Adhyaya 1

Couplet 1

ନମଇଁ ପରମ ପୁରୁଷନୀଳ କନ୍ଦରେ ତୋର ବାସ

Couplet 2

ଯୋଗୀଜନ ରଞ୍ଜିବା ପାଇଁନିଶ୍ଚଳେ ବସିଛ ଗୋସାଇଁ

Couplet 3

ବ୍ରହ୍ମଜ୍ଞାନୀଙ୍କ ଗର୍ବ ଚୂରିତେଣୁ ବୋଲାଉ ବ୍ରହ୍ମଚାରୀ

Couplet 4

ଅଷ୍ଟାଙ୍ଗ ଯୋଗ ସାଧିବାରେନିଶ୍ଚଳ ଆତ୍ମା ଲୟଦ୍ୱାରେ

Couplet 5

ପଚିଶ ପ୍ରକୃତିକୁ ସାଧିପଞ୍ଚମନକୁ ହୃଦେ ରୁନ୍ଧି

Couplet 6

ପଞ୍ଚାଶ ପବନ ରୁନ୍ଧନେଇନ୍ଦ୍ରିୟ ରୋଧ ସମାପନେ

Couplet 7

ଷଡ଼ ଅରିକୁ ଜୟ କରିନିଶ୍ଚଳେ ଅନାହତେ ଭରି

Couplet 8

ନିଶ୍ଚିତ ଯୋଗରେ ଅଚଳନୟନ ଥାଇଁ ଅଚଞ୍ଚଳ

Couplet 9

ନାସିକା ଥାଉ ନାହିଁ ବାସଶ୍ରବଣ ନାହିଁ ଶ୍ରୋତ୍ର ବିଷ

Couplet 10

ବକତା ନାହିଁ ଅଧରରେଜପ ବିହିଲା ସେ ପ୍ରକାରେ

Couplet 11

କଟିରେ ହଜିଲା ଚରଣଇନ୍ଦ୍ର ଜପିଲା ଉଦରେଣ

Couplet 12

ଗୁହ୍ୟ ହଜିଲା ପାତାଳରେନଖ ଲୋମ ଯେ ହୃଦୟରେ

Couplet 13

ଜ୍ଞାନ ଅନଳେ ସର୍ବ ଦହିଷୁଧା ପିପାସା ଜଠେ ଦେଇ

Couplet 14

ଏଣୁ ସେ ବ୍ରହ୍ମ ଅବତାରଅଣଚାଶ ବାୟୁ ସାଧ୍ୟର

Couplet 15

ତୁମ୍ଭରେ ହୁଏ ଏହା ସାଧିଅନ୍ୟର କାହିଁ ଏତେ ବୁଦ୍ଧି

Couplet 16

ହର ବିରଞ୍ଚି ସୁନାସାରଅନଳ ଚନ୍ଦ୍ର ଦିବାକର

Couplet 17

କୁବେର ବରୁଣ ବାସୁକୀମେରୁ ମରୁତ ଇତ୍ୟାଦିକି

Couplet 18

ଏହାଙ୍କ ଶକ୍ତି ଏଡ଼େ କାହଁଏଡ଼େ ନିଶ୍ଚଳ ହେବା ପାଇଁ

Couplet 19

ଈଶ୍ୱର ଧରିବାର ଯୋଗନ ଛାଡ଼େ କାମ କ୍ରୋଧ ଲୋଭ

Couplet 20

ମୁନି ଯତି ଯେ ସାଧୁଛନ୍ତିଆହାର ନିଦ୍ରା ନ ଛାଡ଼ନ୍ତି

Couplet 21

ଆବର ଅଷ୍ଟଦିଗପାଳେଏ ପଶି ନ ପାରନ୍ତି ଢାଳେ

Couplet 22

ନର କିନ୍ନର ଭେଦ କାହିଁସୁର ଗନ୍ଧର୍ବେ ଭେଦ ନାହିଁ

Couplet 23

ଏଣୁ ନିଶ୍ଚୟ ଭଗବାନସର୍ବ ଦେବତା ମୋକ୍ଷପାନ

Couplet 24

ଉଦ୍ଧବ ଦିନେ ବଦ୍ରିକାରେପାଦୁକା ବଳେ ଧ୍ୟାନ କରେ

Couplet 25

ଦେଖି ତାହାର ଦୃଢ଼ ଧ୍ୟାନଆସି ମିଳିଲେ ଭଗବାନ

Couplet 26

ଉଦ୍ଧବ ପାଦେ ପଡ଼ିଶୋଇବୋଲଇ ନିସ୍ତରିଲି ମୁହିଁ

Couplet 27

କେବେ ଦର୍ଶନ ମନେ ଥିଲାଏବେ ନୟନ ଭାଗ୍ୟ କଲା

Couplet 28

ଯେତେ କହିଲ ଭାଗବତେଭ୍ରମି ହୋଇଲି ନାନାମତେ

Couplet 29

ନିଷ୍ଠା କହିବା ମୋତେ ହେଉଏ ଜୀବ ସଦଗତି ପାଉ

Couplet 30

ଉଦ୍ଧବ ଶୁଣ ସାବଧାନେଏ ଜୀବ ଥାଇ ସର୍ବସ୍ଥାନେ

Couplet 31

କେବଳ ଥାଇ ସାଧ୍ୟ ଭାବେଇନ୍ଦ୍ରିୟ ଦୁଃଖ ସୁଖ ଭାବେ

Couplet 32

ଏଣୁ ଲାଗଇ ଗୁଣ ଦୋଷଜୀବ ତ ନିର୍ଗୁଣ ପୁରୁଷ

Couplet 33

ନିର୍ମଳ ନିରଞ୍ଜନ ଏହିଏହାର କ୍ଷୟ ବୃଦ୍ଧି ନାହିଁ

Couplet 34

ଜନ୍ମ ମରଣ ଶୋକ ମୋହଦୁଃଖ ସୁଖାଦି ଏ ସଂଶୟ

Couplet 35

ନିଦ୍ରା ଆହାର ପବନରେକାମ କାର୍ପୂଣ୍ୟ ବିକାରରେ

Couplet 36

ପ୍ରକୃତି ପୁରୁଷ ନ ଛାଡ଼େଏବେ ନିଶ୍ଚିନ୍ତ ମାୟାଜଡ଼େ

Couplet 37

ଏ ସର୍ବ ସଭା ଉଦାସୀନଜୀବର ନାହିଁ ତା ଗ୍ରହଣ

Couplet 38

କାହୁଁ ଅଇଲା ତା ନ ଜାଣେଦେହକୁ ସତ୍ୟ କରି ମଣେ

Couplet 39

ଅନ୍ତେ ଯହିଁକି ଜୀବ ଯିବତାହା ନ ଜାଣେ ବ୍ରହ୍ମା ଶିବ

Couplet 40

କାହିଁରୁ ପୂର୍ବେ ଆସିଥିଲାଏବେ ସେ ହେତୁ ପାଶୋରିଲା

Couplet 41

ଆଦ୍ୟରେ ରହି ଥିଲା ଯହିଁଯହୁଁ ଅଇଲା ଦେହ ବହି

Couplet 42

ଦେହ ଉପେକ୍ଷି ଗଲା ପ୍ରାଣମଲାରୁ ପାସୋରିଲା ଜ୍ଞାନ

Couplet 43

ଏବେ ପାଇବ ତାହା କାହିଁଗୁରୁ ସେବିଲା ପୂର୍ବ ନାହିଁ

Couplet 44

ଯହୁଁ ସେ ଦେହ ଆସି ଥାଇଅନ୍ତେ ଯହିଁକି ଦେହ ଯାଇ

Couplet 45

ଯହିଁ ରହଇ ଯାଇ ପ୍ରାଣତାହାକୁ ଗୁରୁ କରି ଚିହ୍ନ

Couplet 46

ଯାହାକୁ ଭାବି ନିରନ୍ତରେସେବିଲେ ଅନ୍ତର ବାହାରେ

Couplet 47

ଯା ପାଇଁ ବ୍ରତ ତପଦାନଯଜ୍ଞେ ଦେବତା ଆରାଧନ

Couplet 48

ପ୍ରତିମା ଶିବ ଚଣ୍ତୀ ପୂଜିଜଳେ ବିଷ୍ଣୁଙ୍କ ନାମ ଭଜି

Couplet 49

ବେଦ ପଠନ ଯଜ୍ଞ ଦାନବିପୁଳ ଗୃହ ନାନା କର୍ମ

Couplet 50

ଇତ୍ୟାଦି ଶାଖା ନାନା ବିଧିଅତିଥି ସାଧୁଙ୍କୁ ଆରାଧି

Couplet 51

ଯାହାକୁ ଏତେ ଭାବେ ଧ୍ୟାୟିବାହାର ଭିତରେଟି ସେହି

Couplet 52

ନିକଟେ ଥାଇଣ ଅଦୃଶ୍ୟଯେଣୁ ନ ମେଣ୍ଟେ କର୍ମ୍ପାଶ

Couplet 53

ଏଣୁ ଜ୍ଞାନ ଚକ୍ଷୁ ନ ସ୍ଫୁରେତେଣୁ ନ ଦିଶେ ନିକଟରେ

Couplet 54

ଏଣୁ ଭ୍ରମଇ ନାନାମତେପୂଜଇ ନିତ୍ୟ ବୋଲି ମୋତେ

Couplet 55

ଯେ ମୋତେ ଯତ୍ନେ ଭୋଗଦେଇତାହାଠୁ ଦୂରେ ମୁହିଁ ରହି

Couplet 56

ଯେ ପୁଣି କରେ ହୋମଯଜ୍ଞତହୁଁ ମୁଁ ବହୁତ ଉଲଗ୍ନ

Couplet 57

କେ ଭଜେ ଜପ ଭଜନରେଷଡ଼ାର୍ଘ୍ୟ କବଚ ଅଙ୍ଗରେ

Couplet 58

କେ ଅଙ୍ଗନ୍ୟାସ କ୍ରମଶରେଧ୍ୟାନ କରଇ ଏକାନ୍ତରେ

Couplet 59

ପ୍ରତିମା ଦୃଷ୍ଟି ପଥେ ସ୍ଥାପିବିବିଧ ଗନ୍ଧଦ୍ରବ୍ୟ ଲେପି

Couplet 60

ବସନ ପରିଧାନ କରେବିବିଧ ଅଳଙ୍କାର ଭରେ

Couplet 61

ଅର୍ଚ୍ଚନା ବନ୍ଦନା ମାର୍ଜ୍ଜନାକେ ସ୍ତୁତି କରଇ ପ୍ରାର୍ଥନା

Couplet 62

ଏହାଠୁଁ ଦୂର ମୁଁ ଉଦ୍ଧବଏଥି ମୋହର ନାହିଁ ଭାବ

Couplet 63

ସେ ଶ୍ରଦ୍ଧା ପାଇଣ କରନ୍ତିମୋ ଭାବ ଜାଣି ନପାରନ୍ତି

Couplet 64

ଏଣେ ଅଖଣ୍ତ ମୟ ଜ୍ଞାନନ ଚିହ୍ନି ପୂଜୁଥାଇ ଅନ୍ୟ

Couplet 65

ତାହାକୁ ଦେଖୁଥାଇ ଅନ୍ୟେସେ ପୁଣି ପୂଜନ୍ତି ବିଧାନେ

Couplet 66

ଏକୁ ଅନେକ ଏହିମତେପୂଜନ୍ତି ସଂସାର ନିମନ୍ତେ

Couplet 67

ଏହି ପ୍ରକାରେ ସର୍ବଜନେକରନ୍ତି ବେଦର ବିଧାନେ

Couplet 68

ମୋତେ ପାଇବେ ସେହୁ କାହିଁପୂର୍ବ ଅର୍ଜିଲା ପୁଣ୍ୟ ନାହିଁ

Couplet 69

ମୁଁ ଆତ୍ମା ନିରଞ୍ଜନ ମୂଳଆଉ ସମସ୍ତ ଅଟେ ଡ଼ାଳ

Couplet 70

ଯେସନେ ବୀଜ କ୍ଷୁଦ୍ର ହୋଇତହୁଁ ସେ ବୃକ୍ଷ ପ୍ରକାଶଇ

Couplet 71

ତେମନ୍ତ ମୂଳ ମୁଁ ପ୍ରଧାନମୋତେ ନ ଚିହ୍ନେ ମୂଢ଼ଜନ

Couplet 72

ସମସ୍ତ ବେଦ ହୋଇ ବୃକ୍ଷେଫଳ ଫଳାନ୍ତେ ଅନ୍ତରୀକ୍ଷେ

Couplet 73

ସେ କର୍ମ ଫଳ ଅନୁସାରେଏମନ୍ତ ବିବିଧ ପ୍ରକାରେ

Couplet 74

ଏ ଆତ୍ମା ଏତେ କର୍ମେ ନାହିଁକର୍ମେ ଲୋଡ଼ିଲେ ପାଇ କାହିଁ

Couplet 75

ଏଣୁ ଅବିଦ୍ୟାରୁ ବାହାରଅନନ୍ତ ଅନାଦି ଈଶ୍ୱର

Couplet 76

ଅବ୍ୟକ୍ତ ଅନିତ୍ୟ ଯେ ସେହିଘର ବାହାରେ ପ୍ରକାଶଇ

Couplet 77

ଯହୁଁ ଆସଇ ତହିଁ ଲୀନନୁହଁଇ ବସ୍ତୁ ମହାଶୂନ୍ୟ

Couplet 78

ଘଟେ ଚେତନା ସ୍ଥାନ ସେହିବିକୁଣ୍ଠା ନାମ ତାର କ‌ହି

Couplet 79

ଏଣୁ ମୁଁ ବିକୁଣ୍ଠା କୁମରତେଣୁ ବୈକୁଣ୍ଠ ନାମ ମୋର

Couplet 80

ଏ ଦେହ ଅନ୍ତେ ମୁହିଁ ଯିବିବିକୁଣ୍ଠା ବ୍ରହ୍ମରେ ମିଶିବି

Couplet 81

ଚତୁର୍ଦ୍ଦଶ ପ୍ରଳୟ ଯେବେପଶନ୍ତି ବିରାଟର ଗର୍ଭେ

Couplet 82

ବିରାଟ ପ୍ରଳୟର କାଳେପଶଇ ମୋର ନାଭିମୂଳେ

Couplet 83

ସକଳ ପ୍ରଳୟରେ ଯାଇମୁହିଁ କେବଳ ମାତ୍ର ଥାଇ

Couplet 84

ମୁହିଁ ପ୍ରଳୟ ମୋର ସୁଖେମିଶଇ ବ୍ରହ୍ମର ଅଲେଖେ

Couplet 85

ପୁଣି ଆପଣା ସୁଖେ ଆସିବ୍ରହ୍ମର ତଳେ ମୁହିଁ ଖସି

Couplet 86

ମୋ ନାଭି କମଳୁ କମଳଜନ୍ମିଲା ଅତ୍ୟନ୍ତ କୋମଳ

Couplet 87

ସେ ନାଭୁଁ ବିରାଟ ବାହାରବ୍ରହ୍ମଟି ପଞ୍ଚମ ପ୍ରକାର

Couplet 88

ତେଣୁ ଅଶେଷ କରେ ଜାତଉତ୍ପତ୍ତି ପ୍ରଳୟ ମୋସ୍ଥିତ

Couplet 89

ତୁ ଏବେ ସର୍ବ କର୍ମ ଏଡ଼ିପରମ ବ୍ରହ୍ମଜ୍ଞାନେ ବୁଡ଼ି

Couplet 90

ପାରିଲେ ଏହି ଜ୍ଞାନ ସାଧସଂସାର ମାର୍ଗୁ ଛାଡ଼ି ସଧ

Couplet 91

ଏ ଜ୍ଞାନ ସର୍ବଶାସ୍ତ୍ରେ ସାକ୍ଷୀବେଦ ବେଦାନ୍ତରେ ୟା ଲେଖି

Couplet 92

ଏହୁ ଉତ୍ପତ୍ତି ହେଉଥାଇପ୍ରଳୟେ ତ‌ହିଁରେ ମିଶଇ

Couplet 93

ମନ ବଚନୁ ଅଗୋଚରଚିତ୍ତ ଚୈତନ୍ୟରୁ ବାହାର

Couplet 94

ଉତ୍ପତ୍ତି ସ୍ଥିତି ଲୟକର୍ତ୍ତାସକଳ ଦେବଙ୍କ ଦେବତା

Couplet 95

ପାଦ ପାଣି ମସ୍ତକ ଯହିଁଚାହିଁଲେ ଠୁଳ ପ୍ରକାଶଇ

Couplet 96

ଅକ୍ଷୟ ଭାବେ ଏ ମୁରାରୀଅନନ୍ତ ନାମ ଏଥି ଧରି

Couplet 97

କେତେହେଁ ଜାତ କେତେ ଲୀନକେ ତାହା କରିବ ବଖାଣ

Couplet 98

ଯେସନେ ବରଷଇ ପାଣିକେତେ ବରଷେ କେବା ଜାଣି

Couplet 99

ଜନ୍ମ ଏମନ୍ତ କେତେ ହୋଇକେ ଜାଣିପାରେ ଅନ୍ତ ନାହିଁ

Couplet 100

ସିନ୍ଧୁରେ କେତେ ନ‌ଦୀ ମିଶିତାହା କେ କ‌ହିବ ପ୍ରକାଶି

Couplet 101

ଏମନ୍ତେ କେତେ ହେଁ ପ୍ରଳୟକେ ତାହା କ‌ହିବ ନିର୍ଣ୍ଣୟ

Couplet 102

ପ୍ରଥମସ୍କନ୍ଧେ ଅଛି ରହିଦ୍ୱିତୀୟସ୍କନ୍ଧେ ହୁଏ ଏହି

Couplet 103

ତୃତୀୟସ୍ମନ୍ଧେ ଯା ବଖାଣିଚତୁର୍ଥସ୍କନ୍ଧେ ପରିମାଣି

Couplet 104

ପଞ୍ଚମସ୍କନ୍ଧେ ଯାହା ତୋତେକ‌ହିଲୁ ଷଷ୍ଠସ୍କନ୍ଧ ମତେ

Couplet 105

ସପ୍ତମସ୍କନ୍ଧେ ଜ୍ଞାନ କ‌ହିଅଷ୍ଟମସ୍କନ୍ଧେ ବୁଝ ତୁହି

Couplet 106

ନବମସ୍କନ୍ଧେ ଦେଲି ଦୀକ୍ଷାଦଶମସ୍କନ୍ଧେ ପ୍ରେମ ଶିକ୍ଷା

Couplet 107

ଏକାଦଶରେ ଜ୍ଞାନ କ‌ହିଦ୍ୱାଦଶସ୍କନ୍ଧେ ଆଚରଇ

Couplet 108

ତୋର ଅବୋଧ ଦେଖି ମନତେଣୁ ମୁଁ ଦେଲି ଦରଶନ

Couplet 109

ଏବେ ତୁ ପୂଜା ଧ୍ୟାନ ଛାଡ଼ଏକାନ୍ତ ବ୍ରହ୍ମ ସୁଖେ ଜଡ଼

Couplet 110

ଏ ବ୍ରହ୍ମ ପ୍ରେମ ତରଙ୍ଗିଣୀଭବସାଗରୁ ତରେ ପ୍ରାଣୀ

Couplet 111

ଏକାନ୍ତେ ରହି ଆତ୍ମ‌ଭାବେବୋଧି ଉଦ୍ଧବ ଜ୍ଞାନ‌ଯୋଗେ

Couplet 112

ଅନ୍ତରେ ହୋଇଣ ନିର୍ମଳହସି କ‌ହିଲେ ଆଦିମୂଳ

Couplet 113

ଦ୍ୱାରକା ଜଗନ୍ନାଥ ଦାସଆନନ୍ଦେ କଲେ ପରକାଶ

Couplet 114

ତ୍ରୟୋଦଶସ୍କନ୍ଧେ ଏ ରସସୁଜନେ ଶୁଣ ହୋଇ ତୋଷ