Adhyaya 13

Couplet 1

ସୂତ କହନ୍ତି ତୋଷମନେଶୌନକ ଆଦି ମୁନିଜନେ

Couplet 2

ବ୍ରହ୍ମା ବରୁଣ ଇନ୍ଦ୍ର ଶିବମରୁତ ଆଦି ଯେତେ ଦେବ

Couplet 3

ଦିବ୍ୟ ଯେ ସ୍ତୁତିମାନଙ୍କରେସ୍ତୁତି କରନ୍ତି ଭାବଭରେ

Couplet 4

ଅଙ୍ଗ ଉପାଙ୍ଗ ପଦକ୍ରମଉପନିଷଦ ସମେତେଣ

Couplet 5

ସାମଗାୟନେ ବିପ୍ରଜନେମହିମା ଗାବନ୍ତି ବଦନେ

Couplet 6

ଧ୍ୟାନରେ ତଦଗତ ହୋଇପରମଯୋଗୀ ଯାହା ଧ୍ୟାୟି

Couplet 7

ଆତ୍ମା ସ୍ୱରୂପେ ଦେଖୁଛନ୍ତିଯା ଅନ୍ତ କେହି ନ ଜାଣନ୍ତି

Couplet 8

ସେ ବ୍ରହ୍ମସ୍ୱରୂପ ଈଶ୍ୱରତାହାଙ୍କୁ ମୋର ନମସ୍କାର

Couplet 9

କ୍ଷୀରସମୁଦ୍ର ମନ୍ଥନରେପୃଷ୍ଠେ ମନ୍ଦର ଗିରିବରେ

Couplet 10

ଭ୍ରମିଲା ଦଧିଦଣ୍ଡ ପ୍ରାୟେସମୁଦ୍ର ମନ୍ଥନ ସମୟେ

Couplet 11

ଦେବବରଷେ ଅନୁଦିନସହସ୍ରେ ବରଷ ମନ୍ଥନ

Couplet 12

କଣ୍ଡୁ ଯେ କୂର୍ମପୃଷ୍ଠେ ଥିଲାଘର୍ଷଣେ ସୁଖ ଜନମିଲା

Couplet 13

ନିଦ୍ରା ଉପୁଜେ ସୁଖଭରେସେ ନିଦୁଁ ପବନ ସଞ୍ଚରେ

Couplet 14

ଘୋର ନିଃଶ୍ୱାସ ଗତାଗତେସେ ବିଶ୍ୱବାୟୁ ମହାଭୂତେ

Couplet 15

ସେ ସର୍ବଜୀବ ରକ୍ଷା ହେତୁଯାରେ ବଞ୍ଚନ୍ତି ସର୍ବଜନ୍ତୁ

Couplet 16

ଯାର ନିଃଶ୍ୱାସ ପ୍ରକ୍ଷେପଣବାଜି ସମୁଦ୍ର କମ୍ପମାନ

Couplet 17

ସେ ଜଳେ ଲହରୀ ଉଦ୍ଗତଏବେ ହେଁ ନୋହିଁଛି ନିବର୍ତ୍ତ

Couplet 18

ଅନ୍ୟୋନ୍ୟେ ତଟେ ପ୍ରକ୍ଷେପଇସେ କୂର୍ମରୂପୀ ବିଶ୍ୱଦେହୀ

Couplet 19

ତାଙ୍କୁ ମୋହର ନମସ୍କାରସେ ଦେବଦେବଙ୍କ ଈଶ୍ୱର

Couplet 20

ପୁରାଣମାନଙ୍କୁ ନିର୍ଣ୍ଣୟଯେ ସଂଖ୍ୟା ତହିଁର ବିଷୟ

Couplet 21

ଏହା ଶୁଣିଲେ ଯେତେ ଫଳପୁରାଣଦାନର ସୁଫଳ

Couplet 22

ପୁରାଣ ଅଷ୍ଟାଦଶ ସାରଚାରିଲକ୍ଷରେ ସେ ବିସ୍ତାର

Couplet 23

ସହସ୍ର ସଂଖ୍ୟାରେ ପ୍ରମାଣଅପରେ ଶତାଧିକ ପୁଣ

Couplet 24

ବ୍ରହ୍ମପୁରାଣ ଦଶସସ୍ରପଦ୍ମ ଅଣଷାଠି ସହସ୍ର

Couplet 25

ଆବର ପୁଣି ପାଞ୍ଚଶତଏହି ପୁରାଣ ସଂଖ୍ୟା ଖ୍ୟାତ

Couplet 26

ଶ୍ରୀବିଷ୍ଣୁ ବୈଷ୍ଣବପୁରାଣତ୍ରିବିଂଶ ସହସ୍ରେ ନିର୍ମାଣ

Couplet 27

ଚବିଶ ସହସ୍ରେ ବିଦିତଶିବପୁରାଣ ସଂଖ୍ୟା ମତ

Couplet 28

ନାରଦ ପୁରାଣ ବ୍ୟାଖ୍ୟାନପଚିଶ ସହସ୍ର ଗ୍ରନ୍ଥେଣ

Couplet 29

ମାରକଣ୍ଡେୟ ଯେ ପୁରାଣନବସସ୍ର ଗ୍ରନ୍ଥେ ନିର୍ମାଣ

Couplet 30

ଆଗ୍ନେୟ ପୁରାଣର ଶେଷପନ୍ଦରସହସ୍ର ଚାରିଶ

Couplet 31

ପୁରାଣ ନାମ ଯେ ଭବିଷ୍ୟଚଉଦସହସ୍ର ପାଞ୍ଚଶ

Couplet 32

ବ୍ରହ୍ମବୈବର୍ତ୍ତ ଯେ ପୁରାଣଅଠରସହସ୍ର ଗ୍ରନ୍ଥେଣ

Couplet 33

ଲିଙ୍ଗ ପୁରାଣର ବିସ୍ତାରଏଗାରସହସ୍ର ଯେ ସାର

Couplet 34

ବରାହପୁରାଣ ଯେ କହିଚତୁର୍ବିଂଶସହସ୍ର ହୋଇ

Couplet 35

ସ୍କନ୍ଧପୁରାଣର ବିସ୍ତାରଏକାଶୀସସ୍ର ଗ୍ରନ୍ଥ ସାର

Couplet 36

ଶତେକ ଅଧିକ ଅପରବାମନ ଯେ ଦଶସସ୍ରର

Couplet 37

ଯେ କୁର୍ମପୁରାଣ ବଖାଣସପତଦଶସହସ୍ରେଣ

Couplet 38

ମତ୍ସ୍ୟପୁରାଣର ବିଧାନଚଉଦସହସ୍ର ଗ୍ରନ୍ଥେଣ

Couplet 39

ଗରୁଡପୁରାଣ ଯେ ପୁଣିଉନବିଂଶସହସ୍ରେ ଜାଣି

Couplet 40

ବ୍ରହ୍ମାଣ୍ଡପୁରାଣର ଶେଷଦ୍ୱାଦଶସହସ୍ରେ ପ୍ରକାଶ

Couplet 41

ଏ ଭାବେ ଅଷ୍ଟାଦଶେ ସାରଶ୍ରୀଭାଗବତ ନାମ ଯାର

Couplet 42

ଏ ସର୍ବପୁରାଣ ଅଧିପଏଟି ପ୍ରତ୍ୟେକ୍ଷ ବିଷ୍ଣୁରୂପ

Couplet 43

ସର୍ବୋପରି ବିରାଜମାନଶୁକ ପରୀକ୍ଷ ସମ୍ବାଦେଣ

Couplet 44

ଅଠରସହସ୍ର ଯେ ଗ୍ରନ୍ଥଶ୍ରୀବାସୁଦେବଙ୍କ ଚରିତ

Couplet 45

ଏହୁ ପୁରାଣରେ ବଖାଣଶ୍ରୀବିଷ୍ଣୁ ମହିମା ବର୍ଣ୍ଣନ

Couplet 46

ଏହୁ ପୁରାଣର ଉଦ୍ଦେଶ୍ୟଯେ ରୂପେ ହୋଇଲା ପ୍ରକାଶ

Couplet 47

ବିଷ୍ଣୁର ନାଭିପଦ୍ମଗତବ୍ରହ୍ମା ଯେ ହୋଇଲେ ସମ୍ଭୂତ

Couplet 48

ବିଷ୍ଣୁ ତାହାଙ୍କୁ ଶିକ୍ଷା ଦେଲେସେ ପୁଣି ନାରଦେ କହିଲେ

Couplet 49

ନାରଦ ତହୁଁ ବ୍ୟାସ ପାଇସେ ବ୍ୟାସ ଶୁକଦେବ କହି

Couplet 50

ଶୁକଦେବଙ୍କ ତହୁଁ ପୁଣମୋ ପିତା ଲୋମହରଷଣ

Couplet 51

ସୂତ ପୌରାଣିକ ତା ନାମଜାଣେ ପୁରାଣ ତତ୍ତ୍ୱଜ୍ଞାନ

Couplet 52

ତୁମ୍ଭ ସମ୍ମୁଖେ ସେ ବ୍ୟାଖ୍ୟାନଥୋକାଏ କରିଥିଲେ ପୁଣ

Couplet 53

ତାଙ୍କୁ ବଳଦେବ ନାଶିଲେମୋତେ ସେ ଅଧିକାର ଦେଲେ

Couplet 54

ଏ ଭାଗବତ ଗ୍ରନ୍ଥସାରମୋ ଶିକ୍ଷା ପୂର୍ବେ ତାଙ୍କଠାର

Couplet 55

କହିଲି ତୁମ୍ଭର ଛାମୁରେଯା ମୋତେ ଅନୁଭବ ସ୍ପୁରେ

Couplet 56

ଶ୍ରୀଭାଗବତ ଯେ ପୁରାଣଶ୍ରୀକୃଷ୍ଣ ଚରିତ ବଖାଣ

Couplet 57

ଶ୍ରବଣେ ପ୍ରାଣୀଙ୍କ ନିସ୍ତାରଅଶେଷ ଲୀଳାମୃତ ସାର

Couplet 58

ଏ କଥାର୍ଣ୍ଣବେ ପରିପୂର୍ଣ୍ଣବେଦବେଦାନ୍ତ ସାରମର୍ମ

Couplet 59

ସକଳଶାସ୍ତ୍ର ଯେ ପୁରାଣଅର୍ଥମାନରେ ପରିପୂର୍ଣ୍ଣ

Couplet 60

କେବଳ ଏହି ମୋକ୍ଷଦାତାଅଦ୍ୱୈତ ବ୍ରହ୍ମରୂପ ଗାଥା

Couplet 61

ଏ ଯେ ପୁରାଣ ଭାଗବତବିଷ୍ଣୁର ମହିମା ବର୍ଣ୍ଣିତ

Couplet 62

ଏହା ଈଶ୍ୱରଭାବେ ମଣିଆଦ୍ୟରେ ସେବିବ ଯେ ପ୍ରାଣୀ

Couplet 63

ଭାଦ୍ରବ ପୂର୍ଣ୍ଣିମା ଦିନରେସୁବର୍ଣ୍ଣ ସିଂହାସନପରେ

Couplet 64

ପୁସ୍ତକମାନ ବସାଇଣପୂଜା ବିଷ୍ଣୁପ୍ରୀତି ଭାବେଣ

Couplet 65

ବିପ୍ର ବୈଷ୍ଣବେ ଦେବ ଦାନଯେ ଧର୍ମଶୀଳ ସୁଜ୍ଞଜନ

Couplet 66

ଦକ୍ଷିଣା ଯଥାଭାବେ ଦେବବେଦ ବଚନେ ଉତ୍ସର୍ଗିବ

Couplet 67

ଅନ୍ତେ ପରମଗତି ପାଇବୈକୁଣ୍ଠଭୁବନେ ଗମଇ

Couplet 68

ସାଯୁଜ୍ୟ ମୁକ୍ତି ସେ ଲଭଇବିଷ୍ଣୁ ଦେହରେ ଲୀନ ହୋଇ

Couplet 69

ଏଣୁ ଯେ ସାଧୁଙ୍କ ସଭାରେଅନ୍ୟ ପୁରାଣ ଯେ ପ୍ରଚରେ

Couplet 70

ସେ ସାଧୁସଭା ଶୋଭା କାହିଁଯାବତ ଭାଗବତ ନାହିଁ

Couplet 71

ଚନ୍ଦ୍ର ବିହୀନ ଜ୍ୟୋତିଗଣଅନ୍ଧାର କେ ନାଶିବ ପୁଣ

Couplet 72

ସହସ୍ର ସଂଖ୍ୟା ବିରାଜନ୍ତିଚନ୍ଦ୍ର ବିହୀନେ ନ ଶୋଭନ୍ତି

Couplet 73

ସକଳ ବେଦାନ୍ତର ସାରଶ୍ରୀଭାଗବତରେ ବିସ୍ତାର

Couplet 74

ସେ ରସକଥା ଅମୃତରେତୃପତ ହୁଅନ୍ତି ସଂସାରେ

Couplet 75

ଯେ ଅନ୍ୟ ପୁରାଣ ପ୍ରକାଶନ କରନ୍ତି ମନ ସନ୍ତୋଷ

Couplet 76

ଯେହ୍ନେ ସରିତେ ପୁଣ୍ୟବନ୍ତଜାହ୍ନବୀ ଜଳେ ସୁପୂଜିତ

Couplet 77

ଦେବତା ମଧ୍ୟେ ବାସୁଦେବବୈଷ୍ଣବେ ଶ୍ରେଷ୍ଠ ମହାଦେବ

Couplet 78

ସକଳ କ୍ଷେତ୍ରମଧ୍ୟେ ବରଯେସନେ କାଶୀକ୍ଷେତ୍ର ସାର

Couplet 79

ପୁରାଣମାନଙ୍କରେ ଶ୍ରେଷ୍ଠଶ୍ରୀଭାଗବତ ଯେ ବିଶିଷ୍ଟ

Couplet 80

ଶ୍ରୀଭାଗବତ ଯେ ପୁରାଣସାକ୍ଷାତେ ବିଷ୍ଣୁର ନିର୍ମାଣ

Couplet 81

ସମଗ୍ର ବଇଷ୍ଣବପ୍ରିୟପରମହଂସର ନିର୍ଣ୍ଣୟ

Couplet 82

ନିର୍ମଳ ଧର୍ମ ଜ୍ଞାନ ଭାବଭକ୍ତି ବୈରାଗ୍ୟ ମୁକ୍ତିବର୍ଗ

Couplet 83

ଏ ଆଦି ଯହିଁରେ ପ୍ରକାଶନିର୍ଗୁଣ ଗାୟନ ଅଭ୍ୟାସ

Couplet 84

ପଢନ୍ତି ଶୁଣନ୍ତି ଯେ ପ୍ରାଣୀକର୍ମବନ୍ଧନୁଁ ମୋକ୍ଷ ପୁଣି

Couplet 85

ଜନ୍ମ-ମରଣାଦି ନୋହଇନିରାକାରରେ ଲୀନ ହୋଇ

Couplet 86

ଏ ଜ୍ଞାନ-ପ୍ରଦୀପ-ପୁରାଣବ୍ରହ୍ମାରେ ଦେଲେ ନାରାୟଣ

Couplet 87

ବ୍ରହ୍ମା ନାରଦଙ୍କୁ କହିଲେନାରଦ ବ୍ୟାସେ ପୁଣ ଦେଲେ

Couplet 88

ସେ ବ୍ୟାସ ଶୁକଦେବେ କହିଶୁକ ଯେ ପରୀକ୍ଷେ ବୁଝାଇ

Couplet 89

ସେଠାରୁ ଜଗତେ ବିଖ୍ୟାତନାମ ଯେ ଶିରୀଭାଗବତ

Couplet 90

ଏବଂଭୂତ ଯେ ଶୁକଦେବତା ପାଦେ ଧ୍ୟାନ ମୋ ରହିବ

Couplet 91

ବ୍ରହ୍ମା ବରୁଣ ଇନ୍ଦ୍ରଦେବଦିବ୍ୟ ସ୍ତୁତିରେ ସ୍ତୁତିଭାବ

Couplet 92

ଅଙ୍ଗ ଉପାଙ୍ଗ ପଦକ୍ରମଜଟା ଉପନିଷଦ ବ୍ରହ୍ମ

Couplet 93

ସମେତ କରି ସାମବେଦଗାୟନ କରି ବ୍ରହ୍ମାପଦ

Couplet 94

ସାମଗାୟନ ବିପ୍ରଜନେମହିମା ଗାୟନ ବଦନେ

Couplet 95

ଧ୍ୟାନରେ ତଦଗତ ହୋଇପରମଯୋଗୀ ଯାହା ଧ୍ୟାୟି

Couplet 96

ଆତ୍ମା ସ୍ୱରୂପେ ଦେଖୁଛନ୍ତିଯା ଅନ୍ତ କେହି ନ ଜାଣନ୍ତି

Couplet 97

ସେ ବ୍ରହ୍ମରୂପୀ ଯେ ଈଶ୍ୱରତାହାଙ୍କୁ ମୋର ନମସ୍କାର

Couplet 98

ସେ ଭାଗବତ ବାସୁଦେବସର୍ବ ଆତ୍ମାସ୍ୱରୂପୀ ଜୀବ

Couplet 99

ସେ ପାପପୁଣ୍ୟରେ ସାକ୍ଷିଣତା ପାଦେ ପଶିଲି ଶରଣ

Couplet 100

ମୋକ୍ଷ ନିମନ୍ତେ ବ୍ରହ୍ମ କହେଶ୍ରୀଭାଗବତ ଅନୁଗ୍ରହେ

Couplet 101

ଯେ ଯୋଗୀଇନ୍ଦ୍ର ଶୁକଦେବତାଙ୍କ ଚରଣେ ନିତ୍ୟ ଭାବ

Couplet 102

ସେ ବ୍ରହ୍ମରୂପୀ ଯେ ଅଟନ୍ତିସଂସାର ହିତ ମନେ ଚିନ୍ତି

Couplet 103

ବିଷ୍ଣୁଭକତ ପରୀକ୍ଷିତତାଙ୍କୁ ସଂସାରୁ କଲେ ମୁକ୍ତ

Couplet 104

ସେ ମୁନି ପାଦଯୁଗେ ମୁହିଁଭକତିଭାବେ ପ୍ରଣମଇଁ

Couplet 105

ଶ୍ରୀଭାଗବତ ଯେ ପୁରାଣଦ୍ୱାଦଶସ୍କନ୍ଧରେ ସମ୍ପୂର୍ଣ୍ଣ

Couplet 106

ଦ୍ୱାଦଶସ୍କନ୍ଧ ତ୍ରୟୋଦଶଅଧ୍ୟାରେ କହିଲୁ ବିଶେଷ

Couplet 107

ସୂତ କହନ୍ତି ତୋଷମନେଶୁଣ ଶୌନକ ମୁନିଜନେ

Couplet 108

କହିଲୁ ସର୍ବଶାସ୍ତ୍ର ସାରତା ଶୁଣି ସଂସାରୁ ନିସ୍ତର

Couplet 109

ଜ୍ଞାନେ ଅଜ୍ଞାନେ ଯେ ଶୁଣନ୍ତିଶ୍ରଦ୍ଧା ଅଶ୍ରଦ୍ଧାରେ ଗୁଣନ୍ତି

Couplet 110

ସେ ସର୍ବଦୁଃଖ ପରିହରେସମିଧ ଯେହ୍ନେ ବୈଶ୍ୱାନରେ

Couplet 111

ସ୍ପରଶେ କରଇ ଦହନସାର ଅସାର ଭସ୍ମମାନ

Couplet 112

ଏମନ୍ତ କୃଷ୍ଣର ଚରିତବ୍ରହ୍ମଚଣ୍ଡାଳ ଏକମତ

Couplet 113

ଏ ଭାଗବତ ଗ୍ରନ୍ଥ ଯେବେଦୃଢେ ଶୁଣିବ ପ୍ରିୟଭାବେ

Couplet 114

ରାତ୍ର ଦିବସ ମଧ୍ୟଗତେଶ୍ରବଣ ପଠନ ନିରତେ

Couplet 115

ସକଳ ଚେଷ୍ଟା ପରିହରିସାଧୁସଙ୍ଗତେ ଚିତ୍ତ ଧରି

Couplet 116

ସାଧୁଙ୍କ ମୁଖାମୃତ ବାଣୀସାଦରେ ଯେବା ଶୁଣେ ପ୍ରାଣୀ

Couplet 117

ସେ ଭବବ୍ୟାଧି ବିନାଶନ୍ତିଆରୋଗ୍ୟେ ସୁଖେ ବିହରନ୍ତି

Couplet 118

ଶୁଣ ଶୌନକ ମୁନିଜନେଆନନ୍ଦେ ସୂତ ମୁନିଗଣେ

Couplet 119

ପ୍ରଶଂସା କରି ଜଣେ ଜଣେସୂତଙ୍କୁ କୋଳ ସମ୍ଭାଷଣେ

Couplet 120

ହେ ସୂତ ଧନ୍ୟ ତୋ ମହିମାକେ କହିପାରେ ଗୁଣସୀମା

Couplet 121

ଏ ଯେ ପୁରାଣ ଭାଗବତତୁମ୍ଭର ମୁଖରୁ ଗଳିତ

Couplet 122

ଶୁଣି କୃତାର୍ଥ ଆମ୍ଭେ ହେଲୁସଂସାର ଚକ୍ରୁ ନିସ୍ତରିଲୁ

Couplet 123

ଏମନ୍ତ କହି ଶୌନକାଦିସୂତଙ୍କୁ ବିନୟେ ପ୍ରବୋଧି

Couplet 124

ନିଶ୍ଚଳଚିତ୍ତେ ସେ ରହିଲେହରିଚରଣେ ଆଶ୍ରେ କଲେ

Couplet 125

କହଇ ବିପ୍ର ଜଗନ୍ନାଥଧର୍ମ ପ୍ରତିପାଳନ ଅର୍ଥ

Couplet 126

ଦ୍ୱାଦଶସ୍କନ୍ଧ ଭାଗବତଶୁଣିଲେ ହରଇ ଦୁରିତ

Couplet 127

ବଦନେ ସକୃତ ଉଚ୍ଚାରେସେ କୃଷ୍ଣଲାଞ୍ଛନେ ବିହରେ

Couplet 128

କେବେହେଁ ସଂସାରେ ନ ପଡେଏ ଅନୁକ୍ରମେ ମାୟା ଛିଡେ

Couplet 129

ନାମର ମହିମା ଏମନ୍ତଅଜ୍ଞାନେ ନ ଜାଣେ ଜଗତ

Couplet 130

ଶୁଣ ସୁଜନେ ତୋଷମନେଏ ଭାଗବତ ଅନୁଦିନେ

Couplet 131

ବିଷ୍ଣୁ ପୂର୍ବବାଣୀ ନିମିତ୍ତେଧର୍ମ ପରିପାଳନ ଅର୍ଥେ

Couplet 132

ସମ୍ଭବ ଯୁଗେ ଯୁଗେ ହୋଇଧର୍ମ ପ୍ରବର୍ତ୍ତେ ଶିକ୍ଷା ଦେଇ

Couplet 133

ବିଷ୍ଣୁଅଂଶକୁ ପ୍ରାଣୀ ବହିସାଧୁ ବୈଷ୍ଣବ ବିଷ୍ଣୁଦେହୀ

Couplet 134

ଶ୍ରୀଧର ନାମେ ବିପ୍ରବରକଳିଯୁଗରେ ଜନ୍ମ ତାର

Couplet 135

ସେ ବିପ୍ର ଅତି ବିଚକ୍ଷଣସଂସ୍କାର ଟୀକାରେ ନିପୁଣ

Couplet 136

ଶ୍ରୀଭାଗବତ ଏ ପୁରାଣଅଠରସହସ୍ର ଶ୍ଳୋକେଣ

Couplet 137

ତା ଟୀକା ଚଉବିଂଶସସ୍ରକରଇ ଶ୍ରୀଧର ପ୍ରକାଶ

Couplet 138

ବିପ୍ରକୁଳରେ ଜନ୍ମ ହୋଇସେ ଜଗନ୍ନାଥ ନାମ ବହି

Couplet 139

ପ୍ରାକୃତବନ୍ଧେ ଭାଗବତକହିଲେ ସନ୍ଥଜନ ହିତ

Couplet 140

ସୁଜନେ ଦୋଷ ମୋ ନ ଧରଅଶେଷ ମହିମା କୃଷ୍ଣର

Couplet 141

ତାଙ୍କର ଗୁଣ କର୍ମ ଯଶପୁରାଣ କଲେ ଗୀତରସ

Couplet 142

ସାଧୁଚରଣରେଣୁ ଆଶେସୁଚିତ୍ତେ ଅନୁକ୍ଷଣେ ଘୋଷେ

Couplet 143

ଶ୍ରୀଜଗନ୍ନାଥଙ୍କ ସଙ୍ଗୀତଯା ନାମ ଶିରୀଭାଗବତ

Couplet 144

ତିନିଶତ ଉନତିରିଶଏକାଦଶ ଯାଏଁ ପ୍ରକାଶ

Couplet 145

ଅଧ୍ୟା ନାମେଣ ଯେ ବିଶେଷଶ୍ରୀଭାଗବତ ଗୀତରସ

Couplet 146

ଏଣୁ ଚିତ୍ତ ବୋଧିବା ଅର୍ଥେଦ୍ୱାଦଶସ୍କନ୍ଧ ଶ୍ରୁତିପଥେ

Couplet 147

ବିପ୍ରଙ୍କଠାରୁ ଶୁଣି ମନେଚିତ୍ତୋଇ କଲଇଁ ଲେଖନେ

Couplet 148

ଯେଣୁ ସେ ଗୀତରେ ବିଶୁଦ୍ଧଜଗନ୍ନାଥ ନାମ ପ୍ରସିଦ୍ଧ

Couplet 149

ତେଣୁ ତାଙ୍କ ନାମ ବଖାଣସେ ଯେ ମହତ ମହାଜନ

Couplet 150

ସେ ବିପ୍ର ଜାଣି କୃଷ୍ଣରସପୁରାଣ ଗୀତରେ ପ୍ରକାଶ

Couplet 151

ଜଗତ ଉଦ୍ଧାର ନିମନ୍ତେରଚିଲେ ଶିରୀଭାଗବତେ

Couplet 152

ତାଙ୍କ ଚରଣେ ତେଣୁ ମନସୁଜନେ ଦୋଷ ମୋ ନ ଘେନ

Couplet 153

ଆଶା ମୋ ସାଧୁଙ୍କ ଚରଣଶରଣ ମହାଦେବ ହୀନ

Couplet 154

ସୁଜନେ ଦୋଷ ନ ଧରିବବିଷ୍ଣୁମହିମା ଅନୁଭବ

Couplet 155

ପ୍ରାକୃତ ସଂସ୍କାର ହିଁ ନାହିଁଭକତଭାବେ ବଶ ହୋଇ

Couplet 156

ଆଗମ ନିଗମ ପୁରାଣେଧ୍ୟାନ ସମାଧି ତତ୍ତ୍ୱଜ୍ଞାନେ

Couplet 157

ଖୋଜି ନ ପାନ୍ତି ତାଙ୍କ ଲେଶକିଞ୍ଚିତ ଭାବେ ପରକାଶ

Couplet 158

ଶାମୁକୁଁ ମୁକୁତା ଯେସନପ୍ରାକୃତ ତେଜି ତତ୍ତ୍ୱ ଘେନ

Couplet 159

ବ୍ୟାଧ ଗଣିକା ଅଜାମିଳେତାଙ୍କ ଭାବ ଘେନି ତରିଲେ

Couplet 160

ପୂତନା ଆଦି ପାପୀ ଯେତେତରିଲେ ତାଙ୍କୁ ଭାବି ନିତ୍ୟେ

Couplet 161

ଗୋପୀଙ୍କ ସଙ୍ଗେ ଲମ୍ପଟରେକେଳି ଯେ ବୃନ୍ଦାବନେ କଲେ

Couplet 162

ଗୋପୀଏ କାମଭାବେ ତରିକୃଷ୍ଣଙ୍କୁ କାନ୍ତଭାବେ ବରି

Couplet 163

ଏ ଗୁଣ ଘୋଷି ପ୍ରାଣୀ ତରିଏମନ୍ତ ମହିମା ଯେ ହରି

Couplet 164

ଶିଶୁପାଳ ଯେ ଦୁର୍ଯ୍ୟୋଧନକଂସାଦି ଅଷ୍ଟମଲ୍ଲମାନ

Couplet 165

ଏ ଆଦି ଯେତେ ଶତ୍ରୁଗଣେହିଂସା ବହିଣ ନିତ୍ୟେ ମନେ

Couplet 166

ସାଯୁଜ୍ୟ ମୁକ୍ତି ଯେ ପାଇଲେସେ ବିଷ୍ଣୁଅଙ୍ଗେ ଲୀନ ହେଲେ

Couplet 167

ଭାବ ଅଭାବ ଯାର ନାହିଁମହିମା ଗୋଚର ନୋହଇ

Couplet 168

ବ୍ରହ୍ମା ଶିବ ଦେବ ଅନନ୍ତସର୍ବଭୂତଆତ୍ମା ଅଚ୍ୟୁତ

Couplet 169

ଏଣୁ ମହିମା ଅନ୍ତ କରିକେ ଜାଣି କହିବ ବିସ୍ତାରି

Couplet 170

ନାମ ମାତ୍ରକ ଯାର ସାରସେ ଜାଣେ ଗତିର ବିଚାର

Couplet 171

ଏ ସୂତ-ଶୌନକ ସମ୍ବାଦଶୁକ ପରୀକ୍ଷଙ୍କ ପ୍ରମୋଦ

Couplet 172

ଦ୍ୱାଦଶସ୍କନ୍ଧ ସମାପତନାମ ଯେ ଶିରୀଭାଗବତ

Couplet 173

ତ୍ରିଦଶଅଧ୍ୟା ହରିଗୁଣଦ୍ୱାଦଶ ହୋଇଲା ସମ୍ପୂର୍ଣ୍ଣ

Couplet 174

ଏ ବାରସ୍କନ୍ଧ ଭାଗବତପୁରାଣ ଅଧ୍ୟାରେ ବିଖ୍ୟାତ

Couplet 175

ତିନିଶତ ବୟାଳିଶେଣବାରସ୍କନ୍ଧ ହୋଏ ସମ୍ପୂର୍ଣ୍ଣ

Couplet 176

କହଇ ଦାସ ଜଗନ୍ନାଥକୃଷ୍ଣ ଚରଣେ ଦେଇ ଚିତ୍ତ

Couplet 177

ଦ୍ୱାଦଶସ୍କନ୍ଧେ ହରିଲୀଳାଭବସିନ୍ଧୁ ତରଣେ ଭେଳା