପଣ୍ତିତଜନ ଯାର ପାଦେସେବା ସମ୍ପାଦି ଅପ୍ରମାନେ

Couplet 51

ଆତ୍ମାର କଳ୍ମଷ ନାଶନ୍ତିଜନ୍ମମରଣେ ନଡରନ୍ତି

Couplet 52

ଆତ୍ମାର ଶ୍ରମ କରି ଶାନ୍ତିଅନ୍ତେ ଲଭନ୍ତି ବ୍ରହ୍ମଗତି

Couplet 53

ସର୍ବମଙ୍ଗଳ ଦାମୋଦରତାହାଙ୍କୁ ମୋର ନମସ୍କାର

Couplet 54

ଯେ ପ୍ରାଣୀ ତପ-ଦାନ କରେଯଶ ସମ୍ପାଦି ଏ ସଂସାରେ

Couplet 55

ସୁବୁଦ୍ଧିପଣେ ମନ୍ତ୍ରସାଧିମଙ୍ଗଳକର୍ମକୁ ଆରାଧି

Couplet 56

ଏଣୁ ଅର୍ଜନ୍ତି ଯେତେ ଫଳତୋତେ ନ ସମର୍ପି ନିଷ୍ଫଳ

Couplet 57

ସୁଭଦ୍ରଶ୍ରବା ନାମ ଯାରତାହାଙ୍କୁ ମୋର ନମସ୍କାର

Couplet 58

କିରାତ ହୂଣ ଆନ୍ଧ୍ର ଯେତେପୁଳିନ୍ଦ ଚଣ୍ତାଳ ସମେତେ

Couplet 59

ଆଭୀର କଙ୍କ ଯେ ଯବନଏ ଆଦି ଯେତେ ଅନ୍ତ୍ୟଜନ

Couplet 60

ଦୁଷ୍କୃତକର୍ମ ଯେ କରନ୍ତିଯା ପାଦ ଆଶ୍ରିତେ ତରନ୍ତି

Couplet 61

ସର୍ବ-ପ୍ରଭବଶୀଳ ଯେହିତା ପାଦପଦ୍ମେ ମୁଁ ନମଇଁ

Couplet 62

ଯେ ହରି ଜଗତ-ଜୀବନଆତ୍ମଜ୍ଞାନୀଙ୍କ ଆତ୍ମାଧନ

Couplet 63

ଏ ତିନିବେଦ ଯାର ଦେହଯେ ଧର୍ମମୟ ତପୋମୟ

Couplet 64

ନିର୍ମଳତପେ ଯୋଗୀଜନେବ୍ରହ୍ମାଶଙ୍କର ଅନୁମାନେ

Couplet 65

ନାନାପ୍ରକାରେ ଧ୍ୟାନେ ଚିନ୍ତିଯା ରୂପ କେହି ନ ଦେଖନ୍ତି

Couplet 66

ଯେ ଲକ୍ଷ୍ମୀପତି ଯଜ୍ଞପତିଯେ ପ୍ରଜାପତି ଜ୍ଞାନପତି

Couplet 67

ଯେ ଲୋକପତି ଧରାପତିଯାଦବବଂଶ-ପତି-ଗତି

Couplet 68

ସାଧବଗଣେ ଯାହା ଚିନ୍ତିସେ ହେଉ ମୋର ମନେ ସ୍ଥିତି

Couplet 69

ଯାର ଚରଣ-ଧ୍ୟାନବଳେନିଶ୍ଚଳ-ସମାଧିର ଜଳେ

Couplet 70

ବୁଦ୍ଧି କି ପ୍ରକ୍ଷାଳନ କରିଯାହା ଚିନ୍ତନ୍ତି ବ୍ରହ୍ମଚାରୀ

Couplet 71

ସଗୁଣ-ନିର୍ଗୁଣ ବିଚାରେକହନ୍ତି ଯଥା ଅନୁସାରେ

Couplet 72

ସେହରି ମୋର ହୃଦଗତେପ୍ରକାଶ ହେଉ ଅବିରତେ

Couplet 73

ଯାହାର ଆଜ୍ଞା ପରମାଣେଭାରତୀ ଆସି ତତକ୍ଷଣେ

Couplet 74

ପ୍ରକାଶି କଳ୍ପ ଆଦିକାଳେବ୍ରହ୍ମାର ହୃଦୟ-କମଳେ

Couplet 75

ସୃଷ୍ଟି-ବିଷୟ ଜ୍ଞାନ ଦେଲାମୁଖେ ଗାୟତ୍ରୀ ଉଚ୍ଚାରିଲା

Couplet 76

ନମସ୍ତେ ବ୍ୟାସରୂପ ହରିହୃଦୟେ ବସ କୃପା କରି

Couplet 77

ମହତ ଆଦି ପଞ୍ଚଭୂତେଜନ୍ତୁ ଭିଆଇ ଏ ଜଗତେ

Couplet 78

ଜନ୍ତୁଙ୍କ ହୃଦୟ-କମଳେଯାର ଆସନ ସୁଖଭୋଳେ

Couplet 79

ଗୁଣସମୂହ ସୁଖେ ଭୁଞ୍ଜେଷୋଡ଼ଶଆତ୍ମାରୂପେ ରାଜେ

Couplet 80

ସେ ହରି ବସୁ ମୋର ହୃଦେବାକ୍ୟ ଆବୋରି ପଦେପଦେ

Couplet 81

ନମଇଁ ବ୍ୟାସମୁନିବରକୃଷ୍ଣେ ଅକୁଣ୍ଠବୁଦ୍ଧି ଯାର

Couplet 82

ଯା ମୁଖପଦ୍ମୁଁ ଜ୍ଞାନରସେମୁନିଏ ପିବନ୍ତି ହରଷେ

Couplet 83

ଯେ ହରିକଥା ପୂର୍ବକାଳେନାରଦଋଷି ମୁନିମେଳେ

Couplet 84

ବ୍ରହ୍ମାଙ୍କୁ ପଚାରିଲେ ଯେତେପ୍ରସନ୍ନେ କହିବି ମୁଁ ତୋତେ

Couplet 85

ଏ ବାଣୀ ଶୁଣି ସୁଖଭୋଳେପ୍ରାଣୀ ନିସ୍ତରେ ଭବଜଳେ

Couplet 86

କହଇ ଦାସ ଜଗନ୍ନାଥଦ୍ୱିତୀୟସ୍କନ୍ଧେ ଭାଗବତ