Adhyaya 2

Couplet 1

ଉଦ୍ଧବ କୃଷ୍ଣ ପାଦ ଧରିବୋଲଇ ପ୍ରେମେ ମୋଦ ଭରି

Couplet 2

ଦୁସ୍ତର ଏ ଘୋର ସଂସାରକୃତାର୍ଥ ନାହିଁ ଏ ଜୀବର

Couplet 3

ଜ୍ଞାନ କହିଲ ସ୍ୱୟଂ ମୋତେଦେଖିଲି ଦୃଷ୍ଟିରେ ସାକ୍ଷାତେ

Couplet 4

ପ୍ରଳୟ ବ୍ରହ୍ମାଣ୍ତ କେମନ୍ତେଜୀବ ପ୍ରଳୟ କେଉଁ ମତେ

Couplet 5

ଏହା କହିବା ହେଉ ହରିପୁଚ୍ଛଇ ବେନି ପାଦ ଧରି

Couplet 6

ଶୁଣ ଉଦ୍ଧବ ଯାହା ପୁଚ୍ଛିକହିବା ତହୁଁ ତୋତେ କିଛି

Couplet 7

ସପତ ପାତାଳେ ଯେ ଏଥିଏହା ପ୍ରଳୟେ କରେ ପୃଥ୍ୱୀ

Couplet 8

ପଶନ୍ତି ପୃଥ୍ୱୀ ଅଙ୍ଗେ ଯାଇପୃଥ୍ୱୀ ପ୍ରଳୟ ଅନ୍ତ ନାହିଁ

Couplet 9

ପୃଥ୍ୱୀକୁ ଆପ ପ୍ରଳେ କଲାଭୁଲୋକ ମଧ୍ୟରେ ପଶିଲା

Couplet 10

ତହୁଁ ଯେ ଥିଲେ ବେନି ଜନଆଦ୍ୟଦ୍ୱାରେ ସେ ଦ୍ୱାରୀ ପଣ

Couplet 11

ବିଷ୍ଣୁର ଆଦ୍ୟ ଦ୍ୱାରୀ ସେହିପୃଥ୍ୱୀ ଆପଙ୍କ ଫଳେ ତହିଁ

Couplet 12

ଚାରିବେଦରୁ ଚାରି ବାଇଚାରି ଅକ୍ଷର ଏହା କହି

Couplet 13

ପାଖୁଡ଼ା ଅକ୍ଷରେ ରହିଲାଅକ୍ଷୟ ବାୟୁ ହୋଇଗଲା

Couplet 14

ବାୟବୀ ଶକ୍ତି ତୀରେ ପଶିଶକ୍ତି ଗଣେଶ ଦେହେଁ ମିଶି

Couplet 15

ଗଣେଶ ଭୁବଲୋକେ ଗଲାପ୍ରଳୟ ସହି ନ ପାରିଲା

Couplet 16

ଭୁବଲୋକରେ ଦେବାଦେବୀଦ୍ୱିତୀୟ ଦ୍ୱାର ପାଳ ସେବି

Couplet 17

ଷଡ଼ ଅକ୍ଷର ଷଡ଼ ଦଳଷଡ଼ ପବନ ଯହିଁ ଠୁଳ

Couplet 18

କାମ କାମାକ୍ଷୀ ଯହିଁ ଦ୍ୱାରୀପାତାଳପୁର ଅଧିକାରୀ

Couplet 19

ଷଡ଼ ଅକ୍ଷର ପ୍ରଳୟାନ୍ତେଷଡ଼ ପବନ ଯେ ମିଳନ୍ତେ

Couplet 20

ଷଡ଼ ଅକ୍ଷର ପ୍ରଳେ ହୋଇକାମାକ୍ଷୀ ଅଙ୍ଗେ ପଶେ ଯାଇ

Couplet 21

କାମାକ୍ଷୀ ପ୍ରଳୟର କାଳେପଶଇ କାମ ଗର୍ଭସ୍ଥଳେ

Couplet 22

ଭୁବ ପୁଲୋକ ପ୍ରଳୟାନ୍ତେମିଶଇ ସୁରଙ୍କ ସଙ୍ଗତେ

Couplet 23

ସେ ଦ୍ୱାରେ ବେନିଜନ ଦ୍ୱାରୀଆପକୁ ପ୍ରଳେ ତେଜ କରି

Couplet 24

ତେଜି ଦଶ ଦଳ କମଳଦଶ ଅକ୍ଷର ଦଶ ଦଳ

Couplet 25

ଦଶ ପବନ ଯହିଁ ବସେତେଜ କମଳ ପରକାଶେ

Couplet 26

ଦଶ ଅକ୍ଷର ଦ୍ୱାରେ ହୋଇଅକ୍ଷର ପବନ ହୁଅଇ

Couplet 27

ପବନ ସାବିତ୍ରୀ ଶକ୍ତିରେପଶନ୍ତି ଯାଇ ପ୍ରଳୟରେ

Couplet 28

ସାବିତ୍ରୀ ପ୍ରଳୟରେ ଯାଇସେ ବ୍ରହ୍ମ ବ୍ରହ୍ମରେ ମିଶଇ

Couplet 29

ଅକ୍ଷର ଦଳ ଏ ପବନତେଜ ପବନେ ଦେବଗଣ

Couplet 30

ବ୍ରହ୍ମ ପ୍ରଳୟ ସେହୁ ଲୀଳାବାୟବ୍ୟ ମଣ୍ତଳେ ପଶିଲା

Couplet 31

ପୃଥିବୀ ଆପ ତେଜ ଘେନିବାୟବ୍ୟ ମଣ୍ତଳରେ ପୁଣି

Couplet 32

ଦ୍ୱାଦଶ ଦଳ ଜନଲୋକତହିଁର ଦ୍ୱାରେ ବେନି ଦେଖ

Couplet 33

ଦ୍ୱାଦଶ ଅକ୍ଷର ବସଇଦ୍ୱାଦଶ ପାଇଁ ପ୍ରଘଟଇ

Couplet 34

ଦଶ ଅକ୍ଷର ଦ୍ୱାରେ ହୁଏଅକ୍ଷର ହୁଏ ବାୟୁ ମୟେ

Couplet 35

ବାୟବ୍ୟ ଲକ୍ଷ୍ମୀ ସଙ୍ଗେ ମିଶିଲକ୍ଷ୍ମୀ ନାରାୟଣ ପ୍ରବେଶି

Couplet 36

ଓଁକାର ବାୟୁ ମୁଳେ ଛିଡେ଼ନିଷେଧ କିଳିଣିକି ଫେଡେ଼

Couplet 37

ସେ ମହା ନାରାୟଣ ଯାଇତପ ଲୋକରେ ମେଳ ହୋଇ

Couplet 38

ଆକାଶ ମଣ୍ତଳେ ପଶନ୍ତିସେ ଦ୍ୱାରେ ବେନି ଜନେଛନ୍ତି

Couplet 39

ଷୋଳ ଦଳରେ ଷୋଳକ୍ଷରଷୋଡ଼ଶ ପବନ ତାହାର

Couplet 40

ଶିବ ପାର୍ବତୀ ବେନିଜନପଶନ୍ତି କଣ୍ଠ ଦ୍ୱାର ସ୍ଥାନ

Couplet 41

ଷୋଳ ଅକ୍ଷର ଲୀନ ପାଇଅକ୍ଷର ବାୟୁରେ ସମ୍ଭାଇ

Couplet 42

ବାୟୁ ପାର୍ବତୀ ସଙ୍ଗେ ମିଶିପାର୍ବତୀ ସଙ୍ଗରେ ବିକାଶି

Couplet 43

ଶିବ ପ୍ରଳୟ ଆକାଶରେଶୁଣ କହିବା କିଛି ତୋରେ

Couplet 44

ଶିବ ଯେ ମହଲ୍ଲୋକେ ଗଲେମହଲ୍ଲୋକୁ ସତ୍ୟେ ଚଳିଲେ

Couplet 45

ସ୍ତ୍ୟଲୋକୁ ବ୍ରହ୍ମ ଲୋକରେଧୃବଲୋକ ବ୍ରହ୍ମ ମଣ୍ତଳେ

Couplet 46

ସମସ୍ତେ ପ୍ରଳୟର ରାଶିଜୀବ ସଙ୍ଗରେ ଯାଇ ମିଶି

Couplet 47

ହଂସ ପ୍ରଳୟ ଯାଇ ହୋଇକାଳ ପ୍ରକୃତି ପୁରୁଷ ହିଁ

Couplet 48

ହ-ଅ ଯେ ପରମ ଅଟଇସ-ଅ ଯେ ଜୀବକୁ ବୋଲାଇ

Couplet 49

କମଳ ମଣ୍ତଳ ପୁରୁଷଏ ତିନି ପ୍ରଳୟ ପ୍ରବେଶ

Couplet 50

ବେଦ ବଉଦ ପ୍ରଳେ ଗଲେଜୀବ ଅଙ୍ଗରେ ସେ ରହିଲେ

Couplet 51

ସେ ଜୀବ ମହତ ପୁରୁଷପଞ୍ଚତତ୍ତ୍ୱକୁ ଘେନି ପାଶ

Couplet 52

ଜୀବ ପ୍ରଳୟ ତ୍ରାସ ପାଇପରମ ଆତ୍ମାରେ ମିଶଇ

Couplet 53

ପରମ ଆତ୍ମା ସର୍ବ ଘେନିଭାସେ ପ୍ରଳୟ ଜଳେ ପ୍ରାଣୀ

Couplet 54

ପ୍ରଳୟ ଜଳରେ ଭାସଇସଲିଳ ବିମ୍ବ ପ୍ରାୟ ହୋଇ

Couplet 55

ହଂସ ସ୍ୱରୂପ ଜଳେ ଭାସେପ୍ରଳୟ ଅନ୍ତେ ସୃଷ୍ଟି ବସେ

Couplet 56

ସେ ହଂସ ସହସ୍ର ବରଷପ୍ରଳୟ ଜଳେ କରେ ବାସ

Couplet 57

ଆହାର ବିନୁ ଭ୍ରମୁଥାଇପ୍ରଳୟ ତାକୁ ନ ଧରଇ

Couplet 58

ପରମ ଆତ୍ମା ହଂସ ଦୀକ୍ଷାସୃଷ୍ଟି ଭିଆଣ କଲା ଇଚ୍ଛା

Couplet 59

ଡିମ୍ବେକ ପଡିଲା ଜଳରେପଞ୍ଚବର୍ଣ୍ଣ ସେ ଡିମ୍ବ ଧରେ

Couplet 60

ଡିମ୍ବ ତାପିଲା ପଞ୍ଚତତ୍ତ୍ୱେପାକ ହୋଇଲା ଡିମ୍ବ ଅନ୍ତେ

Couplet 61

ସେ ଡିମ୍ବ ବେନି ଫାଳ କଲାଫାଳକେ ପୃଥିବୀ ହୋଇଲା

Couplet 62

ଫାଳକେ ଆକାଶ ଅଟଇଭାସଇ ଜୀବ ପ୍ରାୟ ହୋଇ

Couplet 63

କ୍ଷୟ ନୋହିଲା ଯହୁଁ ଫାଳନାଭିରୁ ଜାତ ପଦ୍ମମୂଳ

Couplet 64

ସେ ଷଡ଼ ଅଷ୍ଟମୁଖେ ଗଲାସପତ ପାତାଳ ଭେଦିଲା

Couplet 65

ଉର୍ଦ୍ଧ୍ୱେ ସେ ଗଲା ନାଡେ଼ ବଢ଼ିପରେ ଊର୍ଦ୍ଧ୍ୱ ଲୋକେ ହାବୋଡ଼ି

Couplet 66

ସେ ନାଡ଼ୀ ମଧ୍ୟେ କଟିଭାଗତହିଁ ଛନ୍ତି ବାସୁକୀ ନାଗ

Couplet 67

ସେ ନାଗ ଲାଞ୍ଜେ ମେରୁ ଖଟିତା ଶିରେ ଫଣା ସହସ୍ରଟି

Couplet 68

ସହସ୍ର ଫଣାରେ ଧରଇତେବେ ବ୍ରହ୍ମାଣ୍ତ ଥୟ ହୋଇ

Couplet 69

ସେ ନାଗକୁଳଙ୍କ ଆଶ୍ରମଧଇଲା ଅତି ବଡ଼ କୂର୍ମ

Couplet 70

କୂର୍ମକୁ ମଣ୍ତୁକୀ ଧଇଲାଏମନ୍ତ ପୃଥ୍ୱୀଥୟ ହେଲା

Couplet 71

ତେବେ ସଞ୍ଚିଲା ମହୀଭାରମୁଁ ପ୍ରତିପାଳଇ ସଂସାର

Couplet 72

ଏମନ୍ତେ ତିନି ଦେବ ହୋଇପ୍ରଳୟ ଶିବ ଯେ କରଇ

Couplet 73

ମେରୁ ହୋଇଲା ପଦ୍ମମୂଳତହିଁ ବାନ୍ଧିଲା ଡିମ୍ବଫାଳ

Couplet 74

ବନ ପର୍ବତ ନଦୀ ତୀର୍ଥଫଳ ମୂଳ ଅନ୍ନ ଯାବତ

Couplet 75

ମନୁଷ୍ୟ ପକ୍ଷୀ ସର୍ପହୋଇଏ ସର୍ବ ସାଧ୍ୟ କଲେ ମହୀ

Couplet 76

ଶୁଣି ଉଦ୍ଧବ କୃତ୍ୟ କୃତ୍ୟମୁଁ ତୁମ୍ଭ ଜନ୍ମେ ଜନ୍ମେ ଭୃତ୍ୟ

Couplet 77

ତେଣୁ ଭକତି ବଶ ତୁହିଭାବ ନିକଟେ ଭାବଗ୍ରାହୀ

Couplet 78

ଏ ଦେହେ କର ଶିର ନେତ୍ରନାସା ବଦନ କର୍ଣ୍ଣପଥ

Couplet 79

ଆତ୍ମା ସହିତେ ଇନ୍ଦ୍ରି ପୁଣପାଞ୍ଚ ମନ ପ୍ରକୃତିଗଣ

Couplet 80

ଏ ସର୍ବ ତୋହର ସଞ୍ଚିତତୁମ୍ଭର କିଣା ଗୋପୀନାଥ

Couplet 81

ମୋହର ନାହିଁ ଏଥି ପଣଏ ସବୁ ତୋହର ଭିଆଣ

Couplet 82

ରଖ ନ ରଖ ତୋର ଇଚ୍ଛାମୋତେ କରିବ ତୁମେ ରକ୍ଷା

Couplet 83

କୃତାର୍ଥ କର ଭଗବାନକହିବ ଗୁପ୍ତ କଥାମାନ

Couplet 84

ଅଧଃ ଊର୍ଦ୍ଧ୍ୱ କାହାକୁ କହିଉତ୍ପତ୍ତି ପ୍ରଳୟ କେ ହୋଇ

Couplet 85

ତ୍ରିମାତ୍ରା ବୋଲି ଅବା କେହୁତ୍ରିମୁଖ କେବା ମହାବାହୁ

Couplet 86

ଜୀବ ପରମ କେ ଅଟଇଶିବ ଶକ୍ତି ବା କେ ବୋଲାଇ

Couplet 87

ଉତ୍ପତ୍ତି ପ୍ରଳୟର ଦ୍ୱାରକେ ଅଟେ ବ୍ରହ୍ମାଣ୍ତ ଠାକୁର

Couplet 88

ଶୁଣ ଉଦ୍ଧବ ତତ୍ତ୍ୱଜ୍ଞାନଯେଣୁ ଲଭିବୁ ମୋ ଚରଣ

Couplet 89

ଅଧଃ ଜୀବନ ନିରାକାରଊର୍ଦ୍ଧ୍ୱ ପରମ ସୂକ୍ଷ୍ମସାର

Couplet 90

ଉତ୍ପତ୍ତି ପ୍ରଳୟଟି ଭ୍ରାନ୍ତିତେଣୁ ଜନ୍ମଇ ଏ ପ୍ରକୃତି

Couplet 91

ଉଦେ ଅସ୍ତଟି ଚଇତନଚନ୍ଦ୍ରହିଁ ବୋଲେ ତାର ନାମ

Couplet 92

ଅକାର ଉକାର ମକାରତ୍ରିଶୁନ୍ୟ ଦେଖି ଆଜଘର

Couplet 93

ତ୍ରିବେଣୀ ଜୟ ମାତ୍ରା କହିତ୍ରିବେଣୀ ନାମେ ଧାର ବହି

Couplet 94

ଶ୍ରୁତି ଶବଦ ଶିବ ଶାନ୍ତିପ୍ରଳୟ ଦ୍ୱାର କାଳ ସ୍ତୁତି

Couplet 95

ସେ ନିରଞ୍ଜନ ନିରାକାରରଜ ବୀର୍ଯ୍ୟରୁ ସେ ବାହାର

Couplet 96

ଅକ୍ଷୟ ବୀଜ ତେଜ ବଳେଦୁଃଖ ସୁଖ ଏ ବେନି ଫଳେ

Couplet 97

ତ୍ରୟଧାତୁରେ ବୃକ୍ଷ ଟାଣଚତୁର ଶିରେ ବଳବାନ

Couplet 98

ଏ ପଞ୍ଚଡାଳେ ପଞ୍ଚଭୂତେବସନ୍ତି ଭୋଗ ରକ୍ଷା ଅର୍ଥେ

Couplet 99

ଷଢ଼ ଆତ୍ମାରେ ବୃକ୍ଷ ମୋଟଏ ଷଢ଼ରସ ରୂପୀ ଦୁଷ୍ଟ

Couplet 100

ଶ୍ରବଣେ ନିନ୍ଦାସ୍ତୁତି ଶୁଣେଏ ରସ ବୃକ୍ଷ ନିୟୋଜନେ

Couplet 101

ନୟନ ରୂପ ଅର୍ଥ ପାଇଁଅଶେଷ ମାର୍ଗେ ଭ୍ରମୁଥାଇ

Couplet 102

ନାସିକା ଗନ୍ଧ ଆମୋଦନଭ୍ରମଇ ନାନା ବାସସ୍ଥାନ

Couplet 103

କ୍ଷୁଧା ଅନଳ ଧରେ ପେଟେକୁବାକ୍ୟ ମୁଖେ ନିତ୍ୟ ରଟେ

Couplet 104

ଇନ୍ଦ୍ରି ଧରଇ ପୁଣି ବଳେଭ୍ରମଇ ମଇଥୁନ ଫଳେ

Couplet 105

ଏ ଷଡ଼ରସ ବୃକ୍ଷ ଧରେସମତ୍ୱ ତ୍ୱକ ବେଢ଼ିବାରେ

Couplet 106

ଚର୍ମ ଭିତରେ ଲୋମମୂଳେଲେପନ ରକ୍ତ ମାଂସ ଜଳେ

Couplet 107

ଶିରାସଙ୍କୁଳ ଅସ୍ଥି ଗଣ୍ଠିସପ୍ତ ବକଳ ବୃକ୍ଷ ଫୁଟି

Couplet 108

ଅଷ୍ଟ ମୁରତି ଘେନି ଡାଳେପୃଥିବୀ ପବନ ଅନଳେ

Couplet 109

ଆକାଶ ତେଜ ବୁଦ୍ଧି ଘେନିଅହଙ୍କାର ଏ ବୃକ୍ଷ ଜାଣି

Couplet 110

ନବ ଖଣ୍ତରେ ବୃକ୍ଷ ଶୋଭାଦଶଟି ଖେଦ ଯହିଁ ପ୍ରଭା

Couplet 111

ଏମନ୍ତ ଅଟେ ବୃକ୍ଷସ୍ଥାନବସନ୍ତି ବେନି ପକ୍ଷୀ ଶୂନ୍ୟ

Couplet 112

ଜୀବ ପରମ ବେନି ଅଂଶେବୃକ୍ଷ ଭେଦିଣ ପରକାଶେ

Couplet 113

ବୃକ୍ଷର ନାମଟି ଜୀବନଜୀବ ବିହୀନେ ବୃକ୍ଷ କ୍ଷୀଣ

Couplet 114

ଶ୍ୱେତ ଶରୀରେ ଶ୍ୱେତ ଜଳପରମ ନାମେ ଆଦିମୂଳ

Couplet 115

ନୀଳ ସ୍ୱରୂପେ କୃଷ୍ଣବର୍ଣ୍ଣଜୀବର ଏ ବର୍ଣ୍ଣ ଲକ୍ଷଣ

Couplet 116

ପରମ ବୋଲି ଯାକୁ କହିଜୀବହିଁ ସେହି ଯେ ଅଟଇ

Couplet 117

ଏକ ପାଖୁଡ଼ା ବେନିଖଣ୍ତଶଶୀକି ଅନ୍ତର ପ୍ରଚଣ୍ତ

Couplet 118

ତେଣୁ ଜୀବ ପରମ ଦୁଇକେହି କାହାକୁ ନ ଦେଖଇ

Couplet 119

ଶବଦ ମାତ୍ରକ ବାରଇଶବଦୁ ବେଦ ଉଦ୍ଗାରଇ

Couplet 120

ବେଦୁ ଶବଦ ଏ ବ୍ରହ୍ମାଣ୍ତପ୍ରଥିବୀ ନବଲକ୍ଷ ଖଣ୍ତ

Couplet 121

ଅଧିକୁଁ ଅଧିକ ଯେତେକଏମନ୍ତେ କହିବି କେତେକ

Couplet 122

ଶୁଣି ଉଦ୍ଧବ ଶାନ୍ତ ଚିତ୍ତେପ୍ରମାଣ କଲାକ ତୁରିତେ

Couplet 123

ଦ୍ୱାରକା କହିଲେ ଗୋବିନ୍ଦଶ୍ରୀମଦ୍ ଭାଗବତ ତେରସ୍କନ୍ଧ

Couplet 124

ବ୍ରହ୍ମାଣ୍ତ ମଧ୍ୟେ ମହାରସଦ୍ୱାରକା ଜଗନ୍ନାଥ ଦାସ